മൊഹാലി, 28-04-2026: ഐപിഎല്‍ 2026-ല്‍ പഞ്ചാബ് കിങ്‌സിന് ആദ്യ തോല്‍വി. രാജസ്ഥാന്‍ റോയല്‍സ് പഞ്ചാബിനെ 6 വിക്കറ്റിന് തോല്‍പിച്ചു. 223 റണ്‍സ് വിജയലക്ഷ്യം നാലു പന്തുകള്‍ ബാക്കിനില്‍ക്കെ റോയല്‍സ് മറികടന്നു. പുറത്താകാതെ 26 പന്തില്‍ 52 റണ്‍സ് നേടിയ ഡൊനോവന്‍ ഫെരേരയും, പുറത്താകാതെ 12 പന്തില്‍ 31 റണ്‍സെടുത്ത ശുഭം ദുബെയുമാണ് അസാധ്യമെന്ന് കരുതിയ വിജയം റോയല്‍സിന് സമ്മാനിച്ചത്. അഞ്ചാം വിക്കറ്റിലെ ഇരുവരുടെയും അപരാജിത കൂട്ടുക്കെട്ട വിലപ്പെട്ട 77 റണ്‍സാണ് റോയല്‍സിന് സമ്മാനിച്ചത്. ഫെരേരയാണ് റോയല്‍സിന്റെ ടോപ് സ്‌കോറര്‍. സ്‌കോര്‍: പഞ്ചാബ് കിങ്‌സ് 20 ഓവറില്‍ നാലു വിക്കറ്റിന് 222, രാജസ്ഥാന്‍ റോയല്‍സ് 19.2 ഓവറില്‍ നാലു വിക്കറ്റിന് 228.

ഓപ്പണര്‍മാരായ യശ്വസി ജയ്‌സ്വാളിന്റെയും, വൈഭവ് സൂര്യവംശിയുടെയും പ്രകടനം രാജസ്ഥാന്‍ അനായാസം വിജയിക്കുമെന്ന് തോന്നിപ്പിക്കുന്ന തരത്തിലായിരുന്നു. ജയ്‌സ്വാളിനെ ഒരുവശത്ത് സാക്ഷിയാക്കി സൂര്യവംശിയാണ് തുടക്കം മുതല്‍ അടിച്ചുതകര്‍ത്തത്‌. 16 പന്തില്‍ 43 റണ്‍സെടുത്ത സൂര്യവംശി 3.2 ഓവറില്‍ പുറത്താകുമ്പോഴേക്കും രാജസ്ഥാന്റെ സ്‌കോര്‍ 51-ല്‍ എത്തിയിരുന്നു. അതില്‍ ഏറിയ പങ്കും സൂര്യവംശിയുടെ സംഭാവനയായിരുന്നു. അര്‍ഷ്ദീപ് സിങാണ് സൂര്യവംശിയെ പുറത്താക്കിയത്.

വണ്‍ ഡൗണായി ക്രീസിലെത്തിയ ധ്രുവ് ജൂറലിന്റെ ബാറ്റിങ് മന്ദഗതിയിലായിരുന്നു. 20 പന്തില്‍ 16 റണ്‍സെടക്കാനെ ജൂറലിന് സാധിച്ചുള്ളൂ. യുസ്‌വേന്ദ്ര ചഹലിന് വിക്കറ്റ് സമ്മാനിച്ചാണ് ജൂറല്‍ മടങ്ങിയത്. അധികം വൈകാതെ റോയല്‍സിന്റെ ജയ്‌സ്വാളും മടങ്ങി. 27 പന്തില്‍ 51 റണ്‍സെടുത്ത ജയ്‌സ്വാളിനെ വീഴ്ത്തിയതും ചഹലായിരുന്നു.

Also Read: Rohit Sharma: സണ്‍റൈസേഴ്‌സിനെതിരെ രോഹിത് ശര്‍മ കളിക്കുമോ? വെളിപ്പെടുത്തലുമായി ടീം വക്താവ്‌

ഫോമിലെത്താന്‍ വിഷമിക്കുന്ന റോയല്‍സ് ക്യാപ്റ്റന്‍ റിയാന്‍ പരാഗ് ഇന്ന് തരക്കേടില്ലാത്ത പ്രകടനം പുറത്തെടുത്തു. എന്നാല്‍ 16 പന്തില്‍ 29 റണ്‍സെടുത്ത പരാഗിനെയും ചഹല്‍ വീഴ്ത്തിയതോടെ റോയല്‍സ് പ്രതിരോധത്തിലായി. പതിനാലാം ഓവറില്‍ പരാഗ് മടങ്ങുമ്പോള്‍ നാലു വിക്കറ്റിന് 151 എന്ന നിലയിലായിരുന്നു റോയല്‍സ്. എന്നാല്‍ തുടര്‍ന്ന് ഡോനോവന്‍ ഫെരേരയും, ഇമ്പാക്ട് പ്ലയറായെത്തിയ ശുഭം ദുബെയും ഒത്തുച്ചേര്‍ന്നതോടെ കാര്യങ്ങള്‍ക്ക് റോയല്‍സിന് അനുകൂലമായി മാറി.

ഫെരേരയുടെയും, ദുബെയുടെയും പ്രകടനം

On the charge! 💪

Shubham Dubey and Donovan Ferreira with a couple of massive hits to power #RR 🩷

Updates ▶️ https://t.co/fBbdVnExPZ#TATAIPL | #KhelBindaas | #PBKSvRR | @rajasthanroyals pic.twitter.com/002RZOJokX

— IndianPremierLeague (@IPL) April 28, 2026

മികച്ച തുടക്കവും ഒടുക്കവും

ഓപ്പണര്‍മാരായ പ്രഭ്‌സിമ്രാന്‍ സിങും, പ്രിയാന്‍ഷ് ആര്യയും മികച്ച തുടക്കമാണ് പഞ്ചാബിന് നല്‍കിയത്. വെറും 2.5 ഓവറില്‍ 27 റണ്‍സാണ് ഈ സഖ്യം പഞ്ചാബിന് സമ്മാനിച്ചത്. 11 പന്തില്‍ 29 റണ്‍സെടുത്ത പ്രിയാന്‍ഷിനെ പുറത്താക്കി ജോഫ്ര ആര്‍ച്ചറാണ് റോയല്‍സിന് ആദ്യ ബ്രേക്ക് സമ്മാനിച്ചത്. രണ്ടാം വിക്കറ്റില്‍ കൂപ്പര്‍ കോനോലിയുമായി ചേര്‍ന്ന് പ്രഭ്‌സിമ്രാന്‍ പഞ്ചാബിന്റെ കുതിപ്പിന് വേഗം നല്‍കി.

14 പന്തില്‍ 30 റണ്‍സെടുത്ത കോനോലി പുറത്തായപ്പോഴേക്കും പഞ്ചാബ് 8.2 ഓവറില്‍ രണ്ട് വിക്കറ്റിന് 96 റണ്‍സ് എന്ന മികച്ച നിലയിലെത്തിയിരുന്നു. യാഷ് പുഞ്ചയാണ് കോനോലിയെ പുറത്താക്കിയത്. മൂന്നാം വിക്കറ്റില്‍ ക്യാപ്റ്റന്‍ ശ്രേയസും, പ്രഭ്‌സിമ്രാനും 48 റണ്‍സിന്റെ പാര്‍ട്ണര്‍ഷിപ്പാണ് കെട്ടിപ്പൊക്കിയത്.

എന്നാല്‍ പതിനാലാം ഓവറില്‍ പഞ്ചാബിന്റെ ടോപ് സ്‌കോററായ പ്രഭ്‌സിമ്രാനെയും യാഷ് പുഞ്ച വീഴ്ത്തി. 44 പന്തില്‍ 59 റണ്‍സാണ് പ്രഭ്‌സിമ്രാന്‍ നേടിയത്. ഏകദിന ശൈലിയില്‍ ബാറ്റ് വീശിയ ശ്രേയസ് 18-ാം ഓവറില്‍ പുറത്തായി. 27 പന്തില്‍ 30 റണ്‍സായിരുന്നു ശ്രേയസിന്റെ സമ്പാദ്യം. നാന്ദ്രെ ബര്‍ഗറിന്റെ പന്തില്‍ വിക്കറ്റ് കീപ്പര്‍ ധ്രുവ് ജൂറലിന് ക്യാച്ച് നല്‍കിയാണ് ശ്രേയസ് പുറത്തായത്.

ശ്രേയസ് പുറത്താകുമ്പോള്‍ നാലു വിക്കറ്റിന് 181 എന്ന നിലയിലായിരുന്നു പഞ്ചാബ്. പഞ്ചാബ് 200 കടക്കുമോയെന്ന് പോലും സംശയിച്ച ഘട്ടത്തിലാണ് മാര്‍ക്കസ് സ്‌റ്റോയിനിസ് ക്രീസിലെത്തിയത്. തുടക്കം മുതല്‍ തകര്‍പ്പനടികളുമായി കളം നിറഞ്ഞ സ്റ്റോയിനിസ് പുറത്താകാതെ 22 പന്തില്‍ 62 റണ്‍സെടുത്തു. സ്റ്റോയിനിസിന്റെ പ്രകടനമാണ് പഞ്ചാബിന്റെ സ്‌കോര്‍ 222-ലെത്തിച്ചത്. സുയാന്‍ഷ് ഷെഡ്‌ഗെ രണ്ട് പന്തില്‍ മൂന്ന് റണ്‍സുമായി പുറത്താകാതെ നിന്നു.

English Summary

Rajasthan Royals defeated Punjab Kings in the 40th match of IPL 2026. The Royals won by six wickets. This was Punjab's first defeat of the season. Chasing the target of 223 runs with four balls to spare, the Royals achieved the target.

ഐപിഎല്‍ 2026-ല്‍ ആരാധകരുടെ പ്രതീക്ഷയ്‌ക്കൊത്ത് ഉയരാന്‍ മുംബൈ ഇന്ത്യന്‍സിന് ഇതുവരെ സാധിച്ചിട്ടില്ല. ഏഴു മത്സരങ്ങളില്‍ അഞ്ചിലും തോറ്റു. രണ്ട് മത്സരങ്ങളില്‍ മാത്രമാണ് ഇതുവരെ ജയിച്ചത്. പോയിന്റ് ടേബിളില്‍ ഒമ്പതാമതാണ് ഹാര്‍ദ്ദിക് പാണ്ഡ്യ നയിക്കുന്ന മുംബൈ ഇന്ത്യന്‍സ്. ബാറ്റിങും, ബൗളിങും സമ്പൂര്‍ണ പരാജയമായതാണ് മുംബൈയ്ക്ക് തിരിച്ചടിയായത്. ഹാര്‍ദ്ദിക്, സൂര്യകുമാര്‍ യാദവ്, ജസ്പ്രീത് ബുംറ അടക്കമുള്ള സീനിയര്‍ താരങ്ങള്‍ നിരാശജനകമായ പ്രകടനമാണ് പുറത്തെടുക്കുന്നത്. മുന്‍ ക്യാപ്റ്റന്‍ രോഹിത് ശര്‍മ പരിക്ക് മൂലം വിട്ടുനില്‍ക്കുന്നതും മുംബൈയ്ക്ക് തിരിച്ചടിയായി. ഏപ്രില്‍ 12-ന് ആര്‍സിബിക്കെതിരെ നടന്ന മത്സരത്തിലാണ് രോഹിതിന് പരിക്കേറ്റത്. 13 പന്തില്‍ 19 റണ്‍സുമായി ബാറ്റ് ചെയ്യുന്നതിനിടെ പരിക്കേറ്റതിനെ തുടര്‍ന്ന് താരം റിട്ടയേര്‍ഡ് ഹര്‍ട്ടായി.

അതിനുശേഷം മുംബൈ കളിച്ച മൂന്ന് മത്സരങ്ങളിലും രോഹിതിന് കളിക്കാനായില്ല. രോഹിത് എന്ന് കളിക്കുമെന്ന് അറിയാനുള്ള കാത്തിരിപ്പിലാണ് ആരാധകരും. ടീം കര കയറാന്‍ രോഹിത് തിരിച്ചെത്തിയേ തീരൂവെന്നും പല ആരാധകരും വിശ്വസിക്കുന്നു. ഇപ്പോഴിതാ, രോഹിതിന്റെ തിരിച്ചുവരവിനെക്കുറിച്ച് സുപ്രധാന വിവരം പങ്കുവെച്ചിരിക്കുകയാണ് ടീം വക്താവ്.

സണ്‍റൈസേഴ്‌സിനെതിരെ കളിക്കുമോ?

നാളെ (ഏപ്രില്‍ 29) സണ്‍റൈസേഴ്‌സ് ഹൈദരാബാദിനെതിരെയാണ് മുംബൈയുടെ അടുത്ത മത്സരം. ടോസ് സമയത്ത് മാത്രമേ രോഹിത് കളിക്കുന്ന കാര്യത്തില്‍ തീരുമാനമെടുക്കൂവെന്ന് ടീം വക്താവ് പറഞ്ഞതായി രേവ്‌സ്‌പോര്‍ട്‌സ് റിപ്പോര്‍ട്ട് ചെയ്തു. താരം പരിക്കില്‍ നിന്ന് മുക്തനായെന്നാണ് ടീം വക്താവ് നല്‍കുന്ന സൂചന. സണ്‍റൈസേഴ്‌സിനെതിരെ രോഹിത് കളിക്കുമെന്ന പ്രതീക്ഷയിലാണ് ആരാധകര്‍. രോഹിത് കളിക്കുമോയെന്ന് അറിയാന്‍ ടീം വക്താവ് പറഞ്ഞതുപോലെ നാളെ ടോസ് സമയം വരെ കാത്തിരിക്കേണ്ടി വരും.

ഈ സീസണില്‍ നാലു മത്സരങ്ങളില്‍ മാത്രമാണ് കളിച്ചതെങ്കിലും മികച്ച പ്രകടനമാണ് രോഹിത് പുറത്തെടുത്തത്. നാലു മത്സരങ്ങളില്‍ നിന്ന് 137 റണ്‍സാണ് രോഹിത് നേടിയത്. ഒരു അര്‍ധ സെഞ്ചുറിയും നേടി.

Also Read: Axar Patel: അക്‌സര്‍ നന്നായി കളിച്ചിട്ട് എത്ര നാളായി? ഡല്‍ഹി ക്യാപ്റ്റനെ കുടഞ്ഞ് മുന്‍ താരം

മുംബൈയുടെ പ്രകടനം

ഈ സീസണ്‍ വിജയത്തോടെയാണ് മുംബൈ തുടങ്ങിയത്. ആദ്യ മത്സരത്തില്‍ കൊല്‍ക്കത്ത നൈറ്റ് റൈഡേഴ്‌സിനെ ആറു വിക്കറ്റിന് തോല്‍പിച്ചു. കൊല്‍ക്കത്ത ഉയര്‍ത്തിയ 221 റണ്‍സ് വിജയലക്ഷ്യം അഞ്ച് പന്തുകള്‍ ബാക്കിനില്‍ക്കെ മുംബൈ മറികടന്നു. എന്നാല്‍ പിന്നീട് കാര്യങ്ങള്‍ തകിടം മറിഞ്ഞു. തുടര്‍ന്ന് നടന്ന മത്സരത്തില്‍ ഡല്‍ഹി ക്യാപിറ്റല്‍സിനോട് ആറു വിക്കറ്റിന് തോറ്റു.

മൂന്നാമത്തെ മത്സരത്തില്‍ രാജസ്ഥാന്‍ റോയല്‍സിനോടും തോറ്റു. 27 റണ്‍സിനാണ് റോയല്‍സ് മുംബൈയെ തകര്‍ത്തത്. അതിനുശേഷം ആര്‍സിബിയോട് 18 റണ്‍സിനും മുംബൈ തോല്‍വി രുചിച്ചു. പഞ്ചാബ് കിങ്‌സിനെതിരെ നടന്ന മത്സരത്തിലും തോല്‍വി ആവര്‍ത്തിച്ചു. ഏഴു വിക്കറ്റിനായിരുന്നു പഞ്ചാബിനോട് തോറ്റത്. എന്നാല്‍ ഇതിനുശേഷം നടന്ന മത്സരത്തില്‍ ഗുജറാത്ത് ടൈറ്റന്‍സിനെ 99 റണ്‍സിന് തോല്‍പിക്കാനായത് മുംബൈയ്ക്ക് ആത്മവിശ്വാസം നല്‍കി. ഏപ്രില്‍ 23-ന് നടന്ന മത്സരത്തില്‍ ചെന്നൈ സൂപ്പര്‍ കിങ്‌സിനോട് 103 റണ്‍സിന്റെ കൂറ്റന്‍ തോല്‍വിയാണ് ചെന്നൈ വഴങ്ങിയത്.

സണ്‍റൈസേഴ്‌സിനെതിരെ നടക്കുന്ന മത്സരത്തില്‍ വിജയത്തില്‍ കുറഞ്ഞൊന്നും മുംബൈ ലക്ഷ്യമിടുന്നില്ല. വില്‍ ജാക്ക്‌സ് പ്ലേയിങ് ഇലവനിലെത്താനാണ് സാധ്യത. ഷെര്‍ഫെയ്ന്‍ റുഥര്‍ഫോര്‍ഡ് പുറത്തായേക്കാം. രാത്രി 7.30-ന് മുംബൈയുടെ ഹോം ഗ്രൗണ്ടായ വാങ്കഡെ സ്‌റ്റേഡിയത്തിലാണ് സണ്‍റൈസേഴ്‌സിനെതിരായ മത്സരം. മറുവശത്ത്, പോയിന്റ് ടേബിളില്‍ മൂന്നാമതായ സണ്‍റൈസേഴ്‌സ് ഹൈദരാബാദ് ഇതുവരെ മികച്ച പ്രകടനമാണ് പുറത്തെടുത്തത്.

English Summary

An MI spokesperson revealed that Rohit Sharma continues to progress, according to RevSportz. The spokesperson stated that any decision on Rohit's availability will be made at the toss tomorrow. The MI vs. SRH match will be played at the Wankhede Stadium on April 29 at 7:30 PM.

ന്യൂഡല്‍ഹി, 28-04-2026: ആര്‍സിബിക്കെതിരെ കനത്ത തോല്‍വി വഴങ്ങിയതിന് പിന്നാലെ ഡല്‍ഹി ക്യാപിറ്റല്‍സ് ക്യാപ്റ്റന്‍ അക്‌സര്‍ പട്ടേലിനെ രൂക്ഷമായി വിമര്‍ശിച്ച് മുന്‍ താരം ക്രിസ് ശ്രീകാന്ത് രംഗത്ത്. വളരെക്കാലമായി ബാറ്റ് കൊണ്ട് ഒന്നും ചെയ്യാന്‍ അക്‌സറിന് സാധിച്ചിട്ടില്ലെന്ന് തന്റെ യൂട്യൂബ് ചാനലില്‍ ശ്രീകാന്ത് പറഞ്ഞു. ഒരു ഓള്‍റൗണ്ടറായിട്ടോ, ക്യാപ്റ്റനെന്ന നിലയിലോ അദ്ദേഹം എന്തെങ്കിലും ചെയ്തിട്ട് നാളുകളേറെയായി. ബാറ്റ് കൊണ്ടോ ബോളുകൊണ്ടോ അദ്ദേഹം അവസാനമായി നിർണായകമായ എന്തെങ്കിലും ചെയ്തത് എപ്പോഴാണെന്നും, ഇങ്ങനെ തുടര്‍ന്നാല്‍ ടീമിന് എങ്ങനെ മുന്നോട്ടുപോകാനാകുമെന്നും ശ്രീകാന്ത് ചോദിച്ചു. ഐപിഎല്ലിലെ ഈ സീസണില്‍ ഇതുവരെ 31 റണ്‍സ് മാത്രമാണ് അക്‌സറിന് നേടാനായത്. എട്ട് മത്സരങ്ങളില്‍ നിന്ന് വീഴ്ത്തിയത് ഏഴു വിക്കറ്റുകളും. ക്യാപ്റ്റനെന്ന നിലയിലും താരത്തിന് മികച്ച പ്രകടനം പുറത്തെടുക്കാനായിട്ടില്ല. ഈ സാഹചര്യത്തിലാണ് അക്‌സറിനെ ശ്രീകാന്ത് വിമര്‍ശിച്ചത്.

അക്‌സറിനെ മാത്രമല്ല, മറ്റ് താരങ്ങളെയും ശ്രീകാന്ത് വിമര്‍ശിച്ചു. ട്രിസ്റ്റൻ സ്റ്റബ്‌സ് കാര്യമായ പ്രകടനം പുറത്തെടുത്തിട്ട് വളരെ നാളുകളായെന്ന് അദ്ദേഹം പറഞ്ഞു. നിതീഷ് റാണയ്ക്ക് ബൗണ്‍സറുകള്‍ നേരിടാനാകില്ല. തുടക്കത്തില്‍ ഫാസ്റ്റ് അല്ലെങ്കില്‍ മീഡിയം ഫാസ്റ്റ് പന്തുകളെ നേരിടാന്‍ സമീര്‍ റിസ്വി ബുദ്ധിമുട്ടുകയാണ്. സ്പിന്നുകളെ നേരിട്ട് സെറ്റായാല്‍ മാത്രമാണ് അദ്ദേഹത്തിന് ന്നായി പേസര്‍മാരെ നേരിടാന്‍ സാധിക്കുന്നത്. മികച്ച പ്രകടനം പുറത്തെടുക്കാന്‍ ഡേവിഡ് മില്ലറിനും പലപ്പോഴും സാധിക്കുന്നില്ലെന്നും ശ്രീകാന്ത് അഭിപ്രായപ്പെട്ടു.

ശ്രീകാന്തിന്റെ വിമര്‍ശനം-വീഡിയോ

https://www.youtube.com/watch?v=9rEJm3ROwto

ആര്‍സിബിക്കെതിരെ നാണംകെട്ട തോല്‍വി

കനത്ത തോല്‍വിയാണ് ഡല്‍ഹി ആര്‍സിബിക്കെതിരെ വഴങ്ങിയത്. ആദ്യം ബാറ്റു ചെയ്ത ഡല്‍ഹി 16.3 ഓവറില്‍ വെറും 75 റണ്‍സിന് പുറത്തായി. മൂന്നേ മൂന്ന് ബാറ്റര്‍മാരാണ് ഡല്‍ഹി നിരയില്‍ രണ്ടക്കം കടന്നത്. ഇമ്പാക്ട് പ്ലയറായെത്തി 33 പന്തില്‍ 30 റണ്‍സെടുത്ത അഭിഷേക് പോറലാണ് ടോപ് സ്‌കോറര്‍. ഒരു ഘട്ടത്തില്‍ ആറു വിക്കറ്റിന് എട്ട് റണ്‍സ് എന്ന നിലയിലായിരുന്നു ഡല്‍ഹി.

നാല് വിക്കറ്റെടുത്ത ജോഷ് ഹേസല്‍വുഡും, മൂന്ന് വിക്കറ്റെടുത്ത ഭുവനേശ്വര്‍ കുമാറുമാണ് ഡല്‍ഹിയെ തകര്‍ത്തത്. 81 പന്തുകള്‍ ബാക്കിനില്‍ക്കെ ഒമ്പത് വിക്കറ്റിനായിരുന്നു ആര്‍സിബിയുടെ ജയം. 13 പന്തില്‍ 34 റണ്‍സുമായി ദേവ്ദത്ത് പടിക്കലും, 15 പന്തില്‍ 23 റണ്‍സുമായി വിരാട് കോലിയും പുറത്താകാതെ നിന്നു. 11 പന്തില്‍ 20 റണ്‍സെടുത്ത ജേക്കബ് ബെഥലിന്റെ വിക്കറ്റ് മാത്രമാണ് ഡല്‍ഹിക്ക് നഷ്ടമായത്.

Also Read: Virat Kohli-Ajitesh Argal: അന്ന് ഇരുവരും സഹതാരങ്ങള്‍; കോലി ഇപ്പോഴും ക്രീസില്‍ തന്നെ; അജിതേഷ് അമ്പയറും

കനത്ത തിരിച്ചടി

ആര്‍സിബിക്കെതിരെ നേരിട്ട കൂറ്റന്‍ തോല്‍വി ഡല്‍ഹിക്ക് കനത്ത തിരിച്ചടിയാണ്. ഇത് റണ്‍റേറ്റിനെയും സാരമായി ബാധിച്ചു. നിലവില്‍ -1.060 ആണ് ഡല്‍ഹിയുടെ റണ്‍ റേറ്റ്. എട്ട് മത്സരങ്ങളില്‍ നിന്ന് മൂന്ന് വിജയങ്ങള്‍ സ്വന്തമാക്കാനെ ഇതുവരെ ഡല്‍ഹിക്ക് സാധിച്ചുള്ളൂ. അഞ്ച് മത്സരങ്ങളിലും തോറ്റു. പോയിന്റ് പട്ടികയില്‍ നിലവില്‍ ഏഴാമതാണ്.

പ്ലേ ഓഫ് സാധ്യതകള്‍ സജീവമാക്കണമെങ്കില്‍ ഡല്‍ഹിക്ക് ഇനിയുള്ള മത്സരങ്ങളില്‍ മികച്ച പ്രകടനം പുറത്തെടുത്തേ മതിയാകൂ. മെയ് ഒന്നിനാണ് രാജസ്ഥാന്‍ റോയല്‍സിനെതിരെയാണ് അടുത്ത മത്സരം. രാത്രി 7.30-ന് റോയല്‍സിന്റെ ഹോം ഗ്രൗണ്ടായ ജയ്പൂരിലെ സവായ് മാന്‍സിങ് സ്റ്റേഡിയത്തിലാണ് മത്സരം. രാജസ്ഥാന്‍ റോയല്‍സിനെതിരായ മത്സരത്തിലൂടെ വിജയവഴിയിലേക്ക് തിരികെയെത്താമെന്ന പ്രതീക്ഷയിലാണ് ഡല്‍ഹി ക്യാപിറ്റല്‍സ് ക്യാമ്പ്.

English Summary

Kris Srikkanth criticized Axar Patel after DC lost to RCB in IPL 2026. Srikkanth said that it’s been ages since Axar has done anything. Axar has not been able to perform well in IPL 2026 so far. Srikkanth's criticism is in this context.

വിരാട് കോലി എന്ന പേര് ആരാധകര്‍ എന്ന് മുതലാകും ആദ്യം കേട്ടിട്ടുണ്ടാവുക? തീര്‍ച്ചയായും അത് 2008-ലെ അണ്ടര്‍ 19 ലോകകപ്പ് മുതലാകും. വിരാട് കോലി, രവീന്ദ്ര ജഡേജ തുടങ്ങിയ താരങ്ങളെ ആരാധകര്‍ ശ്രദ്ധിച്ച് തുടങ്ങുന്നത് 2008-ലെ അണ്ടര്‍ 19 ലോകകപ്പ് മുതലാണ്. അന്ന് ലോകകപ്പിലുണ്ടായിരുന്ന പലരും പിന്നീട് സീനിയര്‍ ടീമിലെത്തി. കോലി, ജഡേജ, മനീഷ് പാണ്ഡെ തുടങ്ങിയ ഏതാനും പേര്‍ മാത്രമാണ് ഇപ്പോഴും സജീവമായി ക്രിക്കറ്റില്‍ തുടരുന്നത്. ചില താരങ്ങള്‍ക്ക് ക്രിക്കറ്റ് സ്വപ്‌നം പാതിവഴിയില്‍ ഉപേക്ഷിച്ച് കരിയറില്‍ നിന്നു പിന്‍വാങ്ങേണ്ടി വന്നു. അവരില്‍ പ്രധാനിയാണ് അജിതേഷ് അര്‍ഗല്‍.

അജിതേഷ് അര്‍ഗല്‍ എന്ന പേര് ആരാധകരില്‍ ചിലരെങ്കിലും മറന്നിട്ടുണ്ടാകാം. എന്നാല്‍ ഭൂരിപക്ഷം പേരുടെയും ഓര്‍മപുസ്തകത്തില്‍ നിന്ന് ആ പേര് മായ്ക്കുക അസാധ്യം. അണ്ടര്‍ 19 ലോകകപ്പില്‍ ദക്ഷിണാഫ്രിക്കയ്‌ക്കെതിരെ നടന്ന കലാശപ്പോരില്‍ അജിതേഷായിരുന്നു കളിയിലെ താരം. വെറും ഏഴ് റണ്‍സ് മാത്രം വഴങ്ങി രണ്ട് വിക്കറ്റുകളാണ് അജിതേഷ് പിഴുതെടുത്തത്. അന്ന് അജിതേഷിനെ വരുംകാല താരമായി പലരും വാഴ്ത്തി. പക്ഷേ, സംഭവിച്ചത് മറ്റൊന്നായിരുന്നു.

സ്വപ്‌നം പൂവണിയാതെ

അണ്ടര്‍ 19 ലോകകപ്പിലെ മികച്ച പ്രകടനം അജിതേഷിന് ഐപിഎല്ലിലേക്ക് വഴി തുറന്നു. 2008-ല്‍ കിങ്‌സ് ഇലവന്‍ പഞ്ചാബാണ് താരത്തെ സ്വന്തമാക്കിയത്. എന്നാല്‍ മികച്ചൊരു കരിയര്‍ കെട്ടിപ്പടുക്കാന്‍ അദ്ദേഹത്തിന് സാധിച്ചില്ല. തുടര്‍ന്ന് അദ്ദേഹം ക്രിക്കറ്റ് പാതിവഴിയില്‍ ഉപേക്ഷിച്ചു. പിന്നാലെ ഇന്‍കം ടാക്‌സ് ഡിപ്പാര്‍ട്ട്‌മെന്റിലെ ജോലിക്കാരനായി. സ്‌പോര്‍ട്‌സ് ക്വാട്ടയിലായിരുന്നു നിയമനം.

Also Read: IPL 2026 Orange Cap: സഞ്ജുവിന് കാര്യങ്ങള്‍ എളുപ്പമല്ല; ഓരോ ദിവസങ്ങള്‍ കഴിയുമ്പോഴും വെല്ലുവിളികള്‍ കൂടുന്നു

എന്നാല്‍ ക്രിക്കറ്റിനോടുള്ള അടങ്ങാത്ത അഭിനിവേശം അജിതേഷിനുള്ളില്‍ ബാക്കിയുണ്ടായിരുന്നു. കനലൊരു തരിയെന്ന പോലെ അത് മനസില്‍ ജ്വലിച്ച് തുടങ്ങി. അങ്ങനെ ക്രിക്കറ്റിലേക്കുള്ള തിരിച്ചുവരവിന് അജിതേഷ് ശ്രമിച്ചു. പക്ഷേ, കളിക്കാരനായിട്ടില്ല, അമ്പയറായി ഭാഗ്യപരീക്ഷണം നടത്താനായിരുന്നു നീക്കം. ആ ശ്രമം വിജയിച്ചു. ബിസിസിഐയുടെ അമ്പയറിങ് പരീക്ഷ അജിതേഷ് പാസായി. 2023-ലാണ് അജിതേഷ് ബിസിസിഐയുടെ അമ്പയറിങ് പരീക്ഷ ജയിച്ചത്. അങ്ങനെ ഇത്തവണത്തെ ഐപിഎല്ലില്‍ അമ്പയറായി താരം മൈതാനത്തേക്ക് വീണ്ടും ചുവടെടുത്തുവെച്ചു.

കൂട്ടുകാരുടെ കണ്ടുമുട്ടല്‍

രാജസ്ഥാന്‍ റോയല്‍സും ലഖ്‌നൗ സൂപ്പര്‍ ജയന്റ്‌സും തമ്മില്‍ നടന്ന മത്സരത്തിലായിരുന്നു അമ്പയര്‍ റോളില്‍ ഈ അണ്ടര്‍ 19 ലോകകപ്പ് ജേതാവ് അരങ്ങേറ്റം കുറിച്ചത്. കഴിഞ്ഞ ദിവസം നടന്ന ആര്‍സിബി-ഡല്‍ഹി ക്യാപിറ്റല്‍സ് മത്സരത്തിലും അമ്പയര്‍ പാനലില്‍ അജിതേഷും ഇടം പിടിച്ചു. പഴയ കളിക്കൂട്ടുകാരന്‍ കോലി ഇപ്പോഴും ക്രീസില്‍ തുടരുമ്പോള്‍, കൂട്ടുകാരന്റെയടക്കം 'വിധി' പറയാന്‍ അമ്പയറുടെ കുപ്പായത്തില്‍ മറുവശത്ത് അജിതേഷുമുണ്ടായിരുന്നു. ഐപിഎല്ലില്‍ 9,000 റണ്‍സെന്ന അപൂര്‍വ നേട്ടം കോലി സ്വന്തമാക്കുമ്പോള്‍, ആ രംഗത്തിന് അജിതേഷ് സാക്ഷ്യം വഹിച്ചു.

