കൊല്ലം ജില്ലയിലെ അഞ്ചലിന് സമീപം പ്രകൃതി ഒരുക്കിയിരിക്കുന്ന മനോഹരമായ ഒരു വിസ്മയമാണ് മരുതിമല. ആകാശത്തിന് താഴെ, മേഘങ്ങൾക്ക് കീഴിലായി നിന്ന് കൊല്ലത്തിൻ്റെ ഭൂപ്രകൃതിയും ഹരിതാഭയും പച്ചപ്പും ആസ്വദിക്കാം മരുതമലയേക്കാൾ ഭം​ഗിയുള്ള സ്ഥലം വേറെയില്ല. സമുദ്രനിരപ്പിൽ നിന്നും ഏകദേശം 1100 അടി ഉയരത്തിലാണ് ഈ മലമുകൾ സ്ഥിതി ചെയ്യുന്നത്.

അതുകൊണ്ട് തന്നെ വേനൽക്കാലത്ത് ഇവിടേക്കുള്ള സഞ്ചാരികളുടെ തിരക്കും കുറവല്ല. വേനലിലും ഇവിടെ ഒരു പ്രത്യേക കാലാവസ്ഥയാണ്. തണുപ്പും ചില സമയങ്ങളിൽ കോടയും ഇവിടെ കാണാൻ സാധിക്കുന്നതാണ്. നഗരത്തിലെ തിരക്കുകളിൽ നിന്നും ചൂടിൽ നിന്നും മാറി അല്പനേരം കുളിർ കാറ്റേറ്റ് ഇരിക്കാൻ ആ​ഗ്രഹിക്കുന്നവർക്ക് നേരെ മരുതമലയിലേക്ക് പോകാവുന്നതാണ്.

ALSO READ: മൂന്നാറിൽ നിന്ന് മംഗളദേവി മലകയറാം: കർശന നിയന്ത്രണങ്ങൾ, സമയവും റൂട്ടും അറിയാം

മരുതിമലയിലെ പ്രധാനികൾ

ട്രക്കിംഗ് ‌‌: കല്ലുപാകിയ നടപ്പാതയിലൂടെയുള്ള ട്രക്കിംഗ് ആണ് മലമുകളിലേക്കുള്ള യാത്രയുടെ പ്രധാന ആകർഷണമായി സഞ്ചാരികൾ കാണുന്നത്. ഏകദേശം ഒരു കിലോമീറ്ററോളം താഴെ നിന്ന് മുകളിലേക്ക് നടക്കാനുണ്ട്. പ്രായമായവർക്കും കുട്ടികൾക്കും കയറാൻ സാധിക്കുന്ന രീതിയിലാണ് പാത സജ്ജമാക്കിയിരിക്കുന്നത്. അതിനാൽ ആർക്കും ഇവിടേക്ക് പോകാവുന്നതാണ്.

കുളിർക്കാറ്റും കാഴ്ചയും: മലമുകളിൽ എത്തിയാൽ പിന്നെ നിങ്ങൾ കാണുന്നത് പ്രകൃതിയുടെ വശ്യതയാണ്. തണുത്ത കാറ്റും താഴെ അഞ്ചൽ, കൊട്ടാരക്കര തുടങ്ങിയ പ്രദേശങ്ങളുടെ മനോഹരമായ കാഴ്ചയും മറ്റൊരു ഭം​ഗിയാണ്. കൂടാതെ ഇപ്പോഴത്തെ വേനൽച്ചൂടിനെ മറക്കാൻ ഇവിടുത്തെ ഈ കാറ്റ് മാത്രം മതിയാകും.

നക്ഷത്രവനം: പ്രവേശന കവാടത്തിന് സമീപം വനംവകുപ്പ് ഒരുക്കിയിരിക്കുന്ന നക്ഷത്രവനം എന്നൊരു സൃഷ്ടിയുണ്ട്. ഇവിടെ പ്രകൃതിസ്നേഹികൾക്ക് എന്തുകൊണ്ടും ഇഷ്ടപ്പെടുന്ന ഒരു സ്ഥലമാണ്. കൂടാതെ കുടുംബത്തോടൊപ്പം എത്തുന്നവർക്കായി ചെറിയൊരു പാർക്കും ഇവിടെ ഒരുക്കിയിട്ടുണ്ട്. കുട്ടികൾക്ക് തീർച്ചയായും ഇഷ്ടപ്പെടുന്ന രീതിയിലാണ് ഇതിൻ്റെ സജ്ജീകരണം.

പാറകൾ ചേരുന്ന മരുതുംപാറ

കസ്തൂരി പാറ, ഭഗവാൻ പാറ, കാറ്റാടി പാറ എന്നീ മൂന്ന് വലിയ പാറകൾ ചേരുന്ന മരുതുംപാറ അതിമനോഹരമായ കാഴ്ചകയാണ് സഞ്ചാരികൾക്ക് നൽകുന്നത്. അറപ്പത്തായം, വസൂരപ്പാറ, പുലിച്ചാൺ എന്നും ഇവിടുത്തെ പാറകൾക്ക് പേരുണ്ട്. പാറക്കെട്ടുകൾക്ക് മുകളിലെ വറ്റാത്ത കുളങ്ങളാണ് ഇവിടുത്തെ മറ്റൊരു ആകർഷണം. കുടുംബത്തോടൊപ്പം സുരക്ഷിതമായി യാത്ര ചെയ്യാം എന്നതാണ് ഇവിടേക്ക് കൂടുതൽ സഞ്ചാരികളെ ഈ വേനൽക്കാലത്ത് ആകർഷിക്കുന്നത്. 25 ഏക്കർ സ്ഥലത്തായി വിശാലമായി കിടക്കുന്ന പാറപ്പുറം എത്രപേർക്ക് വേണമെങ്കിലും ഒരേ സമയം നിൽക്കാനാകും.

സന്ദർശകർ ശ്രദ്ധിക്കേണ്ടത്

രാവിലെ 8:30 മുതൽ വൈകുന്നേരം 4:30 വരെ മാത്രമാണ് മരുതമലയിലേക്കുള്ള പ്രവേശനം.

മുതിർന്നവർക്കും കുട്ടികൾക്കും മിതമായ നിരക്കിൽ ടിക്കറ്റുകൾ ഇവിടെ ലഭ്യമാണ്. ടിക്കറ്റ് കൗണ്ടർ പ്രവേശന കവാടത്തിൽ തന്നെയുണ്ട്.

മലമുകളിൽ ഭക്ഷണങ്ങൾ ലഭ്യമല്ല. അതിനാൽ ലഘുഭക്ഷണങ്ങളും ആവശ്യത്തിനുള്ള വെള്ളവും കൈയ്യിൽ കരുതാം.

‌പ്ലാസ്റ്റിക് കവറുകളും കുപ്പികളും മലയുടെ മുകളിൽ ഉപേക്ഷിക്കരുത്.

വേനലായതിനാൽ കഴിവതും രാവിലെ തന്നെ എത്താൻ ശ്രമിക്കുക. 11 മണിക്ക് ശേഷം ട്രക്കിംഗ് നടത്തുന്നത് കഠിനമാമാണ്. അല്ലെങ്കിൽ വൈകുന്നേരം മൂന്ന് മണിക്ക് ശേഷം പോകുന്നതും ഉചിതമാണ്.

എങ്ങനെ എത്തിച്ചേരാം?

കൊല്ലം അഞ്ചലിൽ നിന്ന് ഏകദേശം ആറ് കിലോമീറ്റർ സഞ്ചരിച്ചാൽ ഇവിടേക്ക് എത്തിച്ചേരാവുന്നതാണ്. കൊട്ടാരക്കരയിൽ നിന്നാണെങ്കിൽ ഏകദേശം 18 കിലോമീറ്റർ ദൂരം ഇവിടേക്കുണ്ട്. കൊല്ലത്ത് നിന്ന് 45 കിലോമീറ്ററാണ് ദുരം. തിരുവനന്തപുരത്ത് നിന്ന് വരുന്നവർ കൊട്ടാരക്കര വഴി പോകുന്നതാണ് നല്ലത്. സമയവും കാലാവസ്ഥയും അധികൃതരുടെ നിർദ്ദേശവും യാത്രയ്ക്ക് മുമ്പ് ശ്രദ്ധിക്കുക.

English Summary:

Are you looking for a summer getaway, yes Kollam Maruthimala Ecotourism is the perfect spot for travellers. Rising 1,200 feet above sea level, This hill station is a hidden gem for trekkers and nature lovers. Read the best time to visit and how to reach this place.

വിശ്വാസികളെയും വിനോദസഞ്ചാരികളെയും ഒരുപോലെ ആകർഷിക്കുന്ന സ്ഥലമാണ് ഇടുക്കിയിലെ മം​ഗളദേവി ക്ഷേത്രം. പെരിയാർ കടുവാ സങ്കേതത്തിനുള്ളിൽ സ്ഥിതി ചെയ്യുന്ന മംഗളാദേവി ക്ഷേത്രത്തിലെ ചിത്രാപൗർണമി ഉത്സവം ഇതാ അടുത്തെത്തിയിരിക്കുന്നു. ഇത്തവണ മെയ് ഒന്നിനാണ് തമിഴ്നാടും കേരളവും ഒന്നിച്ച് നടത്തുന്ന ഈ ഉത്സവം അരങ്ങേറുന്നത്. വർഷത്തിൽ ഒരിക്കൽ മാത്രം പ്രവേശനം അനുവദിക്കുന്ന കണ്ണകി ദേവിയുടെ ക്ഷേത്രമാണിത്. ഇത്തവണ മം​ഗളദേവി ക്ഷേത്രത്തിലേക്ക് പോകാൻ ആ​ഗ്രഹിക്കുന്ന വിശ്വാസികളും സഞ്ചാരികളും അറിഞ്ഞിരിക്കേണ്ട പ്രധാന വിവരങ്ങൾ എന്തെല്ലാമെന്ന് അറിയാം.

സമയവും റൂട്ടും

ഇത്തവണത്തെ മം​ഗളദേവി യാത്ര ആരംഭിക്കുന്നത് മെയ് ഒന്നിനാണ്. രാവിലെ ആറ് മണി മുതൽ വിശ്വാസികൾക്കും ട്രെക്കിങ് ഇഷ്ടപ്പെടുന്നവർക്കും ഇവിടേക്കുള്ള പ്രവേശനം അനുവദിക്കും. സാധാരണയായി വൈകിട്ട് നാല് മണി വരെയാണ് ഈ പ്രവേശനമുള്ളത്. എന്നാൽ കാലാവസ്ഥയിലെ മാറ്റങ്ങൾ അനുസരിച്ച് ഈ സമയത്തിന് മാറ്റമുണ്ടായേക്കാം. ഇത്തവണ 2.30 ന് വനമേഖലയിലേക്കുള്ള പ്രവേശനം പൂർണമായും തടയുന്നതാണ്. കൂടാതെ എല്ലാ ഭക്തരും ദർശനത്തിനുശേഷം വൈകുന്നേരം അഞ്ച് മണിക്ക് മുമ്പായി പുറത്തിറങ്ങുകയും വേണം.

ALSO READ: പൊള്ളുന്ന ചൂടിൽ യാത്ര പ്ലാൻ ചെയ്യുന്നുണ്ടോ?; സുരക്ഷിതമായ വേനൽക്കാല യാത്രയ്ക്ക് ഇക്കാര്യം അറിയുക

രാത്രി വനത്തിനുള്ളിലുള്ള താമസം കർശനമായി നിരോധിച്ചിരിക്കുന്നു. കുമളി ബസ് സ്റ്റാൻഡിൽ നിന്ന് ട്രിപ്പ് ജീപ്പുകൾ മം​ഗളദേവി ചിത്രപൗർണമി ഉത്സവത്തോട് അനുബന്ധിച്ച് സർവീസ് നടത്തുന്നുണ്ട്. രാവിലെ 5.30 നും ഉച്ചയ്ക്ക് 1.45 നും ഇടയിൽ മാത്രമാണ് ഈ യാത്രാ സൗകര്യം ലഭ്യമാകുകയുുള്ളൂ. ഒരു വശത്തേക്കുള്ള യാത്രയ്ക്ക് മാത്രം 200 രൂപയാണ് ജീപ്പുകൾ നിരക്ക് ഈടാക്കുക. ഇരുചക്ര വാഹനങ്ങളും സ്വകാര്യ വാഹനങ്ങൾക്കും വനമേഖലയിലേക്ക് പ്രവേശിക്കാൻ യാതൊരു അനുവാദവും ഉണ്ടാകില്ല. കർശനമായ നിയന്ത്രമങ്ങളോടെയാണ് ഇത്തവണ യാത്ര സജ്ജമാക്കിയിരിക്കുന്നത്.

പ്രവേശന, എക്സിറ്റ് റൂട്ടുകളിലെ മാറ്റങ്ങൾ

ഈ വർഷം ഗതാഗതത്തിൽ വളരെയധികം മാറ്റങ്ങൾ അധികൃതർ കൊണ്ടുവന്നിട്ടുണ്ട്. കഴിഞ്ഞ വർഷം എക്സിറ്റ് ആയി ഉപയോഗിച്ചിരുന്ന വഴി ഇനി പ്രവേശന വഴിയായി മാറ്റും. തിരക്ക് പരി​ഗണിച്ച് അത് തടയാൻ ക്യൂ ഉൾപ്പെടെയുള്ള സംവിധാനങ്ങൾ ഏർപ്പെടുത്തും. ക്ഷേത്ര പരിസരത്തിന് പുറത്ത് പാദരക്ഷകൾ സൂക്ഷിക്കൽ, ഭക്ഷണ വിതരണം, കുടിവെള്ളം തുടങ്ങിയ സൗകര്യങ്ങൾ വിശ്വാസികൾക്കായി ഒരുക്കിയിട്ടുണ്ടാകും. അടിയന്തര പരിചരണം നൽകുന്നതിനായി കേരളത്തിൽ നിന്നും തമിഴ്‌നാട്ടിൽ നിന്നുമുള്ള മെഡിക്കൽ സംഘങ്ങളെ സ്ഥലത്ത് നിയോഗിക്കും. മതിയായ ടോയ്‌ലറ്റ് സൗകര്യങ്ങളും ലഭ്യമാകും. വനമേഖലയിലും ക്ഷേത്ര പരിസരത്തും നൃത്ത പ്രകടനങ്ങളും ഏതെങ്കിലും ഭാഷയിലുള്ള പരസ്യ സാമഗ്രികളുടെ പ്രദർശനമോ വിതരണമോ അധികൃതർ പൂർണമായും നിരോധിച്ചിട്ടുണ്ട്.

കർശന നിയന്ത്രണങ്ങൾ

• അഞ്ച് ലിറ്ററിൽ താഴെയുള്ള പ്ലാസ്റ്റിക് കുപ്പികൾ, പ്ലാസ്റ്റിക് കവറുകൾ, അലുമിനിയം ഫോയിൽ എന്നിവ വനത്തിനുള്ളിൽ കൊണ്ടുപോകുന്നത് നിരോധിച്ചിരിക്കുന്നു.
• വാഴയിലയിൽ പൊതിഞ്ഞ ഭക്ഷണം കൊണ്ടുപോകാൻ ഭക്തർക്ക് അനുവാദമുണ്ട്. സസ്യാഹാരം മാത്രമേ ഇവിടേക്ക് അനുവദിക്കൂ.
• മദ്യവും മയക്കുമരുന്ന് വസ്തുക്കളും കർശനമായി നിരോധിച്ചിരിക്കുന്നു. വനത്തിനുള്ളിൽ പാചകം ചെയ്യുന്നതും പടക്കങ്ങൾ പൊട്ടിക്കുന്നതും അനുവദനീയമല്ല.
• ഫോട്ടോഗ്രാഫിയും വീഡിയോഗ്രാഫിയും നിരോധിച്ചിരിക്കുന്നു, ഡ്രോണുകളുടെ ഉപയോഗവും ശിക്ഷാർഹമാണ്. ഉച്ചഭാഷിണികൾ, ആംപ്ലിഫയറുകൾ, മറ്റ് ശബ്ദമുണ്ടാക്കുന്ന ഉപകരണങ്ങൾ എന്നിവയും നിരോധിച്ചിരിക്കുന്നു.
• ഭക്തർ തീ പിടിക്കാൻ സാധ്യതയുള്ള വസ്തുക്കൾ കൊണ്ടുവരരുതെന്നും വളർത്തുമൃഗങ്ങളെ വനപ്രദേശത്തേക്ക് അനുവദിക്കരുതെന്നും നിർദ്ദേശമുണ്ട്.

മംഗളാദേവി വനയാത്രയുടെ പ്രത്യേകത

മധുരാ നഗരം ദഹിപ്പിച്ച ശേഷം കണ്ണകി ഇവിടെ വെച്ചാണ് സ്വർഗ്ഗാരോഹണം ചെയ്തതെന്നാണ് വിശ്വാസകൾക്കിടയിലെ പുരാതന ഐതിഹ്യം. ക്ഷേത്രത്തിന് ഏകദേശം 2000 വർഷത്തോളം പഴക്കമുള്ളതായി പറയപ്പെടുന്നു. വർഷത്തിൽ ഒരിക്കൽ മാത്രം തുറക്കുന്നതിനാൽ അന്നേ ദിവസം തമിഴ്‌നാട്ടിൽ നിന്നും കേരളത്തിലെ വിവിധ ജില്ലകളിൽ നിന്നും ധാരാളം ഭക്തർ ഇവിടെയെത്താറുണ്ട്. കുമളിയിൽ നിന്ന് ഏകദേശം 12 കിലോമീറ്ററാണ് ഇവിടേക്കുള്ള ദുരം. 12 കിലോമീറ്റർ കൊടുംവനത്തിലൂടെ ഓഫ്-റോഡ് ജീപ്പ് യാത്രയും ഉണ്ട്.

വനംവകുപ്പ് അനുവദിച്ചിട്ടുള്ള ടാക്സി ജീപ്പുകളിലാണ് ക്ഷേത്രത്തിലേക്ക് എത്തിച്ചേരേണ്ടത്. സമുദ്രനിരപ്പിൽ നിന്നും ഏകദേശം 1337 മീറ്റർ ഉയരത്തിൽ, പശ്ചിമഘട്ടത്തിൻ്റെ മുകളിലായാണ് മംഗളാദേവി ക്ഷേത്രം സ്ഥിതി ചെയ്യുന്നത്. കരിങ്കല്ലുകൾ ചതുരക്കഷണങ്ങളാക്കി അടുക്കിവച്ചിട്ടുള്ള പുരാതന നിർമ്മാണ ശൈലിയിലൂടെയാണ് ക്ഷേത്രം പണികഴിപ്പിച്ചിരിക്കുന്നത്.

English Summary:

The Mangala Devi Chitra Pournami Festival is a rare and beautifull event held by Kerala And Tamil Nadu Government. This Temple located deep within the Periyar Tiger Reserve. Speciality of the temple is open to the public for just one day a year.Devotees And Tourists Are Get Most Loved Trekking Experience From Here.

കേരളത്തിലെന്നല്ല രാജ്യത്താകെ ചൂട് സർവകാല റെക്കോർഡുകൾ ഭേദിക്കുന്ന സാഹചര്യമാണ് നിലവിലുള്ളത്. കുട്ടികൾക്ക് പരീക്ഷ കഴിഞ്ഞ് അവധിയായതിനാൽ യാത്രകൾ പോകാൻ തയ്യാറെടുക്കുകയാണ് മിക്ക കുടുംബങ്ങളും. എന്നാൽ ഈ കൊടും വേനലിൽ നിങ്ങൾ എവിടേക്ക് യാത്ര പോയാലും ആരോ​ഗ്യവുമായി ബന്ധപ്പെട്ട് ശ്രദ്ധിക്കേണ്ട നിരവധി കാര്യങ്ങളുണ്ട്. 40 ഡിഗ്രിക്ക് മുകളിൽ താപനില ഉയരുന്ന സാഹചര്യത്തിൽ ഒരു ചെറിയ അശ്രദ്ധ പോലും ആരോ​ഗ്യത്തെ വളരെയധികം ബാധിച്ചേക്കാം. പ്രത്യേകിച്ച് കുട്ടികളെയും പ്രായമായവരെയും. സുരക്ഷിതമായി കുടുംബത്തോടൊപ്പം യാത്ര ആസ്വദിക്കാൻ പറ്റുന്ന ചില മുൻകരുതലുകൾ ഇതാ.

യാത്രാ സമയം ശ്രദ്ധിക്കണം

നിങ്ങൾ എപ്പോഴാണ് യാത്ര പോകുന്നത് എന്നത് വളരെ പ്രധാനപ്പെട്ട കാര്യമാണ്. രാവിലെ 11 മുതൽ ഉച്ചയ്ക്ക് മൂന്ന് മണിവരെയുള്ള സമയത്തെ വെയിൽ നേരിട്ട് ഏൽക്കുന്നത് ഒഴിവാക്കുന്നത് വളെരയധികം ശ്രദ്ധിക്കണം. കഴിവതും രാവിലെ ആറ് മണിക്ക് മുൻപ് യാത്ര ആരംഭിച്ച് 10 മണിയോടെ നിങ്ങൾ ആ​ഗ്രഹിക്കുന്ന സ്ഥലത്ത് എത്തിച്ചേരാൻ ശ്രമിക്കുക. ശേഷം വൈകുന്നേരം അഞ്ച് മണി കഴിഞ്ഞ് പുറത്തുള്ള കാഴ്ചകൾ കാണാൻ സമയം കണ്ടെത്താവുന്നതാണ്. നല്ല വെയിലുള്ള സമയത്ത് തണലുള്ള സ്ഥലങ്ങൾ മാത്രം തിരഞ്ഞെടുക്കുക.

ALSO READ: നട്ടുച്ചയ്ക്കും കോടയിറങ്ങുന്ന താഴ്വരകൾ, കൊടുംചൂടിൽ നിന്ന് രക്ഷപ്പെടണോ?; നേരെ ഇങ്ങോട്ട് വിട്ടോ

ഹൈഡ്രേഷൻ പ്രധാനം

യാത്ര പോകുമ്പോൾ വഴിയരികിൽ ധാരാളം മധുരപാനീയങ്ങളും മറ്റും വാങ്ങി കുടിക്കുന്നത് ഒഴിവാക്കുക. ഇവയെല്ലാം നിർജ്ജലീകരണത്തിന് കാരണമാകുന്നവയാണ്. അതിന് പകരമായി, നിങ്ങൾക്ക് ചെറുചൂടുള്ള വെള്ളം കൈയ്യിൽ കരുതാം. കൂടാതെ ഇളനീർ കുടിക്കുന്നതും വളരെ നല്ലതാണ്. ദാഹം തോന്നുമ്പോൾ മാത്രം വെള്ളം കുടിക്കുന്ന ശീലം ഒഴിവാക്കുക. ഒരാൾക്ക് കുറഞ്ഞത് 2 ലിറ്റർ വെള്ളമെങ്കിലും കൈയ്യിൽ കരുതേണ്ടതാണ്. യാത്രാമധ്യേ വറുത്തതും പൊരിച്ചതുമായ പലഹാരങ്ങൾക്ക് പകരം ജലാംശം കൂടതലുള്ള ഭക്ഷണങ്ങൾ കഴിക്കുക. കൂട്ടികൾ കൃത്യമായി വെള്ളം കുടിക്കുന്നുണ്ടെന്ന് ഉറപ്പാക്കുക.

