Kerala CM Race Live : വിഡിയോ, കെസിയോ അതോ ആർസിയോ? കേരളം കാത്തിരിക്കുന്ന പ്രഖ്യാപനം നാളെ

കോൺഗ്രസിൻ്റെ നിയമസഭ കക്ഷിയോഗം നാളെ കെപിസിസി ആസ്ഥാനത്ത് നടക്കും. നാളെ ഉച്ചയ്ക്ക് ഒരു മണിക്കാണ് യോഗം ചേരുക. എല്ലാ എംഎൽഎമാരും കെപിസിസി നിർദേശം നൽകി

മുഖ്യമന്ത്രി ആരാണെന്ന് തീരുമാനിക്കാനുള്ള കോൺഗ്രസ് ദേശീയ അധ്യക്ഷൻ മല്ലികാർജ്ജുൻ ഖാർഗെയും രാഹുൽ ഗാന്ധിയും തമ്മിലുള്ള ചർച്ച അവസാനിച്ചെങ്കിലും തീരുമാനം മാത്രം ഉണ്ടായില്ല. ഏകദേശം ഒന്നര മണിക്കൂർ നേരം കൂടിക്കാഴ്ച നീണ്ട് നിന്നെങ്കിലും മുഖ്യമന്ത്രി ആരെന്നുള്ള തീരുമാനം മാത്രം ഉണ്ടായില്ല.

കേരളത്തിൻ്റെ അടുത്ത മുഖ്യമന്ത്രി ആര് എന്ന അറിയാൻ ഇനി ഒരു രാത്രിയും കൂടി കാത്തിരിക്കണം. മുഖ്യമന്ത്രി പ്രഖ്യാപനം നാളെ എന്ന് അറിയിച്ച് എഐഎസിസി ജനറൽ സെക്രട്ടറി ജയറാം രമേശ് ഡൽഹിയിൽ മാധ്യമങ്ങളോട് അറിയിച്ചു.