സോഷ്യല്‍ മീഡിയ പോസ്റ്റ്‌

Do you know why Virat Kohli is smiling while talking to this umpire? 🤔
✍️नाचीज़ की क़लम से
Because this isn’t just any umpire.
The man in black standing between Virat and the Delhi Capitals player is Ajitesh Argal and he didn’t just share a dressing room with Virat Kohli once… pic.twitter.com/GLkJ29JjJO

— Sanjay Kishore (@saintkishore) April 27, 2026

തകര്‍പ്പന്‍ ഷോട്ടുകളുമായി കോലി ആരാധകരുടെ മനം നിറച്ചപ്പോള്‍, ക്രിക്കറ്റിലേക്ക് തിരിച്ചുവരവ് നടത്തിയതിന്റെ സന്തോഷത്തിലായിരുന്നിരിക്കാം ആ സമയത്ത് അജിതേഷും. എന്തായാലും മത്സരശേഷം പരസ്പരം സൗഹൃദം പങ്കിടാന്‍ പഴയ ചങ്ങാതിമാര്‍ മറന്നില്ല. ആ ചുരുങ്ങിയ സമയത്തിനുള്ളില്‍ ഇരുവരും എന്തായിരിക്കാം പരസ്പരം പറഞ്ഞിട്ടുണ്ടാവുക? പഴയ ക്രിക്കറ്റ് ഓര്‍മ്മകളാകുമോ പങ്കുവെച്ചത്? എന്തായാലും ആരാധകര്‍ക്ക് അത് രസക്കാഴ്ചയായി. ഈ ദൃശ്യങ്ങള്‍ സോഷ്യല്‍ മീഡിയയില്‍ വൈറലാണ്.

English Summary

Ajitesh Argal was the Man of the Match in the 2008 Under-19 World Cup final. The player later became an umpire. Virat Kohli met his former teammate Ajitesh Argal during the 2006 IPL RCB vs DC match. The footage of their meeting has gone viral.

ഐപിഎല്‍ 2026-ല്‍ ഓറഞ്ച് ക്യാപ് പോരാട്ടം കടുക്കുന്നു. ഓരോ ദിവസം കഴിയുന്തോറും റണ്‍വേട്ടക്കാരില്‍ മുന്നിലുള്ള താരങ്ങളുടെ സ്ഥാനം അങ്ങോട്ടും ഇങ്ങോട്ടും മാറുന്നതാണ് നിലവിലെ സാഹചര്യം. ഐപിഎല്‍ 2026 സീസണിലെ ആദ്യ പകുതി പിന്നിട്ടിട്ടും ഓറഞ്ച് ക്യാപ് ആര് സ്വന്തമാക്കുമെന്ന് ഇപ്പോള്‍ പ്രവചിക്കുക പോലും അസാധ്യം. മുന്‍ സീസണുകളില്‍ ഇതായിരുന്നില്ല സ്ഥിതി. മുന്‍ സീസണുകളില്‍ പകുതി മത്സരങ്ങള്‍ പിന്നിടുമ്പോള്‍ തന്നെ ഓറഞ്ച് ക്യാപ് ആര് സ്വന്തമാക്കുമെന്ന് ഏറെക്കുറെ ഉറപ്പിക്കാനാകുമായിരുന്നു. എട്ട് മത്സരങ്ങള്‍ പിന്നിടുമ്പോള്‍ സണ്‍റൈസേഴ്‌സ് ഹൈദരാബാദിന്റെ ഓപ്പണര്‍ അഭിഷേക് ശര്‍മയാണ് ഒന്നാമത്. 380 റണ്‍സാണ് അഭിഷേക് ഇതുവരെ നേടിയത്. ഒന്നാം സ്ഥാനത്താണെങ്കിലും അഭിഷേകിന്റെ സ്ഥാനം അത്ര സുരക്ഷിതമല്ല.

ഡല്‍ഹി ക്യാപിറ്റല്‍സിന്റെ കെഎല്‍ രാഹുലാണ് രണ്ടാമത്. 358 റണ്‍സാണ് രാഹുല്‍ ഇതുവരെ അടിച്ചുകൂട്ടിയത്. ഏപ്രില്‍ 25-ന് പഞ്ചാബ് കിങ്‌സിനെതിരെ നടന്ന മത്സരത്തില്‍ സെഞ്ചുറി നേടിയതാണ് രാഹുലിനെ ഓറഞ്ച് ക്യാപിനുള്ള പോരാട്ടത്തില്‍ സജീവമാക്കിയത്. പുറത്താകാതെ 67 പന്തില്‍ 152 റണ്‍സാണ് രാഹുല്‍ പഞ്ചാബിനെതിരെ നേടിയത്.

സഞ്ജുവും ടോപ് 10-ല്‍

ആദ്യ പത്തില്‍ ചെന്നൈ സൂപ്പര്‍ കിങ്‌സിന്റെ ഓപ്പണറും വിക്കറ്റ് കീപ്പറുമായ മലയാളി താരം സഞ്ജു സാംസണുമുണ്ട്. 304 റണ്‍സ് നേടിയ സഞ്ജു നിലവില്‍ ഒമ്പതാമതാണ്. ഡല്‍ഹി ക്യാപിറ്റല്‍സിനെതിരെയും, മുംബൈ ഇന്ത്യന്‍സിനെതിരെയും നേടിയ സെഞ്ചുറികളാണ് സഞ്ജുവിന് കുതിപ്പ് സമ്മാനിച്ചത്.

സഞ്ജുവിനെ അഭിനന്ദിക്കുന്ന മുംബൈ താരങ്ങള്‍

Appreciation all around for a special knock 💙💛

Sanju Samson 🤝 Respect 🫡 #TATAIPL | #KhelBindaas | #MIvCSK | @ChennaiIPL pic.twitter.com/eS0u6dxRGi

— IndianPremierLeague (@IPL) April 23, 2026

ഈ സീസണില്‍ ഇതുവരെ രണ്ട് സെഞ്ചുറികള്‍ നേടിയ ഏക താരവും സഞ്ജുവാണ്. എന്നാല്‍ ഓറഞ്ച് ക്യാപ് സ്വന്തമാക്കണമെങ്കില്‍ സഞ്ജു ഇനിയും കൂടുതല്‍ ശ്രമിക്കേണ്ടി വരും. നിലവില്‍ കാര്യങ്ങള്‍ എളുപ്പമല്ല. ഓരോ ദിവസം കഴിയുമ്പോഴും വെല്ലുവിളി വര്‍ധിക്കുകയാണ്.

Also Read: Sanju Samson: അയ്യായിരത്തിലെത്താന്‍ 3555 പന്തുകള്‍; സഞ്ജുവിന് മുന്നില്‍ രണ്ട് വിദേശ താരങ്ങൾ മാത്രം

പോരാട്ടത്തില്‍ ഇരുവരും

വൈഭവ് സൂര്യവംശി

രാജസ്ഥാന്‍ റോയല്‍സിന്റെ ഓപ്പണര്‍ വൈഭവ് സൂര്യവംശി 357 റണ്‍സുമായി മൂന്നാമതുണ്ട്. 234.86 ആണ് ഈ 15-കാരന്റെ സ്‌ട്രൈക്ക് റേറ്റ്. ടോപ് പത്തില്‍ ഏറ്റവും സ്‌ട്രൈക്ക് റേറ്റുള്ള താരവും വൈഭവാണ്. നിലവില്‍ രണ്ടാമതുള്ള രാഹുലും, മൂന്നാമതുള്ള വൈഭവും തമ്മിലുള്ളത് വെറും ഒരു റണ്‍സിന്റെ വ്യത്യാസം മാത്രം.

വിരാട് കോഹ്ലി

ഐപിഎല്‍ ചരിത്രത്തിലെ റണ്‍വേട്ടക്കാരില്‍ ഒന്നാമതുള്ള വിരാട് കോഹ്ലി, ഈ സീസണിലും മിന്നും ഫോമിലാണ്. 351 റണ്‍സുമായി നാലാമതാണ് ആര്‍സിബിയുടെ മുന്‍ ക്യാപ്റ്റന്‍. ഐപിഎല്ലില്‍ 9,000 റണ്‍സെന്ന നാഴികകക്കലും കോഹ്ലി പിന്നിട്ടു. ഐപിഎല്ലില്‍ 8,000 റണ്‍സ് പോലും മറ്റൊരു താരവും പിന്നിട്ടിട്ടില്ല.

ഹെൻറിച്ച് ക്ലാസൻ

രാജ്യാന്തര ക്രിക്കറ്റില്‍ നിന്ന് വിരമിച്ചിട്ടും, മുന്‍ ദക്ഷിണാഫ്രിക്കന്‍ താരം ഹെൻറിച്ച് ക്ലാസന്റെ പ്രകടനമികവിന് ഇപ്പോഴും ഒരു കോട്ടവും തട്ടിയിട്ടില്ല. 349 റണ്‍സുമായി നാലാമതുണ്ട് ഈ സണ്‍റൈസേഴ്‌സ് ഹൈദരാബാദ് താരം.

ശുഭ്മാന്‍ ഗില്‍

ഓറഞ്ച് ക്യാപിനുള്ള പോരാട്ടത്തില്‍ നിലവില്‍ നാലാമതുള്ള ഗുജറാത്ത് ടൈറ്റന്‍സ് ക്യാപ്റ്റന്‍ ശുഭ്മാന്‍ ഗില്‍ ഇതുവരെ 330 റണ്‍സ് നേടിയിട്ടുണ്ട്. ആദ്യ പത്തിലുള്ള താരങ്ങളില്‍ ഏറ്റവും കുറവ് സ്‌ട്രൈക്ക് റേറ്റ് ഗില്ലിനാണ്. 148.64 മാത്രമാണ് ഗില്ലിന്റെ സ്‌ട്രൈക്ക് റേറ്റ്.

സായ് സുദര്‍ശന്‍

ഗുജറാത്ത് ടൈറ്റന്‍സില്‍ ഗില്ലിന്റെ സഹ ഓപ്പണറായ സായ് സുദര്‍ശന്‍ 322 റണ്‍സ് നേടിയിട്ടുണ്ട്. നിലവില്‍ ഏഴാമതാണ്.

ഇഷാന്‍ കിഷന്‍

എട്ടാമതുള്ള സണ്‍റൈസേഴ്‌സ് താരം ഇഷാന്‍ കിഷന്‍ ഇതുവരെ 312 റണ്‍സ് നേടിയിട്ടുണ്ട്.

പ്രഭ്‌സിമ്രാന്‍ സിങ്‌

പഞ്ചാബ് കിങ്‌സിന്റെ പ്രഭ്‌സിമ്രാന്‍ സിങാണ് ടോപ് പത്തിലെ മറ്റൊരു താരം. പത്താമതുള്ള പ്രഭ്‌സിമ്രാന്‍ ഇതുവരെ നേടിയത് 287 റണ്‍സ്.

English Summary

The fight for the Orange Cap in IPL 2026 is getting tough. As per the updates till April 28, 2026, Abhishek Sharma is in first place. KL Rahul is in second place. Kerala cricketer Sanju Samson is in ninth place.

ന്യൂഡല്‍ഹി, 27-04-2026: റണ്ണൊഴുകുന്ന ഡല്‍ഹിയിലെ അരുണ്‍ ജയ്റ്റ്‌ലി സ്‌റ്റേഡിയത്തില്‍ 200-ന് മുകളില്‍ സ്‌കോര്‍ പ്രതീക്ഷിക്കാത്ത ആരാധകര്‍ ഇന്ന് നന്നേ ചുരുക്കമായിരിക്കും. എന്നാല്‍ 100 റണ്‍സ് പോലും നേടാന്‍ ആദ്യം ബാറ്റു ചെയ്ത ഡല്‍ഹി ക്യാപിറ്റല്‍സിനെ ആര്‍സിബി ബൗളര്‍മാര്‍ അനുവദിച്ചില്ല. 16.3 ഓവറില്‍ 75 റണ്‍സിനാണ് ഡല്‍ഹിയെ ആര്‍സിബി ചുരുട്ടിക്കെട്ടിയത്. 6.3 ഓവറില്‍ ഒരു വിക്കറ്റ് മാത്രം നഷ്ടപ്പെടുത്തി ആര്‍സിബി കുഞ്ഞന്‍ വിജയലക്ഷ്യം മറികടന്നു. 81 പന്തുകള്‍ ബാക്കിനില്‍ക്കെയാണ് ആര്‍സിബി കൂറ്റന്‍ ജയം നേടിയത്. സ്‌കോര്‍: ഡല്‍ഹി ക്യാപിറ്റല്‍സ് 16.3 ഓവറില്‍ 75 ഓള്‍ ഔട്ട്, റോയല്‍ ചലഞ്ചേഴ്‌സ് ബെംഗളൂരു 6.3 ഓവറില്‍ ഒരു വിക്കറ്റിന് 77.

ഇമ്പാക്ട് പ്ലയറായെത്തി 33 പന്തില്‍ 30 റണ്‍സ് നേടിയ അഭിഷേക് പോറലാണ് ഡല്‍ഹിയുടെ ടോപ് സ്‌കോറര്‍. പോറലിന്റെ പ്രകടനം കൂടിയില്ലായിരുന്നെങ്കില്‍ ഐപിഎല്‍ ചരിത്രത്തിലെ ഏറ്റവും ചെറിയ സ്‌കോറിന് പുറത്തായതിന്റെ നാണക്കേട് ഡല്‍ഹിക്ക് സ്വന്തമാകുമായിരുന്നു. 2017-ല്‍ കൊല്‍ക്കത്ത നൈറ്റ് റൈഡേഴ്‌സിനെതിരെ 49 റണ്‍സിന് പുറത്തായ ആര്‍സിബിയാണ് ഇപ്പോഴും ആ നാണക്കേട് പേറുന്നത്.

തുടക്കം മുതല്‍ പ്രഹരം

ആദ്യ ഓവറിലെ രണ്ടാം പന്തില്‍ തന്നെ ഓപ്പണര്‍ സാഹില്‍ പരാഖിനെ ക്ലീന്‍ ബൗള്‍ഡ് ചെയ്ത് ഭുവനേശ്വര്‍ കുമാറാണ് ഡല്‍ഹിക്ക് ആദ്യ പ്രഹരം നല്‍കിയത്. റണ്‍സൊന്നുമെടുക്കാന്‍ സാഹിലിന് സാധിച്ചില്ല. കഴിഞ്ഞ മത്സരത്തില്‍ ഡല്‍ഹിക്ക് വേണ്ടി സെഞ്ചുറി നേടിയ കെഎല്‍ രാഹുല്‍ രണ്ടാം ഓവറിലെ ആദ്യ പന്തിലും, തൊട്ടടുത്ത പന്തില്‍ സമീര്‍ റിസ്വിയും പുറത്തായി. വെറും ഒരു റണ്‍സായിരുന്നു രാഹുലിന്റെ സമ്പാദ്യം. റിസ്വി ഗോള്‍ഡന്‍ ഡക്കായിരുന്നു. ജോഷ് ഹേസല്‍വുഡാണ് ഇരുവരെയും പുറത്താക്കിയത്.

Also Read: Angkrish Raghuvanshi: ഔട്ടിന് പിന്നാലെ കട്ടക്കലിപ്പ്; ആങ്ക്രിഷ് രഘുവംശിക്ക് പിഴശിക്ഷ

മൂന്നാം ഓവറില്‍ ട്രിസ്റ്റണ്‍ സ്റ്റബ്‌സിനെയും (മൂന്ന് പന്തില്‍ അഞ്ച്), ക്യാപ്റ്റന്‍ അക്‌സര്‍ പട്ടേലിനെയും (മൂന്ന് പന്തില്‍ പൂജ്യം) ഭുവനേശ്വര്‍ വീഴ്ത്തി. അടുത്ത ഓവറില്‍ ഒമ്പത് പന്തില്‍ ഒരു റണ്‍സെടുത്ത നിതീഷ് റാണ ഹേസല്‍വുഡിന് മുന്നില്‍ അടിയറവ് പറഞ്ഞതോടെ ആറു വിക്കറ്റിന് എട്ടു റണ്‍സെന്ന നിലയില്‍ ഡല്‍ഹി പതറി.

തുടര്‍ന്ന് ഏവാം വിക്കറ്റില്‍ ഡേവിഡ് മില്ലറും, പോറലും നടത്തിയ രക്ഷാപ്രവര്‍ത്തനം ഡല്‍ഹിക്ക് ചെറിയ ആശ്വാസമായി. 18 പന്തില്‍ 19 റണ്‍സെടുത്ത മില്ലറിനെ ഒമ്പതാം ഓവറില്‍ റാസിക്ക് സലാം പുറത്താക്കി. തുടര്‍ന്നെത്തിയ കൈല്‍ ജാമിസണ്‍ പതിമൂന്നാം ഓവറില്‍ വീണു. ഇത്തവണ ക്രുണാല്‍ പാണ്ഡ്യയ്ക്കായിരുന്നു വിക്കറ്റ്. പോറലും, മില്ലറും, ജാമിസണും മാത്രമാണ് ഡല്‍ഹി നിരയില്‍ രണ്ടക്കം കടന്നത്.

11 പന്തില്‍ മൂന്ന് റണ്‍സെടുത്ത കുല്‍ദീപ് യാദവിനെ സുയാഷ് ശര്‍മയും, പോറലിനെ ഹേസല്‍വുഡും പുറത്താക്കിയതോടെ ഡല്‍ഹിയുടെ കഥ കഴിഞ്ഞു. റണ്‍സൊന്നുമെടുക്കാതെ ദുശ്മന്ത ചമീര പുറത്താകാതെ നിന്നു. റൊമാരിയോ ഷെപ്പേര്‍ഡ് ഒഴികെയുള്ള ബൗളര്‍മാരെല്ലാം ഡല്‍ഹിക്കായി വിക്കറ്റ് വീഴ്ത്തി. ഹേസല്‍വുഡ് നാലു വിക്കറ്റ് പിഴുതു. ഭുവനേശ്വര്‍ കുമാറിന് മൂന്ന് വിക്കറ്റ് ലഭിച്ചു.

ആര്‍സിബിയുടെ ചേസിങ്‌

Done in style, Done with conviction ✅✅@rcbtweets claim 2️⃣ points registering a record chase in New Delhi 🔥

Scorecard ▶️ https://t.co/HIiNNEutP0#TATAIPL | #KhelBindaas | #DCvRCB pic.twitter.com/IWcxJ3PLkV

— IndianPremierLeague (@IPL) April 27, 2026

അനായാസം ആര്‍സിബി

11 പന്തില്‍ 20 റണ്‍സെടുത്ത ജേക്കബ് ബെഥലിന്റെ വിക്കറ്റ് മാത്രമാണ് ആര്‍സിബിക്ക് നഷ്ടമായത്. വിരാട് കോഹ്ലി 15 പന്തില്‍ 23 റണ്‍സുമായും, ദേവ്ദത്ത് പടിക്കല്‍ 13 പന്തില്‍ 34 റണ്‍സുമായും പുറത്താകാതെ നിന്നു. ഇതോടെ ഐപിഎല്ലില്‍ 9000 റണ്‍സെന്ന അപൂര്‍വ നേട്ടവും വിരാട് കോഹ്ലി സ്വന്തമാക്കി. ഐപിഎല്ലില്‍ ഇതുവരെ മറ്റൊരു താരവും 8,000 പോലും പിന്നിട്ടിട്ടില്ല. 267 ഇന്നിങ്‌സുകളില്‍ നിന്ന് 9,012 റണ്‍സാണ് കോഹ്ലി ഇതുവരെ നേടിയത്.

ലഖ്‌നൗ, 27-04-2026: ഐപിഎല്‍ പെരുമാറ്റച്ചട്ടം ലംഘിച്ച കൊല്‍ക്കത്ത നൈറ്റ് റൈഡേഴ്‌സ് താരം ആങ്ക്രിഷ് രഘുവംശിക്ക് പിഴ ശിക്ഷ. മാച്ച് ഫീയുടെ 20 ശതമാനം പിഴയും, ഒരു ഡീമെറിറ്റ് പോയിന്റുമാണ് രഘുവംശിക്ക് ലഭിച്ചത്. ഫീല്‍ഡിങ് തടസപ്പെടുത്തിയതിന്റെ (obstructing the field) പേരില്‍ അമ്പയര്‍ ഔട്ട് വിധിച്ചതിന് പിന്നാലെയാണ് രഘുവംശി ഗ്രൗണ്ടില്‍ മോശമായി പെരുമാറിയത്. തീരുമാനത്തിൽ അസ്വസ്ഥനായ രഘുവംശി തന്റെ ബാറ്റ് ഉപയോഗിച്ച് ബൗണ്ടറി കുഷ്യനിൽ അടിക്കുകയും നിരാശയോടെ ഹെൽമെറ്റ് എറിയുകയും ചെയ്തിരുന്നു. ഇതാണ് നടപടിക്ക് കാരണം.

"ലഖ്‌നൗ സൂപ്പർ ജയന്റ്‌സിനെതിരായ മത്സരത്തിനിടെ ഐപിഎൽ പെരുമാറ്റച്ചട്ടത്തിന്റെ ലെവൽ 1 ലംഘിച്ചതിന് കൊൽക്കത്ത നൈറ്റ് റൈഡേഴ്‌സിന്റെ ബാറ്റ്‌സ്മാനും വിക്കറ്റ് കീപ്പറുമായ ആങ്ക്രിഷ് രഘുവംശിക്ക് മാച്ച് ഫീയുടെ 20% പിഴയും, ഒരു ഡീമെറിറ്റ് പോയിന്റും ചുമത്തി"-ഐപിഎല്‍ പ്രസ്താവനയില്‍ വ്യക്തമാക്കി.

ഐപിഎല്ലിന്റെ പെരുമാറ്റച്ചട്ടത്തിലെ ആർട്ടിക്കിൾ 2.2 രഘുവംശി ലംഘിച്ചതായി കണ്ടെത്തി. ക്രിക്കറ്റ് ഉപകരണങ്ങൾ, വസ്ത്രങ്ങൾ, ഗ്രൗണ്ട് ഉപകരണങ്ങൾ എന്നിവയുടെ ദുരുപയോഗവുമായി ഇത് ബന്ധപ്പെട്ടിരിക്കുന്നു. മത്സരത്തിന്റെ അഞ്ചാം ഓവറിലാണ് സംഭവം നടന്നത്.

Also Read: Vaibhav Sooryavanshi: വൈഭവ് സൂര്യവംശിയുടെ ബാറ്റില്‍ എഐ ചിപ്പ്? ലാബില്‍ പരിശോധിക്കണം; സംശയവുമായി പാക് ക്രിക്കറ്റ് വിദഗ്ധന്‍

എന്താണ് സംഭവിച്ചത്?

പ്രിന്‍സ് യാദവ് എറിഞ്ഞ അഞ്ചാം ഓവറിലാണ് സംഭവം. മിഡ് ഓണിലേക്ക് സിംഗിളിനായി രഘുവന്‍ശി പന്ത് തട്ടിയിട്ടു. എന്നാല്‍ നോണ്‍ സ്‌ട്രൈക്ക് എന്‍ഡിലുണ്ടായിരുന്ന കാമറൂണ്‍ ഗ്രീന്‍ റണ്ണിനായി ഓടാത്തതോടെ രഘുവന്‍ശി തിരികെ ക്രീസ് ലക്ഷ്യം വച്ച് ഓടി. ഈ സമയം ഫീല്‍ഡര്‍ എറിഞ്ഞ പന്ത് രഘുവന്‍ശി ഡൈവ് ചെയ്യുന്നതിനിടെ ദേഹത്ത് കൊണ്ടു. തുടര്‍ന്ന് ഫീല്‍ഡിങ് തടസപ്പെടുത്തിയെന്ന കാരണത്താല്‍ ലഖ്‌നൗ അപ്പീല്‍ വിളിച്ചു. അമ്പയര്‍ അനുവദിക്കുകയും ചെയ്തു. ഇതാണ് രഘുവന്‍ശിയെ പ്രകോപിപ്പിച്ചത്. എട്ട് പന്തില്‍ ഒമ്പത് റണ്‍സാണ് രഘുവന്‍ശി നേടിയത്.

സൂപ്പര്‍ ഓവര്‍

എന്നാല്‍ സൂപ്പര്‍ ഓവര്‍ വരെ നീണ്ട മത്സരത്തില്‍ കൊല്‍ക്കത്ത ജയിച്ചു. ആദ്യം ബാറ്റു ചെയ്ത കൊല്‍ക്കത്ത 20 ഓവറില്‍ ഏഴ് വിക്കറ്റ് നഷ്ടത്തില്‍ 155 റണ്‍സാണ് നേടിയത്. പുറത്താകാതെ 51 പന്തില്‍ 83 റണ്‍സ് നേടിയ റിങ്കു സിങാണ് കൊല്‍ക്കത്തയെ ഭേദപ്പെട്ട സ്‌കോറിലെത്തിച്ചത്. ലഖ്‌നൗവിനായി മൊഹ്‌സിന്‍ ഖാന്‍ അഞ്ച് വിക്കറ്റ് വീഴ്ത്തി. ലഖ്‌നൗവിന്റെ മറുപടി 20 ഓവറില്‍ എട്ട് വിക്കറ്റിന് 155 റണ്‍സ് എന്ന നിലയില്‍ അവസാനിച്ചു. 38 പന്തില്‍ 42 റണ്‍സെടുത്ത ക്യാപ്റ്റന്‍ ഋഷഭ് പന്തായിരുന്നു ടോപ് സ്‌കോറര്‍.

തുടര്‍ന്നാണ് മത്സരം സൂപ്പര്‍ ഓവറിലേക്ക് നീണ്ടത്. സൂപ്പര്‍ ഓവറില്‍ രണ്ട് വിക്കറ്റ് നഷ്ടത്തില്‍ ഒരു റണ്‍സെടുക്കാനെ ലഖ്‌നൗവിന് സാധിച്ചുള്ളൂ. നിക്കോളാസ് പുരനെയും, ഐഡന്‍ മര്‍ക്രത്തെയും സുനില്‍ നരൈന്‍ പൂജ്യത്തിന് പുറത്താക്കിയതാണ് ലഖ്‌നൗവിന് തിരിച്ചടിയായത്. ആദ്യ പന്തില്‍ തന്നെ ബൗണ്ടറി നേടിയ റിങ്കു കൊല്‍ക്കത്തയെ വിജയത്തിലെത്തിച്ചു.

ഈ സീസണിലെ കൊല്‍ക്കത്തയുടെ രണ്ടാം വിജയമാണിത്. നിലവില്‍ പോയിന്റ് ടേബിളില്‍ എട്ടാമതാണ് കൊല്‍ക്കത്ത. ലഖ്‌നൗവിനും ഇതുവരെ രണ്ട് മത്സരങ്ങളില്‍ മാത്രമാണ് വിജയിക്കാനായത്. മോശം റണ്‍ റേറ്റ് മൂലം ലഖ്‌നൗ ഏറ്റവും അവസാന സ്ഥാനത്താണ്.

ഒരു പതിനഞ്ചുകാരന് ഇങ്ങനെയൊക്കെ ബാറ്റു ചെയ്യാനാകുമോ? ക്ലബ് ബൗളര്‍മാരെ നേരിടുന്ന ലാഘവത്തോടെ രാജ്യാന്തര താരങ്ങളെ എങ്ങനെ ഇങ്ങനെ അടിച്ചുപറത്താനാകുന്നു? രാജസ്ഥാന്‍ റോയല്‍സ് താരം വൈഭവ് സൂര്യവംശിയെക്കുറിച്ച് എണ്ണിയാലൊടുങ്ങാത്ത സംശയങ്ങളാണ് ആരാധകര്‍ക്ക്. എന്തായാലും ഒരു കാര്യത്തില്‍ ആര്‍ക്കും സംശയമുണ്ടാകില്ല; 'വൈഭവ് പ്രതിഭയാണ്, പ്രതിഭാസമാണ്'. നേരിടുന്ന ഏത് പന്തും അതിര്‍ത്തി കടത്തുകയാണ് വൈഭവിന്റെ ശൈലിയും മനോഭാവവും. റിസ്‌ക് ഏറെയാണെങ്കിലും ആ ശൈലിയാണ് വൈഭവിന് പലപ്പോഴും ക്ലിക്കായത്. ഈ അഗ്രസീവ് അപ്രോച്ച് തന്നെയാണ് ഈ സീസണില്‍ രാജസ്ഥാന്‍ റോയല്‍സിന്റെ കുതിപ്പിന് പിന്നിലെ കരുത്തും.

ഇപ്പോഴിതാ, പാക് ക്രിക്കറ്റ് വിദഗ്ധന്‍ നൗമാന്‍ നിയാസ് വൈഭവിനെക്കുറിച്ച് തമാശരൂപേണ ഉന്നയിച്ച ഒരു സംശയം ശ്രദ്ധേയമായിരിക്കുകയാണ്. വൈഭവ് ബാറ്റില്‍ എഐ ചിപ്പ് ഉപയോഗിക്കുന്നുണ്ടെന്നാണ് നൗമാന്‍ നിയാസ് തമാശരൂപേണ ഉന്നയിച്ച സംശയം. 'സ്മാഷ്ഹിറ്റ്' എന്ന ഷോയിലാണ് അദ്ദേഹം വൈഭവിനെക്കുറിച്ച് സംസാരിച്ചത്.

നൗമാന്‍ നിയാസിന്റെ വാക്കുകള്‍

“ഈ കുട്ടിയെക്കുറിച്ച് ഒന്ന് ആലോചിച്ച് നോക്കൂ. അദ്ദേഹത്തിന്റെ ബാറ്റ് പരിശോധിക്കണം. ഉത്തേജക പരിശോധനകള്‍ നടത്തുന്നതുപോലെ അദ്ദേഹത്തെ ഒരു ലാബിലേക്ക് അയയ്ക്കണം. അവന്‍ അവിശ്വസനീയമാണ്. എന്തൊരു താരമാണ് അവന്‍. അവൻ അല്പം പതുക്കെയാണ് കളിക്കുന്നതെന്ന് എനിക്ക് തോന്നിയിരുന്നു. ഇത് എന്നെ ചിന്തിപ്പിച്ചു, ആരാണിവൻ? 18 വയസ്സാകുമ്പോൾ, ശരീരം പേശികൾ, ബൈസെപ്സ്, ട്രൈസെപ്സ് എന്നിവ വികസിപ്പിക്കും. എന്നാല്‍ ഇവന് 16 വയസ് മാത്രമേയുള്ളൂ.

Also Read: Sanju Samson: അയ്യായിരത്തിലെത്താന്‍ 3555 പന്തുകള്‍; സഞ്ജുവിന് മുന്നില്‍ രണ്ട് വിദേശ താരങ്ങൾ മാത്രം

വിരാട് കോഹ്‌ലി ഒരു ലോക ചാമ്പ്യനായ കാലത്താണ് അവൻ ജനിച്ചത്. അവന് കരുത്തുറ്റ പവർ ഗെയിമിനേക്കാൾ കൂടുതൽ സാങ്കേതിക തികവാണുള്ളത്. അവന്‍ റിസ്റ്റ് പ്ലെയറാണ്. മൈതാനത്തിന്റെ എല്ലാ വശങ്ങളിലേക്കും (360 ഡിഗ്രി) അവൻ ഷോട്ട് ഉതിർക്കുന്നു”-നൗമാന്‍ നിയാസ് പറഞ്ഞു.

വീഡിയോ കാണാം

🚨 AI chip in Vaibhav Sooryavanshi's bat?

- Vaibhav Sooryavanshi is batting like he’s got an AI chip installed. Frankly, just like we have doping tests, he should be tested too. This doesn’t look human. What a player he is!! Unreal! - Dr Nauman Niaz #TATAIPL #RRvsSRH #IPL2026 pic.twitter.com/xUZ4eg2iyU

— Tehseen Qasim (@Tehseenqasim) April 26, 2026

തകര്‍പ്പന്‍ പ്രകടനം

കഴിഞ്ഞ ഐപിഎല്‍ സീസണിലെ പോലെ തന്നെ, ഇത്തവണയും തകര്‍പ്പന്‍ പ്രകടനമാണ് വൈഭവ് പുറത്തെടുക്കുന്നത്. ഓറഞ്ച് ക്യാപിനുള്ള പോരാട്ടത്തില്‍ അഭിഷേക് ശര്‍മയ്ക്ക് തൊട്ടുപിന്നിലായി രണ്ടാമതുണ്ട് വൈഭവ്. ഇതുവരെ എട്ടു മത്സരങ്ങളില്‍ നിന്ന് 357 റണ്‍സ് രാജസ്ഥാന്‍ റോയല്‍സ് ഓപ്പണറായ വൈഭവ് അടിച്ചുകൂട്ടി. അഭിഷേക് എട്ടു മത്സരങ്ങളില്‍ നിന്ന് നേടിയത് 380 റണ്‍സ്. സ്‌ട്രൈക്ക് റേറ്റാണ് വൈഭവിനെ ശ്രദ്ധേയനാക്കുന്നത്. 234.86 ആണ് ഈ പതിനഞ്ചുകാരന്റെ സ്‌ട്രൈക്ക് റേറ്റ്.

