ബിഗ് ബോസ് മലയാളം എട്ടാം സീസണിലെ മത്സരങ്ങൾ 50 ദിവസവും പിന്നിട്ട് മുന്നേറുകയാണ്. ഹൗസിൽ ഓരോ ദിവസവും പുതിയ സംഭവവികാസങ്ങളാണ് ഉണ്ടായിക്കൊണ്ടിരിക്കുന്നത്. ഏറ്റവും ഒടുവിലായി ഇപ്പോൾ താഷിയും നേഹയും തമ്മിൽ അകന്നിരിക്കുകയാണ്. ചൊവ്വാഴ്ചയിലെ എപ്പിസോഡിന്റെ അവസാനഭാഗത്താണ് ഇരുവരും തമ്മിലുള്ള അകൽച്ച വ്യക്തമാക്കുന്ന രംഗങ്ങൾ കാണിച്ചിരിക്കുന്നത്. വളരെ അഗ്രസീവായ പെരുമാറ്റമുള്ള താഷിയും എന്നാൽ ഏറെ ക്യൂട്ട് ആയ മലപ്പുറം സംഭാഷണ ശൈലിയുള്ള നേഹയും തമ്മിൽ അപ്രതീക്ഷിതമായിട്ടാണ് ഹൗസിൽ അടുത്ത സുഹൃത്തുക്കൾ ആവുന്നത്.

എന്നാൽ തങ്ങൾ തമ്മിൽ പ്രണയം ഒന്നുമില്ല എന്നാണ് കഴിഞ്ഞദിവസം മോഹൻലാലിനോട് ഇരുവരും വ്യക്തമാക്കിയത്. കഴിഞ്ഞ വീക്കെൻഡ് എപ്പിസോഡിൽ മോഹൻലാലിന്റെ പ്രണയം എന്തെങ്കിലുമുണ്ടോ എന്ന ചോദ്യത്തിന് ആയിരുന്നു ഇവരുടെ മറുപടി. പക്ഷേ താഷി തന്നോട് ഫ്ലർട്ട് ചെയ്യുന്നു, ലവ് ട്രാക്ക് പിടിക്കാൻ ശ്രമിക്കുന്നു എന്ന് വേദാഗി നേഹ യോട് തുറന്നു പറഞ്ഞിരുന്നു. മൃദുലയാണ് താഷിയുടെ നേഹയോടുള്ള സമീപനത്തിൽ സംശയം ഉന്നയിച്ചതും വേദാംഗിക്ക് ഉണ്ടായ അനുഭവം നേഹയെ അറിയിക്കാൻ മുൻകൈയെടുത്തതും

Also Read: സ്റ്റിൽ ഐ ലവ് യു, വീക്കെൻഡ് എപിസോഡിൽ നിലീനയോട് ലാലേട്ടനെ സാക്ഷിയാക്കി നോബി

മൃദുലയ്ക്കൊപ്പം വേദാംഗിയോടുള്ള സംസാരത്തിനൊടുവിൽ നേഹ പൊട്ടിക്കരഞ്ഞുകൊണ്ട് തനിക്ക് എല്ലായിപ്പോഴും ഈ അനുഭവമാണ് ഉണ്ടാകുന്നത് എന്ന് പറയുന്നുണ്ട്. എപ്പിസോഡിൽ ഇല്ലെങ്കിലും പ്രൊമോയിൽ നേഹയെ സമാധാനിപ്പിക്കാൻ താഷി എത്തുമ്പോൾ അതിന് നിന്നു കൊടുക്കാതെ ബെഡ്റൂമിലേക്ക് എത്തി കയ്യിൽ കിട്ടിയ തന്റെ സാധനങ്ങൾ എല്ലാം സ്നേഹ എറിഞ്ഞ് നശിപ്പിക്കുന്നതും കാണാം.

നിനക്ക് എന്നെ വിശ്വസിക്കാൻ കഴിയുമോ എന്ന് താഷി ചോദിക്കുമ്പോൾ ഇല്ല എന്ന ഉറച്ച മറുപടിയാണ് നേഹ നൽകുന്നത്. ഇരുവരും തമ്മിലുള്ള സംഭാഷണം ഇങ്ങനെ -'നീ എന്തുവേണമെങ്കിലും ചിന്തിച്ചോ, ഒരു സീനും ഇല്ല, നിനക്കെന്നെ വിശ്വസിക്കാൻ പറ്റുമോ' - താഷി ചോദിക്കുന്നു, 'ഇതിനു മറുപടിയായി - ഇല്ല , കഴിഞ്ഞു, നീ എന്നെ കൊന്നു ഞാൻ ചത്തു എനിക്ക് മതിയായി' - എന്ന് നേഹ പറയുന്നു, താക്സ് ഫോർ എവെരിതിങ് എന്ന് പറഞ്ഞു താഷി എഴുന്നേറ്റ് പോകുന്നു. തുടർന്നാണ് നേഹ തന്റെ മേക്കപ്പ് വസ്തുക്കൾ ഉൾപ്പെടെ വലിച്ചെറിഞ്ഞ് നശിപ്പിക്കാൻ ശ്രമിക്കുന്നത്. ഇത് പ്രേക്ഷകർക്കും ഹൌസിലെ മറ്റ് മത്സരാർത്ഥികളിലും വിലയ ഞെട്ടലാണ് ഉണ്ടാക്കിയിരിക്കുന്നത്.

English Summary

The eighth season of Bigg Boss Malayalam has now crossed the 50-day mark. New developments are unfolding in the house every single day. Most recently, a rift has emerged between Tashi and Neha. The final segment of Tuesday's episode featured moments that highlighted this growing distance between the two.

മധുര: തമിഴ്‌നാട്ടിലെ മധുരയിൽ വീടിന് സമീപത്ത് കളിക്കാൻ പോയ ഏഴു വയസ്സുകാരനെ മരിച്ച നിലയിൽ കണ്ടെത്തിയ സംഭവത്തിൽ നടുക്കുന്ന വിവരങ്ങൾ പുറത്ത്. ഒപ്പമുണ്ടായിരുന്ന പത്തുവയസ്സുകാരനായ സുഹൃത്ത് കളിക്കുന്നതിനിടെ കഴുത്തിൽ കയർ കുരുക്കിയതാണ് കുട്ടിയുടെ മരണകാരണമെന്ന് പോലീസ് കണ്ടെത്തി. സംഭവം പുറത്തറിയാതിരിക്കാനും തൻ്റെ മകനെ സംരക്ഷിക്കാനുമായി കുട്ടിയുടെ മൃതദേഹം ആളൊഴിഞ്ഞ മറ്റൊരു വീട്ടിലേക്ക് മാറ്റിയ പത്തുവയസ്സുകാരൻ്റെ അമ്മയായ 32 കാരിയെ പോലീസ് അറസ്റ്റ് ചെയ്തു. മുത്തുവേൽ എന്ന ഏഴുവയസ്സുകാരനാണ് കൊല്ലപ്പെട്ടത്.

ഞായറാഴ്ച വീടിന് പുറത്തേക്ക് കളിക്കാൻ പോയ മുത്തുവേൽ ഇരുട്ടിയിട്ടും വീട്ടിൽ തിരിച്ചെത്താതിരുന്നതിനെ തുടർന്ന് കുട്ടിയുടെ അമ്മ പോലീസിൽ പരാതി നൽകുകയായിരുന്നു. കുട്ടിയെ കണ്ടെത്താനായി അഞ്ച് പ്രത്യേക സംഘങ്ങളായി തിരിഞ്ഞ് തൊണ്ണൂറോളം പോലീസുകാരുടെ നേതൃത്വത്തിൽ പ്രദേശത്ത് വ്യാപകമായ തിരച്ചിൽ നടത്തി. ഈ പരിശോധനക്കൊടുവിലാണ് തിങ്കളാഴ്ച രാവിലെ ആളൊഴിഞ തകർന്ന ഒരു വീട്ടിൽ നിന്ന് കുട്ടിയുടെ മൃതദേഹം കണ്ടെത്തിയത്. ഉടൻ തന്നെ ഡോഗ് സ്ക്വാഡും ഫോറൻസിക് സംഘവും സ്ഥലത്തെത്തി ശാസ്ത്രീയ പരിശോധനകൾ നടത്തി. പോസ്റ്റ്‌മോർട്ടം നടപടികൾക്കായി മൃതദേഹം മധുരയിലെ സർക്കാർ രാജാജി ആശുപത്രിയിലേക്ക് മാറ്റുകയും ചെയ്തു.

Also Read: ജോലി വാഗ്ദാനം ചെയ്ത് ഓൺലൈൻ തട്ടിപ്പ്; ഡെപ്യുട്ടി ബാങ്ക് മാനേജർക്ക് നഷ്ടമായത് 1.25 ലക്ഷം രൂപ

ഞായറാഴ്ച രണ്ട് കുട്ടികളും ഒരുമിച്ച് കളിക്കുന്നതിനിടെ പത്തുവയസ്സുകാരൻ മുത്തുവേലിൻ്റെ കഴുത്തിൽ കയർ കുരുക്കി മുറുക്കുകയായിരുന്നുവെന്ന് പോലീസ് പറയുന്നു. കഴുത്തിൽ കുരുക്ക് വീണ് ശ്വാസംമുട്ടി തലകറക്കം അനുഭവപ്പെട്ട മുത്തുവേൽ ഭയന്ന് ഓടുന്നതിനിടെ ഒരു ചുമരിൽ ഇടിച്ച് മുൻവശത്തെ പല്ലുകൾക്ക് പരിക്കുകൾ സംഭവിച്ചു. തുടർന്ന് അവശനായ കുട്ടി ദാഹിച്ച് വെള്ളം ചോദിച്ചുകൊണ്ട് സുഹൃത്തിൻ്റെ വീട്ടിലെത്തുകയും, അവിടെ 10 വയസ്സുകാരൻ്റെ അമ്മയുടെ മുന്നിൽ വെച്ച് കുഴഞ്ഞുവീഴുകയുമായിരുന്നു.

കുട്ടി മരിച്ചെന്ന് മനസ്സിലാക്കിയ യുവതി പോലീസിനെ വിവരമറിയിക്കുന്നതിന് പകരം സ്വന്തം മകനെ കേസിൽ നിന്ന് രക്ഷിക്കാനുള്ള ശ്രമമാണ് നടത്തിയത്. ആരും ശ്രദ്ധിക്കാത്ത ഉപേക്ഷിക്കപ്പെട്ട വീട്ടിലേക്ക് മൃതദേഹം മാറ്റുകയും തെളിവുകൾ നശിപ്പിക്കാൻ ശ്രമിക്കുകയുമായിരുന്നുവെന്ന് പോലീസ് വ്യക്തമാക്കി. സംഭവത്തിൽ പത്തുവയസ്സുകാരനെ ജുവനൈൽ ജസ്റ്റിസ് ബോർഡിന് മുന്നിൽ ഹാജരാക്കും. അറസ്റ്റിലായ യുവതിക്കെതിരെ തെളിവ് നശിപ്പിച്ചതിനാണ് പ്രധാനമായും കേസെടുത്തിരിക്കുന്നത്.

English Summary

A 7-year-old boy in Madurai died accidentally after a 10-year-old friend tightened a rope around his neck during play. The older boy's mother was arrested for concealing the body.

ഇന്ത്യൻ സിനിമ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന സിനിമയാണ് നിതേഷ് തിവാരി ഒരുക്കുന്ന രാമായണ. ബ്രഹ്മാണ്ഡ ചിത്രമായി ഒരുക്കുന്ന സിനിമ നവംബർ 5നാണ് തിയേറ്ററുകളിൽ റിലീസിന് എത്തുന്നത്. രൺബീർ കപൂർ, സായി പല്ലവി, യഷ്, തുടങ്ങിയവരാണ് സിനിമയിൽ പ്രധാന കഥാപാത്രങ്ങളെ കൈകാര്യം ചെയ്യുന്നത്. റിലീസിന് മുന്നേ തന്നെ സിനിമയുടെ ആവേശത്തിലാണ് പ്രേക്ഷകർ. ഇതിനോടകം തന്നെ ഏകദേശം 25 കോടി രൂപ പ്രീ ബുക്കിംഗ് കളക്ഷൻ ചിത്രം നേടിക്കഴിഞ്ഞു എന്നാണ് റിപ്പോർട്ടുകൾ.

ട്രാക്കർ റിപ്പോർട്ട് പ്രകാരം രാമായണം സിനിമയുടെ ഏകദേശം 2.43 ലക്ഷം ടിക്കറ്റുകൾ ഇതിനകം വിറ്റഴിഞ്ഞിട്ടുണ്ട്. ഇന്ത്യയിലെ 166 നഗരങ്ങളിലായി 5,600 ഷോകൾക്കാണ് നിലവിൽ ടിക്കറ്റ് വിൽപ്പന പുരോ​ഗമിക്കുന്നത്. ദീപാവലി സമയത്ത് മറ്റ് വലിയ റിലീസുകൾ ഇല്ലാത്തതിനാൽ, ഷോകളുടെ എണ്ണം ഇനിയും വർധിക്കാൻ സാധ്യതയുണ്ടെന്നാണ് സിനിമ വിദ​ഗ്ധരുടെ അഭിപ്രായം. 3 മണിക്കൂർ 15 മിനിറ്റ് ദൈർഘ്യമുള്ള ചിത്രത്തിന് സെൻസർ ബോർഡ് യു (U) സർട്ടിഫിക്കറ്റാണ് നൽകിയിരിക്കുന്നത്. രാജ്യത്തുടനീളം വിവിധ ഭാഷകളിൽ റിലീസ് ചെയ്യുന്നുണ്ടെങ്കിലും, ചിത്രത്തിന്റെ പ്രധാന കളക്ഷനായി പ്രതീക്ഷിക്കുന്നത് ഹിന്ദി പതിപ്പിനെയാണ്.

Also Read: അവറാച്ചൻ ഒടിടിയിൽ എത്തുന്നത് ഒക്ടോബർ അവസാനം, പ്ലാറ്റ്ഫോം ഇത്

സിനിമയിൽ ശ്രീരാമന്റെ വേഷത്തിൽ റൺബീർ കപൂർ ആണ് എത്തുന്നത്. രാവണ വേഷത്തിൽ വരുന്നത് ആകട്ടെ യഷും ആണ്. സായി പല്ലവി സീതാ ദേവിയുടെ കഥാപാത്രത്തെയാണ് കൈകാര്യം ചെയ്യുന്നത്. ഇന്ത്യൻ സിനിമ ചരിത്രത്തിലെ മറ്റൊരു മികച്ച റിലീസ് ആയി രാമായണം മാറും എന്നാണ് സിനിമ ആസ്വാദകർ പ്രതീക്ഷിക്കുന്നത്. സിനിമയുടെ ട്രെയിലർ തന്നെ ഏറെ പ്രതീക്ഷ നൽകുന്നതായിരുന്നു. നമിത് മൽഹോത്രയുടെ പ്രൈം ഫോക്കസ് സ്റ്റുഡിയോസും പ്രമുഖ വിഷ്വൽ എഫക്ട് സ്റ്റുഡിയോ ആയ ഡി.എൻ.ഇ.ജിയും യഷിന്റെ പോൺസ്റ്റർ മൈൻഡ് ക്രിയേഷൻസും സംയുക്തമായാണ് സിനിമ നിർമ്മിക്കുന്നത്.

മികച്ച നിലവാരം പുലർത്തുന്ന ഗ്രാഫിക്സുകളും സിനിമാ സെറ്റുകളും പ്രസന്റേഷനും ആണ് ട്രെയിലറിലൂടെ കാണാൻ കഴിയുന്നത്. സിനിമയുടേതായി പുറത്തുവന്ന ഗാനങ്ങളും ഇതിനോടൊപ്പം തന്നെ വലിയ പ്രചാരം നേടി കഴിഞ്ഞു. ഇന്ത്യൻ സിനിമയിലെ വൻ താരനിരയും സിനിമയിൽ അണിനിരക്കുന്നുണ്ട്. ദീപാവലി റിലീസായി എത്തുന്ന സിനിമയ്ക്കായുള്ള കാത്തിരിപ്പിലാണ് ആരാധാകർ. ഓപ്പണിം​ഗ് കളക്ഷനിലൂടെ തന്നെ ഈ ചിത്രം ചരിത്രം കുറിക്കുമെന്നാണ് പലരും അഭിപ്രായം പങ്കുവെക്കുന്നത്.

English Summary

Ramayana, directed by Nitesh Tiwari, is a film that Indian cinema audiences are eagerly awaiting. Being crafted as a grand-scale epic, the movie is set to hit theaters on November 5th. Ranbir Kapoor, Sai Pallavi, and Yash are among those playing the lead roles in the film.

ജങ്ക് ഫുഡുകൾ കാണുമ്പോൾ കഴിക്കാൻ തോന്നുന്നത് നിങ്ങളുടെ മാത്രം പ്രശ്നമല്ല. മധുരവും ഉപ്പും കൊഴുപ്പും കൃത്യമായ അളവിൽ ചേർത്ത്, നമ്മുടെ തലച്ചോറിലെ 'ഡോപാമിൻ' ഉത്തേജിപ്പിക്കുന്ന തരത്തിലാണ് ഇവ തയ്യാറാക്കുന്നത് തന്നെ. തുടർച്ചയായി ഇവ കഴിക്കുമ്പോൾ. അതൊരു ശീലമായി മാറും. ആസക്തി കൂടുതൽ ശക്തമാവുകയും ചെയ്യും. അതിനാൽ ഇത്തരം ഭക്ഷണങ്ങളോടുള്ള കൊതി മാറ്റാൻ കേവലം ഇച്ഛാശക്തി മാത്രം പോരാ, മറിച്ച് ആ തോന്നൽ ഉണ്ടാക്കുന്ന കാര്യങ്ങളെ കൂടി നമ്മൾ മാറ്റേണ്ടതുണ്ട്.

രക്തത്തിലെ പഞ്ചസാരയുടെ അളവിലുണ്ടാകുന്ന വ്യതിയാനങ്ങളാണ് ഇതിൽ പ്രധാന വില്ലൻ. മധുരവും കാർബോഹൈഡ്രേറ്റും അടങ്ങിയ സ്നാക്സുകൾ പെട്ടെന്ന് ഷുഗർ കൂട്ടും പിന്നീട് പെട്ടെന്ന് കുറയുകയും ചെയ്യും. ഇത് വീണ്ടും അമിതമായ വിശപ്പുണ്ടാക്കും. ഈ പ്രശ്നം ഒഴിവാക്കാൻ പ്രോട്ടീനും ഫൈബറും ആരോഗ്യകരമായ കൊഴുപ്പും അടങ്ങിയ ഭക്ഷണങ്ങൾ ഡയറ്റിൽ ഉൾപ്പെടുത്തുക. പ്രോട്ടീൻ കൂടുതൽ നേരം വയറുനിറഞ്ഞ തോന്നൽ നൽകും. ഒരു കാരണവശാലും പ്രധാന ഭക്ഷണം ഒഴിവാക്കരുത്. ഭക്ഷണം ഒഴിവാക്കുന്നത് വിശപ്പ് കൂട്ടുന്ന ഹോർമോണുകൾ വർദ്ധിധിക്കാൻ കാരണമാകും.

Also Read: 40 വയസ്സിന് ശേഷം ക്രിയാറ്റിൻ ഉപയോഗിക്കുന്നത് പ്രശ്നമാണോ? യാഥാർത്ഥ്യം അറിയാം!

ഉറക്കമില്ലായ്മയും മാനസിക സമ്മർദ്ദവും ക്രേവിങ്സ് വർധിപ്പിക്കുന്ന പ്രധാന ഘടകങ്ങളാണ്. ഉറക്കം കുറയുമ്പോൾ വിശപ്പ് നിയന്ത്രിക്കാനുള്ള ശരീരത്തിൻ്റെ കഴിവ് കുറയുന്നു. സ്ട്രെസ് കൂടുമ്പോൾ ഉത്പാദിപ്പിക്കപ്പെടുന്ന 'കോർട്ടിസോൾ' ഹോർമോൺ ഇത്തരം ഫുഡുകൾ കൂടുതലായി കഴിക്കാൻ പ്രേരിപ്പിക്കുകയും ചെയ്യും. ഇത്തരം സാഹചര്യങ്ങളിൽ ഭക്ഷണം കഴിക്കുന്നതിന് പകരം പുറത്തിറങ്ങി പത്ത് മിനിറ്റ് നടക്കുന്നത് മാനസിക സമ്മർദ്ദം കുറയ്ക്കാൻ സഹായിക്കും. അനാവശ്യ ഭക്ഷണസാധനങ്ങൾ വീട്ടിൽ വാങ്ങി സൂക്ഷിക്കാതിരിക്കുക. കണ്മുന്നിൽ ഇത്തരം ഭക്ഷണങ്ങൾ ഇല്ലെങ്കിൽ ഇവ കഴിക്കാനുള്ള പ്രവണതയും താനെ കുറയും.

വിശപ്പാണോ അതോ ബോറടിക്കുമ്പോഴും സ്ട്രെസ് വരുമ്പോഴും തോന്നുന്ന വെറുമൊരു ക്രേവിങ് മാത്രമാണോ എന്ന് സ്വയം തിരിച്ചറിയാൻ ശ്രമിക്കുക. പെട്ടെന്ന് ജങ്ക് ഫുഡ് കഴിക്കാൻ തോന്നുമ്പോൾ ഒരു ഗ്ലാസ് വെള്ളം കുടിക്കുകയോ പല്ല് തേക്കുകയോ ചെയ്യാം. ശ്രദ്ധ തിരിക്കുന്നത് ഇത്തരം ആസക്തികളെ എളുപ്പത്തിൽ മറികടക്കാൻ സഹായിക്കും.

ഇഷ്ടപ്പെട്ട ഭക്ഷണങ്ങൾ ഒറ്റയടിക്ക് പൂർണ്ണമായും ഒഴിവാക്കുന്നത് ഗുണത്തേക്കാളേറെ ദോഷം ചെയ്യും. ഇത് പിന്നീട് കൂടുതൽ അളവിൽ ഭക്ഷണം വലിച്ചുവാരി കഴിക്കാൻ കാരണമാകും. അതിനാൽ ഇടയ്ക്കൊക്കെ ഇഷ്ടപ്പെട്ട ഭക്ഷണങ്ങൾ ചെറിയ അളവിൽ കഴിക്കാം. ഒറ്റയടിക്ക് ഒഴിവാക്കുന്നതിന് പകരം, പതിയെ ആരോഗ്യകരമായ ഭക്ഷണങ്ങളിലേക്ക് മാറുന്നതാണ് എപ്പോഴും നല്ലത്. ആദ്യത്തെ ഒരാഴ്ചയായിരിക്കും ഏറ്റവും കഠിനം; പിന്നീട് ഈ ആസക്തി ക്രമേണ കുറഞ്ഞുവരുന്നതായി കാണാം.

English Summary

Junk food cravings are driven by brain chemistry, blood sugar spikes, stress, and lack of sleep. Overcome them by eating protein, sleeping well, managing stress, and avoiding extreme food restrictions.

ബിഹാറിലെ ഒരു ഉൾഗ്രാമത്തിലെ കുട്ടിയോടും ബെംഗളൂരു നഗരത്തിലെ കുട്ടിയോടും നമ്മൾ മുതിർന്നവർ പലപ്പോഴും ആവർത്തിക്കുന്ന ഒരു കാര്യമുണ്ട്: "കഠിനാധ്വാനം മാത്രമാണ് തുല്യതയിലേക്കുള്ള വഴി; കഴിവും പരിശ്രമവും നിങ്ങളെ എവിടെ എത്തിക്കണമെന്ന് തീരുമാനിക്കും." രണ്ട് കുട്ടികളും ഒരുപോലെ അധ്വാനിച്ചേക്കാം. എന്നാൽ ഒടുവിൽ ജീവിതത്തിൽ അവർ എവിടെയെത്തുമെന്ന കാര്യത്തിലെ സാധ്യതകൾ ഒട്ടും തുല്യമല്ല. മെരിറ്റിനെക്കുറിച്ചുള്ള നമ്മുടെ പതിവ് ചർച്ചകൾ സമ്മതിക്കാൻ മടിക്കുന്ന, കടുത്ത ചില യാഥാർഥ്യങ്ങൾ ഇതിന് പിന്നിലെ സ്ഥിതിവിവരക്കണക്കുകൾ വ്യക്തമാക്കുന്നുണ്ട്.

കുട്ടിയുടെ സാമ്പത്തിക ഭാവി

സാമ്പത്തിക ശാസ്ത്രജ്ഞർ അളക്കുന്ന 'തലമുറകൾക്കിടയിലെ സാമ്പത്തിക ചലനാത്മകത' അതായത് ഒരു കുട്ടിയുടെ സാമ്പത്തിക ഭാവിയെ മാതാപിതാക്കളുടെ സാമ്പത്തിക നിലവാരം എത്രത്തോളം സ്വാധീനിക്കുന്നു എന്നത്—പരിശോധിച്ചാൽ ഇന്ത്യയിലെ ചിത്രം ആശങ്കപ്പെടുത്തുന്നതാണ്. ഇന്ത്യയിൽ ഏറ്റവും ദരിദ്രരായ 20 ശതമാനം കുടുംബങ്ങളിൽ ജനിക്കുന്ന കുട്ടികളിൽ 3 ശതമാനത്തിന് മാത്രമേ വളർന്നു വലുതാകുമ്പോൾ സമ്പന്നരായ 20 ശതമാനത്തിലേക്ക് എത്താൻ കഴിയുന്നുള്ളൂ. എന്നാൽ, ആ ദരിദ്ര വിഭാഗത്തിൽ ജനിക്കുന്ന 52 ശതമാനം പേരും തങ്ങളുടെ ദാരിദ്ര്യത്തിൽ നിന്ന് ഒരടി പോലും മുന്നേറാനാകാതെ അവിടെത്തന്നെ തുടരുകയാണ്. മറുവശത്ത്, ഏറ്റവും സമ്പന്നരായ കുടുംബങ്ങളിൽ ജനിക്കുന്ന കുട്ടികളിൽ 54 ശതമാനവും ആ സമ്പന്നതയിൽത്തന്നെ തുടരുന്നു. മറ്റൊരു വിധത്തിൽ പറഞ്ഞാൽ, നാം തുറന്നുസമ്മതിക്കാൻ ഭയപ്പെടുന്ന ഒന്നാണ് നമ്മുടെ യാഥാർഥ്യം: നമ്മൾ എവിടെ ജനിക്കുന്നു എന്നത് നമ്മുടെ ഭാവിയെ ആഴത്തിൽ സ്വാധീനിക്കുന്നുണ്ട്.

ഇതിനെ അളക്കാൻ സാമ്പത്തിക വിദഗ്ധർ ഉപയോഗിക്കുന്ന സാങ്കേതിക മാനദണ്ഡമാണ് 'തലമുറകൾ തമ്മിലുള്ള വേതന ഇലാസ്തികത' ലളിതമായി പറഞ്ഞാൽ, ഒരു അച്ഛന്റെ വരുമാനം മകന്റെ വരുമാനത്തെ എത്രത്തോളം മുൻകൂട്ടി പ്രവചിക്കുന്നു എന്ന കണക്കാണിത്. ഈ സ്കോർ 'പൂജ്യം' ആണെങ്കിൽ ജനനം ഒന്നിനെയും ബാധിക്കുന്നില്ലെന്നും പശ്ചാത്തലം നോക്കാതെ തുല്യ അവസരം ലഭിക്കുന്നുവെന്നും അർത്ഥം. സ്കോർ 'ഒന്ന്' ആണെങ്കിൽ ജീവിതം പൂർണ്ണമായും ജനനത്തെ ആശ്രയിച്ചിരിക്കുന്നു, മുന്നേറാൻ അവസരങ്ങളില്ല.

ഇന്ത്യയിൽ ഈ സ്കോർ ജനറൽ/ഒബിസി വിഭാഗങ്ങളിൽ ഏകദേശം 0.61-ഉം, പട്ടികജാതി-പട്ടികവർഗ്ഗ വിഭാഗങ്ങളിൽ 0.55-ഉം ആണ്. താരതമ്യത്തിന്, യുണൈറ്റഡ് സ്റ്റേറ്റ്സിൽ ഇത് 0.4-ഉം, ചൈനയിൽ 0.5-ഉം, ഒഇസിഡി വികസിത രാജ്യങ്ങളുടെ ശരാശരി 0.38-ഉം ആണ്. ഇതിനർത്ഥം, ഇന്ത്യയിലെ സാമ്പത്തിക ചലനാത്മകത സമ്പന്ന രാജ്യങ്ങളേക്കാൾ മാത്രമല്ല, സാമ്പത്തിക വളർച്ചയിൽ നാം നിരന്തരം മത്സരിക്കുന്ന ചൈനയേക്കാളും വളരെ പിന്നിലാണ് എന്നാണ്.

1984-ൽ ജനിച്ചവരിൽ

തൊഴിൽ മേഖല പരിശോധിച്ചാലും ഇതേ വേർതിരിവ് കാണാം. 1984-ൽ ജനിച്ചവരിൽ, വൈറ്റ് കോളർ (ഓഫീസ്) ജോലി ചെയ്യുന്ന അച്ഛന്മാരുടെ മക്കളിൽ ഏകദേശം 39.3 ശതമാനം പേരും വൈറ്റ് കോളർ ജോലികളിലേക്ക് എത്തി. എന്നാൽ അവിദഗ്ദ്ധ തൊഴിലാളികളുടെ (Unskilled workers) മക്കളിൽ വെറും 4.9 ശതമാനം പേർക്ക് മാത്രമാണ് അത്തരം ജോലികളിൽ എത്താനായത്. കർഷകരുടെ മക്കളിലാകട്ടെ ഇത് 6.4 ശതമാനം മാത്രമാണ്. അതേസമയം, അവിദഗ്ദ്ധ തൊഴിലാളികളുടെ മക്കളിൽ 58.5 ശതമാനവും അതേ അവിദഗ്ദ്ധ തൊഴിലുകളിൽത്തന്നെ തളയ്ക്കപ്പെട്ടു. ഇത് വ്യക്തിപരമായ തെരഞ്ഞെടുപ്പല്ല, മറിച്ച് വ്യവസ്ഥിതി തലമുറകളായി സ്വയം ആവർത്തിക്കുന്നതിന്റെ തെളിവാണ്.

ഭൂമിശാസ്ത്രപരമായ അന്തരം ഇതിന്റെ ആഘാതം കൂട്ടുന്നു. കാർഷിക പശ്ചാത്തലമുള്ള ഗ്രാമീണ യുവാക്കളിൽ 10.5 ശതമാനം പേർ മാത്രമാണ് ക്ലറിക്കൽ അല്ലെങ്കിൽ സമാനമായ ജോലികളിലേക്ക് മാറിയത്; എന്നാൽ സമാനമായ സാമ്പത്തിക ചുറ്റുപാടിൽ നഗരങ്ങളിൽ വളർന്നവരിൽ 26.8 ശതമാനം പേർ ഇത്തരം മേഖലകളിലേക്ക് എത്തി. ചുരുക്കത്തിൽ, ഒരാൾ സ്വന്തം ഭാവി സ്വയം നിർണ്ണയിക്കാൻ തുടങ്ങുന്നതിന് മുൻപ് തന്നെ, അയാൾ താമസിക്കുന്ന സ്ഥലത്തിന്റെ പിൻകോഡ് (PIN code) ആ ഭാവിയെ തീരുമാനിച്ചു തുടങ്ങുന്നു.

ഇത് രണ്ട് യുവാക്കളുടെ യഥാർത്ഥ ജീവിതത്തിൽ എങ്ങനെ പ്രവർത്തിക്കുന്നുവെന്ന് ചിന്തിക്കുക:
ഒരു കുട്ടി വളരുന്നത് മികച്ച സ്കൂളുകളും സമീപത്ത് ഇംഗ്ലീഷ് മീഡിയം സൗകര്യങ്ങളുമുള്ള ഒരു നഗരത്തിലാണ്. ഒരു ഇന്റർവ്യൂ എങ്ങനെ നേരിടണമെന്ന് പറഞ്ഞുനൽകാൻ കഴിയുന്ന, ഓഫീസുകളിൽ ജോലി ചെയ്യുന്ന ബന്ധുക്കൾ ആ കുട്ടിക്കുണ്ട്; ഒപ്പം എളുപ്പത്തിൽ എത്തിപ്പെടാവുന്ന തൊഴിൽ വിപണിയും ചുറ്റുമുണ്ട്. എന്നാൽ മറ്റൊരു കുട്ടി വളരുന്ന ഗ്രാമത്തിൽ ഏറ്റവും അടുത്തുള്ള ഹൈസ്കൂളിലേക്ക് പോകാൻ തന്നെ ഒരു മണിക്കൂർ യാത്ര വേണം; കുടുംബത്തിലോ ബന്ധത്തിലോ ആരും ഇന്നുവരെ ഒരു ഓഫീസ് ജോലി ചെയ്തിട്ടില്ല; കൃഷിയും കൂലിപ്പണിയും അല്ലാതെ മറ്റൊരു തൊഴിലവസരവും ആ പ്രദേശത്ത് നിലവിലില്ല.

സ്വയം തെരഞ്ഞെടുത്തതല്ല

ഈ രണ്ട് കുട്ടികളും തങ്ങളുടെ ജീവിത തുടക്കം സ്വയം തെരഞ്ഞെടുത്തതല്ല. രണ്ടുപേരും ഒരേ നിശ്ചയദാർഢ്യത്തോടെ അധ്വാനിച്ചാലും, അവരുടെ മുന്നിലുള്ള വഴികൾ തുല്യമല്ല. വ്യക്തിപരമായ കഠിനാധ്വാനം കൊണ്ടുമാത്രം നികത്താൻ കഴിയുന്നതല്ല ഈ വിടവ്.ഇത് കഠിനാധ്വാനത്തിനോ വലിയ സ്വപ്നങ്ങൾക്കോ എതിരെയുള്ള വാദമല്ല; ഏതൊരു തുടക്കത്തിലും അവ രണ്ടും വളരെ പ്രധാനമാണ്. എന്നാൽ നമ്മുടെ സമൂഹത്തിലെ തുടക്കങ്ങൾ എത്രത്തോളം അസമത്വങ്ങൾ നിറഞ്ഞതാണെന്ന് തുറന്നു സമ്മതിക്കാനുള്ള ആഹ്വാനമാണിത്. അതുകൊണ്ടാണ് ഗ്രാമീണ വിദ്യാഭ്യാസം, അപ്രന്റീസ്ഷിപ്പ് അവസരങ്ങൾ, കുടിയേറ്റ സഹായങ്ങൾ, ഗ്രാമ-നഗര അടിസ്ഥാനസൗകര്യ വിടവുകൾ നികത്തൽ എന്നിവ വ്യക്തിപരമായ പരിശ്രമം പോലെ തന്നെ പ്രാധാന്യമർഹിക്കുന്ന നയങ്ങളാകുന്നത്.

