കേരള നിയമസഭ തിരഞ്ഞെടുപ്പ്

16-ാമത് സംസ്ഥാന നിയമസഭ തിരഞ്ഞെടുപ്പിനായി കേരളത്തിൻ്റെ ആരങ്ങൊരുങ്ങി തുടങ്ങി. മാർച്ചോടെ അവസാനത്തോടെ തിരഞ്ഞെടുപ്പിനുള്ള ചിത്രം തെളിയുമെന്നാണ് പ്രതീക്ഷ. ചരിത്രത്തിലാദ്യമായി ഭരണത്തുടർച്ച ലഭിച്ച പിണറായി വിജയൻ സർക്കാർ ഇനി മൂന്നാമതും തുടരുമോ എന്നറിയാൻ കാത്തിരിക്കുകയാണ് കേരളവും അതോടൊപ്പം ഇന്ത്യ ഒന്നാകെ. ഇന്ത്യയിൽ കമ്യൂണിസ്റ്റ് ഭരണത്തിലുള്ള ഏക സംസ്ഥാനമാണ് കേരളം. 140 മണ്ഡലങ്ങളിലേക്കുള്ള വോട്ടെടുപ്പ് ഒറ്റഘട്ടമായി നടത്താൻ സാധ്യത. 2021ൽ നടന്ന 15-ാം നിയമസഭ തിരഞ്ഞെടുപ്പിൽ സിപിഎം നേതൃത്വത്തിലുള്ള എൽഡിഎഫ് മുന്നണി 99 സീറ്റുകൾ നേടി വീണ്ടും അധികാരത്തിലേക്കെത്തി. കോൺഗ്രസ് നയിക്കുന്ന യുഡിഎഫിന് ആകെ സ്വന്തമാക്കാൻ സാധിച്ചത് 41 സീറ്റുകൾ മാത്രമാണ്.

അതേസമയം ഡിസംബറിൽ കഴിഞ്ഞ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ ലഭിച്ച മികച്ച മുന്നേറ്റിത്തിൻ്റെ പ്രതീക്ഷയിലാണ് കോൺഗ്രസ്. എൽഡിഎഫ് ആകാട്ടെ വികസനപ്രവർത്തനങ്ങൾ മുന്നോട്ട് വെച്ചുകാണ്ടാണ് തിരഞ്ഞെടുപ്പിനെ നേരിടുന്നത്. ഇരു മുന്നണികളും തങ്ങളുടെ മുഖ്യമന്ത്രി സ്ഥാനാർഥിയെ പ്രഖ്യാപിച്ചില്ലെങ്കിലും എൽഡിഎഫിനെ മുഖ്യമന്ത്രി പിണറായി വിജയനും യു.ഡി.എഫിനെ പ്രതിപക്ഷ നേതാവ് വിഡി സതീശനുമാണ് തിരഞ്ഞെടുപ്പിൽ നയിക്കുന്നത്. അതേസമയം ലോക്സഭ തിരഞ്ഞെടുപ്പിലെയും തിരുവനന്തപുരം കോർപ്പറേഷൻ തിരഞ്ഞെടുപ്പിലെ നേട്ടം നിയമസഭ തിരഞ്ഞെടുപ്പിലും പ്രതിഫലിക്കുമെന്ന പ്രതീക്ഷയാണ് ബിജെപിക്കുള്ളത്. കുറഞ്ഞത് 71 സീറ്റുകൾ വേണം ഒരു മുന്നണിക്ക് അധികാരത്തിലേക്ക് പ്രവേശിക്കാൻ.