8th Pay Commission: 8-ാം ശമ്പള കമ്മീഷൻ: ഇൻക്രിമെന്റ് 5 ശതമാനമായാൽ അടിസ്ഥാന ശമ്പളം എത്രയാകും?
8th Pay Commission Updates: ഇൻക്രിമെന്റ് ഉയർത്തിയാൽ ജീവനക്കാരുടെ അടിസ്ഥാന ശമ്പളത്തിലും പെൻഷനിലും ഗണ്യമായ വർദ്ധനവുണ്ടാകും. ഇൻക്രിമെന്റ് നിരക്ക് 5% ആക്കുന്നതോടെ ഓരോ വർഷവും അടിസ്ഥാന ശമ്പളത്തിൽ ഉണ്ടാകുന്ന വർദ്ധനവ് വളരെ വലുതായിരിക്കും. ഇത് ഡിഎ, എച്ച്ആർഎ, ഗ്രാറ്റുവിറ്റി തുടങ്ങിയ മറ്റ് ആനുകൂല്യങ്ങളെയും നേരിട്ട് ബാധിക്കും.
രാജ്യത്തെ ദശലക്ഷക്കണക്കിന് കേന്ദ്ര സർക്കാർ ജീവനക്കാർ എട്ടാം ശമ്പള കമ്മീഷന് വേണ്ടിയുള്ള കാത്തിരിപ്പിലാണ്. ശമ്പള പരിഷ്കരണം നടപ്പിലാക്കാൻ അടുത്ത വർഷം പകുതി വരെയെങ്കിലും കാത്തിരിക്കേണ്ടി വരുമെന്നാണ് സൂചന. നിലവിൽ, കമ്മീഷന്റെ പ്രവർത്തനങ്ങൾ സജീവമായി പുരോഗമിക്കുന്നുണ്ട്. ശമ്പള കമ്മീഷൻ രാജ്യത്തുടനീളമുള്ള ജീവനക്കാരുടെ യൂണിയനുകളിൽ നിന്ന് ഫീഡ്ബാക്ക് ശേഖരിക്കുമ്പോൾ, വാർഷിക ഇൻക്രിമെന്റ് നിരക്കും പരിഷ്കരിക്കുമോ എന്ന ചോദ്യം ഉയരുകയാണ്.
വാർഷിക ഇൻക്രിമെന്റ് ഉയരുമോ?
കേന്ദ്ര സർക്കാർ ജീവനക്കാർക്കായി 8-ാം ശമ്പള കമ്മീഷൻ നടപ്പിലാക്കുമ്പോൾ വാർഷിക ശമ്പള വർദ്ധനവ് നിരക്കിൽ മാറ്റം വരാൻ സാധ്യതയുണ്ടെന്നാണ് റിപ്പോർട്ടുകൾ. നിലവിൽ 7-ാം ശമ്പള കമ്മീഷൻ ശുപാർശ പ്രകാരം 3% വാർഷിക ഇൻക്രിമെന്റാണ് ലഭിക്കുന്നത്. ഇത് കൂട്ടുപലിശ രീതിയിലാണ് കണക്കാക്കുന്നത്. നിലവിൽ ജീവനക്കാരുടെ സംഘടനകളും വിദഗ്ദ്ധരും ഇൻക്രിമെന്റ് നിരക്ക് 5% ആക്കി ഉയർത്തണമെന്ന് ആവശ്യപ്പെടുന്നുണ്ട്.
ഇത്തരത്തിൽ ഇൻക്രിമെന്റ് ഉയർത്തിയാൽ ജീവനക്കാരുടെ അടിസ്ഥാന ശമ്പളത്തിലും പെൻഷനിലും ഗണ്യമായ വർദ്ധനവുണ്ടാകും. ഇൻക്രിമെന്റ് നിരക്ക് 5% ആക്കുന്നതോടെ ഓരോ വർഷവും അടിസ്ഥാന ശമ്പളത്തിൽ ഉണ്ടാകുന്ന വർദ്ധനവ് വളരെ വലുതായിരിക്കും. ഇത് ഡിഎ, എച്ച്ആർഎ, ഗ്രാറ്റുവിറ്റി തുടങ്ങിയ മറ്റ് ആനുകൂല്യങ്ങളെയും നേരിട്ട് ബാധിക്കും.
