ISL 2026 : ഐഎസ്എൽ എവിടെ കാണുമെന്ന് കൺഫ്യൂഷനാണോ? ഇതാ ഇവിടെ കാണാലോ!
ISL 2026 Live Streaming Details : ഫെബ്രുവരി 14-ാം തീയതി മുതലാണ് ഐഎസ്എല്ലിൻ്റെ പുതിയ സീസണിന് തുടക്കം കുറിക്കുക. ആദ്യ മത്സരത്തിൽ മോഹൻ ബഗാൻ കേരള ബ്ലാസ്റ്റേഴ്സുമായി ഏറ്റുമുട്ടും.
പ്രതിസന്ധികൾ എല്ലാം ഒഴിഞ്ഞ് അവസാനം ഇന്ത്യൻ സൂപ്പർ ലീഗിൻ്റെ പുതിയ സീസണിന് ഇന്ന് ഫെബ്രുവരി 14ന് തുടക്കം കുറിക്കുകയാണ്. ഒരു ഘട്ടത്തിൽ ഐഎസ്എൽ എന്ന ടൂർണമെൻ്റ് ഇനിയുണ്ടാകുമോ എന്ന ആശങ്ക ഉടലെടുത്തപ്പോഴാണ് വൈകിയാണെങ്കിലും ലീഗ് നടക്കുമെന്നുള്ള സന്ദേശം ആരാധകർക്ക് ലഭിക്കുന്നത്. ഐഎസ്എല്ലിലെ ഫ്രാഞ്ചൈസികൾ നേരിട്ടിറങ്ങിയാണ് ലീഗ് നടത്താനുള്ള എല്ലാ നടപടികളും കൈക്കൊണ്ടത്.
ലീഗിലേക്ക് പുതുതായി മുഹമ്മദൻസ് സ്പോർട്ടിങ് ക്ലബും ഇൻ്റർ കാശിയും എത്തിയതോടെ ആകെ ഫ്രാഞ്ചൈസികളുടെ എണ്ണം 14 ആയി. ഹൈദരാബാദ് എഫ്സി ഇനി സ്പോർട്ടിങ് ഡൽഹി എന്ന പേരിലാകും ഐഎസ്എല്ലിൽ പങ്കെടുക്കുക. കൂടാതെ പ്ലേ ഓഫ് മത്സരങ്ങൾ എല്ലാം ഒഴിവാക്കി, ചില മാറ്റങ്ങൾ വരുത്തിയാണ് ഇത്തവണ ഐഎസ്എൽ സംഘടിപ്പിക്കുന്നത്. ലീഗ് ഘടനയിൽ മാറ്റം വന്നതിനോടൊപ്പം ഐഎസ്എല്ലിൻ്റെ സംഘാടനത്തിലും ആകെ മാറ്റം വന്നിട്ടുണ്ട്. നേരത്തെ ജിയോ ഹോട്ട്സ്റ്റാറിൽ കാണാൻ സാധിച്ചിരുന്ന ഐഎസ്എൽ മത്സരം ഇത്തവണ അത് സാധിക്കില്ല. ടെലിവിഷനിലും മത്സരം സ്റ്റാർ സ്പോർട്സിൽ കാണാൻ സാധിക്കില്ല.
ഇത്തവണ ഐഎസ്എൽ മത്സരങ്ങൾ എവിടെ കാണാം?
ഇത്തവണ ഐഎസ്എല്ലിൻ്റെ സംപ്രേഷണവാകശം സ്വന്തമാക്കിയിരിക്കുന്നത് ഫാൻകോഡാണ്. ഫാൻകോഡ് ആപ്ലിക്കേഷനിലൂടെ ഐഎസ്എൽ മത്സരങ്ങൾ ലൈവായി ഓൺലൈനായി കാണാം. ഫാൻകോഡുമായി ധാരണയിലായി സോണി പിക്ചേഴ്സ് നെറ്റ്വർക്കാണ് മത്സരങ്ങൾ ടെലിവിഷനിലൂടെ സംപ്രേഷണം ചെയ്യുന്നത്. അതേസമയം ഇന്ത്യക്ക് പുറത്തുള്ളവർക്ക് യുട്യൂബിലൂടെ ഐഎസ്എൽ മത്സരങ്ങൾ കാണാൻ സാധിക്കുന്നതാണ്.
ഐഎസ്എൽ 2026 സീസണിൻ്റെ ആദ്യ മത്സരത്തിൽ നിലവിലെ ചാമ്പ്യന്മാരായ മോഹൻ ബഗാൻ സൂപ്പർ ജെയ്ൻ്റ്സ് കേരള ബ്ലാസ്റ്റേഴ്സിനെ നേരിടും. വൈകിട്ട് അഞ്ച് മണിക്ക് കൊൽക്കത്തയിലെ സോൾട്ട് ലേക്ക് സ്റ്റേഡിയത്തിൽ വെച്ചാണ് മത്സരം.
