Railway Update: കണ്ണൂർ-എറണാകുളം ഇൻ്റർസിറ്റി ഭാഗികമായി റദ്ദാക്കി; പല സർവീസുകളും വൈകിയോടും, കാരണം
Kannur Ernakulam Intercity Express Partially Cancelled: പ്രിതദിന സർവീസായ കണ്ണൂർ- എറണാകുളം ഇൻ്റർസിറ്റി എക്സ്പ്രസ് ഈ ദിവസങ്ങളിൽ ഭാഗികമായി റദ്ദാക്കിയിട്ടുണ്ട്. ഈ ദിവസങ്ങളിൽ ട്രെയിൻ തൃശ്ശൂർ സ്റ്റേഷനിൽ യാത്ര അവസാനിപ്പിക്കുന്നതാണ്. കൂടാതെ പ്രധാനപ്പെട്ട പല ദീർഘദൂര, ഹ്രസ്വദൂര ട്രെയിൻ സർവീസുകളും വൈകിയോടുമെന്ന് റെയിൽവേ പ്രസ്താവനയിൽ വ്യക്തമാക്കി.
തിരുവനന്തപുരം: റെയിൽവേ ട്രാക്കുകളിൽ അത്യാവശ്യ അറ്റകുറ്റപ്പണികൾ നടക്കുന്നതിനാൽ സംസ്ഥാനത്തെ ട്രെയിൻ ഗതാഗതത്തിൽ നിയന്ത്രണങ്ങൾ ഏർപ്പെടുത്തിയതായി ദക്ഷിണ റെയിൽവേ അറിയിച്ചു. പ്രിതദിന സർവീസായ കണ്ണൂർ- എറണാകുളം ഇൻ്റർസിറ്റി എക്സ്പ്രസ് ഈ ദിവസങ്ങളിൽ ഭാഗികമായി റദ്ദാക്കിയിട്ടുണ്ട്. കൂടാതെ പ്രധാനപ്പെട്ട പല ദീർഘദൂര, ഹ്രസ്വദൂര ട്രെയിൻ സർവീസുകളും വൈകിയോടുമെന്ന് റെയിൽവേ പ്രസ്താവനയിൽ വ്യക്തമാക്കി.
ഭാഗികമായി റദ്ദാക്കിയ ട്രെയിനുകൾ
തിരുവനന്തപുരം ഡിവിഷനിൽ നടക്കുന്ന അറ്റകുറ്റപ്പണികൾ കാരണം കണ്ണൂർ- എറണാകുളം ജങ്ഷൻ (ട്രെയിൻ നമ്പർ 16306) ഇന്റർസിറ്റി എക്സ്പ്രസ് സെപ്റ്റംബർ 25, 26, 27 ഒക്ടോബർ രണ്ട്, നാവ്, ആറ്, ഒമ്പത്, 11, 13 തീയതികളിൽ തൃശ്ശൂരിനും എറണാകുളത്തിനും ഇടയിൽ റദ്ദാക്കിയിട്ടുണ്ട്. ഈ ദിവസങ്ങളിൽ ട്രെയിൻ തൃശ്ശൂർ സ്റ്റേഷനിൽ യാത്ര അവസാനിപ്പിക്കുന്നതാണ്.
ALSO READ: ഉറക്കം നടിച്ച്, KSRTC ബസിൽ അടുത്തിരുന്ന യുവതിയെ കയറിപ്പിടിച്ചു; മലപ്പുറം സ്വദേശി അറസ്റ്റിൽ
സേലം ഡിവിഷനിലെ അറ്റകുറ്റപ്പണികൾ കാരണം കോയമ്പത്തൂർ- ഷൊർണൂർ പാസഞ്ചർ (ട്രെയിൻ നമ്പർ 56603) സെപ്റ്റംബർ 18, 26 തീയതികളിൽ കോയമ്പത്തൂരിനും പോത്തന്നൂരിനും ഇടയിൽ ഭാഗികമായി റദ്ദാക്കി. ഈ ദിവസങ്ങളിൽ പോത്തന്നൂർ ജങ്ഷനിൽ നിന്നാകും ട്രെയിൻ യാത്ര പുറപ്പെടുക. ഷൊർണൂർ- കോയമ്പത്തൂർ പാസഞ്ചർ (ട്രെയിൻ നമ്പർ 56604) ട്രെയിനും ഈ ദിവസങ്ങളിൽ പോത്തന്നൂരിനും കോയമ്പത്തൂരിനും ഇടയിൽ റദ്ദാക്കിയിട്ടുണ്ട്. ഈ ദിവസങ്ങളിൽ ട്രെയിൻ പോത്തന്നൂരിൽ യാത്ര അവസാനിപ്പിക്കും.
കോയമ്പത്തൂർ-ജബൽപൂർ വീക്ക്ലി സ്പെഷ്യൽ എക്സ്പ്രസ് (ട്രെയിൻ നമ്പർ 02197) സെപ്റ്റംബർ 21 ന് കോയമ്പത്തൂരിനും പോത്തന്നൂരിനും ഇടയിൽ റദ്ദാക്കും. ഈ ദിവസം പോത്തന്നൂരിൽ നിന്നാകും ട്രെയിൻ യാത്ര ആരംഭിക്കുക.
വൈകിയോടുന്ന ട്രെയിനുകളുടെ പട്ടിക
പാലക്കാട് ഡിവിഷനിലെ അറ്റകുറ്റപ്പണികൾ കാരണം വിവിധ ട്രെയിനുകളാണ് ഈ റൂട്ടിൽ വൈകിയോടുന്നത്.
മംഗളൂരു സെൻട്രൽ- ചെന്നൈ സെൻട്രൽ (22638) വെസ്റ്റ് കോസ്റ്റ് എക്സ്പ്രസ് സെപ്റ്റംബർ 06, 08, 10, 13 തീയതികളിൽ 45 മിനിറ്റ് വരെ വൈകിയോടുമെന്ന് റെയിൽവേ അറിയിച്ചു.
ഹസ്രത് നിസാമുദ്ദീൻ- എറണാകുളം മംഗള സൂപ്പർഫാസ്റ്റ് എക്സ്പ്രസ് (12618) സെപ്റ്റംബർ 05, 12 തീയതികളിൽ 45 മിനിറ്റ് വരെ വൈകും.
ആലപ്പുഴ- കണ്ണൂർ എക്സിക്യൂട്ടീവ് എക്സ്പ്രസ് (16307) ഒക്ടോബർ മൂന്നിന് 30 മിനിറ്റ് വൈകിയോടും.
എറണാകുളം- പാലക്കാട് മെമു (66610) സെപ്റ്റംബർ 25 നും ഒക്ടോബർ മൂന്നിനും 35 മിനിറ്റ് വൈകും.
English Summary:
Kannur Ernakulam Intercity Express Partially Cancelled And Several Trains Running Late Due to Track Maintanance work. Check The Latest Southern Railway Updates And Train Service News Here.