വസ്ത്രധാരണം

വസ്ത്രധാരണം ഭക്ഷണവും വെള്ളവും പോലെ വളരെ പ്രധാനമാണ്. വസ്ത്രത്തിലെ മാറ്റം ശരീരതാപനില കുറയ്ക്കാൻ സഹായിക്കും. കറുത്ത നിറത്തിലുള്ള ഒരു വസ്ത്രവും ചൂടുള്ള സമയത്ത് ഉപയോ​ഗിക്കാതിരിക്കുക. പകരം വളരെയധികം അയഞ്ഞ കോട്ടൺ വസ്ത്രങ്ങൾ മാത്രം ധരിച്ച് പുറത്തേക്ക് പോവുക. അതുപോലെ പുറത്തിറങ്ങുമ്പോൾ കുടയോ തൊപ്പിയോ കയ്യിൽ കരുതേണ്ടതാണ്.

വാഹനങ്ങൾ ശ്രദ്ധിക്കുക

ചൂടുള്ളപ്പോൾ പൊള്ളുന്ന ടാർ റോഡിലൂടെ യാത്ര നടത്തുമ്പോൾ വാഹനങ്ങൾക്കും പ്രത്യേക പരിചരണം ആവശ്യമാണ്. കടുത്ത ചൂടിൽ ടയറിലെ പ്രഷർ കൂടാൻ സാധ്യതയുണ്ട്. ഇത് ടയർ പൊട്ടിത്തെറിക്കാൻ കാരണമായേക്കാം. യാത്രയ്ക്ക് മുൻപ് ടയർ പ്രഷർ കൃത്യമാണെന്ന് ഉറപ്പുവരുത്തുക. അതുപോലെ തന്നെ ദീർഘദൂര യാത്രയാണെങ്കിൽ എൻജിൻ ഓവർഹീറ്റ് ആകുന്നത് തടയാൻ കൂളന്റ് അളവ് പരിശോധിക്കുന്നത് നല്ലതാണ്. കാറിനുള്ളിലെ എസിയും പരിശോധിച്ച് വേണം യാത്ര ആരംഭിക്കാൻ. കൂടാതെ യാത്രയ്ക്കിടെ നിങ്ങൾ എവിടേക്കെങ്കിലും പോകുകയാണെങ്കിൽ കുട്ടികളെയോ മുതിർന്നവരെയോ വാഹനത്തിനുള്ളിൽ ഇരുത്തി പോകരുത്. അവരെ സുരക്ഷിതമായ സ്ഥലത്ത് മാറ്റാൻ ശ്രദ്ധിക്കണം.

വേനലിൽ പോകാൻ പറ്റിയ സ്ഥലങ്ങൾ

വേനൽക്കാലത്തെ കഠിനമായ ചൂടിൽ പോകാൻ പറ്റിയ സ്ഥലങ്ങൾ ഇടുക്കിയിലെ മൂന്നാറോ, വാ​ഗമണ്ണോ അതല്ലെങ്കിൽ വയനാട്ടിലെ ലക്കിടി പോലുള്ള സ്ഥലങ്ങളാണ്. കേരളത്തിലെ സമ്മർ ഡെസ്റ്റിനേഷനുകളിൽ ഒന്നാമനാണ് മൂന്നാർ എന്ന സുന്ദര ​ഗ്രാമം. ഇപ്പോൾ തുറന്നിരിക്കുന്ന ഗ്ലാസ് വാച്ച് ടവർ സന്ദർശിക്കാനും കൊളുക്കുമലയിലെ സൂര്യോദയം കാണാനും പറ്റിയ സമയമാണിത്. പൈൻ മരക്കാടുകളും മൊട്ടക്കുന്നുകളും മഞ്ഞും ആസ്വദിക്കാൻ വാഹമണ്ണിലേക്ക് അതിരാവിലെ പുറപ്പെടാം.

English Summary

Summer Travel Tips : Things to remember when plan trip during summer. When mercury level raise day by day your plans should accordingly. Also find out suitable destinations to visit during this summer.

ചൂട് അസഹനീയമായി തുടരുന്ന ഈ വേനൽക്കാലത്ത് എങ്ങോട്ട് പോകുമെന്ന് ഓർത്ത് നിങ്ങൾ വിഷമിച്ചിരിക്കുകയാണോ? മൂന്നാറും, ഇടുക്കിയും ഊട്ടിയുമെല്ലാം കണ്ട് മടുത്തവർക്ക് ഇപ്പോഴത്തെ ചൂടിനെ മറികടക്കാൻ പോകാൻ പറ്റിയ സ്ഥലം നമ്മുടെ ഈ കൊച്ചു കേരളത്തിൽ തന്നെയുണ്ട്. അത് മറ്റ് ജില്ലകൾ ചൂടിൽ വെന്തുരുകുമ്പോൾ പ്രകൃതി കനിഞ്ഞുനൽകിയ കുളിരുമായി വിനോദ സഞ്ചാരികളെ കാത്തിരിക്കുകയാണ് നമ്മുടെ വയനാട്. നട്ടുച്ചയ്ക്കും കോടമഞ്ഞ് പുതച്ചുനിൽക്കുന്ന മലനിരകളും, തണുത്ത കാറ്റും വയനാടിനെ ഈ വേനൽക്കാലത്തെ ഏറ്റവും മികച്ച ഡെസ്റ്റിനേഷനാക്കി മാറ്റുന്നു.

വേനൽയാത്ര നമ്മുടെ വയനാട്ടിലേക്ക്

ഏപ്രിൽ മെയ് മാതസ്സിൽ എന്തുകൊണ്ടും യാത്രയ്ക്ക് സുഖകരം വയാനാടാണ്. കുട്ടികൾക്ക് സ്കൂൾ അവധിയായതിനാൽ കുടുംബത്തോടൊപ്പം യാത്ര പോകാൻ ആ​ഗ്രഹിക്കുന്നവർക്ക് നേരെ പോകാം ഇവിടേക്ക്. കോഴിക്കോട് നിന്ന് വയനാട്ടിലേക്കുള്ള ചുരം കയറി തുടങ്ങുമ്പോൾ തന്നെ അന്തരീക്ഷത്തിലും കാലാവസ്ഥയിലുമുള്ള മാറ്റം നിങ്ങൾക്ക് അനുഭവപ്പെട്ട് തുടങ്ങും. യാത്ര പോകുന്ന വഴിയിൽ തന്നെ ചില ദിവസങ്ങളിൽ ഉച്ചസമയത്ത് പോലും കോടയിറങ്ങുന്നത് കാണാം.

ALSO READ: മൂന്നാറും വയനാടും ബോറടിച്ചോ… ഇപ്പോ പോയാൽ കോടയും കൊടും തണുപ്പും; പൊന്മുടിയിലേക്ക് വിട്ടോ

പോകുന്ന വഴിയിൽ ‍സൂചിപ്പാറ, മീൻമുട്ടി തുടങ്ങിയ വെള്ളച്ചാട്ടങ്ങളിൽ ഇറങ്ങാനും പാറക്കെട്ടുകളിലൂടെ പതഞ്ഞൊഴുകുന്ന തണുത്ത വെള്ളത്തിൽ അല്പനേരം ചെലവഴിക്കാനും മനസ്സ് ശാന്തമാക്കി വിശ്രമിക്കാനും ഇവിടെ ഇറങ്ങാം. വയനാട്ടിലെ അതിമനോഹരമായ കാപ്പിത്തോട്ടങ്ങൾക്കും തേയിലത്തോട്ടങ്ങൾക്കും ഇടയിലൂടെയുള്ള യാത്ര എത്ര വെയിലാണെങ്കിലും അതിൻ്റെ ചൂടിനെ ഇല്ലാതാക്കാൻ സാധിക്കുന്നതാണ്. വയനാട്ടിലെ ഏറ്റവും തണുപ്പുള്ള ഇടങ്ങളിൽ ഒന്നാണ് ലക്കിടി വ്യൂ പോയിൻ്റ്. അതിരാവിലെ ഇവിടെ എത്തിയാൽ മഞ്ഞുപുതച്ചു നിൽക്കുന്ന മലനിരകൾ കാണാനാകും.

പ്രധാനമായും കാണേണ്ട സ്ഥലങ്ങൾ

പൂക്കോട് തടാകം: മരങ്ങളാൽ ചുറ്റപ്പെട്ട ഈ തടാകത്തിലെ ബോട്ടിംഗാണ് ഏറ്റവും മനോഹരമായിട്ടുള്ളത്. കുടുംബത്തോടൊപ്പം സമയം ചെലവഴിക്കാൻ ഏറ്റവും അനുയോജ്യമായ സ്ഥലമാണിത്. കുട്ടികൾക്ക് ഇവിടുത്തെ ബോട്ടിംങ് വളരെയധികം ഇഷ്ടമാകും.

ബാണാസുര സാഗർ ഡാം: ബാണാസുരയിലെത്തിയാൽ ഇവിടുത്തെ സ്പീഡ് ബോട്ട് യാത്ര വളരെയധികം രസകരമായ ഒരു വിനോദമാണ്. അണക്കെട്ടിന് ചുറ്റുമുള്ള തണുത്ത കാറ്റും കൊണ്ടിരിക്കാൻ ഒരു പ്രത്യേക വൈബാണ്.

കുറുവ ദ്വീപ്: ആർത്തുലച്ച് ഒഴുകുന്ന കബനി നദിയിലെ ചെറുദ്വീപുകളുടെ കൂട്ടമാണ് കുറവ ദ്വീപ്. പുഴയിലൂടെ ചങ്ങാടത്തിൽ യാത്ര ചെയ്യാനും തണുത്തിൽ വെള്ളത്തിലിറങ്ങി കുളിക്കാനും കിട്ടുന്ന നല്ലൊരു അവസരമാണിത്.

എടക്കൽ ​ഗുഹ: അമ്പുകുത്തി മലനിരകളിലുള്ള എടക്കൽ ഗുഹ സ്ഥിതി ചെയ്യുന്നത് കല്പറ്റയിൽനിന്ന് 25 കിലോമീറ്റർ അകലെയാണ്. രണ്ടു കൂറ്റൻ പാറകൾക്ക് മുകളിൽ മറ്റൊരു പാറ നിരങ്ങിവീണു രൂപപ്പെട്ടതാണ് എടക്കൽ ​ഗുഹ.

യാത്രക്കാർ ശ്രദ്ധിക്കാൻ

ചൂട് കൂടുതലായതിനാൽ കയ്യിൽ എപ്പോഴും ആവശ്യത്തിനുള്ള വെള്ളം കരുതാൻ മറക്കരുത്. യാത്ര ചെയ്യുമ്പോൾ നിർജ്ജലീകരണം സംഭവിക്കാൻ സാധ്യതയുള്ളതിനൽ ഇളനീരും നാരങ്ങാവെള്ളവും ധാരാളം കുടിക്കുന്നതാണ് നല്ലത്.

ഏപ്രിൽ മെയ് മാസങ്ങളായതിനാൽ വിനോദസഞ്ചാര കേന്ദ്രങ്ങളിലും താമസ സ്ഥലങ്ങളിലും നല്ല തിരക്ക് അനുഭവപ്പെടാം. താമസത്തിനും മറ്റുമുള്ള സൗകര്യം നേരത്തെ തന്നെ ബുക്ക് ചെയ്യുക.

യാത്ര പോകുമ്പോൾ കനം കുറഞ്ഞ കോട്ടൺ വസ്ത്രങ്ങൾ ധരിക്കാൻ ശ്രദ്ധിക്കുക. ട്രക്കിംഗിന് പോകുന്നവർ നല്ല ഗ്രിപ്പുള്ള ചെരിപ്പുകൾ ഉപയോഗിക്കുക.

വേനൽച്ചൂടിൽ കേരളത്തിൽ എവിടെല്ലാം കത്തിനിന്നാലെ തണുപ്പും മഞ്ഞുമുള്ള സ്ഥലങ്ങൾ ഈ സമയത്തും നമ്മുടെ നാട്ടിലുണ്ട്. അതുകൊണ്ട് തന്നെയാണ് പലരും സമ്മർ സീസണിൽ ഇടുക്കി, മൂന്നാർ, വയനാട് തുടങ്ങിയ സ്ഥലങ്ങൾ യാത്രകൾക്കായി തിരഞ്ഞെടുക്കുന്നതും. എന്നാൽ ഇന്നിവിടെ പറയുന്നത് നിങ്ങൾ കേട്ടുമടുത്ത് ഈ സ്ഥലങ്ങളൊന്നുമല്ല. അനന്തപുരിയുടെ സ്വന്തം ഊട്ടിയെന്നറിയപ്പെടുന്ന പൊന്മുടിയാണ് ഇപ്പോഴത്തെ താരം. അതിരാവിലെ പോയാൽ നല്ല കോടയും കുളിരുള്ള തണുപ്പും അറിഞ്ഞ് വരാൻ ഇതിലും നല്ലൊരു സ്ഥലം വേറെയില്ല.

മൂന്നാറിലെയോ വയനാട്ടിലെയോ തിരക്കില്ലാതെ വീക്കെൻഡ് ആഘോഷിക്കാനും കുടുംബത്തോടൊപ്പം അവധിക്കാലം സുന്ദരമാക്കാനും നേരെ പൊന്മുടിയിലേക്ക് പോകാവുന്നതാണ്. തിരുവനന്തപുരം നഗരത്തിൽ നിന്നും വെറും 55 കിലോമീറ്റർ മാത്രം യാത്ര ചെയ്താൽ നിങ്ങൾക്ക് പൊന്മുടിയിൽ എത്തിച്ചേരാനാകും. വേനലിൽ കോടയിൽ‍ മൂടി നിൽക്കുന്ന പൊന്മുടിയുടെ പ്രകൃതി ഭം​ഗി സമൂഹ മാധ്യമങ്ങളിലടക്കം വൈറലാണ്. റീലുകളും വീഡിയോകളും കണ്ട് ഒരിപാട് ആളുകളാണ് ഇവിടേക്ക് എത്തുന്നത്.

ALSO READ: കൊടുംവനത്തിലെ കണ്ണകി ക്ഷേത്രം; മംഗളാദേവി വനയാത്ര എപ്പോൾ? അറിയേണ്ടത്

വൈറലായി പൊന്മുടിയിലെ കോട

പൊന്മുടിയിലേക്കുള്ള യാത്രയിൽ ആകെ 22 ഹെയർപിൻ വളവുകളാണുള്ളത്. ഓരോ ഹെയർപിൻ കയറുമ്പോഴും കാലാവസ്ഥ മാറുന്നത് നമുക്ക് നേരിട്ട് അറിയാൻ സാധിക്കും. കാലാവസ്ഥയ്ക്ക് അപ്പുറം പച്ചപ്പും പ്രകൃതിയുടെ മനോഹാരിതയും നിങ്ങളെ അത്ഭുതപ്പെടുത്തും. ഡ്രൈവിംഗ് ഇഷ്ടപ്പെടുന്നവർക്ക് ഇവിടേക്കുള്ള യാത്ര ഒരു പ്രത്യേക അനുഭൂതിയാണ്. പൊന്മുടിയിൽ എത്തിയാൽ അങ്ങ് കുന്നിൻ മുകളിലെ പുൽമേടുകളിൽ ഇരിക്കുമ്പോൾ നമ്മെ പൊതിഞ്ഞു നീങ്ങുന്ന കോടമഞ്ഞും അപ്രതീക്ഷിതമായി എത്തുന്ന തണുത്ത മഴയുമാണ് പൊന്മുടിയുടെ ഏറ്റവും വലിയ ആകർഷണം.

സീസൺ സമയങ്ങളിൽ മൂന്നാറിലെപ്പോലെ തന്നെ അതിശക്തമായ കാറ്റും തണുപ്പുമാണ് പൊന്മുടിയിലും അനുഭവപ്പെടുന്നത്. പകൽ സമയം പോലും കോടമഞ്ഞ് കാരണം കാഴ്ചകൾ മങ്ങുന്നത് നേരിട്ടറിയാൻ സാധിക്കും. മറ്റൊരു പ്രത്യേകത എന്തെന്നാൽ വലിയ ചിലവില്ലാതെ ഒരു ദിവസം കൊണ്ട് നിങ്ങൾക്ക് പോയി വരാവുന്ന ഒരു കിടിലൻ ഹിൽ സ്റ്റേഷനാണിത്. കുടുംബത്തോടൊപ്പം ഒരു ദിവസം താമസിക്കണമെന്നുണ്ടെങ്കിൽ അവിടെ കെറ്റിഡിസിയുടെ റൂമുകളും ലഭ്യമാണ്.

യാത്രയിൽ ശ്രദ്ധിക്കേണ്ടത്

• രാവിലെ എട്ട് മണി മുതൽ വൈകുന്നേരം നാല് മണി വരെയാണ് സാധാരണയായി പൊന്മുടിയിലേക്കുള്ള പ്രവേശനം അനുവദിക്കുന്നത്. മഞ്ഞും കാറ്റും ആസ്വദിക്കാൻ രാവിലെയുള്ള യാത്രയാണ് നല്ലത്. മഴയുള്ള സമയത്ത് അധികൃതരുടെ നിർദ്ദേശം അനുസരിച്ച് വേണം യാത്ര. മണ്ണിടിച്ചിൽ ഉള്ളതിനാൽ സുരക്ഷ പ്രധാനമാണ്.
• കല്ല്യാർ ചെക്ക് പോസ്റ്റിൽ എൻട്രി ഫീസ് നൽകി വേണം മലമുകളിലേക്ക് പോകാൻ. പ്ലാസ്റ്റിക് കുപ്പികളും മറ്റും കൊണ്ടുപോകുന്നത് കർശനമായി നിരോധിച്ചിട്ടുള്ളതിനാൽ ഇവയെല്ലാം ഒഴിവാക്കണം.
• പൊന്മുടിക്ക് മുകളിലെത്തിയാൽ വലിയ ഹോട്ടലുകൾ കുറവാണ്. കെറ്റിഡിസിയുടെ ഭക്ഷണശാല മാത്രമാണുള്ളത്. ആവശ്യമായ ലഘുഭക്ഷണങ്ങളും വെള്ളവും കയ്യിൽ കരുതുന്നത് നന്നായിരിക്കും.
• മലമുകളിൽ ശക്തമായ കാറ്റ് അനുഭവപ്പെടാറുള്ളതിനാൽ കുട്ടികളുമായി പോകുന്നവർ വളരെയധികം ശ്രദ്ധിക്കേണ്ടതുണ്ട്. പാറകെട്ടുകൾ ഉള്ള സ്ഥലത്ത് മഴചാറ്റൽ ഉള്ളപ്പോൾ നടക്കുന്നതും സൂക്ഷിച്ചുവേണം.

കേരളത്തിലെ ഏറ്റവും പുരാതന ക്ഷേത്രത്തിലൊന്നാണ് മംഗള വനത്തിനുള്ളിലെ മംഗളാ ദേവി (Mangaladevi Temple) ക്ഷേത്രം. ഇടുക്കി ജില്ലയിലെ കുമളിയിൽ പെരിയാർ കടുവ സംരക്ഷണ കേന്ദ്രത്തിലാണ് മംഗളാ ദേവി ക്ഷേത്രം സ്ഥിതി ചെയ്യുന്നത്. വർഷത്തിൽ ഒരേയൊരു ദിവസം മാത്രമാണ് ക്ഷേത്രത്തിലേക്ക് പ്രവേശനം അനുവദിക്കൂ എന്നതാണ് ഇവിടുത്തെ ഏറ്റവും വലിയ പ്രത്യേകത. വർഷത്തിലെ ചിത്ര പൗർണ്ണമി നാളിലാണ് ക്ഷേത്രം തുറന്ന് ആചാരങ്ങൾ നടക്കുന്നത്.

വിശ്വാസികളും സഞ്ചാരികളും ഒരുപോലെ ഇഷ്ടപ്പെടുന്ന യാത്രയാണ് മംഗളാദേവി വനയാത്ര. ഈ വർഷത്തെ മംഗളാദേവി വനയാത്രയെക്കുറിച്ച് ഔദ്യോ​ഗിക റിപ്പോർട്ടുകളൊന്നും പുറത്തുവന്നിട്ടില്ല. എന്നാൽ മുൻ വർഷങ്ങളിലേക്ക് നോക്കിയാൽ മെയ് ആദ്യവാരമാണ് സാധാരണയായി ഇവിടേക്കുള്ള യാത്ര നടത്തുന്നത്.

ALSO READ: ആരെയും മയക്കുന്ന തണുപ്പ്; വേനൽക്കാല യാത്ര ഊട്ടിയിലേക്ക് തന്നെ

മംഗളാദേവി വനയാത്രയുടെ പ്രത്യേകത

മധുരാ നഗരം ദഹിപ്പിച്ച ശേഷം കണ്ണകി ഇവിടെ വെച്ചാണ് സ്വർഗ്ഗാരോഹണം ചെയ്തതെന്നാണ് വിശ്വാസകൾക്കിടയിലെ പുരാതന ഐതിഹ്യം. ക്ഷേത്രത്തിന് ഏകദേശം 2000 വർഷത്തോളം പഴക്കമുള്ളതായി പറയപ്പെടുന്നു. വർഷത്തിൽ ഒരിക്കൽ മാത്രം തുറക്കുന്നതിനാൽ അന്നേ ദിവസം തമിഴ്‌നാട്ടിൽ നിന്നും കേരളത്തിലെ വിവിധ ജില്ലകളിൽ നിന്നും അറിഞ്ഞും കേട്ടും ഭക്തർ ഇവിടെയെത്താറുണ്ട്. കുമളിയിൽ നിന്ന് ഏകദേശം 12 കിലോമീറ്ററാണ് ഇവിടേക്കുള്ള ദുരം. 12 കിലോമീറ്റർ കൊടുംവനത്തിലൂടെ ഓഫ്-റോഡ് ജീപ്പ് യാത്രയും വേണം.