ആഭ്യന്തര കുടിയേറ്റ കണക്കുകളിലും ശ്രദ്ധേയമായ മറ്റൊരു യാഥാർത്ഥ്യമുണ്ട്. ഇന്ത്യയ്ക്കുള്ളിൽ ഒരിടത്തുനിന്ന് മറ്റൊരിടത്തേക്ക് കുടിയേറിയവരിൽ വെറും 14.7 ശതമാനം പേർ മാത്രമാണ് തൊഴിൽ തേടി മാറിത്താമസിച്ചത്. സ്ത്രീകളുടെ കാര്യത്തിലാകട്ടെ ഇത് വെറും 2 ശതമാനം മാത്രമാണ്. തലമുറകളിലൂടെ കുടുംബങ്ങളുടെ സാമ്പത്തിക നിലവാരം മെച്ചപ്പെടുത്താൻ ലോകമെമ്പാടും വലിയ പങ്കുവഹിച്ച 'അവസരങ്ങൾ തേടിയുള്ള കുടിയേറ്റം' ഇന്ത്യയിൽ, പ്രത്യേകിച്ച് ഇന്ത്യൻ സ്ത്രീകൾക്കിടയിൽ, ഇപ്പോഴും വളരെ ചുരുക്കം ആളുകൾക്ക് മാത്രം സാധ്യമാകുന്ന വഴിയാണ്.

ഇത് വായിക്കുന്ന ഓരോ പൗരനും മുന്നിലുള്ള യഥാർത്ഥ ചോദ്യം കഴിവിനും കഠിനാധ്വാനത്തിനും വിലയുണ്ടോ എന്നതല്ല; തീർച്ചയായും ഉണ്ട്. മറിച്ച്, ജനിച്ച കുടുംബമോ ഗ്രാമമോ വരുമാന പരിധിയോ തടസ്സമാകാതെ, ആ കഴിവിനെ അത് അർഹിക്കുന്ന ഉയരങ്ങളിലേക്ക് എത്തിക്കാൻ നമ്മുടെ രാജ്യം പാകപ്പെട്ടിട്ടുണ്ടോ എന്നതാണ്.

ഇന്ത്യൻ വാഹന വിപണിയിൽ എന്നും ആവശ്യകതയുള്ള സെഗ്മെന്റ് ആണ് ബജറ്റ് സെവൻ സീറ്റർ എം.പി.വി കളുടേത്. പ്രധാനമായും അംഗസംഖ്യ കൂടുതലുള്ള സാധാരണ കുടുംബങ്ങളും നോർമൽ ടാക്സി ആവശ്യത്തിനുമാണ് ഈ സെഗ്മെന്റിലെ വാഹനങ്ങൾ പലരും തിരഞ്ഞെടുക്കുന്നത്. നിലവിൽ ഇന്ത്യൻ വിപണിയിൽ ഈ സെഗ്മെന്റിൽ മുൻനിരയിൽ നിൽക്കുന്ന രണ്ടു വാഹന മോഡലുകളാണ് മാരുതി എർട്ടിഗയും കിയ കാരെൻസും. ഈ രണ്ട് മോഡലുകളുടെ ഫീച്ചേഴ്സും വിലയും പ്രത്യേകതകളും വിശദമായി നോക്കാം.

മാരുതി എർട്ടിഗ

പ്രത്യേകിച്ച് പരിചയപ്പെടുത്തലുകളുടെ ആവശ്യമില്ലാത്ത മാരുതിയുടെ എം.പി.വി വാഹനമാണ് എർട്ടിഗ. 890,000 രൂപ മുതലാണ് വാഹനത്തിന്റെ ഷോറൂം വില ആരംഭിക്കുന്നത്. പ്രധാനമായും നാലു വേരിയന്റുകൾ ആണ് വരുന്നത്. 1.5 ലിറ്റർ പെട്രോൾ സ്മാർട്ട് ഹൈബ്രിഡ് എൽഎക്സ്ഐ. 1.5 ലിറ്റർ മാനുവൽ ട്രാൻസ്മിഷൻ സ്മാർട്ട് ഹൈബ്രിഡ് വിഎക്സ്ഐ, ഇതിൽ ഏറ്റവും ഉയർന്ന ഭേദമായ സ്മാർട്ട് ഹൈബ്രിഡ് ZXI, 1.5 ലിറ്റർ സിഎൻജി എന്നിവയാണ് മോഡലുകൾ.

1462cc എൻജിനാണ് ഈ വാഹനത്തിന് കരുത്ത് നൽകുന്നത്. 6000 ആർ പി എമ്മിൽ 75.8 കിലോ വാട്ടിന്റെ മാക്സിമം പവറും 4300 ആർപിഎമ്മിൽ 139 ന്യൂട്ടൺ മീറ്റർ ടോർക്കും ഈ എൻജിൻ നൽകുന്നു. സുരക്ഷയുടെ കാര്യത്തിലേക്ക് വന്നാൽ ആറ് എയർബാഗുകൾ ഈ വാഹനത്തിൽ വരുന്നുണ്ട്. ഒപ്പം ഹിൽ ഹോൾഡ് സംവിധാനവും ഉൾപ്പെടുത്തിയിട്ടുണ്ട്.

Also Read: വില 10 ലക്ഷത്തിൽ താഴെ, ഹ്യുണ്ടായിയുടെ പുത്തൻ എസ്.യു.വി ബയേൺ എത്തി

കിയ കാരെൻസ്

11, 11,900 രൂപമുതലാണ് ഈ ബജറ്റ് സെവൻ സീറ്റർ എംപിവി വാഹനത്തിന്റെ എക്സ് ഷോറൂം വില ആരംഭിക്കുന്നത്. 4540 മില്ലി മീറ്റർ നീളവും 1800 മില്ലി മീറ്റർ വീതിയും ആണ് വാഹനത്തിന് വരുന്നത്. ഉയരം 1708 മില്ലി മീറ്ററും. പ്രധാനമായും മൂന്ന് വേരിയന്റുകളാണ് ഈ വാഹനത്തിന് വരുന്നത്. 1.5 ലിറ്റർ 6 സ്പീഡ് മാനുവൽ പെട്രോൾ, 1.5 ലിറ്റർ 6 സ്പീഡ് സിഎൻജി, 1.5 ലിറ്റർ ഡീസൽ സി ആർ ഡി ഐ സിക്സ് സ്പീഡ് മാനുവൽ ട്രാൻസ്മിഷൻ എന്നിവയാണ് മോഡലുകൾ.

കിയ കാരൻസിൽ 216 ലിറ്റർ ബൂട്ട് സ്പേസ് ആണ് വരുന്നത്. സുരക്ഷ നോക്കിയാൽ
സ്റ്റാൻഡേർഡ് ആയി ആറ് എയർബാഗുകളും വാഹനം നൽകുന്നുണ്ട്. ഒരു ബട്ടൺ അമൃതിയിൽ സെക്കൻഡ് റോയിലെ ഒരു സീറ്റ് പൂർണ്ണമായി മടങ്ങുകയും എളുപ്പത്തിൽ വാഹനത്തിന്റെ മൂന്നാം നിരയിലേക്ക് കയറാനും കഴിയും. പുറകിൽ ഇരിക്കുന്ന യാത്രക്കാർക്ക് കൂടുതൽ സൗകര്യപ്രദമാകുന്ന രീതിയിൽ എസി വെന്റുകളും ക്രമീകരിച്ചിട്ടുണ്ട്. 20.32 സെന്റീമീറ്റർ വലിപ്പം വരുന്ന സ്ക്രീൻ ഇൻഫോടെയിൻമെന്റ് സിസ്റ്റമാണ് നൽകിയിരിക്കുന്നത്.

English Summary

In the Indian automotive market, there is a consistent demand for affordable seven-seater MPVs. These vehicles are primarily chosen by large families and are also widely used as taxis. Currently, the leading models in this segment within the Indian market are the Maruti Ertiga and the Kia Carens.

ഏത്തക്ക അല്ലെങ്കിൽ നേന്ത്രപ്പഴം കഴിക്കുന്നതിൻ്റെ ​ഗുണത്തെപ്പറ്റി പ്രത്യേകിച്ച് ആരോടും പറയേണ്ട ആവശ്യമില്ല. എന്നാൽ പലർക്കും അറിയാത്ത മറ്റൊരു രഹസ്യമുണ്ട്. ഏത്തക്കയും കുരുമുളകും ഒന്നിച്ച് കഴിച്ചാലുള്ള ​ഗുണം. ഏത്തക്കയും കുരുമുളകും ചേർത്തുള്ള ഭക്ഷണം നമ്മുടെ പരമ്പരാഗത ആയുർവേദത്തിലും വീട്ടു വൈദ്യത്തിലും ഏറെ പ്രാധാന്യമുള്ള ഒന്നാണ്. മധുരവും എരിവും ചേരുന്ന ഈ വ്യത്യസ്ത കൂട്ട് സ്വാദിന് പുറമേ ശരീരത്തിന് നിരവധി ആരോഗ്യഗുണങ്ങളും നൽകുന്നു. ഇതുമായി ബന്ധപ്പെട്ട് പല പഠനങ്ങളും നടന്നിട്ടുണ്ട്. ഇവ രണ്ടും ഒന്നിച്ച് കഴി്ചാൽ ശരീരത്തിന് ലഭിക്കുന്ന മാന്ത്രിക ​ഗുണങ്ങൾ എന്തെല്ലാമെന്ന് നമുക്ക് നോക്കാം.

ALSO READ: അരകല്ലേൽ അരച്ച് കഴിക്കുന്നതിൻ്റെ ​ഗുണം എന്തെല്ലാം? ഇത് ആരോ​ഗ്യത്തിന് നല്ലതോ ചീത്തയോ

ദഹനം വേഗത്തിലാക്കുന്നു: ഏത്തക്കയിൽ ധാരാളമായി അടങ്ങിയിരിക്കുന്ന നാരുകളും കുരുമുളകിലെ പൈപ്പറീനും ദഹനരസങ്ങളുടെ ഉത്പാദനം കൂട്ടാൻ സഹായിക്കുന്ന രണ്ട് ഘടകങ്ങളാണ്. അതുകൊണ്ട് തന്നെ ഇവ രണ്ടും ഒരുമിച്ച് കഴിക്കുന്നത് വയറെരിയുന്നത്, ഗ്യാസ്, വയറുവീർക്കൽ എന്നിവ തടയുകയും ദഹനം സുഗമമാക്കുകയും ചെയ്യുന്നു.

പ്രതിരോധശേഷി വർദ്ധിപ്പിക്കുന്നു: ഏത്തക്കയിലുള്ള വിറ്റാമിൻ സിയും ആന്റിഓക്‌സിഡന്റുകളും കുരുമുളകിന്റെ ആന്റിബാക്ടീരിയൽ ഗുണങ്ങളും ചേരുമ്പോൾ ശരീരത്തിന്റെ രോഗപ്രതിരോധ ശേഷി വർദ്ധിക്കുന്നു. അടിക്കടിയുണ്ടാകുന്ന ജലദോഷം, ചുമ, തൊണ്ടവേദന എന്നിവയ്ക്ക് ഇത് മികച്ചൊരു സ്വാഭാവിക പരിഹാരമാണ്.

പോഷകങ്ങൾ പെട്ടെന്ന് ആഗിരണം ചെയ്യപ്പെടും: കുരുമുളകിൽ അടങ്ങിയിരിക്കുന്ന പൈപ്പറീൻ എന്ന ഘടകം ഏത്തക്കയിലുള്ള വിറ്റാമിനുകളും പൊട്ടാസ്യവും ശരീരത്തിലേക്ക് എളുപ്പത്തിൽ ആഗിരണം ചെയ്യാൻ സഹായിക്കുന്നു. അതുകൊണ്ട് തന്നെ ശരീരത്തിന് ആവശ്യമായ എല്ലാം പെട്ടെന്ന് ലഭിക്കുകയും ചെയ്യും.

മെറ്റബോളിസവും ഊർജ്ജവും കൂട്ടുന്നു: ഏത്തക്ക ശരീരത്തിന് പെട്ടെന്ന് ഊർജ്ജം നൽകുന്ന ഒരു പഴവർ​ഗമാണ്. കുരുമുളക് ശരീരത്തിലെ കൊഴുപ്പ് കത്തിച്ചു കളയുന്ന മെറ്റബോളിസം വേഗത്തിലാക്കാൻ സഹായിക്കുകയും ചെയ്യുന്നു. ഇത് ശരീരഭാരം നിയന്ത്രിക്കാൻ ആഗ്രഹിക്കുന്നവർക്ക് എന്തുകൊണ്ടും അനുയോജ്യമാണ്.

കരളിന്റെ ആരോഗ്യത്തിനും ഉത്തമം: ഏത്തക്കയും കുരുമുളകും ഒരുമിച്ച് കഴിക്കുമ്പോൾ എടുത്തുപറയേണ്ടത് കരളിന് ലഭിക്കുന്ന ​ഗുണത്തെപ്പറ്റിയാണ്. ഏത്തക്കയിലെ പൊട്ടാസ്യവും കുരുമുളകിന്റെ വിഷാംശങ്ങളെ പുറന്തള്ളാനുള്ള ശേഷിയും കരളിന്റെ പ്രവർത്തനങ്ങളെ സഹായിക്കുകയും ശരീരത്തിലെ ടോക്സിനുകൾ നീക്കം ചെയ്യാൻ സഹായിക്കുകയും ചെയ്യുന്നു.

എങ്ങനെ കഴിക്കണം?

• നന്നായി പഴുത്ത ഏത്തക്ക ചെറുതായി അരിഞ്ഞ് അതിലേക്ക് ഒരു നുള്ളു കുരുമുളകുപൊടി വിതറി കഴിക്കാം.
• അല്ലെങ്കിൽ ഏത്തക്ക ചെറുതായി വഴറ്റി അല്പം കുരുമുളകുപൊടി ചേർത്തും കഴിക്കാവുന്നതാണ്
• അസിഡിറ്റിയോ ഗ്യാസ്ട്രബിളോ കഠിനമായിട്ടുള്ളവർ കുരുമുളകിന്റെ അളവ് കുറച്ച് ഉപയോഗിക്കുന്നതാണ് എപ്പോഴും നല്ലത്.

English Summary:

Combining ripe bananas with a pinch of black pepper is a powerful natural remedy long celebrated in traditional wellness for boosting digestion and immunity. The piperine in black pepper works rich potassium, fiber, and vitamins in bananas to enhance nutrient absorption.

തിരുവനന്തപുരം: ഓപ്പറേഷൻ തെളിമ 2.0 യുടെ ഭാഗമായി സംസ്ഥാന വ്യാപകമായി നടന്ന പരിശോധനയിൽ 568 ലിറ്റർ ഉപയോഗിച്ച പാചക എണ്ണയും വൃത്തിഹീനമായ സാഹചര്യത്തിൽ നിർമ്മിച്ച എണ്ണയിൽ വറുത്ത പലഹാരങ്ങളും നശിപ്പിച്ചു. ഭക്ഷ്യസുരക്ഷാ മാനദണ്ഡങ്ങൾ പാലിക്കാത്ത 32 സ്ഥാപനങ്ങളുടെ ലൈസൻസ് സസ്പെൻഡ് ചെയ്തതായും ആരോഗ്യവകുപ്പ് മന്ത്രി കെ മുരളീധരൻ അറിയിച്ചു. സംസ്ഥാനത്തെ ഭക്ഷണശാലകളിലും ബേക്കറികളിലും ഉൾപ്പെടെ ഉപയോഗിക്കുന്ന പാചക എണ്ണയുടെ ഗുണനിലവാരം ഉറപ്പുവരുത്തുന്നതിന് ആരോഗ്യവകുപ്പിന്റെ നേതൃത്വത്തിൽ നടത്തുന്ന പ്രത്യേക പരിശോധനയാണ് ഓപ്പറേഷൻ തെളിമ.

ഒക്ടോബർ 27ന് രാവിലെ മൂന്ന് മണി മുതൽ സംസ്ഥാനത്തുടനീളം 56 പരിശോധന സംഘങ്ങളായിരുന്നു റെയിഡ് നടന്നത്. 160 ലഘു ഭക്ഷണം നിർമ്മാണ ശാലകളിൽ സംഘങ്ങൾ പരിശോധന നടത്തി. ഉപയോഗിച്ച പാചക എണ്ണയുടെ ഗുണനിലവാരം അളക്കുന്നതിനുള്ള പ്രത്യേക ഉപകരണം കയ്യിൽ കരുതിയിരുന്ന സംഘങ്ങൾ സ്ഥലത്ത് വച്ചുതന്നെ എന്ന പരിശോധിച്ചു.

Also Read: ചേരാനല്ലൂർ വാഹനാപകടം , സി.ഐ ഉൾപ്പെടെ നാല് പോലീസ് ഉദ്യോ​ഗസ്ഥർക്ക് സസ്പെൻഷൻ

ഈ പരിശോധനയിലാണ് നിശ്ചിത ഗുണനിലവാരം ഇല്ലാത്ത 568 ലിറ്റർ പാചക എണ്ണയും വൃത്തഹ്യമായ സാഹചര്യത്തിൽ തയ്യാറാക്കി വിൽക്കുന്നതിന് സൂക്ഷിച്ചിരുന്ന 7000 വറുത്ത പലഹാരങ്ങളും കണ്ടെത്തിയത്. പരിശോധനയിൽ നിയമ ലംഘനങ്ങൾ കണ്ടെത്തിയ സ്ഥാപനങ്ങൾക്ക് വീഴ്ചകൾ തിരുത്തുന്നതിന് ഉൾപ്പെടെ അറിയിപ്പുകൾ നൽകിയിട്ടുണ്ട്. നിയമ ലംഘനം കണ്ടെത്തിയ ആറ് കേസുകൾ തുടർനടപടിക്കായി ശുപാർശ ചെയ്തിട്ടുണ്ട്. ഏകദേശം 80 സ്ഥാപനങ്ങൾക്കെതിരെ പിഴ അടച്ചു കൊണ്ടുള്ള നടപടികൾക്കും ശുപാർശ കൊടുത്തു.

പാചകത്തിനായി ഉപയോഗിക്കുന്ന എണ്ണ ആവർത്തിച്ച് ചൂടാക്കുന്നതും കൂടുതൽ കാലം ഉപയോഗിക്കുന്നതും എണ്ണയുടെ ഗുണ നിലവാരം കുറയ്ക്കുകയും അത് ശരീരത്തിന് ഏറെ ദോഷകരമായ രാസഘടകങ്ങളുടെ അളവ് വർദ്ധിപ്പിക്കുന്നതിനും കാരണമാകും. എണ്ണയിൽ വറുത്ത ഭക്ഷ്യ സാധനങ്ങളുടെ ഗുണ നിലവാരം ഉറപ്പുവരുത്തുന്നതിനായി നേരത്തെ നടത്തിയ ഓപ്പറേഷൻ തെളിമ ഒന്നാം ഘട്ടത്തിന്റെ തുടർച്ചയായാണ് ഇപ്പോൾ ഓപ്പറേഷൻ തെളിമ 2.0 എന്ന പേരിൽ രണ്ടാം ഘട്ടവും സംഘടിപ്പിച്ചത്. സുരക്ഷിതമല്ലാത്ത പാചക എണ്ണ ഉപയോഗിക്കുന്നതും ഭക്ഷ്യ സുരക്ഷാ മാനദണ്ഡങ്ങൾക്കെതിരായി പ്രവർത്തിക്കുന്നതുമായ സ്ഥാപനങ്ങൾക്കെതിരെ കർശനമായ നടപടി സ്വീകരിക്കുമെന്നും പരിശോധനകൾ തുടരുമെന്നും അധികൃതർ അറിയിച്ചിട്ടുണ്ട്. തെളിമയുടെ ഒന്നാം ഘട്ടത്തിലും സംസ്ഥാന വ്യാപകമായി കടകളിലും പലഹാര നിർമ്മാണ കേന്ദ്രങ്ങളിലും  പരിശോധനകൾ നടത്തുകയും നിയമ ലംഘനങ്ങൾ കണ്ടെത്തി നപടി എടുക്കുകയും ചെയ്തിരുന്നു.

English Summary

As part of Operation Thelima 2.0, a state-wide inspection of cooking oil resulted in the destruction of 568 units of used cooking oil and fried snacks that were not prepared under hygienic conditions. Health Minister K. Muraleedharan announced that the licenses of 32 establishments, which failed to comply with food safety standards, have been suspended.

രോമാഞ്ചം എന്ന സിനിമയിലൂടെയാണ് ജിത്തു മാധവൻ എന്ന എഴുത്തുകാരനെയും സംവിധായകനെയും മലയാളികൾക്ക് ലഭിക്കുന്നത്. പിന്നിട് തീയറ്ററുകളിൽ എത്തിയ ആവേഷം അക്ഷരാർത്ഥത്തിൽ തീയറ്ററുകളിൽ ആവേഷം നിറച്ചു. സിനിമാ ആസ്വാദകരെ വിസ്മയിപ്പിച്ച ബാലൻ ദ് ബോയ് എന്ന സിനിമയിലും അദ്ദേഹം ഭാഗമായിരുന്നു. ജിത്തു മാധവിൻ്റെതായി ഇനി തീയറ്ററിലെത്താൻ കാത്തിരിക്കുന്ന ചിത്രം സൂര്യ, നസ്രിയ നസീം, നസ്‌ലൻ ഗഫുർ എന്നിവർ പ്രധാന വേഷങ്ങളിൽ എത്തുന്ന ‘സീൻ’ എന്ന തമിഴ് സിനിമയാണ്. നസ്‌ലൻ വില്ലനായാണ് ചിത്രത്തിൽ വേഷമിടുന്നത് എന്നതാണ് സിനിമയുടെ പ്രത്യേകതകളിൽ ഒന്ന്. ചിത്രത്തിൻ്റെ വിശേഷങ്ങൾ പങ്കുവയ്ക്കുകയാണ് ജിത്തു മാധവൻ ഇപ്പോൾ.

‘സീൻ’ മലയാളത്തിൽ ചെയ്യാൻ ആലോചിച്ചിരുന്ന സിനിമയാണെന്ന് ഗലാട്ട പ്ലസ് എന്ന യുട്യൂബ് ചാനലിൽ ഭരദ്വാജ് രംഗന് നൽകിയ അഭിമുഖത്തിൽ ജിത്തു മാധവൻ പറയുന്നു. സിനിമയുടെ കഥ വളരെ നേരത്തെ തന്നെ മനസ്സിൽ ഉണ്ടായിരുന്നു. എന്നാൽ എഴുതിയിരുന്നില്ല. ആ സമയത്ത് ഫഹദ് ഫാസിലുമായി ഈ കഥ ചർച്ച ചെയ്തിരുന്നു. അദ്ദേഹത്തിന് കഥ ഇഷ്ടപ്പെടുകയും ചെയ്തു. ഫഹദ്- നസ്രിയ കോംപിനേഷനിൽ സിനിമ ചെയ്യാം എന്നായിരുന്നു ആ സമയത്ത് മനസ്സിൽ തീരുമാനിച്ചിരുന്നത് എന്ന് ജിത്തു മാധവൻ വെളിപ്പെടുത്തി.

Also Read: Major Ravi: “ദാവൂദിനെ പിടിക്കാൻ പോകുന്നു എന്ന് പറയുമ്പോൾ മാത്രം എന്തിനാണിത്ര കുരുപൊട്ടുന്നത്”: വിശദീകരണവുമായി മേജർ രവി

‘ആവേശം’ കണ്ട ശേഷമാണ് സൂര്യ സാർ വിളിക്കുന്നത്. അദ്ദേഹത്തോടൊപ്പം ഒരു സിനിമ ചെയ്യണം എന്ന് താൻ ആഗ്രഹിച്ചിരുന്നു. ഫഹദിനോട് മറ്റൊരു കഥ കൂടി പറഞ്ഞിരുന്നു അതും ഫഹദിന് ഇഷ്ടപ്പെട്ടിരുന്നു. അതിനാൽ ഈ കഥ സൂര്യ സാറിന് വേണ്ടി എഴുതുകയാണ് എന്ന് ഫഹദിനോട് പറയുകയായിരുന്നു എന്ന് ജിത്തു മാധവൻ പറഞ്ഞു. രണ്ടാഴ്ചകൊണ്ട് തിരക്കഥ പൂർത്തിയാക്കിയ ശേഷം സൂര്യയോട് കഥ പറയുകയായിരുന്നു എന്നും അദ്ദേഹം കൂട്ടിച്ചേർത്തു.

ചിത്രത്തിലെ വില്ലൻ കഥാപാത്രത്തിനായി പുതുമുഖത്തെ കൊണ്ടുവരാം എന്നായിയിരുന്നു ആദ്യം തൻ്റെ മനസ്സിലെ ചിന്ത എന്നും ജിത്തു മാധവൻ പറയുന്നുണ്ട്. ആ കഥാപത്രത്തെ കണ്ടാൽ ‘ഇയാൾ ഇങ്ങനെയൊക്കെ ചെയ്യുമോ’ എന്ന ഒരു സംശയം പ്രേക്ഷർക്ക് തോന്നണം. ഒരു ക്രൈം ചെയ്യുമ്പോൾ പോലും അങ്ങനെ ഒരു തോന്നൽ പ്രേക്ഷകർക്ക് ഉണ്ടാകണം. നസ്‌ലൻ പെട്ടന്നാണ് തൻ്റെ മനസ്സിലേക്ക് വന്നത്. ഒരു വില്ലൻ കഥാപാത്രം ചെയ്യാൻ അദ്ദേഹം തയ്യാറാകുമോ എന്ന സംശയം മാത്രമേ ഉണ്ടായിരുന്നൊള്ളു. ഡേറ്റുമായി ബന്ധപ്പെട്ട് ചില ആശയക്കുഴപ്പുണ്ടായിരുന്നെങ്കിലും പിന്നിട് നസ്‌ലൻ്റെ കൂടി ഡേറ്റിനനുസരിച്ച് ഷെഡ്യൂലിൽ മാറ്റം വരുത്തുകയായിരുന്നു. കഥാപാത്രത്തെ കൃത്യമായി മനസ്സിലാക്കാൻ നസ്‌ലന് സാധിച്ചു എന്നും ജിത്തു മാധവൻ പറഞ്ഞു.

English Summary

Director Jithu Madhavan revealed that his upcoming Tamil film Scene, starring Suriya and Nazriya, was initially planned with Fahadh Faasil. He also explained casting Naslen as the film's unexpected villain.

ബെംഗളൂരു നഗരത്തിലെ സമയത്തെ കൊല്ലുന്ന ഗതാഗതക്കുരുക്കാണുള്ളത്. സ്ഥിരതാമസക്കാരായ ആളുകൾക്ക് ഈ തിരക്ക് പരിചിതമാണ്. എന്നാൽ ആദ്യമായി ബെം​ഗളൂരുവിൽ എത്തുന്ന ഒരു വ്യക്തിയെ സംബന്ധിച്ച് ഈ തിരക്ക് നല്ല ബുദ്ധിമുട്ട് ഉണ്ടാക്കാറുണ്ട്. തിരക്കിൽ പെടാതെ ലക്ഷ്യസ്ഥാനത്ത് വേഗത്തിൽ എത്തിച്ചേരാൻ ഏറ്റവും അനുയോജ്യമായ മാർഗ്ഗമാണ് ബെം​ഗളൂരുവിലെ നമ്മ മെട്രോ (Bengaluru Namma Metro). എന്നാൽ ആദ്യമായി നമ്മ മെട്രോയിൽ യാത്ര ചെയ്യുന്നവർക്ക് ടിക്കറ്റെടുക്കുന്നതിലും പ്ലാറ്റ്‌ഫോം മാറുന്നതിലും ചെറിയ അബദ്ധങ്ങൾ പറ്റാൻ സാധ്യതയുണ്ട്. യാത്ര തടസ്സമില്ലാതെ സുഗമമാക്കാൻ ആദ്യമായി യാത്ര ചെയ്യുന്നവർ അറിഞ്ഞിരിക്കേണ്ട ചില കാര്യങ്ങൾ നമുക്ക് നോക്കിയാലോ.

ALSO READ: ബെംഗളൂരുവിൽ നിന്ന് ഒരു റോഡ് ട്രിപ്പ് പ്ലാൻ ചെയ്യുകയാണോ? ഈ സ്ഥലങ്ങൾ വിട്ടുപോവരുത്

നമ്മ മെട്രോ ആദ്യ യാത്രയിൽ ശ്രദ്ധിക്കേണ്ടത്

സ്റ്റേഷനിലെ ടിക്കറ്റ് കൗണ്ടറുകളിൽ മണിക്കൂറുകളോളം വരി നിൽക്കാതെ ഫോൺ ഉപയോഗിച്ച് തന്നെ ടിക്കറ്റ് എടുക്കാനാകും എന്നത് ആദ്യമായി എത്തുന്നവർക്ക് അറിയണമെന്നില്ല. അതുകൊണ്ട് തന്നെ പലരും സ്റ്റേഷനിൽ നീണ്ട വരിയിൽ പെടാറുണ്ട്. ബിഎംആർസിഎല്ലിന്റെ ഒഫീഷ്യൽ നമ്പർ ആയ 8105556677 എന്നതിലേക്ക് 'Hi' എന്ന് സന്ദേശം അയച്ച് ലൊക്കേഷൻ തിരഞ്ഞെ‍ടുത്ത് QR ടിക്കറ്റ് സ്വന്തമാക്കാനാകും. അതുപോലെ നമ്മ മെട്രോയുടെ ഔദ്യോഗിക ആപ്പ്, Paytm, PhonePe, Rapido എന്നീ ആപ്പുകൾ വഴിയും ടിക്കറ്റുകൾ ബുക്ക് ചെയ്യാനാകും. ടിക്കറ്റ് നിരക്കിൽ 5 ശതമാനം ഇളവും ഇതിലൂടെ ലഭിക്കും.

പ്ലാറ്റ്‌ഫോമുകൾ കൃത്യമായി തിരിച്ചറിയുക

നിലവിൽ രണ്ടു പ്രധാന പാതകളാണ് നമ്മ മെട്രോയ്ക്കുള്ളത്. ഒന്ന് പർപ്പിൾ ലൈനും രണ്ടാമത്തേത് ​ഗ്രീൻ ലൈനും. പർപ്പിൾ ലൈൻ വൈറ്റ്‌ഫീൽഡ് മുതൽ ചെല്ലഘട്ട വരെയാണുള്ളത്. ഗ്രീൻ ലൈൻ മാദവാര മുതൽ സിൽക്ക് ഇൻസ്റ്റിറ്റ്യൂട്ട് വരെയും ഉണ്ട്. പ്ലാറ്റ്‌ഫോമിൽ നിൽക്കുമ്പോൾ ട്രെയിൻ പോകുന്ന അവസാന സ്റ്റേഷന്റെ പേര് ഡിസ്‌പ്ലേ ബോർഡുകളിൽ നോക്കി ഉറപ്പുവരുത്തി വേണം ട്രെയിനിൽ കയറാൻ.

മജസ്റ്റിക് ഇന്റർചേഞ്ച് സ്റ്റേഷനിലെ ലൈൻ മാറ്റം

പർപ്പിൾ ലൈനിൽ നിന്ന് ഗ്രീൻ ലൈനിലേക്കോ തിരിച്ചോ മാറേണ്ടി വരുമ്പോൾ നാദപ്രഭു കെംപഗൗഡ ഇന്റർചേഞ്ച് സ്റ്റേഷൻ ഉപയോഗിക്കണം. ഏഷ്യയിലെ തന്നെ വലിയ അണ്ടർഗ്രൗണ്ട് സ്റ്റേഷനുകളിൽ ഒന്നാണെന്ന പ്രത്യേകതയും ഇതിനുണ്ട്. ഇവിടെ വഴി തെറ്റാതിരിക്കാൻ തറയിലും വശങ്ങളിലുമുള്ള പർപ്പിൾ, ഗ്രീൻ കളർ സൂചനകളെ വ്യക്തമായി നോക്കി മനസ്സിലാക്കുക. QR ടിക്കറ്റോ സ്മാർട്ട് കാർഡോ ഓട്ടോമാറ്റിക് ഫെയർ കളക്ഷൻ ഗേറ്റിന് മുകളിലെ സ്കാനറിൽ കാണിച്ച് വേണം ഉള്ളിലേക്കും പുറത്തേക്കും കടക്കാൻ.

ഒരു സ്റ്റേഷനിൽ പ്രവേശിച്ചാൽ പരമാവധി 2 മണിക്കൂറിനുള്ളിൽ യാത്ര പൂർത്തിയാക്കി പുറത്തുകടക്കണം. അല്ലാത്തപക്ഷം നിശ്ചിത തുക പിഴ നൽകേണ്ടി വരും. മെട്രോ ട്രെയിനുകൾക്കോ സ്റ്റേഷൻ പരിസരത്തോ വച്ച് ഭക്ഷണപദാർത്ഥങ്ങൾ കഴിക്കുന്നതും മദ്യപിച്ച് യാത്ര ചെയ്യുന്നതും വൻ തുക പിഴ ഈടാക്കാവുന്ന കുറ്റമാണ്. ട്രെയിനിന്റെ ആദ്യത്തെ കോച്ച് സ്ത്രീകൾക്കായി സംവരണം ചെയ്തിട്ടുള്ളതാണ്. സെക്യൂരിറ്റി പരിശോധന ഉള്ളതിനാൽ ബാഗുകളിൽ നിരോധിത വസ്തുക്കളോ മൂർച്ചയുള്ള ആയുധങ്ങളോ കരുതാതിരിക്കുക.

English Summary:

Namma Metro passengers in Bengaluru can now say no to long queues to buy metro travel tokens. The Bangalore Metro Rail Corporation Ltd (BMRCL) has enabled QR ticketing service on WhatsApp.

