Kerala Weather Update: മഴ കാര്യമായി തന്നെ പെയ്യും, പക്ഷെ കാത്തിരിക്കേണ്ടത് ഇത്രയും ദിവസമോ?
Weather forecast for coming days: വരും ദിവസങ്ങളിലെ കാലാവസ്ഥ നോക്കിയാൽ കേരളത്തിലുടനീളം കാര്യമായ മഴയ്ക്ക് സാധ്യത ഉള്ളത് വെള്ളിയാഴ്ചയാണ്. തെക്കൻ കേരളത്തിലെ ഏഴ് ജില്ലകളിൽ 27 ന് മഴ മുന്നറിയിപ്പുണ്ട്. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ ജില്ലകളിൽ അന്ന് മഴ പെയ്യുമെന്ന് മുന്നറിയിപ്പിൽ വ്യക്തമാക്കുന്നു.
Kerala weather forecast for coming days
തിരുവനന്തപുരം: സംസ്ഥാനത്ത് ചൂട് കൂടി വരികയാണ്. മഴ മുന്നറിയിപ്പിന്റെ സ്ഥാനത്ത് ഇപ്പോൾ ചൂടിന്റെ മുന്നറിയിപ്പുകളാണ് കാലാവസ്ഥാ വകുപ്പ് കൂടുതലായി പുറത്തുവിടുന്നത്. ഇതിനിടെ ആശ്വാസമെന്നോണം ചില സ്ഥലങ്ങളിൽ ഒറ്റപ്പെട്ട മഴ പെയ്തെന്നും റിപ്പോർട്ട് ഉണ്ട്. എന്നാൽ ചൂടിനു കുറവില്ലെന്നാണ് പരക്കെയുള്ള പരാതി.
ഉയർന്ന താപനില മുന്നറിയിപ്പ്
ഇതിനിടെ കേരളത്തിൽ താപനില മുന്നറിയിപ്പും എത്തി. ഇടുക്കി, വയനാട് ജില്ലകളിൽ ഒഴികെ എല്ലാ ഇടങ്ങളിലും മഞ്ഞ മുന്നറിയിപ്പാണ് ഉള്ളത്. ഈ സ്ഥലങ്ങളിലെല്ലാം ഉയർന്ന ചൂടിനും ഈർപ്പമേറിയ അന്തരീക്ഷത്തിനും സാധ്യത ഉണ്ടെന്ന് വിദഗ്ധർ മുന്നറിയിപ്പു നൽകുന്നു.
മഴ ഇനി എന്ന്?
കേന്ദ്ര കാലാവസ്ഥാ വകുപ്പ് പുറത്തുവിട്ട ഏറ്റവും പുതിയ മുന്നറിയിപ്പ് അനുസരിച്ച് ഇന്ന് കേരളത്തിലെ മൂന്ന് ജില്ലകളിൽ മിതമായ മഴയ്ക്ക് സാധ്യത ഉണ്ട്. ആലപ്പുഴ, എറണാകുളം, തൃശ്ശൂർ ജില്ലകളിലാണ് ഇന്ന് മഴ പെയ്യാൻ സാധ്യത ഉള്ളത്. നാളെ ആലപ്പുഴ, കോട്ടയം, തൃശ്ശൂർ, വയനാട്, കണ്ണൂർ ജില്ലകളിലും നേരിയ മഴ പെയ്തേക്കാം എന്നും മുന്നറിയിപ്പിൽ പറയുന്നു.
Also Read – വെന്തുരുകാൻ തയ്യാറായിക്കോളൂ! മഴയെ മറന്നേക്കാം; കാലാവസ്ഥ പ്രവചനം
വരും ദിവസങ്ങളിലെ കാലാവസ്ഥ നോക്കിയാൽ കേരളത്തിലുടനീളം കാര്യമായ മഴയ്ക്ക് സാധ്യത ഉള്ളത് വെള്ളിയാഴ്ചയാണ്. തെക്കൻ കേരളത്തിലെ ഏഴ് ജില്ലകളിൽ 27 ന് മഴ മുന്നറിയിപ്പുണ്ട്. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ ജില്ലകളിൽ അന്ന് മഴ പെയ്യുമെന്ന് മുന്നറിയിപ്പിൽ വ്യക്തമാക്കുന്നു.
