Asif Ali: അഭിപ്രായസ്വാതന്ത്ര്യം ഉള്ള സർക്കാരാണ് വേണ്ടത്! രമേശ് പിഷാരടി വിളിച്ചാൽ പ്രചാരണത്തിന് ഇറങ്ങും; ആസിഫ് അലി
Asif Ali about Ramesh Pisharady: അഭിപ്രായ സ്വാതന്ത്ര്യം നൽകുന്ന ഒരു സർക്കാർ വേണമെന്നാണ് താൻ ആഗ്രഹിക്കുന്നതെന്നും നടൻ പറഞ്ഞു. കൂടാതെ രമേശ് പിഷാരടിയുടെ വ്യക്തിപരമായ കഴിവിനെക്കുറിച്ച് തനിക്ക് അറിയാമെന്നും, രമേശ് പിഷാരടി വിളിക്കുകയാണെങ്കിൽ താൻ പാലക്കാട് പ്രചാരണത്തിനായി പോകുമെന്നും അദ്ദേഹം പറഞ്ഞു. കൂടാതെ രമേശിന് രാഷ്ട്രീയമായി എത്രത്തോളം കഴിവുണ്ടെന്ന് കാത്തിരുന്നു കാണണമെന്നും ആസിഫ്.....
മത്സരിക്കുന്ന സ്ഥാനാർത്ഥികളുടെ കഴിവ് നോക്കിയാണ് വോട്ട് രേഖപ്പെടുത്തേണ്ടതെന്ന് നടൻ ആസിഫ് അലി. അഭിപ്രായ സ്വാതന്ത്ര്യം നൽകുന്ന ഒരു സർക്കാർ വേണമെന്നാണ് താൻ ആഗ്രഹിക്കുന്നതെന്നും നടൻ പറഞ്ഞു. കൂടാതെ രമേശ് പിഷാരടിയുടെ വ്യക്തിപരമായ കഴിവിനെക്കുറിച്ച് തനിക്ക് അറിയാമെന്നും, രമേശ് പിഷാരടി വിളിക്കുകയാണെങ്കിൽ താൻ പാലക്കാട് പ്രചാരണത്തിനായി പോകുമെന്നും അദ്ദേഹം പറഞ്ഞു. കൂടാതെ രമേശിന് രാഷ്ട്രീയമായി എത്രത്തോളം കഴിവുണ്ടെന്ന് കാത്തിരുന്നു കാണണമെന്നും ആസിഫ്.
അതേസമയം താൻ മമ്മൂട്ടിയുടെ അനുഗ്രഹം വാങ്ങിയിട്ടുണ്ടെന്ന് രമേശ് പിഷാരടി പ്രതികരിച്ചിരുന്നു. മമ്മൂക്കയുടെ അനുഗ്രഹം വാങ്ങിയാണ് പാലക്കാട് മത്സരത്തിനായി ഇറങ്ങുന്നത് എന്നും മത്സരിച്ച് വിജയിക്കുകയാണെങ്കിൽ മമ്മൂട്ടിയെ പാലക്കാട് എത്തിക്കും എന്നും രമേശ് പിഷാരടി പ്രതികരിച്ചു. കൂടാതെ താൻ ആരെയും നിർബന്ധിച്ച മത്സരത്തിനിറക്കില്ല എന്നും രമേശ് പിഷാരടി.
പാലക്കാട്ടുകാർക്ക് തന്നെ പ്രത്യേകമായി പരിചയപ്പെടുത്തേണ്ട കാര്യമില്ല, മാത്രമല്ല ഷാഫി പറമ്പിലും രാഹുൽ മാങ്കൂട്ടത്തിലും ചെയ്തുവച്ച നല്ല കാര്യങ്ങളുടെ തുടർച്ച എന്ത് തന്നെയായാലും താൻ വിജയിച്ചാൽ ഉണ്ടാകുമെന്നും രമേശ് പറഞ്ഞിരുന്നു.കൂടാതെ രാഹുലുമായി ബന്ധപ്പെട്ട വിവാദങ്ങൾക്കും രമേശ് പിഷാരടി മറുപടി നൽകി. തന്നോട് ചോദ്യം ഉയർന്ന സമയത്ത് രാഹുലിനെതിരെ പരാതികൾ ഉണ്ടായിരുന്നില്ല. രാഹുൽ മാങ്കൂട്ടലുമായി ബന്ധപ്പെട്ട എല്ലാ കേസുകളും കോടതിയുടെ പരിഗണയിലാണ് ഇരിക്കുന്നത്. അത് അപ്പോൾ കാണാം എന്നും രമേശ് പിഷാരടി പറഞ്ഞിരുന്നു.