മറ്റൊരു പ്രത്യേകത എന്തെന്നാൽ കേരള-തമിഴ്‌നാട് സർക്കാരുകൾ സംയുക്തമായാണ് ഇവിടെ വർഷത്തിലൊരിക്കൽ ഉത്സവം സംഘടിപ്പിക്കുന്നത്. ഈ ഒരു ദിവസം മാത്രമേ വനംവകുപ്പ് ഇവിടേക്കുള്ള പ്രവേശനം അനുവദിക്കുകയുള്ളൂ. രാവിലെ ആറ് മണി മുതൽ വൈകിട്ട് നാവ് മണി വരെയാണ് സാധാരണയായി പ്രവേശനം അനുവദിക്കുന്നത്. വനംവകുപ്പ് അനുവദിച്ചിട്ടുള്ള ടാക്സി ജീപ്പുകളിലാണ് ക്ഷേത്രത്തിലേക്ക് എത്തിച്ചേരേണ്ടത്.

സമുദ്രനിരപ്പിൽ നിന്നും ഏകദേശം 1337 മീറ്റർ ഉയരത്തിൽ, പശ്ചിമഘട്ടത്തിൻ്റെ മുകളിലായാണ് മംഗളാദേവി ക്ഷേത്രം സ്ഥിതി ചെയ്യുന്നത്. കരിങ്കല്ലുകൾ ചതുരക്കഷണങ്ങളാക്കി അടുക്കിവച്ചിട്ടുള്ള പുരാതന നിർമ്മാണ ശൈലിയിലൂടെയാണ് ക്ഷേത്രം പണികഴിപ്പിച്ചിരിക്കുന്നത്. ചില തർക്കങ്ങൾ ഉള്ളതിനാൽ, ചിത്രപൗർണ്ണമി ദിവസം ക്ഷേത്രങ്ങളിൽ ഒന്നിൽ കേരളത്തിലെയും മറ്റൊന്നിൽ തമിഴ്നാട്ടിലെയും പൂജാരിമാരാണ് പൂജ ചെയ്യുന്നത്.

യാത്രയ്ക്ക് പോകും മുമ്പ് അറിയേണ്ടത്

പെരിയാർ വന്യജീവി സംരക്ഷണ കേന്ദ്രത്തിനുള്ളിലൂടെയാണ് ക്ഷേത്രത്തിലേക്കുള്ള പ്രവേശനം അനുവദിക്കുന്നത്. സ്വകാര്യ വാഹനങ്ങൾ ഈ പ്രദേശത്ത് കൂടി കടത്തിവിടുകയില്ല. പ്രത്യേക അനുമതി ലഭിച്ച ടാക്സി ജീപ്പുകളിലോ അല്ലെങ്കിൽ 15 കിലോമീറ്റർ നടന്നോ മാത്രമാണ് ആളുകൾ ഇവിടേക്ക് അന്നേ ദിവസം എത്തുന്നത്. വർഷത്തിൽ ഒരിക്കൽ മാത്രമെ ഭക്തർക്ക് മംഗളാദേവിയിൽ എത്തിച്ചേരാനാകൂ.

മംഗളാദേവി ഉൾപ്പെടുന്ന പെരിയാർ ടൈഗർ റിസർവ്വ് വനം വകുപ്പിന്റെ കർശന നിരീക്ഷണത്തിലായതിനാൽ നിയമം ലംഘിക്കുന്നതവർക്കെതിരെ ശിക്ഷ ലഭിക്കാനുള്ള സാധ്യതയുണ്ട്. വനത്തിനുള്ളിലേക്ക് പ്ലാസ്റ്റിക് കുപ്പികളോ കവറുകളോ കൊണ്ടുപോകുന്നത് കർശനമായി നിരോധിച്ചിട്ടുണ്ട്. കടുവ സങ്കേതമായതിനാൽ വനത്തിൻ്റെ നിയമങ്ങൾ കർശനമായി പാലിച്ചായിരിക്കണം യാത്ര.

"ഹിൽ സ്റ്റേഷനുകളുടെ രാജ്ഞി" എന്നാണ് നമ്മുടെ സ്വന്തം ഊട്ടി അറിയപ്പെടുന്നത്. ചുട്ടുപൊള്ളുന്ന വേനലിൽ നിന്ന് തണുപ്പിന്റെ പറുദീസ തേടി പോകുന്നവർ എത്തിനിർക്കുന്നത് ഒടുവിൽ ഊട്ടിയിലാണ്. നീലഗിരി കുന്നുകളുടെ റാണിയായ ഊട്ടിക്ക് ഒരു പ്രത്യേക ഫാൻ ബേസ് തന്നെയുണ്ട്. മനം മയക്കുന്ന തേയിലത്തോട്ടങ്ങളും, മഞ്ഞു പുതച്ച മലനിരകളും, പൈതൃകം വിളിച്ചോതുന്ന ടോയ് ട്രെയിനും ഊട്ടിയിലേക്ക് ആളുകളെ ആകർഷിക്കുന്ന പ്രധാന ഘടകങ്ങളാണ്.

ഈ വേനലവധി യാത്രയ്ക്ക് നിങ്ങൾ തിരഞ്ഞെടുക്കുന്നത് ഊട്ടിയാണെങ്കിൽ തീർച്ചയായും കാണേണ്ടതും, ആസ്വദിക്കേണ്ടതുമായ ചില സ്ഥലങ്ങളുണ്ട്. ഊട്ടി യാത്ര പ്ലാൻ ചെയ്യുന്നവർക്കായി ഒരു കംപ്ലീറ്റ് ട്രാവൽ ഗൈഡാണ് ഇവിടെ പറയാൻ പോകുന്നത്. നിങ്ങൾ ജീവിതത്തിൽ ഒരിക്കലെങ്കിൽ കണ്ടിരിക്കേണ്ട ചില സ്ഥലങ്ങൾ ഏതെല്ലാമെന്ന് നമുക്ക് നോക്കാം.

ALSO READ: ആകാശത്തുകൂടെ ഒരു നടത്തം! മൂന്നാറിൽ ഗ്ലാസ് വാച്ച് ടവർ തുറന്നു; ടിക്കറ്റ് നിരക്കുകൾ

നീലഗിരി മൗണ്ടൻ റെയിൽവേ

ഊട്ടി യാത്രയിലെ ഏറ്റവും മനോഹരമായ അനുഭവമാണ് നീലഗിരി മൗണ്ടൻ റെയിൽവേയിലൂടെയുള്ള യാത്ര. യുനെസ്കോ പൈതൃക പട്ടികയിൽ ഉൾപ്പെടുത്തിയ ഈ ടോയ് ട്രെയിൻ യാത്ര നിങ്ങൾക്ക് നൽകുന്നത് ഒരിക്കലും മറക്കാനാവാത്ത വിസ്മയമാണ്. മേട്ടുപ്പാളയത്ത് നിന്ന് കുന്നും മലയും കയറി തുരങ്കങ്ങളിലൂടെ സഞ്ചരിക്കുന്ന ട്രെയിനിലൂടെ കാണുന്ന കാഴ്ച്ചകൾ ഒരിക്കലും മറക്കാൻ സാധിക്കില്ല. അത്രയും മനോഹരമാണ് ഓരോ കാഴ്ച്ചകളും.

തേയിലത്തോട്ടങ്ങളിലെ തണുത്ത കാറ്റ്

കണ്ണെത്താ ദൂരത്തോളം പരന്നു കിടക്കുന്ന പച്ചപ്പണിഞ്ഞ തേയിലത്തോട്ടങ്ങളാണ് ഊട്ടിയുടെ മറ്റൊരു പ്രത്യേകത. ഇവിടുത്തെ 'ടീ ഫാക്ടറി' സന്ദർശിക്കുന്നതും വിവിധ തരം ചായകൾ രുചിച്ചു നോക്കാനും നിങ്ങൾക്ക് ഇഷ്ടമുള്ള ചായ പൊടി വാങ്ങാനും ഇവിടെ അവസരമുണ്ട്. ചായയുടെ യഥാർത്ഥ രുചി അറിയണമെങ്കിൽ ഊട്ടിയിലേക്ക് തന്നെ പോകണം. അതിനാൽ ചായ പ്രേമികളുടെ ഇഷ്ട സ്ഥലം കൂടിയാണിവിടം.

ബൊട്ടാണിക്കൽ ഗാർഡൻ

ആയിരക്കണക്കിന് അപൂർവ്വ സസ്യങ്ങളും പൂക്കളും നിറഞ്ഞ ഊട്ടിയിലെ ബൊട്ടാണിക്കൽ ഗാർഡൻ വേനൽക്കാലത്ത് കൂടുതൽ മനോഹരമായി കാണാൻ സാധിക്കുന്നനതാണ്. അതുപോലെ തന്നെ റോസ് ഗാർഡനിലെ വിവിധ വർണ്ണങ്ങളിലുള്ള റോസാപ്പൂക്കൾ കാണാൻ ഏപ്രിൽ മെയ് മാസമാണ് ഏറ്റവും അനുയോജ്യം.

പൈക്കാര വെള്ളച്ചാട്ടവും തടാകവും

പ്രകൃതിഭംഗി ആസ്വദിക്കാനും ബോട്ടിംഗിനും താല്പര്യമുള്ളവർക്ക് നേരെ ഊട്ടിയിലെ പൈക്കാരയിലേക്ക് പോകാവുന്നതാണ്. പൈൻ മരങ്ങൾക്കിടയിലൂടെയുള്ള നടത്തവും മഞ്ഞുപാറുന്ന തണുത്ത് തടാകത്തിലൂടെയുള്ള ബോട്ടിങ്ങും അതിമനോഹരമാണ്.

യാത്ര പോകുന്നവർ അറിയാൻ

ഇ-പാസ് നിർബന്ധം: 2024 മെയ് മുതൽ ഊട്ടിയിലേക്കും കൊടൈക്കനാലിലേക്കും സന്ദർശിക്കുന്നവർക്ക് തമിഴ്‌നാട് സർക്കാർ ഇ-പാസ് നിർബന്ധമാക്കിയിരുന്നു. അതുകൊണ്ട് നിങ്ങളുടെ യാത്രയ്ക്ക് മുൻപ് ഔദ്യോഗിക പോർട്ടൽ വഴി ഇ-പാസ് എടുക്കാൻ മറക്കരുത്. എൻട്രി ​ഗേറ്റിൽ ഇപാസ് കാണിച്ചാൽ മാത്രമെ കടത്തിവിടുകയുള്ളൂ.

താമസസൗകര്യം: വേനൽക്കാലത്ത് വൻ തിരക്ക് അനുഭവപ്പെടുന്ന സ്ഥലമാണ് ഊട്ടി. അതിനാൽ ഹോട്ടലുകളും റിസോർട്ടുകളും നേരത്തെ ബുക്ക് ചെയ്ത് പോകുന്നതാണ് ഏറ്റവും ഉചിതം.

പ്ലാസ്റ്റിക് നിരോധനം: കർശനമായി പ്ലാസ്റ്റിക് നിരോധിച്ച മേഖലയാണ് ഊട്ടി. അതിനാൽ പ്ലാസ്റ്റിക് കുപ്പികളും കവറുകളും വലിച്ചെറിയാതിരിക്കാനും അവ കഴിവതും കൊണ്ടുപോകാതിരിക്കാനും ശ്രദ്ധിക്കണം.

വാഗമണിലെ പ്രശസ്തമായ ഗ്ലാസ് ബ്രിഡ്ജിന് ശേഷം ഇടുക്കി ടൂറിസത്തിന് മാറ്റുകൂട്ടാൻ വീണ്ടുമൊരു വിസ്മയം കൂടി. മൂന്നാറിലാണ് പുതിയ ഗ്ലാസ് വാച്ച് ടവർ തുറന്നിരിക്കുന്നത്. ജില്ലാ ടൂറിസം പ്രൊമോഷൻ കൗൺസിലിന്റെ (ഡിടിപിസി) കീഴിലുള്ള ഗവൺമെന്റ് ബൊട്ടാണിക്കൽ ഗാർഡനിലാണ് പുതിയ ഗ്ലാസ് ടവർ ഒരുങ്ങിയിരിക്കുന്നത്. സമുദ്രനിരപ്പിൽ നിന്നും 300 മീറ്റർ ഉയരത്തിലുള്ള ഈ ടവർ മൂന്നാറിൻ്റെയും ബൊട്ടാണിക്കൽ ഗാർഡനിൻ്റെയും മനോഹാരിത പൂർണ്ണമായും ആസ്വദിക്കാൻ സാധിക്കുന്ന രീതിയിലാണ് നിർമ്മിച്ചിരിക്കുന്നത്.

34 മീറ്ററോളം നീളമുള്ള ഈ വാച്ച് ടവറിൽ ഒരേസമയം 30 പേർക്ക് സുരക്ഷിതമായി കയറാൻ സാധിക്കും. മൂന്നാറിലെ മലനിരകളുടെയും താഴ്‌വരകളുടെയും 360-ഡിഗ്രി കാഴ്ച്ചയാണ് ഇവിടെനിന്നാൽ ആസ്വദിക്കാനാവുക. മഞ്ഞുമൂടിയ മലനിരകളും താഴ്നിറങ്ങുന്ന കോടയും ഇവിടുത്തെ മറ്റൊരു പ്രത്യേകതയാണ്. ഉദ്ഘാടനം കഴിഞ്ഞതുമുടൽ ഇവിടേക്ക് സന്ദർശകരുടെ വൻ തിരക്കാണ് അനുഭവപ്പെടുന്നത്. ആകാശ വിസ്മയം കാണാൻ ദിവേന നിരവധി വിനോദ സഞ്ചാരികളാണ് എത്തുന്നത്.

ALSO READ: തൃശ്ശൂർ പൂരം കൂടണ്ടേ!; പൂരനഗരിയിലേക്ക് പോകും മുമ്പ് ശ്രദ്ധിക്കേണ്ടത്

സമയവും കാഴിച്ചകളും

ടവറിൽ കയറുന്ന ഓരോ വിനോദസഞ്ചാരികൾക്കും മുകളിൽ 10 മിനിറ്റ് നിൽക്കാനുള്ള സമയം അനുവദിച്ചിട്ടുണ്ട്. ബൊട്ടാണിക്കൽ ഗാർഡൻ, ചുറ്റുമുള്ള പൂന്തോട്ടങ്ങൾ, കുണ്ടള നദി, മഞ്ഞു മൂടിയ മലനിരകൾ, മൂന്നാറിൻ്റെ പ്രത്യേകതയായ ​ഗാപ് റോഡുകൾ എന്നിവയുടെ പൂർണ്ണമായ കാഴ്ച 360 ഡിഗ്രിയിൽ കണ്ട് ആസ്വദിക്കാനാകും.

ആഴ്ചയിൽ ഏഴ് ദിവസവും രാവിലെ ഒമ്പത് മുതൽ രാത്രി 8.30 വരെ ടവർ തുറക്കുന്നതാണ്. താൽപ്പര്യമുള്ളവർ ബൊട്ടാണിക്കൽ ​ഗാർഡനിൽ പ്രവേശിക്കാൻ 100 രൂപയാണ് ടിക്കറ്റ് നിരക്ക്. അതുകൂടാതെ ടവറിൽ കയറാൻ പ്രത്യേക ടിക്കറ്റും എടുക്കണം. മുതിർന്നവർക്ക് 250 ഉം കുട്ടികൾക്ക് 200 ഉം ആണ് നിരക്ക് ഈടാക്കുന്നത്.

ബൊട്ടാണിക്കൽ ​ഗാർഡൻ്റെ പ്രവേശന കവാടത്തിൽ നിന്ന് ഓഫ്‌ലൈനായി മാത്രമേ ടിക്കറ്റുകൾ ബുക്ക് ചെയ്യാൻ സാധിക്കൂ. ഇടുക്കിയിലെ മൂന്നാർ-ദേവികുളം റോഡിൽ ഗവൺമെന്റ് കോളേജിന് സമീപമാണ് ഗവൺമെന്റ് ബൊട്ടാണിക്കൽ ഗാർഡൻ സ്ഥിതി ചെയ്യുന്നത്. ഇവിടെ എത്തിയാൽ ടിക്കറ്റെടുത്ത് ടവറിലേക്ക് പ്രവേശിക്കാവുന്നതാണ്.

മൂന്നാറിൽ കാണേണ്ട പ്രധാന കാഴ്ച്ചകൾ

പോതമേട് വ്യൂ പോയിന്റ്: തേയില, കാപ്പി, ഏലം തോട്ടങ്ങളുടെ വിസ്മയിപ്പിക്കുന്ന കാഴ്ച കാണാൻ നേരെ പോതമേട് വ്യൂ പോയിൻ്റിലേക്ക് പോകാവുന്നതാണ്. സൂര്യോദയവും സൂര്യാസ്തമയവും കാണാൻ ഏറ്റവും അനുയോജ്യമായ സ്ഥലം കൂടിയാണിത്. രാവിലെയും വൈകുന്നേരവും അല്പം തിരക്കുള്ള സ്ഥലമാണിത്.

എക്കോ പോയിന്റ്: മൂന്ന് മലനിരകളുടെ സംഗമസ്ഥാനത്തുള്ള ഈ തടാകതീരം വളരെ മനോഹരമായ സ്ഥലമാണ്. അവിടെ നിന്ന് നമ്മൾ ഉണ്ടാക്കുന്ന ശബ്ദം പ്രതിധ്വനിക്കുന്നത് കേൾക്കാം. സഞ്ചാരികൾക്ക് ഏറെ സ്ഥലമായതിനാൽ ഇവിടേക്ക് ദിവസേന നിരവധി ആളുകളാണ് എത്തുന്നത്.

കുണ്ടള തടാകം: ഏഷ്യയിലെ ആദ്യത്തെ ആർച്ച് ഡാം ആയ കുണ്ടള ഡാമിന് സമീപമുള്ള ഈ തടാകം ബോട്ടിംഗിന് ഏറ്റവും അനുയോജ്യമായ സ്ഥലമാണ്. കുട്ടുകളോടും കുടുംബത്തോടും ഒപ്പം വരാൻ ഇതിലും മനോഹരമായ സ്ഥലം വേറെയില്ല.

തൃശ്ശൂർ പൂരത്തിന് ഇനി ദിവസങ്ങൾ മാത്രമാണ് ബാക്കിയുള്ളത്. ഇക്കൊല്ലത്തെ തൃശ്യൂർ പൂരം ഏപ്രിൽ 26നാണ്. മലയാളികളെ സംബന്ധിച്ച് പൂരാവേശം അതൊന്ന് വേറെയാണ്. ജീവിതത്തിൽ ഒരിക്കലെങ്കിലും പൂരന​ഗരയിലെ ആവേശത്തിൽ പങ്കെടുക്കുക എന്ന് പറയുന്നത തന്നെ അഭിമാനമാണ്. വിവിധ ജില്ലകളിൽ നിന്നും രാജ്യത്തിൻ്റെ നാനാഭാ​ഗത്ത് നിന്നും നിരവധി ആളുകളാണ് പൂരം കാണാൻ ഒഴുകിയെത്തുന്നത്.

വിദേശികളടക്കമുള്ള പൂരം കാണാൻ ആവേശത്തോടെ എത്താറുണ്ട്. തൃശ്ശൂർ പൂരത്തിൻ്റെ ആവേശത്തിലേക്ക് പൂരപ്രേമികൾ ഒഴുകിയെത്തുമ്പോൾ, ആഘോഷം സുരക്ഷിതവും ആസ്വാദ്യകരവുമാക്കാൻ നിരവധി കാര്യങ്ങൾ ശ്രദ്ധിക്കേണ്ടതുണ്ട്. സുരക്ഷയും യാത്രയും ഉൾപ്പെടെയുള്ള കാര്യങ്ങൾ എങ്ങനെ ശ്രദ്ധിക്കണമെന്നും അതുമായി ബന്ധപ്പെട്ട നിർദ്ദേശങ്ങളും എന്തെല്ലാമെന്ന് നോക്കാം.

ALSO READ: വാൽപ്പാറയിലേക്കാണോ പോകുന്നത്? ഈ സ്ഥലങ്ങൾ മിസ്സാക്കരുത്; യാത്രയിൽ ശ്രദ്ധിക്കണേ

പൂരനഗരിയിൽ ശ്രദ്ധിക്കേണ്ട പ്രധാന കാര്യങ്ങൾ

എഴുന്നള്ളത്ത് മുതൽ കുടമാറ്റം, മേളം, വെടിക്കെട്ട് തുടങ്ങിയ ആഘോഷങ്ങളുടെ സമയം കൃത്യമായി അറി‍ഞ്ഞിരിക്കണം. കൃത്യ സമയത്ത് എത്തിച്ചേരുന്നത് ദുസഹമാണ്. അതിനാൽ കുറച്ച് നേരത്തെ എത്തിയാൽ സ്ഥലം ലഭിക്കാനും കാഴ്ച്ചകൾ കാണാനും സാധിക്കും.

കടുത്ത വേനലായതിനാൽ കോട്ടൺ വസ്ത്രങ്ങൾ ധരിച്ച് വേണം പൂരത്തിന് പോകാൻ. തണലുകളോ മറ്റോ ഇല്ലാത്തതിനാൽ കുടയോ തൊപ്പിയോ നിർബന്ധമായും കൈയ്യിൽ കരുതണം. അതുപോലെ തന്നെ ധാരാളം നടക്കേണ്ടി വരു. നിർജ്ജലീകരണം ഒഴിവാക്കാൻ ആവശ്യത്തിന് വെള്ളം കൈയ്യിൽ കരുതുക.

പൂരദിവസം തൃശ്ശൂർ നഗരത്തിൽ ഗതാഗത നിയന്ത്രണം കർശനമായിട്ട് ഉണ്ടാകും. കെഎസ്ആർടിസിയുടെ പ്രത്യേക സർവീസുകൾ സർക്കാർ പ്രഖ്യാപിച്ചിട്ടുണ്ട്. ഇത് ഉപയോഗിക്കുന്നത് പാർക്കിംഗ് ബുദ്ധിമുട്ടുകളും യാത്രാ ക്ലേശവും ഒഴിവാക്കാൻ സഹായിക്കും.

കുട്ടികളുമായി പോകുന്നവർ അവരുടെ പോക്കറ്റിൽ പേരും ഫോൺ നമ്പറും എഴുതിയ കാർഡോ അല്ലെങ്കിൽ ഇതെല്ലാം അവരെ പഠിപ്പിച്ച് വയ്ക്കാനോ മറക്കരുത്. അതുപോലെ തന്നെ വിലപിടിപ്പുള്ള ആഭരണങ്ങൾ ധരിച്ച് പൂരപ്പറമ്പിലേക്ക് പോകരുത്.