രണ്ട് അര്‍ധ സെഞ്ചുറിയും, ഒരു സെഞ്ചുറിയുമാണ് ഈ സീസണില്‍ ഇതുവരെ വൈഭവ് നേടിയത്. സണ്‍റൈസേഴ്‌സ് ഹൈദരാബാദിനെതിരായ മത്സരത്തിലായിരുന്നു വൈഭവിന്റെ സെഞ്ചുറി നേട്ടം. 37 പന്തില്‍ 103 റണ്‍സാണ് സണ്‍റൈസേഴ്‌സിനെതിരെ വൈഭവ് നേടിയത്. 12 സിക്‌സറുകളും, അഞ്ച് ഫോറുകളും അടങ്ങുന്നതായിരുന്നു പ്രകടനം.

എട്ടു മത്സരങ്ങളില്‍ നിന്നായി 31 ഫോറും, 32 സിക്‌സറും താരം ഇതിനകം നേടിക്കഴിഞ്ഞു. വൈഭവ് അടക്കമുള്ള താരങ്ങളുടെ മിന്നും പ്രകടനമാണ് ഈ സീസണില്‍ രാജസ്ഥാന്റെ കുതിപ്പിന് കാരണം. എട്ട് മത്സരങ്ങളില്‍ നിന്ന് അഞ്ച് പോയിന്റുമായി പോയിന്റ് ടേബിളില്‍ നാലാമതാണ് റിയാന്‍ പരാഗ് നയിക്കുന്ന രാജസ്ഥാന്‍ റോയല്‍സ്. ഏപ്രില്‍ 28-ന് പഞ്ചാബ് കിങ്‌സിനെതിരെയാണ് രാജസ്ഥാന്റെ അടുത്ത മത്സരം.

ചെന്നൈ, 27-04-2026: ഐപിഎല്ലില്‍ 5,000 റണ്‍സ് നേടിയതിന് പിന്നാലെ സഞ്ജു സാംസണ്‌ മറ്റൊരു നേട്ടവും സ്വന്തം. ഏറ്റവും വേഗം അയ്യായിരം റണ്‍സ് തികയ്ക്കുന്ന ആദ്യ ഇന്ത്യന്‍ താരമാണ് സഞ്ജു. 3,555 പന്തുകള്‍ നേരിട്ടാണ് സഞ്ജു ഐപിഎല്ലില്‍ 5,000 റണ്‍സ് തികച്ചത്. എബി ഡി വില്ലിയേഴ്‌സും, ഡേവിഡ് വാര്‍ണറും മാത്രമാണ് സഞ്ജുവിന് മുന്നിലുള്ളത്. 3,288 പന്തുകള്‍ നേരിട്ടാണ് ഡിവില്ലിയേഴ്‌സ് 5000 തികച്ചത്. ഈ നേട്ടം കൈവരിക്കാന്‍ വാര്‍ണര്‍ നേരിട്ടത് 3554 പന്തുകള്‍. അതായത് സഞ്ജു നേരിട്ടതിനെക്കാള്‍ ഒരു പന്ത് മാത്രം കുറവ്. ഐപിഎല്‍ ചരിത്രത്തിലെ റണ്‍വേട്ടക്കാരില്‍ നിലവില്‍ പത്താമതാണ് സഞ്ജുവിന് സ്ഥാനം. 180 ഇന്നിങ്‌സുകളില്‍ നിന്ന് 5,008 റണ്‍സാണ് സഞ്ജു ഇതുവരെ നേടിയത്.

ഒമ്പതാം സ്ഥാനത്തുള്ള ഡി വില്ലിയേഴ്‌സും (5,162 റണ്‍സ്) പത്താമതുള്ള സഞ്ജുവും തമ്മിലുള്ളത് 154 റണ്‍സ് മാത്രം. എട്ടാമതുള്ള അജിങ്ക്യ രഹാനെ ഇതുവരെ നേടിയത് 5,194 റണ്‍സ്. നെയും സഞ്ജുവും തമ്മിലും വലിയ വ്യത്യാസമില്ല. രഹാനെ ഇതുവരെ നേടിയത് 5,162 റണ്‍സ് മാത്രം.

ഐപിഎല്ലില്‍ 5,000 പിന്നിട്ടവരില്‍ വിരാട് കോഹ്ലിയും, രോഹിത് ശര്‍മയും, കെഎല്‍ രാഹുലും, എംഎസ് ധോണിയും, രഹാനെയും, സഞ്ജുവും മാത്രമാണ് ഇപ്പോള്‍ സജീവമായി ക്രിക്കറ്റ് കളിക്കുന്നത്. മറ്റ് താരങ്ങളെല്ലാം വിരമിച്ചുകഴിഞ്ഞു. ശിഖര്‍ ധവാന്‍, വാര്‍ണര്‍, സുരേഷ് റെയ്‌ന, ഡിവില്ലിയേഴ്‌സ് എന്നിവരാണ് വിരമിച്ചവര്‍.

Also Read: Lungi Ngidi Injury : വീണത് തലയടിച്ച്, സ്റ്റേഡിയത്തിനുള്ളിലേക്ക് ആംബുലൻസ് എത്തി; ഡൽഹിയുടെ ലുങ്കി എൻഗിഡിക്ക് ഗുരുതര പരിക്ക്

റണ്‍വേട്ടക്കാര്‍

8,989 റണ്‍സുമായി വിരാട് കോഹ്ലിയാണ് റണ്‍വേട്ടക്കാരില്‍ ഒന്നാമത്. 7,183 റണ്‍സുമായി രോഹിത് ശര്‍മ രണ്ടാമതുണ്ട്. ശിഖര്‍ ധവാന്‍ (6,769 റണ്‍സ്), ഡേവിഡ് വാര്‍ണര്‍ (6,565 റണ്‍സ്), കെഎല്‍ രാഹുല്‍ (5,579 റണ്‍സ്), സുരേഷ് റെയ്‌ന (5,528 റണ്‍സ്), എംഎസ് ധോണി (5,439 റണ്‍സ്) എന്നിവരാണ് മൂന്ന് മുതല്‍ ഏഴു വരെയുള്ള സ്ഥാനങ്ങളിലുള്ള താരങ്ങള്‍.

മിന്നും ഫോമില്‍

ഈ താരങ്ങളില്‍ വിരാട് കോഹ്ലി, കെഎല്‍ രാഹുല്‍, സഞ്ജു സാംസണ്‍ എന്നിവര്‍ ഈ സീസണിലും മിന്നും ഫോമിലാണ്. ഏഴു മത്സരങ്ങളില്‍ നിന്ന് 357 റണ്‍സ് നേടിയ കെഎല്‍ രാഹുല്‍ ഓറഞ്ച് ക്യാപിനുള്ള പോരാട്ടത്തില്‍ മൂന്നാമതെത്തി. പഞ്ചാബ് കിങ്‌സിനെതിരായ മത്സരത്തിലെ സെഞ്ചുറി പ്രകടനമാണ് രാഹുലിന് കുതിപ്പ് സമ്മാനിച്ചത്. പുറത്താകാതെ 67 പന്തില്‍ 152 റണ്‍സാണ് രാഹുല്‍ അടിച്ചുകൂട്ടിയത്. എന്നാല്‍ രാഹുല്‍ മികച്ച പ്രകടനം പുറത്തെടുത്തിട്ടും ഈ മത്സരത്തില്‍ ഡല്‍ഹി ആറു വിക്കറ്റിന് തോറ്റു.

ഏഴു മത്സരങ്ങളില്‍ നിന്ന് 328 റണ്‍സാണ് ഓറഞ്ച് ക്യാപിനുള്ള പോരാട്ടത്തില്‍ ആറാമതുള്ള വിരാട് കോഹ്ലി ഈ സീസണില്‍ ഇതുവരെ നേടിയത്. എട്ട് മത്സരങ്ങളില്‍ നിന്ന് 304 റണ്‍സ് അടിച്ചുകൂട്ടിയ സഞ്ജു ഒമ്പതാമതാണ്.

ഈ സീസണില്‍ രണ്ട് സെഞ്ചുറികള്‍ നേടിയ ഏക താരം സഞ്ജുവാണ്. ഐപിഎല്‍ 2026-ലെ ആദ്യ സെഞ്ചുറിയും സഞ്ജുവിന്റെ പേരിലാണ്. ആദ്യ മൂന്ന് മത്സരങ്ങളില്‍ ഒറ്റയക്കത്തിലൊതുങ്ങിയ സഞ്ജു, പിന്നീട് തകര്‍പ്പന്‍ ഫോമിലേക്ക് തിരിച്ചെത്തുകയായിരുന്നു. സഞ്ജു മികച്ച പ്രകടനം നടത്തുന്ന മത്സരങ്ങളില്‍ ജയിക്കുകയും, അല്ലാത്തപ്പോള്‍ തോല്‍ക്കുകയും ചെയ്യുന്നതാണ് സിഎസ്‌കെയുടെ നിലവിലെ അവസ്ഥ.

ചെന്നൈ, 25-04-2026: ഇന്ത്യന്‍ പ്രീമിയര്‍ ലീഗില്‍ ഇന്ന് രണ്ട് മത്സരങ്ങള്‍. ഉച്ചയ്ക്ക് 3.30-ന് നടക്കുന്ന മത്സരത്തില്‍ ചെന്നൈ സൂപ്പര്‍ കിങ്‌സും, ഗുജറാത്ത് ടൈറ്റന്‍സും ഏറ്റുമുട്ടും. സിഎസ്‌കെയുടെ ഹോം ഗ്രൗണ്ടായ ചെന്നൈയിലെ എംഎ ചിദംബരം സ്‌റ്റേഡിയത്തിലാണ് മത്സരം. രണ്ടാം മത്സരം ലഖ്‌നൗ സൂപ്പര്‍ ജയന്റ്‌സും, കൊല്‍ക്കത്ത നൈറ്റ് റൈഡേഴ്‌സും തമ്മിലാണ്. ലഖ്‌നൗവിന്റെ ഹോം ഗ്രൗണ്ടായ ഏകാന ക്രിക്കറ്റ് സ്‌റ്റേഡിയത്തില്‍ വൈകിട്ട് 7.30-നാണ് മത്സരം. ക്യാപ്റ്റന്മാരാണ് നാലു ടീമുകളുടെയും തലവേദന.

ചെന്നൈ സൂപ്പര്‍ കിങ്‌സ്‌

പോയിന്റ് ടേബിളില്‍ ഏഴാമതാണ് റുതുരാജ് ഗെയ്ക്‌വാദ് നയിക്കുന്ന ചെന്നൈ സൂപ്പര്‍ കിങ്‌സ്. ഏഴു മത്സരങ്ങളില്‍ മൂന്നെണ്ണം ജയിച്ചു നാലെണ്ണം തോറ്റു. ആറു പോയിന്റുണ്ട്. റുതുരാജിന്റെ മോശം ഫോമാണ് തലവേദന. മിന്നും ഫോമിലുള്ള മലയാളിതാരം സഞ്ജു സാംസണാണ് ചെന്നൈയുടെ പ്രതീക്ഷ. എംഎസ് ധോണി ഇന്നത്തെ മത്സരത്തില്‍ കളിക്കുമോയെന്ന് വ്യക്തമല്ല. പരിക്കേറ്റ ആയുഷ് മാത്രെയ്ക്ക് പകരമായി ആകാശ് മധ്‌വാളിനെ ടീമിലെത്തിച്ചിട്ടുണ്ട്.

ഗുജറാത്ത് ടൈറ്റന്‍സ്‌

ഗുജറാത്ത് ടൈറ്റന്‍സ് പോയിന്റ് പട്ടികയില്‍ ഏഴാമതാണ്. ചെന്നൈയെ പോലെ മൂന്നെണ്ണത്തില്‍ ജയിക്കുകയും, നാലെണ്ണത്തില്‍ തോല്‍ക്കുകയും ചെയ്തു. സ്വന്തമായുള്ളത് ആറു പോയിന്റ്. റണ്‍സ് കണ്ടെത്തുന്നുണ്ടെങ്കിലും ഓപ്പണര്‍മാരായ ക്യാപ്റ്റന്‍ ശുഭ്മാന്‍ ഗില്ലിന്റെയും, സായ് സുദര്‍ശന്റെയും മോശം സ്‌ട്രൈക്ക്‌റേറ്റാണ് ഗുജറാത്തിന്റെ ആശങ്ക. കഴിഞ്ഞ ദിവസം ആര്‍സിബിക്കെതിരെ നടന്ന മത്സരത്തില്‍ അഞ്ച് വിക്കറ്റിന് തോറ്റിരുന്നു. അതിന് മുമ്പ് മുംബൈ ഇന്ത്യന്‍സിനോട് നടന്ന മത്സരത്തില്‍ 99 റണ്‍സിനും തോറ്റു. തുടര്‍തോല്‍വികളില്‍ വലയുന്ന ഗുജറാത്ത് ഇന്നത്തെ മത്സരത്തില്‍ വിജയത്തില്‍ കുറഞ്ഞൊന്നും ലക്ഷ്യമിടുന്നില്ല.

Also Read: Shreyas Iyer: കോച്ചാണത്രേ, കോച്ച്! ഒടുവില്‍ കുറ്റസമ്മതം നടത്തിയല്ലേ? ശ്രേയസിനെ കൈവിട്ടതില്‍ നിരാശനെന്ന് മുന്‍ കൊല്‍ക്കത്ത പരിശീലകന്‍

കൊല്‍ക്കത്ത നൈറ്റ് റൈഡേഴ്‌സ്‌

പോയിന്റ് ടേബിളില്‍ ഏറ്റവും പിന്നിലാണ് കൊല്‍ക്കത്ത നൈറ്റ് റൈഡേവ്‌സ്. ഏഴു മത്സരങ്ങളില്‍ ജയിച്ചത് ഒരെണ്ണത്തില്‍ മാത്രം. അഞ്ച് മത്സരങ്ങളിലും തോറ്റു. ഒരു മത്സരം മഴ മൂലം ഉപേക്ഷിച്ചിരുന്നു. വലിയ പ്രതീക്ഷയോടെ ടീമിലെത്തിച്ച ഫിന്‍ അലന്‍, ടിം സെയിഫെര്‍ട്ട്, റോവ്മാന്‍ പവല്‍ തുടങ്ങിയ താരങ്ങള്‍ക്കൊന്നും പ്രതീക്ഷയ്‌ക്കൊത്ത് ഉയരാനായിട്ടില്ല. സുനില്‍ നരൈനും, വരുണ്‍ ചക്രവര്‍ത്തിയും, റിങ്കു സിങും പല മത്സരങ്ങളിലും നിരാശപ്പെടുത്തി. എങ്കിലും റിങ്കു കഴിഞ്ഞ മത്സരത്തില്‍ ഫോമിലെത്തിയത് ആശ്വാസമാണ്. ക്യാപ്റ്റന്‍ അജിങ്ക്യ രഹാനെയും നിരാശജനകമായ പ്രകടനമാണ് പുറത്തെടുക്കുന്നത്.

ലഖ്‌നൗ സൂപ്പര്‍ ജയന്റ്‌സ്‌

ലഖ്‌നൗ സൂപ്പര്‍ ജയന്റ്‌സിന്റെ അവസ്ഥയും പരിതാപകരമാണ്. പോയിന്റ് ടേബിളില്‍ ഒമ്പതാമതാണ്. ഏഴു മത്സരങ്ങളില്‍ ജയിച്ചത് രണ്ടെണ്ണത്തില്‍ മാത്രം. അഞ്ചിലും തോറ്റു. നേടിയത് നാലു പോയിന്റുകള്‍ മാത്രം. ക്യാപ്റ്റന്‍ ഋഷഭ് പന്ത് അടക്കമുള്ളവര്‍ പുറത്തെടുക്കുന്നത് നിരാശജനകമായ പ്രകടനം. മിച്ചല്‍ മാര്‍ഷും, ആയുഷ് ബദോനിയും, മുകുള്‍ ചൗധരിയും മാത്രമാണ് ബാറ്റിങില്‍ അല്‍പമെങ്കിലും ഭേദം. ഐഡന്‍ മര്‍ക്രം, നിക്കോളാസ് പുരന്‍ അടക്കമുള്ളവര്‍ ഫോം ഔട്ടിലാണ്.

ഐപിഎൽ 2026 സീസണിലെ പഞ്ചാബ് കിങ്സിൻ്റെ അപരാജിത കുതിപ്പ് തുടരുന്നു. ഡൽഹി ക്യാപിറ്റൽസ് അവരുടെ തട്ടകത്തിൽ ഉയർത്തിയ 266 റൺസ് വിജയലക്ഷ്യം പഞ്ചാബ് കിങ്സ് നാല് വിക്കറ്റ് നഷ്ടത്തിൽ മറികടക്കുകയായിരുന്നു. മത്സരത്തിലെ ഏഴ് പന്തുകൾ ബാക്കി നിർത്തികൊണ്ടായിരുന്നു പഞ്ചാബ് കിങ്സ് ഈ കൂറ്റൻ വിജയലക്ഷ്യം മറികടന്നത്. ഡൽഹി കെ എൽ രാഹുലിൻ്റെയും സെഞ്ചുറിയുടെയും നിതീഷ് റാണയുടെ 91 റൺസിൻ്റെ ഇന്നിങ്സിൻ്റെ ബലത്തിലാണ് പഞ്ചാബിനെതിരെ രണ്ട് വിക്കറ്റ് നഷ്ടത്തിൽ 265 റൺസ് സ്കോർ ബോർഡ് പടുത്തുയർത്തിയത്. പഞ്ചാബാകാട്ടെ തങ്ങളുടെ വേഗതയാർന്ന ഓപ്പണിങ് കൂട്ടുകെട്ടിൻ്റെയും ക്യാപ്റ്റൻ ശ്രെയസ് അയ്യരുടെയും മികവിലാണ് ഡൽഹി ഒരുക്കിയ കൂറ്റൻ വിജയലക്ഷ്യം മറികടന്നത്.

ആദ്യം ഡൽഹിയുടെ അടി

ടോസ് നേടിയ ഡൽഹി ആദ്യം ബാറ്റിങ് തിരഞ്ഞെടുക്കുകയായിരുന്നു. മൂന്നാം ഓവറിൽ ലങ്കൻ താരം പാഥും നിസ്സങ്കയെ നഷ്ടമായെങ്കിലും രണ്ട് കൂറ്റനടികൾ തീർത്തി രാഹുലും റാണയും മത്സരം ഡൽഹിയുടെ പക്കൽ എത്തിച്ചു. ഇരുവരും ചേർന്ന് 220 റൺസിൻ്റെ കൂട്ടികെട്ടാണ് സൃഷ്ടിച്ചത്. 91 റൺസെടുത്ത നിതീഷ് റാണ പുറത്തായെങ്കിലും രാഹുൽ ക്രീസിൽ തുടർന്നു. താരം 67 പന്തിൽ 16 ഫോറും ഒമ്പത് സിക്സറുകളും അടിച്ചാണ് 151 റൺസ് സ്വന്തമാക്കിയത്. ഐപിഎൽ ചരിത്രത്തിൽ ഒരു ഇന്ത്യൻ താരം നേടുന്ന ഏറ്റവും ഉയർന്ന സ്കോറാണിത്. ഐപിഎല്ലിൽ ഏറ്റവും ഉയർന്ന വ്യക്തിഗത സ്കോർ നേടിയ താരങ്ങളുടെ പട്ടികയിൽ കെ എൽ രാഹുൽ മൂന്നാമതെത്തി. ക്രിസ് ഗെയിലും (175) ബ്രണ്ടൺ മക്കുല്ലവുമാണ് (158)  പട്ടികയിലെ ആദ്യ രണ്ട് സ്ഥാനക്കാർ. 44 പന്തിൽ 11 ഫോറും നാല് സിക്സറുകളും നേടിയാണ് നിതീഷ് റാണ 91 റൺസെടുത്ത് പുറത്തായത്. നഹേൽ വദേരയുടെയും ശശാങ്ക് സിങ്ങിൻ്റെയും കാമിയോ പ്രകടനവും പഞ്ചാബ് ജയം ഒന്നും കൂടി അനയാസമാക്കി.

ALSO READ : Lungi Ngidi Injury : വീണത് തലയടിച്ച്, സ്റ്റേഡിയത്തിനുള്ളിലേക്ക് ആംബുലൻസ് എത്തി; ഡൽഹിയുടെ ലുങ്കി എൻഗിഡിക്ക് ഗുരുതര പരിക്ക്

പിന്നെ പഞ്ചാബിൻ്റെ അടി

മറുപടി ബാറ്റിങ്ങിന് ഇറങ്ങിയ അപരാജിതരായ പഞ്ചാബ് കിങ്സ് കൂറ്റൻ വിജയലക്ഷ്യത്തിന് മുമ്പിൽ പതറിയില്ല. ഓപ്പണർമാരായ പ്രിയാൻഷ് ആര്യയും പ്രഭ്സിമ്രാൻ സിങ്ങും ചേർന്ന് സ്വപ്നത്തുല്യമായ തുടക്കമാണ് പഞ്ചാബിന് നൽകിയത്. ഇരുവരും ചേർന്ന് പവർപ്ലെയിൽ അടിച്ചുകൂട്ടിയത് 117 റൺസാണ്. പ്രിയാൻഷ് 17 പന്തിൽ 43-ും പ്രഭ്സിമ്രൻ 26 പന്തിൽ 76 റൺസുമാണ് ആദ്യ വിക്കറ്റിൽ അടിച്ചൂകൂട്ടിയത്. ഇരുവരുടെയും ഏഴ് ഓവറിലെ 126 റൺസ് ഓപ്പണിങ് കൂട്ടുകെട്ട് പഞ്ചാബിന് പിന്നിടുള്ള ഇന്നിങ്സ് അനയാസമാക്കി. നാലാമനായി ക്രീസിലെത്തിയ ക്യാപ്റ്റൻ ശ്രെയസ് അയ്യർ 36 പന്തിൽ പറുത്താകാതെ 71 റൺസെടുത്ത് ടീമിനെ വിജയത്തിലേക്കെത്തിച്ചു.

അപകടവും കൈവിട്ട കളിയും

മത്സരത്തിനിടെ ക്യാച്ചെടുക്കാൻ ശ്രമിക്കവെ പരിക്കേറ്റ് ദക്ഷിണാഫ്രിക്കൻ പേസർ ലുങ്കി എൻഗിഡി കളം വിടേണ്ടി വന്നത് ഡൽഹിക്ക് തിരിച്ചടിയായി. പഞ്ചാബിൻ്റെ ഇന്നിങ്സിൻ്റെ നാലാം ഓവറിലായിരുന്നു എൻഗിഡി പരിക്കേറ്റ് പുറത്തായത്. ഗുരുതരമെന്ന് തോന്നുവിധത്തിലുള്ള പരിക്കായതിനാൽ താരത്തെ ഉടൻ ആശുപത്രിയിലേക്ക് മാറ്റി. കൂടാതെ ശ്രയസ് അയ്യരുടെ ക്യാച്ച് തുടർച്ചയായി കൈവിട്ടതും ഡൽഹിക്ക് തിരിച്ചടിയായി. കരുൺ നായരാണ് ആ രണ്ട് ക്യാച്ചും കൈവിട്ട് കളഞ്ഞത്. സമാനമായി കെ എൽ രാഹുലിൻ്റെ രണ്ട് ക്യാച്ചും പഞ്ചാബ് താരങ്ങൾ കൈവിട്ടിരുന്നു.

ജയത്തോടെ പഞ്ചാബ് ഐപിഎൽ പോയിൻ്റ് പട്ടികയിൽ ഒന്നാം സ്ഥാനത്ത് തന്നെ തുടരുകയാണ്. ഡൽഹി ആകാട്ടെ ഏഴ് മത്സരങ്ങളിൽ നിന്നും മൂന്ന് ജയവും നാല് തോൽവിയുമായി ആറാം സ്ഥാനത്താണ്. തിങ്കളാഴ്ച റോയൽ ചലഞ്ചേഴ്സിനെതിരെയാണ് ഡൽഹിയുടെ അടുത്ത മത്സരം. പഞ്ചാബ് ആകട്ടെ ചൊവ്വാഴ്ച രാജസ്ഥാൻ റോയൽസിനെയാണ് അടുത്ത മത്സരത്തിൽ നേരിടുക.

ന്യൂ ഡൽഹി : ഐപിഎല്ലിൽ ഡൽഹി ക്യാപിറ്റൽസ് പഞ്ചാബ് കിങ്സ് മത്സരത്തിനിടെ ദക്ഷിണാഫ്രിക്കൻ താരം ലുങ്കി എൻഗിഡിക്ക് ഗുരുതര പരിക്ക്. ക്യാച്ചെടുക്കാൻ ശ്രമിക്കവെ നിലത്ത് വീണ ദക്ഷിണാഫ്രിക്കൻ താരത്തിൻ്റെ തല നിലത്ത് വന്നിടിക്കുകയായിരുന്നു.  നിലത്ത് വീണ താരത്തിന് പ്രാഥമിക ശുശ്രൂഷ നൽകിയെങ്കിലും തുടർന്ന് ആശുപത്രിയിലേക്ക് മാറ്റുകയായിരുന്നു. സ്ട്രെച്ചറിലേക്ക് മാറ്റിയ താരത്തെ സ്റ്റേഡിയത്തിനുള്ളിലേക്ക് ആംബുലൻസ് എത്തിയാണ് ആശുപത്രിയിലേക്ക് മാറ്റിയത്. താരത്തിന് സംഭവിച്ചതോടെ ഡൽഹി ക്യാപിറ്റൽസ് പഞ്ചാബ് കിങ്സ ഏകദേശം 20 മിനിറ്റോളം നിർത്തിവെച്ചിരുന്നു.

മത്സരത്തിലെ പഞ്ചാബ് കിങ്സിൻ്റെ ഇന്നിങ്സിൻ്റെ മൂന്നാമത്തെ ഓവറിലാണ് അപകടം സംഭവിക്കുന്നത്.  ഡൽഹി ക്യാപ്റ്റൻ അക്സർ പട്ടേൽ എറിഞ്ഞ മൂന്നാമത്തെ ഓവറിലെ മൂന്നാം പന്ത് പഞ്ചാബിൻ്റെ യുവതാരം പ്രയാൻഷ് ആര്യ സ്ട്രേറ്റിലേക്ക് ഉയർത്തിയടിക്കുകയായിരുന്നു. ഇത് ക്യാച്ചെടുക്കാൻ എൻഗിഡി പിന്നിലേക്ക് ഓടി ശ്രമം നടത്തിയെങ്കിലും അത് വിഫലമായി. എന്നാ ബാലൻസ് തെറ്റി താരം നിലത്ത് വീഴുകയായിരുന്നു. വീണതിൻ്റെ ആഘാതത്തിൽ ദക്ഷിണാഫ്രിക്കൻ താരത്തിൻ്റെ തലയുടെ മുകൾ ഭാഗം നിലത്ത് ശക്തിയായി അടിച്ചു.

ALSO READ : Shreyas Iyer: കോച്ചാണത്രേ, കോച്ച്! ഒടുവില്‍ കുറ്റസമ്മതം നടത്തിയല്ലേ? ശ്രേയസിനെ കൈവിട്ടതില്‍ നിരാശനെന്ന് മുന്‍ കൊല്‍ക്കത്ത പരിശീലകന്‍

വീഴ്ചയുടെ ആഘാതത്തിൽ എൻഗിഡി നിലത്ത് തന്നെ കിടന്നു. ഉടൻ തന്നെ ടീം ഫിസിയോയും മറ്റ് ആരോഗ്യ പ്രവർത്തകരുമെത്തി ഡിസി താരത്തിന് പ്രാഥമിക ശുശ്രൂഷ നൽകി. തുടർന്ന് താരത്തെ ആശുപത്രിയിലേക്ക് മാറ്റാൻ തീരുമാനമെടുക്കുകയായിരുന്നു. ആദ്യം സ്ട്രെച്ചർ എത്തിച്ചെങ്കിലും, പിന്നീട് നേരിട്ട് അംബുലൻസിലേക്ക് മാറ്റാൻ തീരുമാനിച്ചു. ശേഷം ഉടൻ തന്നെ സ്റ്റേഡിയത്തിനുള്ളിൽ മൈതനത്തിലേക്ക് അംബുലൻസ് എൻഗിഡിയെ ആശുപത്രിയിലേക്ക് മാറ്റുകയായിരുന്നു. ഈ സംഭവത്തെ തുടർന്ന് ഡൽഹിയും പഞ്ചാബും തമ്മിലുള്ള മത്സരം 20 മിനിറ്റോളം നിർത്തിവെച്ചിരുന്നു. ലുങ്കി എൻഗിഡിക്ക് പകരമായി വിപ്രാജ് നിഗം സബ്സ്റ്റിറ്റ്യൂട്ടായി മത്സരത്തിൽ ഇറങ്ങി.

ലുങ്കി എൻഗിഡിക്ക് പരിക്കേൽക്കുന്ന ദൃശ്യം

Lungi Ngidi’s injury looks horrible. His entire body weight seems to be on his neck, it looks like a neck fracture.

I hope he recovers soon and that it’s not too serious. Get well soon, Ngidi 🙏🏻❤️ pic.twitter.com/JcuPhtczer

— Suprvirat (@Mostlykohli) April 25, 2026

അതേസമയം മത്സരത്തിൽ ആദ്യ ബാറ്റ് ചെയ്ത ഡൽഹി ക്യാപിറ്റൽസ് പഞ്ചാബിനെതിരെ രണ്ട് വിക്കറ്റ് നഷ്ടത്തിൽ 266 റൺസിൻ്റെ കൂറ്റൻ വിജയലക്ഷ്യമാണ് ഒരുക്കിയിരിക്കുന്നത്. ഓപ്പണർ കെ എൽ രാഹുൽ പുറത്താകാതെ 67 പന്തിൽ 152 റൺസെടുത്തു. ഐപിഎൽ ചരിത്രത്തിൽ ഒരു ഇന്ത്യൻ താരത്തിൻ്റെ ഏറ്റവും ഉയർന്ന വ്യക്തിഗത സ്കോറാണിത്.  ക്രിസ് ഗെയിലും (175) ബ്രണ്ടൺ മക്കുല്ലുവുമാണ് (158) ഏറ്റവും ഉയർന്ന വ്യക്തിഗത സ്കോർ നേടിയ താരങ്ങളുടെ പട്ടികയിൽ കെ എൽ രാഹുലിനെക്കാൾ മുൻപന്തിയിലുള്ളത്. രാഹുലിനെ പുറമെ നിതീഷ് റാണയും പഞ്ചാബ് ബോളർമാർക്കെതിരെ മിന്നും പ്രകടനമാണ് കാഴ്ചവെച്ചത്. 44 പന്തിൽ 91 റൺസാണ് റാണ രാഹുലിനൊപ്പം അടിച്ചു കൂട്ടിയത്. ഇരുവരും ചേർന്ന് 228 റൺസിൻ്റെ കൂട്ടുകെട്ടാണ് രണ്ട് വിക്കറ്റിൽ സൃഷ്ടിച്ചത്.

25-04-2026: താരലേലത്തില്‍ ഒരു ഫ്രാഞ്ചെസി കാണിക്കുന്ന മണ്ടത്തരം, മറ്റൊരു ഫ്രാഞ്ചെസിക്ക് ഗുണമായി ഭവിക്കാം. അതിന് ഉദാഹരണമാണ് കൊല്‍ക്കത്ത നൈറ്റ് റൈഡേഴ്‌സും, പഞ്ചാബ് കിങ്‌സും. ശ്രേയസ് അയ്യറിനെ കൈവിട്ട കൊല്‍ക്കത്തയുടെ മണ്ടത്തരം, പഞ്ചാബിന് അനുഗ്രഹമായി മാറുകയായിരുന്നു. കാശ് വീശിയെറിഞ്ഞ് ശ്രേയസിനെ സ്വന്തമാക്കിയ പഞ്ചാബിന് കിട്ടിയത് ലാഭം മാത്രമായിരുന്നു. താരങ്ങളെ ഫ്രാഞ്ചെസികള്‍ ഒഴിവാക്കുന്നത് സര്‍വസാധാരണമാണ്. എന്നാല്‍ ജേതാക്കളായ ഒരു ടീം തൊട്ടടുത്ത സീസണില്‍ കിരീടം നേടിത്തന്ന ക്യാപ്റ്റനെ ഒഴിവാക്കുന്നത് അപൂര്‍വമാണ്. ഒറ്റനോട്ടത്തില്‍ തന്നെ യുക്തി ഒട്ടുമില്ലെന്ന് വ്യക്തമാകുന്ന തീരുമാനം. ഐപിഎല്‍ 2025 സീസണ് മുമ്പ് ശ്രേയസിനെ എന്തിന് കൊല്‍ക്കത്ത ഒഴിവാക്കിയെന്നാണ് അന്ന് മുതല്‍ ആരാധകര്‍ ഉന്നയിക്കുന്ന ചോദ്യം.

