Sandalwood selling New Law: വീട്ടിൽ ചന്ദനമുണ്ടോ? ഇനി ഉടമയ്ക്ക് വെട്ടി വിൽക്കാം, പുതിയ നിയമം എത്തി…
Sandalwood cultivation Kerala: ചന്ദനമരം നട്ടുപിടിപ്പിക്കാനും അവ സംരക്ഷിക്കാനും കർഷകർക്ക് ഈ നിയമം വലിയ പ്രോത്സാഹനമാകും. സാമ്പത്തിക നേട്ടം ഉറപ്പാകുന്നതോടെ ചന്ദന കൃഷി മേഖലയിൽ വലിയ ഉണർവ് ഉണ്ടാകുമെന്നാണ് കരുതപ്പെടുന്നത്.
തിരുവനന്തപുരം: സ്വന്തം പുരയിടത്തിലെ ചന്ദനമരം ഇനി കർഷകർക്ക് ശാപമാകില്ല. സ്വകാര്യ ഭൂമിയിലെ ചന്ദനമരം മുറിച്ച് വനം വകുപ്പ് മുഖേന വിൽപന നടത്താൻ അനുവദിക്കുന്ന 2025-ലെ കേരള വന (ഭേദഗതി) ബിൽ നിയമമായി. ഫെബ്രുവരി 9 മുതൽ പുതിയ നിയമം സംസ്ഥാനത്ത് നിലവിൽ വന്നു. ഇതോടെ ദീർഘകാലമായി കർഷകർ നേരിട്ടിരുന്ന വലിയൊരു പ്രതിസന്ധിക്കാണ് പരിഹാരമാകുന്നത്.
നിയമത്തിലെ പ്രധാന മാറ്റങ്ങൾ
മുൻപ് സ്വകാര്യ ഭൂമിയിലെ ചന്ദനമരത്തിന്മേൽ ഉടമയ്ക്ക് അധികാരമില്ലായിരുന്നു. എന്നാൽ പുതിയ നിയമപ്രകാരം വനം വകുപ്പ് മുഖേന മരം വിൽക്കുമ്പോൾ ലഭിക്കുന്ന തുക പൂർണ്ണമായും ഭൂമിയുടെ ഉടമയ്ക്ക് ലഭിക്കും. സ്വന്തം ഭൂമിയിലെ ചന്ദനമരം മോഷണം പോയാൽ പോലും ഉടമയ്ക്കെതിരെ കേസെടുക്കുന്ന രീതിയായിരുന്നു ഇതുവരെ ഉണ്ടായിരുന്നത്. വീട് വെക്കുന്ന സ്ഥലത്തെ മരങ്ങൾ മുറിക്കണമെങ്കിൽ പോലും സമിതിയുടെ ശുപാർശ കാത്തുനിൽക്കേണ്ടി വന്നിരുന്നു. ഈ കടമ്പകളെല്ലാം പുതിയ നിയമത്തോടെ ഒഴിവായി.
Also Read: Special Train: കേരളത്തിന് ആശ്വാസം; ആറ് സ്പെഷ്യൽ ട്രെയിനുകൾ സ്ഥിരപ്പെടുത്തി റെയിൽവേ മന്ത്രാലയം
കോടതിയിൽ എത്തുന്ന നിസ്സാര സ്വഭാവത്തിലുള്ള വന കുറ്റകൃത്യങ്ങൾ പിഴയടച്ച് ഒത്തുതീർപ്പാക്കാൻ പുതിയ നിയമം അനുവാദം നൽകുന്നു. കോടതിയുടെ അനുമതിയോടെ ഇത്തരം കേസുകൾ അവസാനിപ്പിക്കുമ്പോൾ ജയിൽ ശിക്ഷ ഒഴിവാക്കി ലഭിക്കും. എന്നാൽ വലിയ വന കുറ്റകൃത്യങ്ങൾക്ക് ഈ ഇളവ് ബാധകമല്ല.
ചന്ദനമരം നട്ടുപിടിപ്പിക്കാനും അവ സംരക്ഷിക്കാനും കർഷകർക്ക് ഈ നിയമം വലിയ പ്രോത്സാഹനമാകും. സാമ്പത്തിക നേട്ടം ഉറപ്പാകുന്നതോടെ ചന്ദന കൃഷി മേഖലയിൽ വലിയ ഉണർവ് ഉണ്ടാകുമെന്നാണ് കരുതപ്പെടുന്നത്.