വെടിക്കെട്ട് നടക്കുന്ന സമയത്ത് പോലീസ് നിർദ്ദേശിക്കുന്ന സുരക്ഷിതമായ അകലം പാലിക്കണം. ചെവിക്ക് അസ്വസ്ഥതയുള്ളവർ ഇയർ പ്ലഗ്ഗുകളോ പഞ്ഞിയോ കരുതുന്നത് നല്ലതാണ്. കുട്ടികളെ നിശ്ചിത ദൂരത്തിൽ നിർത്തിവേണം കാണിക്കാൻ.

യാത്രാ സൗകര്യങ്ങൾ

പൂര ദിവസം സ്വകാര്യ വാഹനങ്ങൾ നഗരത്തിനകത്തേക്ക് പ്രവേശിപ്പിക്കില്ല. അതിനാൽ കെഎസ്ആർടിസിയുടെ പൂരം സ്പെഷ്യൽ സർവീസുകളോ ട്രെയിനോ ഉപയോഗിക്കുന്നതാണ് ഏറ്റവും നല്ലത്.

സ്വന്തം വാഹനത്തിലാണ് വരുന്നതെങ്കിൽ, പോലീസ് നിശ്ചയിച്ചിട്ടുള്ള പാർക്കിംഗ് മൈതാനങ്ങളിൽ മാത്രം വാഹനം പാർക്ക് ചെയ്യണം. മറ്റുള്ളവർക്ക് ബുദ്ധിമുട്ട് ഉണ്ടാകുന്ന തരത്തിലുള്ള പ്രവർത്തി അരുത്. നഗരത്തിന് പുറത്ത് വാഹനം നിർത്തി ബസ്സിലോ ഓട്ടോയിലോ പൂരനഗരിയിലേക്ക് പോകുക.

പ്രത്യേക ട്രെയിൻ സർവീസ് അടക്കം പ്രഖ്യാപിച്ചിട്ടുള്ളതിനാൽ അത്തരം പൊതു ​ഗതാ​ഗതം ഉപയോ​ഗിക്കുന്നതാണ് നല്ലത്.

സ്വകാര്യ വാഹനങ്ങൾ എപ്പോഴും സുരക്ഷിതമായ സ്ഥലങ്ങളിൽ പാർക്ക് ചെയ്യുക. റോഡ് സൈഡിലും മറ്റും പാർക്ക് ചെയ്യുന്നത് ഫൈൻ ഇടാക്കാനുള്ള സാധ്യത കൂടുതലാണ്.

മഞ്ഞുപുതച്ച തേയിലത്തോട്ടങ്ങളും മലനിരകളും കൊണ്ട് നിറഞ്ഞ അവിസ്മരണീയമായ സ്വർ​ഗഭൂമിയാണ് വാൽപ്പാറ. ഹെയർപിൻ വളവുകളുടെ അത്ഭുതലോകം എന്നാണ് സഞ്ചാരികൾക്കിടയിൽ വാൽപ്പാറ അറിയപ്പെടുന്നത്. അതിരിപ്പിള്ളിയിൽ നിന്നും മലക്കപ്പാറ കടന്ന് വാൽപ്പാറ വഴി നീണ്ടുപോകുന്ന തമിഴ്‌നാട്ടിലേക്കുള്ള റൂട്ട് റീലുകളിലും വീഡിയോകളിലും ഇന്ന് ഏറെ വൈറലാണ്. അതോടുകൂടി അവിടേക്കുള്ള സഞ്ചാരികളുടെ തിരക്കും കുത്തനെ വർദ്ധിച്ചു.

വളഞ്ഞുപുളഞ്ഞ ഹെയർപിൻ വളവുകളും വന്യമൃഗങ്ങളുടെ സാന്നിധ്യവുമാണ് വാൽപ്പാറയുടെ മറ്റൊരു വിസ്മയ കാഴ്ച്ച. ഈ വേനലവധിക്ക് നിങ്ങൾ വാൽപ്പാറ യാത്രയാണ് പ്ലാൻ ചെയ്യുന്നതെങ്കിൽ തീർച്ചയായും കണ്ടിരിക്കേണ്ട ചില സ്ഥലങ്ങൾ നമുക്ക് പരിചയപ്പെടാം. ഒപ്പം തന്നെ യാത്ര പോകുമ്പോൾ വിനോദ സഞ്ചാരികൽ പ്രധാനമായും ശ്രദ്ധിക്കേണ്ട ചില സുരക്ഷാ നിർദ്ദേശങ്ങളും നമുക്ക് നോക്കാം.

ALSO READ: ഊട്ടി യാത്രയിൽ പണികിട്ടാതിരിക്കാൻ ഇക്കാര്യങ്ങൾ ശ്രദ്ധിക്കൂ; സഞ്ചാരികൾ അറിഞ്ഞിരിക്കേണ്ടത്

കണ്ടിരിക്കേണ്ട സ്ഥലങ്ങൾ

ഷോളയാർ ഡാം: ഏഷ്യയിലെ തന്നെ ഏറ്റവും വലിയ ഡാമുകളിൽ ഒന്നായാണ് ഷോളയാർ ഡാം അറിയപ്പെടുന്നത്. ചുറ്റും കൊടും വനത്താൽ നിർമ്മിക്കപ്പെട്ട ഈ ഡാമിൻ്റെ കാഴ്ച്ച അതിമനോഹരമാണ്. ചാലക്കുടിയിൽ നിന്ന് 65 കിലോമീറ്റർ സഞ്ചരിച്ചാൽ ഇവിടെ എത്തിച്ചേരാനാകും. തമിഴ്നാട്ടിലെ അപ്പർ ഷോളയാർ ഡാം മലക്കപ്പാറയിൽ നിന്ന് വാൽപ്പാറയിലേക്കുള്ള വഴിയിൽ ഏകദേശം 5 കിലോമീറ്റർ ദൂരത്തിലാണ് സ്ഥിതിചെയ്യുന്നത്.

നല്ലമുടി പൂഞ്ചോല: തേയിലത്തോട്ടങ്ങൾക്കിടയിലൂടെ യാത്രയാണ് ഈ സ്ഥലത്തെ വ്യത്യസ്തമാക്കുന്നത്. തെയിലകാടുകൾക്ക് ഇടയിലൂടെ ഏകദേശം ഒരു കിലോമീറ്റർ നടന്നാൽ ഇവിടെ എത്താനാകും. ദക്ഷിണേന്ത്യയിലെ ഏറ്റവും വലിയ കൊടുമുടിയായ ആനമുടിയുടെ എല്ലാ ഭംഗിയും കണ്ടാസ്വദിക്കാൻ ഇവിടേക്ക് തന്നെ പോകണം. അതുകൊണ്ട് തന്നെ തമിഴ്‌നാട്ടിലെ ഏറ്റവും തിരക്കേറിയ ഹിൽസ്‌റ്റേഷനുകളിലൊന്നായ നല്ലമുടി പൂഞ്ചോല.

ബാലാജി ടെമ്പിൾ: വലിയൊരു എസ്റ്റേറ്റിനുള്ളിൽ സ്ഥിതി ചെയ്യുന്ന അതിമനോഹരവും പ്രശസ്തവുമായ ക്ഷേത്രമാണ് ബാലാജി ടെമ്പിൾ. ഇവിടുത്തെ നിശബ്ദത നമ്മുടെ മനസ്സിന് വലിയ സമാധാനം നൽകുന്നതാണ്.

ലോംസ് വ്യൂ പോയിന്റ്: വാൽപ്പാറയിലേക്കുള്ള 40 ഹെയർപിൻ വളവുകളിൽ ഒൻപതാമത്തെ വളവിലാണ് ലോംസ് വ്യൂ പോയിന്റ് സ്ഥിതി ചെയ്യുന്നത്. അളിയാർ ഡാമിൻ്റെയും താഴെയുള്ള സമതലങ്ങളുടെയും ബാക്കിയുള്ള ഹെയർ പിൻ വളവുകളുടെയും വിസ്മയ കാഴ്ച ഇവിടെ നിന്നാൽ കാണാനാകും.

യാത്ര പോകുമ്പോൾ ശ്രദ്ധിക്കേണ്ടത്

40 ഹെയർപിൻ വളവുകളുള്ള പാതയാണ് വാൽപ്പാറയിലേക്കുള്ളത്. പരിചയസമ്പന്നരായ ഡ്രൈവർമാർ മാത്രമേ ഈ റൂട്ടിൽ വാഹനം ഓടിക്കാവൂ. മൂടൽമഞ്ഞുള്ളപ്പോൾ ഹെഡ്‌ലൈറ്റുകൾ തെളിക്കാൻ മറക്കരുത്. മഴയുള്ള സമയത്തും വളരെ ശ്രദ്ധയോടെ വേണം ഹെയർപിൻ കയറാനും ഇറങ്ങാനും.

രാത്രികാലങ്ങളിൽ വന്യമൃഗങ്ങളുടെ ശല്യം കൂടുതലായതിനാലും റോഡിലെ കാഴ്ച മങ്ങിയതായതിനാലും രാത്രിയാത്ര പരമാവധി ഒഴിവാക്കുന്നതാണ് നല്ലത്. കാട്ടുപോത്ത്, ആന, പുലി തുടങ്ങിയ റോഡിലിറങ്ങാൻ സാധ്യതയുണ്ട്. മൃഗങ്ങളെ കണ്ടാൽ ഒരു കാരണവശാലും വാഹനത്തിന് പുറത്തിറങ്ങി ഫോട്ടോ എടുക്കാൻ ശ്രമിക്കരുത്.

വാൽപ്പാറ പൂർണ്ണമായും പ്ലാസ്റ്റിക് നിരോധിത മേഖലയാണ്. അതിനാൽ നിങ്ങൾ യാത്ര പോകുമ്പോൾ പ്ലാസ്റ്റിക് കുപ്പികളോ കവറുകളോ കാട്ടിലും റോഡിലും വലിച്ചെറിയാതിരിക്കുക. കാരണം അവിടെ ധാരാളം വന്യമൃ​ഗങ്ങളുള്ളതാണ്. അവയുടെ ജീവന് ഇത്തരം വസ്തുക്കൾ ഭീഷണിയായേക്കാം.

അതുപോലെ തന്നെ ശ്രദ്ധിക്കേണ്ട ഒന്നാണ് ഫോണിന് പലയിടങ്ങളിലും റേഞ്ച് കുറവായിരിക്കും. അതിനാൽ ഓഫ്‌ലൈൻ മാപ്പുകൾ ഡൗൺലോഡ് ചെയ്ത് വെക്കുന്നത് ഉപകാരപ്രദമായിരിക്കും.

ഊട്ടിയിലെ തണുപ്പും കോടമഞ്ഞും റീലുകളിലും വീഡിയോകളിലും ഇപ്പോൾ വൈറലാണ്. വേനൽ ചൂടിനെ മറികടക്കാൻ അവധിക്കാല യാത്രയ്ക്ക് പലരും ഊട്ടിയാണ് തിരഞ്ഞെടുക്കുന്നത്. എന്നാൽ പഴയതുപോലെ വണ്ടി എടുത്ത് അങ്ങ് പോയാൽ ഊട്ടിയിലേക്ക് പ്രവേശിക്കുന്നത് അത്ര എളുപ്പമാകില്ല. കാരണം യാത്രക്കാരുടെ സന്ദർശനത്തിന് തമിഴ്നാട് സർക്കാർ ഏർപ്പെടുത്തിയ ചില നിയന്ത്രണങ്ങളും നിർദ്ദേശങ്ങളും അറിഞ്ഞുവേണം യാത്ര ചെയ്യാൻ. ഊട്ടിയിലേക്ക് നിങ്ങൾ യാത്ര പുറപ്പെടും മുമ്പ് അറിഞ്ഞിരിക്കേണ്ട പ്രധാനപ്പെട്ട കാര്യങ്ങൾ എന്തെല്ലാമെന്ന് നോക്കാം.

ഇ-പാസ് നിർബന്ധം

നീലഗിരി ജില്ലയിലേക്ക് പ്രവേശിക്കുന്ന വാഹനങ്ങൾക്ക് ഇപ്പോൾ ഇ-പാസ് നിർബന്ധമാണ്. വിനോദസഞ്ചാരികളുടെ തിരക്ക് നിയന്ത്രിക്കാനാണ് മദ്രാസ് ഹൈക്കോടതി ഇ-പാസ് ഉത്തരവ് പുറപ്പെടുവിച്ചത്. ഇതു പ്രകാരം തമിഴ്‌നാട് സർക്കാർ ഈ സംവിധാനം നടപ്പിലാക്കുകയും ചെയ്തു. ഔദ്യോഗിക വെബ്സൈറ്റ് വഴി മുൻകൂട്ടി ഇ പാസ് എടുക്കാവുന്നതാണ്. വണ്ടിയുടെ നമ്പറും യാത്രക്കാരുടെ വിവരങ്ങളും നൽകിയാൽ ഉടൻ തന്നെ പാസ് ലഭിക്കും. ഈ പാസ് ചെക്ക് പോസ്റ്റുകളിൽ കാണിച്ചാൽ മാത്രമെ പ്രവേശനം സാധ്യമാകുകയുള്ളൂ.

ALSO READ: നമ്മ മെട്രോ ഗ്രീൻ ലൈനിൽ കയറാം ബെം​ഗളൂരു ചുറ്റാം; കുറഞ്ഞ ചിലവിൽ വൺ ഡേ ട്രിപ്പ്

പ്ലാസ്റ്റിക് ഒഴിവാക്കുക

ഈ പാസ് എന്നപോലെ നീലഗിരി ജില്ലയിൽ പ്ലാസ്റ്റിക് പൂർണമായും നിരോധിച്ചിരിക്കുന്ന വസ്തുവാണ്. പ്ലാസ്റ്റിക് കുപ്പികൾ, ഡിസ്പോസിബിൾ പ്ലേറ്റുകൾ, സ്പൂണുകൾ, പ്ലാസ്റ്റിക് കവറുകൾ എന്നിവ വാഹനങ്ങളിൽ ഒരു കാരണവശാലും സൂക്ഷിക്കരുത്. കാരണം ചെക്ക് പോസ്റ്റുകളിൽ കർശനമായ പരിശോധനയുണ്ടാകും. പിടിച്ചെടുത്താൽ നല്ലൊരു തുക പിഴ ഈടാക്കാനും സാധ്യതയുണ്ട്.

പാർക്കിംഗ് നിയമങ്ങൾ

ഇപ്പോൾ വേനലവധിയായതിനാൽ യാത്രക്കാരുടെ തിരക്ക് വളരെ കൂടുതലായിരിക്കും. അതിനാൽ ഊട്ടിയിലേക്കുള്ള വഴികളിലും പ്രദേശത്തും കടുത്ത ട്രാഫിക് അനുഭവപ്പെടാറുണ്ട്. പ്രധാന ടൗണിലും വിനോദസഞ്ചാര കേന്ദ്രങ്ങളിലും നിശ്ചിത സ്ഥലങ്ങളിൽ മാത്രമേ പാർക്കിംഗ് അനുവദിക്കുകയുള്ളൂ. ഒരു കാരണവശാലും റോഡ് സൈഡിൽ വണ്ടി പാർക്ക് ചെയ്യരുത്. ഇങ്ങനെ ചെയ്യുന്ന വണ്ടി ലോക്ക് ചെയ്യാനും പിഴ അടയ്ക്കേണ്ടി വരാനും സാധ്യതയുണ്ട്.

താമസ സൗകര്യം ബുക്ക് ചെയ്യുക

അവധി ദിവസങ്ങളിലും വീക്കെൻഡുകളിലും ഊട്ടിയിൽ വലിയ തിരക്കായിരിക്കും. അവസാന സമയത്തോ അല്ലെങ്കിൽ അവിടെ എത്തിയിട്ടോ താമസം അന്വേഷിക്കുന്നത് വലിയ ബുദ്ധിമുട്ടാകും. ചിലപ്പോൾ കിട്ടാതെയും വന്നേക്കാം. നിങ്ങളുടെ ബഡ്ജറ്റിന് വിശ്വാസയോഗ്യമായ സൈറ്റുകൾ വഴി താമസ സൗകര്യം നേരത്തെ ബുക്ക് ചെയ്യുന്നതാണ് ഏറ്റവും ഉചിതം.

ബെംഗളൂരുവിലെ ഗതാഗതക്കുരുക്കിൽ പെടാതെ, കുറഞ്ഞ ചെലവിൽ നഗര കാഴ്ചകൾ കാണാൻ ആഗ്രഹിക്കാത്തവർ വളരെ കുറവാണ്. എന്നാൽ ഏറ്റവും മികച്ച മാർ​ഗം നമ്മ മെട്രോ ഗ്രീൻ ലൈനാണ്. നാഗസന്ദ്ര മുതൽ സിൽക്ക് ഇൻസ്റ്റിറ്റ്യൂട്ട് വരെ നീളുന്ന ഈ മെട്രോ പാത കടന്നുപോകുന്നത് നഗരത്തിലെ പല വിനോദ സഞ്ചാര കേന്ദ്രങ്ങളിലൂടെയാണ്. ആദ്യമായി ബെം​ഗളൂരുവിൽ എത്തുന്ന ഒരാൾക്ക് നമ്മ മെട്രോ ​ഗ്രീൻ ലൈൻ നല്ലൊരു തിരഞ്ഞെടുപ്പാണ്. അത്തരത്തിൽ ബെം​ഗളൂരു നമ്മ മെട്രോ ​ഗ്രീൻ ലൈനിലൂടെ ന​ഗരത്തിൽ കാണാൻ പറ്റിയ സ്ഥലങ്ങൽ ഏതെല്ലാമെന്ന് നോക്കാം.

ലാൽബാഗ് ബൊട്ടാണിക്കൽ ഗാർഡൻ

നമ്മ മെട്രോ ​ഗ്രീൻ ലൈനിൽ കയറിയാൽ യാത്ര തുടങ്ങാൻ ഏറ്റവും മികച്ച ഇടമാണ് ലാൽബാഗ് ബൊട്ടാണിക്കൽ ഗാർഡൻ. അതിരാവിലെ ഇവിടെ എത്തിയാൽ വെയിൽ കൂടുന്നതിന് മുൻപ് പൂന്തോട്ടവും ഗ്ലാസ് ഹൗസും ചൂടേൽക്കാതെ ആസ്വദിക്കാനാകും. 240 ഏക്കറിൽ പരന്നു കിടക്കുന്ന ഈ പച്ചപ്പ് നഗരത്തിനുള്ളിലെ ഏറ്റവും വലിയ ആകർഷണമാണ് ലാൽബാഗ് ബൊട്ടാണിക്കൽ ഗാർഡൻ.

ALSO READ: മഞ്ഞും മലയും പൂക്കളും! ഊട്ടി യാത്രയ്ക്ക് ഒരുങ്ങുകയാണോ: ഈ സ്പോട്ടുകൾ മിസ്സാക്കരുതേ

ടിപ്പു സുൽത്താൻ സമ്മർ പാലസ് ആൻ്റ് ബാംഗ്ലൂർ ഫോർട്ട്

ചരിത്ര പ്രേമികൾക്ക് പ്രിയപ്പെട്ട ഇടമാണ് ടിപ്പു സുൽത്താൻ സമ്മർ പാലസും ബാംഗ്ലൂർ ഫോർട്ടും. തേക്ക് തടിയിൽ നിർമ്മിച്ച അതിമനോഹരമായ കൊട്ടാരവും പൗരാണികമായ കോട്ടയും കാണാൻ ദിവസേന നിരവധി ആളുകളാണ് എത്തുന്നത്. മെട്രോ സ്റ്റേഷനിൽ നിന്നും നടക്കാവുന്ന ദൂരം മാത്രമാണ് ഈ ചരിത്ര സ്ഥലത്തേക്കുള്ളത്.

ബുൾ ടെമ്പിൾ

ഒറ്റക്കല്ലിൽ തീർത്ത ഭീമാകാരമായ നന്ദി പ്രതിമയുള്ള ബുൾ ടെമ്പിൾ ബെംഗളൂരുവിലെ ഏറ്റവും പഴക്കമേറിയ പൗരാണിക ക്ഷേത്രങ്ങളിലൊന്നാണ്. ഇതിനടുത്ത് തന്നെ മനോഹരമായ ബ്യൂഗിൾ റോക്ക് പാർക്കും സ്ഥിതി ചെയ്യുന്നുണ്ട്. ഏകദേശം 15 അടി ഉയരവും 20 അടി നീളവുമുള്ളതാണ് ഇവിടുത്തെ നന്ദി പ്രതിമ. നന്ദി വിഗ്രഹം വലുതായിക്കൊണ്ടിരിക്കുകയാണെന്ന് വിശ്വസിക്കപ്പെടുന്നു.

ഇസ്‌കോൺ ക്ഷേത്രം

നമ്മ മെട്രോ ​ഗ്രീൻ ലൈനിൽ കയറി പ്രാധനമായി സന്ദർശിക്കേണ്ട സ്ഥലമാണ് ഇസ്‌കോൺ ക്ഷേത്രം. കുന്നിൻ മുകളിൽ സ്ഥിതി ചെയ്യുന്ന ഈ ക്ഷേത്രത്തിൻ്റെ വാസ്തുവിദ്യയാണ് സഞ്ചാരികളെ ആകർഷിക്കുന്നത്. വൈകുന്നേരത്തെ ദീപാരാധന സമയത്ത് ഇവിടെ എത്തുന്നത് മനസ്സിന് കൂടുതൽ ശാന്തത നൽകുകയും പ്രകൃതിയുടെ ഭം​ഗി ആസ്വദിക്കാനും സഹായിക്കും.

പരീക്ഷയെല്ലാം കഴിഞ്ഞ് വേനലവധി തുടങ്ങിക്കഴിഞ്ഞു. ഇപ്പോൾ നാട്ടിലെ വേനൽച്ചൂടിൽ നിന്ന് രക്ഷപ്പെട്ട് കുളിരുള്ള ഒരു യാത്ര ആ​ഗ്രഹിക്കുന്നവരാണ് എല്ലാവരും. മഞ്ഞും മലയും പൂക്കളും നിറഞ്ഞ വേനലവധി ആഘോഷിക്കാൻ പറ്റിയൊരു ഇടത്തേക്ക് നമുക്ക് വിട്ടാലോ. അതേ വേനൽചൂടിനെ വെല്ലുന്ന കുളിരുള്ള ഊട്ടിയിലേക്ക് ആകാം ഇത്തവണത്തെ യാത്ര (Ooty Travel Tips).

