UAE weather update: ചൂടിന് ആശ്വാസമായി മഴയെത്തും, കുടയെടുക്കാൻ മറക്കേണ്ട; യു.എ.ഇയിൽ ചൊവ്വാഴ്ച മുതൽ തുടർച്ചയായി 3 ദിവസം മഴ
Relief from the Heat! UAE to Experience 3 Days of Rain Starting Tuesday: കഴിഞ്ഞ കുറച്ചു ദിവസങ്ങളായി യു.എ.ഇയിൽ കടുത്ത ചൂടാണ് അനുഭവപ്പെടുന്നത്. പകൽ സമയങ്ങളിൽ പലയിടങ്ങളിലും ഉയർന്ന താപനില രേഖപ്പെടുത്തിയിരുന്നു. എന്നാൽ വരും ദിവസങ്ങളിൽ ഇതിന് മാറ്റമുണ്ടാകും. തിങ്കളാഴ്ച കാലാവസ്ഥ പൊതുവെ തെളിഞ്ഞതായിരിക്കുമെങ്കിലും കിഴക്കൻ പ്രദേശങ്ങളിൽ മഴ മേഘങ്ങൾ രൂപപ്പെടാൻ സാധ്യതയുണ്ട്. ചൊവ്വാഴ്ചയോടെ ആകാശം ഭാഗികമായി മേഘാവൃതമാകും
ദുബായ്: ചുട്ടുപൊള്ളുന്ന വേനൽച്ചൂടിൽ വലയുന്ന യു.എ.ഇയിലെ പ്രവാസികൾക്കും സ്വദേശികൾക്കും ആശ്വാസവാർത്ത. രാജ്യത്ത് വരും ദിവസങ്ങളിൽ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ചൊവ്വാഴ്ച മുതൽ തുടർച്ചയായി മൂന്ന് ദിവസങ്ങളിൽ വിവിധ പ്രദേശങ്ങളിൽ മഴ ലഭിക്കുമെന്നാണ് ഏറ്റവും പുതിയ കാലാവസ്ഥാ മുന്നറിയിപ്പിൽ വ്യക്തമാക്കുന്നത്. മഴ എത്തുന്നതോടെ വ്യാഴാഴ്ചയോടെ താപനിലയിൽ ഗണ്യമായ കുറവുണ്ടാകുമെന്നും അധികൃതർ അറിയിച്ചു.
കഴിഞ്ഞ കുറച്ചു ദിവസങ്ങളായി യു.എ.ഇയിൽ കടുത്ത ചൂടാണ് അനുഭവപ്പെടുന്നത്. പകൽ സമയങ്ങളിൽ പലയിടങ്ങളിലും ഉയർന്ന താപനില രേഖപ്പെടുത്തിയിരുന്നു. എന്നാൽ വരും ദിവസങ്ങളിൽ ഇതിന് മാറ്റമുണ്ടാകും. തിങ്കളാഴ്ച കാലാവസ്ഥ പൊതുവെ തെളിഞ്ഞതായിരിക്കുമെങ്കിലും കിഴക്കൻ പ്രദേശങ്ങളിൽ മഴ മേഘങ്ങൾ രൂപപ്പെടാൻ സാധ്യതയുണ്ട്. ചൊവ്വാഴ്ചയോടെ ആകാശം ഭാഗികമായി മേഘാവൃതമാകും. ചൊവ്വാഴ്ച പകലോടെ അന്തരീക്ഷത്തിലെ ഈർപ്പം വർദ്ധിക്കുമെന്നാണ് പ്രതീക്ഷിക്കുന്നത്. പടിഞ്ഞാറൻ തീരത്ത് അന്തരീക്ഷത്തിലെ ഈർപ്പം വർദ്ധിക്കുന്നതോടെ ചില തീരപ്രദേശങ്ങളിൽ മൂടൽമഞ്ഞും ഉണ്ടായേക്കാം.
ചൊവ്വാഴ്ച ഉച്ചയ്ക്ക് ശേഷമായിരിക്കും മഴ ലഭിച്ചുതുടങ്ങുക എന്നാണ് കാലാവസ്ഥാ മുന്നറിയിപ്പ്. കിഴക്കൻ പ്രദേശങ്ങളിലാണ് മഴയ്ക്ക് കൂടുതൽ സാധ്യതയുള്ളത്. ബുധനാഴ്ചയും സമാനമായ രീതിയിൽ ഈ മഴ തുടരും. ഈ ദിവസങ്ങളിൽ മഴ ലഭിക്കുന്നതോടെ വ്യാഴാഴ്ചയോടെ രാജ്യത്തെ താപനിലയിൽ പ്രകടമായ കുറവ് അനുഭവപ്പെടാൻ തുടങ്ങും.
Also Read: Alert for UAE Indian Expats: യു.എ.ഇയിൽ ഇന്ത്യൻ പാസ്പോർട്ട്, വിസ സേവനങ്ങൾ അഞ്ച് ദിവസത്തേക്ക് മുടങ്ങും; ഇക്കാര്യങ്ങൾ പ്രത്യേകം ശ്രദ്ധിക്കുക
അതേസമയം, അറേബ്യൻ ഗൾഫിൽ കടൽ പൊതുവെ ശാന്തമായിരിക്കുമെങ്കിലും പടിഞ്ഞാറൻ ഭാഗങ്ങളിൽ ചില സമയങ്ങളിൽ കടൽ പ്രക്ഷുബ്ധമാകാൻ സാധ്യതയുണ്ട്. ഈ ദിവസങ്ങളിൽ മണിക്കൂറിൽ 10 മുതൽ 25 കിലോമീറ്റർ വരെ വേഗതയിൽ കാറ്റ് വീശുമെന്നാണ് പ്രതീക്ഷിക്കുന്നത്. ചില പ്രദേശങ്ങളിൽ കാറ്റിൻ്റെ വേഗത മണിക്കൂറിൽ 40 കിലോമീറ്റർ വരെ എത്തിയേക്കുമെന്നും മുന്നറിയിപ്പുണ്ട്. ചില പ്രദേശങ്ങളിൽ പൊടിക്കാറ്റിനും സാധ്യതയുണ്ടെന്നും അതിനാൽ പൊതുജനങ്ങൾ ജാഗ്രത പാലിക്കണമെന്നും അധികൃതർ നിർദ്ദേശം നൽകുന്നു.
English Summary
Bringing massive relief from the scorching heat, the UAE will witness three days of rainfall starting this Tuesday. The National Centre of Meteorology (NCM) predicts light to moderate rain across the eastern, northern, and coastal regions. Following the showers, temperatures will drop significantly by Thursday, bringing cooler weather conditions. Authorities have urged motorists to drive cautiously, beware of blowing dust, and strictly avoid valleys or flood-prone areas.
