Kerala Monsoon Rains Live : കാലവർഷം പേമാരിയാകുന്നു; വടക്കൻ ജില്ലകളിൽ റെഡ് അലർട്ട്

സംസ്ഥാനത്തെ മഴ മുന്നറിയിപ്പുകളിൽ കേന്ദ്ര കാലാവസ്ഥ വകുപ്പ് മാറ്റം വരുത്തി. മുൻപ് പുറപ്പെടുവിച്ച മുന്നറിയിപ്പ് പ്രകാരം നാളെ വിവിധ ജില്ലകളിൽ അതിതീവ്രമഴ പ്രവചിച്ചിരുന്നെങ്കിലും, പുതുക്കിയ കണക്കനുസരിച്ച് നാളെ ഒരു ജില്ലയിലും റെഡ് അലർട്ട് ഉണ്ടായിരിക്കില്ല. Read More

ഇന്നും നാളെയും റെഡ് അലർട്ട് നിലനിൽക്കുന്നതിനാൽ കോഴിക്കോട് ജില്ലയിലെ ഡിടിപിസിയുടെ കീഴിലുള്ള ടൂറിസം കേന്ദ്രങ്ങളിലേക്ക് സഞ്ചാരികൾക്ക് വിലേക്കേർപ്പെടുത്തിയതായി ജില്ല കളക്ടർ അറിയിച്ചു. വെള്ളച്ചാട്ടങ്ങളും ബീച്ചുകൾ ടൂറിസം കേന്ദ്രങ്ങളിൽ ഇന്നും നാളെയും വിനോദസഞ്ചാരികൾക്ക് പ്രവേശനമില്ല

കനത്ത മഴയെ തുടർന്ന് സംസ്ഥാനത്ത് നാല് ജില്ലകളിൽ ഇന്ന് അവധി പ്രഖ്യാപിച്ചു. റെഡ് അലർട്ട് പ്രഖ്യാപിച്ച കണ്ണൂർ, വയനാട്, കാസർഗോഡ്, കോഴിക്കോട് ജില്ലകളിലാണ് അവധി പ്രഖ്യാപിച്ചത്. Read More

കോഴിക്കോട് ജില്ലയിലെ വിലങ്ങാട് മേഖലയിൽ അതീവ ജാഗ്രത നിർദ്ദേശം പുറപ്പെടുവിച്ച് അധികൃതർ. വടകര താലൂക്കിൽ ഉൾപ്പെട്ട വിലങ്ങാട്, വാളൂക്ക്, മലയങ്ങാട്, ഉരുട്ടി, പന്നിയേരി തുടങ്ങിയ പ്രദേശങ്ങളിൽ ശക്തമായ മഴയെത്തുടർന്ന് ഉരുൾപൊട്ടലിനും മണ്ണിടിച്ചിലിനും സാധ്യതയുള്ളതായി റിപ്പോർട്ട് വന്നതിന് പിന്നാലെയാണ് ജാ​ഗ്രത നിർദ്ദേശം പുറപ്പെടുവിച്ചത്. Read More

കാലവർഷം കനത്തതോടെ അഞ്ച് വടക്കൻ ജില്ലകളിൽ കേന്ദ്ര കാലാവസ്ഥ വകുപ്പ് റെഡ് അലർട്ട് പ്രഖ്യാപിച്ചു. മലപ്പുറം, വയനാട്, കോഴിക്കോട്, കണ്ണൂർ, കാസർകോഡ് ജില്ലകളിലാണ് റെഡ് അലർട്ട് പ്രഖ്യാപിച്ചിരിക്കുന്നത്.

സംസ്ഥാനത്ത് ഇന്നും നാളെയും ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിൻ്റെ മുന്നറിയിപ്പ്. ഇതേ തുടർന്ന് വിവിധ ജില്ലകളിൽ റെഡ്, ഓറഞ്ച്, യെല്ലോ അലർട്ടുകൾ പ്രഖ്യാപിച്ചിട്ടുണ്ട്. Read More