PM Modi CMs Meeting : പശ്ചിമേഷ്യ സംഘർഷം; മുഖ്യമന്ത്രിമാരുമായി കൂടിക്കാഴ്ച നടത്തി പ്രധാനമന്ത്രി, പിണറായി വിജയൻ പങ്കെടുത്തില്ല
Prime Minister Narendra Modi Chief Ministers Meeting : തിരഞ്ഞെടുപ്പ് പെരുമാറ്റ ചട്ടം നിലനിൽക്കുന്നതിനാൽ ആണ് കേരളം, തമിഴ്നാട്, അസം, പശ്ചിമ ബംഗാൾ, പുതുച്ചേരി സംസ്ഥാനങ്ങളുടെ മുഖ്യമന്ത്രിമാർ കൂടിക്കാഴ്ചയിൽ പങ്കെടുക്കാതിരുന്നത്. ആഭ്യന്തര മന്ത്രി അമിത് ഷായും പ്രതിരോധ മന്ത്രി രാജ്നാഥ് സിങ്ങും യോഗത്തിൽ പങ്കെടുത്തിരുന്നു.
Pm Cms Meeting
ന്യൂ ഡൽഹി : പശ്ചിമേഷ്യയിലെ സംഘർഷത്തെ തുടർന്നുള്ള പ്രതിസന്ധിയെ കുറിച്ച് ചർച്ച ചെയ്യാൻ രാജ്യത്തെ മുഖ്യമന്ത്രിമാരുമായി കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി. ഓൺലൈനിലൂടെയായിരുന്നു കൂടിക്കാഴ്ച. തിരഞ്ഞെടുപ്പ് പെരുമാറ്റ ചട്ടം നിലനിൽക്കുന്ന കേരളം ഉൾപ്പെടെയുള്ള അഞ്ച് സംസ്ഥാനങ്ങളുടെ മുഖ്യമന്ത്രിമാർ ഒഴികെ ബാക്കിയുള്ളവർ കൂടിക്കാഴ്ചയിൽ പങ്കെടുത്തു. കേരളം ഉൾപ്പെടെയുള്ള ഈ അഞ്ച് സംസ്ഥാനങ്ങളുടെ ചീഫ് സെക്രട്ടറിമാരുമായി പ്രത്യേക കൂടിക്കാഴ്ച ക്യാബിനെറ്റ് സെക്രട്ടറിയേറ്റ് സംഘടിപ്പിക്കുന്നതാണ്. മുഖ്യമന്ത്രിമാർക്ക് പുറമെ കേന്ദ്ര ആഭ്യാന്തര മന്ത്രി അമിത് ഷായും പ്രതിരോധ മന്ത്രി രാജ്നാഥ് സിങ്ങും കൂടിക്കാഴ്ചയിൽ പങ്കെടുത്തു. മുഖ്യമന്ത്രിമാരുമായിട്ടുള്ള കൂടിക്കാഴ്ച മുമ്പ് സർക്കാർ സർവകക്ഷി യോഗം വിളിച്ചിരുന്നു.
ഫെബ്രുവരി 28ന് ആരംഭിച്ച പശ്ചിമേഷ്യൻ പ്രതിസന്ധിയെ തുടർന്ന് ഇതാദ്യമായിട്ടാണ് പ്രധാനമന്ത്രി മുഖ്യമന്ത്രിമാരുടെ യോഗം വിളിച്ചു ചേർക്കുന്നത്. കോവിഡ് കാലത്ത് സമാനമായ യോഗം പ്രധാനമന്ത്രി വിളിച്ചു ചേർത്തിരുന്നു. അതുപോലെ ടീം ഇന്ത്യയെ പോലെ സംസ്ഥാനങ്ങൾ ഒത്തൊരുമിച്ച് നിലവിലെ പ്രതിസന്ധി മറികടക്കാൻ പ്രധാനമന്ത്രി ആവശ്യപ്പെട്ടിരുന്നു.