ബിജു മേനോൻ നായകനായെത്തിയ അവറാച്ചൻ ആൻ്റ് സൺസ് ഒടിടിയിൽ എത്താൻ ഇനി ദിവസങ്ങൾ മാത്രം ബാക്കി. ഒക്ടോബർ അവസാനത്തോടെയാണ് ചിത്രത്തിൻ്റെ ഒടിടി റിലീസ് പറഞ്ഞിരിക്കുന്നത്. അതുകൊണ്ട് തന്നെ ഒക്ടോബർ 31-ന് ചിത്രം എത്തുമെന്ന കാര്യം ഉറപ്പാണ്. ഒക്ടോബർ 2-ന് തീയ്യേറ്ററിലെത്തിയ ചിത്രത്തിന് ബോക്സോഫീസിൽ കാര്യമായ ചലനമൊന്നും ഉണ്ടാക്കാൻ സാധിച്ചിട്ടില്ലെന്നതാണ് സത്യം. അമൽ ഷീലാ തമ്പി സംവിധാനം ചെയ്ത ചിത്രം നിർമ്മിച്ചിരിക്കുന്നത് ലിസ്റ്റിൻ സ്റ്റീഫനാണ്. ചിത്രത്തിലെ കേന്ദ്ര കഥാപാത്രം അവറാച്ചനായി എത്തുന്നത് ബിജുമേനോനാണ്. ഒപ്പം ഉർവ്വശിയും ചിത്രത്തിൽ എത്തുന്നുണ്ട്.

എതാണ് ചിത്രം എത്തുന്ന പ്ലാറ്റ്ഫോം

ചിത്രം ഒക്ടോബർ 30-ന് നെറ്റ്ഫ്കിക്സിൽ സ്ട്രീം ചെയ്യുമെന്നാണ് വിവരം. മലയാളം കൂടാതെ തമിഴ്, തെലുഗ്, ഹിന്ദി, കന്നട ഭാഷകളിലും ചിത്രം സ്ട്രീം ചെയ്യുമെന്ന് അണിയറ പ്രവർത്തകർ പങ്കുവെച്ച അപ്ഡേറ്റിൽ വ്യക്തമാക്കുന്നുണ്ട്. എന്തായാലും ഒക്ടോബർ 30 രാത്രി 12-ന് ശേഷം പ്രേക്ഷകർക്ക് ചിത്രം ഒടിടിയിൽ കാണാൻ സാധിക്കും.

ട്വീറ്റിങ്ങനെ

#AvaraachanAndSons starring Biju Menon, Sreenath Bhasi, and Ganapathi streams from October 30, exclusively on Netflix! https://t.co/GpLdVRbmlm

— Cine Probe🍿 (@Cineprobe) October 26, 2026

ALSO READ:ദുൽഖർ സൽമാൻ നിങ്ങടെ വീട്ടിലെത്തിയത് മേനോൻ ആയിട്ടോ? മറുപടി നൽകി അഹാന കൃഷ്ണ

പ്രധാന താരങ്ങൾ

ബിജുമേനോൻ, ഉർവ്വശി എന്നിവരെ കൂടാതെ ശ്രീനാഥ് ഭാസി, ഗണപതി, ഗ്രേസ് ആൻ്റണി, അഖില ഭാർഗവൻ, ജോണി ആൻ്റണി, കോട്ടയം നസീർ, സാബുമോൻ, പോളി വത്സൻ, പാർവ്വതി ബാബു എന്നിവരും ചിത്രത്തിൽ വിവിധ വേഷങ്ങളിലെത്തുന്നുണ്ട്. 2 മണിക്കൂർ 14 മിനുട്ടാണ് ചിത്രത്തിൻ്റെ ദൈർഘ്യം. അതുകൊണ്ട് തന്നെ അധിക നേരം ബോറടിപ്പിക്കുന്നതൊന്നും ചിത്രത്തിലില്ല. തീയ്യേറ്ററിൽ കാര്യമായ ശ്രദ്ധ നേടിയില്ലെങ്കിലും നിരൂപകരിൽ നിന്നും സമ്മിശ്ര പ്രതികരണമാണ് അവറാച്ചൻ ആൻ്റ് സൺസിന് ലഭിച്ചത്. എന്തായാലും ചിത്രം ഒടിടിയിൽ കാണാൻ കാത്തിരിക്കുകയാണ് ഒരു വിഭാഗം പ്രേക്ഷകർ.

English Summary

Biju Menon Starrer Movie Avaraachan and Sons OTT Release Update; This Movie  will Stream on October 30 in Netflix from the Midnight, Film get Mixed Reviews and Response from the Audience.

പാലക്കാട്: സംസ്ഥാനത്ത് നവംബർ മൂന്ന് മുതൽ അനിശ്ചിതകാല സ്വകാര്യ ബസ് സമരം. സ്വകാര്യ ബസ് ഉടമകളുടെ ആറ് സംഘടനകൾ ഉൾപ്പെട്ട സംയുക്ത സമരസമിതിയാണ് അനിശ്ചിതകാല സമരത്തിന് ആഹ്വാനം നൽകിയിരിക്കുന്നത്. സമരം ആരംഭിക്കുമെന്ന് ഈ മാസം 16ന് സർക്കാരിനെ അറിയിച്ചിരുന്നു എങ്കിലും യാതൊരുവിധ അനുകൂല തീരുമാനവും ഉണ്ടാകാത്ത സാഹചര്യത്തിലാണ് അനിശ്ചിതകാല സമരം ആരംഭിക്കുന്നത് എന്ന് ബസ് ഉടമകൾ അറിയിച്ചു.

കേരള ബസ് ട്രാൻസ്പോർട്ട് അസോസിയേഷൻ, ഓൾ കേരള ബസ് ഓപ്പറേറ്റേഴ്സ് ഫോറം, ഓൾ കേരള ബസ് ഓപ്പറേറ്റേഴ്സ് ഓർഗനൈസേഷൻ, കേരള പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ, കേളബസ് ഓപ്പറേറ്റേഴ്സ് കോഡിനേഷൻ കമ്മിറ്റി തുടങ്ങിയ സംഘടനകളാണ് സംയുക്തമായി സമരത്തിന് ആഹ്വാനം നൽകിയിരിക്കുന്നത്. നിലനിൽപ്പിന്റെ വിഷയമാണെന്നും നിരക്ക് വർദ്ധന ഉൾപ്പെടെയുള്ള കാര്യങ്ങൾ ആവശ്യമാണെന്നും ഉടമകൾ പറയുന്നു.

Also Read: ചേരാനല്ലൂർ വാഹനാപകടം , സി.ഐ ഉൾപ്പെടെ നാല് പോലീസ് ഉദ്യോ​ഗസ്ഥർക്ക് സസ്പെൻഷൻ

കെഎസ്ആർടിസി ബസ്സുകളിൽ വനിതകൾക്ക് സൗജന്യ യാത്ര അനുവദിക്കുന്ന പ്രിയദർശിനി പദ്ധതിയെ തുടർന്ന് സ്വകാര്യ ബസ്സുകളിലെ ഉപജീവന മാർഗ്ഗം പ്രതിസന്ധിയിലായ സാഹചര്യമാണ് എന്നും ബസ്സ് ജീവനക്കാരുടെ കുടുംബങ്ങൾ വളരെ ദുരിതത്തിലാണ് മുന്നോട്ടുപോകുന്നത് എന്നും ഉടമകൾ പറയുന്നു. ഈ സാഹചര്യത്തിൽ നിരക്ക് വർദ്ധനവും നിലവിൽ വിദ്യാർഥികൾക്ക് നൽകിവരുന്ന കൺസഷൻ ഉയർത്തണമെന്നും ഉൾപ്പെടെയുള്ള ആവശ്യങ്ങളാണ് ബസ്സുടമകൾ മുന്നോട്ടുവയ്ക്കുന്നത്.

ഈ വിഷയത്തിൽ സർക്കാരിന്റെ ഭാഗത്തുനിന്ന് ഇതുവരെ പ്രതികരണം ഒന്നും ഉണ്ടായിട്ടില്ല. വൈകാതെ തന്നെ ഗതാഗത വകുപ്പിന്റെ ഭാഗത്തു നിന്ന് വിഷയത്തിൽ പ്രതികരണമോ മറുപടിയോ ഉണ്ടാകുമെന്നാണ് കരുതുന്നത്. പ്രിയദര്‍ശിനി പദ്ധതി ആരംഭിച്ചപ്പോൾ തന്നെ സ്വകാര്യ ബസ് ഉടമകൾ എതിർപ്പുമായി രംഗത്ത് വന്നിരുന്നു. പദ്ധതിമൂലം തങ്ങൾക്കുണ്ടാകുന്ന നഷ്ടം സർക്കാർ നികത്തണം എന്നാണ് ബസ് ഉടമകൾ പ്രധനമായും പറയുന്നത്. നവംബർ മുതൽ സർവീസുകൾ പൂർണമായി നിർത്തി സമരത്തിലേക് പോകുമെന്ന് സ്വകാര്യ ബസ് ഓപ്പറേറ്റേഴ്സ് ഫെഡറേഷൻ നേരത്തെ, അറിയിച്ചിരുന്നു. സർക്കാരിന്റെ പ്രിയദർശിനി സൗജന്യ യാത്ര പദ്ധതി നടപ്പിലാക്കിയ റൂട്ടുകളിൽ ഡീസൽ അടിക്കാനോ തൊഴിലാളികൾക്ക് മാന്യമായ വേതനം നൽകാനോ പോലും വരുമാനം ലഭിക്കാതെ സർവീസ് നടത്തുന്ന സ്വകാര്യ ബസുകളെ സംരക്ഷിക്കുന്നതിനാവശ്യമായ നടപടികൾ സ്വീകരിക്കണമെന്നാണ് ഇവർ പറയുന്നത്.

English Summary

An indefinite strike by private buses is set to begin in the state on November 3rd. The call for this indefinite strike was issued by a joint action committee comprising six associations of private bus owners. The bus owners stated that although they had informed the government on the 16th of this month that the strike would commence, they are proceeding with the indefinite strike as no favorable decision has been reached.

ദാവൂദ് ഇബ്രാഹിമിനെ വധിക്കാൻ പദ്ധതിയിട്ടിരുന്നു എന്ന മേജർ രവിയുടെ അവകാശവാദം ട്രോളുകളായി സാമൂഹ്യ മാധ്യമങ്ങളിലാകെ നിറയുന്നതിനിടെ കാര്യങ്ങൾ വീണ്ടും വിശദീകരിച്ച് മേജർ രവി. മൂവി വേൾഡ് മീഡിയ എന്ന യുട്യൂബ് ചാനലിന് നൽകിയ അഭിമുഖത്തിലാണ് മേജർ രവിയൂടെ പുതിയ വെളിപ്പെടുത്തലുകൾ. ദാവൂദ് ഇബ്രാഹിമിനെ വധിക്കാൻ പദ്ധതിയിട്ടിരുന്നു എന്ന് പറയുമ്പോൾ എന്തിനാണിത്ര അസഹിഷ്ണുത എന്ന് മേജർ രവി ചോദിക്കുന്നുണ്ട്. ദാവൂദ് ഇബ്രാഹിമിനെ കുറിച്ചുള്ള രഹസ്യ വിവരങ്ങൾ വർഷങ്ങൾക്ക് മുൻപ് തന്നെ തനിക്ക് ലഭിച്ചിരുന്നു എന്നും മേജർ രവി വെളിപ്പെടുത്തുന്നുണ്ട്.

2017-ലാണ് ഡൽഹിലുള്ള ബി.ജെ.പി നേതാവ് പുരുഷോത്തമൻ വഴി അപ്പോയിൻമെൻ്റ് എടുക്കുന്നത്. ഞങ്ങൾ ഇരുന്ന് കാര്യങ്ങൾ ചർച്ച ചെയ്യുന്ന ചിത്രം ഇപ്പോഴും കയ്യിലുണ്ട്. ട്രോൾ ചെയ്യുന്നവർക്കും കളിയാക്കുന്നവർക്കും ചിന്തിക്കാൻ ;പോലും കഴിയാത്ത കാര്യങ്ങളാണ് ഇതെല്ലാം. “ദാവൂദ് ആ കാലത്ത് തന്നെ ഡയബറ്റിസ് ബധിച്ച് കിടപ്പിലായിരുന്നു. പക്ഷേ ഇത്ര പഴുത്തിട്ടില്ല. ചക്ക പഴുത്ത പോലെ കിടപ്പിലാണ് ഇപ്പോൾ. അന്ന് ഡയബറ്റിസ് ബാധിച്ച് കയ്യും കാലും ഒന്നും അനക്കാനാകുമായിരുന്നില്ല. മുന്നിലുണ്ടായിരുന്ന പള്ളിയിൽ പോയിരുന്നത് പോലും വിൽ ചെയറിലായിരുന്നു” മേജർ രവി പറഞ്ഞു.

Also Read: “സലിം കുമാറിന് ആദരാഞ്ജലി അർപ്പിക്കാൻ പോയപ്പോൾ ഒരാൾ കൊച്ചിൻ ഹനീഫയെ അനുകരിക്കാൻ ആവശ്യപ്പെട്ടു”; കോട്ടയം നസീർ

ഈ കാര്യങ്ങളെല്ലാം അന്ന് വിശദമായി ആഭ്യന്തര മന്ത്രാലയത്തെ അറിയിച്ചിരുന്നു. എവിടെ നിന്നുമാണ് ഈ വിവരങ്ങൾ ലഭിച്ചത് എന്ന് ചോദിച്ച് അവർ പോലും അന്താളിച്ചുപോയിട്ടുണ്ട് എന്നും മേജർ രവി പറയുന്നു. “ദാവൂദിനെ പിടിക്കാൻ പോകുന്നു എന്ന് പറയുമ്പോൾ മാത്രം നിങ്ങൾക്കെന്തിനാണിത്ര കുരു പൊട്ടുന്നത്” എന്നും മേജർ രവി ചോദിക്കുന്നുണ്ട്. “പ്രധാനമന്ത്രിയെ വധിക്കാൻ ശ്രമിച്ചു എന്നോ പാർലമെൻ്റ് ആക്രമിക്കാൻ ശ്രമിച്ചു എന്നോ അമ്പലം തകർക്കാൻ ശ്രമിച്ചു എന്നൊന്നുമല്ലല്ലോ പറഞ്ഞത്. ദവൂദിൻ്റെ പേര് പറഞ്ഞപ്പോഴല്ലെ കഴിഞ്ഞ രണ്ട് ആഴ്ചയായി സൈബർ ആക്രമണങ്ങൾ ഉണ്ടാകുന്നത്. എന്തുകൊണ്ടാണ് ദാവൂദിനെ ഹീറോയായും മേജർ രവി ആക്രമിക്കപ്പെടേണ്ടയാൾ എന്ന നിലയിലും കാണുന്നത്” അദ്ദേഹം ചോദിക്കുന്നു.

ഈ രാജ്യത്തെ പട്ടാളക്കാരെ കുറിച്ച് നിങ്ങൾക്കറിയില്ല. 2008-ലെ മോഹിത് ശർമ്മയുടെ ഓപറേഷനെ കുറിച്ച് സിനിമയിലൂടെ അറിഞ്ഞിട്ടുണ്ടാകും. അതുപോലെ ഒരുപാട് പേർ രാജ്യത്തിനായി പല ഓപറേഷനുകളും നടത്തിയിട്ടുണ്ട്. മോഹിത് ശർമ അന്ന് പാകിസ്ഥാനിൽ പോയി അവരുടെ ക്യാമ്പിൽ കടന്ന് 34 പേരെ വധിച്ചാണ് തിരികെ വന്നത്. വെറും നാലോ അഞ്ചോ ദിവസങ്ങൾക്കൊണ്ടാണ് അദ്ദേഹം ഓപറേഷൻ പൂർത്തിയാക്കിയത്. അദ്ദേഹത്തെ നേരിട്ട് കണ്ടിട്ടുണ്ട്. വലിയ സൈസുള്ള ആളൊന്നുമല്ല. പക്ഷേ കണ്ണിലെ ശൗര്യം കണ്ടാൽ തന്നെ മനസ്സിലാകും. അങ്ങനെയുള്ളവരെ അഭിനന്ദിക്കാൻ പഠിക്കണം, അല്ലാതെ ‘അവൻ വെറുതെ പുളുവടിക്കുകയാണ്” എന്ന് പറഞ്ഞ് അപമാനിക്കുകയല്ല വേണ്ടത് എന്നും മേജർ രവി വ്യക്തമാക്കി.

English Summary

Responding to social media trolls, Major Ravi defended his claims about a past plot to eliminate Dawood Ibrahim. He questioned the public's outrage over targeting a wanted terrorist.

ഡൽഹി: നൂറ് ശതമാനം എഥനോൾ‌ അടങ്ങിയ E100 ഫ്യുവലിന് അം​ഗീകാരം നൽകി കേന്ദ്ര റോഡ് ഗതാഗത, ഹൈവേ മന്ത്രാലയം. ഫ്ലക്സ് ഫ്യുവലിൽ ഓടുന്ന വാഹനങ്ങളിൽ E100 ഇന്ധനം ഉപയോ​ഗിക്കുന്നതിനുള്ള ഔദ്യോഗിക അംഗീകാരമാണ് കേന്ദ്ര സർക്കാർ നൽകിയിരിക്കുന്നത്. ഇതോടെ ഇന്ത്യൻ വാഹന വിപണയിൽ വിപ്ലവകരമായ മാറ്റത്തിനാണ് വഴി തുറക്കുന്നത്. ഇതോടെ, ഏകദേശം 100 ശതമാനം എത്തനോളിൽ പ്രവർത്തിക്കാൻ കഴിയുന്ന വാ​ഹനങ്ങൾ ഇന്ത്യൻ നിരത്തിലറിങ്ങും.

പുതിയ ഭേ​ദ​ഗതി

പരമ്പരാ​ഗത ഇന്ധനങ്ങളായ പെട്രോളിൽ നിന്നും ഡീസലിൽ നിന്നും മാറി, എഥനോളിൽ പ്രവർത്തിക്കാൻ സജ്ജമായ കൂടുതൽ വാഹനങ്ങൾ ഇന്ത്യയിൽ അവതരിപ്പിക്കാൻ വാഹന നിർമ്മാതാക്കളെ പ്രോത്സാഹിപ്പിക്കുന്ന തീരുമാനമാണ് ഇത്. ഇത് രാജ്യത്തേക്കുള്ള ഇന്ധന ഇറക്കുമതിയെ കുറയ്ക്കുന്നതിനും സാഹായിക്കും. നൂറ് ശതമാനം എഥനോൾ അടങ്ങിയ ഇന്ധനത്തിന് അം​ഗീകാരം നൽകുന്നതിനുള്ള വിജ്ഞാപനം ഒക്ടോബർ 23-ന് മന്ത്രാലയം വിജ്ഞാപനം പുറപ്പെടുവിക്കുകയും, തുടർട്ട് അത് ​ഗസറ്റിൽ പ്രസിദ്ധീകരിക്കുകയുമായിരുന്നു. 1989-ലെ കേന്ദ്ര മോട്ടോർ വെഹിക്കിൾസ് ചട്ടങ്ങളിൽ വരുത്തിയാണ് പുതിയ തീരുമാനം. നേരത്തെ തന്നെ അം​ഗീകാരം നൽകിയ E85-നൊപ്പം E100 ഇന്ധനവും ഉൾപ്പെടുത്തിയാണ് ഭേ​ദ​ഗതി.

Also Read: കാഴ്ച പരിശോധന മാത്രം പോര, ​ഡ്രൈവിം​ഗ് ലൈസൻസിന് കൂടുതൽ ആരോ​ഗ്യ വിവരങ്ങൾ കൂടി വെളിപ്പെടുത്തേണ്ടി വരും

എന്താണ് E100 ഇന്ധനം?

നിലവിൽ ഇന്ത്യയിൽ വിൽക്കുന്ന പെട്രോൾ E20 ഇന്ധനമാണ്. അതായത് 20 ശതമാനം എഥനോൾ അടങ്ങിയ പെട്രോൾ ആണ് ഉള്ളത്. ഇതിന് പുറമെ മാസങ്ങൾക്ക് മുമ്പ് E85 ഇന്ധനവും അതിൽ സു​ഗമമായി ഓടുന്ന വാഹന മോഡലുകളും ഇന്ത്യയിൽ അവതരിപ്പിക്കപ്പെട്ടിരുന്നു. പേര് പോലെ തന്നെ ഇതിൽ 85 ശതമാനം എഥനോളും ബാക്കി പെട്രോളുമാണ് വരുന്നത്. ഇത് E100 ലേക്ക് വരുമ്പോൾ പെട്രോളിന്റെ അംശം വളരെ കുറച്ച് ഏകദേശം നൂറ് ശതമാനത്തോളം എഥനോളാകും ഉണ്ടാവുക. പൊതുവെ ഫ്ലക്സ് ഫ്യുവൽ എന്നാണ് ഈ ഇന്ധന രൂപത്തെ അറിയപ്പെടുന്നത്

ഏതൊക്കെ മോഡലുകളിൽ

സാധാരണ പെട്രോൾ കാറുകൾ E100 ഇന്ധനത്തിലേക്ക് മാറ്റി ഉപയോ​ഗിക്കാൻ കഴിയില്ല. ഇതിനായി പ്രത്യേകം നിർമ്മിച്ച വാഹനങ്ങളിൽ മാത്രമേ നൂറ് ശതമാനം എഥനോളുള്ള ഇന്ധനം ഉപയോ​ഗിക്കാൻ കഴിയൂ. ഈ പുതിയ തീരുമാനം വന്നതോടെ E100 ഇന്ധനത്തിൽ പ്രവർത്തിക്കാൻ ശേഷിയുള്ള വാഹനങ്ങൾ പരീക്ഷിക്കുന്നതിനും അവതരിപ്പിക്കുന്നതിനും വാഹന നിർമ്മാതാക്കൾക്ക് കഴിയും. അതേ സമയം രാജ്യവ്യാപകമായി E100 ഇന്ധനം ലഭ്യമാക്കുന്നതിനെക്കുറിച്ചോ, ഇത്തരം വാഹനങ്ങളുടെ വില സംബന്ധിച്ചോ സർക്കാർ ഇതുവരെ അറിയിപ്പൊന്നും നൽകിയിട്ടില്ല.

English Summary

The Union Ministry of Road Transport and Highways has granted approval for E100 fuel, which consists of 100 percent ethanol. The central government has authorized the use of E100 in vehicles designed to run on flex-fuel. This development paves the way for a revolutionary shift in the Indian automotive market.

ദീപാവലി ആഘോഷ വേളയിൽ നാട്ടിലേക്ക് തിരിക്കുന്ന മലയാളി യാത്രക്കാർക്ക് സന്തോഷവാർത്ത. ഡൽഹിയിൽ (ഹസ്രത്ത് നിസാമുദ്ദീൻ / ന്യൂഡൽഹി) നിന്ന് തിരുവനന്തപുരം നോർത്തിലേക്കാണ് (കൊച്ചുവേളി) ദീപാവലി സ്പെഷ്യൽ ട്രെയിൻ ഇന്ത്യൻ റെയിൽവേ സർവീസ് പ്രഖ്യാപിച്ചിരിക്കുന്നത്. ടിക്കറ്റ് ബുക്കിങ് ഔദ്യോഗികമായി ആരംഭിച്ചിട്ടുണ്ട്. നവംബർ രണ്ട്, ഒമ്പത്, നാല് എന്നീ തീയതികളിൽ ഉച്ചയ്ക്ക് രണ്ടിന് തിരുവനന്തപുരം നോർത്തിൽ നിന്നുള്ള സർവീസുകൾ ആരംഭിക്കും. അതെസമയം നിസാമുദ്ദീനിൽ നിന്ന് അഞ്ച്, 12, 7 തീയതികളിലാണ് സർവീസ് നടക്കുക. രാവിലെ 5.45ന് നിസാമുദ്ദീനിൽ നിന്ന് ട്രെയിൻ പുറപ്പെടും.

പൂർണ്ണമായും എസി കോച്ചുകൾ മാത്രമാണ് ഈ സ്പെഷ്യൽ ട്രെയിനുകളിൽ ഉണ്ടാവുക. 10 തേർഡ് എസിയും, 6 തേർഡ് എസി ഇക്കോണമി കോച്ചുകളും സ്പെഷ്യൽ ട്രെയിൻ സർവീസിൽ ഉൾപ്പെടുത്തിയിട്ടുണ്ട്. IRCTC ഔദ്യോഗിക ആപ്പ് അല്ലെങ്കിൽ www.irctc.co.in വെബ്‌സൈറ്റ് വഴി ഓൺലൈനായി ടിക്കറ്റുകൾ ബുക്ക് ചെയ്യാം. റെയിൽവേ സ്റ്റേഷൻ കൗണ്ടറുകൾ വഴിയും നേരിട്ട് ടിക്കറ്റ് റിസർവ് ചെയ്യാം.

ALSO READ: ആലപ്പുഴയിൽ നിന്ന് പുതിയ ട്രെയിൻ? ടാറ്റാനഗർ എക്സ്പ്രസ് നീട്ടിയേക്കില്ല

തിരുവനന്തപുരം നോർത്തിൽ നിന്ന് പുറപ്പെടുന്ന ട്രെയിൻ കേരളത്തിലെ വർക്കല, കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം, ആലുവ, തൃശ്ശൂർ, പാലക്കാട് എന്നിവിടങ്ങളിൽ സ്പെഷ്യൽ ട്രെയിനിന് സ്റ്റോപ്പുണ്ടാകും. പ്രത്യേക ട്രെയിനുകൾക്ക് വർക്കല ശിവഗിരി, കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട്, പോടന്നൂർ, തിരുപ്പൂർ, ഈറോഡ്, സേലം, ജോലാർപേട്ട, കാട്പാടി, റേണിഗുണ്ട, ഒന്ഗോള, നെല്ലൂർ, ചിറയൂർ, ഒന്ഗോള, നെല്ലൂർ, ഒന്ഗോള, നെല്ലൂർ, നെല്ലൂർ, നെല്ലൂർ എന്നിവിടങ്ങളിൽ സ്റ്റോപ്പുണ്ടാകും.

ട്രെയിനിൻ്റെ പൂർണ വിവരം

ട്രെയിൻ നമ്പർ. 06073 (തിരുവനന്തപുരം നോർത്ത് ഹസ്രത്ത് നിസാമുദ്ദീൻ): 2026 നവംബർ രണ്ട്, നാല്, ഒമ്പത് എന്നീ തീയതികളിൽ തിങ്കളാഴ്ചകളിലാണ് ഈ സർവീസ് ക്രമീകരിച്ചിരിക്കുന്നത്. തിരുവനന്തപുരം നോർത്തിൽ നിന്ന് രണ്ട് മണിക്ക് പുറപ്പെടും. ഈ ട്രെയിൻ ഹസ്രത്ത് നിസാമുദ്ദീനിൽ മൂന്നാം ദിവസം - ബുധനാഴ്ച) 11.50 ന് എത്തിച്ചേരും.

ട്രെയിൻ നമ്പർ. 06074 (ഹസ്രത്ത് നിസാമുദ്ദീൻ തിരുവനന്തപുരം നോർത്ത്): 2026 നവംബർ 05, 12, 7 വ്യാഴാഴ്ചകളിലാണ് ഈ ട്രെയിൻ ഹസ്രത്ത് നിസാമുദ്ദീനിൽ നിന്ന് യാത്ര പുറപ്പെടുക. രാവിലെ 5.45 ന് വണ്ടിയെടുക്കും. തിരുവനന്തപുരം നോർത്തിൽ മൂന്നാം ദിവസം (ശനിയാഴ്ച) 4.30 ന് എത്തിച്ചേരും.

English Summary:

Indian Railways has officially opened ticket bookings for the Delhi to Kochuveli Diwali Special Train. Running via major stops including Kozhikode, Shoranur, and Ernakulam.

വിശാഖപട്ടണം: മധ്യ ബംഗാൾ ഉൾക്കടലിൽ രൂപപ്പെട്ട 'അർണബ്' (Cyclone Arnab) അതിശക്തമായ ചുഴലിക്കാറ്റായി മാറുന്നു. കരതൊടാൻ ഇനി മണിക്കൂറുകൾ മാത്രം ബാക്കിനിൽക്കുന്ന പശ്ചാത്തലത്തിൽ വടക്കൻ ആന്ധ്രാപ്രദേശിലെ വിശാഖപട്ടണത്തും ഒഡിഷ തീരങ്ങളിലും കനത്ത മഴയാണ് റിപ്പോർട്ട് ചെയ്യുന്നത്. ചുഴലിക്കാറ്റിനെ തുടർന്ന് ജനങ്ങളുടെ സുരക്ഷ മുൻനിർത്തി വൻ തോതിലുള്ള ഒഴിപ്പിക്കലുകളും യാത്രാ നിയന്ത്രണങ്ങളുമാണ് അധികൃതർ നടപ്പിലാക്കിയിരിക്കുന്നത്.

അർണബ് അതിതീവ്ര ചുഴലിക്കാറ്റായി കരയിലേക്ക് നീങ്ങാൻ തുടങ്ങിയതോടെ അതീവ ജാഗ്രതയിൽ ആന്ധ്രാപ്രദേശും ഒഡിഷയും. വിശാഖപട്ടണത്തും ഒഡിഷയിലും അതിശക്തമായ മഴയാണ് പെയ്തുകൊണ്ടിരിക്കുന്നത്. കാറ്റ് ശക്തി പ്രാപിച്ച് തുടങ്ങിയതോടെ ആന്ധ്രാ തീരത്ത് കടൽ പ്രക്ഷുബ്ധമായിരിക്കുകയാണ്. തിരമാലകൾ 14 മീറ്റർ വരെ ഉയരാമെന്നാണ് ദുരന്ത നിവാരണ സേനയുടെ മുന്നറിയിപ്പ്. ആന്ധ്രയിലെ കാക്കിനടയിൽ നിന്ന് 89,000 പേരെയാണ് സുരക്ഷയുടെ ഭാ​ഗമായി ഒഴിപ്പിച്ചിരിക്കുന്നത്. നാളെ പുലർച്ചെയോടെ ചുഴലികാറ്റ് കര തൊടുമെന്നാണ് കാലാവസ്ഥ വകുപ്പിൻ്റെ പ്രവചനം.

ALSO READ: ‘ഓർണബ്’ അതിതീവ്ര ചുഴലിക്കാറ്റായി: നാളെ കരതൊടും; ഇന്നും നാളെയുമായി 53 ട്രെയിനുകൾ റദ്ദാക്കി

ട്രെയിനുകളും വിമാന സർവീസുകളും റദ്ദാക്കി

ചുഴലിക്കാറ്റ് ശക്തമായി നിലനിൽക്കുന്ന സാഹചര്യത്തിലും നാളെ പുലർച്ചയോടെ കരതൊടുമെന്ന മുന്നറിയിപ്പിനെ തുടർന്നും നാല് വിമാനസർവീസുകൾ റദ്ദാക്കുകയും നാല് എണ്ണം വഴിതിരിച്ചുവിടുകയും ചെയ്തു. 72 ട്രെയിനുകളാണ് ഇതുവരെ റദ്ദാക്കിയിരിക്കുന്നത്. ചുഴലിക്കാറ്റിന്റെ ഫലമായി ഉണ്ടായ അന്തരീക്ഷ വ്യതിയാനം കാരണം അയൽരാജ്യങ്ങളായ ശ്രീലങ്കയിലും നേപ്പാളിലും ജാ​ഗ്രത നിർദേശം പുറപ്പെടുവിച്ചിട്ടുണ്ട്. വിശാഖപട്ടണം, കാക്കിനാട, ഖോർധ തുടങ്ങിയ ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്.

അതീവ സുരക്ഷയുമായി ആന്ധ്രയും ഒഡിഷയും

ആന്ധ്രയിൽ യാനത്തിനും കാക്കിനടയ്ക്കും ഇടയിലുള്ള പ്രദേശത്താണ് അർണബ് കരതൊടാൻ ഒരുങ്ങുന്നത്. കരതൊട്ട് കഴി‌‌‌ഞ്ഞാൽ മണിക്കൂറിൽ 140 കിലോമീറ്റർ വരെ വേഗതയിൽ ശക്തമായ കാറ്റ് വീശയടിക്കുമെന്നാണ് മുന്നറിയിപ്പ്. ഇത് മുന്നിൽക്കണ്ട് വലിയ സുരക്ഷയാണ് ആന്ധ്രയും ഒഡിഷയും ഒരുക്കിയിരിക്കുന്നത്. കാക്കിനട തീരത്തുനിന്ന് മാത്രം 89,000 പേരെ ദുരിതാശ്വാസ ക്യാമ്പുകളിലേക്ക് മാറ്റി. ആന്ധ്രയിലെ ഹോപ് ഐലൻഡ് പ്രദേശത്തെ ആളുകളെ പൂർണമായും ഒഴിപ്പിച്ചവെന്നാണ് റിപ്പോർട്ട്.

സംസ്ഥാനത്തിൻ്റെ വിവിധ ഭാ​ഗങ്ങളിലായി 1400ൽ ഏറെ ദുരിതാശ്വാസ ക്യാമ്പുകളാണ് തയ്യാറാക്കിയിരിക്കുന്നത്. നാലായിരത്തിലേറെ ഗർഭിണികളെ സുരക്ഷിത താവളങ്ങളിലെത്തിച്ചു. കടലിൽ പോയ മീൻപിടിത്ത ബോട്ടുകളെല്ലാം സുരക്ഷിതമായി തീരത്ത് അടുപ്പിച്ചതായാണ് വിവരം. ആന്ധ്രയുടെ അയൽ സംസ്ഥാനമായ ഒഡിഷയും കനത്ത ജാഗ്രതയിലാണ്. ഒഡിഷയിൽ പലയിടത്തും മഴ കനത്ത മഴ ലഭിക്കുന്നുണ്ട്. ആന്ധ്രാ തീരത്ത് ഇന്നും നാളെയും അതിശക്തമായ മഴയുണ്ടാകുമെന്നാണ് കാലാവസ്ഥ വിഭാ​ഗത്തിൻ്റെ മുന്നറിയിപ്പ്. ഇതേതുടർന്ന് ഒഡിഷയിൽ നാളെ അതിതീവ്ര മഴ മുന്നറിയിപ്പ് നൽകിയിട്ടുണ്ട്. ചുഴലിക്കാറ്റിൻ്റെ സ്വാധീനഫലമായി ഛത്തിസ്ഗഡ്, യുപി സംസ്ഥാനങ്ങളിലും മഴ കനക്കുമെന്നാണ് അറിയിപ്പ്.

English Summary:

Cyclone Arnab has intensified into a very severe cyclonic storm over the west-central Bay of Bengal. The cyclone’s impact was also reported at Gannavaram Airport in Krishna district, where several flights were cancelled in view of the weather warning.

