Kerala Assembly Election 2026: നടൻ കൃഷ്ണകുമാറിന് സീറ്റില്ല, വിവേക് ഗോപൻ അരുവിക്കരയിൽ, വീണ്ടും ബിജെപിയുടെ സ്ഥാനാർത്ഥി പ്രഖ്യാപനം

തിരുവനന്തപുരം: ബിജെപി കേന്ദ്ര തിരഞ്ഞെടുപ്പ് കമ്മിറ്റി കേരള നിയമസഭാ തെരഞ്ഞെടുപ്പിനുള്ള മൂന്നാംഘട്ട സ്ഥാനാർത്ഥി പട്ടിക പുറത്തിറക്കി. പുതുതായി 11 മണ്ഡലങ്ങളിലേക്കുള്ള സ്ഥാനാർത്ഥികളെയാണ് ബിജെപി പ്രഖ്യാപിച്ചിരിക്കുന്നത്. ന്യൂഡൽഹിയിലെ പാർട്ടി ആസ്ഥാനത്തുനിന്നും ജനറൽ സെക്രട്ടറി അരുൺ സിംഗ് ആണ് ഈ പട്ടിക പുറത്തുവിട്ടിരിക്കുന്നത്. ഇതനുസരിച്ച് ഏറെ ചർച്ച ചെയ്യപ്പെട്ട തിരുവനന്തപുരം മണ്ഡലത്തിൽ നടൻ കൃഷ്ണകുമാറിനെ പരിഗണിച്ചിട്ടില്ല.

പകരം കരമന ജയനെയാണ് പാർട്ടി ഔദ്യോഗികമായി പ്രഖ്യാപിച്ചിരിക്കുന്നത്. കൃഷ്ണകുമാറിനെ പരിഗണിച്ചില്ലെങ്കിലും പ്രശസ്ത സീരിയൽ സിനിമാതാരം വിവേക് ഗോപനു സീറ്റ് ഉണ്ട്. അരുവിക്കര മണ്ഡലത്തിലാണ് വിവേക് ​ഗോപൻ സ്ഥാനാർത്ഥിയാവുക. മാവേലിക്കര, അടൂർ, ചിറയിൻകീഴ് എന്നീ സംവരണ മണ്ഡലങ്ങളിലേക്കുള്ള സ്ഥാനാർത്ഥികളെയും ഈ പട്ടികയിൽ ഉൾപ്പെടുത്തിയിട്ടുണ്ട്.

Also Read: Kollam Constituency Election 2026: കാൽ നൂറ്റാണ്ടിൻ്റെ ചരിത്രം മാറുമോ? കൊല്ലത്ത് ഇടത് കാറ്റ് മാറി വീശുമോ; പ്രവചനാതീതമായ പോരാട്ടഭൂമി

മണ്ഡലങ്ങളും സ്ഥാനാർത്ഥികളും

1. പീരുമേട് – വി. രതീഷ്
2. പുതുപ്പള്ളി- രവീന്ദ്രനാഥ് വാകത്താനം
3. മാവേലിക്കര – അജിമോൻ
4. അടൂർ – പന്തളം പ്രതാപൻ
5. ചവറ- കെ.ആർ. രാജേഷ്
6. ചടയമംഗലം- ആർ.എസ്. അരുൺ രാജ്
7. ചിറയൻകീഴ് – ബി.എസ്. അനൂപ്
8. തിരുവനന്തപുരം – കരമന ജയൻ
9. അരുവിക്കര – വിവേക് ഗോപൻ
10. കോവളം – ടി.എൻ. സുരേഷ്
11. നെയ്യാറ്റിൻകര – എസ്. രാജശേഖരൻ നായർ