Israel-Iran Conflicts: ഇറാൻ ഇന്റലിജൻസ് മന്ത്രി ഇസ്മയിൽ ഖാതിബ് കൊല്ലപ്പെട്ടെന്ന് ഇസ്രയേൽ

ടെൽഅവീവ്: ഇറാന്റെ ഇന്റലിജൻസ് മന്ത്രി ഇസ്മായിൽ ഖത്തീബിനെ രാത്രിയിലുണ്ടായ വ്യോമാക്രമണത്തിൽ വധിച്ചതായി ഇസ്രായേൽ പ്രതിരോധ മന്ത്രി ഇസ്രായേൽ പ്രഖ്യാപിച്ചു. എന്നാൽ ഇറാൻ ഈ വാർത്ത ഔദ്യോഗികമായി സ്ഥിരീകരിച്ചിട്ടില്ല.

അടുത്ത 24 മണിക്കൂറിനുള്ളിൽ എല്ലാ മേഖലകളിലും ഇസ്രായേലിന്റെ ഭാഗത്തുനിന്ന് അപ്രതീക്ഷിത നീക്കങ്ങൾ ഉണ്ടാകുമെന്നും മന്ത്രി മുന്നറിയിപ്പ് നൽകി. ഇറാനിലെ ഉന്നത ഉദ്യോഗസ്ഥരെ വധിക്കാൻ ഇസ്രായേൽ സൈന്യത്തിന് പ്രധാനമന്ത്രി ബെഞ്ചമിൻ നെതന്യാഹു പൂർണ്ണ സ്വാതന്ത്ര്യം നൽകിയിരിക്കുകയാണെന്നും അദ്ദേഹം കൂട്ടിച്ചേർത്തു.

Also Read: North Korea: ട്രംപിന്റെ ഒരഭ്യാസവും ഇവിടെ വേണ്ട; ബാലിസ്റ്റിക് മിസൈല്‍ വര്‍ഷിച്ച് നോര്‍ത്ത് കൊറിയ

കഴിഞ്ഞ 48 മണിക്കൂറിനുള്ളിൽ ഇസ്രായേൽ നടത്തുന്ന മൂന്നാമത്തെ കൊലപാതകമാണ് ഇത്. ഇതിനു മുമ്പ് ഇറാന്റെ സുരക്ഷാ മേധാവി അലി ലാരിജാനി, റെവല്യൂഷണറി ഗാർഡ്‌സിന്റെ വോളന്റിയർ വിഭാഗമായ ബാസിജ് ഫോഴ്‌സ് തലവൻ ഗുലാംറേസ സൊലൈമാനി എന്നിവരെ ഇസ്രായേൽ വധിച്ചിരുന്നു.

ആരാണ് ഇസ്മായിൽ ഖത്തീബ്?

ഇറാനിലെ പ്രമുഖ ഷിയാ പണ്ഡിതനും ജുഡീഷ്യറിയിലും ഇന്റലിജൻസ് മന്ത്രാലയത്തിലും ദീർഘകാലം സേവനമനുഷ്ഠിച്ച വ്യക്തിയുമാണ് ഖത്തീബ്. സൈബർ ചാരവൃത്തിക്കും അമേരിക്കയ്ക്കെതിരായ നീക്കങ്ങൾക്കും നേതൃത്വം നൽകിയതിന്റെ പേരിൽ 2022-ൽ യുഎസ് ഇദ്ദേഹത്തിന് ഉപരോധം ഏർപ്പെടുത്തിയിരുന്നു. അൽബേനിയൻ ഗവൺമെന്റ് വെബ്‌സൈറ്റുകൾ ഹാക്ക് ചെയ്തതിലും രേഖകൾ ചോർത്തിയതിലും ഖത്തീബിന് വലിയ പങ്കുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.

പ്രഖ്യാപനത്തെ തുടർന്ന് ഇസ്രായേലിന്റെ നീക്കങ്ങൾക്കെതിരെ കടുത്ത പ്രതിഷേധവുമായി തുർക്കി രംഗത്തെത്തിയിട്ടുണ്ട്. ഇസ്രായേൽ നടത്തുന്നത് രാജ്യാന്തര നിയമങ്ങളുടെ ലംഘനമാണെന്നും ഇത്തരം രാഷ്ട്രീയ കൊലപാതകങ്ങൾ യുദ്ധ നിയമങ്ങൾക്ക് നിരക്കാത്തതാണെന്നും തുർക്കി വിദേശകാര്യ മന്ത്രി ഹാക്കാൻ ഫിദാൻ പ്രതികരിച്ചു.

🔴ELIMINATED: Esmaeil Khatib, the Iranian terrorist regime Minister of Intelligence, in a targeted strike in Tehran.

Khatib played a significant role during the recent protests throughout Iran, including the arrest & killing of protestors and led terrorist activities against… pic.twitter.com/654lpYCZ1c

— Israel Defense Forces (@IDF) March 18, 2026