കൊച്ചി: ചേരാനല്ലൂരിൽ അമിത വേഗതയിൽ സഞ്ചരിച്ച ബെൻസ് കാറിടിച്ച് സ്കൂട്ടർ യാത്രികൻ മരിച്ച കേസിൽ വീഴ്ച വരുത്തിയ നാലു പോലീസ് ഉദ്യോഗസ്ഥരെ സസ്പെൻഡ് ചെയ്തു. സർക്കിൾ ഇൻസ്പെക്ടർ, സ്റ്റേഷൻ ഹൗസ് ഓഫീസർ, ഗ്രേഡ് എസ് ഐ, ഒരു സിവിൽ പോലീസ് ഓഫീസർ എന്നിവരെയാണ് സസ്പെൻഡ് ചെയ്തിരിക്കുന്നത്. കേസ് കൈകാര്യം ചെയ്ത രീതിയിൽ പോലീസിന് ഗുരുതരമായ വീഴ്ച സംഭവിച്ചു എന്ന ആരോപണം ശക്തമായി ഉയർന്നിരുന്നു. ആഭ്യന്തരവകുപ്പ് മന്ത്രി തന്നെ പോലീസ് വീഴ്ച സംഭവിച്ചെന്ന് അംഗീകരിക്കുകയും ശക്തമായ നടപടി ഉണ്ടാകുമെന്ന് ഉറപ്പു നൽകുകയും ചെയ്തിരുന്നു. ഇതിനെ തുടർന്നാണ് ഇപ്പോൾ ഉദ്യോഗസ്ഥരെ സസ്പെൻഡ് ചെയ്തിരിക്കുന്നത്.

കഴിഞ്ഞ ദിവസം 17 കാരൻ അമിത വേഗതയിൽ ഓടിച്ച ബെൻസ് കാറിടിച്ചാണ് തട്ടുകട നടത്തിയിരുന്ന ജയപാലകൃഷ്ണൻ ദാരുണമായി കൊല്ലപ്പെടുന്നത്. തുടക്കത്തിൽ മനപ്പൂർവ്വമല്ലാത്ത നരഹത്യക്കാണ് പോലീസ് കേസെടുത്തിരുന്നത്. ഇതിനെതിരെ വ്യാപക വിമർശനം ഉയർന്നതോടെ ആഭ്യന്തരവകുപ്പ് മന്ത്രി തന്നെ നേരിട്ട് ഇടപെടുന്ന സാഹചര്യമുണ്ടായി. തുടർന്ന് വകുപ്പു മാറ്റി കേസെടുത്തെങ്കിലും 17 കാരന് ജാമ്യം ലഭിക്കുന്ന സാഹചര്യം ഉണ്ടായി. വിഷയത്തിൽ മരിച്ച ജയപാലകൃഷ്ണന്റെ മക്കളടക്കം പോലീസ് സ്റ്റേഷനു മുന്നിൽ കുത്തിയിരുന്ന് സമരം നടത്തുന്ന സാഹചര്യം ഉണ്ടായിരുന്നു.

Also Read: ചേരാനെല്ലൂർ അപകടം: ജഡ്ജി അനുമതി വാങ്ങാതെ പൊലീസ് സ്റ്റേഷനിൽ പോയത് തെറ്റ്, സസ്പെൻഡ് ചെയ്യണമെന്ന് റിപ്പോർട്ട്

17 കാരന്റെ ജാമ്യം റദ്ദാക്കുക, ലൈസൻസ് ഇല്ലാത്ത മകന് വാഹനം കൊടുത്തുവിട്ട ജഡ്ജിയായ പിതാവിനെ സസ്പെൻഡ് ചെയ്യുക, ബന്ധപ്പെട്ട പോലീസ് ഉദ്യോഗസ്ഥർക്കെതിരെ നടപടി സ്വീകരിക്കുക തുടങ്ങിയ ആവശ്യങ്ങളാണ് കുടുംബവും മറ്റു പ്രതിപക്ഷ സംഘടനകളും എല്ലാം ഉയർത്തിയിരുന്നത്. ആഭ്യന്തര വകുപ്പ് മന്ത്രി രമേശ് ചെന്നിത്തലയ്ക്ക് പോലീസ് ഈ കേസ് കൈകാര്യം ചെയ്ത രീതിക്കെതിരെ വലിയ അമർഷമാണ് ഉണ്ടായിരുന്നത്. ഡിജിപിയെ നേരിട്ട് വിളിച്ച് സംഭവത്തിൽ ശക്തമായ നടപടി ഉണ്ടാകണമെന്ന് അദ്ദേഹം ആവശ്യപ്പെട്ടിരുന്നു. നിയമം ലംഘിക്കുന്നവർ സാധാരണക്കാരനായാലും ജഡ്ജി ആയാലും ഒരുപോലെ നടപടി സ്വീകരിക്കുക എന്നതാണ് സർക്കാർ നയം എന്നും രമേശ് ചെന്നിത്തല മാധ്യമങ്ങളോട് പ്രതികരിച്ചിരുന്നു.

മരിച്ച ജയ ബാലകൃഷ്ണന്റെ മകളെ മുഖ്യമന്ത്രി വി ഡി സതീശൻ ഫോണിലൂടെ ബന്ധപ്പെടുകയും ഉണ്ടായി. കേസിൽ കുടുംബത്തിന് ആവശ്യമായ എല്ലാവിധ നിയമസഹായവും ഉറപ്പാക്കുമെന്ന് മുഖ്യമന്ത്രി ഉറപ്പ് നൽകുകയും ചെയ്തു. കേസിലെ കുറ്റക്കാർ ആരായാലും വിട്ടുവീഴ്ചയില്ലാത്ത നടപടി ഉണ്ടാകും എന്നും മുഖ്യമന്ത്രി പ്രതികരിച്ചു. ക്രമസമാധാന ചുമതലയുള്ള എഡിജിപി പി വിജയൻ ഇന്ന് രാവിലെ കൊച്ചിയിലെത്തി ജയബാലകൃഷ്ണന്റെ കുടുംബവുമായി നേരിട്ട് ആശയ വിനിമയം നടത്തിയിരുന്നു.

English Summary

Four police officers have been suspended in connection with a case in Cheranalloor where a scooter rider was killed after being struck by a speeding Mercedes-Benz car. Those suspended include a Circle Inspector, a Station House Officer, a Grade Sub-Inspector, and a Civil Police Officer. There had been strong allegations that the police committed serious lapses in the manner in which they handled the case.

ദുബായ്: തണുപ്പുകാലം ആരംഭിക്കുന്നതോടെ യു.എ.ഇയിൽ നവംബർ മാസം മുതൽ നിരവധി സുപ്രധാന മാറ്റങ്ങളാണ് പ്രാബല്യത്തിൽ വരുന്നത്. ഗതാഗത രംഗത്തെ മാറ്റങ്ങൾക്കൊപ്പം ശൈത്യകാല ക്യാമ്പിംഗും പുതിയ യാത്രാ സംവിധാനങ്ങളും ഉൾപ്പെടുന്നതാണ് നവംബറിലെ കലണ്ടർ. യു.എ.ഇ നിവാസികൾ തീർച്ചയായും അറിഞ്ഞിരിക്കേണ്ട ചില പ്രധാന കാര്യങ്ങളാണ് ഇനി പറയുന്നത്.

ദുബായിലെ അഞ്ച് റോഡുകളിൽ വേഗപരിധി മാറും

• ദുബായിലെ അഞ്ച് പ്രധാന റോഡുകളിലെ വേഗപരിധിയിൽ മാറ്റം വരുത്തിയത് നവംബർ 1 മുതൽ പ്രാബല്യത്തിൽ വരും. വാഹനമോടിക്കുന്നവർ ഈ മാറ്റങ്ങൾ പ്രത്യേകം ശ്രദ്ധിക്കണം.
• അൽ റീബാത്ത് സ്ട്രീറ്റ്: മാരക്കേഷ് സ്ട്രീറ്റിനും ഷെയ്ഖ് മുഹമ്മദ് ബിൻ സായിദ് റോഡിനും ഇടയിൽ വേഗപരിധി മണിക്കൂറിൽ 100 കിലോമീറ്ററിൽ നിന്ന് 90 കിലോമീറ്ററായി കുറച്ചു.
• ഷെയ്ഖ് സബാഹ് അൽ അഹമ്മദ് അൽ ജാബർ അൽ സബാഹ് സ്ട്രീറ്റ്: സെക്കൻഡ് ഡിസംബർ സ്ട്രീറ്റിനും ഖാലിദ് ബിൻ അൽ വലീദ് സ്ട്രീറ്റിനും ഇടയിൽ വേഗപരിധി 80ൽ നിന്ന് 70 ആയി കുറച്ചിട്ടുണ്ട്.
• അൽ അസായൽ സ്ട്രീറ്റ്: ഔദ് മേത്ത സ്ട്രീറ്റിനും അൽ മെയ്ദാൻ സ്ട്രീറ്റിനും ഇടയിലുള്ള വേഗപരിധി 60-ൽ നിന്ന് 80 കിലോമീറ്ററായി ഉയർത്തി.
• അൽ മുസ്തഖ്ബാൽ സ്ട്രീറ്റ്: ഷെയ്ഖ് റാഷിദ് സ്ട്രീറ്റിനും അൽ മെയ്ദാൻ സ്ട്രീറ്റിനും ഇടയിൽ വേഗപരിധി 60-ൽ നിന്ന് 70 ആയി വർധിപ്പിച്ചു.
• ലത്തീഫ ബിൻത് ഹംദാൻ സ്ട്രീറ്റ്: ഷെയ്ഖ് സായിദ് റോഡിനും അൽ ഖൈൽ റോഡിനും ഇടയിലുള്ള ഭാഗത്ത് വേഗപരിധി 60ൽ നിന്ന് 70 കിലോമീറ്ററായി കൂട്ടിയിട്ടുണ്ട്.

Also Read: Dubai Traffic Alert: ദുബായിൽ എമിറേറ്റ്സ് റോഡിലും എയർപോർട്ട് ടണലിലും ഗതാഗത നിയന്ത്രണം: അറിയേണ്ടതെല്ലാം

ദുബായിൽ വിൻ്റർ ക്യാമ്പിംഗ് സീസൺ

ദുബായ് മുൻസിപ്പാലിറ്റിയുടെ നേതൃത്വത്തിലുള്ള 2026–2027 ശൈത്യകാല ക്യാമ്പിംഗ് സീസണിന് നവംബർ 1-ന് തുടക്കമാകും. അൽ റുവയ്യയിൽ ഒരുക്കിയിരിക്കുന്ന ക്യാമ്പിംഗ് 2027 ഏപ്രിൽ 30 വരെ നീണ്ടുനിൽക്കും. 600 ക്യാമ്പുകൾക്ക് പുറമെ, കാരവൻ പ്ലോട്ടുകളും ഡെയ്‌ലി റെൻ്റൽ ക്യാമ്പുകളും പുതിയതായി ഉൾപ്പെടുത്തിയിട്ടുണ്ട്.

പുതിയ ഇത്തിഹാദ് റെയിൽ സ്റ്റേഷനുകൾ

അബുദാബി അൽ ദഫ്ര മേഖലയിലേക്ക് യാത്ര ചെയ്യുന്നവർക്കായി ഇത്തിഹാദ് റെയിലിൻ്റെ രണ്ട് പുതിയ പാസഞ്ചർ സ്റ്റേഷനുകൾ നവംബർ 30-ന് പ്രവർത്തനമാരംഭിക്കും. സായിദ് സിറ്റി, ലിവാ എന്നിവിടങ്ങളിലാണ് പുതിയ സ്റ്റേഷനുകൾ വരുന്നത്. ഈ പ്രദേശത്തെ ഉത്സവ സീസണോട് അനുബന്ധിച്ച് നേരത്തെ തുറക്കുന്ന ഈ സ്റ്റേഷനുകൾ അബുദാബിയുടെ പടിഞ്ഞാറൻ മേഖലകളിലേക്കുള്ള യാത്രാസൗകര്യം കൂടുതൽ സുഗമമാക്കും.

English Summary

The UAE introduces major changes this November, including revised speed limits on five Dubai roads, the start of winter camping, two new Etihad Rail stations

മുടി കൊഴിച്ചിൽ തടയാനും മുടി നന്നായി വളരാനും അധികംപേരും ഇന്ന് ആശ്രയിക്കുന്ന ഒന്നാണ് റോസ്‌മേരി. കെമിക്കലുകൾ അടങ്ങിയ ഉൽപ്പന്നങ്ങൾക്ക് പകരം റോസ്‌മേരി വെള്ളവും എണ്ണയും ഉപയോഗിക്കുന്നത് മുടിയുടെ ആരോഗ്യം വർദ്ധിപ്പിക്കും. ഇത്തരത്തിൽ റോസ്മേരി ഉപയോ​ഗിക്കാൻ നമ്മൾ കടകളിൽ നിന്ന് എണ്ണയും ഉണങ്ങിയ ഇലകളും വാങ്ങുകയാണ് പതിവ്. ചെടികൾ വാങ്ങിവച്ചാൽ പലരും പരാതിപ്പെടുന്ന കാര്യമാണ് കുറച്ചു ദിവസങ്ങൾക്കുള്ളിൽ കരിഞ്ഞുപോകുന്നു എന്നത്.

വിദേശ രാജ്യങ്ങളിൽ മാത്രം കണ്ടുവന്നിരുന്ന ഒന്നാണ് റോസ്മേരി ചെടികൾ. എന്നൽ ഇന്നവ നമ്മുടെ വീടുകളിലും കണ്ടുവരുന്നുണ്ട്. വീടുകളിൽ റോസ്‌മേരി ചെടി യാതൊരു കേടുപാടും കൂടാതെ പച്ചപിടിച്ചു വളരാൻ ചില കാര്യങ്ങളൊന്ന് ശ്രദ്ധിച്ചാൽ മതിയാകും. അവ എന്തെല്ലാമെന്ന് നോക്കി കൃത്യായി റോസ്മേരി വളർത്തിയെടുക്കാം നമുക്ക്.

ALSO READ: സവാള വാരിവലിച്ച് എടുക്കല്ലേ! കടയിൽ നിന്ന് വാങ്ങുമ്പോൾ ചിലതൊക്കെ ശ്രദ്ധിക്കണം

റോസ്മേരി വീട്ടിൽ വളർത്താൻ ചില വഴികൾ

സൂര്യപ്രകാശം അത്യാവശ്യം: റോസ്‌മേരി ഒരു മെഡിറ്ററേനിയൻ സസ്യമാണ്. അതിനാൽ ഇതിന് ദിവസവും കുറഞ്ഞത് ആറ് മണിക്കൂറെങ്കിലും നന്നായി സൂര്യപ്രകാശം കിട്ടിയേ തീരൂ. വീടിനുള്ളിൽ വെക്കുന്നതിനേക്കാൾ ബാൽക്കണിയിലോ ടെറസിലോ വെയിൽ ലഭിക്കുന്ന സ്ഥലത്ത് വെക്കുന്നതാണ് ഏറ്റവും നല്ലത്.

വെള്ളമൊഴിക്കുമ്പോൾ ശ്രദ്ധിക്കേണ്ടത്: റോസ്‌മേരി ചെടി പെട്ടെന്ന് കരിഞ്ഞുപോകാനുള്ള പ്രധാന കാരണം അമിതമായി വെള്ളമൊഴിക്കുന്നതാണ്. വേര് ചീഞ്ഞുപോകാതിരിക്കാൻ മണ്ണ് പൂർണ്ണമായും ഉണങ്ങിയ ശേഷം മാത്രമെ അടുത്ത തവണ വെള്ളമൊഴിക്കാവൂ. അമിതമായി വെള്ളമൊഴിച്ചാൽ ചെടി പെട്ടെന്ന് നശിച്ചുപോകും.

നല്ല നീർവാർച്ചയുള്ള മണ്ണ്: റോസ്മേരി നട്ടുപിടിപ്പിക്കുന്ന ചട്ടികളിൽ വെള്ളം കെട്ടിനിൽക്കാൻ പാടില്ല. സാധാരണ മണ്ണിൽ അല്പം മണലും ചകിരിച്ചോറും ചേർത്ത് വെള്ളം ഇറങ്ങിപ്പോകുന്ന തരത്തിലുള്ള അയഞ്ഞ മണ്ണ് വേണം റോസ്മേരി നട്ടുവളർത്താൻ ഒരുക്കേണ്ടത്. ചട്ടിയുടെ അടിയിൽ ഡ്രൈനേജ് ഹോൾ ഉറപ്പാക്കണം.

കൃത്യമായ പ്രൂണിംഗ്: റോസ്മേരി ചെടിയുടെ തലപ്പുകൾ ഇടയ്ക്കിടെ മുറിച്ചു കൊടുക്കുക. ഇത് ചെടി കൂടുതൽ ശാഖകളായി പടർന്നു പന്തലിക്കാനും തഴച്ചുവളരാനും സഹായിക്കും. മുടിവളർച്ചയ്ക്കായി ഇതിന്റെ ഇലകൾ പറിച്ചെടുത്ത് ഉപയോഗിക്കുകയും ചെയ്യാം.

മുടിവളർച്ചയ്ക്ക് റോസ്‌മേരി വാട്ടർ വീട്ടിൽ തയ്യാറാക്കുന്ന വിധം

• അദ്യം തന്നെ റോസ്‌മേരിയുടെ പുതിയ ഇലകൾ നന്നായി കഴുകിയെടുക്കുക. ഉണങ്ങിയ ഇലകളാണെങ്കിലും നല്ലതാണ്.
• ഒരു പാത്രത്തിൽ രണ്ട് ഗ്ലാസ് വെള്ളമെടുത്ത് ഇതിലേക്ക് ഇലകൾ ചേർത്ത് 10-15 മിനിറ്റ് തിളപ്പിക്കുക.
• വെള്ളത്തിന്റെ നിറം മാറി തെളിയുമ്പോൾ തീ ഓഫ് ചെയ്ത് തണുക്കാൻ അനുവദിക്കുക.
• ഇത് ഒരു സ്പ്രേ ബോട്ടിലിൽ ആക്കി തലയോട്ടിയിലും മുടിയിലും സ്പ്രേ ചെയ്താൽ മുടി വളർച്ച ഇരട്ടിയാകും.

English Summary:

Want to keep your rosemary plant lush, green, and thriving without it wilting away. By a few essential gardening secrets, such as ensuring full sunlight, avoiding overwatering, and using well-draining soil get rosemary fast growth.

ആൽവാർ: സൈബർ തട്ടിപ്പുകൾ രാജ്യത്ത് അനുദിനം വർധിച്ചുവരികയാണ്. സാധാരണക്കാർ മാത്രമല്ല ബാങ്ക് ഉദ്യോഗസ്ഥർ പോലും ഇത്തരം തട്ടിപ്പുകൾക്ക് ഇരയാകുന്നു എന്നതിൻ്റെ ഏറ്റവും പുതിയ ഉദാഹരണമാണ് രാജസ്ഥാനിലെ ആൽവാറിൽ നിന്നും പുറത്തുവരുന്നത്. വ്യാജ തൊഴിൽ വാഗ്ദാനം ചെയ്ത് തട്ടിപ്പ് സംഘം ഒരുക്കിയ കെണിയിൽ വീണ് കോട്ടക് മഹീന്ദ്ര ബാങ്കിൻ്റെ ഡെപ്യൂട്ടി മാനേജർക്ക് സൈബർ തട്ടിപ്പിലൂടെ നഷ്ടമായത് ഒന്നേക്കാൽ ലക്ഷം രൂപയാണ്.

കോട്ടക്ക് മഹീന്ദ്ര ബാങ്കിലെ ഡെപ്യൂട്ടി മാനേജർ രാഹുൽ അഗർവാളാണ് തട്ടിപ്പിനിരയായത്. ജോലി വാഗ്സാനം, ചെയ്തുകൊണ്ടുള്ള സന്ദേശം രാഹുലിൻ്റെ മൊബൈൽ ഫോണിലേക്ക് വരികയായിരുന്നു. ജോലി സംബന്ധിച്ച കൂടുതൽ വിവരങ്ങൾ അറിയുന്നതിനായി സന്ദേശത്തിനൊപ്പം ഒരു ലിങ്കും നൽകിയിരുന്നു. ഈ ലിങ്കിൽ ക്ലിക്ക് ചെയ്തതാണ് അദ്ദേഹത്തിന് വിനയായത്. പിന്നാലെ രാഹുലിൻ്റെ ക്രെഡിറ്റ് കാർഡിൽ നിന്നും ഏകദേശം 1.25 ലക്ഷം രൂപ നഷ്ടപ്പെടുകയായിരുന്നു.

ഞായറാഴ്ച വൈകുന്നേരമാണ് തൻ്റെ അക്കൗണ്ടിൽ നിന്നും പണം നഷ്ടപ്പെട്ട വിവരം രാഹുൽ അറിയുന്നത്. താൻ സൈബർ തട്ടിപ്പിന് ഇരയായെന്ന് മനസ്സിലാക്കിയ അദ്ദേഹം ഉടൻ തന്നെ പൊലീസിനെ സമീപിക്കാൻ തീരുമാനിച്ചു. തിങ്കളാഴ്ച ആൽവാറിലെ കോട്‌വാലി പൊലീസ് സ്റ്റേഷനിൽ നേരിട്ടെത്തി രാഹുൽ അഗർവാൾ പരാതി നൽകി. നടന്ന സംഭവം രാഹുൽ കൃത്യമായി പൊലീസിനോട് വിവരിച്ചിട്ടുണ്ട്. കൂടാതെ സൈബർ സെല്ലിൻ്റെ ഓൺലൈൻ പോർട്ടൽ വഴി മറ്റൊരു പരാതിയും രജിസ്റ്റർ ചെയ്തിട്ടുണ്ട്.

Also Read: Driving Licence: കാഴ്ച പരിശോധന മാത്രം പോര, ​ഡ്രൈവിം​ഗ് ലൈസൻസിന് കൂടുതൽ ആരോ​ഗ്യ വിവരങ്ങൾ കൂടി വെളിപ്പെടുത്തേണ്ടി വരും

രാഹുൽ അഗർവാളിൻ്റെ പരാതിയുടെ അടിസ്ഥാനത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. തട്ടിപ്പുകാർ എങ്ങനെയാണ് പണം അപഹരിച്ചതെന്നും, ഇതിന് പിന്നിൽ പ്രവർത്തിച്ച സംഘം ആരാണെന്നും കണ്ടെത്താനുള്ള ശ്രമത്തിലാണ് അധികൃതർ. പരാതി ലഭിച്ചിട്ടുണ്ടെന്നും അന്വേഷണം പുരോഗമിക്കുകയാണെന്നും കോട്‌വാലി പൊലീസ് സ്റ്റേഷൻ ഇൻ-ചാർജ് ദിനേശ് ചന്ദ് ശർമ്മ അറിയിച്ചു. പ്രതികൾക്കെതിരെ കർശന നടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.

ലിങ്കുകളിൽ ക്ലിക്ക് ചെയ്യുന്നതിന് മുൻപ് ജനങ്ങൾ കൂടുതൽ ജാഗ്രത പാലിക്കണമെന്നും ഇത്തരം തട്ടിപ്പുകൾക്കെതിരെ കൂടുതൽ ബോധവൽക്കരണം അനിവാര്യമാണെന്നുമാണ് ഈ സംഭവം ഓർമ്മിപ്പിക്കുന്നത്. ഓൺലൈൻ തട്ടിപ്പുകൾ തടയുന്നതിനായി ഉപയോക്തക്കളുമായി ബന്ധപ്പെടുന്നതിന് ഓരോ ബാങ്കുകളും പ്രത്യേക കസ്റ്റമർ കെയർ നമ്പരുകളും ഇ മെയിൽ വിലാസങ്ങളും പ്രസിദ്ധീകരിച്ചിരുന്നു. ബാങ്കുളുടെ പേരിൽ തട്ടിപ്പുകൾ വ്യാപകമായ പശ്ചാത്തലത്തിലായിരുന്നു ഈ നടപടി. മൊബൈൽ നമ്പർ ഉപയോഗിച്ചുള്ള തട്ടിപ്പുകൾ ചെറുക്കുന്നതിനായി കോളർ ഐ.ഡി നിർബന്ധമാക്കാനുള്ള നടപടികൾ ടെലികോം കമ്പനികളും ആരംഭിച്ചിട്ടുണ്ട്.

English Summary

A Kotak Mahindra Bank deputy manager in Rajasthan's Alwar lost Rs 1.25 lakh to cyber fraudsters after clicking a malicious link in a fake job offer SMS. Police are investigating.

വിദേശത്ത് പഠനവും കരിയറും സ്വപ്നം കാണുന്നവർക്ക് ജപ്പാനിൽ സുവർണാവസരം. ഏത് വിഷയത്തിലും ബിരുദം നേടിയവർക്ക് ഉയർന്ന ശമ്പളത്തോടൊപ്പം ജപ്പാനിൽ ജോലി ചെയ്യാനുള്ള അവസരമാണ് വന്നെത്തിയിരിക്കുന്നത്. ഇന്ത്യൻ ബിരുദധാരികൾക്ക് ജപ്പാനിൽ ജോലി നേടാൻ ഇതിലും നല്ലൊരു അവസരം ഇനി ഉണ്ടാകില്ലെന്ന് തന്നെ പറയാം. ജപ്പാൻ സർക്കാരിന്റെ ജപ്പാൻ എക്സ്ചേഞ്ച് ആൻഡ് ടീച്ചിംങ് (JET) പ്രോഗ്രാമിന്റെ ഭാഗമായി അസിസ്റ്റന്റ് ലാംഗ്വേജ് ടീച്ചർ തസ്തികയിലാണ് നിയനം നടത്തുന്നത്.

ജപ്പാനിലെ സ്കൂളുകളിൽ ഇംഗ്ലീഷ് പഠനത്തിന് അധ്യാപകരെ സഹായിക്കുക, വിദ്യാർത്ഥികൾക്ക് വിദേശ സംസ്കാരത്തെ പരിചയയപ്പെടുത്തുക എന്നതാണ് ഈ നിയമനം കൊണ്ട് ലക്ഷ്യമിടുന്നത്. അപേക്ഷകൾ സമർപ്പിക്കേണ്ട അവസാന തീയതി ഒക്ടോബർ 30 വരെയാണ്. ഈ പ്രോഗ്രാമിലൂടെ തിരഞ്ഞെടുക്കപ്പെടുന്നവർ ജപ്പാനിലെ സർക്കാർ സ്കൂളുകളിലും പ്രാദേശിക ഭരണകൂട സ്ഥാപനങ്ങളിലും നിയമനം ലഭിക്കുന്നതാണ്. അപേക്ഷകർക്ക് ഇന്ത്യൻ പാസ്‌പോർട്ട് ഉണ്ടായിരിക്കണം.

ALSO READ: ആയുര്‍വേദ, ഹോമിയോ കോഴ്‌സുകളിലെ മൂന്നാം അലോട്ട്‌മെന്റ്; ഓപ്ഷന്‍ കണ്‍ഫര്‍മേഷന്‍ നല്‍കാം

യോ​ഗ്യതയും മറ്റ് വിവരങ്ങളും

അപേക്ഷ സമർപ്പിക്കുന്ന ഉദ്യോ​ഗാർത്ഥികൾ 2027 ജൂലൈ മാസത്തോടെ ഏതെങ്കിലും വിഷയത്തിൽ ബിരുദം നേടിയവരായിരിക്കണം. ഇംഗ്ലീഷ് ഭാഷയിൽ മികച്ച പ്രാവീണ്യം ഉണ്ടായിരിക്കേണ്ടത് അനിവാര്യമാണ്. ആശയങ്ങൾ കൃത്യമായും യുക്തിസഹമായും അവതരിപ്പിക്കാനുള്ള കഴിവും ഉണ്ടാകണം. ഉദ്യോഗാർത്ഥികൾ മാനസികമായും ശാരീരികമായും ആരോഗ്യവാന്മാരായിരിക്കണം.

ബിരുദതലത്തിലോ അതിനു മുകളിലോ ഇംഗ്ലീഷോ വിദ്യാഭ്യാസവിഷയങ്ങളോ പഠിച്ചിട്ടുള്ളവർ, ഭാഷാധ്യാപനവുമായി ബന്ധപ്പെട്ട ഔദ്യോഗിക യോഗ്യതകളോ പ്രവൃത്തിപരിചയമോ ഉള്ളവർ, അധ്യാപനപരിചയമുള്ളവർ, അല്ലെങ്കിൽ ജാപ്പനീസ് ഭാഷയുമായി ബന്ധപ്പെട്ട പശ്ചാത്തലമുള്ളവർ എന്നിവർക്ക് നിയമനത്തിൽ മുൻഗണന ലഭിച്ചേക്കാം. വിദേശയാത്ര നടത്തിയതോ വിദേശത്ത് താമസിച്ചതോ ആയ അനുഭവവും അധിക യോഗ്യതകളിൽ ഉൾപ്പെടുത്തിയിട്ടുണ്ട്.

ജപ്പാനോടും അവിടത്തെ സംസ്കാരത്തോടും താൽപര്യമുണ്ടായിരിക്കണം. ജാപ്പനീസ് അധ്യാപകരോടൊപ്പം ഇംഗ്ലീഷ് ക്ലാസുകൾ നടത്താൻ സഹായിക്കുക, പഠനസാമഗ്രികൾ തയ്യാറാക്കുക, ഇംഗ്ലീഷ് ക്ലബ്ബുകൾ ഉൾപ്പെടെയുള്ള പാഠ്യേതര പ്രവർത്തനങ്ങളിൽ പങ്കെടുക്കുക, സാംസ്കാരിക വിനിമയ പരിപാടികൾ സംഘടിപ്പിക്കുക എന്നിവയാണ് തിരഞ്ഞെടുക്കപ്പെടുന്നവരുടെ ചുമതലകൾ.

ജപ്പാനിലെ നിയമങ്ങൾക്കനുസരിച്ച്, ആഴ്ചയിൽ സാധാരണയായി 35 മണിക്കൂറാണ് ജോലി സമയം. ശനിയാഴ്ചയും ഞായറാഴ്ചയും പൊതുഅവധി ദിവസങ്ങളും അവധിയായിരിക്കും. മാസത്തിൽ കുറഞ്ഞത് 10 ദിവസത്തെ ശമ്പളത്തോടുകൂടിയ അവധിയും ലഭിക്കും. ആദ്യ നിയമനം ഒരു വർഷത്തേക്ക് മാത്രമായിരിക്കും. പിന്നീട് മൂന്ന് വർഷം വരെയും പ്രത്യേക സാഹചര്യങ്ങളിൽ അഞ്ച് വർഷം വരെയും കരാർ നീട്ടാനുള്ള സാധ്യത മുന്നിലുണ്ട്.

അപേക്ഷിക്കേണ്ട വിധം

അപേക്ഷകർ അപേക്ഷാഫോം പൂരിപ്പിച്ച് ആവശ്യമായ രേഖകൾ സഹിതം സമർപ്പിക്കണം. രണ്ട് റഫറൻസ് ലെറ്ററുകൾ, വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകൾ, മാർക്ക് ലിസ്റ്റുകൾ, മെഡിക്കൽ വിവരങ്ങൾ, രണ്ട് പേജിൽ കവിയാത്ത സ്റ്റേറ്റ്മെന്റ് ഓഫ് പർപ്പസ്, തിരിച്ചറിയൽ രേഖ എന്നിവയാണ് അപേക്ഷയിൽ ആവശ്യമായ രേഖകൾ. ഇതിനുപുറമേ, ഈ തസ്തികയ്ക്ക് അപേക്ഷിക്കാനുള്ള കാരണം ഏകദേശം 15 സെക്കൻഡ് ദൈർഘ്യമുള്ള ഓഡിയോയും നൽകിയിരിക്കുന്ന ഇംഗ്ലീഷ് വാചകം വായിക്കുന്ന 30–40 സെക്കൻഡ് ദൈർഘ്യമുള്ള ഓഡിയോയും ചേർത്ത് ഒറ്റ ഫയലായി സമർപ്പിക്കണം.

താല്പര്യമുള്ളവർ jetindia@nd.mofa.go.jp എന്ന ഇമെയിലിലൂടെ വേണം അപേക്ഷ സമർപ്പിക്കാൻ. തിരഞ്ഞെടുക്കപ്പെടുന്നവർക്ക് ആദ്യ വർഷം ഏകദേശം 40.2 ലക്ഷം ജാപ്പനീസ് യെൻ വാർഷിക പ്രതിഫലമായി ലഭിക്കും. ഇത് ഇന്ത്യൻ രൂപയിൽ ഏകദേശം 23 മുതൽ 24 ലക്ഷം രൂപ വരെയുണ്ട്. തുടർന്നുള്ള വർഷങ്ങളിൽ പ്രതിഫലം വർധിക്കാനും സാധ്യതയുണ്ട്. കൂടുതൽ വിവരങ്ങൾക്കും അപേക്ഷാ മാർഗനിർദേശങ്ങൾക്കും ജപ്പാൻ എംബസിയുടെ ഔദ്യോഗിക വെബ്സൈറ്റ് സന്ദർശിക്കുക.

English Summary:

Embassy of Japan has invited applications from Indian graduates for the 2027 Japan Exchange and Teaching (JET) Programme, offering an opportunity to live and work in Japan as Assistant Language Teachers (ALTs).

ഡൽഹി: രാജ്യത്ത് ഡ്രൈവിംഗ് ലൈസൻസ് ലഭിക്കാനുള്ള നടപടിക്രമങ്ങൾ കൂടുതൽ കർശനമാക്കാനുള്ള ഒരുക്കത്തിലാണ് കേന്ദ്രസർക്കാർ. കേന്ദ്ര മോട്ടോർ വാഹന നിയമങ്ങൾ ഭേദഗതി ചെയ്യുന്നതിനുള്ള കരട് വിജ്ഞാപനം ഇതുമായി ബന്ധപ്പെട്ട വ്യക്തമായ സൂചനകൾ നൽകുന്നുണ്ട്. നിലവിൽ ഡ്രൈവിംഗ് ലൈസൻസ് ലഭിക്കുന്നതിന് പ്രധാനമായും വേണ്ട ആരോഗ്യ സംബന്ധമായ രേഖ എന്നത് കണ്ണിന്റെ കാഴ്ച പരിശോധിച്ച സർട്ടിടിക്കറ്റ് ആണ്. എന്നാൽ പുതിയ കരട് വിജ്ഞാപനം അനുസരിച്ച് ഭാവിയിൽ കൂടുതൽ ആരോഗ്യ സംബന്ധമായ വിവരങ്ങൾ ലൈസൻസ് ലഭിക്കുന്നതിനുവേണ്ടി വെളിപ്പെടുത്തേണ്ടി വരും.

