Bengaluru Weather: മഴയില് വലഞ്ഞ് ബെംഗളൂരു; ഇടിമിന്നലും കാറ്റും ശക്തം
Heavy Rain Alert on March 30 Monday in Bengaluru: മഴയോടൊപ്പം മണിക്കൂറില് 40 മുതല് 50 കിലോമീറ്റര് വരെ വേഗത്തില് വീശിയടിച്ച കാറ്റും, ആലിപ്പഴ വര്ഷവും നഗരവാസികളെ ദുരിതത്തിലാക്കി. മഴയെ തുടര്ന്ന് പല പ്രദേശങ്ങളിലും വൈദ്യുതി തടസവും ഗതാഗതക്കുരുക്കും ഉണ്ടായി.
ബെംഗളൂരു: ബെംഗളൂരുവില് വേനല് മഴ തുടരുന്നു. ഞായറാഴ്ച വൈകിട്ടോടെ നഗരത്തിന്റെ പല ഭാഗങ്ങളിലേക്കും മഴയെത്തി. കൂടെ ശക്തമായ കാറ്റും ഇടിമിന്നലുമുണ്ട്. തിങ്കളാഴ്ചയും മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കോലാര്, ചിക്കമംഗളൂരു, ഹാവേരി എന്നിവിടങ്ങളിലും കഴിഞ്ഞ ദിവസം മഴ പെയ്തു. പെട്ടെന്നെത്തിയ മഴ നഗരവാസികളുടെ ജീവിതത്തെയും ഗുരുതരമായി ബാധിക്കുന്നുണ്ട്.
മഴയോടൊപ്പം മണിക്കൂറില് 40 മുതല് 50 കിലോമീറ്റര് വരെ വേഗത്തില് വീശിയടിച്ച കാറ്റും, ആലിപ്പഴ വര്ഷവും നഗരവാസികളെ ദുരിതത്തിലാക്കി. മഴയെ തുടര്ന്ന് പല പ്രദേശങ്ങളിലും വൈദ്യുതി തടസവും ഗതാഗതക്കുരുക്കും ഉണ്ടായി.
മാര്ച്ച് മാസത്തില് ഇതുവരെ ബെംഗളൂരു നഗരത്തില് 27.2 മില്ലിമീറ്റര് മഴ ലഭിച്ചു. മാര്ച്ച് മാസത്തിലെ ശരാശരി മഴയുടെ ഇരട്ടിയാണിത്. എച്ച്എഎല് വിമാനത്താവളത്തില് 9 മില്ലിമീറ്റര്, കെമ്പെഗൗഡ അന്താരാഷ്ട്ര വിമാനത്തില് 94.4 മില്ലിമീറ്റര്, ജികെവികെ 38.2 മില്ലിമീറ്റര് എന്നിങ്ങനെയാണ് ലഭിച്ച മഴയുടെ അളവിലുണ്ടായ വര്ധനവ്.
രണ്ട് ദിവസം മഴ തുടരും
ബെംഗളൂരുവില് അടുത്ത രണ്ട് ദിവസത്തേക്ക് ശക്തമായ മഴയാണ് കേന്ദ്ര കാലാവസ്ഥ വകുപ്പ് പ്രവചിച്ചത്. 48 മണിക്കൂര് മേഘാവൃതമായ അന്തരീക്ഷമായിരിക്കും. വൈകുന്നേരമോ രാത്രിയോ മഴയും ഇടിമിന്നലും ഉണ്ടാകാനുള്ള സാധ്യതയാണ് പ്രവചിച്ചിരിക്കുന്നത്. നഗരത്തിലെ പരമാവധി താപനില 35 ഡിഗ്രി സെല്ഷ്യസായിരിക്കും.
Also Read: Bengaluru Weather: ജാഗ്രതയോടെ തുടരാം; ബെംഗളൂരുവില് അതിശക്തമായ മഴ വരുന്നു
മല്ലേശ്വരം, മജസ്റ്റിക്, ഹൈഗ്രൗണ്ട്സ്, ഫ്രീഡം പാര്ക്ക്, ബെംഗളൂരു അര്ബന്, ബെംഗളൂരു റൂറല്, ചിക്കബെല്ലാപൂര്, കോലാര്, ചാമരാജനഗര്, രാമനഗര എന്നിവിടങ്ങളില് മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം. മഴയ്ക്കൊപ്പം ആലിപ്പഴ വര്ഷത്തിനുള്ള സാധ്യതയും കൂടുതലാണ്.
