ഫോം ഔട്ടിൽ നിന്ന് കരകയറാൻ വഴിയിതോ? അഭിഷേക് ശർമ്മയ്ക്ക് റെയ്നയുടെ നിർണ്ണായക ഉപദേശം
Suresh Raina's Advice for Abhishek Sharma: അഭിഷേക് ശർമ്മ ട്വന്റി20 ക്രിക്കറ്റിനപ്പുറത്തേക്ക് ചിന്തിക്കണമെന്നും ടെസ്റ്റ് ക്രിക്കറ്റിൽ ശ്രദ്ധ കേന്ദ്രീകരിക്കണമെന്നും മുൻ ഇന്ത്യൻ താരം സുരേഷ് റെയ്ന. ടി20യില് ദേശീയ ടീമില് അഭിഷേകിന്റെ സഹ ഓപ്പണറായ വൈഭവ് സൂര്യവംശി നിലവില് ദുലീപ് ട്രോഫി കളിക്കുകയാണ്.
അഭിഷേക് ശർമ്മ ട്വന്റി20 ക്രിക്കറ്റിനപ്പുറത്തേക്ക് ചിന്തിക്കണമെന്നും ടെസ്റ്റ് ക്രിക്കറ്റിൽ ശ്രദ്ധ കേന്ദ്രീകരിക്കണമെന്നും മുൻ ഇന്ത്യൻ താരം സുരേഷ് റെയ്ന. ടി20യില് ദേശീയ ടീമില് അഭിഷേകിന്റെ സഹ ഓപ്പണറായ വൈഭവ് സൂര്യവംശി നിലവില് ദുലീപ് ട്രോഫി കളിക്കുകയാണ്. എന്നാൽ അഭിഷേക് വൈറ്റ് ബോൾ ക്രിക്കറ്റിൽ, പ്രത്യേകിച്ച് ട്വന്റി20-യിൽ മാത്രമായി ഒതുങ്ങിനിൽക്കുകയാണ്. 2024 ഫെബ്രുവരിക്ക് ശേഷം അദ്ദേഹം ഫസ്റ്റ് ക്ലാസ് മത്സരങ്ങളൊന്നും കളിച്ചിട്ടില്ല. 24 ഫസ്റ്റ് ക്ലാസ് മത്സരങ്ങൾ കളിച്ചിട്ടുള്ള 26-കാരനായ അഭിഷേക്, 30.60 ശരാശരിയിൽ 1,000-ത്തിലധികം റൺസ് നേടിയിട്ടുണ്ട്.
ഒരു സെഞ്ചുറിയും അഞ്ച് അർദ്ധസെഞ്ചുറികളുമാണ് അദ്ദേഹത്തിന്റെ പേരിലുള്ളത്. അഭിഷേക്, റെഡ് ബോൾ ക്രിക്കറ്റിലേക്ക് തിരികെ വരികയും ഇന്ത്യൻ ടെസ്റ്റ് ടീമിൽ ഇടം നേടാൻ ശ്രമിക്കുകയും വേണമെന്ന് റെയ്ന പറയുന്നു.
അഭിഷേക് ടെസ്റ്റ് കളിക്കണം
“അഭിഷേക് ശർമ്മ ടെസ്റ്റ് ക്രിക്കറ്റ് കളിക്കണമെന്നാണ് എനിക്ക് തോന്നുന്നത്. വൈഭവ് വളരെ ചെറുപ്പമാണ്. കളിക്കാൻ അവൻ ആഗ്രഹിക്കുന്നുണ്ടോ? അവന്റെ കോച്ചുകൾ എന്താണ് ചിന്തിക്കുന്നത്? ഇതൊക്കെ ചോദ്യങ്ങളാണ്. അവൻ കളിക്കണമെന്നാണ് എനിക്ക് തോന്നുന്നത്. ഐപിഎൽ ഉടമകളും ക്രിക്കറ്റ് അസോസിയേഷനുകളും ഇക്കാര്യം ചിന്തിക്കുകയും കളിക്കാരുടെ മനസ്സിൽ ടെസ്റ്റ് ക്രിക്കറ്റിന് പ്രാധാന്യം നൽകുകയും ചെയ്യുന്നുണ്ടോ? ഇതിൽ കോച്ചുകൾക്കും വലിയ പങ്കുണ്ട്,” ആകാശ് ചോപ്രയുടെ യൂട്യൂബ് ചാനലിൽ സംസാരിക്കവെ റെയ്ന പറഞ്ഞു.
ടി20യില് സമീപനാളുകളില് വളരെ മോശം പ്രകടനമാണ് അഭിഷേക് ശര്മ പുറത്തെടുക്കുന്നത്. ഇംഗ്ലണ്ട്, സിംബാബ്വെ പര്യടനങ്ങളില് നിരാശപ്പെടുത്തി. അഫ്ഗാനിസ്ഥാനെതിരായ ടി20 പരമ്പരയ്ക്കും, ഏഷ്യന് ഗെയിംസിനുമുള്ള ഇന്ത്യന് സ്ക്വാഡില് അഭിഷേക് ഉള്പ്പെട്ടിട്ടുണ്ട്.
റെഡ് ബോള് ക്രിക്കറ്റ് കളിക്കുന്നത് അഭിഷേകിന് ഗുണം ചെയ്യുമെന്നാണ് വിലയിരുത്തല്. ഫസ്റ്റ് ക്ലാസ് ക്രിക്കറ്റ് കളിക്കുന്നത് ക്രീസിൽ കൂടുതൽ സമയം ചിലവഴിക്കാൻ അദ്ദേഹത്തെ സഹായിക്കും. കൂടുതല് ക്ഷമയോടെ ബാറ്റു ചെയ്യാന് അഭിഷേകിനെ ഇത് സഹായിക്കും. അലക്ഷ്യമായി ബാറ്റു ചെയ്യുന്നതാണ് അഭിഷേകിന് പലപ്പോഴും തിരിച്ചടിയാകുന്നത്. മോശം ഷോട്ടുകളാണ് അഭിഷേകിന്റെ വെല്ലുവിളി.
ഷോട്ട് സെലക്ഷൻ മെച്ചപ്പെടുന്നതോടെ ഭാവിയിൽ കൂടുതൽ മികച്ചൊരു ട്വന്റി20 ബാറ്ററായി മാറാൻ അദ്ദേഹത്തിന് സാധിക്കും. അഭിഷേക് റെഡ് ബോൾ ക്രിക്കറ്റിന് മുൻഗണന നൽകാൻ തുടങ്ങിയാൽ അത് ഉപകാരപ്പെടുമെന്നാണ് പ്രതീക്ഷ.
English Summary
Former cricketer Suresh Raina advised young opener Abhishek Sharma to focus on playing Test cricket. Raina believes red-ball cricket will help Abhishek build patience and improve his overall shot selection. Abhishek has recently struggled against quality bowling during India’s tour of England and Ireland.