ശാരീരിക ക്ഷമത സംബന്ധിച്ച സെൽഫ് ഡിക്ലറേഷൻ ആണ് കൂടുതൽ ആരോഗ്യ വിവരങ്ങൾ കൂടി ഉൾപ്പെടുത്തി വിപുലീകരിക്കാൻ പോകുന്നത്. ഏതെങ്കിലും തരത്തിലുള്ള മരുന്നുകൾ കൊണ്ടുള്ള അലർജി, മെഡിക്കൽ അല്ലെങ്കിൽ സർജിക്കൽ ഇമ്പ്ലാന്റുകൾ എന്നിവയെ കുറിച്ചുള്ള വിശദാംശങ്ങൾ തുടങ്ങിയവ ലൈസൻസിന് അപേക്ഷിക്കുന്നവർ വെളിപ്പെടുത്തേണ്ടി വരുമെന്ന് വിജ്ഞാപനം സൂചിപ്പിക്കുന്നു. വാഹനാപകടത്തെ തുടർന്ന് ആശുപത്രിയിൽ പ്രവേശിപ്പിക്കുന്ന സാഹചര്യത്തിൽ മാത്രമേ ഈ വിവരങ്ങൾ ഉപയോഗപ്പെടുത്താവൂ എന്ന് കരട് വിജ്ഞാപനത്തിൽ പറയുന്നുണ്ട്.

Also Read: സേഫ്റ്റി മുഖ്യം! കാറുകളിൽ അഡാസ് നിർബന്ധമാക്കുന്നു

അപസ്മാരം എന്ന രോഗാവസ്ഥ ഉള്ളവർ ഡ്രൈവിംഗ് ലൈസൻസ് അപേക്ഷയിൽ കൂടുതൽ വിശദമായ ആരോഗ്യ സാഹചര്യങ്ങൾ വെളിപ്പെടുത്തേണ്ടിവരും. അപസ്മാര രോഗാവസ്ഥയോ മൂന്നു വർഷക്കാലയളവിൽ അപസ്മാരം ഉണ്ടായതോ നിലവിൽ അപസ്മാര രോഗത്തിനുള്ള മരുന്നുകൾ കഴിക്കുന്നതും ആയ ആളുകൾക്ക് ഫുൾ ഡ്രൈവിംഗ് ലൈസൻസ്, ലേണേഴ്സ് ലൈസൻസ് എന്നിവ ലഭിക്കുന്നതിനുള്ള മെഡിക്കൽ ക്ലിയറൻസ് ലഭിക്കില്ല. പുതിയൊരു വിഭാഗം കൂടി ലൈസൻസിൽ ചേർക്കുന്നതിനും ലൈസൻസ് പുതുക്കുന്നതിനും ലൈസൻസിന്റെ ഡ്യൂപ്ലിക്കേറ്റ് കോപ്പി എടുക്കുന്നതിനും ഈ വ്യവസ്ഥകൾ ബാധകമാണ്.

മാത്രമല്ല ലൈസൻസുകളിൽ അപേക്ഷകന്റെ രക്ത ഗ്രൂപ്പും എമർജൻസി കോൺടാക്ട് നമ്പറും നിർബന്ധമായും ചേർക്കണമെന്നും പുതിയ കരട് പ്രഖ്യാപനത്തിൽ പറയുന്നുണ്ട്. ഇതുമാത്രമല്ല പരീക്ഷയുടെ പാസ്മാർക്ക് 60 ശതമാനം എന്നതിൽ നിന്ന് 75 ശതമാനം ആക്കി ഉയർത്താനും കേന്ദ്ര റോഡ് ഗതാഗത ഹൈവേ മന്ത്രാലയം നിർദ്ദേശം നൽകിയിട്ടുണ്ട്. ലൈസൻസിന് പുറമേ ലേണേഴ്സ് ടെസ്റ്റിനും ഇനി കൂടുതൽ കടമ്പകൾ കടക്കേണ്ടി വരും. പുതിയ കരട് വിജ്ഞാപനം അനുസരിച്ച് ലേണേഴ്സ് ലൈസൻസ് ലഭിക്കുന്നതിന് രണ്ട് ഘട്ടങ്ങൾ ഉണ്ടാകും. ഡ്രൈവിങ്ങിന് സംബന്ധിച്ചുള്ള പ്രാഥമിക വിവരങ്ങൾ മനസ്സിലാക്കുന്നതിനുള്ള ഓൺലൈൻ ട്യൂട്ടോറിയൽ ആണ് ആദ്യഘട്ടം, ഇത് കഴിഞ്ഞതിനുശേഷം ആണ് ലേണേഴ്സ് ടെസ്റ്റ് എഴുതാൻ കഴിയുക.

English Summary

The Central Government is preparing to tighten the procedures for obtaining a driving license in the country. A draft notification proposing amendments to the Central Motor Vehicles Rules provides clear indications in this regard. Currently, the primary health-related document required to obtain a driving license is a certificate confirming an eye vision test.

ലോകത്തിലെ ഏറ്റവും മികച്ച പണ്ഡിതന്മാരിൽ ഒരാളും തത്വചിന്തകനും നയതന്ത്രജ്ഞനുമാണ് ആചാര്യനായ ചാണക്യൻ. കൗടില്യൻ, വിഷ്ണു​ഗുപ്തൻ തുടങ്ങിയ പേരുകളിലും അറിയപ്പെടുന്ന അദ്ദേഹം ഓരോ വ്യക്തികളും ജീവിതത്തിന് ഏറെ ഉപകാരപ്രദമായ ഒട്ടേറെ തത്വങ്ങളും ഉപദേശങ്ങളും നൽകിയിട്ടുണ്ട്. കുടുംബജീവിതം, വിദ്യാഭ്യാസം, വിവാഹം, ജോലി തുടങ്ങി വിവിധ മേഖലകളിൽ അദ്ദേഹത്തിന്റെ ഈ തത്വങ്ങൾ പ്രയോജനകരമാണ്. ഈ ലോകത്തിലെ ഏറ്റവും മനോഹരമായ ബന്ധമാണ് കുടുംബം. ആചാര്യനായ ചാണക്യന്റെ തത്വങ്ങളും ആശയങ്ങളും കുടുംബജീവിതത്തിനും സാമ്പത്തിക കാര്യങ്ങൾക്കും നൽകുന്ന മാർഗ്ഗനിർദ്ദേശങ്ങൾ ഇന്നത്തെ കാലത്തും ഏറെ പ്രധാന്യമുള്ളതാണ്.

സന്തോഷവും സമാധാനവും കുടുംബത്തിൽ നിറയണമെങ്കിൽ ഓരോ കുടുംബാം​ഗങ്ങളും അതിന് വേണ്ടി പ്രയത്നിക്കേണ്ടതുണ്ട്. പ്രത്യേകിച്ച് കുടുംബനാഥൻ. ഒരു കുടുംബം സന്തോഷത്തോടെയും സമാധാനത്തോടെയും മുന്നോട്ട് പോകുന്നതിന് പല ഘടകങ്ങളും സ്വാധീനിക്കുമെന്നും, എന്നാൽ കുടുംബനാഥന്റെ തെറ്റായ പെരുമാറ്റങ്ങളും ശീലങ്ങളും ആ കുടുംബത്തിന്റെ തന്നെ തകർച്ചയ്ക്ക് കാരണമാകുമെന്നും ചാണക്യൻ വ്യക്തമാക്കുന്നു. ആചാര്യ ചാണക്യന്റെ അഭിപ്രായപ്രകാരം കുടുംബത്തിന്റെ സന്തോഷത്തെയും പുരോഗതിയെയും തടയുന്ന പ്രധാനപ്പെട്ട മൂന്ന് കാര്യങ്ങൾ ഇതെല്ലാമാണ്…

ധൂർത്ത്

ഏതൊരു കുടുംബത്തെയും നശിപ്പിക്കുന്ന ഒന്നാണ് അനാവശ്യമായ ചെലവുകൾ. കുടുംബനാഥനായാലും അനാവശ്യമായി പണം ചെലവഴിക്കുന്നതോ ധൂർത്തടിക്കുന്നതോ ആയ ശീലമുണ്ടെങ്കിൽ ആ വീട് എപ്പോഴും സാമ്പത്തിക ബുദ്ധിമുട്ടുകളിലായിരിക്കും. പല കുടുംബത്തിന്റെയും മുഴുവൻ ഭാരവും താങ്ങേണ്ടത് കുടുംബമനാഥനാണ്. അദ്ദേഹം തന്നെ സാമ്പത്തിക കാര്യങ്ങളിൽ അശ്രദ്ധ കാണിക്കുകയും പണം അനാവശ്യമായി ചെലവാക്കുകയും ചെയ്താൽ ആ കുടുംബം മുഴുവൻ വലിയ പ്രതിസന്ധിയിലാകും.

ALSO READ: ഈ 3 കാര്യങ്ങളെക്കുറിച്ച് ഒരിക്കലും ലജ്ജിക്കരുത്! ജീവിതവിജയത്തിന് അനിവാര്യം

ദുശ്ശീലങ്ങൾ

കുടുംബനാഥന് ദുശീലങ്ങൾ ഉണ്ടെങ്കിൽ ആ കുടുംബം ഒരിക്കലും പുരോഗതി പ്രാപിക്കില്ലെന്ന് ചാണക്യൻ മുന്നറിയിപ്പ് നൽകുന്നു. ഈ ദുശ്ശീലങ്ങൾ കാരണം സമ്പത്തും ആരോഗ്യവും ഒരുപോലെ നഷ്ടപ്പെടുന്നു. എളുപ്പത്തിൽ കൂടുതൽ സമ്പാദിക്കണമെന്ന ആഗ്രഹം കൊണ്ട് ചെയ്യുന്ന തെറ്റുകളും മദ്യപാനം പോലുള്ള ദുശീലങ്ങളും വലിയ സാമ്പത്തിക നഷ്ടത്തിലേക്കും ഒടുവിൽ കുടുംബത്തിന്റെ സമ്പൂർണ്ണ തകർച്ചയിലേക്കും നയിക്കും.

സ്ത്രീകളെ ബഹുമാനിക്കാതിരിക്കൽ

വീട്ടിലെ സ്ത്രീകളെ ആദരിക്കാത്ത ഏത് കുടുംബനാഥനും നിരന്തരം പ്രശ്നങ്ങളും അസ്വസ്ഥതകളും നേരിടേണ്ടിവരുമെന്ന് ചാണക്യ നീതി പറയുന്നു. വീട്ടിലെ സ്ത്രീകളെ അപമാനിക്കുന്നതോ അവരെ മാനിക്കാതിരിക്കുന്നതോ ആയ വീടുകൾ ഒരിക്കലും അഭിവൃദ്ധിപ്പെടില്ല. സ്ത്രീകളെ എവിടെയാണോ ആദരിക്കുന്നത്, അവിടെയാണ് ഐശ്വര്യവും ലക്ഷ്മി കടാക്ഷവും ഉണ്ടാകുക എന്ന് ചാണക്യൻ ഓർമ്മിപ്പിക്കുന്നു.

(നിരാകരണം: ഈ ലേഖനം പൊതുവായ വിവരങ്ങളെയും വിശ്വസത്തെയും അടിസ്ഥാനമാക്കിയുള്ളവയാണ്. ടിവി9 മലയാളം സ്ഥിരീകരിക്കുന്നില്ല.)

English Summary:

According to Acharya Chanakya’s principles in Chanakya Niti, the behaviour and habits of the head of a family play a crucial role in maintaining household happiness and financial stability. Three harmful traits that can negatively affect a family, wasteful spending, gambling addiction, and disrespecting women.

ഐഫോൺ ഡ്യുവോയുടെ ഫോൾഡബിൾ സ്ക്രീൻ പൊട്ടിപ്പോവുന്നുവെന്ന പരാതിയിൽ ഇടപെട്ട് ആപ്പിൾ. പ്രശ്നങ്ങൾ നേരിടുന്ന ഉപയോക്താക്കൾ, ഫോൺ മാറ്റിവാങ്ങുന്നതിനായി ആപ്പിൾ കെയറുമായി ബന്ധപ്പെടേണ്ടതാണെന്ന് ആപ്പിൾ അ‌റിയിച്ചു. ഐഫോൺ 18 പ്രോ മോഡലുകൾക്കൊപ്പം ഈ വർഷം സെപ്റ്റംബറിൽ ആണ് തങ്ങളുടെ ആദ്യ ഫോൾഡബിൾ ഐഫോൺ മോഡലായ ഐഫോൺ ഡ്യുവോയും (iPhone Duo) ആപ്പിൾ അ‌വതരിപ്പിച്ചത്. ഐഫോൺ പ്രോ മോഡലുകൾ നേരത്തെ വിപണിയിൽ എത്തിയെങ്കിലും ഐഫോൺ ഡ്യുവോ പ്രീ ബുക്കിങ്ങിന് ശേഷം ഒക്ടോബർ പകുതിയോടുകൂടിയാണ് വിൽപ്പനയ്ക്ക് എത്തിയത്. എന്നാൽ വിൽപ്പന ആരംഭിച്ചതി​ന് പിന്നാലെ ഐഫോണിന്റെ 'പുത്തരിയിൽ കല്ലുകടി' അ‌നുഭവപ്പെട്ടുതുടങ്ങി. അ‌തായത് ആദ്യ ഫോൾഡബിൾ ഐഫോണിൽ സ്ക്രീൻ തകരാർ ഉൾപ്പെടെ റിപ്പോർട്ട് ​ചെയ്യപ്പെടാൻ തുടങ്ങി. ഇത് വിവാദമായതോടെയാണ് ആപ്പിൾ പ്രതികരണവുമായി എത്തിയിരിക്കുന്നത്.

ഐഫോൺ ഡ്യുവോയ്ക്ക് വിപണിയിൽ പ്രതീക്ഷിച്ചതിലും വലിയ പ്രതികരണമാണ് ലഭിച്ചത്. എന്നാൽ ഇത് വാങ്ങിയതിന് പിന്നാലെ ചില ഉപഭോക്താക്കൾ ഫോണിന്റെ ഉൾവശത്തെ ഡിസ്‌പ്ലേയിൽ വിള്ളലുകൾ ഉണ്ടായതായി റിപ്പോർട്ട് ചെയ്തു. ഫോൺ തുറക്കുമ്പോൾ എന്തോ പൊട്ടുന്ന ശബ്ദം കേൾക്കുന്നതായും, അസാധാരണമായ തടസ്സം അനുഭവപ്പെടുന്നതായും ഉപയോക്താക്കൾ പറയുന്നു.

Also Read: ഗെയിമിങ് ഫോണാ, കരുത്ത് കൂടും! ഇൻഫിനിക്സ് GT 50 പ്രോ ഇന്ത്യയിൽ ലോഞ്ച് ചെയ്തു

ഫോൺ മടക്കുന്ന ഭാഗത്ത് (center crease) വിള്ളലുകൾ ഉണ്ടാവുകയോ ഡിസ്‌പ്ലേ തകരാറിലാവുകയോ ചെയ്യുന്നതായാണ് പരാതികൾ. '9to5Mac'-ന് നൽകിയ പ്രസ്താവനയിൽ, ചില ഉപയോക്താക്കൾ പ്രശ്നം റിപ്പോർട്ട് ചെയ്തിട്ടുണ്ടെന്ന് ആപ്പിൾ സ്ഥിരീകരിച്ചു. തകരാർ സംഭവിച്ച ഫോണുകൾ ഉള്ള ഉപയോക്താക്കൾ ആപ്പിൾ കെയറുമായി (AppleCare) ബന്ധപ്പെട്ട് ഫോൺ മാറ്റിവാങ്ങാൻ ആപ്പിൾ നിർദ്ദേശിച്ചു.

ആപ്പിളിന്റെ പ്രസ്താവന: "ഐഫോൺ ഡുവോയോട് തുടക്കത്തിലെ ഉപയോക്താക്കൾ വളരെ മികച്ച പ്രതികരണമാണ് നൽകുന്നത്. ഫോണിന്റെ സവിശേഷമായ രൂപകൽപ്പനയ്ക്ക് അനുയോജ്യമായ രീതിയിൽ ഡെവലപ്പർമാർ തങ്ങളുടെ ആപ്പുകൾ വേഗത്തിൽ അപ്‌ഡേറ്റ് ചെയ്യുന്നത് കാണുമ്പോൾ സന്തോഷമുണ്ട്. ഐഫോൺ ഡുവോയുടെ വളരെ കുറച്ച് യൂണിറ്റുകളിൽ, ഉൾവശത്തെ ഡിസ്‌പ്ലേയെ ബാധിക്കുന്ന ഒരു പ്രശ്നം ശ്രദ്ധയിൽപ്പെട്ടിട്ടുണ്ട്. ഇത്തരം പ്രശ്നങ്ങൾ നേരിടുന്ന ഉപയോക്താക്കൾ, ഫോൺ മാറ്റിവാങ്ങുന്നതിനായി ആപ്പിൾ കെയറുമായി ബന്ധപ്പെടേണ്ടതാണ്."

ഐഫോൺ ഡ്യുവോ വിൽപ്പന ആരംഭിച്ചതിന് പിന്നാലെ റെഡ്ഡിറ്റിലൂടെയും മറ്റ് സോഷ്യൽ മീഡിയ പ്ലാറ്റ്‌ഫോമുകളിലൂടെയും ഉപയോക്താക്കൾ പ്രശ്നം വെളിപ്പെടുത്തുകയായിരുന്നു. ബ്ലൂംബെർഗ് നടത്തിയ അന്വേഷണത്തിൽ, പ്രശ്നം നേരിട്ട അര ഡസനോളം ഉപഭോക്താക്കളെ കണ്ടെത്താനായി. പല കേസുകളിലും, ഫോൺ വാങ്ങി മണിക്കൂറുകൾക്കോ ​​ദിവസങ്ങൾക്കോ ​​ഉള്ളിലാണ് കേടുപാടുകൾ സംഭവിച്ചത്. ഉൾവശത്തെ ഡിസ്‌പ്ലേ പൂർണ്ണമായും ഉപയോഗശൂന്യമായെന്ന് ഒരു ഉപഭോക്താവ് ബ്ലൂംബെർഗിനോട് പറഞ്ഞു.

ഡിസ്‌പ്ലേ തകരാറിന്റെ കൃത്യമായ കാരണം ആപ്പിൾ വെളിപ്പെടുത്തിയിട്ടില്ല. iFixit നടത്തിയ പരിശോധനയിൽ ഫോണിന്റെ ഹിഞ്ചിനുള്ളിലെ സപ്പോർട്ട് ബാറിലെ പ്രശ്നമാണ് ഇതിന് കാരണമെന്ന് അ‌വകാശപ്പെടുന്നു. ഫോൺ മടക്കുമ്പോൾ ഈ സപ്പോർട്ട് ബാർ കൃത്യമായി താഴേക്ക് മാറാതിരിക്കുകയും തുടർന്ന് സ്ക്രീനിൽ കടുത്ത സമ്മർദ്ദം രൂപപ്പെട്ട് ഉള്ളിൽനിന്ന് വിള്ളലുണ്ടാകുകയുമാണ് ചെയ്യുന്നത്. സ്ക്രീൻ തകരാർ സംഭവിച്ച ഫോൺ ഉടമകൾക്ക് സൗജന്യമായി പുതിയ ഫോൺ കൈപ്പറ്റാമെന്നും പ്രത്യേക ആപ്പിൾകെയർ പ്ലസ് സബ്‌സ്‌ക്രിപ്‌ഷൻ ആവശ്യമില്ലെന്നും ആപ്പിൾ വ്യക്തമാക്കിയിട്ടുണ്ട്.

English Summary

Apple has responded following reports from some users regarding malfunctions with the iPhone Duo's screens. A technical issue affecting the internal display has been identified in a very small number of iPhone Duo units. Apple has advised users experiencing such problems to contact AppleCare to arrange for a device replacement.

ഇൻഡോർ ചെടികൾക്ക് ഇന്ന് മലയാളികൾക്കിടയിൽ ഡിമാൻഡ് കൂടുതലാണ്. വീടുകൾക്ക് ഭംഗിയും മനസിന് ഉന്മേഷനും നൽകാൻ ഹാളിലെയും റൂമിലെയും ബാൽക്കണിയിലെയും ചെടികൾക്ക് സാധിക്കും. എന്നാൽ വേണ്ടത്ര ശ്രദ്ധ ലഭിക്കാത്തത് കൊണ്ടോ മറ്റ് ചില അബദ്ധങ്ങൾ കാരണമോ ഈ ചെടികൾ പെട്ടെന്ന് വാടിപ്പോകാനും കരിഞ്ഞുണങ്ങി പോകാനും സാധ്യതയുണ്ട്. ഇൻഡോർ ചെടികൾ കൃത്യമായി എങ്ങനെ പരിചരിക്കണമെന്ന് മനസ്സിലാക്കിയാലോ....

ഇൻഡോർ ചെടികളുടെ പരിപാലനം

ഇൻഡോർ ചെടികൾ ഉണങ്ങിപ്പോകാനുള്ള ഏറ്റവും പ്രധാനപ്പെട്ട കാരണം വെള്ളം നൽകുന്നതിലെ അളവിലുള്ള വ്യത്യാസമാണ്. ചെടികൾക്ക് ആവശ്യമില്ലാത്തത്ര വെള്ളം നിരന്തരമായി ഒഴിക്കുമ്പോൾ വേരുകൾ ചീഞ്ഞുപോകാൻ തുടങ്ങും. ഇത് ചെടിയുടെ ഇലകൾ മഞ്ഞനിറത്തിലാകാനും പിന്നീട് കരിഞ്ഞുപോകാനും കാരണമാകും.

അതേസമയം, ആവശ്യത്തിന് നനയ്ക്കാതിരുന്നാലും ചെടികൾ ഉണങ്ങിപ്പോകും. മണ്ണിലെ ഈർപ്പം പൂർണ്ണമായി നഷ്ടപ്പെടുമ്പോൾ ചെടികൾക്ക് ജീവജലം ലഭിക്കാതെ വരുന്നു. അതിനാൽ, ചെടിയുടെ മണ്ണ് പരിശോധിച്ച ശേഷം മാത്രം വെള്ളം ഒഴിക്കുക. മണ്ണിൽ തൊടുമ്പോൾ നനവില്ലെങ്കിൽ മാത്രം നനയ്ക്കുക. കൂടാതെ ചട്ടികളിൽ വെള്ളം കെട്ടിക്കിടക്കാതിരിക്കാൻ ഡ്രെയിനേജ് ദ്വാരങ്ങൾ ഉണ്ടെന്നും ഉറപ്പാക്കേണ്ടതാണ്.

ALSO READ: വീട്ടില്‍ ഒരിക്കലും വളര്‍ത്താന്‍ പാടില്ലാത്ത ചെടികള്‍; ഐശ്വര്യം കുറയ്ക്കും

സൂര്യപ്രകാശത്തിന്റെ ലഭ്യത

ചില ഇൻഡോർ ചെടികൾക്ക് നേരിട്ടുള്ള വെയിൽ ആവശ്യമില്ലെങ്കിലും, വെളിച്ചമേതുമില്ലാത്ത ഇരുണ്ട മുറികളിൽ വെക്കുന്ന ചെടികൾ പ്രകാശസംശ്ലേഷണം നടക്കാനാകാതെ ഉണങ്ങിപ്പോകാറുണ്ട്. അതേസമയം, ശക്തമായ സൂര്യപ്രകാശമുള്ള ജനലരികിൽ വെക്കുന്ന ചില തണൽ ഇഷ്ടപ്പെടുന്ന ചെടികളുടെ ഇലകൾ പൊള്ളലേറ്റ് കരിഞ്ഞുപോകാം. ഇതിന് പരിഹാരമായി, നിങ്ങളുടെ ചെടിയുടെ സ്വഭാവമറിഞ്ഞ് അനുയോജ്യമായ വെളിച്ചം ലഭിക്കുന്ന സ്ഥലത്തേക്ക് മാറ്റിവെക്കേണ്ടതാണ്. ആവശ്യത്തിന് സ്വാഭാവിക വെളിച്ചമില്ലാത്ത ഇടങ്ങളാണെങ്കിൽ ഗ്രോ ലൈറ്റുകൾ ഉപയോഗിക്കാം.

വായുവിന്റെ ഈർപ്പക്കുറവ്

അന്തരീക്ഷത്തിലെ ഈർപ്പം ഗണ്യമായി കുറയുന്നത് മണിപ്ലാന്റ് അടക്കമുള്ള പല ഇൻഡോർ ചെടികളുടെയും ഇലകളുടെ അഗ്രം കരിഞ്ഞുപോകാൻ കാരണമാകും. അതിനാൽ ഇടയ്ക്കിടെ ചെടിയുടെ ഇലകളിൽ വെള്ളം സ്പ്രേ ചെയ്തു കൊടുക്കുക അല്ലെങ്കിൽ മുറിയിൽ ഒരു ഹ്യുമിഡിഫയർ  ഉപയോഗിക്കുക.

പോഷകങ്ങളുടെ കുറവ്

ചെടികൾ വളർന്നു വരുമ്പോൾ ചട്ടിയിലെ മണ്ണിലുള്ള പോഷകങ്ങൾ തീർന്നുപോകും. കൂടാതെ ആവശ്യത്തിന് വായുസഞ്ചാരമില്ലാത്ത കട്ടിയുള്ള മണ്ണാണെങ്കിലും വേരുകൾക്ക് വളർച്ച കിട്ടില്ല. അതിനാൽ, വർഷത്തിലൊരിക്കലെങ്കിലും മണ്ണ് മാറ്റി പുതിയ പോഷകസമ്പുഷ്ടമായ മണ്ണോ കമ്പോസ്റ്റോ നൽകേണ്ടതാണ്. ജൈവ വളങ്ങളും നൽകുക.

English Summary:

Indoor plants may become dry and unhealthy due to insufficient watering, low humidity, poor soil quality, inadequate lighting, or overwatering that causes root rot. To keep plants healthy, establish a watering routine based on each plant’s needs and check the top inch of soil before watering.

കൊച്ചി: അസ്ഥികളുടെയും കാർട്ടിലേജുകളുടെയും വളർച്ചയെ ബാധിക്കുന്ന 'സ്കെലിറ്റൽ ഡിസ്പ്ലാസിയ' എന്ന അപൂർവ ജനിതക രോഗം ബാധിച്ച കുഞ്ഞിനെ ജനിച്ചയുടൻ ശിശുക്ഷേമ സമിതിക്ക് കൈമാറാൻ ദമ്പതികൾക്ക് അനുമതി നൽകി കേരള ഹൈക്കോടതി. 33 ആഴ്ച പിന്നിട്ട ഗർഭം അലസിപ്പിക്കാൻ ദമ്പതികൾ നേരത്തെ കോടതിയെ സമീപിച്ചിരുന്നു. എന്നാൽ മെഡിക്കൽ ബോർഡിൻ്റെ റിപ്പോർട്ട് പരിഗണിച്ചാണ് ജസ്റ്റിസ് ഹരിശങ്കർ വി മേനോൻ ഈ നിർണായക ഉത്തരവ് പുറപ്പെടുവിച്ചത്.

ഗർഭസ്ഥ ശിശുവിന് ജീവന് ഭീഷണിയില്ലാത്ത തരത്തിലുള്ള സ്കെലിറ്റൽ ഡിസ്പ്ലാസിയയാണ് ഉള്ളതെന്ന്, ഹൈക്കോടതിയുടെ നിർദേശപ്രകാരം രൂപീകരിച്ച മെഡിക്കൽ ബോർഡ് കണ്ടെത്തിയിരുന്നു. അതിനാൽ ഈ ഘട്ടത്തിൽ ഗർഭച്ഛിദ്രം നടത്തേണ്ട ആവശ്യമില്ലെന്നും, ജനിച്ച ശേഷം കുഞ്ഞിനെ വളർത്താൻ ദമ്പതികൾക്ക് താല്പര്യമില്ലെങ്കിൽ അവർക്ക് കുഞ്ഞിനെ ശിശുക്ഷേമ സമിതിക്ക് കൈമാറാവുന്നതാണെന്നും ബോർഡ് കോടതിയെ അറിയിച്ചു. കൃത്യമായ ജനിതക പരിശോധനകൾ ഇല്ലാതെ കുഞ്ഞിൻ്റെ ബുദ്ധിപരമോ ശാരീരികമോ ആയ വളർച്ച സംബന്ധിച്ച് ഈ ഘട്ടത്തിൽ കൃത്യമായി പ്രവചിക്കാനാകില്ലെന്നും മെഡിക്കൽ ബോർഡ് വ്യക്തമാക്കിയിരുന്നു.

Also Read: ചേരാനെല്ലൂർ അപകടം: ജഡ്ജി അനുമതി വാങ്ങാതെ പൊലീസ് സ്റ്റേഷനിൽ പോയത് തെറ്റ്, സസ്പെൻഡ് ചെയ്യണമെന്ന് റിപ്പോർട്ട്

കുഞ്ഞിനെ വളർത്താൻ ദമ്പതികൾ ആഗ്രഹിക്കുന്നില്ല എന്നതിനാൽ ഗർഭച്ഛിദ്രം എന്ന മാർഗം സ്വീകരിക്കേണ്ടതില്ല എന്ന് ജസ്റ്റിസ് ഹരിശങ്കർ വി മേനോൻ നിരീക്ഷിച്ചു. മെഡിക്കൽ ബോർഡിൻ്റെ നിർദേശം ദമ്പതികളും അംഗീകരിക്കുകയായിരുന്നു. ഇതോടെയാണ് ഗർഭം അലസിപ്പിക്കുക എന്ന ആദ്യത്തെ ആവശ്യത്തിൽ നിന്ന് പിന്മാറി, ജനിച്ചയുടൻ കുഞ്ഞിനെ സി.ഡബ്ല്യു.സിക്ക് കൈമാറാൻ അനുവദിക്കണമെന്ന പുതിയ ആവശ്യം ദമ്പതികൾ കോടതിക്ക് മുന്നിൽ വെച്ചത്. ഈ ആവശ്യം അംഗീകരിച്ചുകൊണ്ടാണ് ഹൈക്കോടതി ഉത്തരവിറക്കിയത്.

എന്താണ് സ്കെലിറ്റൽ ഡിസ്പ്ലാസിയ?

അസ്ഥികളുടെയും കാർട്ടിലേജുകളുടെയും രൂപീകരണത്തെയും വളർച്ചയെയും ബാധിക്കുന്ന നാനൂറ് മുതൽ എഴുന്നൂറ്റിയമ്പതോളം വരുന്ന അപൂർവ ജനിതക രോഗങ്ങളുടെ ഒരു കൂട്ടമാണ് സ്കെലിറ്റൽ ഡിസ്പ്ലാസിയ എന്ന് മെഡിക്കൽ ജേണലുകൾ വ്യക്തമാക്കുന്നു. കൈകാലുകൾക്ക് നീളം കുറയുകയും നെറ്റിത്തടം വീർക്കുകയും ചെയ്യുന്ന 'അക്കോൺഡ്രോപ്ലാസിയ' എല്ലുകൾ പെട്ടെന്ന് പൊടിയുന്ന അവസ്ഥ എന്നിവ ഇതിൻ്റെ ഭാഗമാണ്. ശൈശവാവസ്ഥയിലോ കൗമാരത്തിലോ മാത്രം തിരിച്ചറിയാൻ കഴിയുന്ന ചെറിയ ലക്ഷണങ്ങൾ മുതൽ ജനിക്കുന്നതിന് മുൻപോ ജനിച്ചയുടനെയോ കുഞ്ഞിൻ്റെ ജീവൻ നഷ്ടപ്പെടുന്ന അവസ്ഥകൾ വരെ ഈ രോഗത്തിൽ ഉണ്ടാകാം. ചില ഗുരുതരമായ സാഹചര്യങ്ങളിൽ ശ്വാസകോശത്തിൻ്റെ വളർച്ചയെ തന്നെ ഈ രോഗം ബാധിക്കാറുണ്ട്. എന്നാൽ ഈ കേസിൽ കുഞ്ഞിന് ജീവന് ഭീഷണിയില്ലാത്ത തരത്തിലുള്ള ഡിസ്പ്ലാസിയ ആണെന്നാണ് കണ്ടെത്തൽ.

English Summary

The Kerala High Court permitted a couple to surrender their newborn, diagnosed with skeletal dysplasia, to the Child Welfare Committee since medical experts advised against terminating the 33-week pregnancy.

സാമ്പത്തിക സുരക്ഷിതത്വം ഇന്ന് വളരെയധികം അനിവാര്യമായ ഒന്നാണ്. ഇന്ന് അതിന് സഹായിക്കുന്ന നിരവധി നിക്ഷേപപദ്ധതികൾ ഉണ്ട്. ഏതൊരു സാധാരണക്കാരനും സുരക്ഷിതമായി നിക്ഷേപിക്കാൻ സാധിക്കുന്ന മികച്ചൊരു പദ്ധതിയാണ് പോസ്റ്റ് ഓഫീസ് റെക്കറിങ് ഡെപ്പോസിറ്റ്. സാധാരണക്കാർക്ക് ചെറിയ തുകകൾ മാസംതോറും മാറ്റിവെച്ച് വലിയൊരു തുക സമ്പാദിക്കാൻ ഈ പദ്ധതി സഹായിക്കും. വെറും നൂറ് രൂപ കൊണ്ട് എങ്ങനെ ലക്ഷങ്ങൾ സമ്പാദിക്കാമെന്ന് പരിശോധിച്ചാലോ....

പോസ്റ്റ് ഓഫീസ് ആർഡി സ്കീം

ഇന്ത്യയില്‍ താമസിക്കുന്ന ഏതൊരു വ്യക്തിക്കും ഈ പദ്ധതിയില്‍ അക്കൗണ്ട് തുറക്കാം. വ്യക്തിഗതമായോ ജോയിന്റായോ ഒന്നിലധികം അക്കൗണ്ടുകൾ ആരംഭിക്കാന്‍ സാധിക്കും. മൈനര്‍ കുട്ടികളുടെ പേരിലും രക്ഷിതാക്കള്‍ക്ക് അക്കൗണ്ട് തുറക്കാം. റെക്കറിങ് ഡെപ്പോസിറ്റ് സ്‌കീം അഥവാ ആര്‍ഡി നിക്ഷേത്തിന്റെ കാലാവധി 5 വര്‍ഷമാണ്. അത് 10 വര്‍ഷമായി നീട്ടാന്‍ സാധിക്കും.

