Emmanuel Macron India Visit: മാക്രോണിന് മുംബൈ ഇഷ്ടപ്പെട്ടു! പ്രസിഡന്റിനെ കണ്ട് മോദി
French President Emmanuel Macron-Narendra Modi Meeting: എഐ സമ്മിറ്റില് ഇരുരാജ്യങ്ങളും തമ്മിലുള്ള സഹകരണം വര്ധിപ്പിക്കുന്നതിനാവശ്യമായ നടപടികള് സ്വീകരിക്കാന് സാധ്യതയുണ്ട്. കൂടാതെ സൈനിക സഹകരണം ശക്തമാക്കുന്നതിനായി കോടിക്കണക്കിന് ഡോളറിന്റെ ഡസ്സോ റാഫേല് യുദ്ധ വിമാന കരാറിലും ഇരുനേതാക്കളും ശ്രദ്ധ കേന്ദ്രീകരിക്കും.
ഇമ്മാനുവല് മാക്രോണ്, നരേന്ദ്ര മോദി
മുംബൈ: മൂന്ന് ദിവസത്തെ ഇന്ത്യാ സന്ദര്ശനത്തിനെത്തിയ ഫ്രഞ്ച് പ്രസിഡന്റ് ഇമ്മാനുവല് മാക്രോണ് പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. എഐ സമ്മിറ്റ് ആരംഭിക്കുന്നതിന് മുന്നോടിയായാണ് കൂടിക്കാഴ്ച. ഇന്ത്യയുമായി സൈനിക പങ്കാളിത്തം വര്ധിപ്പിക്കാന് ഫ്രാന്സ് തയറാകുന്നതും കൃത്രിമബുദ്ധിയുമായി ബന്ധപ്പെട്ട മേഖലയിലെ സഹകരണവും മുംബൈയില് വെച്ച് നടന്ന കൂടിക്കാഴ്ചയില് ഇരുനേതാക്കളും ചര്ച്ച ചെയ്തു.
തന്റെ സുഹൃത്ത് മാക്രോണിനെ മുംബൈയില് വെച്ച് കാണാന് സാധിച്ചതിലുള്ള സന്തോഷം പ്രധാനമന്ത്രി എക്സ് പോസ്റ്റിലൂടെ അറിയിച്ചു.
”എന്റെ സുഹൃത്ത് പ്രസിഡന്റ് മാക്രോണിനെ മുംബൈയില് വെച്ച് കാണാന് സാധിച്ചതില് സന്തോഷമുണ്ട്. ഈ നഗരം തനിക്ക് വളരെ ഇഷ്ടപ്പെട്ടുവെന്നും നേരത്തെ നടത്തിയ ഓട്ടം നന്നായി ആസ്വദിച്ചുവെന്നും അദ്ദേഹം പറഞ്ഞു,” മോദി എക്സില് കുറിച്ചു.
It’s a delight to meet my friend, President Macron in Mumbai! He told me he really likes the city and also enjoyed his run earlier in the day! @EmmanuelMacron pic.twitter.com/edPKuLdn0f
— Narendra Modi (@narendramodi) February 17, 2026
എഐ സമ്മിറ്റില് ഇരുരാജ്യങ്ങളും തമ്മിലുള്ള സഹകരണം വര്ധിപ്പിക്കുന്നതിനാവശ്യമായ നടപടികള് സ്വീകരിക്കാന് സാധ്യതയുണ്ട്. കൂടാതെ സൈനിക സഹകരണം ശക്തമാക്കുന്നതിനായി കോടിക്കണക്കിന് ഡോളറിന്റെ ഡസ്സോ റാഫേല് യുദ്ധ വിമാന കരാറിലും ഇരുനേതാക്കളും ശ്രദ്ധ കേന്ദ്രീകരിക്കും.
Also Read: PM Modi-Macron Meet: ഫ്രഞ്ച് പ്രധാനമന്ത്രി ഇന്ത്യയില്; മോദിയും മാക്രോണും കൂടിക്കാഴ്ച നടത്തും
തിങ്കളാഴ്ച രാത്രിയാണ് മൂന്ന് ദിവസത്തെ സന്ദര്ശനത്തിനായി പ്രഥമ വനിത ബ്രിജിറ്റ് മാക്രോണിനോടൊപ്പം ഫ്രഞ്ച് പ്രസിഡന്റ് മുംബൈയിലെത്തിയത്. മഹാരാഷ്ട്ര ഗവര്ണര് ആചാര്യ ദേവ്രത്, മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് എന്നിവര് ചേര്ന്ന് ഇരുവരെയും സ്വീകരിച്ചു.
