Bengaluru Weather: ജാഗ്രതയോടെ തുടരാം; ബെംഗളൂരുവില് അതിശക്തമായ മഴ വരുന്നു
Bengaluru to Experience Heavy Rain Till April 5: ബെംഗളൂരുവിലെ ഒറ്റപ്പെട്ട പ്രദേശങ്ങളില് വൈകുന്നേരത്തോടെ നേരിയ മഴയെത്തുമെന്നും കാലാവസ്ഥ വകുപ്പ്. ദക്ഷിണ കന്നഡ, ഉഡുപ്പി, ഉത്തര കന്നഡ എന്നിവയുള്പ്പെടെയുള്ള തീരദേശ ജില്ലകളില് ഉച്ചയ്ക്ക് ശേഷം ഇടിമിന്നലോട് കൂടിയ മഴ പെയ്തേക്കാം. ഏപ്രില് 5 വരെ ഇതേ കാലാവസ്ഥ തുടരാന് സാധ്യതയുണ്ടെന്നും വകുപ്പ് അറിയിച്ചു.
പ്രതീകാത്മക ചിത്രം
ബെംഗളൂരു: കനത്ത മഴയെ വരവേല്ക്കാനൊരുങ്ങി ബെംഗളൂരു നഗരം. വേനല്ച്ചൂടില് നിന്ന് ആശ്വാസം പകരാനായി നഗരത്തില് ഏപ്രില് 5 വരെ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കര്ണാടകയുടെ ചില ഭാഗങ്ങളില് ഇടിമിന്നലോട് കൂടിയ മഴയാണ് കാലാവസ്ഥ വകുപ്പ് പ്രവചിച്ചത്. എന്നാല് ബെംഗളൂരുവില് പ്രതിദിനം താപനില ഉയരുന്നത് പ്രദേശവാസികളില് അശങ്ക വിതയ്ക്കുന്നു.
ബെംഗളൂരുവിലെ ഒറ്റപ്പെട്ട പ്രദേശങ്ങളില് വൈകുന്നേരത്തോടെ നേരിയ മഴയെത്തുമെന്നും കാലാവസ്ഥ വകുപ്പ്. ദക്ഷിണ കന്നഡ, ഉഡുപ്പി, ഉത്തര കന്നഡ എന്നിവയുള്പ്പെടെയുള്ള തീരദേശ ജില്ലകളില് ഉച്ചയ്ക്ക് ശേഷം ഇടിമിന്നലോട് കൂടിയ മഴ പെയ്തേക്കാം. ഏപ്രില് 5 വരെ ഇതേ കാലാവസ്ഥ തുടരാന് സാധ്യതയുണ്ടെന്നും വകുപ്പ് അറിയിച്ചു.
കുടക്, ഹാസന്, ചിക്കമംഗളൂരു, ശിവമോഗ എന്നീ ജില്ലകളിലും ഉച്ചയ്ക്ക് ശേഷം ശക്തമായ ഇടിമിന്നലും മഴയും എത്താനിടയുണ്ട്. ബെലഗാവി, ധാര്വാഡ്, ഹാവേരി, ഗദഗ്, ബാഗല്കോട്ട്, ദാവന്ഗരെ, വിജയനഗര്, ബല്ലാരി, വിജയപുര എന്നിവയുള്പ്പെടെയുള്ള വടക്കന് ഉള്നാടന് ജില്ലകളില് രാത്രി മഴ പെയ്തേക്കാം.
മൈസൂരു, തുംകുരു ജില്ലകളില് മഴയ്ക്ക് സാധ്യതയുണ്ടെങ്കിലും ശക്തമായിരിക്കില്ലെന്നാണ് സൂചന. ബെംഗളൂരുവില് വരും ദിവസങ്ങളിലെല്ലാം മേഘാവൃതമായ അന്തരീക്ഷമായിരിക്കും. വൈകുന്നേരത്തോടെ ഇവിടേക്കും മഴയെത്താനാണ് സാധ്യത. മഴയും ഇടിമിന്നലും കൂടെ കാറ്റിനുള്ള സാധ്യതയും കാലാവസ്ഥ വകുപ്പ് പ്രവചിക്കുന്നു. കൂടാതെ ആലിപ്പഴ വര്ഷവും അവസാനിച്ചിട്ടില്ലെന്ന സൂചനകളും ലഭിക്കുന്നുണ്ട്.
Also Read: Bengaluru Weather: ശക്തമായ മഴ, കാറ്റ് ഇടിമിന്നല്; ബെംഗളൂരുവില് കാലാവസ്ഥ വളരെ മോശം
അലര്ട്ട് പ്രഖ്യാപിച്ചു
മഴയ്ക്കും ഇടിമിന്നലിനുമുള്ള സാധ്യത കണക്കിലെടുത്ത് ബെല്ഗാം, ധാര്വാഡ്, ഗദഗ്, ഹാവേരി, ദാവന്ഗരെ, ശിവമോഗ, വിജയനഗര് എന്നിവിടങ്ങളില് ഓറഞ്ച് അലര്ട്ട് പ്രഖ്യാപിച്ചു. ഉഡുപ്പി, ദക്ഷിണ കന്നഡ, ഉത്തര കന്നഡ, ചിക്കമംഗളൂരു, കുടക്, ഹാസന് എന്നിവിടങ്ങളില് ഏപ്രില് 1 വരെ ആലിപ്പഴ വര്ഷത്തിനും സാധ്യതയുണ്ട്.
ബെംഗളൂരുവില് 33 ഡിഗ്രി സെല്ഷ്യസായിരിക്കും പരമാവധി താപനില, കുറഞ്ഞ താപനില 21 ഡിഗ്രിയിലും തുടരും. എന്നാല് റായ്ച്ചൂരിലും യാദ്ഗിറിലും പരമാവധി താപനില 37 ഡിഗ്രി സെല്ഷ്യസ് വരെ എത്താനിടയുണ്ട്.