നിലവില്‍ പോസ്റ്റ് ഓഫീസ് ആർഡിക്ക് 6.7 ശതമാനമാണ് പലിശ നിരക്ക്. അക്കൗണ്ട് ആരംഭിച്ച് നിശ്ചിത കാലയളവിനു ശേഷം ചില അടിയന്തര സാഹചര്യങ്ങളില്‍ അക്കൗണ്ട്അ വസാനിപ്പിക്കാനുള്ള സൗകര്യവും ഇതിലുണ്ട്. അപ്രതീക്ഷിതമായി ഉണ്ടാകുന്ന സാമ്പത്തിക പ്രതിസന്ധി ഘട്ടങ്ങളില്‍ ആര്‍ഡി നിക്ഷേപത്തില്‍ നിന്നും വായ്പ എടുക്കാന്‍ സാധിക്കും. അക്കൗണ്ട് ആരംഭിച്ച് ഒരു വര്‍ഷം പൂര്‍ത്തിയായാല്‍, ആകെ നിക്ഷേപ തുകയുടെ 50 ശതമാനം വരെ വായ്പയായി ലഭിക്കും.

ALSO READ: സ്ത്രീകൾക്ക് മാസം 1,500 രൂപ ധനസഹായം; അപേക്ഷിക്കാൻ വേണ്ട രേഖകൾ അറിയാം

20 ലക്ഷം സമ്പാദിക്കുന്നത് എങ്ങനെ?

പോസ്റ്റ് ഓഫീസ് ആർഡി സ്കീം വഴി പത്ത് വർഷം കൊണ്ട് ഇരുപത് രൂപ സമ്പാദിക്കാൻ സാധിക്കും. ഇതിന് ആദ്യം നിങ്ങള്‍ ദിവസേന 400 രൂപ വീതം മാറ്റിവെക്കണം. ഇത്തരത്തിൽ, ഒരു മാസം ആകെ 12,000 രൂപ നിക്ഷേപിക്കാന്‍ സാധിക്കും. പ്രതിമാസം 12,000 രൂപ വെച്ച് 5 വര്‍ഷത്തേക്ക് നിക്ഷേപിച്ചാല്‍, കാലാവധി പൂര്‍ത്തിയാകുമ്പോള്‍ പലിശ സഹിതം ഏകദേശം 8,56,388 രൂപ കയ്യിലെത്തും.

ഈ അക്കൗണ്ട് കാലാവധി വീണ്ടും 5 വര്‍ഷത്തേക്ക് കൂടി നീട്ടുകയാണെങ്കില്‍ മൊത്തം നിക്ഷേപം 14.40 ലക്ഷം രൂപയാകും. 10 വര്‍ഷം തികയുമ്പോള്‍ പലിശ ഇനത്തില്‍ മാത്രം 6 ലക്ഷത്തിലധികം രൂപ ലഭിക്കും. അങ്ങനെ കൃത്യം 10 വര്‍ഷം പൂര്‍ത്തിയാകുമ്പോള്‍ ഏകദേശം 20,50,248 രൂപ നിങ്ങളുടെ സമ്പാദ്യമായി മാറുന്നതാണ്.

പോസ്റ്റ് ഓഫീസ് ടൈം ഡെപ്പോസിറ്റ് സ്‌കീം

ബാങ്കുകളുടെ സ്ഥിര നിക്ഷേപങ്ങൾക്ക് സമാനമായ രീതിയിൽ പോസ്റ്റ് ഓഫീസ് നൽകുന്ന ഒരു മറ്റൊരു നിക്ഷേപ പദ്ധതിയാണ് പോസ്റ്റ് ഓഫീസ് ടൈം ഡെപ്പോസിറ്റ് സ്‌കീം. ഒറ്റത്തവണയായി നിക്ഷേപം നടത്തി ഉയർന്ന പലിശ വരുമാനം നേടാൻ ആഗ്രഹിക്കുന്നവർക്ക് ഏറ്റവും അനുയോജ്യമായ പദ്ധതിയാണിത്. 1 വർഷം, 2 വർഷം, 3 വർഷം, 5 വർഷം എന്നിങ്ങനെ നാല് കാലാവധികളിൽ നിക്ഷേപം നടത്താം. 1000 രൂപ മുതൽ നിക്ഷേപം തുടങ്ങാം. 100-ന്റെ ഗുണിതങ്ങളായി എത്ര തുക വേണമെങ്കിലും നിക്ഷേപിക്കാം.

English Summary:

The Post Office Recurring Deposit Scheme is a savings plan designed to help people build a substantial fund through regular monthly investments. The initial investment period is five years, which can be extended for another five years, making it a 10-year savings option.

ഇന്ത്യ vs ന്യൂസിലൻഡ് മൂന്നാം ടി20 മത്സരത്തിൽ ഇന്ത്യക്ക് ആധികാരിക വിജയം. ന്യൂസിലാൻ്റിനെ 6 വിക്കറ്റിന് തോൽപ്പിച്ചാണ് ഇന്ത്യ പരമ്പര നേടിയത്.   1ടോസ് നേടി ആദ്യം ബാറ്റ് ചെയ്ത ന്യൂസിലൻഡ്. 20 ഒാവറിൽ 198/3 എന്ന സ്കോറാണ് അടിച്ച് കൂട്ടിയത്. ഡാരിൽ മിച്ചൽ 52 പന്തിൽ നിന്ന് പുറത്താകാതെ 89 റൺസ് നേടി. ബ്ലാക്ക്‌ക്യാപ്‌സ് 1.2 ഓവറിൽ 6/1 എന്ന നിലയിലേക്ക് ചുരുങ്ങി, എന്നാൽ ഫിൻ അലനും ഡാരിൽ മിച്ചലും ചേർന്ന് നടത്തിയ രക്ഷാ പ്രവർത്തനമാണ് ടീമിനെ മികച്ച നിലയിലേക്ക് എത്തിച്ചത്.

അലൻ 25 പന്തിൽ നിന്ന് 40 റൺസ് നേടി പുറത്തായി, എന്നാൽ അഞ്ച് ഫോറുകളും അത്രയും സിക്‌സറുകളും ഉൾപ്പെടെ മിച്ചൽ തന്റെ ഇന്നിംഗ്‌സ് ആഴത്തിൽ നടത്തി. ഇന്ത്യക്ക് വേണ്ടി, 33 റൺസിന് 1 വിക്കറ്റ് വീഴ്ത്തിയ അർഷ്ദീപ് സിംഗ് ബൗളർമാരിൽ മികച്ച പ്രകടനം കാഴ്ചവച്ചു.

Also Read: Ballon d’Or 2026: ഹാരി കെയ്ന്‍ അല്ലാതെ വേറെയാര്? ചരിത്രം കുറിച്ച് ഇംഗ്ലീഷ് താരം; ബാലൺ ഡി ഓർ പുരസ്കാരങ്ങൾ പ്രഖ്യാപിച്ചു

മറുപടി ബാറ്റിംഗിനിറങ്ങിയ ഇന്ത്യക്ക് ശക്തമായ തുടക്കം നൽകിയത് അഭിഷേക് ശർമ്മയുടെ  സെഞ്ചുറിയാണ്. 35- പന്തിലാണ് അഭിഷേക് സെഞ്ചുറി നേടിയത്. വൈഭവ് സൂര്യ വംശിക്കൊപ്പം ചേർന്നായിരുന്നു അഭിഷേകിൻ്റെ കിടിലൻ പെർഫോമൻസ്. വൈഭവ് 19 പന്തിൽ 45 റൺസ് നേടി. 13 പന്തിൽ നിന്നും 18 റൺസ് നേടിയ സഞ്ജുവും,  5 റൺസ് നേടിയ ശ്രേയസ് അയ്യരുമായിരുന്നു. ഇന്ത്യക്ക് വേണ്ടി ക്രീസിലുണ്ടായിരുന്നത്. അതിവേഗത്തിൽ സ്കോർ ഉയർത്തിയ ഇന്ത്യ 13.2 ഒാവറിലാണ് ലക്ഷ്യം കണ്ടെത്തിയത്. 40 ബോളുകൾ കൂടി ബാക്കി നിൽക്കുമ്പോഴായിരുന്നു വിജയം എന്നതും ശ്രദ്ധേയമാണ്.

English Summary

India Beat New Zealand in third t20 Match for 6 wicket. Abhishek Sharma Scores 100 in 35 Balls. Marked a fastest century

തിരുവനന്തപുരം: കാത്തിരിപ്പുകൾക്കൊടുവിൽ കേരള സംസ്ഥാന ഭാഗ്യക്കുറി വകുപ്പിൻ്റെ സ്ത്രീശക്തി SS-543 ലോട്ടറി നറുക്കെടുപ്പ് പൂർത്തിയായി. 2026 ഒക്ടോബർ 27-ന് നടന്ന നറുക്കെടുപ്പിലെ ഒരു കോടി രൂപയുടെ ഒന്നാം സമ്മാനം ആർക്കാണെന്ന് അറിയാൻ ആകാംക്ഷയോടെ കാത്തിരിക്കുകയാണ് കേരളം. തിരുവനന്തപുരത്തെ ബേക്കറി ജംഗ്ഷന് സമീപമുള്ള ഗോർക്കി ഭവനിൽ വെച്ച് ഉച്ചകഴിഞ്ഞ് 3 മണി മുതലാണ് നറുക്കെടുപ്പ് നടപടികൾ ആരംഭിച്ചത്. വെറും 50 രൂപയ്ക്ക് ഒരു കോടി രൂപ നേടാൻ അവസരമൊരുക്കുന്ന സ്ത്രീശക്തി ലോട്ടറിയുടെ നറുക്കെടുപ്പ് എല്ലാ ചൊവ്വാഴ്ചകളിലുമാണ് നടക്കുന്നത്.

വൻ തുകകളാണ് ഈ ലോട്ടറിയുടെ വിജയികളെ കാത്തിരിക്കുന്നത്. ഒന്നാം സമ്മാനമായ ഒരു കോടി രൂപയ്ക്ക് പുറമെ, 30 ലക്ഷം രൂപയാണ് രണ്ടാം സമ്മാനമായി നൽകുന്നത്. മൂന്നാം സമ്മാനം ലഭിക്കുന്നയാൾക്ക് 5 ലക്ഷം രൂപ സ്വന്തമാക്കാം. മറ്റ് കേരള ലോട്ടറികളെപ്പോലെ നിരവധി പേർക്ക് സമ്മാനം നൽകുന്ന മികച്ചൊരു സമ്മാനഘടനയാണ് സ്ത്രീശക്തിക്കുമുള്ളത്. 5,000 രൂപ വീതം 11 പേർക്കാണ് സമാശ്വാസ സമ്മാനം ലഭിക്കുക. തുടർന്ന് നാലാം സമ്മാനമായി 5,000 രൂപ, അഞ്ചാം സമ്മാനമായി 2,000 രൂപ, ആറാം സമ്മാനമായി 1,000 രൂപ എന്നിങ്ങനെയാണ് സമ്മാനങ്ങൾ നൽകുന്നത്. ഏഴ്, എട്ട്, ഒൻപത് സ്ഥാനക്കാർക്ക് യഥാക്രമം 500 രൂപ, 200 രൂപ, 100 രൂപ എന്നിങ്ങനെയും സമ്മാനങ്ങൾ ലഭിക്കും.

സ്ത്രീശക്തി ലോട്ടറിയുടെ ഇന്നത്തെ വിജയികൾ

ഒന്നാം സമ്മാനം 1 കോടി രൂപ

SP 760709

സമാശ്വാസ സമ്മാനം 5,000 രൂപ

SN 760709 SO 760709 SR 760709 SS 760709 ST 760709 SU 760709 SV 760709 SW 760709 SX 760709 SY 760709 SZ 760709

രണ്ടാം സമ്മാനം 30 ലക്ഷം രൂപ

ST 580183

മൂന്നാം സമ്മാനം 5 ലക്ഷം രൂപ

SR 609867

നാലാം സമ്മാനം 5,000 രൂപ

0313 0681 1055 2099 2598 3040 3388 4100 4198 4791 4932 5539 5954 6490 7143 7492 7629 8068 8374

അഞ്ചാം സമ്മാനം 2,000 രൂപ

0664 4065 5575 5867 8726 8862

ആറാം സമ്മാനം 1,000 രൂപ

0072 0786 1451 2134 2616 3081 3240 3363 3378 3527 3573 3630 3808 4465 4525 4633 6170 7383 7512 7768 7925 8046 8162 9191 9291

ഏഴാം സമ്മാനം 500 രൂപ

0391 0599 0625 0701 0963 1137 1565 1866 1869 1911 1940 2127 2168 2318 2329 2382 2602 2791 2813 2830 2866 3091 3128 3145 3241 3327 3601 3763 3875 4046 4074 4263 4417 4418 4454 4534 4603 4829 4943 4999 5024 5140 5162 5167 5203 5268 5471 5472 5731 5786 5823 6315 6606 6609 6663 6743 6887 7004 7413 7484 7617 7637 7654 7856 8140 8317 8371 8445 8611 8674 8703 8704 8769 9301 9691 9963

എട്ടാം സമ്മാനം 200 രൂപ

0033 0082 0153 0188 0428 0496 0721 0780 0799 0844 0883 0978 1053 1128 1699 1804 1814 2043 2225 2389 2744 2794 2860 2987 3021 3113 3123 3209 3399 3608 3744 3883 3946 4014 4273 4460 4478 4541 4726 4764 4899 4982 5181 5235 5242 5354 5413 5716 5741 5768 5815 5887 5945 5950 5976 6357 6390 6500 6571 6657 6740 7115 7142 7604 7815 7993 8098 8122 8237 8320 8516 8533 8655 8714 8751 8986 9236 9255 9296 9337 9398 9565 9624 9687 9738 9810 9858 9899 9908 9983

ഒൻപതാം സമ്മാനം 100 രൂപ

0060 0109 0147 0175 0209 0222 0406 0482 0558 0646 0656 0832 1100 1213 1374 1388 1459 1530 1545 1724 1726 1764 1781 1793 1925 1933 1980 2012 2016 2098 2108 2193 2204 2205 2304 2333 2350 2390 2531 2569 2629 2747 3133 3147 3203 3211 3244 3394 3484 3499 3512 3615 3632 3659 3784 3830 3837 3885 3932 4000 4003 4049 4135 4187 4233 4310 4329 4339 4528 4547 4551 4555 4574 4599 4723 4736 4754 4823 4946 5154 5232 5374 5568 5612 5665 5743 5845 5973 6008 6031 6057 6085 6086 6216 6492 6626 6701 6707 6893 6897 7133 7152 7167 7241 7353 7443 7452 7522 7648 7700 7701 7762 7800 7803 7852 7894 7950 8012 8014 8025 8026 8037 8090 8238 8467 8531 8558 8603 8621 8640 8654 8731 8737 8764 8767 8805 8896 9125 9151 9200 9205 9213 9344 9404 9495 9577 9705 9878 9911 9992

സമ്മാനത്തുക എങ്ങനെ സ്വന്തമാക്കാം?

ലോട്ടറി അടിച്ചു എന്നതുകൊണ്ട് മാത്രം കാര്യമില്ല, അത് സ്വന്തമാക്കാനുള്ള നടപടിക്രമങ്ങൾ കൂടി കൃത്യമായി അറിഞ്ഞിരിക്കണം. ഔദ്യോഗിക ഫലം പ്രഖ്യാപിച്ച് കൃത്യം 30 ദിവസത്തിനുള്ളിൽ തന്നെ വിജയികൾ സമ്മാനത്തുക വാങ്ങുന്നതിനുള്ള നടപടികൾ ആരംഭിക്കേണ്ടതുണ്ട്. സമ്മാനാർഹമായ ടിക്കറ്റുകൾ യാതൊരു കേടുപാടുകളും കൂടാതെ സൂക്ഷിക്കേണ്ടത് അത്യാവശ്യമാണ്. സമ്മാനത്തുക കൈപ്പറ്റാൻ ടിക്കറ്റ് നൽകുമ്പോൾ അതിന് പിന്നിലായി ഒപ്പിടാനും മറക്കരുത്.

ഒരു ലക്ഷം രൂപ വരെയുള്ള സമ്മാനങ്ങളാണ് നിങ്ങൾക്ക് ലഭിച്ചതെങ്കിൽ, തുക കൈപ്പറ്റാനായി അതത് ജില്ലാ ലോട്ടറി ഓഫീസുകളെ നേരിട്ട് സമീപിക്കാം. എന്നാൽ ഒരു ലക്ഷം രൂപയ്ക്ക് മുകളിലുള്ള വമ്പൻ സമ്മാനങ്ങളാണെങ്കിൽ, ആവശ്യമായ എല്ലാ രേഖകളും സഹിതം ലോട്ടറി ഡയറക്ടറേറ്റിലാണ് ടിക്കറ്റ് സമർപ്പിക്കേണ്ടത്.

English Summary

The Kerala State Lotteries Department has announced the 'Sthree Sakthi' SS-543 results for October 27, 2026, offering a Rs 1 crore first prize. Winners must claim prizes within 30 days.

രാജ്യത്തെ ദശലക്ഷക്കണക്കിന് കേന്ദ്ര സർക്കാർ ജീവനക്കാർ എട്ടാം ശമ്പള കമ്മീഷന് വേണ്ടിയുള്ള കാത്തിരിപ്പിലാണ്. ഇത്തവണ ശമ്പള ഘടനയിലും അലവൻസുകളിലും വൻ മാറ്റങ്ങൾ ഉണ്ടായേക്കാമെന്നാണ് റിപ്പോർട്ടുകൾ സൂചിപ്പിക്കുന്നത്. പ്രത്യേകിച്ച് ഗ്രേഡ് പേ 2400 (Grade Pay 2400) വിഭാഗത്തിൽ വരുന്ന ജീവനക്കാരുടെ ശമ്പള കണക്കുകളും ഫിറ്റ്‌മെന്റ് ഫാക്ടറും സംബന്ധിച്ച ചർച്ചകൾ സജീവമാണ്. ഈ വിഭാഗത്തിലുള്ള ജീവനക്കാരുടെ ശമ്പള വർദ്ധനവ്, ഗ്രോസ് - നെറ്റ് സാലറി കണക്കുകൾ, മറ്റ് അലവൻസുകൾ എന്നിവയെക്കുറിച്ചുള്ള പ്രധാന വിവരങ്ങൾ പരിശോധിച്ചാലോ....

ഫിറ്റ്മെന്റ് ഫാക്ടർ എത്രയായിരിക്കും?

അടിസ്ഥാന ശമ്പളം കണക്കാക്കുന്നതിൽ ഫിറ്റ്മെന്റ് ഫാക്ടർ നിർണായക പങ്ക് വഹിക്കുന്നുണ്ട്. 8-ാം ശമ്പള കമ്മീഷനിൽ ഫിറ്റ്‌മെന്റ് ഫാക്ടർ 1.92 മുതൽ 2.28 വരെയോ അല്ലെങ്കിൽ ഉയർന്ന നിരക്കിലോ (3.0 വരെ) നിശ്ചയിക്കാൻ സാധ്യതയുണ്ട്. ഇതിന്റെ അടിസ്ഥാനത്തിലായിരിക്കും പുതിയ ബേസിക് പേ കണക്കാക്കുന്നത്.

അതുപോലെ, പുതിയ ശമ്പള കമ്മീഷൻ നടപ്പിലാക്കുമ്പോൾ അതുവരെ നിലവിലുള്ള ഡിഎ അടിസ്ഥാന ശമ്പളത്തിൽ ലയിപ്പിക്കുകയും, പുതിയ ഡിഎ പൂജ്യത്തിൽ നിന്ന് പുനരാരംഭിക്കുകയും ചെയ്യും. ഇതും അടിസ്ഥാന ശമ്പളം ഉയർത്തിയേക്കും. അടിസ്ഥാന ശമ്പളം ഉയരുന്നതോടെ വീട്ടുവാടക അലവൻസ് (HRA), ട്രാവൽ അലവൻസ് (TA) തുടങ്ങിയ മറ്റ് അലവൻസുകളിലും ആനുപാതികമായ വർദ്ധനവുണ്ടാകും.

ALSO READ: ഡിഎ ലയിപ്പിക്കുന്നതിൽ സർക്കാർ നിലപാട് എന്ത്? 8-ാം ശമ്പള കമ്മീഷൻ ടേംസ് ഓഫ് റഫറൻസ് പറയുന്നത്…

ഗ്രേഡ് പേ 2400 വിഭാഗത്തിന് ശമ്പളം എത്ര കൂടിയേക്കും?

ഗ്രേഡ് പേ 2400 (Grade Pay 2400) എന്നത് കേന്ദ്ര-സംസ്ഥാന സർക്കാർ സർവീസുകളിൽ ജീവനക്കാരുടെ തസ്തികയും അടിസ്ഥാന ശമ്പളവും നിശ്ചയിക്കാൻ ഉപയോഗിക്കുന്ന ഒരു ശമ്പള സ്കെയിൽ അല്ലെങ്കിൽ ലെവൽ ആണ്. 6-ാം ശമ്പള കമ്മീഷനിൽ 'ഗ്രേഡ് പേ' എന്ന സംവിധാനമാണ് ഉണ്ടായിരുന്നത്. പേ ബാൻഡ് 1 എന്ന വിഭാഗത്തിൽ ₹2400 ഗ്രേഡ് പേ വരുന്ന തസ്തികകളായിരുന്നു ഇത്. 7-ാം ശമ്പള കമ്മീഷൻ വന്നപ്പോൾ 'ഗ്രേഡ് പേ' എന്നതിന് പകരം 'പേ മാട്രിക്സ് ലെവൽ' സംവിധാനം കൊണ്ടുവന്നു. ഗ്രേഡ് പേ 2400 എന്നത് ലെവൽ 4 എന്ന വിഭാഗത്തിലാണ് വരുന്നത്.

7-ാം കമ്മീഷനിലെ പേ മാട്രിക്സ് പ്രകാരം ഉയർന്ന സ്റ്റേജിലുള്ള അടിസ്ഥാന ശമ്പളമാണ് ഇവർക്കുള്ളത്. ഫിറ്റ്‌മെന്റ് ഫാക്ടർ പ്രയോഗിക്കുമ്പോൾ അടിസ്ഥാന ശമ്പളത്തിൽ 30% മുതൽ 50% വരെ വർദ്ധനവ് ഇത്തവണ ഉണ്ടായേക്കാം. റിപ്പോർട്ടുകൾ പ്രകാരം, ലെവൽ-2 / ലെവൽ-4 സ്റ്റേജ് 40 ജീവനക്കാരുടെ ഗ്രാസ് ശമ്പളത്തിൽ ഏകദേശം 30.80% വരെ വർദ്ധനവാണ് പ്രതീക്ഷിക്കുന്നത്. എൻ.പി.എസ് (NPS), സി.ജി.എച്ച്.എസ് (CGHS) തുടങ്ങിയ പെൻഷൻ-ഇൻഷുറൻസ് പിടുത്തങ്ങൾക്ക് ശേഷം ജീവനക്കാരുടെ കൈയ്യിൽ ലഭിക്കുന്ന നെറ്റ് ശമ്പളത്തിലും കാര്യമായ വർദ്ധനവ് ഉണ്ടാകും.

English Summary:

The 8th Central Pay Commission is expected to bring changes to the salaries of Central Government employees. Salary calculation for employees in Pay Level 4, Stage 40, equivalent to the former Grade Pay of Rs 2,400.

തിരുവനന്തപുരം: സംസ്ഥാനത്ത് മഴ മാറിയിട്ടില്ലെന്ന മുന്നറിയിപ്പുമായി കേന്ദ്ര കാലാവസ്ഥ വകുപ്പ് (Kerala Weather Latest Forecast). തെക്കുകിഴക്കൻ അറബിക്കടലിലും കേരള തീരത്തും രൂപപ്പെട്ട ന്യൂനമർദ്ദ സാന്നിധ്യം മൂലം സംസ്ഥാനത്ത് വരും ദിവസങ്ങളിൽ വീണ്ടും ഇടിമിന്നലോടുകൂടിയ മഴ ശക്തമാകാൻ സാധ്യതയുണ്ടെന്ന് കാലാവസ്ഥാ വകുപ്പിന്റെ മുന്നറിയിപ്പ്. മഴയ്ക്കൊപ്പം ശക്തമായ ഇടിമിന്നലിനും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ട്.

നിലവിൽ ഇന്ന് ഒരു ജില്ലയിലും പ്രത്യേക മഴ മുന്നറിയിപ്പില്ല. എല്ലാ ജില്ലകളിലും ​ഗ്രീൻ അലർട്ടാണ്. എന്നാൽ ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാധ്യതയുണ്ട്. വരും ദിവസങ്ങളിലും സമാനമായ അന്തരീക്ഷമാണ് പ്രവചിക്കുന്നത്. എന്നാൽ വരുന്ന മണിക്കൂറിൽ കാലാവസ്ഥ വ്യതിയാനം സംഭവിച്ചാൽ നിലവിലുള്ള മുന്നറിയിപ്പിൽ മാറ്റം സംഭവിച്ചേക്കാം. അടുത്ത മൂന്ന് മണിക്കൂറിൽ കേരളത്തിലെ തിരുവനന്തപുരം ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ALSO READ: ഇന്ന് വിവിധ ജില്ലകളിൽ ഒറ്റപ്പെട്ട ഇടങ്ങളിൽ നേരിയ മഴ മാത്രം

അർണബ് ചുഴലിക്കാറ്റ് ശക്തമാകുന്നു

മധ്യ ബംഗാൾ ഉൾക്കടലിൽ അർണബ് (Arnab cyclone) ചുഴലിക്കാറ്റ് രൂപപ്പെടുകയും തെക്കുപടിഞ്ഞാറൻ ബംഗാൾ ഉൾക്കടലിലും തമിഴ്‌നാട് തീരത്തും ന്യൂനമർദ്ദവും അതിനോട് അനുബന്ധിച്ച് കേരളത്തിലൂടെ ചക്രവാതച്ചുഴി സ്ഥിതിചെയ്യുന്ന പശ്ചാത്തലത്തിൽ സംസ്ഥാനത്ത് മഴ മുന്നറിയിപ്പ് ശക്തമാക്കി കേന്ദ്ര കാലാവസ്ഥാ വകുപ്പ്. കൂടുതൽ ശക്തിപ്രാപിക്കുന്ന ചുഴലിക്കാറ്റ് ഒക്ടോബർ 28-ന് ഉച്ചയ്ക്ക് മുമ്പ് ആന്ധ്രാപ്രദേശ് – യാനം തീരങ്ങൾക്കിടയിലൂടെ, ബാപട്‌ലയ്ക്കും വിശാഖപട്ടണത്തിനും ഇടയിൽ അതിശക്തമായ ചുഴലിക്കാറ്റായി കരയിൽ പ്രവേശിക്കും.

ഇത് കരതൊടുമ്പോൾ മണിക്കൂറിൽ 115 മുതൽ 125 കി.മീറ്ററും പരമാവധി 140 കി.മീറ്റർ വരെയും ഉയർന്ന കാറ്റിന്റെ വേഗത രേഖപ്പെടുത്തിയേക്കാം. തെക്കുപടിഞ്ഞാറൻ ബംഗാൾ ഉൾക്കടലിലും തെക്കൻ തമിഴ്‌നാട് തീരപ്രദേശത്തിന് മുകളിലുമായി ന്യൂനമർദ്ദം സ്ഥിതിചെയ്യുന്നുണ്ട്. ലക്ഷദ്വീപ് മേഖലയിൽ നിന്ന് തെക്കൻ കേരളത്തിലൂടെ തെക്കുപടിഞ്ഞാറൻ ബംഗാൾ ഉൾക്കടലിലെ ന്യൂനമർദ്ദവുമായി ബന്ധപ്പെട്ട ചക്രവാതച്ചുഴിയിലേക്ക് ഒരു ന്യൂനമർദ്ദ പാത്തി നീളുന്നതായി കാലാവസ്ഥ വകുപ്പ് വ്യക്തമാക്കി.

പൊതുജനങ്ങൾക്കുള്ള ജാഗ്രതാ നിർദ്ദേശങ്ങൾ

ഇടിമിന്നൽ ജാഗ്രത: ഇടിമിന്നൽ ലക്ഷണങ്ങൾ കണ്ടാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക. ഇലക്ട്രോണിക് ഉപകരണങ്ങൾ വിച്ഛേദിക്കുക. ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല.

കാറ്റിനെതിരെ കരുതലുകൾ: മേൽക്കൂരകൾ ഭദ്രമല്ലാത്ത വീടുകളിലും മരങ്ങളുടെ ചുവട്ടിലും നിൽക്കുന്നത് ഒഴിവാക്കുക. മധ്യകിഴക്കൻ ബംഗാൾ ഉൾക്കടലിലും അതിനോട് ചേർന്ന മധ്യ പടിഞ്ഞാറൻ ബംഗാൾ ഉൾക്കടലിലും നിലവിൽ മണിക്കൂറിൽ 60 മുതൽ 70 കിലോമീറ്റർ വരെയും ചില അവസരങ്ങളിൽ മണിക്കൂറിൽ 80 കിലോമീറ്റർ വരെയും വേഗതയിൽ വേഗതയിൽ കാറ്റ് വീശാൻ സാധ്യത. അതിനാൽ മത്സ്യത്തൊഴിലാളികളും സൂക്ഷിക്കണം.

യാത്രാ ജാഗ്രത: മലയോര മേഖലകളിലും വെള്ളക്കെട്ടുള്ള റോഡുകളിലും രാത്രി യാത്രകൾ ചെയ്യുമ്പോൾ ജാഗ്രത പുലർത്തുക. സംസ്ഥാനത്ത് നിലനിന്ന ശക്തമായ മഴയെ തുടർന്ന് മിക്ക ടൂറിസ്റ്റ് കേന്ദ്രങ്ങളും ഇപ്പോൾ അടച്ചിട്ടിരിക്കുകയാണ്. ടൂറിസ്റ്റുകൾ അധികൃതരുടെ നിർദ്ദേശങ്ങൾ കർശനമായി പാലിക്കുക.

English Summary:

Kerala Weather Alert, Arabian Sea Low Pressure Triggers Heavy Rain Warning Across Districts. Isolated regions across the state are expected to experience intense downpours accompanied by thunderstorms and gusty winds over the coming days.

ഇൻഫിനിക്സ് തങ്ങളുടെ GT സീരീസിന്റെ ഭാഗമായി ഇൻഫിനിക്സ് GT 50 പ്രോ 5ജി (Infinix GT 50 Pro) ഇന്ത്യയിൽ ലോഞ്ച് ചെയ്തു. ഗെയിമിങ് പ്രേമികളെക്കൂടി ലക്ഷ്യമിട്ടുകൊണ്ട് മൊബൈൽ ഗെയിമിംഗ് പെർഫോമൻസ് മെച്ചപ്പെടുത്തുന്നതിനായി ഫിസിക്കൽ കൺട്രോൾ, അഡ്വാൻസ്ഡ് തെർമൽ മാനേജ്‌മെന്റ്, സോഫ്റ്റ്‌വെയർ ഒപ്റ്റിമൈസേഷൻ എന്നിവ സംയോജിപ്പിച്ചാണ് ഇൻഫിനിക്സ് ഈ സ്മാർട്ട്ഫോൺ അ‌വതരിപ്പിച്ചിരിക്കുന്നത്. ഓൺലൈൻ ഗെയിമിങ്ങിനിടെ ലേറ്റൻസി കുറയ്ക്കുന്നതിനും സിഗ്നൽ ശക്തി സ്ഥിരപ്പെടുത്തുന്നതിനും രൂപകൽപ്പന ചെയ്ത ഇൻ-ഹൗസ് N1 നെറ്റ്‌വർക്ക് ചിപ്പും ഈ ഇൻഫിനിക്സ് ജിടി സ്മാർട്ട്ഫോണിൽ ഉണ്ട്.

പ്രധാന ഫീച്ചറുകൾ

6.78 ഇഞ്ച് (1208 x 2644 പിക്സൽ) 1.5K AMOLED സ്‌ക്രീൻ, 144Hz റിഫ്രഷ് റേറ്റ്, 330Hz ടച്ച് സാംപ്ലിംഗ് റേറ്റ്, 2800Hz ഇൻസ്റ്റന്റ് ടച്ച് സാംപ്ലിംഗ് റേറ്റ്, 2304Hz PWM ഡിമ്മിംഗ്, 4500 നിറ്റ്‌സ് വരെ പീക്ക് ബ്രൈറ്റ്‌നസ്, കോർണിംഗ് ഗോറില്ല ഗ്ലാസ് 7i പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ.

Also Read: അ‌ന്ന് 25999 രൂപ, ഇപ്പോൾ 18999 രൂപ; മോട്ടോ G77 Power 5G പുതിയ വേരിയന്റ് ഫ്ലിപ്പ്കാർട്ടിലെത്തി

3.25GHz ഒക്ടാ കോർ മീഡിയടെക് ഡൈമെൻസിറ്റി 8400 അൾട്ടിമേറ്റ് 4nm പ്രോസസർ ആണ് ഈ ഫോണിന്റെ പ്രവർത്തനങ്ങളുടെ ശക്തികേന്ദ്രം. ഒപ്പം Mali-G720 MC6 GPU, 12GB LPDDR5X റാം, 256GB UFS 4.1 സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 16 അ‌ടിസ്ഥാനമായുള്ള XOS 16 -ൽ ആണ് പ്രവർത്തനം. 3 വർഷത്തെ ആൻഡ്രോയിഡ് അപ്‌ഡേറ്റുകളും 5 വർഷത്തെ സുരക്ഷാ പാച്ചുകളും ലഭിക്കും.

ക്യാമറകളുടെ കാര്യമെടുത്താൽ, 50MP മെയിൻ ക്യാമറ (f/1.59 അപ്പേർച്ചർ), 8MP അൾട്രാ-വൈഡ് ലെൻസ് (f/2.2 അപ്പേർച്ചർ), ഡ്യുവൽ LED ഫ്ലാഷ്, 4K 60fps വീഡിയോ റെക്കോർഡിംഗ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി 13MP ഫ്രണ്ട് ക്യാമറയും (f/2.2 അപ്പേർച്ചർ, 4K 60fps വീഡിയോ റെക്കോർഡിംഗ്) ഇതിലുണ്ട്.

ഇൻ-ഡിസ്‌പ്ലേ ഫിംഗർപ്രിന്റ് സ്കാനർ, IR ബ്ലാസ്റ്റർ, IP64 റേറ്റിങ്, ഡ്യുവൽ സിം (നാനോ + നാനോ), 5G SA/NSA, 6500mAh ബാറ്ററി, 45W ഫാസ്റ്റ് ചാർജിംഗ്, 30W വയർലെസ് ചാർജിംഗ്, 10W റിവേഴ്സ് വയർഡ് ചാർജിംഗ് എന്നിവയാണ് മറ്റ് പ്രധാന ഫീച്ചറുകൾ.