ALSO READ: ശമ്പളവും പെൻഷനും എത്ര കൂടും? ജീവനക്കാർക്ക് ഓഗസ്റ്റ് മാസം നിർണായകം!
ശമ്പള വ്യത്യാസം (3% vs 5%)
ലെവൽ 1 ജീവനക്കാർ
ലെവൽ 1 ജീവനക്കാരുടെ അടിസ്ഥാന ശമ്പളം 18,000 രൂപയാണ്. 3% ഇൻക്രിമെന്റിൽ ഒന്നാം വർഷം അടിസ്ഥാന ശമ്പളം 18,500 ആയും, 5 വർഷത്തിന് ശേഷം 20,900 രൂപയായും ഉയരും.
5% ഇൻക്രിമെന്റിൽ, ഒന്നാം വർഷം ബേസിക് പേ 19,100 ആയും, 5 വർഷം പൂർത്തിയാകുമ്പോൾ 24,200 ആയും വർദ്ധിക്കും.
ലെവൽ 6 ജീവനക്കാർ
ലെവൽ 6 ജീവനക്കാരുടെ അടിസ്ഥാന ശമ്പളം 35,400 രൂപയാണ്. 3% ഇൻക്രിമെന്റിൽ: 5 വർഷത്തെ സേവനത്തിന് ശേഷം അടിസ്ഥാന ശമ്പളം 41,100 ആയി ഉയരും. 5% ഇൻക്രിമെന്റിൽ, 5 വർഷത്തിന് ശേഷം അടിസ്ഥാന ശമ്പളം 47,600 രൂപയായി മാറും.
ലെവൽ 10 ഓഫീസർമാർ
ലെവൽ 10 ഓഫീസർമാരുടെ അടിസ്ഥാന ശമ്പളം 56,100 രൂപയാണ്. 3% ഇൻക്രിമെന്റിൽ 5 വർഷത്തിന് ശേഷം അടിസ്ഥാന ശമ്പളം 65,000 രൂപയിൽ എത്തും.
5 ശതമാനമായി ഇൻക്രിമെന്റ് നിരക്ക് ഉയർന്നാൽ അടിസ്ഥാന ശമ്പളം 75,400 രൂപയായി കുതിച്ചുയരും.
പഴയ പെൻഷൻ പദ്ധതിയിൽ തിരിച്ചടി
കേന്ദ്ര സർക്കാർ ജീവനക്കാർക്കായി പഴയ പെൻഷൻ പദ്ധതി പുനഃസ്ഥാപിക്കാൻ നിലവിൽ യാതൊരു നിർദ്ദേശവുമില്ലെന്ന് കേന്ദ്ര ധനകാര്യ മന്ത്രാലയം വ്യക്തമാക്കി. സർക്കാരിന്റെ മുൻ നിലപാടിൽ മാറ്റമൊന്നുമില്ലെന്ന് വ്യക്തമാക്കുന്നതാണ് ഈ മറുപടി. ഇതോടെ ഭൂരിഭാഗം ജീവനക്കാർ നിരാശയിലാണ്.
പഴയ പെൻഷൻ പദ്ധതി പുനഃസ്ഥാപിക്കണമെന്നുള്ളത് കേന്ദ്ര സർക്കാർ ജീവനക്കാരുടെ പ്രധാന ആവശ്യങ്ങളിലൊന്നായിരുന്നു. നാഷണൽ കൗൺസിൽ ഓഫ് ജോയിന്റ് കൺസൾട്ടേറ്റീവ് മെഷിനറി, എഐഡിഇഎഫ് , റെയിൽവേ-പോസ്റ്റൽ യൂണിയനുകൾ ഉൾപ്പെടെയുള്ള സംഘടനകൾ എട്ടാം ശമ്പള കമ്മീഷനോട് OPS തിരികെ കൊണ്ടുവരാൻ ആവശ്യപ്പെട്ടിരുന്നു.
English Summary:
Increase in the yearly increment can significantly boost an employee’s basic pay over a long career because the raises compound every year. Employees would not only receive a higher basic salary by the end of their service but could also benefit from increased Dearness Allowance , House Rent Allowance, pensions, gratuity, and other retirement benefits.