ഐപിഎല്‍ 2024 സീസണില്‍ കൊല്‍ക്കത്തയെ കിരീടനേട്ടത്തിലേക്ക് നയിച്ചത് ശ്രേയസായിരുന്നു. എന്നാല്‍ ആ സീസണ്‍ അവസാനിച്ചതിന് പിന്നാലെ ശ്രേയസും കൊല്‍ക്കത്തയും തമ്മിലുള്ള ബന്ധം അവസാനിച്ചു. കൊല്‍ക്കത്തയ്ക്കും ശ്രേയസിനും ഇടയില്‍ എന്തൊക്കെയോ പ്രശ്‌നങ്ങള്‍ ഉണ്ടായിരുന്നുവെന്ന് പകല്‍ പോലെ വ്യക്തം. ഒടുവില്‍ അന്ന് സംഭവിച്ചതിനെക്കുറിച്ച് മൗനം വെടിഞ്ഞ് അന്നത്തെ കൊല്‍ക്കത്ത പരിശീലകരില്‍ ഒരാളായിരുന്ന ചന്ദ്രകാന്ത് പണ്ഡിറ്റ് രംഗത്തെത്തി.

ചന്ദ്രകാന്ത് പണ്ഡിറ്റ് പറഞ്ഞത്‌

നിര്‍ഭാഗ്യവശാല്‍ അന്ന് തങ്ങള്‍ക്ക് ശ്രേയസിനെ നഷ്ടമായെന്ന്‌ റെവ്‌സ്പോർട്‌സിനോട് ചന്ദ്രകാന്ത് പണ്ഡിറ്റ് പറഞ്ഞു. ശ്രേയസ് ഒരു മികച്ച കളിക്കാരനാണെന്നും കൊൽക്കത്തയ്ക്ക് വേണ്ടി കിരീടം നേടിത്തന്ന നായകനാണെന്നും അദ്ദേഹം പറഞ്ഞു. അദ്ദേഹം ടീമിനെ കൈകാര്യം ചെയ്ത രീതിയെ അഭിനന്ദിക്കുന്നു. എന്നാൽ ചില സാഹചര്യങ്ങളും ടീമിന്റെ തന്ത്രങ്ങളും ഇത്തരം കളിക്കാരെ വിട്ടയക്കാൻ മാനേജ്മെന്റിനെ നിർബന്ധിതരാക്കാറുണ്ട്. പരിശീലകനെന്ന നിലയില്‍ തനിക്ക് അതില്‍ വിഷമം തോന്നിയിരുന്നുവെന്നും ചന്ദ്രകാന്ത് പണ്ഡിറ്റ് പറഞ്ഞു.

Also Read: Sanju Samson Milestone: വേണ്ടത് മൂന്നേ മൂന്ന് റണ്‍സ് മാത്രം; ഐപിഎല്ലില്‍ ആ വമ്പന്‍ നേട്ടത്തിനരികെ സഞ്ജു സാംസണ്‍

മനപ്പൂർവ്വം ഒഴിവാക്കിയതല്ല. കാര്യങ്ങൾ ടീമിന് അനുകൂലമായ രീതിയിൽ ഒത്തു വന്നില്ല. ശ്രേയസിന്റെ കാര്യത്തിൽ മാത്രമല്ല, ഫിൽ സാൾട്ടിന്റെ കാര്യത്തിലും അത് സംഭവിച്ചു. ഉടമകളായ ഷാരൂഖ് ഖാൻ, ജയ് മേത്ത, ജൂഹി ചൗള, സിഇഒ വെങ്കി മൈസൂർ എന്നിവരോട് നന്ദിയുണ്ട്. അവരെല്ലാം വളരെ പിന്തുണ നൽകിയെന്നും ചന്ദ്രകാന്ത് പണ്ഡിറ്റ് വ്യക്തമാക്കി.

ഇന്ത്യയുടെ ടി20 ടീം

ഇന്ത്യൻ ട്വന്റി-20 ടീമിൽ ശ്രേയസിന് സ്ഥിരമായ ഒരിടം കണ്ടെത്താൻ കഴിയാത്തതിനെക്കുറിച്ചും ചന്ദ്രകാന്ത് പണ്ഡിറ്റ് സംസാരിച്ചു. ദേശീയ ടീമിലെ സ്ഥാനങ്ങൾക്കായുള്ള കടുത്ത മത്സരമാണ് ഇതിന് കാരണമെന്ന് അദ്ദേഹം വിലയിരുത്തി. ശ്രേയസ് ഇന്ത്യൻ ടീമിന്റെ ഭാഗമായിരുന്നു. മികച്ച പ്രകടനങ്ങൾ കാഴ്ചവച്ചിട്ടുണ്ട്. നിർഭാഗ്യവശാൽ അദ്ദേഹം പുറത്തായി. ക്രിക്കറ്റിൽ ഇതുപോലുള്ള സാഹചര്യങ്ങൾ അസാധാരണമല്ലെന്ന് ചന്ദ്രകാന്ത് പണ്ഡിറ്റ് പറഞ്ഞു.

ഒരു ടീം കെട്ടിപ്പടുക്കുമ്പോൾ പരിചയസമ്പത്തും യുവതാരങ്ങളും തമ്മിലുള്ള സന്തുലിതാവസ്ഥ നിലനിർത്തുക ഒരു വെല്ലുവിളിയാണ്. അർഹരായ എല്ലാവര്‍ക്കും അവസരം കൊടുക്കുകയെന്നത് പ്രായോഗികമായി ബുദ്ധിമുട്ടാണെന്നും അദ്ദേഹം വ്യക്തമാക്കി. പകരക്കാർ എപ്പോഴും ലഭ്യമാണ്. ശ്രേയസ് പഞ്ചാബിനെ മികച്ച രീതിയിൽ നയിക്കുന്നു. അദ്ദേഹത്തിന്റെ ബാറ്റിംഗ് പക്വതയെ പ്രതിഫലിപ്പിക്കുന്നു. അദ്ദേഹം ഭയമില്ലാത്ത മനസ്സോടെയാണ് കളിക്കുന്നതെന്നും ചന്ദ്രകാന്ത് പണ്ഡിറ്റ് അഭിപ്രായപ്പെട്ടു.

ചെന്നൈ, 25-04-2026: ഇന്ത്യന്‍ പ്രീമിയര്‍ ലീഗില്‍ 5,000 റണ്‍സ് തികയ്ക്കാന്‍ മലയാളി താരം സഞ്ജു സാംസണ് ഇനി വേണ്ടത് വെറും മൂന്ന് റണ്‍സ് മാത്രം. ഞായറാഴ്ച ഗുജറാത്ത് ടൈറ്റന്‍സിനെതിരെ നടക്കുന്ന മത്സരത്തില്‍ സഞ്ജുവിന് ആ നേട്ടം സാധ്യമാകുമെന്നാണ് പ്രതീക്ഷ. ഐപിഎല്‍ ചരിത്രത്തില്‍ വെറും ഒമ്പത് താരങ്ങള്‍ മാത്രമാണ് ഇതുവരെ 5,000 റണ്‍സ് പിന്നിട്ടത്. ഐപില്ലിലെ റണ്‍വേട്ടക്കാരില്‍ സഞ്ജു നിലവില്‍ പത്താമതാണ്. 179 ഇന്നിങ്‌സുകളില്‍ നിന്നായി 4,9997 റണ്‍സാണ് ഇന്ത്യന്‍ പ്രീമിയര്‍ ലീഗില്‍ സഞ്ജു ഇതുവരെ നേടിയത്. 31.83 ആണ് ആവറേജ്. സ്‌ട്രൈക്ക് റേറ്റ് 140.88. അഞ്ച് സെഞ്ചുറികളും, 26 അര്‍ധ സെഞ്ചുറികളും സഞ്ജു നേടിയിട്ടുണ്ട്. ഐപിഎല്‍ ചരിത്രത്തില്‍ സഞ്ജു ഇതുവരെ 410 ഫോറുകളും, 234 സിക്‌സറുകളും നേടിക്കഴിഞ്ഞു.

266 ഇന്നിങ്‌സുകളില്‍ നിന്ന് 8,989 റണ്‍സ് അടിച്ചുകൂട്ടിയ വിരാട് കോഹ്ലിയാണ് ഐപിഎല്ലിലെ റണ്‍വേട്ടക്കാരില്‍ ഒന്നാമത്. 271 ഇന്നിങ്‌സുകളില്‍ നിന്ന് 7,183 റണ്‍സ് നേടിയ രോഹിത് ശര്‍മയാണ് രണ്ടാമത്. 221 ഇന്നിങ്‌സുകളില്‍ നിന്ന് 6,769 റണ്‍സ് നേടിയ ശിഖര്‍ ധവാന്‍ മൂന്നാമതും, 184 മത്സരങ്ങളില്‍ നിന്ന് 6,565 റണ്‍സ് അടിച്ചുകൂട്ടിയ ശിഖര്‍ ധവാന്‍ നാലാമതുമുണ്ട്. അഞ്ചാമതുള്ള സുരേഷ് റെയ്‌ന 200 ഇന്നിങ്‌സുകളില്‍ നിന്ന് 5,528 റണ്‍സ് നേടിയിട്ടുണ്ട്.

എംഎസ് ധോണി (242 ഇന്നിങ്‌സുകളില്‍ നിന്ന് 5,439 റണ്‍സ്), കെഎല്‍ രാഹുല്‍ (142 ഇന്നിങ്‌സുകളില്‍ നിന്ന് 5,427 റണ്‍സ്), അജിങ്ക്യ രഹാനെ (190 ഇന്നിങ്‌സുകളില്‍ നിന്ന് 5,184 റണ്‍സ്), എബി ഡി വില്ലിയേഴ്‌സ് (170 ഇന്നിങ്‌സുകളില്‍ നിന്ന് 5,162 റണ്‍സ്) എന്നിവരാണ് ഐപിഎല്‍ റണ്‍വേട്ടക്കാരില്‍ ആദ്യ പത്തിലുള്ള മറ്റു താരങ്ങള്‍.

Also Read: Sanju Samson: റുതുരാജ് പുറത്തേക്കോ? സഞ്ജുവിനെ സിഎസ്‌കെ ക്യാപ്റ്റനാക്കും; മുന്‍താരത്തിന്റെ പ്രവചനം

സഞ്ജുവിന്റെ പ്രകടനം

ഐപിഎല്ലിലെ ഈ സീസണില്‍ സഞ്ജു മിന്നും ഫോമിലാണ്. ഏഴു മത്സരങ്ങളില്‍ നിന്ന് 293 റണ്‍സ് ഇതുവരെ നേടി. ഓറഞ്ച് ക്യാപിനുള്ള പോരാട്ടത്തില്‍ നിലവില്‍ അഞ്ചാമതാണ്. 328 റണ്‍സുമായി വിരാട് കോഹ്ലിയാണ് ഒന്നാമത്. അഭിഷേക് ശര്‍മ (323 റണ്‍സ്), ഹെയിന്റിച്ച് ക്ലാസണ്‍ (320 റണ്‍സ്), ശുഭ്മാന്‍ ഗില്‍ (297 റണ്‍സ്) എന്നിവരാണ് സഞ്ജുവിന് മുന്നിലുള്ള മറ്റ് താരങ്ങള്‍.

സഞ്ജുവിന്റെ തോളില്‍ ചെന്നൈ

സഞ്ജുവിന്റെ പ്രകടനത്തെ ആശ്രയിച്ചാണ് ചെന്നൈ സൂപ്പര്‍ കിങ്‌സിന്റെ ബാറ്റിങ് നിരയുടെ നിലനില്‍പ്. സഞ്ജുവിന് മികച്ച പ്രകടനം പുറത്തെടുക്കാനായില്ലെങ്കില്‍ ചെന്നൈ തോല്‍ക്കുമെന്നതാണ് നിലവിലെ അവസ്ഥ. ക്യാപ്റ്റന്‍ റുതുരാജ് ഗെയ്ക്‌വാദ് അടക്കം ഫോം ഔട്ടാണ്.

സഞ്ജു ഈ സീസണില്‍ ഇതുവരെ മൂന്ന് മത്സരങ്ങളിലാണ് മികച്ച പ്രകടനം പുറത്തെടുത്തത്. ആ മൂന്ന് മത്സരങ്ങളിലും ചെന്നൈ ജയിച്ചു. സഞ്ജു നിറംമങ്ങിയ നാലു മത്സരങ്ങളിലും ചെന്നൈ തോറ്റു. മറ്റ് ബാറ്റര്‍മാര്‍ അവസരത്തിനൊത്ത് ഉയരാത്തതാണ് തിരിച്ചടി. മികച്ച ഫോമിലായിരുന്ന ആയുഷ് മാത്രെ പരിക്കേറ്റ് പുറത്തായതും തിരിച്ചടിയായി. പോയിന്റ് ടേബിളില്‍ ചെന്നൈ നിലവില്‍ അഞ്ചാമതാണ്. ഞായറാഴ്ച ഗുജറാത്ത് ടൈറ്റന്‍സിനെതിരെയാണ് അടുത്ത മത്സരം. ഉച്ചയ്ക്ക് 3.30-ന് ചെപ്പോക്കിലാണ് മത്സരം. ഈ മത്സരത്തിലൂടെ സഞ്ജു '5000 റണ്‍സ് എലൈറ്റ് പട്ടിക'യിലെത്തുമെന്നാണ് ആരാധകരുടെ പ്രതീക്ഷ.

ബെംഗളൂരു: ആര്‍സിബിയോട് അഞ്ച് വിക്കറ്റിന് തോറ്റതിന് പിന്നാലെ ഗുജറാത്ത് ടൈറ്റന്‍സ് ഓപ്പണര്‍മാര്‍ക്കെതിരെ സോഷ്യല്‍ മീഡിയയില്‍ വിമര്‍ശനം ശക്തം. ഓപ്പണര്‍മാരായ സായ് സുദര്‍ശന്റെയും, ശുഭ്മാന്‍ ഗില്ലിന്റെയും മെല്ലെപ്പോക്ക് ടീമിന് ബാധ്യതയാകുന്നുവെന്നാണ് വിമര്‍ശനം. ആര്‍സിബിക്കെതിരെ സായ് സെഞ്ചുറി നേടിയെങ്കിലും, 100 തികയ്ക്കാന്‍ 57 പന്തുകള്‍ വേണ്ടി വന്നു. ക്യാപ്റ്റന്‍ കൂടിയായ ഗില്‍ 24 പന്തുകള്‍ നേരിട്ട് 32 റണ്‍സ് മാത്രമാണ് നേടിയത്. ഗില്ലാണ് കൂടുതല്‍ വിമര്‍ശനം നേരിടുന്നത്. മെല്ലെപ്പോക്ക് മൂലം പവര്‍പ്ലേ പോലും കാര്യമായി വിനിയോഗിക്കാനാകുന്നില്ലെന്നാണ് വിമര്‍ശനം. 11 ഫോറുകളും, അഞ്ച് സിക്‌സറുകളും അടങ്ങുന്നതായിരുന്നു സായിയുടെ പ്രകടനം. 172.41 ആയിരുന്നു സ്‌ട്രൈക്ക് റേറ്റ്. രണ്ട് ഫോറുകളും, ഒരു സിക്‌സും സഹിതമാണ് ഗില്‍ 32 റണ്‍സ് നേടിയത്. സ്‌ട്രൈക്ക് റേറ്റ് 133.33.

ബാറ്റിങിന് അനുകൂലമായ ചിന്നസ്വാമി സ്‌റ്റേഡിയത്തില്‍ വെറും മൂന്ന് വിക്കറ്റുകള്‍ മാത്രമാണ് നഷ്ടമായതെങ്കിലും, 205 റണ്‍സ് നേടാനെ ഗുജറാത്തിന് സാധിച്ചുള്ളൂ. അഞ്ചാമനായി ക്രീസിലെത്തിയ ജേസണ്‍ ഹോള്‍ഡറിന്റെ ബാറ്റിങാണ് 200 കടക്കാന്‍ ഗുജറാത്തിനെ സഹായിച്ചത്. പുറത്താകാതെ 10 പന്തില്‍ 23 റണ്‍സാണ് ഹോള്‍ഡര്‍ നേടിയത്. ജോസ് ബട്ട്‌ലര്‍-16 പന്തില്‍ 25, വാഷിങ്ടണ്‍ സുന്ദര്‍-12 പന്തില്‍ 19 നോട്ടൗട്ട് എന്നിങ്ങനെയാണ് മറ്റ് ഗുജറാത്ത് ബാറ്റര്‍മാരുടെ സ്‌കോറുകള്‍.

ആര്‍സിബിയുടെ വിജയം

ഏഴു പന്തുകള്‍ ബാക്കിനില്‍ക്കെയാണ് ആര്‍സിബി വിജയലക്ഷ്യം മറികടന്നത്. 44 പന്തില്‍ 81 റണ്‍സെടുത്ത വിരാട് കോഹ്ലിയാണ് ടോപ് സ്‌കോറര്‍. 27 പന്തില്‍ 55 റണ്‍സെടുത്ത ദേവ്ദത്ത് പടിക്കലും, പുറത്താകാതെ 12 പന്തില്‍ 23 റണ്‍സെടുത്ത ക്രുണാല്‍ പാണ്ഡ്യയും തിളങ്ങി. മറ്റ് ബാറ്റര്‍മാര്‍ നിരാശപ്പെടുത്തി. മറ്റ് ആര്‍സിബി ബാറ്റര്‍മാരുടെ സ്‌കോറുകള്‍: ജേക്കബ് ബെഥല്‍-10 പന്തില്‍ 14, രജത് പട്ടീദാര്‍-അഞ്ച് പന്തില്‍ എട്ട്, ജിതേഷ് ശര്‍മ-ആറു പന്തില്‍ 10, ടിം ഡേവിഡ്-ഒമ്പത് പന്തില്‍ 10 നോട്ടൗട്ട്.

സായ് സുദര്‍ശന്റെ ബാറ്റിങ്‌

A knock to remember 🌟#SaiSudharsan owned the innings and sealed with 💯#TATAIPL 2026 | #RCBvGT | LIVE NOW 👉https://t.co/1jQMWSlWnX pic.twitter.com/zUlKTc2bkc

— Star Sports (@StarSportsIndia) April 24, 2026

ഗില്ലും സായിയും

സ്‌ട്രൈക്ക് റേറ്റ് കുറവാണെങ്കിലും ഓറഞ്ച് ക്യാപിനുള്ള പോരാട്ടത്തില്‍ ഗില്ലും, സായിയും ആദ്യ പത്തിലുണ്ട്. നാലാമതുള്ള ഗില്‍ ആറു മത്സരങ്ങളില്‍ നിന്ന് 297 റണ്‍സെടുത്തു. എന്നാല്‍ വെറും 149.22 മാത്രമാണ് സ്‌ട്രൈക്ക് റേറ്റ്. ഓറഞ്ച് ക്യാപിനുള്ള പോരാട്ടത്തില്‍ ആദ്യ പത്തിലുള്ളവരില്‍ ഏറ്റവും കുറവ് സ്‌ട്രൈക്ക് റേറ്റ് ഗില്ലിനാണ്.

Also Read: Sreesanth vs Harbhajan: പുള്ളിയുമായി ഒരു ബന്ധവുമില്ല; ഇന്‍സ്റ്റയില്‍ പോലും ബ്ലോക്ക് ചെയ്തു; ഹര്‍ഭജനെതിരെ ശ്രീശാന്ത്‌

ഈ സീസണിലെ റണ്‍വേട്ടക്കാരില്‍ പത്താമതാണ് സായ്. ഏഴു മത്സരങ്ങളില്‍ നിന്ന് നേടിയത് 235 റണ്‍സ്. സ്‌ട്രൈക്ക് റേറ്റ് 155.62. റണ്‍സ് നേടുന്നുണ്ടെങ്കിലും മോശം സ്‌ട്രൈക്ക് റേറ്റാണ് ഇരുവര്‍ക്കുമെതിരെയുള്ള വിമര്‍ശനം ശക്തമാക്കുന്നത്. വ്യക്തിഗത നേട്ടങ്ങള്‍ക്കായാണ് ഇരുവരും കളിക്കുന്നതെന്നും, ഇത് ടീമിന്റെ പ്രകടനത്തെ ബാധിക്കുന്നുവെന്നുമാണ് ആക്ഷേപം.

ഗുജറാത്തിന്റെ പ്രകടനം

ഗില്‍ നയിക്കുന്ന ഗുജറാത്ത് പോയിന്റ് ടേബിളില്‍ ഏഴാമതാണ്. ഏഴു മത്സരങ്ങളില്‍ മൂന്നെണ്ണം ജയിച്ചു. നാലു മത്സരങ്ങളില്‍ തോറ്റു. ഇതുവരെ സ്വന്തമാക്കിയത് ആറു പോയിന്റുകള്‍. നാളെ ചെന്നൈ സൂപ്പര്‍ കിങ്‌സിനെതിരെയാണ് ഗുജറാത്തിന്റെ അടുത്ത മത്സരം. ഉച്ചയ്ക്ക് 3.30-ന് ചെന്നൈ എംഎ ചിദംബരം സ്‌റ്റേഡിയത്തിലാണ് ചെന്നൈ-ഗുജറാത്ത് പോരാട്ടം.

കൊച്ചി, 25-04-2026: ഐപിഎല്ലില്‍ 2008 ഏപ്രില്‍ 25-ന് നടന്ന മുംബൈ ഇന്ത്യന്‍സ്-കിങ്‌സ് ഇലവന്‍ പഞ്ചാബ് മത്സരം ആരാധകര്‍ക്ക് മറക്കാനാകില്ല. മത്സരശേഷം താരങ്ങള്‍ പരസ്പരം ഹസ്തദാനം ചെയ്യുന്നതിനിടെ മുംബൈ ക്യാപ്റ്റന്‍ കൂടിയായിരുന്ന ഹര്‍ഭജന്‍, പഞ്ചാബ് താരം ശ്രീശാന്തിന്റെ മുഖത്തിടിച്ചിരുന്നു. തുടര്‍ന്ന് ശ്രീശാന്ത് പൊട്ടിക്കരഞ്ഞത് ക്രിക്കറ്റ് ലോകത്തെ പിടിച്ചുലച്ച കാഴ്ചയായിരുന്നു. വര്‍ഷങ്ങള്‍ക്ക് ശേഷം തന്റെ പ്രവൃത്തിയില്‍ ഹര്‍ഭജന്‍ മാപ്പ് ചോദിക്കുകയും ചെയ്തു. തുടര്‍ന്ന് ഇരുവരും സൗഹൃദം പുനഃരാരംഭിക്കുകയും ചെയ്തു. എന്നാല്‍ ഇപ്പോഴിതാ, ഞെട്ടിക്കുന്ന വെളിപ്പെടുത്തല്‍ നടത്തിയിരിക്കുകയാണ് ശ്രീശാന്ത്. തനിക്ക് ഹര്‍ഭജനുമായി ഇപ്പോള്‍ ഒരു ബന്ധവുമില്ലെന്നും, അദ്ദേഹത്തെ ഇന്‍സ്റ്റഗ്രാമില്‍ ബ്ലോക്ക് ചെയ്‌തെന്നും മാതൃഭൂമി ഓണ്‍ലൈന് നല്‍കിയ അഭിമുഖത്തില്‍ ശ്രീശാന്ത് വ്യക്തമാക്കി.

തനിക്ക് അദ്ദേഹവുമായി ഒരു ബന്ധവുമില്ല. അദ്ദേഹം സഹോദരനെപോലെയാണെന്ന് താന്‍ പറഞ്ഞിട്ടുണ്ട്‌. അങ്ങനെ ആയിരുന്നു. എന്നാല്‍ അന്ന് നടന്ന സംഭവത്തെക്കുറിച്ച് അടുത്തിടെ ഒരു ആഡുണ്ടാക്കി അദ്ദേഹം പണമുണ്ടാക്കി. ഏതാണ്ട് 80 ലക്ഷമോ, ഒരു കോടിയോ അദ്ദേഹം ഉണ്ടാക്കി. ആ ആഡ് ഇന്‍സ്റ്റഗ്രാം സ്‌റ്റോറിയായി ഇടണമെന്ന് തന്നെ വിളിച്ചുപറഞ്ഞു. 'പൊറുക്കാം, പക്ഷേ, മറക്കരുത്' എന്ന് താന്‍ മറുപടി നല്‍കി. ഒരാളോട് ക്ഷമിക്കാം. പക്ഷേ, അയാള്‍ ചെയ്തത് മറന്നാല്‍, അതേ വ്യക്തി ആ തെറ്റ് ആവര്‍ത്തിക്കും. ഹര്‍ഭജനാണ് അതിന് വലിയ ഉദാഹരണമെന്നും, ഇന്‍സ്റ്റയില്‍ പോലും അദ്ദേഹത്തെ ബ്ലോക്ക് ചെയ്തിരിക്കുകയാണെന്നും ശ്രീശാന്ത് വെളിപ്പെടുത്തി.

അദ്ദേഹത്തിനെതിരെ തനിക്ക് പരാതിയില്ല. തനിക്ക് അദ്ദേഹത്തിന്റെ ആവശ്യവുമില്ല. ദൈവം അദ്ദേഹത്തെയും കുടുംബത്തെയും അനുഗ്രഹിക്കട്ടെ. പല ഇന്റര്‍വ്യൂവിലും, പുള്ളി തന്റെ മകളെക്കുറിച്ച് സംസാരിച്ചു. തനിക്ക് വിഷമമായെന്നൊക്കെ അദ്ദേഹം പറഞ്ഞു. ഇതെല്ലാം കാണുമ്പോള്‍, അദ്ദേഹം എത്ര നല്ല വ്യക്തിയാണെന്ന് ആളുകള്‍ ചിന്തിക്കും. നല്ല മനുഷ്യനാണ്. പക്ഷേ, തന്റെ വ്യക്തിപരമായ അഭിപ്രായത്തില്‍ ഇപ്പോള്‍ വരെ അദ്ദേഹം അഭിനയിക്കുകയായിരുന്നു. ആ അഭിനയം തനിക്ക് പറ്റില്ലെന്നും ശ്രീശാന്ത് തുറന്നടിച്ചു.

Also Read: Sreesanth: ‘സഞ്ജു ഒന്നും തോന്നരുത്‌; അന്ന് ഹര്‍ഭജനെ തിരിച്ച് തല്ലിയിരുന്നെങ്കില്‍ മലയാളി താരങ്ങളെ മാറ്റിനിര്‍ത്തുമായിരുന്നു’

അന്ന് തല്ലിയിരുന്നെങ്കില്‍

അന്ന് ഹര്‍ഭജനെ തള്ളിയിടാന്‍ പോയതാണ്. പക്ഷേ, ഭാഗ്യത്തിന് ബ്രെറ്റ്‌ലീയും മറ്റുള്ളവരും പിടിച്ചുനിര്‍ത്തി. അന്ന് ഹര്‍ഭജനെ തല്ലുകയോ, തള്ളുകയോ ചെയ്തിരുന്നെങ്കില്‍ അന്ന് തനിക്ക് ആജീവനാന്ത വിലക്ക് ലഭിക്കുമായിരുന്നു. അദ്ദേഹം മുംബൈ ഇന്ത്യന്‍സിന്റെ ക്യാപ്റ്റനായിരുന്നു. അന്ന് അദ്ദേഹത്തെ തല്ലാത്തത് എന്താണെന്ന് പലരും ചോദിക്കാറുണ്ട്. അന്ന് അങ്ങനെ ചെയ്തിരുന്നെങ്കില്‍ ഇന്ന് തന്നെ കുറ്റം പറയുന്നവര്‍ അന്ന് സഹായിക്കുമായിരുന്നോയെന്നും ശ്രീശാന്ത് ചോദിച്ചു.

ഹെയ്ഡനെയും, ഗില്‍ക്രിസ്റ്റിനെയുമൊക്കെ ഔട്ടാക്കിയ ശ്രീശാന്താണ് അന്ന് കരഞ്ഞത്. അന്ന് തന്റെ മനസിലുള്ള വിഷമം എന്തായിരിക്കുമെന്ന് ചിന്തിക്കണം. ഇത് സിമ്പതിക്ക് വേണ്ടി പറയുന്നതല്ല. ഇതൊക്കെ ചെയ്തിട്ടും ഏറ്റവും കൂടുതല്‍ വിക്കറ്റ് ലഭിച്ച ബൗളര്‍മാരില്‍ താനുമുണ്ടായിരുന്നു. സൊഹൈല്‍ തന്‍വീറായിരുന്നു മുന്നില്‍. ഒന്നിലും തോല്‍ക്കരുതെന്നും താരം വ്യക്തമാക്കി.

ഇഷ്ടം സച്ചിനെയും, യുവരാജിനെയും

യുവരാജ് സിങ്, സച്ചിന്‍ തെണ്ടുല്‍ക്കര്‍ എന്നിവരെയാണ് ഇന്ത്യന്‍ ടീമില്‍ തനിക്ക് ഇഷ്ടം. ഇതുവരെ 'ഭജി പാ' എന്നാണ് ഹര്‍ഭജനെ വിളിച്ചിരുന്നത്. ഇതാദ്യമായാകും ഒരു ഇന്റര്‍വ്യൂവില്‍ ഹര്‍ഭജന്‍ എന്ന പേരില്‍ അദ്ദേഹത്തെ അഭിസംബോധന ചെയ്തത്. ഒന്നുമല്ലാത്ത കാലത്ത് കൂടെയുണ്ടായിരുന്നവരാണ് നമ്മുടെ യഥാര്‍ത്ഥ ആള്‍ക്കാരെന്നും ശ്രീശാന്ത് അഭിമുഖത്തില്‍ വ്യക്തമാക്കി.

മുംബൈ 24-04-2026: ഇന്നാണ് ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കറുടെ 54-ാം ജന്മദിനം. 1973 ഏപ്രില്‍ 24-ലാണ് സച്ചിന്‍ ജനിച്ചത്. എന്നാല്‍ പിതാവിന്റെ ജന്മദിനമാണെങ്കിലും ക്രിക്കറ്റിനോടുള്ള പ്രതിബദ്ധതയ്ക്കാണ് മകന്‍ അര്‍ജുന്‍ തെണ്ടുല്‍ക്കര്‍ ഊന്നല്‍ നല്‍കുന്നത്. ഇത്തവണ ഐപിഎല്ലില്‍ ലഖ്‌നൗ സൂപ്പര്‍ ജയന്റ്‌സിന്റെ താരമാണ് അര്‍ജുന്‍. പിതാവിന്റെ ജന്മദിനത്തിന് ലളിതവും മനോഹരവുമായ രീതിയിലാണ് അര്‍ജുന്‍ ആശംസകള്‍ നേര്‍ന്നത്. കായികരംഗത്തോടുള്ള പ്രതിബദ്ധത മൂലം അര്‍ജുന്‍ ഇപ്പോള്‍ മധുരം ഉപയോഗിക്കാറില്ല. അതുകൊണ്ട് തന്നെ സച്ചിന്റെ ജന്മദിനത്തിൽ പോലും കേക്ക് കഴിക്കാൻ അർജുൻ തയ്യാറായില്ല. വിശേഷദിനങ്ങളില്‍ പോലും ഭക്ഷണക്രമത്തില്‍ മാറ്റം വരുത്തില്ലെന്ന ഉറച്ച തീരുമാനത്തിലാണ് അര്‍ജുന്‍.

ഈ സീസണിന് മുന്നോടിയായാണ് അര്‍ജുന്‍ മുംബൈ ഇന്ത്യന്‍സ് വിട്ട് ലഖ്‌നൗ സൂപ്പര്‍ ജയന്റ്‌സിലെത്തിയത്. ലഖ്‌നൗ പങ്കുവെച്ച വീഡിയോയിലാണ് അര്‍ജുന്‍ പിതാവിന് ജന്മദിന ആശംസകള്‍ നേര്‍ന്നത്. ഒരു പാത്രത്തില്‍ വെച്ചിരുന്ന കേക്ക് എടുത്താണ് അര്‍ജുന്‍ ആശംസകള്‍ നേര്‍ന്നത്. എന്നാല്‍ ഷുഗര്‍ ഉപയോഗം കുറച്ചതിനാല്‍ താന്‍ ഇത് കഴിക്കുന്നില്ലെന്നും അര്‍ജുന്‍ പറഞ്ഞു.