നീലഗിരിയിലേക്ക് സ്വന്തം വാഹനത്തിൽ പോകുന്നവർക്ക് ഇ-പാസ്സ് (E-Pass) നിർബന്ധമാക്കിയതിനാൽ, ഇത് മുൻകൂട്ടി എടുക്കാൻ ശ്രദ്ധിക്കുക. ഏപ്രിലിൽ ഊട്ടിയിലേക്ക് ഒരു യാത്ര പ്ലാൻ ചെയ്യുന്നുണ്ടെങ്കിൽ, നിങ്ങൾ ഉറപ്പായും കണ്ടിരിക്കേണ്ട ചില സ്ഥലങ്ങൾ ഏതെല്ലാമെന്ന് പരിചയപ്പെടാം.

ALSO READ: ട്രാഫിക് പേടി വേണ്ട! നമ്മ മെട്രോയിൽ കറങ്ങാം ബെംഗളൂരു; സമയം ലാഭിക്കാം ഇങ്ങനെ

ബൊട്ടാണിക്കൽ ഗാർഡൻ

ഊട്ടിയിലെ ഏറ്റവും പ്രധാനപ്പെട്ട ആകർഷണമാണ് ഗവൺമെൻ്റ് ബൊട്ടാണിക്കൽ ഗാർഡൻ. മെയ് മാസത്തിൽ നടക്കുന്ന പ്രശസ്തമായ ഊട്ടി ഫ്ലവർ ഷോയ്ക്ക് തയ്യാറെടുക്കുകയാണ് ബൊട്ടാണിക്കൽ ഗാർഡൻ. ആയിരക്കണക്കിന് ഇനം അപൂർവ്വ സസ്യങ്ങളും ചെടികളും നിങ്ങൾക്ക് ഇവിടെ കാണാൻ സാധിക്കും. ഒപ്പം ഏറ്റവും മനോഹരമായ കാലാവസ്ഥയും.

നീലഗിരി മൗണ്ടൻ

യുനെസ്കോയുടെ പൈതൃക പട്ടികയിൽ ഇടംപിടിച്ച ഊട്ടിയിലെ ഏറ്റവും മനോഹരമായ പർവ്വതനിരയാണ് നീലഗിരി മൗണ്ടൻ. അവിടുത്തെ ടോയ് ട്രെയിൻ യാത്രയാണ് ഏറ്റവും വലിയ ആകർഷണം. മേട്ടുപ്പാളയത്ത് നിന്ന് ഊട്ടിയിലേക്കുള്ള തുരങ്കങ്ങളിലൂടെയും മലനിരകളിലൂടെയുമുള്ള യാത്ര ഒരിക്കലും നിങ്ങൾ മിസ്സ് ചെയ്യരുത്. ടോയ് ട്രെയിൻ യാത്രയ്ക്ക് ഓൺലൈനിലൂടെ നേരത്തെ തന്നെ ടിക്കറ്റ് ബുക്ക് ചെയ്യാനുള്ള സൗകര്യമുണ്ട്.

പൈക്കാര വെള്ളച്ചാട്ടവും ഡാമും

പ്രകൃതിഭംഗി ആസ്വദിക്കാൻ ആഗ്രഹിക്കുന്നവർക്ക് പറ്റിയ സ്ഥലമാണ് പൈക്കാര. കാരണം പൈക്കാര തടാകത്തിലെ ബോട്ടിംഗ് മനോഹരമായ ഓർമ്മയാണ് സമ്മാനിക്കുന്നത്. അതോടൊപ്പം വേനൽചൂടിൽ വലിയ ആശ്വാസമാണ് നൽകുന്നത്. ഇവിടുത്തെ പൈൻ ഫോറസ്റ്റും ഇതിന് അടുത്തുതന്നെയാണ്.

അവലാഞ്ച് ആൻ്റ് എമറാൾഡ് തടാകങ്ങൾ

ഊട്ടി നഗരത്തിലെ തിരക്കുകളിൽ നിന്ന് മാറി ശാന്തമായ ഒരിടത്തേക്ക് പോകാൻ ആ​ഗ്രഹിക്കുന്നവർക്ക് അവലാഞ്ച് ആൻ്റ് എമറാൾഡ് തടാകങ്ങൾ തിരഞ്ഞെടുക്കാം. ട്രക്കിംഗിനും ക്യാമ്പിംഗിനും അനുയോജ്യമായ സ്ഥലമാണിത്. മഞ്ഞു മൂടിയ മലനിരകളും, തടാകത്തിൻ്റെ മനോഹാരിതയും ആസ്വദിക്കാൻ ഇതിലും നല്ലൊരിടം വേറെയില്ല.

ബെം​ഗളൂരുവിലേക്ക് ഒരു യാത്ര പ്ലാൻ ചെയ്യുമ്പോൾ ആദ്യം തന്നെ മനസ്സിൽ വരുന്നത് അവിടുത്തെ ഒരിക്കലും മാറാത്ത ട്രാഫിക്ക് ബ്ലോക്ക് ആണ (Bengaluru Traffic Block). ബെംഗളൂരുവിലെ ട്രാഫിക്കിലുടെ യാത്ര ചെയ്യുക എന്നത് പലരെയും മടുപ്പിക്കുന്ന കാര്യമാണ്. സ്ഥിരമായി യാത്ര ചെയ്യുന്നവർക്ക് പോലും അത് പേടിസ്വപ്നമാണ്. ഇതിൽ നിന്നും രക്ഷപ്പെടാനുള്ള ഏറ്റവും വലിയ മാർഗമാണ് നമ്മ മെട്രോ. അത്തരത്തിൽ ബെംഗളൂരുവിൽ ആദ്യമായി വരുന്നവർക്കും സ്ഥിരതാമസക്കാരായവർക്കും നമ്മ മെട്രോയിൽ (Namma Metro) യാത്ര ചെയ്യേണ്ട രീതികളും മെട്രോയിലൂടെ സഞ്ചരിച്ച് പോകേണ്ട വിനോദ സഞ്ചാര കേന്ദ്രങ്ങളും ഏതെല്ലാമെന്ന് നോക്കാം.

ALSO READ: കെഎസ്ആർടിസി അവധിക്കാല യാത്ര; കുറഞ്ഞ ചിലവിൽ കുടുംബത്തോടൊപ്പം അടിച്ചുപൊളിക്കാം

പ്രധാന ടൂറിസ്റ്റ് കേന്ദ്രങ്ങൾ

ബെം​ഗളൂരുവിലെ നമ്മ മെട്രോ സ്റ്റേഷനടുത്ത് സ്ഥിതി ചെയ്യുന്ന പ്രധാന വിനോദ സഞ്ചാര കേന്ദ്രങ്ങളാണ് ലാൽബാഗ്, കബ്ബൺ പാർക്ക്, എം.ജി റോഡ് & ബ്രിഗേഡ് റോഡ് തുടങ്ങിയിടമാണ് മെട്രോ സ്റ്റേഷനകളുടെ അടുത്ത് സ്ഥിതി ചെയ്തിട്ടുള്ളത്. നമ്മ മെട്രോ ​ഗ്രീൻ ലൈനും, പർപ്പിൾ ലൈനും ഉപയോ​ഗിച്ച് വേണം ഈ സ്ഥലങ്ങളിലേക്ക് യാത്ര ചെയ്യാൻ.

ടിക്കറ്റ് എടുക്കാൻ ക്യൂ നിൽക്കേണ്ട

സ്റ്റേഷനിലെ നീണ്ട ക്യൂവിൽ നിന്ന് സമയം കളയാതിരിക്കാൻ നിങ്ങൾക്ക് നമ്മ മെട്രോയുടെ ഔദ്യോഗിക വാട്ട്‌സ്ആപ്പ് നമ്പറിൽ മെസ്സേജ് അയച്ച് നിമിഷങ്ങൾക്കുള്ളിൽ ക്യുആർ ടിക്കറ്റ് എടുക്കാനാകുന്നതാണ്. അതുപോലെ നമ്മ മെട്രോ ആപ്പ് വഴി ടിക്കറ്റ് ബുക്ക് ചെയ്യാനും റൂട്ടുകൾ മനസ്സിലാക്കാനും സാധിക്കും. ദിവസവും യാത്ര ചെയ്യുന്നവരാണെങ്കിൽ നിങ്ങൾക്ക് നമ്മ മെട്രോയുടെ സ്മാർട്ട് കാർഡ് വാങ്ങാവുന്നതാണ്. അത് റീഫണ്ട് ചെയ്യാവുന്നതുമാണ്.

യാത്രക്കാർ ശ്രദ്ധിക്കാൻ

രാവിലെ എട്ട് മണി മുതൽ 11 മണി വരെയും വൈകുന്നേരം നാല് മണി മുതൽ രാത്രി എട്ട് മണി വരെയും മെട്രോയിൽ പൊതുവെ തിരക്ക് കൂടുതലായിരിക്കും. കാരണം ജോലിക്കാരും പഠിക്കുന്ന കുട്ടികളും ഈ സമയത്താണ് യാത്ര ചെയ്യുന്നത്. ടൂറിസ്റ്റ് ആവശ്യങ്ങൾക്കായി ഈ സമയം ഒഴിവാക്കുന്നത് യാത്ര കൂടുതൽ സുഖകരമാക്കുന്നതാണ്.

കെഎസ്ആർടിസിയിൽ (KSRTC) അവധിക്കാലം ആഘോഷിക്കാൻ ആഗ്രഹിക്കുന്നവർക്കായി ആകർഷകമായ ടൂർ പാക്കേജുകളുമായിട്ടാണ് കൊല്ലെ ഡിപ്പോ എത്തിയിരിക്കുന്നത്. വിനോദസഞ്ചാരികളെയും കുടുംബങ്ങളെയും ആകർഷിക്കുന്ന രീതിയിലുള്ള ആകർഷകമായ പാക്കേജുകളാണ് ഈ യാത്രയുടെ ഏറ്റവും വലിയ പ്രത്യേകത. കൊല്ലം ഡിപ്പോയിലെ ബജറ്റ് ടൂറിസം സെല്ലാണ് ഈ യാത്ര ഒരുക്കുന്നത്. പ്രകൃതിയെ അടുത്തറിയാൻ ആഗ്രഹിക്കുന്നവർക്ക് പറ്റിയ പാക്കേജാണിത്.

യാത്രയുമായി ബന്ധപ്പെട്ട വിവരങ്ങൾ

കൊല്ലം കെഎസ്ആർടിസി ഡിപ്പോയിൽ നിന്ന് ഏപ്രിൽ 15 മുതൽ ആരംഭിക്കുന്ന മികച്ച ബജറ്റ് ടൂർ പാക്കേജുകളുടെ വിശദാംശങ്ങളാണ് ഇവിടെ പറയാൻ പോകുന്നത്. അവധിക്കാല യാത്രകൾ പ്ലാൻ ചെയ്യുന്നവർക്ക് ആകർഷകമായ പാക്കേജുകളും മികച്ച സൗകര്യത്തോടെയുമാണ് യാത്ര ഒരുക്കിയിരിക്കുന്നത്.

കടലും കായലും സംഗമിക്കുന്ന പൂവാറിൻ്റെ സൗന്ദര്യം ആസ്വദിക്കാനായി ഏപ്രിൽ 15 ബുധനാഴ്ച്ച രാവിലെ ആറിന് കൊല്ലത്ത് നിന്ന് പുറപ്പെടുന്നന യാത്ര രാത്രി 9 മണിക്ക് തിരിച്ചെത്തും. പ്രവേശന ഫീസുകളും ബോട്ടിംഗ് നിരക്കുകളും ഉൾപ്പെടെ 1,200 രൂപയാണ് ഈ പാക്കേജിന് ഈടാക്കുന്നത്. കുടുംബത്തോടൊപ്പം ഒരു ദിവസം മുഴുവൻ ചിലവഴിക്കാൻ ഇതിലും നല്ലൊരു അവസരം വേറെയുണ്ടാകില്ല.

ALSO READ: വിഷു കഴിഞ്ഞ് ബെംഗളൂരുവിലേക്ക് തിരക്കില്ലാതെ എങ്ങനെ മടങ്ങാം? നിങ്ങൾ അറിയേണ്ട ടിപ്സുകൾ

കേരളത്തിന് പുറത്ത് തമിഴ്നാട്ടിലെ പുണ്യക്ഷേത്രങ്ങളിലേക്കും ചരിത്രഭൂമികളിലേക്കും യാത്ര ചെയ്യാൻ ആ​ഗ്രഹിക്കുന്നവർക്കായി ഏപ്രിൽ 16ന് പുലർച്ചെ 4 ന് കൊല്ലം ഡിപ്പോയിൽ നിന്ന് യാത്ര പുറപ്പെടുന്നതാണ്. തെങ്കാശി, മധുര മീനാക്ഷി ക്ഷേത്രം, രാമേശ്വരം, ധനുഷ്കോടി തുടങ്ങിയ സ്ഥലങ്ങൾ ഉൾപ്പെടുത്തിയ ഈ യാത്രയ്ക്ക് ഈടാക്കുന്നത് 2,150 രൂപയാണ്.

ഗുരുവായൂർ പുണ്യതീർത്ഥയാത്ര ആ​ഗ്രഹിക്കുന്നവർക്ക് വിഷുവിൻ്റെ എല്ലാ തിരക്കുകളും അവസാനിച്ച ശേഷം ഭ​ഗവാനെ കണ്ടുതൊഴാൻ ഏപ്രിൽ 17ന് രാത്രി ഒമ്പത് മണിക്ക് കൊല്ലത്ത് നിന്ന് പുറപ്പെടുന്ന യാത്ര തിരഞ്ഞെടുക്കാം. ഗുരുവായൂർ ക്ഷേത്രം, മമ്മിയൂർ, ആനക്കോട്ട, തൃപ്രയാർ ശ്രീരാമസ്വാമി ക്ഷേത്രം, കൊടുങ്ങല്ലൂർ ശ്രീകുരുംബ ഭഗവതി ക്ഷേത്രം, പറവൂർ ദക്ഷിണ മൂകാംബിക ക്ഷേത്രം തുടങ്ങിയ പുണ്യസ്ഥലങ്ങളിലേക്കാണ് യാത്ര. 1,360 രൂപയാണ് നിരക്ക്.

വേനൽചൂടിൽ നിന്ന് ആശ്വാസമേകാൻ അതിരപ്പിള്ളി - സിൽവർ സ്റ്റോം യാത്രയ്ക്കായിട്ട് ഏപ്രിൽ 18ന് പുലർച്ചെ കൊല്ലം ഡിപ്പോയിൽ നിന്ന് പുറപ്പെടുന്ന യാത്ര തിരഞ്ഞെടുക്കാം. അതിരപ്പിള്ളി വെള്ളച്ചാട്ടം, സിൽവർ സ്റ്റോം വാട്ടർ തീം പാർക്ക്, സ്നോ വേൾഡ്/ഐസ് വേൾഡ് തുടങ്ങിയ സ്ഥലങ്ങൾ ഉൾപ്പെടുത്തിയ ഈ യാത്രയ്ക്ക് 2,150 രൂപയാണ് ഈടാക്കുന്നത്. കൂടുതൽ വിവരങ്ങൾക്കായി 9747969768, 9495440444 എന്നീ നമ്പരുകളിൽ ബന്ധപ്പെടാവുന്നതാണ്.

ബെം​ഗളൂരു, ചെന്നൈ തുടങ്ങിയ പ്രധാന ന​ഗരങ്ങളിൽ നിന്ന് വിഷുവിന് നാട്ടിലെത്താൻ ആളുകൾ നെട്ടോട്ടമോടുകയാണ്. പലർക്കും ട്രെയിൻ ടിക്കറ്റുകൾ കിട്ടുന്നില്ലെന്ന പരാതിയുമുണ്ട്. അതുപോലെ പ്രൈവറ്റ് ബസുകളുടെ നിരക്ക് വർദ്ധനയും സാധാരണകാർക്ക് വലിയ വെല്ലുവിളിയായിട്ടുണ്ട്. കേരളത്തിലേക്കുള്ള യാത്ര ഇത്രയും ദുഷ്കരമാണെങ്കിൽ തിരിച്ചുള്ള മടക്കയാത്ര എങ്ങനെയായിരിക്കും. എന്നാൽ കൃത്യമായ പ്ലാനിങ്ങുണ്ടെങ്കിൽ സുഖകരമായി തിരിച്ച് മടങ്ങാനാകും.

വിഷു ആഘോഷം കഴിഞ്ഞ് കേരളത്തിൽ നിന്ന് ബെംഗളൂരുവിലേക്ക് മടങ്ങുക എന്നത് ഇങ്ങോട്ടേക്ക് വന്നതുപോലെ തന്നെ വലിയ ബുദ്ധിമുട്ടുള്ള കാര്യമാണ്. നിരവധി ആളുകൾ ഒരേസമയം യാത്ര ചെയ്യുന്നതിനാൽ ബസുകളിലും ട്രെയിനുകളിലും ടിക്കറ്റ് കിട്ടുക വലിയ പ്രയാസമാണ്. എന്നാൽ നേരത്തെ നിങ്ങളുടെ യാത്ര പ്ലാൻ ചെയ്ത് ടിക്കറ്റുകൾ ബുക്ക് ചെയ്താൽ അവസാന നിമിഷത്തെ ഓട്ടം കുറയ്ക്കാനാകും. വിഷു അവധിക്ക് ശേഷം തിരക്കില്ലാതെ ബെംഗളൂരുവിലെത്താൻ പറ്റിയ ചില യാത്രാ ടിപ്സുകൾ നോക്കിയാലോ.

ALSO READ: ബെംഗളൂരു കറങ്ങാൻ പോയാലോ; മെട്രോ റൂട്ടുകൾ മുതൽ സ്ട്രീറ്റ് ഫുഡ് വരെ, അറിയേണ്ടതെല്ലാം

സമയവും യാത്രയും

മിക്കവാറും ആളുകൾ അവധി കഴിഞ്ഞ് ഞായറാഴ്ച രാത്രിയോ തിങ്കളാഴ്ച രാവിലെയോ ആണ് യാത്ര പുറപ്പെടുക. നിങ്ങൾക്ക് സുഖകരമായി യാത്ര ചെയ്യാൻ ഒന്നെങ്കിൽ ശനയാഴ്ച്ചയോ അല്ലെങ്കിൽ തിങ്കളാഴ്ച്ചയ്ക്ക് ശേഷമോ ടിക്കറ്റ് ബുക്ക് ചെയ്യുക. അതുപോലെ കഴിവതും നേരത്തെ തന്നെ ടിക്കറ്റുകൾ ബുക്ക് ചെയ്യുക. രാത്രി യാത്ര ഒഴിവാക്കി പകൽ സമയത്തെ കെഎസ്ആർടിസി ബസുകളോ ട്രെയിനുകളോ തിരഞ്ഞെടുത്താൽ തിരക്ക് കുറവായിരിക്കും.

ബദൽ റൂട്ടുകൾ പരീക്ഷിക്കാം

സ്ഥിരമായി പോകുന്നതോ തിരക്കുള്ള റൂട്ടുകളോ മടക്കയാത്രയ്ക്ക് ഒഴിവാക്കുന്നതാണ് നല്ലത്. നിങ്ങൾ സ്വന്തം വാഹനത്തിലാണ് യാത്ര ചെയ്യുന്നതെങ്കിൽ ട്രാഫിക്കിൽ പെടാതെ ബെം​ഗളൂരുവിൽ എത്താൻ തിരക്കില്ലാത്ത റൂട്ടുകൾ തിരഞ്ഞെടുക്കാം. തെക്കൻ കേരളത്തിൽ നിന്നുള്ളവർക്ക് സേലം റൂട്ടിലെ തിരക്ക് ഒഴിവാക്കാൻ ദിണ്ടിഗൽ - തേനി വഴി മടങ്ങാവുന്നതാണ്. മലബാർ ഭാഗത്തുള്ളവർക്ക് മക്കൂട്ടം-വിരാജ്പേട്ട വഴി വരുന്നത് വലിയ ട്രാഫിക് ബ്ലോക്കുകൾ ഒഴിവാക്കാൻ സഹായിക്കും.

വിമാന ടിക്കറ്റ്

അവസാന നിമിഷം വിമാന ടിക്കറ്റ് എടുക്കുന്നത് വലിയ ചിലവുള്ള കാര്യമായതിനാൽ ഈ രീതി ഒഴിവാക്കുന്നതാണ് നല്ലത്. അതിനാൽ നേരത്തെ തന്നെ ടിക്കറ്റെടുക്കുന്നത് ഇത്തരം സാഹചര്യങ്ങൾ ഒഴിവാക്കാൻ സ​ഹായിക്കും.

കൊച്ചി കണ്ടവന് അച്ചി വേണ്ടാ...ഈ പ്രയോഗം ഓര്‍മ്മയുണ്ടോ? അച്ചിയെ വേണ്ടയോ ഇല്ലയോ എന്നത് അവിടെ നില്‍ക്കട്ടെ, ഇത്രയും പ്രായമായിട്ടും കൊച്ചി (Kochi Travel Plan) മുഴുവനായി കണ്ടില്ലെന്ന് പറയുന്നത് ശരിയാണോ? മെട്രോ കയറിയാല്‍ കൊച്ചി മുഴുവന്‍ കറങ്ങാനാകും. ബസ്സില്‍ കയറി ബുദ്ധിമുട്ടാതെ കൊച്ചിയില്‍ കണ്ടുവരാനാകുന്ന സ്ഥലങ്ങള്‍ ഒന്ന് പരിചയപ്പെട്ടാലോ? നിങ്ങളുടെ അടുത്ത കൊച്ചിയിലേക്കുല്ള യാത്രയില്‍ ഇവിടങ്ങള്‍ പരിഗണിക്കാനും മറക്കരുത്.

മഹാരാജാസ്

മഹാരാജാസില്‍ മെട്രോ ഇറങ്ങുകയാണെങ്കില്‍ നിങ്ങള്‍ക്ക് മറൈന്‍ ഡ്രൈവ്, ബോട്ട് ജെട്ടി എന്നിവിടങ്ങളിലേക്ക് പോകാം. മറൈന്‍ ഡ്രൈവിലെത്തിയാല്‍ അവിടെ നിന്ന് ബോട്ട് സവാരി നടത്താം, വാട്ടര്‍ മെട്രോയില്‍ കയറി, ഫോര്‍ട്ട് കൊച്ചി, വൈപ്പിന്‍ എന്നിവിടങ്ങളിലേക്ക് പോകാനും സാധിക്കും.