വിലയും ലഭ്യതയും

ഇൻഫിനിക്സ് GT 50 പ്രോയുടെ 12GB + 256GB മോഡലിന് 69,999 രൂപയാണ് വില. ബ്ലാക്ക് അബിസ്, 'റെഡ് ബ്ലേസ് എന്നീ രണ്ട് കളർ ഓപ്ഷനുകളിൽ ഇത് വാങ്ങാനാകും. ഫ്ലിപ്പ്കാർട്ട്, ഇൻഫിനിക്സ് ഇന്ത്യ ഓൺലൈൻ സ്റ്റോർ എന്നിവ വഴി ഇപ്പോൾ പ്രീ-ഓർഡർ ചെയ്യാവുന്നതാണ്. ഒക്ടോബർ 30 മുതൽ ഫോൺ വിൽപ്പനയ്‌ക്കെത്തും.

ലോഞ്ച് ഓഫറിന്റെ ഭാഗമായി ഉപഭോക്താക്കൾക്ക് 5,000 രൂപയുടെ ഇൻസ്റ്റന്റ് ബാങ്ക് ഡിസ്‌കൗണ്ട് ലഭിക്കും. കൂടാതെ ആകർഷകമായ നോ കോസ്റ്റ് ഇഎംഐ ഓപ്ഷനുകളും ലഭ്യമാകും. കൂടാതെ 24,999 രൂപ മൂല്യമുള്ള 'GT 50 പ്രോ ഗെയിമിംഗ് ഇക്കോസിസ്റ്റം ബണ്ടിൽ' ഇതിനൊപ്പം സൗജന്യമായി ലഭിക്കും. GT NX സ്റ്റേഷൻ, GT NX കൺട്രോളർ, GT കൂളിംഗ് ഫാൻ കം ചാർജർ, GT 50 പ്രോ മാഗ്‌സേഫ് കവർ എന്നിവ ഈ ബണ്ടിലിൽ ഉൾപ്പെടുന്നു.

English Summary

Infinix has launched the Infinix GT 50 Pro 5G in India as part of its GT series. The 12GB + 256GB model of the Infinix GT 50 Pro is priced at Rs. 69,999. It is available in two color options: Black Abyss and Red Blaze. Pre-orders are now open via Flipkart and the Infinix India online store. The phone will go on sale starting October 30.

ബാലണ്‍ ഡി ഓര്‍ ചടങ്ങില്‍ ശ്രദ്ധേയമായി ലയണല്‍ മെസിയുടെ അസാന്നിധ്യം. കിലിയൻ എംബാപ്പെ, ഹാരി കെയ്ൻ, ലമിൻ യമാൽ എന്നിവർ റെഡ് കാർപെറ്റിലൂടെ എത്തി തങ്ങളുടെ ഇരിപ്പിടങ്ങളിൽ സ്ഥാനം പിടിച്ചെങ്കിലും മെസിയുടെ അസാന്നിധ്യം ആരാധകര്‍ക്ക് നിരാശയായി. കരിയറിൽ 17-ാം തവണയും ഈ പുരസ്‌കാരത്തിന് നാമനിർദ്ദേശം ചെയ്യപ്പെട്ടെങ്കിലും പരിപാടിയില്‍ പങ്കെടുക്കാന്‍ മെസി എത്തിയില്ല. മെസിയുടെ അസാന്നിധ്യം വലിയ തോതില്‍ ചര്‍ച്ചയായി. ഈ സമയം യുഎസിലായിരുന്നു മെസി. ഫ്ലോറിഡയിൽ നടന്ന 'മെസി കപ്പ്' കാണാന്‍ അദ്ദേഹം എത്തിയിരുന്നു.

ഒക്ടോബർ 25 മുതൽ നവംബർ 1 വരെ സൗത്ത് ഫ്ലോറിഡയിൽ നടക്കുന്നത് മെസി കപ്പിന്റെ രണ്ടാം പതിപ്പാണ്. അന്താരാഷ്ട്ര അണ്ടർ-16 യൂത്ത് ടൂർണമെന്റായ ഇത് ഇന്റർ മിയാമിയുടെ സ്റ്റേഡിയത്തിലാണ് സംഘടിപ്പിക്കുന്നത്. മെസി ഇതിന്റെ സംഘാടനത്തിൽ പങ്കാളിയായതിനാൽ, ബാലൺ ഡി ഓർ ചടങ്ങ് നടക്കുന്ന സമയമാണെങ്കിലും അദ്ദേഹത്തിന് ഈ ടൂര്‍ണമെന്റില്‍ പങ്കെടുക്കേണ്ടിയിരുന്നു. ഇതാണ് ബാലണ്‍ ഡി ഓര്‍ വേദിയില്‍ നിന്ന് വിട്ടുനിന്നതിനെ പ്രധാന കാരണമെന്ന് കരുതുന്നു.

എട്ട് തവണ നേടിയ താരം

ഇതിന് മുമ്പ് എട്ടു തവണ മെസി ബാലണ്‍ ഡി ഓര്‍ പുരസ്‌കാരം നേടിയിട്ടുണ്ട്. 2023-ലാണ് അവസാനം നേടിയത്. ഇത്തവണ അന്തിമ റാങ്കിങില്‍ അഞ്ചാമതായിരുന്നു സ്ഥാനം. എന്നാല്‍ ഇത്തവണ തിരക്കേറിയ ഷെഡ്യൂള്‍ മൂലം അദ്ദേഹത്തിന് പങ്കെടുക്കാനായില്ല. ചടങ്ങില്‍ നിന്ന് വിട്ടുനിന്നതില്‍ മറ്റെന്തെങ്കിലും കാരണമുണ്ടോയെന്ന് വ്യക്തമല്ല.

Also Read: Ballon d’Or 2026: ഹാരി കെയ്ന്‍ അല്ലാതെ വേറെയാര്? ചരിത്രം കുറിച്ച് ഇംഗ്ലീഷ് താരം; ബാലൺ ഡി ഓർ പുരസ്കാരങ്ങൾ പ്രഖ്യാപിച്ചു

2026-ലെ പ്രിൻസസ് ഓഫ് അസ്റ്റൂറിയാസ് സ്പോർട്സ് അവാർഡ് ഏറ്റുവാങ്ങാൻ സ്പെയിനിലെ ഒവീഡോയിലേക്ക് യാത്ര ചെയ്ത ശേഷം മെസി അടുത്തിടെയാണ് യുഎസിലേക്ക് തിരിച്ചെത്തിയത്. നേരത്തെ, മെസി ബാലണ്‍ ഡി ഓര്‍ ചടങ്ങിനെത്തുമെന്ന തരത്തില്‍ അഭ്യൂഹം പ്രചരിച്ചിരുന്നു.

മെസ്സി കുടുംബസമേതം ചടങ്ങിൽ പങ്കെടുക്കുമെന്നും ഈ വർഷത്തെ വിജയിക്ക് ട്രോഫി നേരിട്ട് സമ്മാനിക്കുമെന്നും സ്വതന്ത്ര മാധ്യമപ്രവര്‍ത്തകനായ ജുവാന്‍ ജീസസ് പറഞ്ഞതാണ് അഭ്യൂഹം ശക്തമാക്കിയത്.

എന്നാല്‍ മെസി പങ്കെടുക്കുമെന്ന തരത്തില്‍ ഔദ്യോഗിക റിപ്പോര്‍ട്ടുകളൊന്നും പുറത്തുവന്നിരുന്നില്ല. മെസിക്ക് ട്രോഫി സമ്മാനിക്കാനുള്ള ക്ഷണം ലഭിച്ചിട്ടില്ലെന്ന് പിന്നീട് വന്ന ചില റിപ്പോര്‍ട്ടുകള്‍ വ്യക്തമാക്കിയിരുന്നു. ഹാരി കെയ്‌നാണ് ഇത്തവണ പുരസ്‌കാരം സ്വന്തമാക്കിയത്. കിലിയന്‍ എംബാപ്പെ, ലാമിന്‍ യമാല്‍, റോഡ്രി എന്നിവരാണ് മെസിക്ക് മുമ്പ് റാങ്കിങില്‍ എത്തിയ മറ്റ് താരങ്ങള്‍.

English Summary

Lionel Messi missed the 2026 Ballon d'Or ceremony in London. His absence was due to travel fatigue and a tight Inter Miami match schedule. He was also busy hosting the youth Messi Cup in South Florida. Despite missing the event, Messi secured his 17th career nomination.

സ്ത്രീകള്‍ക്ക് സാമ്പത്തിക പിന്തുണ നല്‍കുന്നതിനായി കേന്ദ്ര-സംസ്ഥാന സര്‍ക്കാരുകള്‍ വിവിധ ക്ഷേമപദ്ധതികള്‍ നടപ്പാക്കുന്നുണ്ട്. ഇതില്‍ മധ്യപ്രദേശ് സര്‍ക്കാര്‍ നടപ്പാക്കുന്ന പ്രധാന പദ്ധതികളിലൊന്നാണ് ലാഡ്‌ലി ബെഹ്ന യോജന. അര്‍ഹരായ സ്ത്രീകള്‍ക്ക് ഈ പദ്ധതിയിലൂടെ പ്രതിമാസം 1,500 രൂപ ധനസഹായം ലഭിക്കുന്നു. സ്ത്രീകളുടെ സാമ്പത്തിക സ്വാതന്ത്ര്യം മെച്ചപ്പെടുത്താനും ദൈനംദിന ചെലവുകള്‍ക്ക് സഹായം നല്‍കാനുമാണ് പദ്ധതിയുടെ ലക്ഷ്യം.

എന്താണ് ലാഡ്‌ലി ബെഹ്ന യോജന?

മധ്യപ്രദേശിലെ സ്ത്രീകളെ ലക്ഷ്യമിട്ട് സംസ്ഥാന സര്‍ക്കാര്‍ നടപ്പാക്കുന്ന സാമ്പത്തിക സഹായ പദ്ധതിയാണ് ലാഡ്‌ലി ബെഹ്ന യോജന. അര്‍ഹരായ ഗുണഭോക്താക്കള്‍ക്ക് പ്രതിമാസം 1,500 രൂപയാണ് ധനസഹായമായി നല്‍കുന്നത്. സ്ത്രീകള്‍ക്ക് സ്വന്തം ആവശ്യങ്ങള്‍ക്കായി പണം ചെലവഴിക്കാനും കുടുംബത്തിന്റെ ദൈനംദിന ചെലവുകളില്‍ പങ്കാളികളാകാനും ഈ തുക സഹായകരമാകുന്നു.

എന്നാല്‍ എല്ലാ സ്ത്രീകള്‍ക്കും സ്വമേധയാ ആനുകൂല്യം ലഭിക്കണമെന്നില്ല. പദ്ധതിയുടെ നിലവിലുള്ള യോഗ്യതാ വ്യവസ്ഥകള്‍, പ്രായപരിധി, കുടുംബത്തിന്റെ സാമ്പത്തിക സ്ഥിതി തുടങ്ങിയ നിബന്ധനകള്‍ പാലിക്കുന്നുണ്ടോയെന്ന് പരിശോധിച്ച ശേഷമാണ് ആനുകൂല്യം അനുവദിക്കുന്നത്.

അപേക്ഷിക്കാന്‍ ആവശ്യമായ രേഖകള്‍

ലാഡ്‌ലി ബെഹ്ന യോജനയുടെ ആനുകൂല്യം ലഭിക്കുന്നതിന് അപേക്ഷകര്‍ താഴെ പറയുന്ന രേഖകളും വിവരങ്ങളും തയാറാക്കണം.

സമഗ്ര കുടുംബ ഐഡി- കുടുംബത്തിന്റെ വിവരങ്ങള്‍ തിരിച്ചറിയുന്നതിനും സര്‍ക്കാര്‍ രേഖകളുമായി ബന്ധിപ്പിക്കുന്നതിനും ഉപയോഗിക്കുന്ന ഐഡിയാണിത്.

വ്യക്തിഗത സമഗ്ര ഐഡി- അപേക്ഷകയുടെ വ്യക്തിഗത വിവരങ്ങള്‍ തിരിച്ചറിയാന്‍ ആവശ്യമായ രേഖയാണിത്.

ആധാര്‍ കാര്‍ഡ്- അപേക്ഷകയുടെ തിരിച്ചറിയല്‍ വിവരങ്ങള്‍ പരിശോധിക്കുന്നതിനും ബാങ്ക് അക്കൗണ്ടുമായി ബന്ധിപ്പിക്കുന്നതിനും ആധാര്‍ ആവശ്യമാണ്.

Also Read: കുട്ടി ജനിക്കുമ്പോൾ തന്നെ SIP തുടങ്ങാം; ലക്ഷ്യം ലക്ഷങ്ങളുടെ സമ്പാദ്യം

ബാങ്ക് അക്കൗണ്ട് വിവരങ്ങള്‍- ധനസഹായം നേരിട്ട് ലഭിക്കുന്നതിനായി അപേക്ഷകയുടെ ബാങ്ക് അക്കൗണ്ട് വിവരങ്ങള്‍ നല്‍കണം. അക്കൗണ്ട് സജീവമാണെന്നും വിവരങ്ങള്‍ കൃത്യമാണെന്നും ഉറപ്പാക്കണം.

ബാങ്ക് അക്കൗണ്ടില്‍ ശ്രദ്ധിക്കേണ്ട കാര്യങ്ങള്‍

പദ്ധതിയുടെ ആനുകൂല്യം തടസ്സമില്ലാതെ ലഭിക്കുന്നതിന് ബാങ്ക് അക്കൗണ്ട് ആധാറുമായി ബന്ധിപ്പിച്ചിരിക്കണം. കൂടാതെ, ഡയറക്ട് ബെനിഫിറ്റ് ട്രാന്‍സ്ഫര്‍ (ഡിബിടി) സംവിധാനം അക്കൗണ്ടില്‍ സജീവമായിരിക്കണം. സര്‍ക്കാര്‍ നല്‍കുന്ന ധനസഹായം ഇടനിലക്കാരില്ലാതെ ഗുണഭോക്താവിന്റെ അക്കൗണ്ടിലേക്ക് നേരിട്ട് എത്തിക്കുന്ന സംവിധാനമാണ് ഡിബിടി.

ആധാര്‍ ബാങ്ക് അക്കൗണ്ടുമായി ബന്ധിപ്പിച്ചിട്ടില്ലെങ്കിലോ ഡിബിടി സജീവമല്ലെങ്കിലോ പണം ലഭിക്കുന്നതില്‍ തടസം നേരിടാന്‍ സാധ്യതയുണ്ട്. അതിനാല്‍ അപേക്ഷിക്കുന്നതിന് മുമ്പ് ബാങ്കുമായി ബന്ധപ്പെട്ട വിവരങ്ങള്‍ പരിശോധിക്കുകയും ആവശ്യമായ അപ്ഡേറ്റുകള്‍ പൂര്‍ത്തിയാക്കുകയും വേണം.

English Summary

Madhya Pradesh’s Ladli Behna Yojana provides eligible women with 1,500 in monthly financial assistance. Applicants need a Samagra Family ID, individual Samagra ID, Aadhaar card and bank account details. The bank account must be linked to Aadhaar and have DBT enabled.

കുട്ടികളുടെ ഉന്നതവിദ്യാഭ്യാസത്തിനായി വലിയൊരു തുക കണ്ടെത്തുക എന്നത് പല മാതാപിതാക്കള്‍ക്കും വെല്ലുവിളിയാണ്. പഠനച്ചെലവ് ഓരോ വര്‍ഷവും വര്‍ധിക്കുന്ന സാഹചര്യത്തില്‍ നേരത്തേ സാമ്പത്തിക ആസൂത്രണം നടത്തുന്നത് പ്രധാനമാണ്. കുട്ടി ജനിക്കുമ്പോള്‍ തന്നെ ചെറിയ തുക ഉപയോഗിച്ച് സിസ്റ്റമാറ്റിക് ഇന്‍വെസ്റ്റ്മെന്റ് പ്ലാന്‍ (എസ്‌ഐപി) ആരംഭിച്ചാല്‍ ദീര്‍ഘകാലാടിസ്ഥാനത്തില്‍ നല്ലൊരു വിദ്യാഭ്യാസ ഫണ്ട് കെട്ടിപ്പടുക്കാന്‍ സാധിക്കും.

ഇന്ത്യയില്‍ ഗുണനിലവാരമുള്ള വിദ്യാഭ്യാസത്തിനും പ്രൊഫഷണല്‍ കോഴ്സുകള്‍ക്കും ലക്ഷങ്ങള്‍ ചെലവഴിക്കേണ്ടിവരാം. വിദേശപഠനമാണ് ലക്ഷ്യമെങ്കില്‍ ട്യൂഷന്‍ ഫീസ്, താമസം, ജീവിതച്ചെലവ് എന്നിവ കൂടി കണക്കിലെടുക്കണം. കുട്ടിക്ക് 17 അല്ലെങ്കില്‍ 18 വയസാകുമ്പോള്‍ ഇത്രയും വലിയ തുക കണ്ടെത്തുന്നത് ബുദ്ധിമുട്ടായേക്കാം. അതിനാല്‍ അവസാന നിമിഷത്തേക്ക് കാത്തിരിക്കാതെ നേരത്തേ നിക്ഷേപം തുടങ്ങുന്നതാണ് ഉചിതം.

നേരത്തേ തുടങ്ങിയാല്‍ സമ്പാദ്യം വളരും

വിദ്യാഭ്യാസത്തിനായി വലിയൊരു തുക സമാഹരിക്കാന്‍ തുടക്കത്തില്‍ തന്നെ വന്‍ നിക്ഷേപം നടത്തണമെന്നില്ല. കുട്ടി ചെറുപ്പമായിരിക്കുമ്പോള്‍ നിക്ഷേപം ആരംഭിച്ചാല്‍ പണം വളരാന്‍ കൂടുതല്‍ സമയം ലഭിക്കും. ഉദാഹരണത്തിന്, കുട്ടിക്ക് മൂന്ന് അല്ലെങ്കില്‍ നാല് വയസുള്ളപ്പോള്‍ തുടങ്ങുന്ന നിക്ഷേപത്തിന് 12 മുതല്‍ 15 വര്‍ഷം വരെ വളര്‍ച്ചയ്ക്കുള്ള അവസരമുണ്ടാകും.

ചെറിയ തുകയില്‍ തുടങ്ങി പിന്നീട് വര്‍ധിപ്പിക്കാം

വലിയൊരു തുക ഉപയോഗിച്ച് എസ്‌ഐപി ആരംഭിക്കേണ്ടതില്ല. വരുമാനത്തിനും കുടുംബച്ചെലവുകള്‍ക്കും അനുയോജ്യമായ ചെറിയ തുകയില്‍ തുടങ്ങാം. ഉദാഹരണത്തിന്, പ്രതിമാസം 5,000 രൂപ നിക്ഷേപിച്ച് പിന്നീട് വരുമാനം വര്‍ധിക്കുന്നതിനനുസരിച്ച് അത് 8,000 രൂപയോ 10,000 രൂപയോ ആയി ഉയര്‍ത്താം. ഇത്തരത്തില്‍ നിക്ഷേപത്തുക ക്രമേണ വര്‍ധിപ്പിക്കുന്നത് ദീര്‍ഘകാല സമ്പാദ്യം മെച്ചപ്പെടുത്താന്‍ സഹായിക്കും.

Also Read: 10 ലക്ഷം രൂപ സമ്പാദിക്കണോ? SIP, സേവിങ്സ്, ഡെറ്റ് ഫണ്ടുകൾ എങ്ങനെ സഹായിക്കും?

നിക്ഷേപം വൈകിക്കുന്നത് ഒഴിവാക്കാം

കുട്ടിയുടെ ഉന്നതവിദ്യാഭ്യാസത്തിന് ഇനിയും വര്‍ഷങ്ങളുണ്ടെന്ന് കരുതി നിക്ഷേപം മാറ്റിവെക്കുന്നത് പിന്നീട് സാമ്പത്തിക സമ്മര്‍ദം വര്‍ധിപ്പിച്ചേക്കാം. വൈകി തുടങ്ങുമ്പോള്‍ അതേ ലക്ഷ്യത്തിലെത്താന്‍ പ്രതിമാസം കൂടുതല്‍ തുക നിക്ഷേപിക്കേണ്ടിവരും. അതിനാല്‍ ലഭ്യമായ തുകയില്‍ നേരത്തേ നിക്ഷേപം ആരംഭിക്കുകയും വരുമാനത്തിനനുസരിച്ച് അത് കൂട്ടുകയും ചെയ്യുന്നതാണ് നല്ലത്.

വിപണിയിലെ ചാഞ്ചാട്ടത്തില്‍ പരിഭ്രാന്തരാകേണ്ട

ദീര്‍ഘകാല നിക്ഷേപത്തിനിടെ ഓഹരി വിപണിയില്‍ ഉയര്‍ച്ചയും താഴ്ചയും ഉണ്ടാകുന്നത് സ്വാഭാവികമാണ്. വിപണിയിലെ ചെറിയ ഇടിവുകള്‍ കണ്ട് ടകജ പെട്ടെന്ന് നിര്‍ത്തുന്നത് ദീര്‍ഘകാല ലക്ഷ്യത്തെ ബാധിച്ചേക്കാം. അതേസമയം, വിപണി ഇടിയുമ്പോള്‍ കൂടുതല്‍ യൂണിറ്റുകള്‍ ലഭിക്കുമെന്നത് ഉറപ്പായ നേട്ടമല്ല; നിക്ഷേപത്തിന്റെ മൂല്യം കുറയാനും സാധ്യതയുണ്ട്. അതിനാല്‍ സ്വന്തം സാമ്പത്തിക ലക്ഷ്യങ്ങളും നഷ്ടം സഹിക്കാനുള്ള ശേഷിയും കണക്കിലെടുത്ത് നിക്ഷേപം തുടരുന്നതാണ് പ്രധാനം.

English Summary

Starting an SIP early can help parents build a fund for their children's higher education. Small monthly investments can grow over time, and contributions can be increased as income rises. However, mutual fund returns are market-linked and not guaranteed.

ഈ വർഷത്തെ ബാലൺ ഡി ഓർ വിജയിക്കായി കാത്തിരുന്ന ലോകമെമ്പാടുമുള്ള ഫുട്ബോൾ ആരാധകരെ സാക്ഷിയാക്കി ഇംഗ്ലിഷ് താരം ഹാരി കെയ്ൻ പുരസ്കാരം ഏറ്റുവാങ്ങിയിരിക്കുകയാണ്. 25 വർഷങ്ങൾക്കുശേഷം ആദ്യമായി ഈ പുരസ്‌കാരം സ്വന്തമാക്കുന്ന ഇംഗ്ലീഷ് താരം എന്ന നേട്ടവും ഇതിലൂടെ ഹാരി കെയ്ൻ ​കൈവരിച്ചിരിക്കുന്നു. ഈ വർഷം ബാലൺ ഡി ഓർ നേടാൻ ഏറ്റവുമധികം സാധ്യത കൽപ്പിക്കപ്പെട്ടിരുന്നത് ഇംഗ്ലണ്ടിന്റെയും ബയേൺ മ്യൂണിക്കിന്റെയും സ്ട്രൈക്കറായ ഹാരി കെയ്ന് തന്നെയായിരുന്നു. ഒരുകാലത്ത് ഫുട്ബോൾ കളിക്കാൻ തന്നെ കഴിയുമോ എന്ന് ആശങ്കപ്പെട്ടിരുന്ന ഒരു ബാലൻ തന്റെ 33-ാം വയസിൽ ഫുട്ബോളിലെ ഏറ്റവും മികച്ച താരത്തിന് ലഭിക്കുന്ന പുരസ്കാരങ്ങളിൽ ഏറ്റവും മുന്നിലുള്ള ബാലൺ ഡി ഓർ സ്വന്തമാക്കുമ്പോൾ അ‌തിൽ സിനിമയെ വെല്ലുന്ന ഒരു ഹീറോയിസവും കാലത്തിന്റെ ഒരു കരുതലും ഒളിഞ്ഞിരിക്കുന്നുണ്ടായിരുന്നു.

വെറും 8 വയസ്സുള്ളപ്പോൾ, "അമിതവണ്ണമുണ്ട്" എന്ന കാരണത്താൽ ആഴ്സണൽ അക്കാദമിയിൽ നിന്ന് ഒഴിവാക്കപ്പെട്ട ചരിത്രം ഹാരി കെയ്ന് ഉണ്ട്. ആഴ്സണൽ പോലുള്ള ഒരു മുൻനിര ക്ലബ്ബിലെ സ്കൗട്ടുകൾക്കും പരിശീലകർക്കും പോലും അദ്ദേഹത്തിലെ പ്രതിഭ തിരിച്ചറിയാൻ കഴിഞ്ഞില്ല എന്നുവേണം പറയാൻ. ഒരു പ്രൊഫഷണൽ താരത്തിന് ആവശ്യമായ ശാരീരികക്ഷമത കെയ്നിനില്ലെന്ന് അന്ന് അദ്ദേഹത്തോട് അ‌വർ പറയുകയുണ്ടായി.

Also Read: ഹാരി കെയ്ൻ അല്ലാതെ വേറെയാര്? ചരിത്രം കുറിച്ച് ഇംഗ്ലീഷ് താരം; ബാലൺ ഡി ഓർ പുരസ്കാരങ്ങൾ പ്രഖ്യാപിച്ചു

ഫുട്ബോളിൽ ഉയരാൻ ആവശ്യമായ കഴിവ് കെയ്നിനുണ്ടെന്ന് ആഴ്സണൽ വിശ്വസിച്ചില്ല. അ‌തിനാൽത്തന്നെ അ‌ദ്ദേഹം അ‌വിടെ തഴയപ്പെട്ടു. മിക്ക കുട്ടികളും ഇത്തരമൊരു തിരിച്ചടിയിൽ തളർന്നുപോയേനെ, എന്നാൽ ഒരു യഥാർഥ പ്രതിഭ ജയിക്കുന്നത് വെല്ലുവിളികളെ അ‌തിജീവിച്ച് വിജയം വരിക്കുമ്പോഴാണ് എന്ന് ഹാരി കെയ്ൻ തന്റെ ജീവിതം കൊണ്ട് തെളിയിച്ചു.

നോർത്ത് ലണ്ടനിലെ ആഴ്സണലിന്റെ എതിരാളികളായ ടോട്ടനം ഹോട്സ്പറിൽ സ്ഥിരമായി കളിക്കാൻ അവസരം ലഭിക്കുന്നതിന് മുൻപ്, തന്റെ കഴിവ് തെളിയിക്കുന്നതിനായി നാല് വ്യത്യസ്ത ക്ലബ്ബുകളിലേക്ക് ലോൺ അടിസ്ഥാനത്തിൽ അദ്ദേഹത്തിന് പോകേണ്ടി വന്നു. ലീഗ് വണ്ണിലെ ലെയ്റ്റൺ ഓറിയന്റ്, ചാമ്പ്യൻഷിപ്പിലെ മിൽവാൾ, പ്രീമിയർ ലീഗിലെ നോർവിച്ച് സിറ്റി, തുടർന്ന് ചാമ്പ്യൻഷിപ്പിലെ തന്നെ ലെസ്റ്റർ സിറ്റി എന്നിങ്ങനെ വിവിധ ക്ലബ്ബുകളിൽ കെയ്ൻ സമയം ചെലവഴിച്ചു.

താഴ്ന്ന ലീഗുകളിലെ ഈ നാല് കഠിനമായ ലോൺ കാലയളവുകൾ അദ്ദേഹത്തിന് നിരവധി തിരിച്ചടികൾ നൽകി, ഒപ്പം മനക്കരുത്തും. ഇംഗ്ലീഷ് ഫുട്ബോളിന്റെ ഉന്നത തലത്തിൽ കളിക്കാൻ ആവശ്യമായ വേഗതയോ, കൃത്യതയോ, കഴിവോ അദ്ദേഹത്തിനുണ്ടോ എന്ന് വിമർശകർ നിരന്തരം ചോദ്യം ചെയ്തുകൊണ്ടിരുന്ന ആ വർഷങ്ങളിൽ, അദ്ദേഹം നിശബ്ദമായി കഠിനാധ്വാനം ചെയ്തു. തന്നെ സംശയിച്ചവർക്ക് തെറ്റുപറ്റിയെന്ന് തെളിയിക്കുന്നതിൽ ശ്രദ്ധ കേന്ദ്രീകരിച്ചു.

കളിക്കളത്തിലെ തന്റെ നീക്കങ്ങൾ ഹാരി അതീവ ശ്രദ്ധയോടെ പരിഷ്കരിച്ചു, ഇരു കാലുകൾ കൊണ്ടും ഗോളുകൾ നേടാനുള്ള കഴിവ് വികസിപ്പിച്ചെടുത്തു, ഒപ്പം അചഞ്ചലമായ മാനസിക കരുത്തും കെട്ടിപ്പടുത്തു. ടോട്ടൻഹാമിൽ അവസരം ലഭിച്ചപ്പോൾ, അ‌ത് പ്രയോജനപ്പെടുത്തിയ ഹാരി ചരിത്രം തിരുത്തിയെഴുതി. ടോട്ടൻഹാം ഹോട്‌സ്‌പറിനായും ഇംഗ്ലണ്ടിനായും ഏറ്റവും കൂടുതൽ ഗോളുകൾ നേടിയ താരമായി മാറിയ കെയ്ൻ, ലോക ഫുട്ബോളിലെ ഏറ്റവും അപകടകാരികളായ സ്ട്രൈക്കർമാരിൽ ഒരാളായി തന്നെ അടയാളപ്പെടുത്തി.

മറ്റുള്ളവരുടെ കണക്കുകൂട്ടലുകൾ തന്റെ കരിയറിന്റെ ഗതി നിർണയിക്കാൻ ഹാരി കെയ്ൻ ഒരിക്കലും അനുവദിച്ചില്ല. 30-ാം വയസ്സിൽ ജർമ്മൻ ക്ലബ് ബയേൺ മ്യൂണിക്കിലെത്തിയ അദ്ദേഹം, ബുണ്ടസ്‌ലിഗ ചരിത്രത്തിലെ ഏറ്റവും വിലയേറിയ താരമായി മാറി. 95 ദശലക്ഷം യൂറോ എന്ന വമ്പൻ തുകയാണ് ഈ ഇംഗ്ലീഷ് താരത്തിനായി ബവേറിയൻ വമ്പന്മാർ മുടക്കിയത്. തുടർന്ന് 31-ാം വയസ്സിലാണ് കെയ്‌ന് ഒടുവിൽ ഒരു പ്രധാന കിരീടം ഉയർത്താനായത്.

ഒടുവിൽ 33-ാം വയസിൽ ലോകത്തെ എല്ലാ ഫുട്ബോൾ താരങ്ങളുടെയും സ്വപ്നനേട്ടമായ ബാലൺ ഡി ഓർ പുരസ്കാര ജേതാവായി ഹാരി കെയ്ൻ തെരഞ്ഞെടുക്കപ്പെട്ടിരിക്കുന്നു. ''നിശബ്ദമായി കഠിനാധ്വാനം ചെയ്യുക. വിജയം നിങ്ങളുടെ ശബ്ദമാകട്ടെ'' എന്ന പുരസ്കാര നേട്ടത്തിന് ശേഷമുള്ള ഹാരിയുടെ രണ്ടുവരി ട്വീറ്റിൽ അ‌ദ്ദേഹത്തിന്റെ മുഴുവൻ ഫുട്ബോൾ യാത്രയുടെയും ആഴം അ‌ടങ്ങിയിരിക്കുന്നു.

അ‌തെ, ശാരീരികക്ഷമത പോരാ എന്ന കാരണത്താൽ എട്ടാം വയസ്സിൽ ക്ലബ്ബിൽ നിന്ന് ഒഴിവാക്കപ്പെട്ട ഹാരി കെയ്ൻ, ഇന്ന് ലോക ഫുട്ബോളിന്റെ നെറുകയിൽ, 'ബാലൺ ഡി ഓർ' ജേതാവായി തലയുയർത്തി നിൽക്കുന്നു. എഴുതിത്തള്ളപ്പെട്ടവന്റെ വിശ്വ വിജയമായി ഈ പുരസ്കാര നേട്ടത്തെ നമുക്ക് നോക്കിക്കാണാം.

English Summary

Harry Kane’s receipt of the 2026 Ballon d’Or is not merely a recognition of his talent or a testament to a London-born star reaching the pinnacle of football; it also signifies the long, arduous journey he has undertaken and the stories that unfolded along the way. The fact that Harry Kane, who was released from the Arsenal Academy at the age of eight now stands at the very summit of world football, smiling with the Ballon d’Or in his hands, is a feat of heroism that rivals the drama of any film.

കൊച്ചി: ടീമിന്റെ ഫിറ്റനസ് ലെവല്‍ കുറവായതാണ് മുംബൈ സിറ്റിക്കെതിരായ ഹോം മത്സരത്തില്‍ സമനില വഴങ്ങേണ്ടി വന്നതെന്ന് കേരള ബ്ലാസ്‌റ്റേഴ്‌സ് പരിശീലകന്‍ ആഷ്‌ലി വെസ്റ്റ്‌വുഡ്‌. ഇതേക്കുറിച്ച് സംസാരിക്കാന്‍ താല്‍പര്യമില്ല. കാരണം അതൊരു ഒഴികഴിവായി തോന്നാം. എന്നാൽ അതൊരു ഒഴികഴിവല്ല, മറിച്ച് യാഥാർത്ഥ്യമാണ്. നമുക്ക് അൽപ്പം കൂടി സമയം ആവശ്യമാണ്. താരങ്ങള്‍ ഫിറ്റ്‌നസ് മെച്ചപ്പെടുത്തേണ്ടതുണ്ട്. കളിക്കാർക്ക് 95-96 മിനിറ്റ് മുഴുവൻ കളിക്കാനുള്ള ശാരീരികക്ഷമത ലഭിക്കേണ്ടതുണ്ട്. നിലവിൽ അതിന് കഴിയുന്നില്ലെന്ന് ബ്ലാസ്‌റ്റേഴ്‌സ് പരിശീലകന്‍ വ്യക്തമാക്കി.

തയ്യാറെടുപ്പിന് മതിയായ സമയം ലഭിച്ചില്ല. സാധാരണയായി നമുക്ക് 6 പ്രീ-സീസൺ മത്സരങ്ങൾ ലഭിക്കാറുണ്ട്. മറ്റു ടീമുകൾ ഡ്യൂറന്റ് കപ്പ് പോലുള്ള ടൂര്‍ണമെന്റുകളും മറ്റും കളിച്ചിട്ടുണ്ട്. 90 മിനിറ്റ് പൂർണ്ണമായി കളിക്കാനുള്ള ഫിറ്റ്‌നസ് നമുക്ക് ആവശ്യമാണ്. മാച്ച് ഫിറ്റ്‌നസ് ഇല്ലാത്തതിനാൽ സബ്സ്റ്റിറ്റ്യൂഷനുകൾ നടത്തേണ്ടി വരുന്നത് പരിശീലകന്‍ എന്ന നിലയിൽ നിരാശാജനകമാണെന്നും അദ്ദേഹം മുംബൈക്കെതിരായ മത്സരശേഷം നടന്ന വാര്‍ത്താ സമ്മേളനത്തില്‍ വ്യക്തമാക്കി.