ലഖ്‌നൗ പങ്കുവെച്ച വീഡിയോ കാണാം

Sachin sir, Arjun aur hamare taraf se aapke liye cake 🍰

Happy Birthday ❤️💙 pic.twitter.com/wuO4VrZNau

— Lucknow Super Giants (@LucknowIPL) April 24, 2026

ഐപിഎല്ലില്‍ അര്‍ജുന്‍

മുംബൈ ഇന്ത്യന്‍സിന്റെ ഭാഗമായിരുന്നെങ്കിലും പല തവണ ബെഞ്ചിലിരിക്കാനായിരുന്നു അര്‍ജുന്റെ വിധി. 2023 ൽ മുംബൈ ഇന്ത്യൻസിലൂടെയാണ് അര്‍ജുന്‍ തന്റെ ഐപിഎൽ കരിയർ ആരംഭിച്ചത്. എന്നാല്‍ ഇതുവരെ ആകെ അഞ്ച് മത്സരങ്ങിലാണ് കളിച്ചത്. മൂന്ന് വിക്കറ്റുകള്‍ വീഴ്ത്തുകയും ചെയ്തു. 2023-ല്‍ നാലു മത്സരങ്ങളിലും, 2024-ല്‍ ഒരു മത്സരത്തിലും കളിച്ചു. 2026 സീസണിന് മുമ്പ് അദ്ദേഹത്തെ ലഖ്‌നൗ സൂപ്പർ ജയന്റ്സിലേക്ക് ട്രേഡ് ചെയ്തു. 30 ലക്ഷം രൂപയ്ക്കാണ് അദ്ദേഹം ലഖ്‌നൗവിലെത്തിയത്.

Also Read: Mumbai Indians: ‘കൺകഷൻ സബ്സ്റ്റിറ്റ്യൂട്ട്’ നിയമം ദുരുപയോഗം ചെയ്‌തോ? മുംബൈ ഇന്ത്യന്‍സ് പ്രതിക്കൂട്ടില്‍

ലഖ്‌നൗ സൂപ്പര്‍ ജയന്റ്‌സ്‌

ഇത്തവണ ഏഴ് മത്സരങ്ങള്‍ കഴിഞ്ഞെങ്കിലും ഒരു മത്സരത്തില്‍ പോലും അര്‍ജുന് അവസരം ലഭിച്ചിട്ടില്ല. അര്‍ജുന്‍ ഭാഗമായ ലഖ്‌നൗ സൂപ്പര്‍ ജയന്റ്‌സ് വളരെ മോശം പ്രകടനമാണ് പുറത്തെടുക്കുന്നത്. ഏഴു മത്സരങ്ങളില്‍ അഞ്ചിലും തോറ്റു. രണ്ടെണ്ണത്തില്‍ മാത്രമാണ് ജയിച്ചത്. ഋഷഭ് പന്ത് നയിക്കുന്ന ലഖ്‌നൗ പോയിന്റ് ടേബിളില്‍ ഒമ്പതാമതാണ്.

ഈ സീസണില്‍ ഡല്‍ഹി ക്യാപിറ്റല്‍സിനോടായിരുന്നു ലഖ്‌നൗവിന്റെ ആദ്യ മത്സരം. ആ മത്സരത്തില്‍ ഡല്‍ഹി ആറു വിക്കറ്റിന് ജയിച്ചു. ആദ്യം ബാറ്റു ചെയ്ത ലഖ്‌നൗ 18.4 ഓവറില്‍ 141 റണ്‍സിന് ഓള്‍ ഔട്ടായി. ഡല്‍ഹി 17.1 ഓവറില്‍ വിജയലക്ഷ്യം മറികടന്നു. സണ്‍റൈസേഴ്‌സിനെതിരെ നടന്ന രണ്ടാം മത്സരത്തില്‍ ലഖ്‌നൗ അഞ്ച് വിക്കറ്റിന് ജയിച്ചു. 157 റണ്‍സ് വിജയലക്ഷ്യം ഒരു പന്തു ബാക്കിനില്‍ക്കെയാണ് ലഖ്‌നൗ മറികടന്നത്.

കൊല്‍ക്കത്ത നൈറ്റ് റൈഡേഴ്‌സിനെതിരെ നടന്ന മൂന്നാം മത്സരത്തിലും ലഖ്‌നൗ ജയിച്ചു. അന്ന് മൂന്നു വിക്കറ്റിനായിരുന്നു ജയം. 182 റണ്‍സ് വിജയലക്ഷ്യം അവസാന പന്തിലാണ് ലഖ്‌നൗ മറികടന്നത്. ഇതിനു ശേഷം തുടര്‍തോല്‍വികള്‍ ഏറ്റുവാങ്ങി. ഗുജറാത്ത് ടൈറ്റന്‍സിനോട് ഏഴു വിക്കറ്റിനും, ആര്‍സിബിയോട് അഞ്ച് വിക്കറ്റിനും, പഞ്ചാബ് കിങ്‌സിനോട് 54 റണ്‍സിനും, രാജസ്ഥാന്‍ റോയല്‍സിനോട് 40 റണ്‍സിനും തോറ്റു. ഏപ്രില്‍ 26-ന് കൊല്‍ക്കത്ത നൈറ്റ് റൈഡേഴ്‌സിനെതിരെയാണ് അടുത്ത മത്സരം.

മുംബൈ 24-04-2026: ചെന്നൈ സൂപ്പര്‍ കിങ്‌സിനെതിരായ മത്സരത്തിന് പിന്നാലെ മുംബൈ ഇന്ത്യന്‍സിനെതിരെ വന്‍ ആരോപണം. പരിക്കേറ്റ ഓൾറൗണ്ടർ മിച്ചൽ സാന്റ്‌നറെ മാറ്റാൻ 'കൺകഷൻ സബ്സ്റ്റിറ്റ്യൂട്ട്' നിയമം ദുരുപയോഗം ചെയ്‌തെന്നാണ് ആരോപണം. ജസ്പ്രീത് ബുംറയുടെ പന്തിൽ സി‌എസ്‌കെ ബാറ്റ്സ്മാൻ കാർത്തിക് ശർമ്മയുടെ ക്യാച്ച് എടുക്കുന്നതിനിടെയാണ് സാന്റ്‌നര്‍ക്ക് തോളില്‍ പരിക്കേറ്റത്. ഉടന്‍ തന്നെ മുംബൈയുടെ മെഡിക്കല്‍ ടീമെത്തി സാന്റ്‌നറെ പുറത്തേക്ക് കൊണ്ടുപോയി. തുടര്‍ന്ന് താരം മൈതാനത്തേക്ക് തിരികെ വന്നില്ല. ബാറ്റും ചെയ്തില്ല. മുംബൈ ഇന്ത്യൻസ് ഡ്രസ്സിംഗ് റൂമിൽ ഇരിക്കുമ്പോൾ സാന്റ്‌നർ തന്റെ തോളിൽ ഐസ് വെച്ചിരിക്കുന്നത് കാണാമായിരുന്നു. സാന്റ്‌നര്‍ പോയതിന് തൊട്ടുപിന്നാലെ അദ്ദേഹത്തിന് പകരം ശാര്‍ദ്ദുല്‍ താക്കൂറിനെ ഇറക്കാന്‍ മുംബൈ അനുമതി തേടി. ഇത് മാച്ച് റഫറി അംഗീകരിക്കുകയും ചെയ്തു. ഇതാണ് വിവാദമായത്.

കൺകഷൻ സബ്സ്റ്റിറ്റ്യൂട്ട് നിയമം ദുരുപയോഗം ചെയ്‌തെന്നാണ് ആരോപണം. സാന്റ്നറിന് പകരക്കാരനായി ശാര്‍ദ്ദുലിനെ എങ്ങനെയാണ് പരിഗണിക്കാനാവുകയെന്ന ചോദ്യവുമുയര്‍ന്നു. സാന്റ്‌നർക്ക് പകരക്കാരനായി ഇറങ്ങാൻ ശാര്‍ദ്ദുല്‍ അതേ ശൈലിയിലുള്ള താരമല്ലല്ലോയെന്നാണ് വിമര്‍ശനം. സാന്റ്‌നര്‍ സ്പിന്‍ ഓള്‍ റൗണ്ടറാണ്. ശാര്‍ദ്ദുല്‍ പേസ് ബൗളര്‍ ഓള്‍ റൗണ്ടറും.

കൺ‌കഷൻ നിയമം

ഐപിഎല്‍ നിയമങ്ങള്‍ പ്രകാരം, ഒരു താരത്തിന് തലയ്ക്കോ കഴുത്തിനോ പരിക്കേറ്റാൽ മാത്രമേ കൺകഷൻ സബ്സ്റ്റിറ്റ്യൂട്ടിനെ അനുവദിക്കൂ. മാച്ച് റഫറി കൺകഷൻ സബ്സ്റ്റിറ്റ്യൂട്ട് അനുവദിക്കുന്നതിന് മുമ്പ്‌ പരിക്കിന്റെ തീവ്രത മെഡിക്കൽ പരിശോധനയിലൂടെ സ്ഥിരീകരിക്കണം.

സാന്റ്‌നര്‍ക്ക് തോളിലാണ് പരിക്കേറ്റത്. എന്നാല്‍ ന്യൂറോളജിക്കൽ ലക്ഷണങ്ങൾ ചൂണ്ടിക്കാട്ടിയാണ് പകരക്കാരനെ ആവശ്യപ്പെട്ടത്. കൺകഷൻ (തലയ്ക്ക് ആഘാതം) സംഭവിക്കുമ്പോഴോ അല്ലെങ്കിൽ അത് സംശയിക്കുമ്പോഴോ ഉടൻ തന്നെ കൺകഷൻ സബ്സ്റ്റിറ്റ്യൂഷൻ നടത്താം.

സാന്റ്‌നര്‍ക്ക് പരിക്കേറ്റ സംഭവം-വീഡിയോ

Excellently judged 👌

Mitchell Santner with a fine diving catch in the deep 👏👏

1⃣st wicket of the night for Jasprit Bumrah ☝️

Updates ▶️ https://t.co/gGt34dqUoq#TATAIPL | #KhelBindaas | #MIvCSK | @mipaltan pic.twitter.com/5EyRNf9kCb

— IndianPremierLeague (@IPL) April 23, 2026

അല്ലെങ്കില്‍ ഫീൽഡിലോ പുറത്തോ നടത്തിയ പരിശോധനയ്ക്ക് ശേഷം കൺകഷൻ സബ്സ്റ്റിറ്റ്യൂഷൻ നടത്താം. പരിശോധനയ്ക്ക് ശേഷം താരം വീണ്ടും കളി തുടരുകയും പിന്നീട് ആഘാതത്തിന്റെ ലക്ഷണങ്ങൾ കാണിക്കുകയും ചെയ്യുമ്പോഴും കൺകഷൻ സബ്സ്റ്റിറ്റ്യൂഷൻ നടത്താം.

മഹേല ജയവർധനെയുടെ വിശദീകരണം

കൺകഷൻ സബ്സ്റ്റിറ്റ്യൂഷൻ വിവാദത്തെക്കുറിച്ചുള്ള ചോദ്യങ്ങള്‍ക്ക്‌ മുംബൈ പരിശീലകൻ മഹേല ജയവർധന മറുപടി നല്‍കി. സാന്റ്‌നർ ക്യാച്ചെടുക്കുമ്പോൾ അദ്ദേഹത്തിന്റെ കഴുത്തിനും തോളിലും ഒരേപോലെ പരിക്കേറ്റെന്നാണ് ജയവര്‍ധനെയുടെ വിശദീകരണം. മാനേജ്മെന്റ് ഒരു കൺകഷൻ സബ്സ്റ്റിറ്റ്യൂട്ടിനെ ആവശ്യപ്പെട്ടപ്പോൾ, മാച്ച് റഫറി ഷാർദൂലിനെ പകരം അനുവദിച്ചുവെന്നും ജയവര്‍ധനെ വ്യക്തമാക്കി.

Also Read: Mukesh Choudhary: അമ്മയുടെ ചിതയെരിഞ്ഞ് തീരും മുമ്പ് മുകേഷ് കളിക്കാനിറങ്ങി; ആദരവ് അര്‍പ്പിച്ച് സഹതാരങ്ങള്‍

സാന്റ്‌നറുടെ തലയും കഴുത്തുമാണ് ആദ്യം ഇടിച്ചത്. തോളിലും ഇടിച്ചു. അദ്ദേഹം സ്കാനിംഗിന് പോയി. തിരിച്ചെത്തിയപ്പോൾ തലകറക്കം അനുഭവപ്പെട്ടു. അതുകൊണ്ട് അദ്ദേഹം വിശ്രമിക്കുകയായിരുന്നു. ശാരീരിക പ്രശ്‌നങ്ങളുണ്ടെന്ന് തോന്നിയതുകൊണ്ടാണ് സ്‌കാനിങിന് കൊണ്ടുപോയതെന്നും ജയവര്‍ധനെ വെളിപ്പെടുത്തി.

കൺകഷൻ സബ്സ്റ്റിറ്റ്യൂട്ടിനായി അഭ്യര്‍ത്ഥിച്ചിരുന്നു. അത് അനുവദിക്കണമോയെന്നത്‌ മാച്ച് റഫറിയുടെയും അമ്പയർമാരുടെയും വിവേചനാധികാരമാണ്. അവര്‍ ശാര്‍ദ്ദുലിനെ അനുവദിച്ചുവെന്നും മുംബൈ പരിശീലകന്‍ വിശദീകരിച്ചു. പക്ഷേ, കൺകഷൻ സബ്സ്റ്റിറ്റ്യൂട്ട്‌ അനുവദിച്ചിട്ടും മുംബൈയ്ക്ക് ജയിക്കാനായില്ലെന്നതാണ് യാഥാര്‍ത്ഥ്യം.

മുംബൈ 24-04-2026: ഹൃദയം നുറുങ്ങുന്ന വേദനയിലും ചെന്നൈ സൂപ്പര്‍ കിങ്‌സിനു വേണ്ടി കളിക്കാന്‍ ഇറങ്ങി പേസര്‍ മുകേഷ് ചൗധരി. ചൊവ്വാഴ്ചയാണ് മുകേഷിന്റെ അമ്മ പ്രേം ദേവി മരിച്ചത്. അമ്മയുടെ വിയോഗത്തെ തുടര്‍ന്ന് സണ്‍റൈസേഴ്‌സ് ഹൈദരാബാദിനെതിരായ മത്സരശേഷം മുകേഷ് രാജസ്ഥാനിലെ ഭില്‍വാരയിലേക്ക് പുറപ്പെട്ടിരുന്നു. അന്ത്യകര്‍മ്മങ്ങള്‍ ചെയ്ത ശേഷം മുംബൈ ഇന്ത്യന്‍സിനെതിരായ മത്സരത്തിന്റെ തലേന്നാണ് സിഎസ്‌കെ ക്യാമ്പിലെത്തിയത്. മുകേഷിന്റെ അമ്മയോടുള്ള ആദരസൂചകമായി സി‌എസ്‌കെ ടീം കറുത്ത ആംബാൻഡ് ധരിച്ചിരുന്നു. മുകേഷിന്റെ അമ്മയുടെ വിയോഗത്തില്‍ സിഎസ്‌കെ നേരത്തെ അനുശോചിച്ചിരുന്നു. മുകേഷ് ചൗധരിയുടെ അമ്മയുടെ വിയോഗത്തിൽ സിഎസ്‌കെ കുടുംബം ദുഃഖിക്കുന്നുവെന്ന് ഫ്രാഞ്ചെസി പ്രസ്താവനയിലൂടെ വ്യക്തമാക്കിയിരുന്നു.

വെല്ലുവിളി നിറഞ്ഞ ഈ സമയത്ത് തങ്ങള്‍ മുകേഷിനും കുടുംബത്തിനുമൊപ്പം നിലകൊള്ളുന്നു. തങ്ങളുടെ ചിന്തകളിലും പ്രാര്‍ത്ഥനകളിലും മുകേഷും കുടുംബവുമാണെന്നും സിഎസ്‌കെ വ്യക്തമാക്കിയിരുന്നു. മുംബൈ ഇന്ത്യന്‍സിനെതിരായ മത്സരത്തിലുടനീളം കറുത്ത ആംബാന്‍ഡ് ധരിച്ചാണ് സിഎസ്‌കെ താരങ്ങള്‍ കളിച്ചത്.

വേദനയ്ക്കിടയിലും മികച്ച പ്രകടനം

മികച്ച പ്രകടനമാണ് മുകേഷ് പുറത്തെടുത്തത്. നാലോവര്‍ എറിഞ്ഞ താരം ഒരു വിക്കറ്റെടുത്തു. മുംബൈയുടെ ഓപ്പണര്‍ ക്വിന്റോണ്‍ ഡി കോക്കിനെ ക്ലീന്‍ ബൗള്‍ഡ് ചെയ്യുകയായിരുന്നു. 10 പന്തില്‍ ഏഴു റണ്‍സെടുക്കാനെ ഡി കോക്കിന് സാധിച്ചുള്ളൂ. നാലോവറും എറിഞ്ഞ മുകേഷ് 31 റണ്‍സ് മാത്രമാണ് വിട്ടുകൊടുത്തത്.

Also Read: Sanju Samson: തകര്‍പ്പന്‍ സെഞ്ചുറി; ഓറഞ്ച് ക്യാപിനുള്ള പോരാട്ടത്തില്‍ മൂന്നാമത്; ഒപ്പം കിടിലന്‍ റെക്കോഡും തൂക്കി സഞ്ജു

വിജയം മുകേഷിന് സമര്‍പ്പിച്ചു

മുംബൈ ഇന്ത്യന്‍സിനെതിരെ ചെന്നൈ നേടിയ വിജയം മുകേഷ് ചൗധരിക്കാണ് ടീം ക്യാപ്റ്റന്‍ റുതുരാജ് ഗെയ്ക്‌വാദ് സമര്‍പ്പിച്ചത്. അദ്ദേഹം ബുദ്ധിമുട്ടേറിയ സമയത്തിലൂടെയാണ് കടന്നുപോകുന്നതെന്നും റുതുരാജ് പറഞ്ഞു. ഈ വിജയം തീർച്ചയായും അദ്ദേഹത്തിന് സമർപ്പിക്കുന്നു.

ദുഃഖകരമായ സാഹചര്യത്തിലും മികച്ച പ്രകടനം നടത്തിയ മുകേഷിനെ അഭിനന്ദിക്കുന്നു. ഇതിനായി മാനസികമായി വളരെയധികം പരിശ്രമം ആവശ്യമാണ്. അദ്ദേഹം ടീമിന് വേണ്ടിയാണ് തിരിച്ചെത്തിയതെന്നും റുതുരാജ് കൂട്ടിച്ചേര്‍ത്തു. തങ്ങള്‍ക്ക് അദ്ദേഹത്തെ ആവശ്യമാണെന്ന് അദ്ദേഹത്തിന് അറിയാമായിരുന്നുവെന്നും ചെന്നൈ ക്യാപ്റ്റന്‍ മത്സരശേഷം വ്യക്തമാക്കി.

സിഎസ്‌കെയുടെ പോസ്റ്റ്‌

This one is for Mukesh’s mother.
In her memory and in solidarity with Mukesh, we wear black armbands and play with a little more in our hearts today. pic.twitter.com/OKk6bmPK4e

— Chennai Super Kings (@ChennaiIPL) April 23, 2026

ചെന്നൈയ്ക്ക് തകര്‍പ്പന്‍ ജയം

103 റണ്‍സിനാണ് ചെന്നൈ മുംബൈയെ തോല്‍പിച്ചത്. ആദ്യം ബാറ്റു ചെയ്ത ചെന്നൈ 20 ഓവറില്‍ ആറു വിക്കറ്റിന് 207 റണ്‍സെടുത്തു. മുംബൈ 19 ഓവറില്‍ 104 റണ്‍സിന് ഓള്‍ ഔട്ടായി. പുറത്താകാതെ 54 പന്തില്‍ 101 റണ്‍സ് നേടിയ ചെന്നൈയുടെ ഓപ്പണറും വിക്കറ്റ് കീപ്പറുമായ സഞ്ജു സാംസണ്‍ ആണ് മാന്‍ ഓഫ് ദ മാച്ച്. ചെന്നൈ നിരയില്‍ 25 റണ്‍സ് കടന്ന ഏക ബാറ്ററും സഞ്ജുവായിരുന്നു. മുംബൈയ്ക്ക് വേണ്ടി അല്ലാ ഗസന്‍ഫറും, അശ്വനി കുമാറും രണ്ട് വിക്കറ്റ് വീതം വീഴ്ത്തി.

ചെന്നൈ നിരയില്‍ ഒരു ബാറ്റര്‍ക്ക് പോലും പോരാടാനായില്ല. 29 പന്തില്‍ 37 റണ്‍സെടുത്ത തിലക് വര്‍മയാണ് ടോപ് സ്‌കോറര്‍. സൂര്യകുമാര്‍ യാദവ് 30 പന്തില്‍ 36 റണ്‍സെടുത്തു. മറ്റ് ബാറ്റര്‍മാരെല്ലാം ഒറ്റയക്കത്തിന് പുറത്തായി. ഇമ്പാക്ട് പ്ലയറായെത്തി നാലു വിക്കറ്റ് പിഴുത അക്കീല്‍ ഹുസൈന്‍ ചെന്നൈയ്ക്കായി ബൗളിങില്‍ തിളങ്ങി. ഒരു മെയ്ഡന്‍ സഹിതമായിരുന്നു അക്കീലിന്റെ പ്രകടനം.

മുംബൈ: വാങ്കഡെയില്‍ മുംബൈ ഇന്ത്യന്‍സിനെതിരെ നേടിയ സെഞ്ചുറിയോടെ ഐപിഎല്‍ 2026-ലെ ഓറഞ്ച് ക്യാപിനുള്ള പോരാട്ടത്തില്‍ മൂന്നാമതെത്തി ചെന്നൈ സൂപ്പര്‍ കിങ്‌സിന്റെ സഞ്ജു സാംസണ്‍. ഏഴു മത്സരങ്ങളില്‍ നിന്ന് 293 റണ്‍സാണ് സഞ്ജു ഇതുവരെ നേടിയത്. 323 റണ്‍സുമായി അഭിഷേക് ശര്‍മയാണ് ഒന്നാമത്. 320 റണ്‍സുമായി ഹെൻറിച്ച് ക്ലാസ്സെൻ രണ്ടാമതുണ്ട്. ഇരുവരും സണ്‍റൈസേഴ്‌സ് ഹൈദരാബാദ് താരങ്ങളാണ്.

58.60 ആണ് ഈ സീസണില്‍ ഇതുവരെയുള്ള സഞ്ജുവിന്റെ ആവറേജ്. സ്‌ട്രൈക്ക് റേറ്റ് 178.65. ഡല്‍ഹി ക്യാപിറ്റല്‍സിനെതിരെ പുറത്താകാതെ നേടിയ 115 റണ്‍സാണ് ഈ ഐപിഎല്ലില്‍ സഞ്ജുവിന്റെ ഉയര്‍ന്ന വ്യക്തിഗത സ്‌കോര്‍. 31 ഫോറും, 15 സിക്‌സും താരം ഈ ഏഴു മത്സരങ്ങളില്‍ അടിച്ചുകൂട്ടി.

ആദ്യ മൂന്ന് മത്സരങ്ങളിലും രണ്ടക്കം പോലും കടക്കാന്‍ സാധിക്കാത്ത താരമാണ് ഓറഞ്ച് ക്യാപിനുള്ള പോരാട്ടത്തില്‍ മൂന്നാമതെത്തിയത്. ഈ സീസണിലെ ആദ്യ സെഞ്ചുറി നേടിയത് സഞ്ജുവായിരുന്നു. ഐപിഎല്‍ 2026-ല്‍ ഇതുവരെ രണ്ട് സെഞ്ചുറികള്‍ നേടിയ ഏക താരവും സഞ്ജു തന്നെ.

ഓറഞ്ച് ക്യാപ് ടോപ് 10

1. അഭിഷേക് ശർമ്മ - സണ്‍റൈസേഴ്‌സ് ഹൈദരാബാദ്‌
2. ഹെൻറിച്ച് ക്ലാസ്സെൻ - സണ്‍റൈസേഴ്‌സ് ഹൈദരാബാദ്‌
3. സഞ്ജു സാംസൺ - ചെന്നൈ സൂപ്പര്‍ കിങ്‌സ്‌
4. ശുഭ്മാൻ ഗിൽ - ഗുജറാത്ത് ടൈറ്റന്‍സ്‌
5. വൈഭവ് സൂര്യവംശി - രാജസ്ഥാന്‍ റോയല്‍സ്‌
6. വിരാട് കോഹ്ലി - റോയല്‍ ചലഞ്ചേഴ്‌സ് ബെംഗളൂരു
7. യശ്വസി ജയ്‌സ്വാള്‍ - രാജസ്ഥാന്‍ റോയല്‍സ്‌
8. ഇഷാൻ കിഷൻ - സണ്‍റൈസേഴ്‌സ് ഹൈദരാബാദ്‌
9. രജത് പാട്ടിദാർ - റോയല്‍ ചലഞ്ചേഴ്‌സ് ബെംഗളൂരു
10. കൂപ്പർ കനോലി - പഞ്ചാബ് കിങ്‌സ്‌

Also Read: Ravindra Jadeja: ഈ അവാര്‍ഡ് ഗുജറാത്തിലെ വിദ്യാഭ്യാസ മന്ത്രിക്ക് സമര്‍പ്പിക്കുന്നു; ‘പ്ലെയര്‍ ഓഫ് ദ മാച്ച്’ പുരസ്‌കാരം ഭാര്യയ്ക്ക് നല്‍കി ജഡേജ

റെക്കോഡുകളും തൂക്കി

മുംബൈ ഇന്ത്യന്‍സിനെതിരായ സെഞ്ചുറിയോടെ ചില റെക്കോഡുകളും സഞ്ജു സ്വന്തം പേരില്‍ ചേര്‍ത്തു. ഐപിഎൽ ചരിത്രത്തിൽ മുംബൈ ഇന്ത്യൻസിനെതിരെ സെഞ്ച്വറി നേടുന്ന ആദ്യ സിഎസ്‌കെ ബാറ്ററായി സഞ്ജു മാറി. മുംബൈയ്‌ക്കെതിരെ സി‌എസ്‌കെ ബാറ്ററുടെ ഇതുവരെയുള്ള ഉയർന്ന വ്യക്തിഗത സ്‌കോർ റുതുരാജ് ഗെയ്ക്‌വാദിന്റെ 88 ആയിരുന്നു.

സഞ്ജുവിനെ അഭിനന്ദിക്കുന്ന മുംബൈ താരങ്ങള്‍

Appreciation all around for a special knock 💙💛

Sanju Samson 🤝 Respect 🫡 #TATAIPL | #KhelBindaas | #MIvCSK | @ChennaiIPL pic.twitter.com/eS0u6dxRGi

— IndianPremierLeague (@IPL) April 23, 2026

സി‌എസ്‌കെയ്‌ക്കായി ഒരു ഐ‌പി‌എൽ പതിപ്പിൽ രണ്ട് സെഞ്ചുറികള്‍ നേടുന്ന ആദ്യ ഇന്ത്യക്കാരനും സഞ്ജുവാണ്. ഐപിഎല്ലില്‍ ഏറ്റവും കൂടുതല്‍ സെഞ്ചുറികള്‍ നേടുന്ന നാലാമത്തെ താരമായും സഞ്ജു മാറി. അഞ്ച് സെഞ്ചുറികള്‍ നേടിയ കെഎല്‍ രാഹുലിനൊപ്പം സഞ്ജു ഈ നേട്ടം പങ്കിടുന്നു. എട്ട് സെഞ്ചുറികള്‍ നേടിയ വിരാട് കോഹ്ലിയാണ് ഒന്നാമത്. ഏഴു സെഞ്ചുറികളുമായി ജോസ് ബട്ട്‌ലര്‍ രണ്ടാമതും, ആറു സെഞ്ചുറികളുമായി ക്രിസ് ഗെയില്‍ മൂന്നാമതുമുണ്ട്. ഒരു ഐപിഎൽ സീസണിൽ രണ്ട് സെഞ്ച്വറികൾ നേടിയ താരങ്ങളുടെ എലൈറ്റ് പട്ടികയിലും ഇനി മുതല്‍ സഞ്ജുവുണ്ട്.

മുംബൈയ്‌ക്കെതിരായ പ്രകടനം

മുംബൈയ്‌ക്കെതിരെ പുറത്താകാതെ 54 പന്തില്‍ 101 റണ്‍സാണ് സഞ്ജു നേടിയത്. 10 ഫോറും, ആറു സിക്‌സറും നേടി. വിക്കറ്റുകള്‍ ഒരുവശത്ത് കൊഴിയുമ്പോഴും സഞ്ജു പാറപോലെ ഉറച്ചുനിന്നു. മോശം പന്തുകള്‍ മാത്രം തിരഞ്ഞുപിടിച്ച് ശിക്ഷിച്ചു. അവസാന പന്തിലാണ് സഞ്ജു സെഞ്ചുറി നേടിയത്. ക്രിഷ് ഭഗത് എറിഞ്ഞ അവസാന പന്ത് ബൗണ്ടറി കടത്തിയാണ് താരം സെഞ്ചുറി നേട്ടം പൂര്‍ത്തിയാക്കിയത്.

മുംബൈ :  ഐപിഎല്ലിൽ ചെന്നൈ സൂപ്പർ കിങ്സ് മുംബൈ ഇന്ത്യൻസ് മത്സരത്തിൽ മലയാളി താരം സഞ്ജു സാംസണിന് സെഞ്ചുറി. സീസണിലെ സഞ്ജു സാംസണിൻ്റെ രണ്ടാമത്തെ സെഞ്ചുറി നേട്ടമാണിത്. ചെന്നൈ സൂപ്പർ കിങ്സ് ഇന്നിങ്സിൻ്റെ അവസാന പന്തിലാണ് സഞ്ജു തൻ്റെ സെഞ്ചുറി നേട്ടം സ്വന്തമാക്കുന്നത്. ഇന്നിങ്സിലെ ആദ്യ പന്തും അവസാനം പന്തും സഞ്ജു തന്നെയാണ് നേരിട്ടത്.  54 പന്തിൽ പത്ത് ബൗണ്ടറിയും ആറ് സിക്സറുകളുടെയും അകമ്പടിയോടെയാണ് സഞ്ജുവിൻ്റെ സീസണിലെ രണ്ടാമത്തെ സെഞ്ചുറി നേട്ടം. ഓസ്ട്രേലിയയുടെ ഷെയ്ൻ വാറ്റ്സണിന് ശേഷം ഐപിഎല്ലിൽ ഒരു സീസണിൽ രണ്ട് തവണ സെഞ്ചുറി നേടുന്ന രണ്ടമത്തെ താരമാണ് സഞ്ജു സാംസൺ.

മികച്ച തുടക്കമിട്ട് സഞ്ജുവും ഗെയ്ക്വാദും

മത്സരത്തിൽ ടോസ് നഷ്ടപ്പെട്ട് ചെന്നൈ സൂപ്പർ കിങ്സ് ആദ്യം ബാറ്റ് ചെയ്യുകയായിരുന്നു. സഞ്ജുവും ക്യാപ്റ്റൻ റുതുരാജ് ഗെയ്ക്വാദും ചേർന്ന് മികച്ച തുടക്കമാണ് ചെന്നൈക്ക് നൽകിയത്. സ്റ്റാർ പേസർ ജസ്പ്രിത് ബുമ്രയെയും മുംബൈ ക്യാപ്റ്റൻ ഹാർദിക് പാണ്ഡ്യയെയും സഞ്ജുവും ഗെയ്ക്വാദും നിലം തൊടിയിച്ചില്ല. പവർപ്ലേയിൽ തന്നെ ചെന്നൈയുടെ സ്കോർ ബോർഡ് 70ലേക്ക് എത്തി. എന്നാൽ ഗെയ്ക്വാദ് പുറത്തായതോടെ ഒരു വശത്ത് ചെന്നൈയുടെ വിക്കറ്റുകൾ കൊഴിഞ്ഞു പോകാൻ തുടങ്ങിയിരുന്നു.  എന്നാൽ സഞ്ജു സാംസൺ ഒരറ്റത്ത് പിടിച്ച് ടീമിനെ മികച്ച സ്കോർ ബോഡിലേക്ക് നയിക്കുകയായിരുന്നു.

