Colombia Plane Crash: കൊളംബിയയില് 125 പേരുമായി പറന്ന സൈനിക വിമാനം തകര്ന്നുവീണു; നിരവധി മരണം
Colombia Military Plane C 130 Hercules Crash: കൊളംബിയയില് സൈനിക വിമാനം തകര്ന്ന് നിരവധി മരണം. 125 പേരുമായി പറന്നുയര്ന്ന വ്യോമസേനയുടെ വിമാനമാണ് തകര്ന്നുവീണത്. കുറഞ്ഞത് 34 പേരെങ്കിലും മരിച്ചതായി കൊളംബിയയിലെ പുതുമയോ വകുപ്പ് ഗവർണർ ജോൺ ഗബ്രിയേൽ മോളിന. കുറഞ്ഞത് 83 പേർക്ക് പരിക്കേറ്റതായും ജോൺ ഗബ്രിയേൽ മോളിന.
ബൊഗോട്ട: കൊളംബിയയില് സൈനിക വിമാനം തകര്ന്നുവീണ് നിരവധി മരണം. 125 പേരുമായി പറന്നുയര്ന്ന കൊളംബിയന് വ്യോമസേനയുടെ വിമാനമാണ് തകര്ന്നുവീണത്. കുറഞ്ഞത് 34 പേരെങ്കിലും മരിച്ചതായി കൊളംബിയയിലെ പുതുമയോ വകുപ്പ് ഗവർണർ ജോൺ ഗബ്രിയേൽ മോളിന പറഞ്ഞു. കുറഞ്ഞത് 83 പേർക്ക് പരിക്കേറ്റതായി ജോൺ ഗബ്രിയേൽ മോളിന വ്യക്തമാക്കി. അപകടകാരണത്തെക്കുറിച്ച് അന്വേഷിക്കുകയാണെന്നും അദ്ദേഹം അറിയിച്ചു.
സി-130 ഹെർക്കുലീസ് വിമാനമാണ് തകര്ന്നുവീണത്. പ്യൂർട്ടോ ലെഗുയിസാമോയിൽ നിന്ന് പുറപ്പെട്ടതിന് തൊട്ടുപിന്നാലെയാണ് വിമാനം തകർന്നുവീണത്. 80 പേര് വരെ മരിച്ചിട്ടുണ്ടാകാമെന്ന് ആദ്യം സൈനിക വൃത്തങ്ങള് ചൂണ്ടിക്കാട്ടിയത്.
അപകടത്തിന് മുമ്പ് വിമാനം പറക്കുന്നതിന്റെ ദൃശ്യങ്ങള് പ്രസിഡന്റ് ഗുസ്താവോ പെട്രോ പങ്കുവെച്ചിട്ടുണ്ട്. ഭയാനകമായ അപകടമാണ് നടന്നതെന്ന് ഗുസ്താവോ പെട്രോ പ്രതികരിച്ചു. വേദനാജനകമായ സംഭവം എന്നായിരുന്നു പ്രതിരോധ മന്ത്രി പെഡ്രോ സാഞ്ചസിന്റെ പ്രതികരണം.
Hasta el momento hubo 77 heridos en el hospital, un muerto, 43 personas por establecer su estado.
Aún no se conoce las causas del accidente del avión Hércules.
Fuerza a las familias de los soldados jóvenes de la Patria. pic.twitter.com/Eanr2NrfkK
— Gustavo Petro (@petrogustavo) March 23, 2026
114 സൈനികരും 11 ക്രൂ അംഗങ്ങളും വിമാനത്തിലുണ്ടായിരുന്നെന്ന് ജനറൽ കാർലോസ് ഫെർണാണ്ടോ സിൽവ റൂഡ സ്ഥിരീകരിച്ചു.
സൈനിക നടപടി
സമീപ ആഴ്ചകളില് ശക്തമായ സൈനിക നടപടികള് നടന്ന സ്ഥലത്താണ് അപകടമുണ്ടായതെന്നാണ് ശ്രദ്ധേയം. മയക്കുമരുന്ന് കടത്ത് സംഘങ്ങളെയടക്കം ലക്ഷ്യമിട്ട് ഇവിടെ സൈനിക നടപടികള് ഇവിടെ പുരോഗമിച്ചിരുന്നു.
