Jailer Movie: ഉറപ്പായും ജയിലർ 3 വരും! രണ്ടാം ഭാഗത്തിൽ വലിയൊരു സൂചന നെൽസൺ നൽകിയിട്ടുണ്ട്
Jailer Movie Part 3 : മികച്ച പ്രേക്ഷക പ്രതികരണവുമായി ജയിലർ 2 തീയറ്ററുകളിൽ പ്രദർശനം ആരംഭിച്ചിരിക്കുകയാണ്. രജനികാന്തിനെ നായകനാക്കി നെൽസൺ ദിലീപ് കുമാർ സംവിധാനം ചെയ്ത സിനിമയ്ക്ക് മികച്ച ഓപ്പണിങ് കളക്ഷനാണ് ലഭിക്കുന്നത്. ഇമോഷനും ഡ്രാമയ്ക്കും മാസിനും ആക്ഷനും കോമഡിക്കും അതിന്റേതായ പ്രാധാന്യം നൽകി ഒരുക്കിയിരിക്കുന്ന മികച്ച തിയറ്റർ വിരുന്നാണ് ജയിലർ 2 എന്നാണ് പ്രേക്ഷക പ്രതികരണങ്ങൾ വ്യക്തമാക്കുന്നത്.
ജയിലറിന്റെ രണ്ടാം ഭാഗം തിയേറ്ററിൽ തരംഗം തീർക്കുമ്പോൾ ഉയർന്നുവരുന്ന പ്രധാന ചോദ്യം ഇതാണ് ഈ വിജയകരമായ സ്വീക്കലിന് അടുത്തൊരു ഭാഗം കൂടി ഉണ്ടാകുമോ എന്ന്. എന്നാൽ സിനിമയുടെ സംവിധായകനും അണിയറ പ്രവർത്തകരും നിർമ്മാതാക്കളോ ഒന്നും അടുത്ത ഭാഗം ഔദ്യോഗികമായി ഇതുവരെ പ്രഖ്യാപിച്ചിട്ടില്ല. ( Image Credit Source - Social Media, Screen Grab )
എന്നാൽ ജയിലർ രണ്ടാം ഭാഗത്തിൽ തന്നെ അടുത്ത ഭാഗത്തിലേക്കുള്ള ചില വ്യക്തമായ സൂചനകൾ സംവിധായകൻ നെൽസൺ ഒരുക്കി വെച്ചിട്ടുണ്ട്. ജയിലറിന് മൂന്നാം ഭാഗം ഉണ്ട് എന്ന് പറയാതെ പറയുന്ന വലിയ സൂചനകൾ സിനിമയുടെ ക്ലൈമാക്സിൽ കാണാം.
വിജയ് സേതുപതിയുടെ സർപ്രൈസ് എൻട്രിയോടെയാണ് സിനിമ അവസാനിക്കുന്നത്. പക്ഷേ അത് അടുത്ത പാർട്ടിലേക്കുള്ള ഒരു തുടക്കമായിട്ടാണ് നമുക്ക് മനസ്സിലാവുക. കഥയുടെ ഒരു ചാപ്റ്റർ അവസാനിച്ച് മറ്റൊന്ന് തുടങ്ങുന്ന വിധമാണ് എൻഡിങ് കൊടുത്തിരിക്കുന്നത്.
ഒരുപക്ഷേ അടുത്ത ദിവസങ്ങളിൽ തന്നെ പുതിയ ഭാഗം ഉണ്ട് എന്ന സ്ഥിരീകരണം ബന്ധപ്പെട്ടവരുടെ ഭാഗത്ത് നിന്ന് വന്നേക്കാം. പ്രേക്ഷകരെ സംബന്ധിച്ചിടത്തോളം അടുത്തത് എന്താകും എന്നുള്ള ആകാംക്ഷ നിലനിർത്തി കൊണ്ടാണ് ജയിലർ പാർട്ട്‌ 2 തീരുന്നത്.
എന്തായാലും ഇന്ത്യൻ സിനിമ ചരിത്രത്തിലെ മറ്റൊരു നാഴിക കല്ലായി ജയിലർ രണ്ടാം ഭാഗം മാറാനുള്ള എല്ലാ സാധ്യതയും പ്രവചിക്കപ്പെടുന്നുണ്ട്. അഡ്വാൻസ് ബുക്കിംഗ് കൊണ്ട് തന്നെ ബോക്സ് ഓഫീസിൽ നിന്ന് കോടികളാണ് ഈ സിനിമ റിലീസിന് മുൻപ് തന്നെ സ്വന്തമാക്കിയത്.