ALSO READ : Nandre Burger: മൊട കണ്ടാല്‍ ഇടപെടും ബര്‍ഗറേ! അമ്മാതിരി വര്‍ത്തമാനം ഇനി വേണ്ട; റോയല്‍സ് പേസര്‍ക്ക് ശിക്ഷ

പ്രതിരോധത്തിന് പ്രതിരോധം ആക്രമണത്തിന് ആക്രമണം

പ്രതിരോധം വേണ്ടിടത്ത് പ്രതിരോധവും ആക്രമിച്ച കളിക്കേണ്ട ഇടങ്ങളിൽ ആക്രമിച്ചും കളിച്ചാണ് സഞ്ജു മത്സരം തൻ്റെ കൈകളിലേക്കെത്തിച്ചത്. പേസർമാർക്കും സ്പിന്നർമാർക്കും ഓരേ പോലെയാണ് സഞ്ജുവിൻ്റെ പ്രഹരം ലഭിച്ചത്. അവസാന ഓവറിൽ സെഞ്ചുറി തികയ്ക്കാൻ സഞ്ജുവിന് വേണ്ടിയരുന്നത് 15 റൺസായിരുന്നു. യുവതാരം കൃഷ് ഭഗത്തിനെ രണ്ട് സിക്സറും ഒരു ബൗണ്ടറിയും പായിച്ചാണ് സഞ്ജു സീസണിലെ രണ്ടാം സെഞ്ചുറി സ്വന്തമാക്കിയത്. മലയാളി താരം നേടിയ സെഞ്ചുറിയുടെ മികവിൽ മാത്രമാണ് ചെന്നൈയുടെ സ്കോർ ബോർഡ് 200 കടന്നത്. നിശ്ചിത ഓവറിൽ ആറ് വിക്കറ്റ് നഷ്ടത്തിൽ ചെന്നൈ സൂപ്പർ കിങ്സ് 207 റൺസെടുക്കുകയായിരുന്നു. ഇതിന് മുമ്പ് ഡൽഹി ക്യാപിറ്റൽസിനെതിരെയുള്ള മത്സരത്തിലാണ് ഈ സീസണിൽ സെഞ്ചുറി സ്വന്തമാക്കിയത്. അന്ന് 56 പന്തിൽ 115 റൺസെടുത്ത സഞ്ജു പുറത്താകാതെ നിന്നു.

ലഖ്‌നൗ: ലഖ്‌നൗ സൂപ്പര്‍ ജയന്റ്‌സിനെതിരായ മത്സരത്തില്‍ രാജസ്ഥാന്‍ റോയല്‍സിന്റെ രവീന്ദ്ര ജഡേജയായിരുന്നു 'പ്ലെയര്‍ ഓഫ് ദ മാച്ച്'. 40 റണ്‍സിനായിരുന്നു രാജസ്ഥാന്റെ ജയം. ആദ്യം ബാറ്റു ചെയ്ത രാജസ്ഥാന്‍ 20 ഓവറില്‍ ആറു വിക്കറ്റ് നഷ്ടത്തില്‍ 159 റണ്‍സ് നേടി. ലഖ്‌നൗവിന്റെ മറുപടി 18 ഓവറില്‍ 119 റണ്‍സിന് അവസാനിച്ചു. ബൗളര്‍മാര്‍ അരങ്ങുവാണ ലഖ്‌നൗവിലെ പിച്ചില്‍ ഇരുടീമുകളിലെയും ബാറ്റര്‍മാര്‍ നിരാശപ്പെടുത്തി.

41 പന്തില്‍ 55 റണ്‍സ് നേടിയ ലഖ്‌നൗവിന്റെ മിച്ചല്‍ മാര്‍ഷും, പുറത്താകാതെ 29 പന്തില്‍ 43 റണ്‍സ് നേടിയ ജഡേജയും മാത്രമാണ് ചെറുത്തുനിന്നത്. മത്സരത്തില്‍ ഓള്‍ റൗണ്ട് മികവാണ് ജഡേജ പുറത്തെടുത്തത്. രണ്ട് ഫോറും ഒരു സിക്‌സും അടങ്ങുന്നതായിരുന്നു ജഡേജയുടെ ബാറ്റിങ്.

നാലോവര്‍ എറിഞ്ഞ താരം 29 റണ്‍സ് വിട്ടുകൊടുത്ത് ഒരു വിക്കറ്റും സ്വന്തമാക്കി. 25 പന്തില്‍ 22 റണ്‍സെടുത്ത നിക്കോളാസ് പൂരന്റെ വിക്കറ്റാണ് ജഡേജ നേടിയത്. ജഡേജയുടെ പന്തില്‍ ഡൊനോവന്‍ ഫെരേരയ്ക്ക് ക്യാച്ച് നല്‍കിയാണ് പൂരന്‍ ഔട്ടായത്.

ജഡേജ വിക്കറ്റ് സ്വന്തമാക്കുന്നു

Rockstar player, rockstar performance 🎸🔥@imjadeja delivers an all-round masterclass to win his 1st player of the match award for Rajasthan Royals in #TATAIPL. 🩷#TATAIPL #LSGvRR pic.twitter.com/EeQtxbuTl3

— Star Sports (@StarSportsIndia) April 22, 2026

പുരസ്‌കാരം ഭാര്യയ്ക്ക് സമര്‍പ്പിച്ചു

തനിക്ക് ലഭിച്ച പ്ലെയര്‍ ഓഫ് ദ പുരസ്‌കാരം തന്റെ ഭാര്യ റിവാബയ്ക്ക് സമര്‍പ്പിക്കുന്നുവെന്ന് ജഡേജ പറഞ്ഞു. ഗുജറാത്തിലെ വിദ്യാഭ്യാസ മന്ത്രിയാണ് റിവാബ. രണ്ട് വര്‍ഷത്തിനിടെ ജഡേജയ്ക്ക് ലഭിച്ച ആദ്യ ഐപിഎല്‍ പ്ലെയര്‍ ഓഫ് ദ മാച്ച് പുരസ്‌കാരമായിരുന്നു ഇത്. മത്സരശേഷം ജഡേജ പറഞ്ഞത് ഇങ്ങനെ:

"മാന്‍ ഓഫ് ദ മാച്ച് കിട്ടിയതില്‍ സന്തോഷം. ഈ അവാർഡ് ഗുജറാത്തിലെ വിദ്യാഭ്യാസ മന്ത്രിക്ക് സമർപ്പിക്കാൻ ഞാൻ ആഗ്രഹിക്കുന്നു. ഞാൻ നന്നായി കളിക്കുമെന്ന് ഇന്നലെ റിവാബ പറഞ്ഞിരുന്നു. അതുപോലെ സംഭവിച്ചു. പന്ത് സീമും, സ്വിങിങും ചെയ്തതിനാല്‍ ഈ വിക്കറ്റില്‍ ബാറ്റ് ചെയ്യുന്നത് എളുപ്പമായിരുന്നില്ല. എനിക്ക് കഴിയുന്നിടത്തോളം സമയം കളിക്കാൻ ഞാൻ ആഗ്രഹിച്ചു," മത്സരത്തിന് ശേഷം നടന്ന പ്രസന്റേഷന്‍ സെറിമണിയില്‍ ജഡേജ പറഞ്ഞു.

Also Read: Nandre Burger: മൊട കണ്ടാല്‍ ഇടപെടും ബര്‍ഗറേ! അമ്മാതിരി വര്‍ത്തമാനം ഇനി വേണ്ട; റോയല്‍സ് പേസര്‍ക്ക് ശിക്ഷ

റോയല്‍സിലേക്കുള്ള തിരിച്ചുവരവ്‌

ചെന്നൈ സൂപ്പര്‍ കിങ്‌സില്‍ നിന്ന് രാജസ്ഥാന്‍ റോയല്‍സില്‍ എത്തിയതിന് ശേഷം ജഡേജ സ്വന്തമാക്കുന്ന ആദ്യ പ്ലെയര്‍ ഓഫ് ദ പുരസ്‌കാരമായിരുന്നു ഇത്. റോയല്‍സില്‍ നിന്ന് സഞ്ജു സാംസണെ സ്വന്തമാക്കുന്നതിന് പകരമാണ് ജഡേജയെയും, സാം കറനെയും ചെന്നൈ വിട്ടുകൊടുത്തത്. എന്നാല്‍ പരിക്കേറ്റ സാം കറന് ഈ സീസണില്‍ കളിക്കാനായില്ല.

രാജസ്ഥാന്‍ റോയല്‍സിലൂടെയാണ് ജഡേജ തന്റെ ഐപിഎല്‍ കരിയര്‍ ആരംഭിച്ചത്. തുടര്‍ന്ന് കൊച്ചി ടസ്‌കേഴ്‌സിലെത്തി. ഗുജറാത്ത് ലയന്‍സിനു വേണ്ടിയും കളിച്ചിട്ടുണ്ട്.

റിവാബ ജഡേജ

2016-ലാണ് റിവാബയും ജഡേജയും വിവാഹിതരായത്. പിന്നീട് രാഷ്ട്രീയത്തില്‍ പ്രവേശിച്ച റിവാ 2022 ഡിസംബറില്‍ ബിജെപി ടിക്കറ്റില്‍ ജാംനഗര്‍ നോര്‍ത്തില്‍ മത്സരിക്കുകയും ജയിക്കുകയും ചെയ്തു. 2025 ഒക്ടോബര്‍ 17-ലാണ്‌ ഭൂപേന്ദ്രബായ് പട്ടേല്‍ മന്ത്രിസഭയില്‍ വിദ്യാഭ്യാസമന്ത്രിയായി ചുമതലയേറ്റത്. റിവാബ-ജഡേജ ദമ്പതികള്‍ക്ക് നിധ്യാന എന്നൊരു മകളുണ്ട്.

ലഖ്‌നൗ: ലഖ്‌നൗ സൂപ്പര്‍ ജയന്റ്‌സിനെതിരായ മത്സരത്തിലെ മോശം പ്രകടനത്തെ തുടര്‍ന്ന് രാജസ്ഥാന്‍ റോയല്‍സ് പേസര്‍ നാന്ദ്രെ ബര്‍ഗര്‍ക്ക് പിഴശിക്ഷ. 'കോഡ് ഓഫ് കണ്ടക്ട്' ലംഘിച്ചെന്നാണ് ബര്‍ഗര്‍ക്ക് മേല്‍ ആരോപിക്കപ്പെട്ട കുറ്റം. താരം ചെയ്ത തെറ്റ് എന്താണെന്ന് ഐപിഎല്‍ അധികൃതര്‍ വ്യക്തമാക്കിയിട്ടില്ല. ലഖ്‌നൗവിനെതിരെ ബര്‍ഗര്‍ രണ്ട് വിക്കറ്റുകള്‍ പിഴുതിരുന്നു. ലഖ്‌നൗവിന്റെ ഓപ്പണറും ടോപ് സ്‌കോററുമായ മിച്ചല്‍ മാര്‍ഷിനെയും (41 പന്തില്‍ 55 റണ്‍സ്), ക്യാപ്റ്റന്‍ ഋഷഭ് പന്തിനെയുമാണ് (മൂന്ന് പന്തില്‍ പൂജ്യം) താരം പുറത്താക്കിയത്.

വിക്കറ്റിനു ശേഷം താരം അമിതമായി ആഹ്ലാദപ്രകടനം നടത്തിയിരുന്നു, പ്രത്യേകിച്ചും പന്ത് പുറത്തായതിനു ശേഷം. പന്തിനെതിരെ മോശം ഭാഷ പ്രയോഗിക്കുകയോ, അല്ലെങ്കില്‍ ആഗ്യം കാണിക്കുകയോ ചെയ്തിരിക്കാമെന്നാണ് സംശയിക്കുന്നത്. മാച്ച് ഫീയുടെ 10 ശതമാനം പിഴയാണ് ബര്‍ഗര്‍ ഒടുക്കേണ്ടത്. ഒപ്പം ഒരു ഡീമെറിറ്റ് പോയിന്റ് കൂടി താരത്തിന് ലഭിച്ചിട്ടുണ്ട്.

ഐപിഎല്‍ ഗവേണിങ് കൗണ്‍സിലിന്റെ പ്രസ്താവന

“ബുധനാഴ്ച ലഖ്‌നൗവിലെ ഭാരത് രത്‌ന ശ്രീ അടല്‍ ബിഹാരി വാജ്‌പേയ് ഏകാന ക്രിക്കറ്റ് സ്റ്റേഡിയത്തില്‍ ലഖ്‌നൗ സൂപ്പര്‍ ജയന്റ്‌സിനെതിരെ (എല്‍എസ്ജി) നടന്ന മത്സരത്തില്‍ ഐപിഎല്‍ കോഡ് ഓഫ് കണ്ടക്ട് ലംഘിച്ചതിന് രാജസ്ഥാന്‍ റോയല്‍സ് (ആര്‍ആര്‍) ബൗളറായ നാന്ദ്രെ ബര്‍ഗര്‍ക്ക് മാച്ച് ഫീസിന്റെ 10 ശതമാനം പിഴ ചുമത്തുകയും, ഒരു ഡീമെറിറ്റ് പോയിന്റ് നല്‍കുകയും ചെയ്തു.

Also Read: Mumbai Indians: ചെന്നൈ ഭയക്കണം; വജ്രായുധമെത്തിച്ച് ഗിയര്‍ മാറ്റി മുംബൈ; രോഹിത് കളിക്കുമോ?

മത്സരത്തിൽ മറ്റൊരു കളിക്കാരനെ അപമാനിക്കുന്നതോ ആക്രമണാത്മക പ്രതികരണത്തിന് കാരണമാകുന്നതോ ആയ ഭാഷ, പ്രവൃത്തികൾ അല്ലെങ്കിൽ ആംഗ്യങ്ങൾ ഉപയോഗിച്ചതിന് ആർട്ടിക്കിൾ 2.5 പ്രകാരം ലെവൽ 1 കുറ്റം ചെയ്തതായി നാന്ദ്രെ ബര്‍ഗര്‍ സമ്മതിക്കുകയും, മാച്ച് റഫറിയുടെ ശിക്ഷ സ്വീകരിക്കുകയും ചെയ്തു. ലെവൽ 1 പെരുമാറ്റച്ചട്ട ലംഘനങ്ങൾക്ക്, മാച്ച് റഫറിയുടെ തീരുമാനം അന്തിമമാണ്‌”.

നിര്‍ണായക വിക്കറ്റ്‌

മത്സരത്തില്‍ ലഖ്‌നൗവിനെ റോയല്‍സ് 100 റണ്‍സിന് തോല്‍പിച്ചിരുന്നു. 160 റണ്‍സ് വിജയലക്ഷ്യം പിന്തുടര്‍ന്ന ലഖ്‌നൗ 18 ഓവറില്‍ 119 റണ്‍സിന് ഓള്‍ ഔട്ടായി. ലഖ്‌നൗവിന്റെ ടോപ് ഓര്‍ഡറിന്റെ തകര്‍ച്ചയ്ക്ക് ആക്കം കൂട്ടിയത് ബര്‍ഗറിന്റെ പ്രകടനമായിരുന്നു. ഒരു മെയിഡന്‍ സഹിതം മൂന്ന് വിക്കറ്റ് വീഴ്ത്തിയ ജോഫ്ര ആര്‍ച്ചറും, രണ്ട് വിക്കറ്റ് വീഴ്ത്തിയ ബ്രിജേഷ് ശര്‍മയും ബര്‍ഗര്‍ക്കൊപ്പം തകര്‍പ്പന്‍ പ്രകടനം പുറത്തെടുത്തു.

റോയല്‍സ് പേസര്‍മാരുടെ പ്രകടനം-വീഡിയോ

Rishabh Pant ✅
Aiden Markram ✅

Just the start @rajasthanroyals wanted with the ball 🩷

Updates ▶️ https://t.co/5SaPY8wfsc#TATAIPL | #KhelBindaas | #LSGvRR pic.twitter.com/A9vVrRyKxE

— IndianPremierLeague (@IPL) April 22, 2026

ബര്‍ഗറുടെ പ്രകടനം

ഈ സീസണില്‍ വളരെ മികച്ച പ്രകടനമാണ് ബര്‍ഗര്‍ പുറത്തെടുക്കുന്നത്. ഏഴു മത്സരങ്ങളില്‍ നിന്ന് എട്ടു വിക്കറ്റുകള്‍ വീഴ്ത്തിയ താരം പര്‍പ്പിള്‍ ക്യാപിനുള്ള പോരാട്ടത്തില്‍ നിലവില്‍ പത്താമതുണ്ട്. ഏഴ് മത്സരങ്ങളില്‍ നിന്ന് 13 വിക്കറ്റുകള്‍ വീഴ്ത്തിയ ലഖ്‌നൗ സൂപ്പര്‍ ജയന്റ്‌സിന്റെ പ്രിന്‍സ് യാദവാണ് നിലവില്‍ ഒന്നാമത്. ആറു മത്സരങ്ങളില്‍ നിന്ന് 13 വിക്കറ്റുകള്‍ സ്വന്തമാക്കിയ ചെന്നൈ സൂപ്പര്‍ കിങ്‌സിന്റെ അന്‍ഷുല്‍ കാംബോജ് തൊട്ടുപിന്നാലെയുണ്ട്.

മുംബൈ: ഗുജറാത്ത് ടൈറ്റന്‍സിനെ 99 റണ്‍സിന് തകര്‍ത്തതിന്റെ ആത്മവിശ്വാസത്തില്‍ മുംബൈ ഇന്ത്യന്‍സ് ഇന്ന് ചെന്നൈ സൂപ്പര്‍ കിങ്‌സിനെ നേരിടും. ഹോം ഗ്രൗണ്ടായ വാങ്കഡെ സ്‌റ്റേഡിയത്തിലാണ് മത്സരം. ടൂര്‍ണമെന്റില്‍ ഇതുവരെ പരിതാപകരമായ പ്രകടനമാണ് ഇരുഫ്രാഞ്ചെസികളും പുറത്തെടുത്തത്. രണ്ട് ടീമുകളും ആറു മത്സരങ്ങള്‍ വീതം കളിച്ചു. രണ്ടെണ്ണത്തില്‍ വീതം ജയിച്ചു. നാലെണ്ണം തോറ്റു.

ഇരുടീമുകള്‍ക്കും നാല് പോയിന്റുകള്‍ വീതമുണ്ടെങ്കിലും റണ്‍ റേറ്റിന്റെ മികവില്‍ മുംബൈ പോയിന്റ് പട്ടികയില്‍ ഏഴാമതാണ്. ചെന്നൈ എട്ടാമതും. വൈകിട്ട് 7.30-നാണ് മത്സരം.

വില്‍ ജാക്ക്‌സ് എത്തി

ഇംഗ്ലണ്ട് ഓള്‍ റൗണ്ടര്‍ വില്‍ ജാക്ക്‌സ് സ്‌ക്വാഡിനൊപ്പം ചേര്‍ന്നത് മുംബൈയുടെ ആത്മവിശ്വാസം വര്‍ധിപ്പിക്കുന്നു. സോഷ്യല്‍ മീഡിയ പോസ്റ്റിലൂടെയാണ് വില്‍ ജാക്ക്‌സ് ടീമിനൊപ്പം ചേര്‍ന്ന കാര്യം മുംബൈ സ്ഥിരീകരിച്ചത്. മുംബൈയെ സംബന്ധിച്ച് വജ്രായുധമാണ് വില്‍ ജാക്ക്‌സ്.

മുംബൈ പങ്കുവെച്ച കുറിപ്പ്‌

Guess who’s back, back again?
Jacks is back, tell a friend! 😉 pic.twitter.com/DnKGM8tGk9

— Mumbai Indians (@mipaltan) April 21, 2026

രാജ്യാന്തര ക്രിക്കറ്റിലെ തിരക്കുകള്‍ മൂലം ഐപിഎല്ലിലെ ആദ്യ പകുതിയില്‍ ജാക്ക്‌സ് മുംബൈ ടീമിനോട് ഇടവേള ആവശ്യപ്പെട്ടിരുന്നു. ടി20 ലോകകപ്പിലടക്കം താരം ഉജ്ജ്വല ഫോമിലായിരുന്നുവെന്നത് മുംബൈയുടെ ആത്മവിശ്വാസം വര്‍ധിപ്പിക്കുന്നുണ്ട്.

ബാറ്റിങില്‍ ഏത് പൊസിഷനിലും പ്രയോജനപ്പെടുത്താമെന്നതാണ് ജാക്ക്‌സിന്റെ പ്രത്യേകത. പാര്‍ട്ട് ടൈം സ്പിന്നര്‍ കൂടിയാണ്. എന്നാല്‍ ഇന്ന് ചെന്നൈയ്‌ക്കെതിരെ ജാക്ക്‌സ് പ്ലേയിങ് ഇലവനിലുണ്ടാകുമോയെന്ന് വ്യക്തമല്ല. ടോസിന് മുമ്പാകും അന്തിമ തീരുമാനം എടുക്കുക.

Also Read: Chennai Super Kings: മുംബൈയ്‌ക്കെതിരെ ധോണി കളിക്കുമോ? സഞ്ജുവിന്റെ വിക്കറ്റ് കീപ്പര്‍ സ്ഥാനം തെറിക്കുമോ?

ആരു പുറത്താകും?

ജാക്ക്‌സ് പ്ലേയിങ് ഇലവനിലെത്തിയാല്‍ ഷെര്‍ഫെയ്ന്‍ റുഥര്‍ഫോര്‍ഡ് പുറത്താകാനാണ് സാധ്യത. മികച്ച ഫോമിലാണെങ്കിലും റുഥര്‍ഫോര്‍ഡിന് പലപ്പോഴും ലോവര്‍ ഓര്‍ഡറിലാണ് അവസരം ലഭിക്കുന്നത്. ഗുജറാത്തിനെതിരെ റുഥര്‍ഫോര്‍ഡ് ഏഴാമതാണ് കളിച്ചത്. അവസാന ഓവറില്‍ മാത്രമാണ് താരത്തിന് ബാറ്റിങിന് അവസരം ലഭിച്ചത്.

റുഥര്‍ഫോര്‍ഡിനെ കൃത്യമായി ഉപയോഗിക്കുന്നില്ലെന്ന് ആരോപിച്ച് മുംബൈ ക്യാപ്റ്റന്‍ ഹാര്‍ദ്ദിക് പാണ്ഡ്യയ്‌ക്കെതിരെ വിമര്‍ശനം ശക്തമാണ്. റുഥര്‍ഫോര്‍ഡിനും മുമ്പ് പാണ്ഡ്യ ബാറ്റിങിന് ഇറങ്ങുന്നതിനെ വിമര്‍ശിച്ച് മുന്‍ താരം മനോജ് തിവാരിയടക്കം രംഗത്തെത്തിയിരുന്നു.

രോഹിത് കളിക്കുമോ?

പരിക്കിനെ തുടര്‍ന്ന് കഴിഞ്ഞ ഏതാനും മത്സരങ്ങളില്‍ നിന്ന് വിട്ടുനില്‍ക്കുന്ന മുന്‍ ക്യാപ്റ്റന്‍ രോഹിത് ശര്‍മ ഇന്ന് കളിക്കുമോയെന്നതില്‍ അവ്യക്തത തുടരുകയാണ്. രോഹിത് കളിക്കുമോ ഇല്ലയോ എന്നതില്‍ ടീം മാനേജ്‌മെന്റ് ഒരു സൂചനയും നല്‍കിയിട്ടില്ല. ടോസിന് മുമ്പാകും രോഹിത് കളിക്കുമോയെന്നതില്‍ അന്തിമ തീരുമാനം എടുക്കുക. താരം ഫിറ്റ്‌നസ് വീണ്ടെടുത്തെന്നാണ് സൂചന. പരിശീലനവും പുനഃരാരംഭിച്ചിരുന്നു.

രോഹിതിന്റെ പരിശീലനം-വീഡിയോ കാണാം

Every cricket fan knows this feeling 😮‍💨 pic.twitter.com/uJZVWZUv2X

— Mumbai Indians (@mipaltan) April 22, 2026

ബുധനാഴ്ച നെറ്റ്‌സില്‍ രോഹിത് ബാറ്റു ചെയ്യുന്നതിന്റെ വീഡിയോ പുറത്തുവന്നിരുന്നു. എന്നാല്‍ നിയന്ത്രിതമായാണ് താരം പരിശീലനം നടത്തിയത്. രോഹിത് കൂടുതലും ത്രോഡൗണുകളാണ് നേരിട്ടതെന്നും, വലിയ ഷോട്ടുകള്‍ ഒഴിവാക്കിയെന്നും ഇഎസ്പിഎന്‍ ക്രിക്ക് ഇന്‍ഫോ സൂചിപ്പിക്കുന്നു. ഈ മാസം 12-ന് ആര്‍സിബിക്കെതിരായ മത്സരത്തിനിടെയാണ് രോഹിതിന് പരിക്കേറ്റത്. 13 പന്തില്‍ 19 റണ്‍സ് എന്ന നിലയില്‍ ബാറ്റു ചെയ്യുന്നതിനിടെ പരിക്കേറ്റതിനെ തുടര്‍ന്ന് താരം റിട്ടയേര്‍ഡ് ഹര്‍ട്ടായി.

IPL 2026 MI vs CSK: ഐപിഎല്ലില്‍ ഇന്ന് മുംബൈ ഇന്ത്യന്‍സിനെതിരെ നടക്കുന്ന മത്സരത്തില്‍ ചെന്നൈ സൂപ്പര്‍ കിങ്‌സിനു വേണ്ടി എംഎസ് ധോണി കളിച്ചേക്കില്ല. സിഎസ്‌കെ ക്യാപ്റ്റന്‍ റുതുരാജ് ഗെയ്ക്‌വാദ് ആണ് ധോണി കളിക്കാന്‍ സാധ്യതയില്ലെന്ന് സൂചന നല്‍കിയത്. മുംബൈയിൽ നടന്ന ഒരു പ്രമോഷണൽ പരിപാടിക്കിടെയാണ് റുതുരാജ് കാര്യങ്ങള്‍ വിശദീകരിച്ചത്. ധോണി ഫിറ്റ്‌നസ് വീണ്ടെടുത്തുവരികയാണെന്ന് റുതുരാജ് പറഞ്ഞു.

പരിശീലന മത്സരത്തിനിടെയാണ് ധോണിക്ക് പരിക്കേറ്റത്. അദ്ദേഹം പതുക്കെ ഫിറ്റ്‌നസ് വീണ്ടെടുക്കുന്നുണ്ട്. അദ്ദേഹം എപ്പോള്‍ കളിക്കുമെന്ന് പറയാനാകില്ല. ചിലപ്പോള്‍ അടുത്ത മത്സരത്തിലാകാം. അല്ലെങ്കില്‍ അതു കഴിഞ്ഞുള്ള മത്സരത്തിലാകാം. പക്ഷേ, അദ്ദേഹം ഉറപ്പായും ഒരു ദിവസം തിരിച്ചെത്തുമെന്നും റുതുരാജ് വ്യക്തമാക്കി.

റുതുരാജ് പറഞ്ഞത്-വീഡിയോ കാണാം

Rutu shares the latest on MSD! 🎙️💛 #WhistlePodu #Yellove @FedEx pic.twitter.com/qCcGVvLQmu

— Chennai Super Kings (@ChennaiIPL) April 22, 2026

ബൗളിങ് കോച്ച് പറയുന്നു

ധോണിയുടെ ഫിറ്റ്നസ് മത്സര ദിവസം മെഡിക്കൽ ടീം വിലയിരുത്തുമെന്ന്‌ ചെന്നൈ സൂപ്പര്‍ കിങ്‌സ്‌ ബൗളിങ് പരിശീലകൻ എറിക് സിമ്മൺസ് പറഞ്ഞു. അന്തിമ തീരുമാനം ധോണിയുടേതായിരിക്കുമെന്നും അദ്ദേഹം വ്യക്തമാക്കി. ധോണി തയ്യാറാണെങ്കിൽ, അദ്ദേഹവും മെഡിക്കൽ സ്റ്റാഫും തീരുമാനമെടുക്കുമെന്നും സിമ്മൺസ് പറയുന്നു.

ആരാധകര്‍ പ്രതീക്ഷയില്‍

എന്നാല്‍ ധോണി സജീവമായി പരിശീലന സെഷനില്‍ പങ്കെടുത്തത് ആരാധകരുടെ പ്രതീക്ഷ വര്‍ധിപ്പിക്കുന്നുണ്ട്. ബാറ്റിങിലും, വിക്കറ്റ് കീപ്പിങിലും ധോണി പരിശീലിച്ചു. സ്വതസിദ്ധമായ ഹെലികോപ്റ്റര്‍ ഷോട്ടടക്കം പരിശീലനത്തില്‍ കളിച്ചു.

Also Read: LSG vs RR: പന്തടക്കം ടോപ് ഓര്‍ഡറിലെ മൂന്ന് പേരും ‘ഡക്ക്’; ബാറ്റിങ് പോരായിരുന്നെന്ന് കുറ്റസമ്മതം; ഗോയങ്കയ്ക്ക് ചിരി

സഞ്ജുവിന്റെ സ്ഥാനം?

ധോണി തിരിച്ചെത്തിയാല്‍ സ്വഭാവികമായും സഞ്ജു സാംസന്റെ വിക്കറ്റ് കീപ്പിങ് സ്ഥാനം നഷ്ടമായേക്കാം. സഞ്ജുവിന് ഫീല്‍ഡിങിലേക്ക് വഴിമാറേണ്ടി വരാം. എന്നാല്‍ തിരിച്ചെത്തിയാലും എല്ലാ മത്സരങ്ങളിലും ധോണി വിക്കറ്റ് കീപ്പറായി കളിക്കാന്‍ സാധ്യതയില്ല. ചില മത്സരങ്ങളില്‍ ഇമ്പാക്ട് പ്ലയറായി മാത്രം കളിക്കാനും സാധ്യതയുണ്ട്. അങ്ങനെ, സംഭവിച്ചാല്‍ സഞ്ജുവിന് വിക്കറ്റ് കീപ്പര്‍ സ്ഥാനം തിരികെ ലഭിക്കും.

അതേസമയം, പരിക്കേറ്റ ആയുഷ് മാത്രെ ടൂര്‍ണമെന്റില്‍ നിന്ന് പുറത്തായത് ചെന്നൈയ്ക്ക് തിരിച്ചടിയാണ്. മാത്രെയ്ക്ക് പകരം ഉര്‍വിള്‍ പട്ടേല്‍ പ്ലേയിങ് ഇലവനിലെത്താനാണ് സാധ്യത. മാത്രെയ്ക്കും, പേസര്‍ ഖലീല്‍ അഹമ്മദിനും പകരക്കാരനെ കണ്ടെത്തേണ്ടി വരും. ഇരുവരുടെയും പകരക്കാരെ ഫ്രാഞ്ചെസി ഇതുവരെ ഔദ്യോഗികമായി പ്രഖ്യാപിച്ചിട്ടില്ല. ആകാശ് മധ്വാൾ, രാജ്‌വർദ്ധൻ ഹംഗാർഗേക്കർ എന്നിവര്‍ ട്രയല്‍സില്‍ പങ്കെടുത്തതായി അഭ്യൂഹമുണ്ട്.

നേരത്തെ പേസര്‍ നഥാന്‍ എല്ലിസും പരിക്കേറ്റ് പുറത്തായിരുന്നു. എല്ലിസിന് പകരം സിഎസ്‌കെ ടീമിലെത്തിച്ച സ്‌പെണ്‍സര്‍ ജോണ്‍സണ്‍ ഇന്നത്തെ മത്സരത്തില്‍ കളിച്ചേക്കും. ക്യാപ്റ്റന്‍ റുതുരാജ് ഗെയ്ക്‌വാദിന്റെ മോശം ബാറ്റിങാണ് ആശങ്ക.

ടൂര്‍ണമെന്റില്‍ ശക്തമായ തിരിച്ചുവരവാണ് ചെന്നൈ ലക്ഷ്യമിടുന്നത്. സണ്‍റൈസേഴ്‌സിനെതിരായ കഴിഞ്ഞ മത്സരത്തില്‍ ചെന്നൈ പരാജയപ്പെട്ടിരുന്നു. നിലവില്‍ ആറു മത്സരങ്ങളില്‍ നിന്ന് രണ്ട് ജയവും, നാല് തോല്‍വിയുമുള്ള ചെന്നൈ പോയിന്റ് ടേബിളില്‍ എട്ടാമതാണ്. ചെന്നൈയ്ക്ക് നാലു പോയിന്റുണ്ട്. ഇന്ന് വൈകിട്ട് 7.30-നാണ് മുംബൈയ്‌ക്കെതിരായ മത്സരം. മുംബൈ വാങ്കഡെ സ്‌റ്റേഡിയത്തിലാണ് മത്സരം.