തൃപ്പൂണിത്തുറ

തൃപ്പൂണിത്തുറയാണ് മെട്രോ ഇറങ്ങാന്‍ പ്ലാനിടുന്നതെങ്കില്‍ ചോറ്റാനിക്കര ക്ഷേത്രത്തിലും പോയി വരാം, ഹില്‍ പാലസും കാണാം. മണിച്ചിത്രത്താഴ് ഉൾപ്പെടെയുല്ള ഒരുപാട് സിനിമകള്‍ ഷൂട്ട് ചെയ്തിട്ടുള്ള ഹില്‍ പാലസില്‍ കൊച്ചി രാജവംശത്തിന്റെ ധാരളം ശേഷിപ്പുകള്‍ അവസാനിക്കുന്നുമുണ്ട്. രാജാവിന്റെ കിരീടവും രാജഭരണകാലത്തെ മറ്റ് സാധനങ്ങളുമെല്ലാം ഇവിടെ കാണാനാകും. ഇവിടെ തന്നെ നല്ല ഒരു സമയം ചിലവഴിക്കാൻ സാധിക്കുന്നതാണ്.

എംജി റോഡ്

എംജി റോഡ് ബ്രോഡ് വേ മാര്‍ക്കറ്റിലേക്ക് പോകാന്‍ നിങ്ങളെ സഹായിക്കും. വൈവിധ്യമായ ഷോപ്പിങ് അനുഭവം തന്നെ ഇവിടെ ആസ്വദിക്കാനാകുന്നതാണ്. കൊച്ചിയുടേതായ പല ഉത്പന്നങ്ങളും വാങ്ങിക്കുകയും ചെയ്യാം. വില കുറച്ചും സാധനങ്ങൾ വാങ്ങാൻ ബ്രോഡ് വേയും പെൻ്റാ മേനകയുമാണ് ബെസ്റ്റ് ഇടം.

കലൂര്‍

കലൂര്‍ ഇറങ്ങിയാല്‍ കലൂര്‍ മാര്‍ക്കറ്റ്, രാജീവ് ഗാന്ധി ഇന്‍ഡോര്‍ സ്‌റ്റേഡിയം എന്നിവിടങ്ങളിലേക്ക് പോകാം. ഇവിടെ ചുമ്മാ ഒന്ന് കറങ്ങി നടക്കാൻ നല്ലതാണ്.

Also Read: Mookambika Temple Budget Rooms: മൂകാംബികയിൽ കുറഞ്ഞ നിരക്കിൽ എവിടെ റൂം കിട്ടും? ദാ നോക്കിക്കോളൂ

ജവഹര്‍ലാല്‍ നെഹ്രു സ്‌റ്റേഡിയം

സ്‌പോര്‍ട്‌സ് മത്സരങ്ങള്‍ പ്രത്യേകിച്ച് കേരള ബ്ലാസറ്റേഴ്സിൻ്റെ ഫുട്‌ബോള്‍ മത്സരങ്ങള്‍ കാണാനായി പോകുന്നവര്‍ ഇവിടെയാണ് മെട്രോ ഇറങ്ങേണ്ടത്.

ഇടപ്പള്ളി

ഒബ്‌റോണ്‍ മാള്‍, ലുലു മാള്‍ ഇതെല്ലാം കാണണമെങ്കില്‍ നമുക്ക് ഇടപ്പള്ളിയില്‍ മെട്രോ ഇറങ്ങാം. ലുലു മാളിനോട് ചേര്‍ന്ന് തന്നെയാണ് ഇടപ്പള്ളി മെട്രോ സ്‌റ്റോപ്പും.

​ഗാർഡൻ സിറ്റി ഓഫ് ഇന്ത്യ എന്നറിയപ്പെടുന്ന ന​ഗരമാണ് നമ്മുടെ സ്വന്തം ബെം​ഗളൂരു. മലയാളികൾക്ക് ഏറ്റവും പ്രിയപ്പെട്ട സ്ഥലമെന്ന പ്രത്യേകതയും ബെം​ഗളൂരുവിനുണ്ട്. ഷോപ്പിംഗിനായാലും പഠനത്തിനോ ജോലിക്കോ ആയാലും ബെംഗളൂരു എന്നും മികച്ച സ്ഥലമാണ്. അതുകൊണ്ട് തന്നെ ​ന​ഗരത്തിൽ എവിടെചെന്നാലും ഒരു മലയാളിയെ എങ്കിലും നമുക്ക് കാണാൻ സാധിക്കുന്നതാണ്. ഈ വേനലവധിക്ക് ബെം​ഗളൂരു കറങ്ങാനിറങ്ങുന്നവർക്ക് മികച്ച് സ്പോട്ടുകളും ഫുഡ് സ്ട്രീറ്റുകളും ഉൾപ്പെടുത്തികൊണ്ട് ഒരു യാത്ര ലേഖനമിതാ.

എങ്ങനെ എത്തിച്ചേരാം?

കേരളത്തിൽ നിന്നാണ് നിങ്ങൾ യാത്ര പോകുന്നതെങ്കിൽ നമ്മുടെ എല്ലാ പ്രധാന നഗരങ്ങളിൽ നിന്നും കേരള/കർണാടക കെഎസ്ആർടിസി (KSRTC) ബസുകളും പ്രൈവറ്റ് ബസുകളും ലഭ്യമാണ്. ഇനിയതല്ലെങ്കിലും ട്രെയിനുകളും ധാരാളമായിട്ടുണ്ട്. മജസ്റ്റിക് (KSR), യശ്വന്ത്പൂർ, കൃഷ്ണരാജപുരം (KR Puram), എസ്എംവിടി (SMVT) ബയ്യപ്പനഹള്ളി എന്നിവടങ്ങളിലേക്കാണ് പ്രധാനമായും ട്രെയിനുകൾ സർവീസ് നടത്തുന്നത്. ഇതിൽ ഏത് തിരഞ്ഞെടുത്തുകൊണ്ടും നിങ്ങളുടെ സൗകര്യത്തിന് അനുസരിച്ച് യാത്ര പ്ലാൻ ചെയ്യാവുന്നതാണ്.

ALSO READ: ബെംഗളൂരു – കൊച്ചി യാത്രയിലെ ‘സീക്രട്ട്’ ടിപ്‌സ്; ഇങ്ങനെ യാത്ര ചെയ്താൽ പകുതി പണം ലാഭിക്കാം

 നമ്മ മെട്രോ യാത്ര

ബെംഗളൂരുവിലെത്തിയാൽ എങ്ങനെ യാത്ര ചെയ്യാമെന്ന് ആശങ്കപ്പെടുന്നവർക്ക് ട്രാഫിക്കില്ലാതെ യാത്ര ചെയ്യാൻ ഏറ്റവും നല്ല മാർഗ്ഗമാണ് നമ്മ മെട്രോ. പർപ്പിൾ ലൈൻ, ഗ്രീൻ ലൈൻ എന്നിങ്ങനെ വിവിധ റൂട്ടുകളിലേക്ക് ഏറ്റവും ചിലവ് കുറഞ്ഞ നിരക്കിൽ നമ്മ മെട്രോ ഉപയോ​ഗിച്ച് നിങ്ങൾക്ക് യാത്ര ചെയ്യാവുന്നതാണ്. മെട്രോ സ്മാർട്ട് കാർഡോ അല്ലെങ്കിൽ 'Namma Metro' ആപ്പ് വഴിയുള്ള ക്യുആർ കോഡോ ഉപയോഗിച്ചാൽ നേരത്തെ ടിക്കറ്റ് എടുക്കാവുന്നതാണ്.

കാണേണ്ട പ്രധാന സ്ഥലങ്ങൾ

ലാൽബാഗ് & കബ്ബൺ പാർക്ക്, ബാംഗ്ലൂർ പാലസ്, ബന്നാർഘട്ട നാഷണൽ പാർക്ക്, വിശ്വേശ്വരയ്യ മ്യൂസിയം എന്നിവയാണ് ബെം​ഗളൂരുവിൽ എത്തിയാൽ പ്രധാനമായും കണ്ടിരിക്കേണ്ട സ്ഥലങ്ങൾ. കുടുംബത്തോടൊപ്പമായാലും കൂട്ടുകാർക്കൊപ്പമായാലും നിങ്ങൾക്ക് ഇവിടെ എത്തിച്ചേരാനാകും. നമ്മ മെട്രോയുടെ സ്റ്റേഷനുകൾക്ക് അടുത്താണ് മിക്ക വിനോദ സഞ്ചാര കേന്ദ്രങ്ങളും എന്നത് വളരെ പ്രധാനമാണ്.

സ്ട്രീറ്റ് ഫുഡ് രുചികൾ

ബെംഗളൂരുവിലെ ഭക്ഷണം വെറുമൊരു രുചിയല്ല, അതൊരു അനുഭവവും ഓർമ്മയുമാണ്. വൈകുന്നേരങ്ങളിൽ ഫുഡ് ആസ്വദിക്കാൻ ഏറ്റവും നല്ല സ്ഥലമാണ് വിവി പുരം ഫുഡ് സ്ട്രീറ്റ്. സ്ട്രീറ്റ് ഫുഡ് പ്രേമികളുടെ സ്വർഗ്ഗമാണ് ഇവിടം. അസ്സൽ ബെംഗളൂരു മസാല ദോശ കഴിക്കാൻ ആ​ഗ്രഹമുള്ളവർക്ക് വിദ്യാർത്ഥി ഭവൻ അല്ലെങ്കിൽ ഗാന്ധി ബസാർ സന്ദർശിക്കാവുന്നതാണ്. ലാൽബാഗിന് സമീപമുള്ള മാവള്ളി കോഫി പ്രേമികൾക്ക് ഇഷ്ടമുള്ള സ്ഥലമാണ്.

വേനലവധിക്ക് യാത്രകള്‍ പോകുന്നവര്‍ ധാരാളമാണ്. എന്നാല്‍ എവിടേക്ക് പോകും, എങ്ങനെ പോകും, എവിടെ താമസിക്കും എന്ന കാര്യത്തില്‍ സംശയങ്ങള്‍ ബാക്കിയാണ്. എന്നാല്‍ ഇത്തവണ മൂകാംബികയിലേക്ക് (Mookambika Trip Plan) ആക്കിയാലോ യാത്ര? ദേവി വിളിക്കുമ്പോള്‍ മാത്രം എത്തിപ്പെടാന്‍ സാധിക്കുന്ന ക്ഷേത്രമെന്ന വിശേഷമുണ്ട് മൂകാംബികയ്ക്ക്. ദേവി വിളിച്ചാല്‍ നിങ്ങള്‍ക്കും മൂകാംബിക സന്ദര്‍ശിച്ച് മടങ്ങാം. അതേസമയം മൂകാംബികയില്‍ പോയാല്‍ എവിടെ താമസിക്കുമെന്ന കാര്യത്തില്‍ പലർക്കും സംശയം ഉണ്ട്. എന്നാൽ ഇനി അത് വേണ്ട, നിരക്ക് കുറഞ്ഞ താമസസൗകര്യങ്ങള്‍ ക്ഷേത്രത്തിനടുത്ത് ധാരാളം ലഭ്യമാണ്. അത് ഏതെല്ലാമാണെന്നും എത്ര രൂപയായിരിക്കും വാടക വരുന്നതെന്നും പരിശോധിക്കാം.

മൂകാംബികയില്‍ കുറഞ്ഞ ചെലവില്‍ താമസിക്കാം?

ദേവസ്വം-ട്രസ്റ്റ് റൂമുകള്‍

ക്ഷേത്രത്തിന് സമീപം തന്നെ ദേവസ്വത്തിൻ്റെ ട്രെസ്റ്റ് റൂമുകളിൽ താമസസൗകര്യം ലഭിക്കുന്നതാണ്. 200 രൂപ മുതല്‍ 800 രൂപ വരെ മാത്രമേ ഇവിടെ വാടക വരികയുള്ളൂ. എന്നാല്‍ ചില സാഹചര്യങ്ങളില്‍ മുന്‍കൂര്‍ ബുക്കിങ് ആവശ്യമായി വന്നേക്കാം.

ബജറ്റ് ലോഡ്ജുകള്‍

ക്ഷേത്രത്തിന് ചുറ്റും ധാരാളം ലോഡ്ജുകളുണ്ട്. ഇവിടങ്ങളില്‍ കുറഞ്ഞ നിരക്കിൽ 500 രൂപ മുതല്‍ റൂമുകള്‍ ലഭിക്കും. കുടുംബമൊത്ത് താമസിക്കാന്‍ ഇവിടങ്ങളും അനുയോജ്യമാണ്. എസി-നോണ്‍ എസി റൂമുകള്‍ക്ക് വ്യത്യസ്ത വാടകയാണ് ഈടാക്കുന്നത്.

ഗസ്റ്റ് ഹൗസ്

ക്ഷേത്രത്തിനടുത്ത് ലോക്കല്‍ വീടുകളില്‍ താമസിക്കാനാകുന്നതാണ്. ഇതിന് പുറമെ ഗസ്റ്റ് ഹൗസ് സൗകര്യവുമുണ്ട്. ഇവിടെ ഏകദേശം 800 മുതല്‍ 2,000 രൂപ വരെയാണ് ദിവസ വാടക വരുന്നത്. നല്ല ഭക്ഷണം, ശാന്തമായ അന്തരീക്ഷം എന്നിവ ആസ്വദിക്കാനാകുന്നതാണ്.

Also Read: Bengaluru-Kerala Travel: ബെംഗളൂരു – കേരള യാത്രയ്ക്ക് കെഎസ്ആർടിസി നോക്കണ്ട, കീശ കാലിയാക്കും; നിരക്ക് കേട്ട് ഞെട്ടരുത്

എങ്ങനെ ചെലവ് കുറയ്ക്കാം?

ക്ഷേത്രത്തിന് ചുറ്റുമുള്ള കൊല്ലൂര്‍ ടൗണില്‍ തന്നെ താമസം നോക്കുന്നതാണ് ഏറ്റവും നല്ലത്. ഇതിനായി ബസ് സ്റ്റാന്‍ഡിന് അടുത്തുള്ള ലോഡ്ജുകളും പരിഗണിക്കാവുന്നതാണ്. ചെലവ് കുറയ്ക്കാനായി ഉത്സവകാല സീസണ്‍ ഒഴിക്കാം മുകാംബികയിലേക്ക് പോകാൻ പ്ലാൻ ചെയ്യുക. നേരിട്ട് ലോഡ്ജില്‍ പോയി ചോദിക്കാം, ഗ്രൂപ്പായി പോകാം, മുന്‍കൂര്‍ ബുക്കിങ് നടത്താം തുടങ്ങിയ വഴികള്‍ പരിഗണിക്കാവുന്നതാണ്. വിശദമായി അന്വേഷിച്ച് പോയാൽ ചെലവ് കുറഞ്ഞ് മുകാംബിക ദർശനം നടത്തി മടങ്ങി വരാവുന്നതാണ്.

കൂർഗിൽ ട്രക്കിങ്ങിനിടെ കോഴിക്കോട് സ്വദേശി ശരണ്യയെ കാണാതെ പോയതും നാല് ദിവസത്തെ തിരച്ചിലിന് ഒടുവിൽ കണ്ടെത്തിയതും വാർത്തകളിൽ നിറഞ്ഞു നിൽക്കുകയായിരുന്നു. ട്രെക്കിങ്ങിനിടെ വഴിതെറ്റുന്ന സമയത്ത് ശരണ്യയുടെ കൈകളിൽ അര ലിറ്റർ വെള്ളക്കുപ്പി മാത്രമാണ് ഉണ്ടായിരുന്നത്. പശ്ചിമഘട്ടത്തിലെ സമുദ്രനിരപ്പിൽ നിന്ന് 1748 അടി ഉയരത്തിൽ സ്ഥിതി ചെയ്യുന്ന കർണാടകയിലെ മൂന്നാമത്തെ ഉയരം കൂടിയ കൊടുമുടിയായ തടിയൻ്റമോൾ കൊടുമുടിയിൽ ട്രെക്കിംഗ് നടത്തുന്നതിനിടെയാണ് അവരെ കാണാതാകുന്നത്.

ആദിവാസികൾ ഉൾപ്പെടെ 100 പേർ ചേർന്ന സംഘമാണ് രക്ഷാപ്രവർത്തനത്തിന് ഇറങ്ങിത്തിരിച്ചത്. മലകയറ്റത്തിനിടയിലോ വനത്തിലൂടെയുള്ള യാത്രയ്ക്കിടയിലോ വഴിതെറ്റുക എന്നത് ആരെയും പരിഭ്രാന്തരാക്കുന്ന ഒന്നാണ്. എന്നാൽ ഇവിടെ ശരണ്യയുടെ ആത്മധൈര്യവും സഹനശേഷിയുമാണ് അവരെ തിരിച്ച് ജീവിതത്തിലേക്ക് കൊണ്ടുവന്നത്. അങ്ങനെയെങ്കിൽ ഒരു യാത്രയ്ക്കിടെ നിങ്ങൾക്കും ഇത്തരത്തിൽ വഴിതെറ്റിയാൽ എന്തൊക്കെ കാര്യങ്ങൾ ശ്രദ്ധിക്കണമെന്ന് നോക്കാം.

ALSO READ: ബെംഗളൂരു – കേരള യാത്രയ്ക്ക് കെഎസ്ആർടിസി നോക്കണ്ട, കീശ കാലിയാക്കും; നിരക്ക് കേട്ട് ഞെട്ടരുത്

യാത്രയിൽ ശ്രദ്ധിക്കേണ്ടത്

1. വഴിതെറ്റിയെന്ന് തിരിച്ചറിഞ്ഞാൽ ഉടൻ യാത്ര അവസാനിപ്പിക്കുക. പരിഭ്രാന്തരായി ലക്ഷ്യമില്ലാതെ ഓടുന്നത് കൂടുതൽ അപകടത്തിലേക്ക് എത്തിക്കും. കാരണം നിങ്ങൾ കുടുങ്ങിയിരിക്കുന്നത് കാട്ടിലാണ്
2. നിങ്ങൾ വന്നവഴി ഓർത്തെടുക്കാനോ, എത്ര ദുരം നടന്നുവെന്ന് മനസ്സിലാക്കാനോ ശ്രമിക്കുക. തിരിച്ചുപോകാൻ ഉറപ്പില്ലെങ്കിൽ അവിടെ തന്നെ നിലയുറപ്പിക്കുക. മറ്റൊരു ഇടത്തേക്ക് പോയാൽ കൂടുതൽ അപകടങ്ങൾക്ക് സാധ്യതയേറെയാണ്
3. നിങ്ങൾ ഒരിടത്ത് നിൽക്കുകയാണെങ്കിൽ ആദ്യം തന്നെ ചുറ്റുമുള്ള സാഹചര്യങ്ങൾ നിരീക്ഷിക്കുക. രാത്രി തങ്ങേണ്ടി വന്നാൽ സുരക്ഷിതമായ ഇടം കണ്ടെത്തുക.
4. ലഭ്യമായ സാധനങ്ങൾ ഭക്ഷണം, വെള്ളം, ടോർച്ച്, വിസിൽ എന്നിവ എപ്പോഴും കൈയ്യിൽ കരുതുക. വിസിലോ മറ്റോ കൈയ്യിലുണ്ടെങ്കിൽ ഇടയ്ക്കിടെ പകൽ സമയത്ത് അത് ഉപയോഗിക്കുക.
5. ട്രെക്കിംഗിന് മുമ്പ് നല്ല ശാരീരികക്ഷമത കൈവരിക്കുക. ശാരീരികമായി ആരോഗ്യമുള്ളവർക്ക് നാല് ദിവസം വരെ ഭക്ഷണമില്ലാതെ ജീവിക്കാനാകും.

വിഷു പ്രമാണിച്ച് ബെം​ഗളൂരുവിൽ നിന്ന കേരളത്തിലേക്ക് എത്താനിരിക്കുന്നവർക്ക് വെല്ലുവിളിയായി കെഎസ്ആർടിസിയുടെ നിരക്ക് വർദ്ധന. കേരള ആർടിസിയുടെ ഡൈനാമിക് പ്രൈസിങ്ങിന്റെ മറവിലാണ് വിഷു യാത്രയിൽ നിരക്ക് വർദ്ധിപ്പിച്ചത്. 30–50 ശതമാനം വരെ അധിക നിരക്കാണ് തിരക്ക് കൂടുതലുള്ള ദിവസങ്ങളിൽ വർദ്ധിപ്പിച്ചിരിക്കുന്നത്.

വേണ്ടത്ര യാത്രക്കാരില്ലാതെ ബസ് ഓടുന്നത് മൂലമുള്ള നഷ്ടം നികത്താനാണ് ഇത്തരത്തിൽ നിരക്ക് വർദ്ധിപ്പിക്കാനുള്ള നീക്കം 2025 നവംബർ മുതൽ ആരംഭിച്ചത്. അതേസമയം, ബസ് പുറപ്പെടുന്നതിന് 24 മണിക്കൂർ മുൻപ് 50 ശതമാനം സീറ്റുകളിൽ ഒഴിവുണ്ടെങ്കിൽ ടിക്കറ്റ് നിരക്ക് കുറയുമെന്നതാണ് ഇപ്പോഴത്തെ രീതി.

ALSO READ: ബെംഗളൂരു – കൊച്ചി യാത്രയിലെ ‘സീക്രട്ട്’ ടിപ്‌സ്; ഇങ്ങനെ യാത്ര ചെയ്താൽ പകുതി പണം ലാഭിക്കാം

ഇതിന് പുറമേ ഉത്സവസീസണിൽ എൻഡ് ടു എൻഡ് ടിക്കറ്റ് നിരക്കാണ് ഈടാക്കുന്നത്. അതായത് ഇടയ്ക്കുള്ള സ്റ്റോപ്പുകളിൽ ഇറങ്ങുന്നവർക്കും മുഴുവൻ ടിക്കറ്റ് ചാർജും നൽകേണ്ടി വരുമെന്നതാണ് ഈ പദ്ധതിയുടെ രീതി. തിരുവനന്തപുരത്തേക്കുള്ള എസി സ്‍ലീപ്പർ -2858 രൂപ, എസി സീറ്റർ 1751 രൂപ. കോട്ടയത്തേക്കുള്ള എസി സ്‍ലീപ്പർ -2022 രൂപ, എസി സീറ്റർ 1637 രൂപ.

എറണാകുളത്തേക്കുള്ള എസി സ്‍ലീപ്പർ-2440 രൂപ, ഡീലക്സ് (നോൺ എസി) -1081 രൂപ. തൃശൂരിലേക്കുള്ള എസി സീറ്റർ-1000 രൂപ, ഡീലക്സ് -1081 രൂപ. കോഴിക്കോടേക്കുള്ള എസി സീറ്റർ-1454 രൂപ, ഡീലക്സ്-1094 (മാനന്തവാടി വഴി), കണ്ണൂരിലേക്കുള്ള എസി സീറ്റർ -1420 രൂപ, ഡീലക്സ്-898 , പയ്യന്നൂരിലേക്കുള്ള എസി സീറ്റർ-1496 രൂപ, സൂപ്പർഫാസ്റ്റ്-711 രൂപ എന്നിങ്ങനെയാണ് നിരക്ക് ഈടാക്കുന്നത്.

