Tiger Shroff: ടൈഗർ ഷ്റോഫിന് നേരെ വെടിവെയ്പ്പ്, ഡ്രൈവർക്ക് പരിക്കേറ്റു, പിന്നിൽ ബിഷ്ണോയ് സംഘം ?

മുംബൈ: പ്രമുഖ ബോളിവുഡ് താരം ടൈഗർ ഷ്റോഫിന് നേരെ മുംബൈയിൽ വെടിവെപ്പ്. ജുഹുവിൽ വച്ചാണ് താരം സഞ്ചരിച്ച കാരണനേ അക്രമികളുടെ വെടിവെപ്പ് ഉണ്ടായത്. ആക്രമണത്തിൽ ടൈഗർ ഷ്റോഫിന്റെ ഡ്രൈവർക്കും തൊട്ടടുത്തുണ്ടായിരുന്ന ഓട്ടോറിക്ഷ ഡ്രൈവർക്കും പരിക്കേറ്റു. എന്നാൽ ടൈഗർ ഷ്റോഫ് പരിക്കുകൾ ഒന്നു മേൽക്കാതെ ആക്രമണത്തിൽ നിന്ന് രക്ഷപ്പെട്ടു. താരം സുരക്ഷിതനാണ് എന്ന് അധികൃതർ വ്യക്തമാക്കിയിട്ടുണ്ട്. ബൈക്കിൽ എത്തിയ സംഘമാണ് വെടിയുതിർത്തത് എന്നാണ് റിപ്പോർട്ടുകൾ. ഫുട്ബോൾ മൈതാനത്തു നിന്ന് തിരികെ വരുമ്പോഴാണ് ആക്രമണം ഉണ്ടായത് എന്നാണ് വിവരം.

സംഭവത്തിന് പിന്നാലെ ലോറൻസ് ബിഷ്ണോയി സംഘത്തിൽപ്പെട്ട ആളാണ് എന്ന് അവകാശപ്പെടുന്ന ഒരു വ്യക്തിയുടെ വീഡിയോയും പുറത്തുവന്നിട്ടുണ്ട്. ടൈഗർ ഷ്റോഫ് തങ്ങളുടെ നിർദ്ദേശങ്ങൾ അനുസരിച്ചില്ല എന്നും സൽമാൻ ഖാനുമായി സൗഹൃദം ഉള്ളതിനാൽ താരത്തെ ഹിറ്റ് ലിസ്റ്റിൽ ഉൾപ്പെടുത്തിയിട്ടുണ്ട് എന്നും വീഡിയോയിൽ ഇയാൾ പറയുന്നുണ്ട്. നിലവിൽ ഗുജറാത്തിലെ ജയിലിൽ കഴിയുന്ന ലോറൻസ് ബിഷ്ണോയി സൽമാൻ ഖാനെ വധിക്കുമെന്ന് നിരവധി തവണ ഭീഷണി മുഴക്കിയിട്ടുണ്ട്.

മുതിർന്ന ബോളിവുഡ് നടൻ ജാക്കി ഷ്റോഫിന്റെ മകനാണ് ടൈഗർ ഷ്റോഫ്. ആക്ഷൻ സിനിമകളിലൂടെ കുറഞ്ഞ കാലം കൊണ്ട് തന്നെ പ്രേക്ഷകരുടെ മനസ്സിൽ ഇടം നേടിയ താരമാണ് ടൈഗർ. 2014 ലാണ് ടൈഗർ ഷ്റോഫ് ബോളിവുഡിൽ അരങ്ങേറ്റം കുറിച്ചത്.