ലഖ്‌നൗ: ബാറ്റിങിലെ പോരായ്മകള്‍ തങ്ങളെ നിരാശരാക്കുന്നുവെന്ന് തുറന്നുസമ്മതിച്ച് ലഖ്‌നൗ സൂപ്പര്‍ ജയന്റ്‌സ് ക്യാപ്റ്റന്‍ ഋഷഭ് പന്ത്. രാജസ്ഥാന്‍ റോയല്‍സിനെതിരായ മത്സരത്തിലെ തോല്‍വിക്ക് ശേഷമാണ് പന്തിന്റെ കുറ്റസമ്മതം. തനിക്ക് ഉത്തരമില്ലെന്നും, തോല്‍വിയെക്കുറിച്ച് വിശദീകരിക്കാന്‍ പ്രയാസമാണെന്നും അദ്ദേഹം വ്യക്തമാക്കി. പുറത്തുനിന്നല്ല, അകത്തുനിന്നാണ് ഉത്തരങ്ങള്‍ കണ്ടെത്തേണ്ടതെന്നും പന്ത് കൂട്ടിച്ചേര്‍ത്തു.

താനടക്കമുള്ളവര്‍ സമയമെടുത്ത്, കളിയെ കൂടുതല്‍ ആഴത്തില്‍ കൈകാര്യം ചെയ്യണമായിരുന്നു. ഒഴികഴിവുകള്‍ പറയാനില്ല. ഒരു ബാറ്റിങ് ഗ്രൂപ്പ് എന്ന നിലയില്‍ മികച്ച പ്രകടനം നടത്തണമായിരുന്നു. എന്നാല്‍ കാര്യങ്ങള്‍ മാറ്റിമറിക്കാനുള്ള തങ്ങള്‍ക്ക് കരുത്ത് തങ്ങള്‍ക്കുണ്ടെന്നും പന്ത് ശുഭാപ്തി വിശ്വാസം പ്രകടിപ്പിച്ചു.

പരാഗിനും തൃപ്തിയില്ല

വിജയിച്ചെങ്കിലും തങ്ങളുടേത് മികച്ച പ്രകടനമായിരുന്നില്ലെന്ന് രാജസ്ഥാന്‍ റോയല്‍സ് ക്യാപ്റ്റന്‍ റിയാന്‍ പരാഗ് പറഞ്ഞു. ബൗളര്‍മാരായ ജോഫ്ര ആര്‍ച്ചറിനും, നാന്ദ്രെ ബര്‍ഗറിനുമാണ് പരാഗ് വിജയത്തിന്റെ ക്രെഡിറ്റ് കൊടുക്കുന്നത്.

പവർപ്ലേയിൽ മൂന്ന് ഓവറുകൾ വീതം എറിയാൻ കഴിയുന്ന ഇത്രയും ഉയർന്ന നിലവാരമുള്ള ഫാസ്റ്റ് ബൗളർമാരെ ലഭിച്ചതിൽ താന്‍ ഭാഗ്യവാനാണെന്ന് പരാഗ് പറഞ്ഞു. അവരുടെ ലെങ്ത്, ലൈനുകൾ, ഞങ്ങൾ ഫീൽഡ് ചെയ്ത രീതി എന്നിവ മികച്ചതായിരുന്നുവെന്നും പരാഗ് കൂട്ടിച്ചേര്‍ത്തു.

Also Read: Abhishek Sharma: ഒറ്റ സെഞ്ചുറി; ഓറഞ്ച് ക്യാപിനുള്ള പോരാട്ടത്തില്‍ 17-ല്‍ നിന്ന് ഒന്നാമതെത്തി അഭിഷേക്‌

ടോപ് ഓര്‍ഡറിലെ മൂന്നു പേരും ഡക്ക്‌

രാജസ്ഥാന്‍ റോയല്‍സിനെതിരായ മത്സരത്തില്‍ ബാറ്റിങ് നിരയുടെ മങ്ങിയ പ്രകടനമാണ് ലഖ്‌നൗവിന് തിരിച്ചടിയായത്. വെറും 160 റണ്‍സായിരുന്നു വിജയലക്ഷ്യം. എന്നാല്‍ 18 ഓവറില്‍ 119 റണ്‍സിന് ലഖ്‌നൗ ഔള്‍ ഔട്ടായി. ടോപ് ഓര്‍ഡറില്‍ മിച്ചല്‍ മാര്‍ഷ് ഒഴികെയുള്ളവരെല്ലാം ഡക്കായി. ഋഷഭ് പന്ത്, ആയുഷ് ബദോനി, ഐഡന്‍ മര്‍ക്രം എന്നിവരാണ് പൂജ്യത്തിന് പുറത്തായത്. 41 പന്തില്‍ 55 റണ്‍സെടുത്ത മിച്ചല്‍ മാര്‍ഷാണ് ടോപ് സ്‌കോറര്‍.

മറ്റൊരു ബാറ്ററും 30 പോലും കടന്നില്ല. 25 പന്തില്‍ 22 റണ്‍സെടുത്ത നിക്കോളാസ് പൂരനും, 15 പന്തില്‍ 15 റണ്‍സെടുത്ത ഹിമ്മത് സിങുമാണ് മാര്‍ഷിന് പുറമെ രണ്ടക്കം കടന്ന മറ്റ് ലഖ്‌നൗ ബാറ്റര്‍മാര്‍. മുകുല്‍ ചൗധരി-മൂന്ന് പന്തില്‍ ഏഴ്, മുഹമ്മദ് ഷമി-നാലു പന്തില്‍ 6, മയങ്ക് യാദവ്-അഞ്ച് പന്തില്‍ അഞ്ച്, മൊഹ്‌സിന്‍ ഖാന്‍-0, ദിഗ്വേഷ് രഥി-രണ്ട് നോട്ടൗട്ട് എന്നിങ്ങനെയാണ് മറ്റ് ലഖ്‌നൗ ബാറ്റര്‍മാരുടെ സ്‌കോറുകള്‍.

രാജസ്ഥാനു വേണ്ടി ജോഫ്ര ആര്‍ച്ചറും, നാന്ദ്രെ ബര്‍ഗറും, ബ്രിജേഷ് ശര്‍മയും രണ്ട് വിക്കറ്റ് വീതം വീഴ്ത്തി. രവീന്ദ്ര ജഡേജയും, രവി ബിഷ്‌ണോയിയും ഓരോ വിക്കറ്റുകള്‍ പങ്കിട്ടു. രാജസ്ഥാന്റെ എല്ലാ ബൗളര്‍മാരും വിക്കറ്റ് വീഴ്ത്തി.

രാജസ്ഥാന്‍ ബാറ്റര്‍മാര്‍ക്കും കാര്യമായ പ്രകടനം നടത്താന്‍ സാധിച്ചില്ല. പുറത്താകാതെ 29 പന്തില്‍ 43 റണ്‍സ് നേടിയ രവീന്ദ്ര ജഡേജയാണ് ടോപ് സ്‌കോറര്‍. മുഹമ്മദ് ഷമിയും, പ്രിന്‍സ് യാദവും, മൊഹ്‌സിന്‍ ഖാനും ലഖ്‌നൗവിനായി രണ്ട് വിക്കറ്റുകള്‍ വീതം സ്വന്തമാക്കി.

രാജസ്ഥാന്‍ റോയല്‍സിന്റെ ആഹ്ലാദം

A clinical bowling display to defend the lowest total this season 😯@rajasthanroyals get back to winning ways with a 40-run victory 👏

Scorecard ▶️ https://t.co/5SaPY8wfsc#TATAIPL | #KhelBindaas | #LSGvRR pic.twitter.com/xv53u4tQVg

— IndianPremierLeague (@IPL) April 22, 2026

ഗോയങ്കയ്ക്ക് ചിരി

ലഖ്‌നൗ തോല്‍ക്കുന്ന മത്സരങ്ങളില്‍ അസ്വസ്ഥനാകുന്ന ടീം മാനേജര്‍ സഞ്ജീവ് ഗോയങ്കയുടെ മുഖം ആരാധകര്‍ക്ക് സുപരിചിതമാണ്. ഗ്രൗണ്ടില്‍ ക്യാപ്റ്റന്‍ പന്തിനോട് അതൃപ്തിയോടെ സംസാരിക്കുന്നതും പതിവുകാഴ്ചയാണ്. എന്നാല്‍ പതിവില്‍ നിന്നും വിപരീതമായി ഇത്തവണ പുഞ്ചിരിയോടെയാണ ഗോയങ്ക തോല്‍വിയെ നേരിട്ടതും, പന്തിനോട് സംസാരിച്ചതും.

രണ്ട് തവണ ട്വൻ്റി-20 ലോകകപ്പും ചാമ്പ്യൻസ് ട്രോഫിയും സ്വന്തമാക്കിയ രോഹിത് ശർമയ്ക്ക് ഏകദിന ലോകകപ്പിൽ മാത്രം മുത്തമിടാൻ സാധിച്ചിട്ടില്ല. 2023 ലോകകപ്പിൽ രോഹിത് ശർമയ നയിച്ച ഇന്ത്യൻ ടീം ഏകദിന ലോകകപ്പിൻ്റെ ഫൈനലിൽ എത്തിയെങ്കിലും ഓസ്ട്രേലിയയോട് തോറ്റ് ആ അവസരവും രോഹിത്തിന് നഷ്ടമായി. ഇനി അടുത്ത ലോകകപ്പിന് രോഹിത് ശർമ പങ്കെടുക്കമോ എന്ന കാര്യത്തിൽ സംശയമാണ്.

അങ്ങനെയിരിക്കെയാണ് ഇന്ത്യ നേടിയ ഒരു ലോകകപ്പിൻ്റെ സ്ക്വാഡിൽ നിന്നും രോഹിത് ശർമയെ ഒഴിവാക്കിയത് അവസാന നിമിഷത്തിലാണെന്നുള്ള വാർത്ത പുറത്ത് വരുന്നത്. ബിസിസിഐയുടെ മുൻ മുഖ്യ സെലക്ടറായിരുന്നു കെ ശ്രീകാന്ത് ഒരു അഭിമുഖത്തിലാണ് ഇക്കാര്യം വെളിപ്പെടുത്തിയിരിക്കുന്നത്. ആ തീരുമാനത്തിൽ തനിക്ക് ഇപ്പോഴും സങ്കടം തോന്നാറുണ്ടെന്നും രോഹിത്തിനോട് ക്ഷമ പോലും ചോദിച്ചിട്ടുണ്ടെന്ന് ശ്രീകാന്ത് താൻ നൽകിയ ഒരു പോഡ്കാസ്റ്റിൽ വ്യക്തമാക്കി.

ALSO READ : SRH vs DC: അഭിഷേക് അടിച്ചോടിച്ചു, മലിംഗ എറിഞ്ഞുവീഴ്ത്തി; ഡല്‍ഹിയെ തവിടുപൊടിയാക്കി സണ്‍റൈസേഴ്‌സ്‌

2011ൽ എം എസ് ധോണിയുടെ നേതൃത്വത്തിൽ ഇന്ത്യ ഉയർത്തിയ ലോകകപ്പ് സ്ക്വാഡിലേക്കാണ് രോഹത്ത് നിർഭാഗ്യം കൊണ്ട് ഉൾപ്പെടാതെ പോയത്. ടീമിൽ കൂടുതൽ ഓൾറൗണ്ടർമാരെ ഉൾപ്പെടുത്താനുള്ള മറ്റ് സെല്കടർമാരുടെ തീരുമാനത്തെ തുടർന്നാണ് രോഹിത്ത് 2011 ലോകകപ്പിനുള്ള ഇന്ത്യ സ്ക്വാഡിൽ ഉൾപ്പെടാതെ പോയത്. 1983 ലോകകപ്പ് പോലെ ടീമിൽ ബാറ്റിങ്ങും ബോളിങ്ങും ചെയ്യാൻ സാധിക്കുന്ന താരങ്ങൾ കൂടുതൽ ഉൾപ്പെടുത്താനായിരുന്നു സെലക്ഷൻ കമ്മിറ്റിയുടെ തീരുമാനം. അത് തുടർന്നാണ് രോഹിത് ശർമയുടെ പേര് അവസാനം നിമിഷം വെട്ടിയതെന്ന് ശ്രീകാന്ത് പോഡ്കാസ്റ്റിൽ പറഞ്ഞു. ടീമിൽ ഉൾപ്പെടുത്താൻ എല്ലാ യോഗ്യതയും രോഹിത്തനുണ്ടായിരുന്നു. എന്നാൽ നിർഭാഗ്യം കൊണ്ട് മാത്രം രോഹിത്തിന് അത് സാധിച്ചില്ല.

ഏകദിന ലോകകപ്പ് നേട്ടത്തിനായി രോഹിത് ശർമയുടെ മുന്നിൽ ആകെ അവസരം അടുത്ത വർഷം 2027ൽ നടക്കാനിരിക്കുന്ന ലോകകപ്പിലാണ്. നിലവിൽ രോഹിത് ഇന്ത്യയുടെ ഏകദിന ടീമിൽ മാത്രമാണ് ഭാഗമായിട്ടുള്ളത്. 2027 ലോകകപ്പ് ലക്ഷ്യംവെച്ച് വിരാട് കോലിയും രോഹിത്തും ഏകദിനത്തിൽ മാത്രം കേന്ദ്രീകരിച്ചാണ് ഇപ്പോൾ രാജ്യാന്തര ക്രിക്കറ്റിൽ കളിക്കുന്നത്. ബിസിസിഐ അതിനായി അവസരം ഒരുക്കുന്നുമുണ്ട്. ദക്ഷിണാഫ്രിക്ക, സിംബാബ്വെ, നമീബിയ എന്നീ രാജ്യങ്ങൾ സംയുക്തമായിട്ടാണ് 2027 ലോകകപ്പ് സംഘടിപ്പിക്കുക.

ഹൈദരാബാദ്: അഭിഷേക് ശര്‍മയുടെ ബാറ്റിങ് മികവിന്റെയും, ഈഷന്‍ മലിംഗയുടെ ബൗളിങ് കരുത്തിന്റെയും പിന്‍ബലത്തില്‍ ഡല്‍ഹി ഡെയര്‍ഡെവിള്‍സിനെ 47 റണ്‍സിന് തകര്‍ത്ത് സണ്‍റൈസേഴ്‌സ് ഹൈദരാബാദ്: 243 റണ്‍സ് വിജയലക്ഷ്യം പിന്തുടര്‍ന്ന ഡല്‍ഹിയുടെ പോരാട്ടം 195 റണ്‍സില്‍ അവസാനിച്ചു. സ്‌കോര്‍: സണ്‍റൈസേഴ്‌സ് ഹൈദരാബാദ്: 20 ഓവറില്‍ രണ്ട് വിക്കറ്റിന് 242, ഡല്‍ഹി ക്യാപിറ്റല്‍സ്: 20 ഓവറില്‍ ഒമ്പത് വിക്കറ്റിന് 195.

കൂറ്റന്‍ വിജയലക്ഷ്യം പിന്തുടര്‍ന്ന ഡല്‍ഹിക്കു വേണ്ടി 30 പന്തില്‍ 57 റണ്‍സെടുത്ത നിതീഷ് റാണയ്ക്കും, 28 പന്തില്‍ 41 റണ്‍സെടുത്ത സമീര്‍ റിസ്വിക്കും മാത്രമേ പോരാടാന്‍ സാധിച്ചുള്ളൂ. മൂന്നാം ഓവറില്‍ തന്നെ ഓപ്പണര്‍ പഥും നിസങ്കയെ ഡല്‍ഹിക്ക് നഷ്ടമായി. ആറു പന്തില്‍ എട്ടു റണ്‍സെടുത്ത നിസങ്കയെ, അദ്ദേഹത്തിന്റെ സ്വന്തം നാട്ടില്‍ നിന്നുള്ള ദില്‍ഷന്‍ മധുശങ്കയാണ് പുറത്താക്കിയത്.

രക്ഷാപ്രവര്‍ത്തനവും കൂട്ടത്തകര്‍ച്ചയും

രണ്ടാം വിക്കറ്റില്‍ കെഎല്‍ രാഹുലും, റാണയും ഡല്‍ഹിയെ കരകയറ്റാന്‍ ശ്രമിച്ചു. 86 റണ്‍സിന്റെ പാര്‍ട്ണര്‍ഷിപ്പാണ് രണ്ടാം വിക്കറ്റില്‍ ഇരുവരും കെട്ടിപ്പൊക്കിയത്. ഡല്‍ഹിയുടെ സ്‌കോര്‍ബോര്‍ഡ് 100 കടന്നതിന് തൊട്ടുപിന്നാലെ രാഹുലിനെ നഷ്ടമായി. 23 പന്തില്‍ 37 റണ്‍സെടുത്ത രാഹുലിനെ സാക്കിബ് ഹുസൈന്റെ പന്തില്‍ അഭിഷേക് ശര്‍മ ക്യാച്ചെടുത്ത് പുറത്താക്കുകയായിരുന്നു.

രാഹുലിന്റെ വിക്കറ്റിന് പിന്നാലെ ഡല്‍ഹി കൂട്ടത്തകര്‍ച്ച നേരിട്ടു. പത്താം ഓവറിലാണ് രാഹുല്‍ പുറത്തായത്. 11-ാം ഓവറില്‍ നിതീഷ് റാണയെ പുറത്താക്കി ഈഷന്‍ മലിംഗ തന്റെ ആദ്യ വിക്കറ്റ് സ്വന്തമാക്കി. അതേ ഓവറില്‍ തന്നെ ഡേവിഡ് മില്ലറെ ഗോള്‍ഡന്‍ ഡക്കാക്കി മലിംഗ ഡല്‍ഹിയെ പ്രതിരോധത്തിലേക്ക് തള്ളിയിട്ടു.

11-ാം ഓവറിലെ വിക്കറ്റുകള്‍

Twin strikes from #SRH's man-in-form 🧡

Nitish Rana and David Miller fall to Eshan Malinga on 🔙 to 🔙 deliveries! ☝️☝️

Updates ▶️ https://t.co/VgUjXDlrDh#TATAIPL | #KhelBindaas | #SRHvDC | @SunRisers pic.twitter.com/kgmP8W7jTs

— IndianPremierLeague (@IPL) April 21, 2026

ഡല്‍ഹിയുടെ പ്രതീക്ഷയായിരുന്ന ട്രിസ്റ്റണ്‍ സ്റ്റബ്‌സിനെയും വീഴ്ത്തിയത് മലിംഗയായിരുന്നു. 16 പന്തില്‍ 27 റണ്‍സാണ് സ്റ്റബ്‌സ് നേടിയത്. തന്റെ അവസാന പന്തില്‍ ഇമ്പാക്ട് പ്ലയറായെത്തിയ അശുതോഷ് ശര്‍മയെയും പുറത്താക്കിയാണ് മലിംഗ സ്‌പെല്‍ പൂര്‍ത്തിയാക്കിയത്. 10 പന്തില്‍ 14 റണ്‍സായിരുന്നു അശുതോഷിന്റെ സമ്പാദ്യം. നാലോവറില്‍ 32 റണ്‍സ് മാത്രം വിട്ടുകൊടുത്താണ് മലിംഗ നാലു വിക്കറ്റുകള്‍ പിഴുതത്.

20-ാം ഓവറില്‍ മൂന്ന് വിക്കറ്റുകളാണ് ഹാര്‍ഷ് ദുബെ സ്വന്തമാക്കിയത്. റിസ്വി, അക്‌സര്‍ പട്ടേല്‍-മൂന്ന് പന്തില്‍ രണ്ട്, ലുങ്കി എന്‍ഗിഡി-ഗോള്‍ഡന്‍ ഡക്ക് എന്നിവരാണ് അവസാന ഓവറില്‍ ദുബെയ്ക്ക് വിക്കറ്റുകള്‍ സമ്മാനിച്ചത്. കുല്‍ദീപ് യാദവ് റണ്‍സൊന്നുമെടുക്കാതെ പുറത്താകാതെ നിന്നു.

Also Read: Salman Nizar: മാത്രെയ്ക്ക് പകരമായി സല്‍മാന്‍ നിസാറിനെ ഉള്‍പ്പെടുത്തൂ; ചെന്നൈ സൂപ്പര്‍ കിങ്‌സിനോട് ആരാധകര്‍

അഭിഷേകിന്റെ സെഞ്ചുറി അഭിഷേകം

അഭിഷേക് ശര്‍മയുടെ തകര്‍പ്പന്‍ സെഞ്ചുറിയാണ് സണ്‍റൈസേഴ്‌സിന് കൂറ്റന്‍ സ്‌കോര്‍ സമ്മാനിച്ചത്. പുറത്താകാതെ 68 പന്തില്‍ 135 റണ്‍സാണ് അഭിഷേക് നേടിയത്. 10 വീതം ഫോറും സിക്‌സറും താരം പായിച്ചു. ക്രീസിലെത്തിയ നാലു സണ്‍റൈസേഴ്‌സ് ബാറ്റര്‍മാരും ടീമിനായി കാര്യമായ സംഭാവനകള്‍ നല്‍കി.

അഭിഷേക് ശര്‍മ-ട്രാവിസ് ഹെഡ് ഓപ്പണിങ് സഖ്യം 8.5 ഓവറില്‍ 97 റണ്‍സാണ് സണ്‍റൈസേഴ്‌സിന്റെ സ്‌കോര്‍ബോര്‍ഡില്‍ ചേര്‍ത്തത്. എന്നാല്‍ ഇവരെ സെഞ്ചുറി കൂട്ടുക്കെട്ട് സൃഷ്ടിക്കാന്‍ അനുവദിക്കാതെ ഡല്‍ഹിയുടെ ക്യാപ്റ്റന്‍ അക്‌സര്‍ പട്ടേല്‍ ഹെഡിനെ പുറത്താക്കി. 26 പന്തില്‍ 37 റണ്‍സാണ് ഹെഡ് നേടിയത്.

വണ്‍ ഡൗണായി ക്രീസിലെത്തിയ സണ്‍റൈസേഴ്‌സ് ക്യാപ്റ്റന്‍ ഇഷാന്‍ കിഷനും, തകര്‍പ്പനടിക്കുള്ള മൂഡിലായിരുന്നു. എന്നാല്‍ 13 പന്തില്‍ 25 റണ്‍സെടുത്ത് ഫുള്‍ ഫ്‌ളോയിലായിരുന്ന കിഷന്‍ നിര്‍ഭാഗ്യകരമായ ഒരു റണ്ണൗട്ടില്‍ പുറത്തായി.

വിന്റേജ് ക്ലാസണ്‍

പിന്നാലെയായിരുന്നു ഹെയിന്റിച്ച് ക്ലാസന്റെ വരവ്. എല്ലാ മത്സരങ്ങളിലും നന്നായി സ്‌കോര്‍ ചെയ്യുന്നുണ്ടെങ്കിലും, മുന്‍ സീസണുകളിലെ പോലെ മികച്ച സ്‌ട്രൈക്ക് റേറ്റില്‍ തനിക്ക് ബാറ്റു ചെയ്യാനാകുന്നില്ലെന്നുള്ള വിമര്‍ശനങ്ങള്‍ക്ക് മറുപടി നല്‍കുന്നതായിരുന്നു ക്ലാസന്റെ പ്രകടനം. വിന്റേത് ക്ലാസനെ ഓര്‍മിപ്പിക്കുന്ന തരത്തില്‍ താരം തകര്‍പ്പനടികളുമായി കളം നിറഞ്ഞു. 13 പന്തില്‍ 37 റണ്‍സ് നേടിയ ക്ലാസണ്‍ അഭിഷേകിനൊപ്പം പുറത്താകാതെ നിന്നു.

Abhishek Sharma Century: രാജ്യാന്തര ടി20യിലെ ഒന്നാം നമ്പര്‍ ബാറ്ററാണെങ്കിലും, അതിനൊത്ത പ്രകടനം ഐപിഎല്‍ 2026-ല്‍ സണ്‍റൈസേഴ്‌സ് ഹൈദരാബാദിന്റെ ഓപ്പണര്‍ കാഴ്ചവെച്ചിട്ടുണ്ടോയെന്നത് ഡല്‍ഹി ക്യാപിറ്റല്‍സിനെതിരായ മത്സരത്തിന് മുമ്പ് വരെ ആരാധകര്‍ ഉന്നയിച്ച ചോദ്യമായിരുന്നു. എന്നാല്‍ ഡല്‍ഹിക്കെതിരായ മത്സരത്തോടെ എല്ലാ ചോദ്യങ്ങള്‍ക്കും, സംശയങ്ങള്‍ക്കുമുള്ള ഉത്തരം കിട്ടി. തകര്‍പ്പന്‍ സെഞ്ചുറി നേടിയ താരം പുറത്താകാതെ അടിച്ചുകൂട്ടിയത് 135 റണ്‍സുകളാണ്. നേരിട്ടത് 68 പന്തുകളും.

ഡല്‍ഹിക്കെതിരായ മത്സരത്തിന് മുമ്പ് വരെ ഓറഞ്ച് ക്യാപിനുള്ള പോരാട്ടത്തില്‍ സഞ്ജു സാംസണ് തൊട്ടുതാഴെയായിരുന്നു അഭിഷേക്. എന്നാല്‍ ഈ ഒറ്റ മത്സരത്തിലെ പ്രകടനത്തോടെ താരം 17-ാം സ്ഥാനത്തുനിന്ന് ഒന്നാമതെത്തി.

ഏഴു മത്സരങ്ങള്‍, 323 റണ്‍സ്‌

ഏഴു മത്സരങ്ങളില്‍ നിന്ന് 323 റണ്‍സാണ് അഭിഷേക് ഇതുവരെ അടിച്ചുകൂട്ടിയത്. അതും 215.33 സ്‌ട്രൈക്ക് റേറ്റിലായിരുന്നു താരത്തിന്റെ പ്രഹരം. ആവറേജ് 53.83. ഡല്‍ഹിക്കെതിരായ സെഞ്ചുറിക്ക് പുറമെ, ഈ സീസണില്‍ രണ്ട് അര്‍ധ സെഞ്ചുറികളും ഇതുവരെയുള്ള മത്സരങ്ങളില്‍ നിന്ന് താരം നേടിയിട്ടുണ്ട്. ഇതുവരെ പറത്തിയത് 27 സിക്‌സറുകളും, 25 ഫോറുകളും.

ഡല്‍ഹിക്കെതിരായ മത്സരത്തില്‍ 10 വീതം ഫോറുകളും, സിക്‌സറുകളുമാണ് അഭിഷേക് നേടിയത്. 198.53 സ്‌ട്രൈക്ക് റേറ്റിലാണ് ഡല്‍ഹിക്കെതിരെ ബാറ്റുവീശിയത്. 47 പന്തിലാണ് താരം സെഞ്ചുറി തികച്ചത്.

Also Read: Shubman Gill: അമ്പട കേമാ, ഗില്‍ കുട്ടാ! ബാറ്റര്‍മാര്‍ അടപടലമായിട്ടും കുഴപ്പമില്ല; കുറ്റം മുഴുവന്‍ ബൗളര്‍മാര്‍ക്ക്‌

നേട്ടങ്ങളും സ്വന്തം

ഡല്‍ഹിക്കെതിരായ മത്സരത്തിലെ പ്രകടനത്തോടെ ഒന്നിലേറെ നേട്ടങ്ങളും അഭിഷേക് സ്വന്തമാക്കി. ടി20യില്‍ ഏറ്റവും കൂടുതല്‍ തവണ 130-ലധികം സ്‌കോര്‍ നേടുന്ന താരമെന്ന നേട്ടമാണ് അഭിഷേക് സ്വന്തമാക്കിയത്. ഇത് നാലാം തവണയാണ് താരം ടി20യില്‍ 130 പിന്നിടുന്നത്. മുന്‍ വെസ്റ്റ് ഇന്‍ഡീസ് താരം ക്രിസ് ഗെയിലിന്റെയും, മുന്‍ ഓസീസ് താരം ആരോണ്‍ ഫിഞ്ചിന്റെയും റെക്കോഡാണ് മറികടന്നത്.

സെഞ്ചുറി നേടിയ അഭിഷേകിന്റെ ആഘോഷം

Incredible knock, iconic celebration 🙌

An Abhishek Sharma special lights up Hyderabad 💯

Updates ▶️ https://t.co/VgUjXDlrDh#TATAIPL | #KhelBindaas | #SRHvDC | @SunRisers | @OfficialAbhi04 pic.twitter.com/QUWtkWuX0D

— IndianPremierLeague (@IPL) April 21, 2026

50-ല്‍ താഴെ മാത്രം പന്തുകള്‍ നേരിട്ട് ഒന്നിലേറെ തവണ ഐപിഎല്‍ സെഞ്ചുറികള്‍ നേടുന്ന ആദ്യ ഇന്ത്യന്‍ താരം, ടൂര്‍ണമെന്റില്‍ രണ്ട് ഇന്നിങ്‌സുകളില്‍ 10 സിക്‌സറുകള്‍ നേടുന്ന ആദ്യ ഇന്ത്യന്‍ താരം തുടങ്ങിയ നേട്ടങ്ങളും അഭിഷേക് സ്വന്തമാക്കി. 2025-ലെ ഐപിഎല്ലിൽ പഞ്ചാബ് കിംഗ്സിനെതിരെ 55 പന്തിൽ നിന്ന് 141 റൺസ് നേടിയ അഭിഷേക് 10 സിക്‌സറുകള്‍ പറത്തിയിരുന്നു.

ഓറഞ്ച് ക്യാപിനുള്ള പോരാട്ടം

ഓറഞ്ച് ക്യാപിനുള്ള പോരാട്ടത്തില്‍ അഭിഷേക് നിലവില്‍ ഒന്നാമതാണെങ്കിലും, ആ സ്ഥാനം അത്ര സുരക്ഷിതമല്ല. 320 റണ്‍സ് നേടിയ സണ്‍റൈസേഴ്‌സിന്റെ തന്നെ ഹെയിന്റിച്ച് ക്ലാസണ്‍ തൊട്ടുപിന്നാലെയുണ്ട്. 265 റണ്‍സ് നേടിയ ഗുജറാത്ത് ടൈറ്റന്‍സ് ക്യാപ്റ്റന്‍ ശുഭ്മാന്‍ ഗില്ലാണ് നാലാമത്.

വിരാട് കോഹ്ലി-247 റണ്‍സ്, വൈഭവ് സൂര്യവംശി-246 റണ്‍സ്, ഇഷാന്‍ കിഷന്‍-238 റണ്‍സ്, രജത് പട്ടീദാര്‍-230 റണ്‍സ്, കൂപ്പര്‍ കോണോലി-223 റണ്‍സ്, യശ്വസി ജയ്‌സ്വാള്‍-223 റണ്‍സ്, പ്രിയാന്‍ഷ് ആര്യ-211 റണ്‍സ് എന്നിവരാണ് നിലവില്‍ നാലു മുതല്‍ 10 വരെയുള്ള സ്ഥാനങ്ങളിലുള്ളത്. മലയാളി താരം സഞ്ജു സാംസണ്‍ നിലവില്‍ 17-ാമതാണ്. ആറു മത്സരങ്ങളില്‍ നിന്ന് 192 റണ്‍സാണ് സഞ്ജു സാംസണ്‍ ഇതുവരെ നേടിയത്.

അഹമ്മദാബാദ്: മുംബൈ ഇന്ത്യന്‍സിനെതിരെ 99 റണ്‍സിന് തോറ്റതിന് പിന്നാലെ, ബൗളര്‍മാരുടെ പ്രകടനത്തെ വിമര്‍ശിച്ച് ഗുജറാത്ത് ടൈറ്റന്‍സ് ക്യാപ്റ്റന്‍ ശുഭ്മാന്‍ ഗില്‍. 200 റണ്‍സ് വിജയലക്ഷ്യം പിന്തുടര്‍ന്ന ഗുജറാത്ത് 15.5 ഓവറില്‍ 100 റണ്‍സിന് ഓള്‍ ഔട്ടായിരുന്നു. ഗില്ലടക്കമുള്ള ബാറ്റര്‍മാര്‍ നിരാശപ്പെടുത്തി. എന്നിട്ടും ബൗളര്‍മാരെയാണ് ഗില്‍ പഴിക്കുന്നത്. മധ്യ ഓവറുകളില്‍ ബൗളര്‍മാര്‍ ഒരുപാട് റണ്‍സ് വിട്ടുകൊടുത്തെന്നായിരുന്നു ഗില്ലിന്റെ വിമര്‍ശനം.