അതേസമയം കൃത്യമായ പ്ലാനിങ്ങോട് കൂടി ട്രെയിൻ ടിക്കറ്റ് നേരത്തെ ബുക്ക് ചെയ്താൽ ഇത്തരം സാഹചര്യങ്ങളെ മറികടക്കാനാകും. കാർപൂളിങ്, കണക്ഷൻ ട്രെയിനുകൾ, ബസുകൾ തുടങ്ങിയ മാർ​ഗങ്ങളും നാട്ടിലെത്താൻ നിങ്ങൾക്ക് ആശ്രയിക്കാവുന്നതാണ്. വിഷുവിന് ഇനി ദിവസങ്ങൾ മാത്രം ബാക്കി നിൽക്കുന്നതിനാൽ ട്രെയിനിലടക്കം സീറ്റ് ലഭിക്കാത്ത അവസ്ഥയാണ്.

ബെംഗളൂരുവിൽ നിന്ന് കൊച്ചിയിലേക്ക് സ്ഥിരമായി യാത്ര ചെയ്യുന്നവർക്കും അവധിക്കാലം ആഘോഷിക്കാൻ പോകുന്നവർക്കും വെല്ലുവിളിയാകുന്നത് ടിക്കറ്റ് നിരക്കാണ്. പ്രത്യേകിച്ച് ആഘോഷങ്ങളുടെ സീസണിൽ. ഇപ്പോൾ വിഷു അടുത്തിരിക്കുന്ന സമയത്ത് നാട്ടിലേക്ക് വരാൻ ഇരിക്കുന്നവർക്ക് ഏറ്റവും കുറഞ്ഞ നിരക്കിൽ നാട്ടിലേക്ക് എത്താനുള്ള എളുപ്പവഴിയും മാർ​ഗങ്ങളും എന്തെല്ലാമെന്ന് നമുക്ക നോക്കാം. കൃത്യമായ പ്ലാനിംഗ് ഉണ്ടെങ്കിൽ കീശ കീറാതെ തന്നെ നാട്ടിലെത്താം. യാത്ര പ്ലാൻ ചെയ്യുന്നവർക്ക് ബജറ്റ് കുറവിൽ എങ്ങനെ നാട്ടിലെത്താമെന്നുള്ളതിൻ്റെ പൂർണ ​ഗൈഡ് ഇതാ.

ഹൊസൂർ വഴി യാത്ര

സാധാരണയായി ബെംഗളൂരുവിൽ നിന്ന് നേരിട്ട് കൊച്ചിയിലേക്കുള്ള സ്വകാര്യ ബസ്സുകൾക്ക് വലിയ നിരക്കാണ് ഈടാക്കുന്നത്. എന്നാൽ ചിലവ് കുറഞ്ഞ യാത്രയാണ് ആ​ഗ്രഹിക്കുന്നതെങ്കിൽ, മെട്രോയിലോ സിറ്റി ബസ്സിലോ ഇലക്ട്രോണിക് സിറ്റി വരെയോ അല്ലെങ്കിൽ തമിഴ്‌നാട് അതിർത്തിയായ ഹൊസൂർ വരെയോ ആദ്യം എത്തിച്ചേരുക.

ALSO READ: ചെന്നൈയ്യിൽ നിന്ന് നാട്ടിലെത്താൻ പണമൊരു പ്രശ്നമേയല്ല; മാർ​ഗങ്ങൾ വേറെയുണ്ട്

ഹൊസൂരിൽ നിന്ന് സേലത്തേക്കോ കോയമ്പത്തൂരിലേക്കോ തമിഴ്‌നാട് സർക്കാറിൻ്റെ ധാരാളം ബസ് സർവീസുണ്ട്. അതും കുറഞ്ഞ നിരക്കിൽ. അവിടെ നിന്ന് പാലക്കാട് വഴിയോ നേരിട്ടോ നിങ്ങൾക്ക് കുറഞ്ഞ ചിലവിൽ കൊച്ചിയിലെത്താം. ഇങ്ങനെ ചെയ്യുമ്പോൾ സ്വകാര്യ ബസ് നിരക്കിൻ്റെ പകുതി പോലും ചിലവാകുകയുമില്ല നാട്ടിൽ സുഖമായി എത്തുകയും ചെയ്യാം.

കണക്ട് ടു കണക്ട് യാത്ര

നേരിട്ടുള്ള ബസ്സുകൾക്ക് ഡിമാൻഡ് കൂടുതലുള്ള സയമത്തോ ട്രെയിൻ ടിക്കറ്റ് കിട്ടാതെ വരികയോ ചെയ്താൽ കണക്ഷൻ ബസ്സുകൾ തിരഞ്ഞെടുക്കാവുന്നതാണ്. ബെംഗളൂരുവിൽ നിന്ന് നേരിട്ട് പാലക്കാട്ടേക്ക് കെഎസ്ആർടിസി ബസ് ബുക്ക് ചെയ്യാവുന്നതാണ്. പാലക്കാട് കെഎസ്ആർടിസി സ്റ്റാൻഡിൽ നിന്ന് മണിക്കൂറുകൾ ഇടവിട്ട് എറണാകുളം ഭാഗത്തേക്ക് ധാരാളം ബസ്സുകൾ സർവീസ് നടത്തുന്നുണ്ട്. 1500 രൂപവരെ ചിലവാകുന്ന സ്ഥാനത്ത് ഇങ്ങനെ യാത്ര ചെയ്താൽ 700-800 രൂപയ്ക്ക് കൊച്ചിയിലെത്തിച്ചേരാം.

മെമ്മു ട്രെയിനുകൾ

ട്രെയിനിൽ റിസർവേഷൻ ടിക്കറ്റ് കിട്ടാത്തവർക്ക് ഏറ്റവും മികച്ച ഓപ്ഷണ് മെമ്മു ട്രെയിനുകൾ. ബെംഗളൂരുവിൽ നിന്ന് പാലക്കാട്ടേക്കോ കോയമ്പത്തൂരിലേക്കോ സാധാരണ ട്രെയിനുകളിൽ എത്തിച്ചേരുക. അവിടെ നിന്ന് കൊച്ചിയിലേക്കോ അടുത്തുള്ള മറ്റ് സ്റ്റേഷനുകളിലേക്കോ മെമ്മു ട്രെയിനുകൾ ആശ്രയിക്കാം. കുറഞ്ഞ ചിലവിൽ പാലക്കാട് നിന്ന് എറണാകുളത്ത് എത്താൻ ഇത് സഹായിക്കും. റിസർവ്ഡ് ട്രെയിനുകളെ അപേക്ഷിച്ച് ഇതിൽ ടിക്കറ്റ് കിട്ടാനും എളുപ്പമാണ്.

ഉത്സവകാലത്താണ് ബെംഗളൂരുവില്‍ നിന്ന് കേരളത്തിലേക്ക് വരുന്നവരുടെയും പോകുന്നവരുടെയും തിരക്ക് വലിയതോതില്‍ അനുഭവപ്പെടുക. ട്രെയിനുകളുടെയും ബസ്സുകളുടെയുമെല്ലാം അഭാവം മലയാളികളുടെ യാത്ര അനിശ്ചിതത്വത്തിലാക്കും. എന്നാല്‍ എങ്ങനെയെങ്കിലും നാട്ടിലെത്തിയല്ലേ പറ്റൂ? അതിനാല്‍, ബെംഗളൂരുവില്‍ നിന്ന് കേരളത്തിലേക്ക് വരാനായി തിരഞ്ഞെടുക്കാവുന്ന എളുപ്പമുള്ള റൂട്ട് പരിചയപ്പെടാം.

നാട്ടിലേക്കെത്താന്‍ ഭൂരിഭാഗം ആളുകളും തിരഞ്ഞെടുക്കുന്നത് സ്വന്തം വാഹനങ്ങളായിരിക്കും. തിക്കിലും തിരക്കിലും പെടേണ്ടാ, മറ്റുള്ളവര്‍ക്ക് വേണ്ടി കാത്തുനില്‍ക്കേണ്ടാ തുടങ്ങി ഒട്ടേറെ ഗുണങ്ങള്‍ സ്വന്തം വാഹനങ്ങള്‍ ഓടിക്കുന്നത് കൊണ്ട് ലഭിക്കും. എന്നിരുന്നാലും യാത്രാ സമയം എല്ലായിടത്തും ഒരുപോലെയാണല്ല? എന്നാല്‍ സ്വന്തം വാഹനത്തിലാകുമ്പോള്‍ ഇടയ്ക്കിടെ നിര്‍ത്തി റെസ്‌റ്റൊക്കെ എടുത്ത് വരാനുള്ള സൗകര്യവും ലഭിക്കുന്നുണ്ട്.

ട്രെയിന്‍, ഫ്‌ളൈറ്റ് ഇവയൊന്നുമല്ലാതെ നാട്ടിലേക്ക് വരാന്‍ ആഗ്രഹിക്കുന്ന ഒരാളാണ് നിങ്ങളെങ്കില്‍ നല്ല റോഡ് നോക്കി, ഒറ്റയടിക്ക് ഇങ്ങോട്ട് പിടിക്കാം. എന്നാല്‍ അതില്‍ ഏറ്റവും ദൂരം കുറഞ്ഞതും വലിയ ട്രാഫിക് ഇല്ലാത്തതുമായ റോഡുകളിലൂടെ വേണം എപ്പോഴും യാത്ര ചെയ്യാന്‍, ബെംഗളൂരുവില്‍ നിന്ന് നാട്ടിലേക്ക് വരുമ്പോള്‍ സുഗമമായ യാത്ര സമ്മാനിക്കുന്ന റോഡുകള്‍ ഏതെല്ലാമാണെന്ന് നിങ്ങള്‍ക്കറിയാമോ?

അറിയില്ലെങ്കില്‍ ഒരു കുഴപ്പവുമില്ല, നല്ല റോഡ് ഏതാണെന്നും എപ്പോള്‍ എത്താമെന്നുമെല്ലാം വിശദമായി തന്നെ നമുക്ക് നോക്കാം. റോഡ് മാര്‍ഗമാണ് ബെംഗളൂരുവില്‍ നിന്ന് നാട്ടിലേക്ക് പോകാന്‍ നിങ്ങള്‍ പ്ലാന്‍ ചെയ്യുന്നതെങ്കില്‍ പരിഗണിക്കാവുന്ന പ്രധാന പാതകള്‍ ചുവടെ കൊടുത്തിരിക്കുന്നു.

ബെംഗളൂരു-സേലം-കോയമ്പത്തൂര്‍-പാലക്കാട്

നാഷണല്‍ ഹൈവേ 44- 544 എന്നിവ വഴിയാണ് ഈ റൂട്ട്. ബെംഗളൂരുവില്‍ നിന്ന് വളരെ എളുപ്പത്തില്‍ കേരളത്തിലെത്താന്‍ സഹായിക്കുന്ന പാതയാണിത്. ഏകദേശം 7 മുതല്‍ 9 മണിക്കൂര്‍ വരെ മാത്രമേ യാത്രയ്ക്കായി വേണ്ടിവരൂ.

ബെംഗളൂരു-മൈസൂരു-ബന്ദിപ്പൂര്‍-വയനാട്

പ്രകൃതി സൗന്ദര്യവും ആസ്വദിച്ച് നാട്ടിലെത്താനാണ് പ്ലാനെങ്കില്‍ ഈ പാതയും തിരഞ്ഞെടുക്കാവുന്നതാണ്. എന്നാല്‍ വനമേഖലയില്‍ രാത്രികാലങ്ങളില്‍ യാത്രയ്ക്ക് നിയന്ത്രണങ്ങളുണ്ട്.

Also Read: Bengaluru Real Estate: ബെംഗളൂരുവില്‍ ആര്‍ക്കും വീട് വേണ്ട, രക്ഷപ്പെട്ടോടുന്നു; നേട്ടം കൊയ്ത് മൈസൂരു

ബെംഗളൂരു-ഹോസൂര്‍-സേലം-തൃശൂര്‍

ദൈര്‍ഘ്യമേറിയ യാത്രയാണ് ഈ റൂട്ട് വഴി സാധ്യമാകുക. എന്നാല്‍ തിരക്കേറ്റിയ സമയങ്ങളില്‍ മറ്റുവഴികളില്ലാതെ വരുമ്പോള്‍ ഈ റൂട്ടും പരിഗണിക്കാവുന്നതാണ്. എന്നാല്‍ അങ്ങനെ മാറ്റിനിര്‍ത്തേണ്ട പാതയുമല്ലിത്. കുറച്ചുകൂടി സമയമെടുത്ത് കാഴ്ചകളെല്ലാം കണ്ട് നാട്ടിലെത്താന്‍ ആഗ്രഹിക്കുന്നവര്‍ക്ക് തീര്‍ച്ചയായും ഈ പാത പരിഗണിക്കാം. ബെംഗളൂരുവില്‍ നിന്ന് കേരളത്തിലേക്കുള്ള റോഡ് യാത്രകള്‍ അല്ലെങ്കിലും സൂപ്പറാണല്ലേ?

ട്രെയിന്‍ റൂട്ട് ഇതുമതി

ബെംഗളൂരുവില്‍ നിന്ന് കേരളത്തിലേക്ക് ട്രെയിന്‍ മാര്‍ഗമാണ് വരുന്നതെങ്കില്‍ ബെംഗളൂരു-പാലക്കാട് റൂട്ട് തിരഞ്ഞെടുക്കുന്നതാണ് നല്ലത്. ഏകദേശം 12 മണിക്കൂറിനുള്ളില്‍ യാത്ര പൂര്‍ത്തിയാക്കാന്‍ സാധിക്കുന്നതാണ്. എന്നാല്‍ കാസര്‍കോട്, കണ്ണൂര്‍ ജില്ലകളില്‍ ഉള്ളവര്‍ക്ക് പാലക്കാട് വഴി വരുന്നത് അല്‍പം ബുദ്ധിമുട്ടേറിയ കാര്യമായി തോന്നിയേക്കാം. ഇവര്‍ക്ക് മംഗളൂരു വഴി സര്‍വീസ് നടത്തുന്ന ട്രെയിനുകളും തിരഞ്ഞെടുക്കാവുന്നതാണ്. അപ്പോള്‍ വേഗം പുറപ്പെട്ടോളൂ!

വിഷുവായാൽ അന്യ സംസ്ഥാനത്ത് നിന്ന് കേരളത്തിലേക്ക് എത്തിപ്പെടുക അല്പം ബുദ്ധിമുട്ടേറിയ കാര്യമാണ്. ചിലപ്പോൾ എത്ര ശ്രമിച്ചാലും എത്തിയെന്നും വരില്ല. ചെന്നൈ പോലുള്ള ഒരു വലിയ നഗരത്തിൽ നിന്ന് നാട്ടിലേക്ക് വരാൻ ആഗ്രഹിക്കുമ്പോൾ ട്രെയിൻ ടിക്കറ്റ് കിട്ടാതെ വരുന്നതും സാമ്പത്തിക ബുദ്ധിമുട്ടുകളുമാണ് പലപ്പോഴും വെല്ലുവിളിയുണ്ടാക്കുന്നത്. എന്നാൽ കുറഞ്ഞ ചെലവിൽ നാട്ടിലെത്താൻ ഒരുപാട് മാർ​ഗങ്ങളുണ്ട്.

ചെന്നൈയിൽ പഠിക്കുന്നവരായാലും ജോലി ചെയ്യുന്നവരായാലും ഈ വിഷുവിന് നാട്ടിലെത്താൻ നിങ്ങൾക്ക് ഏറ്റവും ചിലവി കുറഞ്ഞ മാർ​ഗങ്ങൾ ഏതെല്ലാമെന്ന് നോക്കാം. പ്രൈവറ്റ് ബസുകളിലെ അമിത ചാർജ്ജും വിമാന ടിക്കറ്റ് നിരക്കും കണ്ട് കണ്ണ് തള്ളേണ്ട, കൃത്യമായ പ്ലാനിംഗ് ഉണ്ടെങ്കിൽ വളരെ കുറഞ്ഞ ചിലവിൽ സുഖകരമായി നിങ്ങൾക്ക് നാട്ടിലെത്താം.

ALSO READ: ബെം​ഗളൂരുവിൽ നിന്ന് നാട്ടിലെത്താൻ ഇത്രയും പണമോ!; പേടിക്കേണ്ട ചിലവ് പാതിയാക്കാം

കെഎസ്ആർടിസി

പ്രൈവറ്റ് ബസുകൾ 2000-3000 രൂപ ഈടാക്കുമ്പോൾ കെഎസ്ആർടിസിയുടെ ബസുകൾ വളരെ കുറഞ്ഞ നിരക്കിലാണ് സർവീസ് നടത്തുന്നത്. ചെന്നൈ കോയമ്പേട് (CMBT), കിലാമ്പാക്കം ബസ് ടെർമിനലുകളിൽ നിന്ന് കേരളത്തിലെ പ്രധാന നഗരങ്ങളിലേക്ക് കൃത്യസമയത്ത് കെഎസ്ആർടിസി ബസുകളുണ്ട്. ഓൺലൈനിലൂടെ നേരത്തെ സീറ്റ് ബുക്ക് ചെയ്താൽ സുഖമായി നാട്ടിലെത്താൻ സാധിക്കും.

കണക്ടിംഗ് ബസുകൾ

നേരിട്ടുള്ള ബസിന് ചാർജ്ജ് കൂടുതലാണെങ്കിലെ, കിട്ടാതെ വരികയോ ചെയ്താൽ ചെന്നൈയിൽ നിന്ന് കോയമ്പത്തൂരിലേക്കോ മധുരയിലേക്കോ തമിഴ്നാട് സർക്കാരിൻ്റെ ബസുകൽ ധാരാളമുണ്ട്. അധിക തുക മുടക്കാതെ തന്നെ ഇവയിൽ യാത്ര ചെയ്യാം. അവിടെ നിന്ന് പാലക്കാട്, തൃശൂർ ഭാഗങ്ങളിലേക്ക് കെഎസ്ആർടിസി ലോക്കൽ ബസുകൾ ധാരാളം സർവീസ് നടത്തുന്നുണ്ട്. ഇത് നിങ്ങളുടെ യാത്ര ചിലവ് പകുതിയായി കുറയ്ക്കാൻ നല്ല മാർ​ഗമാണ്.

ട്രെയിനുകൾ

ട്രെയിൻ ടിക്കറ്റ് കൺഫേം ആയില്ലെങ്കിൽ ചെന്നൈ സെൻട്രൽ അല്ലെങ്കിൽ എഗ്മൂർ സ്റ്റേഷനിൽ നിന്ന് ജനറൽ ടിക്കറ്റ് എടുത്ത് യാത്ര ചെയ്യാനാകുന്ന നിരവധി സർവീസുകളുണ്ട്. കൂടാതെ ചെന്നൈയിൽ നിന്ന് സേലം, ഈറോഡ് ഭാഗങ്ങളിലേക്ക് പാസഞ്ചർ/മെമു ട്രെയിനുകളിൽ കയറിയാൽ കണക്ട് ചെയ്ത് യാത്ര ചെയ്യുന്നത് വളരെ നല്ലതാണ്. അവിടെ നിന്ന് നിങ്ങൾക്ക് കേരളത്തിലേക്ക് ട്രെയിനുകൾ കിട്ടും.

ഓണം വന്നാലും വിഷു വന്നാലും ബെം​ഗളൂരുവിൽ നിന്ന് കേരളത്തിലേക്ക് എത്താൻ അല്പം ബുദ്ധിമുട്ടാണ്. എത്ര സ്പെഷ്യൽ ട്രെയിനുകൾ ഉണ്ടെങ്കിലും കാലു കുത്താൻ ഇടമുണ്ടാകില്ല. ബസിലോ വിമാനത്തിലോ വരാമെന്ന് കരുതിയാൽ ടിക്കറ്റ് നിരക്ക് കണ്ട് പലരുടെയും കണ്ണ് തള്ളാറുണ്ട്. വിഷുക്കാലത്ത് പ്രൈവറ്റ് ബസ്സുകളുടെയും വിമാന കമ്പനികളുടെയും കൊള്ളനിരക്ക് കാരണം സാധാരണക്കാർ യാത്ര വേണ്ടെന്ന് തന്നെ വയ്ക്കാറുണ്ട്.

ഇനി വെറും അറ് ദിവസം മാത്രമാണ് വിഷുവിനുള്ളത്. ഇത്തവണ ചൊവ്വാഴ്ച്ചയാണ് വിഷു വരുന്നത്. അതിനാൽ വെള്ളിയാഴ്ച്ച തന്നെ നാട്ടിലെത്തിയാൽ, വിഷുവും ആഘോഷിച്ച് നാലഞ്ച് ദിവസം കഴിഞ്ഞ് മടങ്ങിയാൽ മതിയാകും. 3000 മുതൽ 4000 വരെയുള്ള വൻ തുക ബജറ്റ് കണ്ട് പേടിച്ച് നിൽക്കാതെ, എങ്ങനെ കുറഞ്ഞ ചിലവിൽ നാട്ടിലെത്താനുള്ള മാർ​ഗങ്ങൾ ഏതെല്ലാമെന്ന് നമുക്ക് നോക്കാം.

ALSO READ: കൊച്ചിയിൽ വീട് വെക്കാൻ ആ​ഗ്രഹിക്കുന്നുണ്ടോ? 5 വർഷത്തിനുള്ളിൽ വില ഇരട്ടിയാകാൻ സാധ്യതയുള്ള ഹോട്ട് സ്പോട്ടുകൾ

ട്രെയിൻ ആണ് ലാഭം

വിഷു തിരക്ക് കണക്കിലെടുത്ത് ദക്ഷിണ റെയിൽവേ നിരവധി പ്രത്യേക ട്രെയിനുകളാണ് പ്രഖ്യാപിച്ചിരിക്കുന്നത്. അവസാന നിമിഷം ടിക്കറ്റ് ബുക്ക് ചെയ്യാൻ നിക്കാതെ നേരത്തെ ബുക്ക് ചെയ്താൽ സുഖമായി യാത്ര ചെയ്യാനാകും. അവസാന നിമിഷം ടിക്കറ്റ് നോക്കുന്നവർ രാവിലെ 10-നും (AC) 11-നും (Non-AC) തത്കാൽ ബുക്ക് ചെയ്യാൻ ശ്രമിക്കുക. ഈ സമയത്ത് നോക്കിയാൽ പെട്ടെന്ന് ടിക്കറ്റ് കിട്ടാൻ സാധ്യത കൂടുതലാണ്. 1000- 2000 രൂപയ്ക്കുള്ളിൽ നിങ്ങൾക്ക് സുഖമായി യാത്ര ചെയ്യുകയും ചെയ്യാം.

