Bengaluru-Delhi Train: ബെംഗളൂരുവില് നിന്ന് വീണ്ടും പുതിയ ട്രെയിന്; സര്വീസ് ഈ ദിവസങ്ങളില്
Bengaluru to Delhi Special Single Trip Train Announced: യശ്വന്ത്പൂരിനും ഹസ്രത്ത് നിസാമുദീനും ഇടയില് സര്വീസ് നടത്തുന്ന ട്രെയിനാണ് ബെംഗളൂരുവിലേക്കും എത്തുന്നത്. 23 കോച്ചുകളുള്ള ഈ ട്രെയിന് കാച്ചെഗുഡ വഴി സര്വീസ് നടത്തുമെന്ന് റെയില്വേ വൃത്തങ്ങള് അറിയിച്ചു.
ബെംഗളൂരു: ബെംഗളൂരുവില് നിന്ന് ഡല്ഹിയിലേക്ക് പുതിയ ട്രെയിന് പ്രഖ്യാപിച്ച് ഇന്ത്യന് റെയില്വേ. ഹോളി ആഘോഷത്തിന്റെ ഭാഗമായി 1,500 അധിക ട്രെയിനുകള് സര്വീസ് നടത്തുമെന്ന് പ്രഖ്യാപിച്ചതിന് തൊട്ടുപിന്നാലെയാണിത്. യാത്രക്കാരുടെ തിരക്ക് ഒഴിവാക്കാന് ലക്ഷ്യമിട്ടാണ് ബെംഗളൂരു-ഡല്ഹി റൂട്ടിലെ ട്രെയിനിന്റെ വരവ്.
യശ്വന്ത്പൂരിനും ഹസ്രത്ത് നിസാമുദീനും ഇടയില് സര്വീസ് നടത്തുന്ന ട്രെയിനാണ് ബെംഗളൂരുവിലേക്കും എത്തുന്നത്. 23 കോച്ചുകളുള്ള ഈ ട്രെയിന് കാച്ചെഗുഡ വഴി സര്വീസ് നടത്തുമെന്ന് റെയില്വേ വൃത്തങ്ങള് അറിയിച്ചു. ഫെബ്രുവരി 25ന് യശ്വന്ത്പൂരില് നിന്ന് സര്വീസ് ആരംഭിച്ച് രണ്ട് ദിവസത്തിന് ശേഷം ഡല്ഹിയിലെത്തും.
ഐആര്സിടിസി വെബ്സൈറ്റും ആപ്പും വഴി യാത്രക്കാര്ക്ക് ടിക്കറ്റുകള് ബുക്ക് ചെയ്യാവുന്നതാണ്. ട്രെയിനിന്റെ റൂട്ട് സമയം എന്നിവയുമായി ബന്ധപ്പെട്ട വിശദ വിവരങ്ങള് ചുവടെ.
എപ്പോള് പുറപ്പെടും?
ഫെബ്രുവരി 25ന് രാത്രി 10.40ന് യശ്വന്ത്പൂരില് നിന്നാണ് ട്രെയിന് നമ്പര് 06569 യാത്ര ആരംഭിക്കുക. ഫെബ്രുവരി 27ന് ഉച്ചയ്ക്ക് 2.45ന് ഹസ്രത്ത് നിസാമുദീനില് ട്രെയിനെത്തും. മാര്ച്ച് 1നാണ് മടക്കയാത്ര. രാവിലെ 7 മണിക്ക് ഹസ്രത്ത് നിസാമുദീനില് നിന്ന് ആരംഭിക്കുന്ന യാത്ര മാര്ച്ച് രണ്ടിന് രാത്രി 9.40ന് യശ്വന്ത്പൂരില് അവസാനിക്കും.
Also Read: Bengaluru Train: ബെംഗളൂരുവിലെത്താന് 6 മണിക്കൂര് വേണ്ട; ഈ ട്രെയിനിലാകാം ഇനിയുള്ള യാത്ര
യശ്വന്ത്പൂരില് നിന്ന് കാച്ചെഗുഡ വഴി ഹസ്രത്ത് നിസാമുദീനിലേക്കാവും ട്രെയിനിന്റെ സഞ്ചാരം. ബെംഗളൂരുവില് നിന്ന് ഡല്ഹിയിലേക്ക് പോകുന്ന യാത്രക്കാര്ക്ക് ഈ ട്രെയിനിന്റെ വരവ് തീര്ത്തും ഗുണകരമാണ്. എന്നാല് ട്രെയിന് ഒറ്റത്തവണ സര്വീസ് നടത്താനാണ് നിലവില് റെയില്വേ തീരുമാനിച്ചിരിക്കുന്നത്.