വാര്‍ത്താ സമ്മേളനത്തിന്റെ വീഡിയോ

https://www.youtube.com/watch?v=jw_mmVzpVlc

എങ്കിലും ഇതുവരെയുള്ള 3 മത്സരങ്ങളിൽ നിന്ന് നമ്മൾ 4 പോയിന്റുകൾ നേടിയിട്ടുണ്ട്. നിലവിലെ അവസ്ഥയിൽ നമ്മൾ ടോപ്പ് 6 ഫിനിഷിനുള്ള അവസ്ഥയിലാണ്‌. ശനിയാഴ്ച ചെന്നൈക്കെതിരെ എവേ മത്സരത്തിൽ വിജയിച്ചാൽ 12 കളിയിൽ നിന്ന് 7 പോയിന്റാകും. ഈ ക്ലബ്ബ് ഒരു ഘട്ടത്തിൽ ഇല്ലാതാകാൻ പോയതായിരുന്നു എന്നതും അവസാന നിമിഷമാണ് ടീമിനെ കൂട്ടിച്ചേർത്തത് എന്നതും ഓർക്കണം. അങ്ങനെ നോക്കുമ്പോൾ നമ്മൾ ശരിയായ കാര്യങ്ങളാണ് ചെയ്യുന്നതെന്നും അദ്ദേഹം വ്യക്തമാക്കി.

Also Read: Kerala Blasters: വാടുകില്ല, വീഴുകില്ല ഈ മഞ്ഞപ്പൂക്കള്‍! നിറഞ്ഞുകവിഞ്ഞ് ഗാലറി; കൊച്ചിയെ ഇളക്കിമറിച്ച് ബ്ലാസ്റ്റേഴ്‌സ് ആരാധകര്‍

ഊര്‍ജ്ജം ചോര്‍ന്നുപോയി

മുംബൈക്കെതിരായ മത്സരത്തില്‍ അവസാന 30 മിനിറ്റില്‍ ഫിറ്റ്‌നസ് കുറഞ്ഞതായിരുന്നു പ്രശ്‌നം. നെബോജ്സ കൊസോവിചും അഡ്രിയാന്‍ ലൂണയുമടക്കമുള്ള താരങ്ങള്‍ നന്നായി കളിച്ചെങ്കിലും അവസാന നിമിഷം അവര്‍ തളര്‍ന്നുപോയി. രണ്ടാം പകുതി കഴിഞ്ഞ് 10 മിനിറ്റ് പിന്നിട്ടപ്പോള്‍ മുതല്‍ തന്നെ അവര്‍ തളര്‍ന്നു തുടങ്ങിയിരുന്നു. മോമോയും ക്ഷീണിതനായിരുന്നു. ടീമെന്ന നിലയില്‍ ഊര്‍ജ്ജം ചോര്‍ന്നുപോയി എന്ന് തന്നെ പറയാമെന്നും ആഷ്‌ലി വെസ്റ്റ്‌വുഡ് കൂട്ടിച്ചേര്‍ത്തു.

അതുകൊണ്ടാണ് പകരക്കാരെ ഇറക്കേണ്ടി വന്നത്. സബ്സ്റ്റിറ്റ്യൂഷനുകൾ നടത്തേണ്ടി വന്നു. ഒന്നിലധികം മാറ്റങ്ങൾ വരുത്തുമ്പോൾ കളിയിൽ ചെറിയ നിയന്ത്രണം നഷ്ടപ്പെടാം. ഒന്നിലേറെ സബ്സ്റ്റിറ്റ്യൂഷനുകൾ നടത്തുമ്പോള്‍ അസ്ഥിരത വരാമെന്നും അദ്ദേഹം ചൂണ്ടിക്കാട്ടി.

ബ്ലാസ്‌റ്റേഴ്‌സിന്റെ മാസ്റ്റര്‍ പ്ലാന്‍

ഇനി ഫിറ്റ്‌നസ് മെച്ചപ്പെടുത്തി മത്സരത്തിലേക്ക് കരുത്തോടെ തിരിച്ചെത്തുകയാണ് ബ്ലാസ്‌റ്റേഴ്‌സിന്റെ നീക്കം. ചെന്നൈയിനെതിരായ മത്സരശേഷം ലഭിക്കുന്ന ഇടവേളയില്‍ അതിനുള്ള പ്രവര്‍ത്തനങ്ങളിലേക്ക് ടീം കടക്കുമെന്ന് വ്യക്തമാക്കുന്നതായിരുന്നു വെസ്റ്റ്‌വുഡിന്റെ വാര്‍ത്താ സമ്മേളനം.

"താരങ്ങള്‍ ഫിറ്റ്‌നസ് വീണ്ടെടുക്കും. ബുധന്‍, വ്യാഴം ദിവസങ്ങളില്‍ പരിശീലിക്കും. വെള്ളിയാഴ്ച പരിശീലനത്തിന് ശേഷം ചെന്നൈയിലേക്ക് പുറപ്പെടും. സമയം വളരെ വേഗത്തിലാണ് കടന്നുപോകുന്നത്. ചെന്നൈയിനെതിരായ മത്സരശേഷം ജിം വര്‍ക്കുകളടക്കം നടത്തി ഫിറ്റ്‌നസില്‍ ശ്രദ്ധ കേന്ദ്രീകരിക്കാന്‍ കുറച്ച് സമയം ലഭിക്കും. നവംബര്‍ അവസാനത്തിലും, ഡിസംബര്‍ തുടക്കത്തിലും വരാനിരിക്കുന്ന മത്സരങ്ങള്‍ക്കായി കൂടുതല്‍ ഫിറ്റാകും"-ആഷ്‌ലി വെസ്റ്റ്‌വുഡ്‌ പറഞ്ഞു.

English Summary

Kerala Blasters coach Ashley Westwood blamed poor player fitness for their draw against Mumbai City. He noted that crucial players ran out of energy during the final 30 minutes of the match. Lack of adequate pre-season preparation forced him to make late subbing decisions. The team plans to focus heavily on fitness training before their upcoming fixtures.

കൊച്ചി: ചേരാനല്ലൂരിൽ 17 വയസുകാരൻ ഓടിച്ച കാറിടിച്ച് സ്കൂട്ടർ യാത്രക്കാരനായ ജയബാലകൃഷ്ണൻ മരിച്ച കേസിൽ, കുട്ടിയുടെ പിതാവും കാറുടമയുമായ അഡിഷനൽ ജഡ്ജിക്ക് വീഴ്ച പറ്റിയെന്ന് പോർട്ട്ഫോളിയോ ജഡ്‌ജ്‌ ജസ്റ്റിസ് പി.വി. കുഞ്ഞിക്കൃഷ്ണൻ ഹൈക്കോടതി അഡ്മിനിസ്ട്രേറ്റിവ് കമ്മിറ്റിക്ക് റിപ്പോർട്ട് നൽകി. ജഡ്ജിയുടെ പെരുമാറ്റം ജുഡീഷ്യറിക്ക് അവമതിപ്പുണ്ടാക്കിയെന്നും ഇദ്ദേഹത്തെ ഉടൻ സസ്പെൻഡ് ചെയ്യണമെന്നും ചീഫ് ജസ്റ്റിസിന് നൽകിയ കത്തിൽ ജസ്റ്റിസ് കുഞ്ഞിക്കൃഷ്ണൻ ആവശ്യപ്പെട്ടുവെന്നും റിപ്പോർട്ട്. ഔദ്യോഗിക ജോലിയുടെ ഭാഗമായല്ലാതെ ജുഡീഷ്യൽ ഓഫിസർ പൊലീസ് സ്റ്റേഷനിൽ നേരിട്ടുപോകുന്നത് സുപ്രീം കോടതി വിലക്കിയിട്ടുണ്ട്. ഇത് ഉൾപ്പെടെ പരിഗണിച്ച് സസ്പെൻഷനിൽ ഹൈക്കോടതി അഡ്മിനിസ്ട്രേറ്റീവ് കമ്മിറ്റി ഇന്ന് തീരുമാനമെടുക്കും.

ജയബാലകൃഷ്ണന്റെ കുടുംബം ശക്തമായ പ്രതിഷേധം ഉയർത്തിയതോടെ, അപകടമുണ്ടായി 32 മണിക്കൂറിനു ശേഷം വാഹനമുടമയായ ജഡ്ജിക്കെതിരേയും പൊലീസ് കേസെടുത്തിരുന്നു. പ്രായപൂർത്തിയാകാത്തവർ വാഹനമോടിച്ച് അപകടമുണ്ടാക്കിയാൽ വാഹന ഉടമ അല്ലെങ്കിൽ രക്ഷിതാവിനെതിരെ കേസെടുക്കാമെന്ന മോട്ടർ വാഹന നിയമത്തിലെ 199എ വകുപ്പു ചുമത്തിയാണു കേസ്. 3 വർഷം തടവും 25,000 രൂപ പിഴയും ശിക്ഷ ലഭിക്കാവുന്ന വകുപ്പാണിത്.

Also Read: സർക്കാരുണ്ട് കൂടെ; ജയബാലകൃഷ്ണന്റെ മകളെ ഫോണിൽ വിളിച്ച് മുഖ്യമന്ത്രി; കർശന നടപടി ഉറപ്പ്‌

കേസുമായി ബന്ധപ്പെട്ട് പ്രതിയായ വിദ്യാർഥിയുടെ പിതാവായ ജഡ്ജിയെ ആലുവ കമ്പനിപ്പടിയിലെ ഫ്ലാറ്റിലെത്തി പൊലീസ് ചോദ്യം ചെയ്തു. ഇതിനൊപ്പം അപകടമുണ്ടാക്കിയ 17 വയസുകാരന്റെ വിശദമായ മൊഴിയും പോലീസ് സംഘം രേഖപ്പെടുത്തിയിട്ടുണ്ട്. തന്റെ അറിവോടെയല്ല മകൻ വാഹനമോടിച്ചതെന്നാണ് ജഡ്ജി മൊഴി നൽകിയത്. എന്നാൽ ഈ മൊഴി പോലീസ് പൂർണ്ണമായി വിശ്വസിച്ചിട്ടില്ല.

യൂട്യൂബ് നോക്കിയാണ് താൻ ഡ്രൈവിങ് പഠിച്ചതെന്നും കൊതികൊണ്ടാണ് പിതാവിന്റെ കാർ അറിയാതെ എടുത്തുകൊണ്ടുപോയതെന്നുമാണ് പ്രതി മൊഴി നൽകിയത്. കുട്ടിയുടെ മൊഴിയും പോലീസ് പൂർണമായി വിശ്വസിക്കുന്നില്ല. യൂട്യൂബ് വീഡിയോകൾ കണ്ടുമാത്രം ഒരാൾക്ക് വാഹനം ഓടിക്കാൻ കഴിയില്ലെന്നാണ് പോലീസിന്റെ അനുമാനം. ഇതിനിടെ, മുൻപ് വാഹനമോടിച്ചതിന്റെ തെളിവുകൾ നശിപ്പിക്കുന്നതിനായി 17-കാരൻ സ്വന്തം ഇൻസ്റ്റാഗ്രാം പേജ് ഡിലീറ്റ് ചെയ്തതായും വിവരമുണ്ട്.

ഇപ്പോഴത്തെ അ‌പകടത്തിന്റെ പശ്ചാത്തലത്തിൽ, പ്രതിയായ 17 വയസുകാരന് 25 വയസ്സ് വരെ ലൈസൻസ് എടുക്കുന്നത് വിലക്കാൻ മോട്ടോർ വെഹിക്കിൾ ആക്ട് പ്രകാരം എംവിഡി നടപടി സ്വീകരിക്കും. അപകടമുണ്ടാക്കിയ ബെൻസ് കാറിന്റെ ആർസി സസ്പെൻഡ് ചെയ്യും. കേസിന്റെ അന്വേഷണം ഇപ്പോൾ ജില്ലാ ക്രൈം ബ്രാഞ്ച് ഏറ്റെടുത്തിട്ടുണ്ട്. സംഭവത്തിൽ കൂടുതൽ തെളിവുകൾ ശേഖരിക്കാനാണ് ഇപ്പോൾ അന്വേഷണസംഘം ലക്ഷ്യമിടുന്നത്.

ഇതിനിടെ എഡിജിപി പി. വിജയൻ ഇന്ന് കൊച്ചിയിലെത്തും. അ‌പകടത്തിൽ കൊല്ലപ്പെട്ട ജയബാലകൃഷ്ണന്റെ കുടുംബത്തെ എഡിജിപി കാണും. പ്രതികൾക്കെതിരേ ശക്തമായ നടപടി ഉണ്ടാകണം എന്നാവശ്യപ്പെട്ട് ജയബാലകൃഷ്ണന്റെ മകളും മറ്റ് കുടുംബാംഗങ്ങളും ചേരാനല്ലൂർ പോലീസ് സ്റ്റേഷനിൽ പ്രതിഷേധിച്ചിരുന്നു. ഇന്നലെ ആഭ്യന്തരമന്ത്രി രമേശ് ചെന്നിത്തല വിളിച്ച് നടപടി ഉറപ്പ് നൽകിയതിനെ തുടർന്നാണ് കുടുംബം പ്രതിഷേധം അ‌വസാനിപ്പിച്ചത്. മുഖ്യമന്ത്രി വി.ഡി.സതീശനും ജയബാലകൃഷ്ണന്റെ മകൾ ഭദ്രകീർത്തിയുമായി ഫോണിൽ സംസാരിച്ചു.

English Summary

In the case involving the death of a scooter rider, Jayabalakrishnan- who was struck by a car driven by a 17-year-old in Cheranalloor- Portfolio Judge Justice P.V. Kunhikrishnan has submitted a report to the High Court Administrative Committee, stating that the boy’s father, an Additional Judge and the owner of the car, committed a lapse. The Supreme Court has prohibited judicial officers from visiting a police station in person, except in the course of their official duties. Taking this and other factors into account, the High Court Administrative Committee will decide today on the suspension of the judge.

ആലപ്പുഴ: റെയിൽവേ യാത്രാ രംഗത്ത് ആലപ്പുഴയ്ക്ക് ആശ്വാസകരമായേക്കാവുന്ന പുതിയ നീക്കവുമായി അധികൃതർ. എറണാകുളത്ത് യാത്ര അവസാനിപ്പിക്കുന്ന ടാറ്റാനഗർ എക്സ്പ്രസ് ആലപ്പുഴയിലേക്ക് നീട്ടുന്നതിന് പകരം, ധൻബാദ് എക്സ്പ്രസിന്റെ സമയക്രമത്തിൽ പുതിയ ട്രെയിൻ അനുവദിക്കാൻ റെയിൽവേ ആലോചിക്കുന്നതായി റിപ്പോർട്ട്. ഇത് യാഥാർത്ഥ്യമായാൽ ആലപ്പുഴ ട്രെയിൻ യാത്രക്കാർക്ക് ആശ്വാസകരമാകും.

ആലപ്പുഴയിൽ നിന്ന് പുതിയ ട്രെയിൻ

ധൻബാദ് – ആലപ്പുഴ എക്സ്പ്രസ് തിരുവനന്തപുരം നോർത്ത് വരെ നീട്ടിയതോടെ പകരമായി എറണാകുളത്തു യാത്ര അവസാനിപ്പിക്കുന്ന ടാറ്റാനഗർ എക്സ്പ്രസ് അടക്കമുള്ള ട്രെയിനുകൾ ആലപ്പുഴയിലേക്കു നീട്ടണമെന്ന് ആവശ്യമുയർന്നിരുന്നു. ഇതിനെ തുടർന്നാണ് ധൻബാദ് എക്സ്പ്രസിന്റെ സമയക്രമത്തിൽ ആലപ്പുഴയിൽ നിന്ന് ഷൊർണൂരിലേക്കോ ഗുരുവായൂരിലേക്കോ പുതിയ ട്രെയിൻ അനുവദിക്കുന്ന സാധ്യതയാണ് റെയിൽവേ പരിഗണിക്കുന്നത്.

ALSO READ: 10 ദിവസം ആലുവ നഗരത്തിൽ ഗതാഗത നിയന്ത്രണം; പോകേണ്ടത് ഈ വഴി… യാത്രക്കാർ ശ്രദ്ധിക്കുക…

ടാറ്റാനഗർ ആലപ്പുഴയിലേക്ക് നീട്ടാത്തത് എന്തുകൊണ്ട്?

ടാറ്റാനഗർ എക്സ്പ്രസ് ആലപ്പുഴയിലേക്ക് നീട്ടണമെന്ന് ആവശ്യമുയർന്നിരുന്നെങ്കിലും ടാറ്റാനഗർ എക്സ്പ്രസിന്റെ സമയത്ത് ആലപ്പുഴ സ്റ്റേഷനിൽ ഒഴിവുണ്ടാകാൻ സാധ്യതയില്ലെന്നും ഈ ട്രെയിനിന്റെ അറ്റകുറ്റപ്പണികൾക്ക് ഇവിടെ സൗകര്യം കുറവായിരിക്കുമെന്നും ചൂണ്ടിക്കാട്ടിയാണ് ഈ ആവശ്യം റെയിൽവേ പരിഗണിക്കാത്തത്. കൂടാതെ, പിറ്റ്‌ലൈൻ പൊളിച്ചുനീക്കാനുള്ള റെയിൽവേയുടെ നീക്കവും ഇതിന് തടസ്സമായി.

തീരദേശ റെയിൽപാതയുടെ ഇരട്ടിപ്പിക്കലിന്റെ ഭാഗമായി ആലപ്പുഴ റെയിൽവേ സ്റ്റേഷനിലെ മെയ്ന്റനൻസ് ഡിപ്പോ അടച്ചുപൂട്ടാനും പിറ്റ്ലൈൻ പൊളിച്ചു മാറ്റാനും റെയിൽവേ നീക്കം ആരംഭിച്ചിട്ടുണ്ട്. ഈ സാഹചര്യത്തിൽ ദീർഘദൂര ട്രെയിനുകൾ ആലപ്പുഴയിലേക്ക് നീട്ടുന്നത് അനുയോജ്യമായിരിക്കില്ല. ഇത്തരം ട്രെയിനുകളുടെ അറ്റക്കുറ്റപ്പണികൾക്കും സർവീസ് ക്രമീകരണത്തിനും പിറ്റ് ലൈൻ അനിവാര്യമാണ്.

സമയക്രമം മാറുമോ?

ധൻബാദ് എക്സ്പ്രസ് തിരുവനന്തപുരത്തേക്ക് നീട്ടുന്നതുമൂലം അതിരാവിലെ യാത്ര ചെയ്യേണ്ടി വരുന്ന സ്ഥിരം യാത്രക്കാരുടെ ആശങ്ക പരിഹരിക്കാൻ പുതിയ സർവീസ് സഹായകമാകും. ധൻബാദ് തിരുവനന്തപുരത്തേക്കു നീട്ടിയതോടെ സമയക്രമത്തിൽ മാറ്റം വരുമോ എന്ന ആശങ്ക യാത്രക്കാർക്കിടയിൽ ഉയർന്നിരുന്നു. രാവിലെ 6ന് ആലപ്പുഴയിൽ നിന്ന് പുറപ്പെടുന്ന ട്രെയിൻ 7.30ന് എറണാകുളത്തെത്തും. തിരുവനന്തപുരത്ത് നിന്ന് 3.30ന് എങ്കിലും പുറപ്പെട്ടാലേ 6ന് ആലപ്പുഴ എത്താനാകൂ. അതിരാവിലെ പുതിയ ട്രെയിൻ അനുവദിച്ചാൽ ഈ പ്രശ്നം പരിഹരിക്കാൻ സാധിക്കുകയും ധൻബാദിനൊപ്പം രാവിലെ മറ്റൊരു ട്രെയിൻ കൂടി ലഭിക്കുകയും ചെയ്യും.

അതേസമയം, നിലവിൽ ധൻബാദ് എക്സ്പ്രസ് ആലപ്പുഴയിൽ നിന്ന് തന്നെയാണ് സർവീസ് നടത്തുന്നത്. തിരുവനന്തപുരം നോർത്തിലേക്ക് എന്നു മുതലാണ് നീട്ടുന്നതെന്ന് ഇതുവരെ അറിയിച്ചിട്ടില്ല. നിലവിലെ സമയക്രമത്തിൽ മാറ്റം വന്നാൽ പുതിയ സർവീസ് വേണമെന്ന ആവശ്യം ശക്തമായേക്കും.

English Summary:

The Indian Railways is considering introducing a new train service from Alappuzha to Shoranur or Guruvayur instead of extending the Tatanagar Express, which currently terminates at Ernakulam. The proposal comes after the Dhanbad–Alappuzha Express was approved for extension to Thiruvananthapuram North, raising concerns among regular passengers about possible changes to its existing schedule.

ന്യൂസിലന്‍ഡിനെതിരായ ടി20 പരമ്പരയില്‍ യുവതാരം വൈഭവ് സൂര്യവംശിയുടെ ബാറ്റിങ് സ്ഥാനം മാറ്റിയ ഇന്ത്യന്‍ ടീമിന്റെ തീരുമാനമാണ് ക്രിക്കറ്റ് ലോകത്ത് ചര്‍ച്ചയാകുന്നത്. ഓപ്പണറായി ഇറങ്ങി വെടിക്കെട്ട് പ്രകടനങ്ങള്‍ കാഴ്ചവെച്ചിട്ടുള്ള താരത്തെ മൂന്നാം നമ്പറില്‍ പരീക്ഷിച്ചെങ്കിലും പ്രതീക്ഷിച്ച നേട്ടമുണ്ടായില്ല. രണ്ടാം ടി20 മത്സരത്തില്‍ എട്ട് പന്തില്‍ നാല് റണ്‍സ് മാത്രമെടുത്ത് താരം പുറത്തായി.

പരിക്കേറ്റ ഇഷാന്‍ കിഷന് പകരമാണ് 15കാരനായ വൈഭവ് പ്ലേയിങ് ഇലവനിലെത്തിയത്. എന്നാല്‍ ഓപ്പണിങ് കൂട്ടുകെട്ടില്‍ അഭിഷേക് ശര്‍മയെയും സഞ്ജു സാംസണെയും നിലനിര്‍ത്താന്‍ ടീം മാനേജ്മെന്റ് തീരുമാനിച്ചതോടെ വൈഭവിന് മൂന്നാം നമ്പറില്‍ ബാറ്റ് ചെയ്യേണ്ടിവന്നു.

ഓപ്പണിങ് കൂട്ടുകെട്ട് മാറ്റാന്‍ ഇന്ത്യ തയാറായില്ല

പരമ്പരയിലെ ആദ്യ മത്സരത്തില്‍ അഭിഷേക് ശര്‍മയും സഞ്ജു സാംസണും ചേര്‍ന്ന് മികച്ച തുടക്കമാണ് ഇന്ത്യക്ക് നല്‍കിയത്. പവര്‍പ്ലേയില്‍ ഇരുവരും ചേര്‍ന്ന് 93 റണ്‍സിന്റെ കൂട്ടുകെട്ടുണ്ടാക്കിയിരുന്നു. ഈ പ്രകടനത്തിന്റെ പശ്ചാത്തലത്തില്‍ വിജയകരമായ ഓപ്പണിങ് കൂട്ടുകെട്ടില്‍ മാറ്റം വരുത്തേണ്ടതില്ലെന്ന നിലപാടാണ് ടീം സ്വീകരിച്ചത്. ഇഷാന്‍ കിഷന്റെ അഭാവത്തില്‍ വൈഭവിനെ ടീമില്‍ ഉള്‍പ്പെടുത്തിയെങ്കിലും ഓപ്പണറുടെ സ്ഥാനത്തേക്ക് ഉയര്‍ത്തിയില്ല. പകരം മൂന്നാം നമ്പറില്‍ അവസരം നല്‍കി. എന്നാല്‍ പരിചിതമല്ലാത്ത ബാറ്റിങ് സ്ഥാനത്ത് താരത്തിന് താളം കണ്ടെത്താനായില്ല.

ഓപ്പണറായി ഇറങ്ങുമ്പോഴാണ് വൈഭവിന്റെ മികവ്

വൈഭവ് സൂര്യവംശിയുടെ ഏറ്റവും വലിയ കരുത്ത് തുടക്കം മുതല്‍ ആക്രമിച്ച് കളിക്കാനുള്ള കഴിവാണ്. ഐപിഎല്ലില്‍ ഇന്ത്യന്‍ താരത്തിന്റെ ഏറ്റവും വേഗമേറിയ സെഞ്ചുറി 35 പന്തില്‍ നേടിയതും 2026ലെ അണ്ടര്‍ 19 ലോകകപ്പ് ഫൈനലില്‍ 80 പന്തില്‍ 175 റണ്‍സ് അടിച്ചുകൂട്ടിയതും ഓപ്പണറായി ഇറങ്ങിയപ്പോഴായിരുന്നു.

Also Read: Sanju Samson: സഞ്ജുവിന്റെ കൂടെ കട്ടയ്ക്ക് നിന്ന് ഡികെയും, ഭോഗ്ലെയും; വൈഭവിന് വേണ്ടി പൊസിഷന്‍ മാറ്റരുത്‌

പുതിയ പന്തിനെ നേരിടുമ്പോള്‍ ഫീല്‍ഡിങ് നിയന്ത്രണങ്ങള്‍ പരമാവധി പ്രയോജനപ്പെടുത്തി അതിവേഗം റണ്‍സ് കണ്ടെത്താന്‍ വൈഭവിന് കഴിയും. പവര്‍പ്ലേയില്‍ ബൗണ്ടറികള്‍ നേടാനുള്ള ഈ കഴിവ് ഇന്ത്യക്ക് വലിയ നേട്ടമാകാം. എന്നാല്‍ മൂന്നാം നമ്പറില്‍ ഇറങ്ങുമ്പോള്‍ ക്രീസിലെത്തുന്ന സമയത്തെ മത്സരസാഹചര്യം മനസിലാക്കി കളിക്കേണ്ടിവരും. ഈ മാറ്റം യുവതാരത്തിന് കൂടുതല്‍ സമ്മര്‍ദമുണ്ടാക്കിയേക്കാം.

സഞ്ജുവിനെ മൂന്നാം നമ്പറില്‍ ഇറക്കാമോ?

വൈഭവിനെ ഓപ്പണറായി നിലനിര്‍ത്തി സഞ്ജു സാംസണെ മൂന്നാം നമ്പറില്‍ ഇറക്കുന്നതിനെക്കുറിച്ചും ചര്‍ച്ച ഉയരുന്നുണ്ട്. നേരത്തേ ഇന്ത്യയുടെ മറ്റൊരു ടീം കോമ്പിനേഷനില്‍ വൈഭവും അഭിഷേകും ഓപ്പണ്‍ ചെയ്തപ്പോള്‍ സഞ്ജു മൂന്നാം നമ്പറിലാണ് കളിച്ചിരുന്നത്. മൂന്നാം നമ്പറില്‍ ബാറ്റ് ചെയ്യുന്നതിന് ആവശ്യമായ അനുഭവവും സാഹചര്യത്തിനനുസരിച്ച് ഇന്നിങ്സ് മുന്നോട്ടുകൊണ്ടുപോകാനുള്ള കഴിവും സഞ്ജുവിനുണ്ട്. അതേസമയം, വൈഭവിന്റെ ആക്രമണശൈലി ഏറ്റവും ഫലപ്രദമാകുന്നത് ഓപ്പണറായിട്ടാണെന്ന വിലയിരുത്തലും ശക്തമാണ്.

English Summary

India’s decision to send Vaibhav Sooryavanshi at No. 3 against New Zealand has sparked debate after he scored just four runs off eight balls. The young batter has impressed as an opener, raising questions about whether India should retain him at the top of the order.

ചെ​ന്നൈ: മധ്യ ബംഗാൾ ഉൾക്കടലിലും അതിനോട് ചേർന്ന മധ്യപടിഞ്ഞാറൻ ബംഗാൾ ഉൾക്കടലിലുമായി രൂപപ്പെട്ട ‘ഓർണബ്’ ചുഴലിക്കാറ്റ് അതിതീവ്ര ചുഴലിക്കാറ്റായി മാറി. ഇത് നാളെ കരതൊടുമെന്നാണ് മുന്നറിയിപ്പ്. ഇതിനെത്തുടർന്ന് ആന്ധ്ര, തെലങ്കാന, ഒഡിഷ സംസ്ഥാനങ്ങൾ ജാഗ്രതയിലാണ്. നിലവിൽ വിശാഖപ്പട്ടണത്തിന് 350 കിലോമീറ്റർ അകലെയാണ് ചുഴലിക്കാറ്റിൻറെ സ്ഥാനം. ചുഴലിക്കാറ്റ് അ‌തിതീവ്ര ചുഴലിക്കാറ്റായി മാറി കരതൊടുന്നത് കണക്കിലെടുത്ത് സുരക്ഷയുടെ ഭാഗമായി ഇന്നും നാളെയുമായി 53 ട്രെയിനുകൾ റെയിൽവേ റദ്ദാക്കിയിട്ടുണ്ട്. നിലവിൽ ഓർണബ് മണിക്കൂറിൽ 15 കിലോമീറ്റർ വേഗതയിൽ പടിഞ്ഞാറൻ ദിശയിലേക്ക് നീങ്ങുന്നുവെന്നാണ് റിപ്പോർട്ട്. തുടർന്ന് വടക്കുപടിഞ്ഞാറൻ ദിശയിലേക്ക് നീങ്ങുന്ന ചുഴലിക്കാറ്റ് നാളെ ഉച്ചയ്ക്ക് മുൻപായി ആന്ധ്രാപ്രദേശിലെ ബാപ്പറ്റ്‌ലയ്ക്കും വിശാഖപട്ടണത്തിനും ഇടയിലുള്ള തീരത്ത് കരതൊടുമെന്നാണ് നി​ഗമനം.

ഗോപാൽപൂരിൽ നിന്ന് 610 കിലോമീറ്ററും വിശാഖപട്ടണത്ത് നിന്ന് 650 കിലോമീറ്ററും അകലെയാണ് ഇതിന്റെ കേന്ദ്രമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ആന്ധ്രാപ്രദേശ്, തെക്കൻ ഒഡീഷ തീരങ്ങൾക്ക് കേന്ദ്ര കാലാവസ്ഥാ വകുപ്പ് റെഡ് അലർട്ട് നൽകിയിട്ടുണ്ട്. ആന്ധ്ര പ്രദേശ്, പശ്ചിമ ബംഗാൾ, ഒഡീഷ, തമിഴ്നാട് സംസ്ഥാനങ്ങളിൽ ഓർണബ് ആഞ്ഞടിക്കാനാണ് സാധ്യതയെന്നാണ് പ്രവചനം.

ALSO READ: ഇന്ന് വിവിധ ജില്ലകളിൽ ഒറ്റപ്പെട്ട ഇടങ്ങളിൽ നേരിയ മഴ മാത്രം

ഓർണബ് കരതൊടുന്ന സമയത്ത് മണിക്കൂറിൽ 115 മുതൽ 125 കിലോമീറ്റർ മുതൽ 140 കിലോമീറ്റർ വരെയും വേഗതയുള്ള ശക്തമായ കാറ്റിന് സാധ്യതയുണ്ടെന്നും ഐഎംഡി അറിയിച്ചു. ആന്ധ്രാപ്രദേശ് - യാനം തീരങ്ങളിലൂടെ കരയിൽ പ്രവേശിച്ചതിനുശേഷം ഒക്ടോബർ 28 വൈകുന്നേരത്തോടെ കാറ്റിന്റെ വേഗത കുറഞ്ഞ് മണിക്കൂറിൽ 70 മുതൽ 80 കിലോമീറ്റർ വരെയും ചില അവസരങ്ങളിൽ മണിക്കൂറിൽ 90 കിലോമീറ്റർ വരെയും ആകും.

ഒക്ടോബർ 29 രാവിലെയോടെ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ മണിക്കൂറിൽ 60 കിലോമീറ്റർ വരെയും ആയി മാറാൻ സാധ്യതയുണ്ട്. തുടർന്ന് കാറ്റിന്റെ വേഗത ക്രമേണ കുറയും എന്നാണ് കാലാവസ്ഥാ നിരീക്ഷണ കേന്ദ്രം അ‌റിയിച്ചിരിക്കുന്നത്. ചുഴലിക്കാറ്റ് കണക്കിലെടുത്ത് മത്സ്യത്തൊഴിലാളികൾ അ‌പകട സാധ്യത പ്രവചിച്ചിരിക്കുന്ന മേഖലകളിൽ മത്സ്യബന്ധനത്തിന് പോകാൻ പാടുള്ളതല്ല എന്ന് അ‌ധികൃതർ അ‌റിയിച്ചിട്ടുണ്ട്.

കേരളത്തിൽ ഇന്ന് പൊതുവിൽ ഒറ്റപ്പെട്ടയിടങ്ങളിൽ മാത്രമാണ് മഴ പ്രവചിച്ചിരിക്കുന്നത്. എന്നാൽ ഓർണബ് ചുഴലിക്കാറ്റിന്റെ സ്വാധീനഫലമായി നാളെ കേരളത്തിലും കനത്ത മഴക്ക് സാധ്യതയുണ്ട്. 'ഓർണബ്' ചുഴലിക്കാറ്റിന്റെ പശ്ചാത്തലത്തിൽ, വെള്ളപ്പൊക്ക സാധ്യതയുള്ള പ്രദേശങ്ങളിൽ നിന്ന് ആളുകളെ ഒഴിപ്പിക്കാനും, അപകടസാധ്യതയുള്ളവർക്ക് മുൻഗണന നൽകാനും, ദുരന്തനിവാരണ സേനയെ വിന്യസിക്കാനും ആന്ധ്രാപ്രദേശ് സർക്കാർ ഉദ്യോഗസ്ഥർക്ക് നിർദ്ദേശം നൽകി.

English Summary

Cyclone 'Ornab', which formed over the central Bay of Bengal and the adjoining west-central Bay of Bengal, has intensified into a very severe cyclonic storm. It is expected to make landfall tomorrow. In light of this, the states of Andhra Pradesh, Telangana, and Odisha have been placed on high alert. The cyclone is currently located 350 kilometers away from Visakhapatnam. As a precautionary measure, the Railways has cancelled 53 trains for today and tomorrow.