കെഎസ്ആർടിസി

കേരള, കർണാടക ആർടിസികൾ ഇതിനോടകം നിരവധി ബസ് സർവീസുകൾ പ്രഖ്യാപിച്ചിട്ടുണ്ട്. പ്രൈവറ്റ് ബസ്സുകൾ 3000 മുതൽ വൻ തുക ഈടാക്കുമ്പോൾ കെഎസ്ആർടിസി ബസിൻ്റെ നിരക്ക് 1000-1500 രൂപ വരെയാണ്. നിങ്ങളുടെ പോകറ്റ് കീറാതെ സുഖകരമായി ബെം​ഗളൂരുവിൽ നിന്ന് നാട്ടിലെത്തുകയും ചെയ്യാം. ബെംഗളൂരുവിൽ നിന്ന് മൈസൂർ അല്ലെങ്കിൽ സുൽത്താൻ ബത്തേരി വരെ കർണാടക ആർടിസിയിൽ യാത്ര ചെയ്ത ശേഷം നിങ്ങൾക്ക് അവിടെ നിന്ന് ലോക്കൽ ബസിൽ നാട്ടിലേക്ക് വരാവുന്നതാണ്. ഇതും ചിലവ് കുറയ്ക്കാൻ പറ്റിയമാർ​ഗമാണ്.

കാർ പൂളിംഗ്

അടുത്തിടെ ട്രെൻഡിങ്ങായ പരിപാടിയാണ് കാർ പൂളിംഗ്. ഒരേ റൂട്ടിൽ പോകുന്ന സുഹൃത്തുക്കളോടൊപ്പമോ വിശ്വസനീയമായ മറ്റ് ആപ്പുകൾ വഴിയോ യാത്ര പങ്കിടുന്നത് ഇന്ധനച്ചിലവ് കുറയ്ക്കാനും പണം ലാഭിക്കാനും സഹായിക്കും.

ദീർഘദൂര യാത്രകളിൽ നമ്മൾ ഏറ്റവും കൂടുതൽ ആശ്രയിക്കുന്ന ട്രെയിനുകളെയാണ്. പ്രത്യേകിച്ച് രാത്രി കാലങ്ങളിൽ. എന്നാൽ ട്രെയിൻ യാത്രകളിൽ എപ്പോഴും നമ്മൾ മികച്ച ഉറക്കത്തിനുകൂടി പ്രധാന്യം നൽകാറുണ്ട്. അതിനാൽ നിങ്ങൾ തിരഞ്ഞെടുക്കുന്ന ബെർത്ത് യാത്രയിലുള്ള ഉറക്കത്തെ എത്രത്തോളം ബാധിക്കുമെന്നും നാം ചിന്തിക്കേണ്ടതുണ്ട്. ട്രെയിനിൻ്റെ ശബ്ദവും കുലുക്കവും, മറ്റ് അസ്വസ്ഥകളും ഒഴിവാക്കി സുഖകരമായി കിടന്നുറങ്ങാൻ നാം ഏത് ബെർത്താണ് തിരഞ്ഞെടുക്കേണ്ടതെന്നാണ് ഇവിടെ പറയാൻ പോകുന്നത്. നിങ്ങളുടെ അടുത്ത യാത്രയിൽ ഏത് ബെർത്ത് തിരഞ്ഞെടുക്കണം എന്ന ആശയക്കുഴപ്പത്തിലാണെങ്കിൽ, അതിനുള്ള പൂർണമായ ​ഗൈഡ് ഇവിടെ നൽകുന്നു.

ALSO READ: പോക്കറ്റ് ചോരാതെ ഒരു സമ്മർ ട്രിപ്പ്; വേനൽക്കാലത്ത് കുറഞ്ഞ നിരക്കിൽ ബെംഗളൂരു ചുറ്റിക്കാണാം

അപ്പർ ബെർത്ത്

അപ്പർ ബെർത്ത് തിരഞ്ഞെടുത്താലുള്ള ​ഗുണമെന്തെന്നാൽ, പകൽ സമയത്ത് താഴെ ഇരിക്കുന്നവർ നിങ്ങളോട് എഴുന്നേൽക്കാൻ ആവശ്യപ്പെടില്ല. അതുകൊണ്ട് എപ്പോൾ വേണമെങ്കിലും കിടന്നുറങ്ങാം. ആരും ശല്യം ചെയ്യില്ല എന്ന് സാരം. നിങ്ങളുടെ ലഗേജുകളും സുരക്ഷിതമായി അപ്പർ ബെർത്തിൽ തന്നെ സൂക്ഷിക്കാം. മറ്റൊരു പ്രശ്നം എന്തെന്നാൽ, ഇടയ്ക്കിടെ താഴെ ഇറങ്ങുന്നത് അല്പം പ്രയാസകരമാണ്. കാറ്റ് കിട്ടാൻ ബുദ്ധിമുട്ടാറുണ്ട്. എസി കോച്ചാണെങ്കിൽ അക്കാര്യത്തിൽ പ്രശ്നമുണ്ടാകില്ല.

ലോവർ ബെർത്ത്

കയറാനും ഇറങ്ങാനും ഏറ്റവും എളുപ്പമുള്ളത് ലോവർ ബെർത്താണ്. ജനലിലൂടെ പുറത്തെ കാഴ്ചകൾ കാണാനും പ്രായമായവർക്കും കുട്ടികൾക്കും ഇത് തന്നെയാണ് ഏറ്റവും സുഖകരം. എന്നൽ പകൽ രാവിലെ 6 മുതൽ രാത്രി 10 വരെ മിഡിൽ ബെർത്തിലും അപ്പർ ബെർത്തിലും ഉള്ളവർക്ക് കൂടി ഇരിക്കാൻ സ്ഥലം നൽകേണ്ടി വരും. അതുകൊണ്ട് പകൽ സമയത്ത് ഉറങ്ങാൻ സാധിക്കില്ല.

സൈഡ് ലോവർ

ആളുകൾ എപ്പോഴും ഈ സീറ്റിനായി അടിപിടി കൂടാറുണ്ട്. കാരണം ഒരാൾക്ക് മാത്രമായി ഇരിക്കാനും കിടക്കാനും സൗകര്യമുള്ളതാണ് സൈഡ് ലോവർ. ജനൽക്കാഴ്ചകൾ ഏറ്റവും നന്നായി ആസ്വദിക്കാനും സാധിക്കും. എന്നാൽ മറ്റ ബെർത്തിനെ അപേക്ഷിച്ച് ഇതിൻ്റെ നീളം അല്പം കുറവായിരിക്കും. ഉയരം കൂടുതലുള്ളവർക്ക് കാലുനീട്ടി കിടക്കാൻ സാധിച്ചെന്ന് വരില്ല. കൂടാതെ, നടവഴിയിലായതുകൊണ്ട് ആളുകൾ അങ്ങോട്ടും ഇങ്ങോട്ടും നടക്കുന്നതിൻ്റെ ബുദ്ധിമുട്ടും ഉണ്ടായേക്കാം.

വേനൽക്കാലത്ത് ഒരു യാത്ര പ്ലാൻ ചെയ്യുമ്പോൾ ആദ്യം ഓർമ്മ വരുന്നത് ന​ഗരത്തിലെ കൊടും ചൂടാണ്. എന്നാൽ കുറഞ്ഞ ചെലവിൽ കുളിർമയും നഗരക്കാഴ്ചകളും ആസ്വദിക്കാൻ പറ്റിയ സ്ഥലങ്ങളും ബെം​ഗളൂരുവിലുണ്ട്. പോക്കറ്റ് ചോരാതെ ഒരു അടിപൊളി സമ്മർ ട്രിപ്പ് എങ്ങനെ പ്ലാൻ ചെയ്യാം എന്ന് നോക്കാം.

അമിതമായ യാത്രാച്ചെലവില്ലാതെ, കുടുംബത്തോടും കൂട്ടുകാരോടും ഒപ്പം യാത്ര ചെയ്യാൻ ആ​ഗ്രഹിക്കുന്നവർക്ക് പറ്റിയ നിരവധി സ്ഥലങ്ങൾ ഇവിടെയുണ്ട്. ഈ വേനൽ ചൂടിലും അല്പം തണലും തണുപ്പും നൽകുന്ന ന​ഗരത്തിലെ സ്ഥലങ്ങൾ ഇവിയെല്ലാമാണ്.

ALSO READ: കുരുക്കില്ലാത്ത ബെംഗളൂരു യാത്ര? മെട്രോ വഴി എളുപ്പത്തിൽ എത്താവുന്ന കിടിലൻ സ്പോട്ടുകൾ

ലാൽബാഗും കബ്ബൺ പാർക്കും

ബെംഗളൂരുവിന്റെ ശ്വാസകോശങ്ങൾ എന്നറിയപ്പെടുന്ന സ്ഥലങ്ങളാണ് ലാൽബാഗും കബ്ബൺ പാർക്കും. ഈ പാർക്കുകൾ ന​ഗരത്തിലെ വേനൽച്ചൂടിൽ നിന്ന് വലിയൊരാശ്വാസമാണ്. പ്രവേശന ഫീസ് വളരെ കുറവായതിനാൽ ചിലവും വളരെ കുറവാണ്. രാവിലെ നേരത്തെ പോയാൽ സൗജന്യ പ്രവേശനവും ലഭിക്കും. ലാൽബാഗിലെ ഗ്ലാസ് ഹൗസും കബ്ബൺ പാർക്കിലെ മുളങ്കാടുകളും ഫോട്ടോ എടുക്കാനും തണലത്തിരുന്നു വിശ്രമിക്കാനും ആ​ഗ്രഹിക്കുന്നവർക്ക് വളരെ നല്ലതാണ്.

സ്ട്രീറ്റ് ഫുഡ് വിസ്മയങ്ങൾ

റസ്റ്റോറന്റുകളിൽ പോയി വൻതുക ചിലവാക്കാതെ ബെംഗളൂരുവിന്റെ തനത് രുചികൾ ആസ്വദിക്കാൻ നിരവധി സ്ട്രീറ്റുകളുണ്ട്. മസാല ദോശ, ഇഡ്ഡലി, തട്ടേ ഇഡ്ഡലി, ഫിൽട്ടർ കോഫി എന്നിവ കുറഞ്ഞ നിരക്കിൽ ലഭിക്കുമെന്നതാണ് ഇവിടുത്തെ പ്രത്യേകത. വിവി പുരം ഫുഡ് സ്ട്രീറ്റിലെ വൈവിധ്യമാർന്ന വിഭവങ്ങൾ വളരെ പ്രശസ്തമാണ്.

മെട്രോ യാത്ര

ബെംഗളൂരുവിലെ ട്രാഫിക്കിൽ കുടുങ്ങാതെയും ടാക്സി ചാർജിൻ്റെ വൻ തുകയിൽ കുരുങ്ങാതെയും നഗരം ചുറ്റാൻ നമ്മ മെട്രോ ഉപയോഗിക്കാം. നഗരത്തിന്റെ ഒരറ്റത്തുനിന്ന് മറ്റേ അറ്റത്തേക്ക് വളരെ കുറഞ്ഞ നിരക്കിൽ യാത്ര ചെയ്യാൻ ഇതിലും മികച്ച മാർ​ഗം വേറെയില്ല.

ബജറ്റ് സ്റ്റേ

സാധാരണക്കാരെ ലക്ഷ്യം വച്ച് ബെംഗളൂരുവിൽ ഇപ്പോൾ ധാരാളം ട്രാവലർ ഹോസ്റ്റലുകൾ ലഭ്യമാണ്. ദിവസം 500-800 രൂപ നിരക്കിൽ സുരക്ഷിതമായി താമസിക്കാമെന്നതാണ് ഏറ്റവും വലിയ ആകർഷണം. കൂടാതെ ഇവിടെനിന്ന് സ്റ്റേഷനുകളിലേക്കും വളരെ കുറഞ്ഞ ദൂരം മാത്രമാണുള്ളത്.

ഇടുക്കിയുടെ കുളിരും പൂക്കളുടെ വർണ്ണവിസ്മയവും ഒന്നിച്ചുകാണാൻ ഈ വേനലിൽ നേരെ തേക്കടിയിലേക്ക് പോകണം. കോവിഡ് മഹാമാരി സമയത്തെ രണ്ട് വർഷമൊഴിച്ചാൽ കഴിഞ്ഞ 17 വർഷമായി വേനലിൽ കുമളിയിലെത്തുന്നവരുടെ കണ്ണിനെ വിസ്മയിപ്പിക്കുന്ന കാഴ്ച്ചയാണ് ഈ വസന്തോത്സവം. തേക്കടിയിലെ കുളിർമയുള്ള വൈകുന്നേരങ്ങളെ കൂടുതൽ വർണ്ണാഭമാക്കാൻ ഇക്കൊല്ലത്തെ കുമളി പുഷ്പമേളയ്ക്ക് തുടക്കമായിരിക്കുകയാണ്.

ഇത്തവണത്തെ മേളയെ കൊഴുപ്പിക്കാൻ വിദേശ രാജ്യങ്ങളിൽ നിന്നുള്ള അപൂർവയിനം പുഷ്പങ്ങളും കൗതുകകരമായ ഇൻസ്റ്റലേഷനുകളും എത്തിയിട്ടുണ്ട്. മെയ് മൂന്ന് വരെയാണ് കുമളി പുഷ്പമേള നടക്കുന്നത്. കുമിളി ഗ്രാമപഞ്ചായത്ത്, തേക്കടി അഗ്രി ഹോർട്ടികൾച്ചർ സൊസൈറ്റി, മണ്ണാറത്തറ ഗാർഡൻസ് എന്നിവർ സംയുക്തമായാണ് പുഷ്പമേള സംഘടിപ്പിക്കുന്നത്.

ALSO READ: കുരുക്കില്ലാത്ത ബെംഗളൂരു യാത്ര? മെട്രോ വഴി എളുപ്പത്തിൽ എത്താവുന്ന കിടിലൻ സ്പോട്ടുകൾ

20,000 ചതുരശ്ര അടി വിസ്തൃതിയിലാണ് പുഷ്പമേള ഒരുക്കിയിരിക്കുന്നത്. 15,000 ചതുരശ്ര അടി വിസ്തൃതിയിൽ സസ്യ പ്രദർശനങ്ങളും, 100-ലധികം ഇനങ്ങളിലുള്ള 50,000-ത്തിലധികം ചെടികളും ഇവിടുത്തെ പ്രധാന ആകർഷണമാണ്. ബൊഗൈൻവില്ല ഇനങ്ങളുടെ വിപുലമായ ശേഖരമാണ് ഇത്തവണത്തെ പുഷ്പമേളയുടെ മാറ്റ് കൂട്ടുന്നത്. പൂക്കൾ കൊണ്ട് നിർമ്മിച്ച ശില്പങ്ങളും മനോഹരമായ ഇൻസ്റ്റലേഷനുകളും മേളയുടെ ആകർഷണമാണ്.

ഇടുക്കിയുടെ തനത് സുഗന്ധവ്യഞ്ജനങ്ങളും ഔഷധസസ്യങ്ങളും പരിചയപ്പെടാനുള്ള അവസരവും വിനോദ സഞ്ചാരികൾക്കായി ഒരുക്കിയിട്ടുണ്ട്. 20 രൂപ മുതൽ 300 രൂപ വരെ വിലയ്ക്ക് ചെടികൾ അവിടെ നിന്ന് വാങ്ങാനാകും. 33 ദിവസം നീണ്ടുനിൽക്കുന്ന തേക്കടി പുഷ്പമേളയിൽ കുട്ടികൾക്കും മുതിർന്നവർക്കും ഒരുപോലെ ആസ്വദിക്കാവുന്ന റൈഡുകളും വിനോദപരിപാടികളുമുണ്ട്.

പ്രവേശന സമയവും ഫീസും

ഒരാൾക്ക് 70 രൂപയാണ് പുഷ്പമേളയിലേക്കുള്ള പ്രവേശന ഫീസ്. 10 വയസ്സിന് താഴെയുള്ള കുട്ടികൾക്ക് പ്രവേശനം സൗജന്യമാണ്. സെമിനാറുകൾ, ചർച്ചകൾ, സംഗീത കച്ചേരികൾ, മിമിക്രി, നൃത്ത പരിപാടികൾ എന്നിവയുൾപ്പെടെ വിവിധ പരിപാടികളാണ് മേളയിൽ ഉൾപ്പെടുത്തിയിരിക്കുന്നത്. കേരളത്തിലുടനീളമുള്ള 60-ലധികം വാണിജ്യ സ്റ്റാളുകൾ വേദിയിൽ ഒരുക്കിയിട്ടുണ്ട്.

ബെംഗളൂരു ന​ഗരം കാണാനും അവിടെ ഒരു ദിവസം ചിലവഴിക്കാനും ആ​ഗ്രഹമില്ലാത്തവർ കുറവാണ്. എന്നാൽ അവിടുത്തെ തിരക്കും കാര്യങ്ങളും ഓർക്കുമ്പോൾ പലരും യാത്ര തന്നെ വേണ്ടെന്ന് വയ്ക്കാറുണ്ട്. നഗരത്തിലെ ട്രാഫിക് കുരുക്കിൽ പെടാതെ ബെം​ഗളൂരു ആസ്വദിക്കണമെന്ന് ആ​ഗ്രഹമുണ്ടെങ്കിൽ നിങ്ങൾക്ക് പറ്റിയ ഒരു മാർ​ഗമാണ് നമ്മുടെ നമ്മ മെട്രോ (Namma Metro). ബെം​ഗളൂരുവിൽ യാത്ര ചെയ്യാൻ ഇതിലും നല്ലൊരു മാർ​ഗം വേറെയില്ല.

വെറും 20 രൂപ മുതൽ ആരംഭിക്കുന്ന ടിക്കറ്റ് നിരക്കിൽ, എസി കോച്ചിലിരുന്ന് നഗരത്തിലെ പ്രധാന വിനോദസഞ്ചാര കേന്ദ്രങ്ങളിൽ നിങ്ങൾക്ക് എത്തിച്ചേരാനും തിരിച്ചും യാത്ര ചെയ്യാനും സാധിക്കും. അങ്ങനെയെങ്കിൽ നമ്മ മെട്രോ സ്റ്റേഷൻ്റെ അടുത്തുള്ള ഏറ്റവും മനോഹരമായ കുറച്ച് വിനോദ സഞ്ചാര കേന്ദ്രങ്ങളെക്കുറിച്ച് മനസ്സിലാക്കാം.

ALSO READ: ബെംഗളൂരു ചുറ്റിക്കാണാൻ ഇനി മെട്രോ മതി; ട്രാഫിക് പേടി വേണ്ട, ചിലവ് പകുതി മാത്രം

ലാൽബാഗ് ബൊട്ടാണിക്കൽ ഗാർഡൻ

നമ്മ മെട്രോ ​ഗ്രീൻ ലൈനാണ് ലാൽബാഗ് ബൊട്ടാണിക്കൽ ഗാർഡനിലേക്കുള്ള യാത്രയിൽ നിങ്ങൾ തിരഞ്ഞെടുക്കേണ്ടത്. സ്റ്റേഷൻ കവാടം തുറക്കുന്നത് തന്നെ ലാൽബാഗിൻ്റെ ഗേറ്റിലേക്കാണ്. വർഷം മുഴുവൻ നീണ്ടുനിൽക്കുന്ന പച്ചപ്പും, ചരിത്രപ്രസിദ്ധമായ ഗ്ലാസ് ഹൗസും, തടാകവുമാണ് ലാൽബാഗിലെ ഏറ്റവും വലിയ ആകർഷണം. വേനലിൽ പോകാൻ പറ്റിയ സ്ഥലങ്ങളിൽ ഒന്നാണ് ലാൽബാഗ് ബൊട്ടാണിക്കൽ ഗാർഡൻ.

കബ്ബൺ പാർക്കും മ്യൂസിയവും

നമ്മ മെട്രോ പർപ്പിൾ ലൈൻ ഉപയോ​ഗിച്ച് പോകാൻ പറ്റിയ സ്ഥലമാണ് കബ്ബൺ പാർക്കും മ്യൂസിയവും. മെട്രോ സ്റ്റേഷനിൽ നിന്നിറങ്ങി 2 മിനിറ്റ് നടന്നാൽ കബ്ബൺ പാർക്കിലെത്തിച്ചേരാനാകും. വിശ്വേശരയ്യ ഇൻഡസ്ട്രിയൽ മ്യൂസിയം, വെങ്കട്ടപ്പ ആർട്ട് ഗാലറി, സ്റ്റേറ്റ് സെൻട്രൽ ലൈബ്രറി എന്നിവയെല്ലാം ഈ പാർക്കിനുള്ളിലും പരിസരത്തുമായി കാണാൻ സാധിക്കുന്ന സ്ഥലങ്ങളാണ്.

വിധാന സൗധ

നമ്മ മെട്രോ പർപ്പിൾ ലൈൻ ഉപയോ​ഗിച്ച് യാത്ര പോകാൻ പറ്റിയ സ്ഥലങ്ങളിൽ ഒന്നാണ് വിധാന സൗധ. സ്റ്റേഷന് മുകളിലേക്ക് കയറിയാൽ തന്നെ കാണാവുന്നത് കർണാടക ഭരണകൂടത്തിന്റെ ആസ്ഥാനമായ വിധാന സൗധയുടെ കെട്ടിടമാണ്. രാത്രിസമയമായാൽ ലൈറ്റുകൾ കൊണ്ടുള്ള അലങ്കാരങ്ങൾ കാണാൻ സാധിക്കും. ദിവസവും വൈകുന്നേരം ഇതുണ്ടാകും.

ഇസ്‌കോൺ ക്ഷേത്രം

മെട്രോ ഗ്രീൻ ലൈനിലാണ് ഇസ്‌കോൺ ക്ഷേത്രം കാണാൻ ആ​ഗ്രഹിക്കുന്നവർ യാത്ര ചെയ്യേണ്ടത്. സ്റ്റേഷനിൽ നിന്ന് 5-10 മിനിറ്റ് നടന്നാൽ ലോകപ്രശസ്തമായ ഇസ്‌കോൺ ക്ഷേത്രത്തിലെത്തിച്ചേരാനാകും. ഹരേ കൃഷ്ണ ഹില്ലിലെ ഈ ക്ഷേത്രം ശാന്തിയുടെയും സമാധാനത്തിൻ്റെയും സ്ഥലമാണ്. ഒറ്റയ്ക്കും കുടുംബത്തോടൊപ്പവും ഇവിടേക്ക് പോകാൻ പറ്റും.