Cheruvayal Raman: പദ്മശ്രീ ചെറുവയൽ രാമൻ അന്തരിച്ചു

വയനാട്: അപൂർവ്വ നെൽവിത്തിനങ്ങളുടെ സംരക്ഷകനും, പദമശ്രീ ജേതാവുമായ ചെറുവയൽ രാമൻ അന്തരിച്ചു. 74 വയസ്സായിരുന്നു അദ്ദേഹത്തിന്. കോഴിക്കോട് മെഡിക്കൽ കോളേജിലായിരുന്നു അന്ത്യം. കുറച്ചു ദിവസമായി അദ്ദേഹം ചികിത്സയിലായിരുന്നു. വൃക്കയുടെ പ്രവർത്തനങ്ങൾ തകരാറിലായതോടെ ആരോഗ്യനില ഗുരുതരമാവുകയായിരുന്നു.   പരമ്പരാഗത നെല്ല് ഇനങ്ങൾ സംരക്ഷിക്കുന്നതിനും കാർഷിക ജൈവവൈവിധ്യം സംരക്ഷിക്കുന്നതിനുമുള്ള ശ്രമങ്ങൾക്ക് അദ്ദേഹം വിവിധ തരത്തിലുള്ള അംഗീകാരങ്ങളും പുരസ്കാരങ്ങളും നേടി. വയനാട്-മാനന്തവാടി- കമ്മനയായിലാണ് അദ്ദേഹത്തിൻ്റെ വീട്.

സുസ്ഥിര കൃഷിക്കും ജൈവവൈവിധ്യ സംരക്ഷണത്തിനും നൽകിയ സംഭാവനകൾക്ക് 2023-ൽ അദ്ദേഹത്തെ രാജ്യം പദ്മശ്രീ നൽകി ആദരിച്ചു. കേരളത്തിൻ്റെ കാർഷിക മേഖലയ്ക്ക് നൽകിയ മികച്ച സംഭാവനകൾക്കുള്ള ആദ്യത്തെ ഉമ്മൻ ചാണ്ടി മെമ്മോറിയൽ അവാർഡും അദ്ദേഹത്തിന് നേടിക്കൊടുത്തു.

ALSO READ:നെടുമ്പാശ്ശേരി മിനി കൂപ്പർ അപകടം; 3 പേരുടെ ജീവൻ കവർന്ന സംഭവം പ്രത്യേക സംഘം അന്വേഷിക്കും

2025 ലെ കേരള സംസ്ഥാന കാർഷിക അവാർഡും അദ്ദേഹത്തിനായിരുന്നു. ശാസ്ത്രീയ കൃഷിയെ പറ്റി യാതൊരു അറിവുമില്ലാതെ, കമ്മനയിലെ തന്റെ ചെറിയ കൃഷിയിടത്തിൽ 55-ലധികം നെല്ലിനങ്ങൾ അദ്ദേഹം സംരക്ഷിച്ചു വന്നിരുന്നു. രാമൻ തൻ്റെ അമ്മാവൻ നൽകിയ 40 ഏക്കർ സ്ഥലത്ത് ആരംഭിച്ച കൃഷിയായിരുന്നു അദ്ദേഹത്തിൻ്റെ കരുത്ത്.

English Summary

Padma Shri Cheruvayal K Raman Passed away at 74 at Kozhikode Medical College. He was conserving over 55 rice varieties on his small farm at Kammana Wayanad. Nation honoured him with Padma Shri, at 2023.