മധ്യ ഓവറുകളിൽ വളരെയധികം റൺസ് വിട്ടുകൊടുത്തെന്നാണ് താന്‍ കരുതുന്നതെന്ന് മത്സരശേഷം ഗില്‍ പറഞ്ഞു. ഇത്തരമൊരു വിക്കറ്റില്‍ 160-170 സ്‌കോറില്‍ പിടിച്ചുനിര്‍ത്തണമായിരുന്നു. മുംബൈയ്‌ക്കെതിരായ മത്സരത്തില്‍ നിന്ന് തങ്ങള്‍ക്ക് ഒരുപാട് കാര്യങ്ങള്‍ പഠിക്കാനുണ്ടെന്നും ഗുജറാത്ത് ക്യാപ്റ്റന്‍ വ്യക്തമാക്കി.

തിരിച്ചുവരും

ഒരു തോല്‍വി നേരിട്ടു. പക്ഷേ, ഇനിയും മത്സരങ്ങള്‍ മുന്നിലുണ്ട്. വിജയത്തിലേക്ക് തിരിച്ചെത്താനാകുമെന്നാണ് പ്രതീക്ഷയെന്നും ഗില്‍ പറഞ്ഞു. ശരിയായ ഏരിയകളിലേക്ക് പന്തെറിഞ്ഞതായി തോന്നുന്നില്ല. മികച്ച ലെങ്തിലും പന്തെറിഞ്ഞില്ല. മധ്യ ഓവറുകളില്‍ കുറച്ചുകൂടി സ്ഥിരതയോടെ പന്തെറിയാമായിരുന്നുവെന്ന് കരുതുന്നു. പക്ഷേ, അത് തങ്ങള്‍ക്ക് സാധിച്ചില്ലെന്നും ഗില്‍ പറഞ്ഞു. തങ്ങള്‍ ബാറ്റ് ചെയ്തപ്പോള്‍ കുറച്ചുകൂടി മഞ്ഞുവീഴ്ചയുണ്ടായിരുന്നുവെന്ന് താന്‍ കരുതുന്നതായും അദ്ദേഹം കൂട്ടിച്ചേര്‍ത്തു.

മത്സരത്തില്‍ സംഭവിച്ചത്‌

തുടര്‍പരാജയങ്ങളില്‍ വലഞ്ഞ മുംബൈയ്ക്ക് ആശ്വാസമായിരുന്നു ഗുജറാത്തിനെതിരായ തകര്‍പ്പന്‍ വിജയം. ആദ്യം ബാറ്റു ചെയ്ത മുംബൈ സെഞ്ചുറി നേടിയ തിലക് വര്‍മയുടെ തകര്‍പ്പന്‍ ബാറ്റിങിന്റെ പിന്‍ബലത്തിലാണ് 199 റണ്‍സ് അടിച്ചുകൂട്ടിയത്. പുറത്താകാതെ 45 പന്തില്‍ 101 റണ്‍സാണ് തിലക് നേടിയത്. ഏഴ് സിക്‌സറും, എട്ടു ഫോറും തിലക് നേടി.

മുംബൈ താരങ്ങളുടെ ആഹ്ലാദം

A 𝙈𝙄𝘨𝘩𝘵𝘺 win in Ahmedabad!! 👊@mipaltan get back on winning ways with a massive 99-run win 🔥

MATCH HIGHLIGHTS ▶️ https://t.co/cf6MPBi5b2#TATAIPL | #KhelBindaas | #GTvMI pic.twitter.com/RmQQzh0WHQ

— IndianPremierLeague (@IPL) April 20, 2026

മൂന്ന് വിക്കറ്റെടുത്ത കഗിസോ റബാദ ഗുജറാത്തിനായി ബൗളിങില്‍ തിളങ്ങി. തിലകും, 32 പന്തില്‍ 45 റണ്‍സെടുത്ത നമാന്‍ ധിറും ഒഴികെയുള്ള മുംബൈ ബാറ്റര്‍മാര്‍ നിറംമങ്ങി. ക്യാപ്റ്റന്‍ ഹാര്‍ദ്ദിക് പാണ്ഡ്യ-16 പന്തില്‍ 15, സൂര്യകുമാര്‍ യാദവ്-10 പന്തില്‍ 15 തുടങ്ങിയവരെല്ലാം നിരാശപ്പെടുത്തി.

ഗുജറാത്ത് നിരയില്‍ ഒരു ബാറ്റര്‍ക്ക് പോലും 30 കടക്കാനായില്ല. വാഷിങ്ടണ്‍ സുന്ദറായിരുന്നു ടോപ് സ്‌കോറര്‍. 17 പന്തില്‍ 26 റണ്‍സാണ് സുന്ദര്‍ നേടിയത്. ആകെ നാലു ബാറ്റര്‍മാരാണ് ഗുജറാത്ത് നിരയില്‍ രണ്ടക്കം കടന്നത്. ക്യാപ്റ്റന്‍ ശുഭ്മാന്‍ ഗില്‍ 13 പന്തില്‍ 14 റണ്‍സ് നേടി.

Also Read: MI vs GT: വമ്പനടിക്കാരന്‍ റുഥര്‍ഫോര്‍ഡ് ഇറങ്ങുന്നത് ഏഴാമത്; മുംബൈയ്ക്ക് പണിയാകുന്നത് ബോസിന്റെ തല തിരിഞ്ഞ നയങ്ങളോ?

ഇമ്പാക്ട് പ്ലയറായെത്തിയ അശ്വനി കുമാര്‍ നാലു വിക്കറ്റും, മിച്ചല്‍ സാന്റ്‌നറും, അല്ലാ ഗസന്‍ഫര്‍ എന്നിവര്‍ രണ്ട് വിക്കറ്റ് വീതവും സ്വന്തമാക്കി. ജസ്പ്രീത് ബുംറയ്ക്കും, ഹാര്‍ദ്ദിക് പാണ്ഡ്യയ്ക്കും ഓരോ വിക്കറ്റ് വീതം ലഭിച്ചു. സായ് സുദര്‍ശനെ ഗോള്‍ഡന്‍ ഡക്കാക്കിയ ബുംറ ഈ സീസണിലെ തന്റെ ആദ്യ വിക്കറ്റ് സ്വന്തമാക്കി.

പോയിന്റ് ടേബിളില്‍

ഈ വിജയത്തോടെ മുംബൈ പോയിന്റ് ടേബിളില്‍ ഏഴാമതെത്തി. ആറു മത്സരങ്ങളില്‍ നിന്ന് മുംബൈ നേടുന്ന രണ്ടാമത്തെ വിജയമാണിത്. ആറു മത്സരങ്ങളില്‍ നിന്ന് മൂന്ന് ജയമുള്ള ഗുജറാത്ത് ആറാം സ്ഥാനത്താണ്. മുംബൈയ്ക്ക് നാലു പോയിന്റുണ്ട്. ഗുജറാത്തിന് ആറു പോയിന്റും.

ചെന്നൈ: താരങ്ങള്‍ പരിക്കേറ്റ് പുറത്താകുന്നത് ചെന്നൈ സൂപ്പര്‍ കിങ്‌സ് ക്യാമ്പില്‍ തുടര്‍ക്കഥയായിരിക്കുകയാണ്. പേസര്‍മാരായ നഥാന്‍ എല്ലിസ്, ഖലീല്‍ അഹമ്മദ്, ബാറ്റര്‍ ആയുഷ് മാത്രെ എന്നിവരാണ് പുറത്തായത്. നഥാന്‍ എല്ലിസിന് പകരമായി സ്‌പെണ്‍സര്‍ ജോണ്‍സണെ സിഎസ്‌കെ ടീമിലെത്തിച്ചു. എന്നാല്‍ ഖലീലിനും, മാത്രെയ്ക്കും ഇനി പകരക്കാരെ കണ്ടെത്തേണ്ടതുണ്ട്.

ഖലീല്‍ അഹമ്മദിന് പകരം ആകാശ് മധ്‌വാല്‍ സിഎസ്‌കെയിലെത്തിയേക്കുമെന്ന് സൂചനയുണ്ട്. എന്നാല്‍ മാത്രെയ്ക്ക് പകരം ആരെത്തുമെന്നാണ് ചോദ്യം. പകരക്കാരുടെ സ്ഥാനത്തേക്ക് ആരാധകര്‍ അവരുടെ 'ചോയ്‌സുകള്‍' സോഷ്യല്‍ മീഡിയയിലൂടെ പങ്കുവയ്ക്കുന്നുണ്ട്. മലയാളി താരം സല്‍മാന്‍ നിസാറിന്റെ പേരാണ് കൂടുതല്‍ ആരാധകരും പറയുന്നത്.

എന്തുകൊണ്ട് സല്‍മാന്‍?

മാത്രെയ്ക്ക് പകരം പരിഗണിക്കാവുന്ന താരങ്ങളില്‍ സല്‍മാന്‍ അനുയോജ്യമായ ഓപ്ഷനാണെന്നാണ് ആരാധകരുടെ അഭിപ്രായം. ആഭ്യന്തര ക്രിക്കറ്റില്‍ താരം മിന്നും ഫോമിലായിരുന്നു. ഐപിഎല്‍ താരലേലത്തില്‍ ഏതെങ്കിലും ഫ്രാഞ്ചെസി സ്വന്തമാക്കുമെന്ന് ആരാധകര്‍ കരുതിയെങ്കിലും അത് സംഭവിച്ചില്ല.

ആരാധകരുടെ ട്വീറ്റുകള്‍

Why CSK don't have a Proper finisher? Why they never go for Miller? At least they could've tried to get Salman Nizar. So Ruturaj has to take the blame and responsibility of messing up the auction. Don't just blame Fleming for everything. Rutu said he was actively involved https://t.co/Xji8s4Cc2S

— 𝐈𝐧𝐠𝐥𝐨𝐫𝐢𝐨𝐮𝐬 𝐌𝐚𝐥𝐥𝐮 (@IngloriousMallu) April 21, 2026

My Injury Replacement Options To Replace Ayush MhatreAarya Desai
Tushar Raheja
Salman Nizar
Sairaj Patil

— Junaid Khan (@JunaidKhanation) April 21, 2026

Salman Nizar could be a good replacement. Release Mukhesh next year, could be decent for reserves.

— RC (@mezzamorta_7) April 21, 2026

Harshvardhan dalal, salman nizar are better options and if not these then take any good fast bowler as replacement because we have plenty of batsmen

— Ruturaj Gaikwad Nation 👑🏏 (@CSK00000007) April 21, 2026

കഴിഞ്ഞ തവണ സല്‍മാന്‍ ചെന്നൈ സൂപ്പര്‍ കിങ്‌സിന്റെ ട്രയല്‍സില്‍ പങ്കെടുത്തിരുന്നു. അന്ന് സല്‍മാനൊപ്പം ആയുഷ് മാത്രെ, ഉര്‍വിള്‍ പട്ടേല്‍ തുടങ്ങിയവരും ട്രയല്‍സില്‍ പങ്കെടുത്തിരുന്നു. കഴിഞ്ഞ സീസണില്‍ റുതുരാജ് ഗെയ്ക്‌വാദ് പരിക്കേറ്റ് പുറത്തായപ്പോള്‍ പകരക്കാരനായി പരിഗണിച്ചവരില്‍ സല്‍മാനമുണ്ടായിരുന്നു. എന്നാല്‍ അന്ന് മാത്രെയ്ക്കാണ് നറുക്ക് വീണത്. പരിക്കേറ്റ വാന്‍ഷ് ബേദിക്ക് പകരമായി ഉര്‍വിള്‍ പട്ടേലും ചെന്നൈ ടീമിലെത്തി. സല്‍മാന് മാത്രം ഭാഗ്യം തുണച്ചില്ല.

Also Read: MI vs GT: വമ്പനടിക്കാരന്‍ റുഥര്‍ഫോര്‍ഡ് ഇറങ്ങുന്നത് ഏഴാമത്; മുംബൈയ്ക്ക് പണിയാകുന്നത് ബോസിന്റെ തല തിരിഞ്ഞ നയങ്ങളോ?

സല്‍മാന്‍ എത്തുമോ?

കഴിഞ്ഞ തവണ കപ്പിനും ചുണ്ടിനും ഇടയിലാണ് സിഎസ്‌കെയ്ക്ക് കളിക്കാനുള്ള അവസരം സല്‍മാന് നഷ്ടമായത്. ഇത്തവണ സല്‍മാന്‍ ചെന്നൈയിലെത്തണമെന്ന് ആരാധകര്‍ ആഗ്രഹിക്കുന്നുണ്ടെങ്കിലും അത് നടക്കുമോയെന്ന് ഇപ്പോള്‍ പറയാനാകില്ല. സല്‍മാനെ സിഎസ്‌കെ വീണ്ടും ട്രയല്‍സിന് വിളിച്ചതായി സോഷ്യല്‍ മീഡിയയില്‍ പ്രചാരണമുണ്ട്. എന്നാല്‍ ഇതിന് ഔദ്യോഗിക സ്ഥിരീകരണമില്ല.

കഴിഞ്ഞ വര്‍ഷം പരിഗണിച്ചെങ്കിലും, നിലവില്‍ സല്‍മാന്‍ സിഎസ്‌കെയുടെ പരിഗണനയിലുണ്ടോയെന്ന് പോലും വ്യക്തമല്ല. എന്തായാലും, ആയുഷ് മാത്രെയുടെ പകരക്കാരന്‍ ആരായാരിക്കുമെന്ന് അധികം വൈകാതെ തന്നെ വ്യക്തമാകും. മാത്രെയ്ക്ക് കൃത്യമായ ഒരു 'ലൈക്ക് ഫോര്‍ ലൈക്ക്' പകരക്കാരനായി സല്‍മാനെ കാണാനാകില്ല. എന്നാല്‍ സല്‍മാനെ ടീമിലെടുത്താല്‍ അത് സിഎസ്‌കെയുടെ ബാറ്റിങ് നിരയ്ക്ക് ആഴം കൂട്ടുമെന്നതില്‍ സംശയമില്ല.

സിഎസ്‌കെയുടെ ഓപ്ഷന്‍

നിലവില്‍ ആയുഷ് മാത്രയെക്ക് പകരം പരിഗണിക്കാവുന്ന താരങ്ങള്‍ സിഎസ്‌കെയുടെ സ്‌ക്വാഡില്‍ തന്നെയുണ്ട്. അവസരം കാത്തിരിക്കുന്ന ഉര്‍വിള്‍ പട്ടേല്‍ പോലുള്ള താരങ്ങളെ പ്ലേയിങ് ഇലവനില്‍ ഉള്‍പ്പെടുത്തിയാല്‍ മാത്രെയുടെ അഭാവം ഒരുപരിധി വരെ പരിഹരിക്കാനാകും. പക്ഷേ, അതിന് പ്ലേയിങ് ഇലവനില്‍ നേരിയ പൊളിച്ചെഴുത്തുകള്‍ നടത്തണമെന്ന് മാത്രം.

നിലവില്‍ പോയിന്റ് ടേബിളില്‍ എട്ടാമതാണ് ചെന്നൈ സൂപ്പര്‍ കിങ്‌സ്. ആറു മത്സരങ്ങളില്‍ ജയിച്ചത് രണ്ടെണ്ണത്തില്‍ മാത്രം. നാലിലും തോറ്റു. ഇതുവരെ സിഎസ്‌കെ സ്വന്തമാക്കിയത് നാലു പോയിന്റുകള്‍.

ചെന്നൈ: പരിക്കേറ്റ ചെന്നൈ സൂപ്പര്‍ കിങ്‌സ് ബാറ്റര്‍ ആയുഷ് മാത്രെ ഐപിഎല്‍ 2026-ല്‍ ഇനിയുള്ള മത്സരങ്ങളില്‍ കളിക്കില്ല. സണ്‍റൈസേഴ്‌സ് ഹൈദരാബാദിനെതിരായ മത്സരത്തില്‍ ബാറ്റു ചെയ്യുന്നതിനിടെയാണ് 18-കാരന് പരിക്കേറ്റത്. തുടര്‍ന്ന് താരം ക്രീസില്‍ തുടര്‍ന്നെങ്കിലും ഉടന്‍ ഔട്ടായി. താരത്തിന് സുഖം പ്രാപിക്കാന്‍ 6-12 ആഴ്ചത്തെ കാലയളവ് ആവശ്യമാണെന്ന് ചെന്നൈ സൂപ്പര്‍ കിങ്‌സ് അറിയിച്ചു.

ആയുഷ് മാത്രെ പുറത്തായത് ചെന്നൈയ്ക്ക് കനത്ത തിരിച്ചടിയാണ്. ഈ സീസണില്‍ ചെന്നൈയ്ക്കായി സ്ഥിരതയോടെ, മികച്ച പ്രകടനം പുറത്തെടുത്ത താരമാണ് മാത്രെ. വണ്‍ ഡൗണായി ക്രീസിലെത്തുന്ന താരത്തിന്റെ മികച്ച സ്‌ട്രൈക്ക് റേറ്റ് ചെന്നൈയ്ക്ക് കരുത്തായിരുന്നു.

സണ്‍റൈസേഴ്‌സിനെതിരെ സംഭവിച്ചത്‌

സണ്‍റൈസേഴ്‌സിനെതിരായ മത്സരത്തില്‍ ഇമ്പാക്ട് പ്ലയറായാണ് മാത്രെ ബാറ്റിങിന് ഇറങ്ങിയത്. 195 റണ്‍സ് വിജയലക്ഷ്യം പിന്തുടര്‍ന്ന ചെന്നൈയ്ക്ക് രണ്ടാം ഓവറിലെ ആദ്യ പന്തില്‍ തന്നെ സഞ്ജു സാംസണെ നഷ്ടമായിരുന്നു. മൂന്ന് പന്തില്‍ ഏഴു റണ്‍സെടുത്ത സഞ്ജു മടങ്ങുമ്പോള്‍ 15 റണ്‍സായിരുന്നു ചെന്നൈയുടെ സ്‌കോര്‍ബോര്‍ഡിലുണ്ടായിരുന്നത്.

ഈ ഘട്ടത്തിലാണ് മാത്രെ ക്രീസിലെത്തിയത്. തുടക്കം മുതല്‍ താരം തകര്‍പ്പനടികളുമായി കളം നിറഞ്ഞു. ഇതിനിടെയാണ് പരിക്കേറ്റത്. എന്നിട്ടും ക്രീസില്‍ തുടര്‍ന്ന മാത്രെ 13 പന്തില്‍ 30 റണ്‍സെടുത്ത് പുറത്തായി. നിതീഷ് കുമാര്‍ റെഡ്ഡിയുടെ പന്തില്‍ ഹെയിന്റിച്ച് ക്ലാസന് ക്യാച്ച് നല്‍കുകയായിരുന്നു. അഞ്ച് ഫോറും ഒരു സിക്‌സും അടങ്ങുന്നതായിരുന്നു പ്രകടനം. മുടന്തിയാണ് മാത്രെ ഗ്രൗണ്ട് വിട്ടത്.

സിഎസ്‌കെയുടെ അറിയിപ്പ്‌

മാത്രെയുടെ പ്രകടനം

തകര്‍പ്പന്‍ പ്രകടനമാണ് താരം ഈ സീസണില്‍ ഇതുവരെ പുറത്തെടുത്തത്. ഓറഞ്ച് ക്യാപിനുള്ള പോരാട്ടത്തില്‍ നിലവില്‍ 14-ാമതാണ്. ആറു മത്സരങ്ങളില്‍ നിന്ന് 201 റണ്‍സ് നേടി. 33.50 ആണ് ആവറേജ്. 177.87 ആണ് സ്‌ട്രൈക്ക് റേറ്റ്.

Also Read: Khaleel Ahmed: ചെന്നൈ സൂപ്പര്‍ കിങ്‌സിന് കൂനിന്മേല്‍ കുരു; ഖലീല്‍ അഹമ്മദ് പരിക്കേറ്റ് പുറത്ത്‌

ഈ സീസണില്‍ ഇതുവരെ ചെന്നൈയ്ക്കായി ഏറ്റവും കൂടുതല്‍ റണ്‍സ് നേടിയതും മാത്രെയാണ്. ആറു മത്സരങ്ങളില്‍ നിന്ന് 192 റണ്‍സുമായി മലയാളിതാരം സഞ്ജു സാംസണാണ് രണ്ടാമത്. ഓപ്പണറും ക്യാപ്റ്റനുമായ റുതുരാജ് ഗെയ്ക്‌വാദ് ഫോം ഔട്ടിലാണ്. ഈ സാഹചര്യത്തില്‍ മാത്രെ പുറത്തായത് ചെന്നൈയ്ക്ക് കനത്ത തിരിച്ചടിയാണ്. മാത്രെയ്ക്ക് ഇനി പകരക്കാരനെ കണ്ടെത്തേണ്ടി വരും.

പരിക്കുകളില്‍ വലഞ്ഞ് ചെന്നൈ

ഈ സീസണില്‍ ഇത് മൂന്നാമത്തെ ചെന്നൈ താരമാണ് പരിക്ക് മൂലം പുറത്താക്കുന്നത്. ഓസീസ് പേസര്‍ നഥാന്‍ എല്ലിസാണ് ആദ്യം പുറത്തായത്. എല്ലിസിന് പകരം ഓസ്‌ട്രേലിയയില്‍ നിന്ന് തന്നെയുള്ള സ്‌പെണ്‍സര്‍ ജോണ്‍സണെ പകരം ടീമിലെത്തിച്ചിരുന്നു. ടീം ക്യാമ്പില്‍ ചേര്‍ന്ന ജോണ്‍സണ്‍ പരിശീലനം ആരംഭിച്ചിട്ടുണ്ട്.

ഇതിന് പിന്നാലെ പരിക്ക് മൂലം പേസര്‍ ഖലീല്‍ അഹമ്മദും പുറത്തായി. ഖലീലിന് പകരക്കാരനെ ഇതുവരെ കണ്ടെത്തിയിട്ടില്ല. ഇതിന് പിന്നാലെയാണ് മാത്രെയും പുറത്താകുന്നത്. എംഎസ് ധോണി, ഡെവാള്‍ഡ് ബ്രെവിസ് എന്നിവരും പരിക്കിന്റെ പിടിയിലായിരുന്നു. പരിക്ക് മാറിയെത്തിയ ബ്രെവിസ് കഴിഞ്ഞ മത്സരങ്ങളില്‍ കളിക്കുകയും ചെയ്തു. എന്നാല്‍ ധോണി എന്ന് തിരിച്ചെത്തുമെന്ന് ഇപ്പോഴും അവ്യക്തമാണ്.

India vs Ireland: ജൂണ്‍ 26-ന് ആരംഭിക്കുന്ന ഇന്ത്യ-അയര്‍ലന്‍ഡ് ടി20 പരമ്പരയില്‍ സഞ്ജു സാംസണ്‍ കളിച്ചേക്കില്ല. സഞ്ജു ഉള്‍പ്പെടെയുള്ള സീനിയര്‍ താരങ്ങള്‍ക്ക് ബിസിസിഐ വിശ്രമം അനുവദിക്കാനാണ് സാധ്യത. രണ്ട് മത്സരങ്ങളാണ് ഇന്ത്യയുടെ അയര്‍ലന്‍ഡ് പര്യടനത്തിലുള്ളത്. ജൂണ്‍ 26-നും, 28-നുമാണ് മത്സരങ്ങള്‍. അയര്‍ലന്‍ഡ് പര്യടനത്തില്‍ പുതുമുഖങ്ങളെ അണി നിരത്തിയുള്ള ടീമിനെ രംഗത്തിറക്കാനാണ് സാധ്യത.

ഈ വര്‍ഷം സെപ്തംബര്‍, ഒക്ടോബര്‍ മാസങ്ങളില്‍ ഒരേ സമയത്ത് ഇന്ത്യയ്ക്ക് രണ്ട് ടി20 പരമ്പരകളില്‍ കളിക്കേണ്ടതുണ്ട്. വെസ്റ്റ് ഇന്‍ഡീസിനെതിരായ പരമ്പരയും, ഏഷ്യന്‍ ഗെയിംസും. ഇതിനായി ഇന്ത്യയ്ക്ക് രണ്ട് ടീമുകളെയും സജ്ജമാക്കേണ്ടതുണ്ട്.

രണ്ട് ടീമുകള്‍

കഴിഞ്ഞ തവണത്തെപ്പോലെ, ഇത്തവണയും രണ്ടാം നിര ടീമിനെയാകാം ഏഷ്യന്‍ ഗെയിംസിന് അയയ്ക്കുന്നത്. പ്രധാന ടീം വെസ്റ്റ് ഇന്‍ഡീസിനെതിരായ പരമ്പരയില്‍ കളിച്ചേക്കും. ഏതാണ്ട് ഒരേ സമയത്ത് നടക്കുന്ന ഈ രണ്ട് പരമ്പരകള്‍ ലക്ഷ്യമിട്ട്‌ ഇന്ത്യയ്ക്ക് രണ്ട് വ്യത്യസ്ത ടീമുകളെ അണിനിരത്തേണ്ടതുണ്ട്.

ഇതിന്റെ ഭാഗമായി 30-35 താരങ്ങളുടെ പൂളാണ് ടീം ഒരുക്കുന്നത്. ഐപിഎല്‍ 2026-ല്‍ മികച്ച പ്രകടനം പുറത്തെടുത്ത താരങ്ങളെയെല്ലാം പരിഗണിക്കുന്നുണ്ട്. വൈഭവ് സൂര്യവംശി, പ്രിയാൻഷ് ആര്യ, അങ്ക്രീഷ് രഘുവംശി രജത് പട്ടീദർ, ആയുഷ് ബദോണി തുടങ്ങിയവരെല്ലാം പരിഗണനയിലുണ്ട്.

Also Read: Ajit Agarkar: മറ്റാരുണ്ട്, അഗാര്‍ക്കര്‍ അല്ലാതെ! ചീഫ് സെലക്ടര്‍ സ്ഥാനത്തിന് ഇളക്കം തട്ടില്ല? കാലാവധി നീട്ടിനല്‍കിയേക്കും

അയര്‍ലന്‍ഡ് പര്യടനത്തില്‍

പരിഗണിക്കുന്ന പല യുവതാരങ്ങള്‍ക്കും രാജ്യാന്തര ടി20 ക്രിക്കറ്റില്‍ പരിചയസമ്പത്ത് ഇല്ല. ഏഷ്യന്‍ ഗെയിംസിന് മുമ്പ് ഇവര്‍ക്ക് ആവശ്യത്തിന് മത്സരപരിചയമൊരുക്കേണ്ട ഉത്തരവാദിത്തം ബിസിസിഐയ്ക്കുണ്ട്. അയര്‍ലന്‍ഡ് പര്യടനം ഇതിനുള്ള മികച്ച അവസരമായാണ് ബിസിസിഐ വിലയിരുത്തുന്നത്. അതുകൊണ്ട് തന്നെ അയര്‍ലന്‍ഡ് പര്യടനത്തില്‍ യുവതാരങ്ങളെ അണിനിരത്താനാണ് സാധ്യതയേറെയും. അഫ്ഗാനിസ്ഥാനെതിരായ പരമ്പരയിലും ഈ ടീമിനെ കളിപ്പിക്കാനാണ് സാധ്യത.

സഞ്ജുവിന് വിശ്രമം?

സഞ്ജു സാംസണ്‍, സൂര്യകുമാര്‍ യാദവ്, ഹാര്‍ദ്ദിക് പാണ്ഡ്യ തുടങ്ങിയ സീനിയര്‍ താരങ്ങള്‍ തുടര്‍ച്ചയായി ക്രിക്കറ്റ് കളിച്ചുകൊണ്ടിരിക്കുകയാണ്. ഈ വര്‍ഷം ജനുവരി മുതല്‍ ഇന്ത്യയ്ക്ക് തുടര്‍ച്ചയായി ടി20 പരമ്പരകളുണ്ടായിരുന്നു. ജനുവരിയിലായിരുന്നു ന്യൂസിലന്‍ഡിനെതിരായ ടി20 പരമ്പര. ഈ പരമ്പരയ്ക്ക് തൊട്ടുപിന്നാലെ ടി20 ലോകകപ്പ് നടന്നു.

ടി20 ലോകകപ്പ് ഫൈനല്‍

https://www.youtube.com/watch?v=D5L2Esha4Ps

ടി20 ലോകകപ്പില്‍ ഇന്ത്യ കിരീടം നിലനിര്‍ത്തി. ഒപ്പം സഞ്ജു സാംസണ്‍ പ്ലെയര്‍ ഓഫ് ദ ടൂര്‍ണമെന്റുമായി. ടി20 ലോകകപ്പ് അവസാനിച്ചതിന് തൊട്ടുപിന്നാലെ ഐപിഎല്‍ ആരംഭിച്ചു. ഐപിഎല്ലിന് ശേഷം സീനിയര്‍ താരങ്ങള്‍ക്ക് വിശ്രമം അനുവദിക്കാനാണ് സാധ്യത.

ഇംഗ്ലണ്ടിനെതിരായ പരമ്പര

ജൂലൈയില്‍ ഇംഗ്ലണ്ടിനെതിരെ ഇന്ത്യ അഞ്ച് ടി20 പരമ്പര കളിക്കുന്നുണ്ട്. സഞ്ജു ഉള്‍പ്പെടെയുള്ള താരങ്ങള്‍ ഈ പരമ്പരയിലൂടെ തിരിച്ചെത്താനാണ് സാധ്യത. ജൂലൈ ഒന്ന്, നാല്, ഏഴ്, ഒമ്പത്, പതിനൊന്ന് തീയതികളിലാണ് ഇംഗ്ലണ്ടിനെതിരായ അഞ്ച് മത്സരങ്ങളുടെ ടി20 പരമ്പര നടക്കുന്നത്. ജൂലൈയില്‍ സിംബാബ്‌വെയ്‌ക്കെതിരെയും ഇന്ത്യ മൂന്ന് മത്സരങ്ങളുടെ ടി20 പരമ്പര കളിക്കുന്നുണ്ട്. ഈ പരമ്പരയില്‍ യുവതാരങ്ങളെ അണിനിരത്തിയേക്കാം.

അഹമ്മദാബാദ്: തുടര്‍തോല്‍വികളില്‍ വലഞ്ഞ മുംബൈ ഇന്ത്യന്‍സിന് ഒടുവില്‍ ആശ്വാസ ജയം. ഇന്ന് നടന്ന മത്സരത്തില്‍ ഗുജറാത്ത് ടൈറ്റന്‍സിനെ 99 റണ്‍സിന് തോല്‍പിച്ചു. 200 റണ്‍സ് വിജയലക്ഷ്യം പിന്തുടര്‍ന്ന ഗുജറാത്ത് 15.5 ഓവറില്‍ 100 റണ്‍സിന് ഓള്‍ ഔട്ടായി. ഐപിഎല്‍ 2026 സീസണില്‍ മുംബൈ നേടുന്ന രണ്ടാമത്തെ മാത്രം വിജയമാണിത്.

ഗുജറാത്ത് നിരയില്‍ ഒരാള്‍ക്ക് പോലും പോരാടാന്‍ സാധിച്ചില്ല. 17 പന്തില്‍ 26 റണ്‍സെടുത്ത വാഷിങ്ടണ്‍ സുന്ദറാണ് ടോപ് സ്‌കോറര്‍. മറ്റൊരു ബാറ്റര്‍ക്ക് പോലും 20 കടക്കാനായില്ല. ആകെ നാലു ബാറ്റര്‍മാരാണ് രണ്ടക്കം കടന്നത്. ശുഭ്മാന്‍ ഗില്‍-13 പന്തില്‍ 14, ഷാരൂഖ് ഖാന്‍-13 പന്തില്‍ 17, കഗിസോ റബാദ-14 പന്തില്‍ 12 എന്നിവരാണ് സുന്ദറിന് പുറമെ രണ്ടക്കം കടന്നത്.

ബുംറയുടെ ആദ്യ വിക്കറ്റ്‌

തുടക്കം മുതല്‍ ഗുജറാത്ത് തകര്‍ച്ച നേരിട്ടു. ആദ്യ പന്തില്‍ തന്നെ ഓപ്പണര്‍ സായ് സുദര്‍ശന്‍ പുറത്തായി. ജസ്പ്രീത് ബുംറയാണ് സായിയെ ഗോള്‍ഡന്‍ ഡക്കാക്കിയത്. ഈ ഐപിഎല്‍ സീസണില്‍ ബുംറ നേടുന്ന ആദ്യ വിക്കറ്റാണിത്.

തൊട്ടുപിന്നാലെ ജോസ് ബട്ട്‌ലറെ ഹാര്‍ദ്ദിക് പാണ്ഡ്യ എല്‍ബിഡബ്ല്യുവില്‍ കുരുക്കി. ആറു പന്തില്‍ അഞ്ച് റണ്‍സെടുത്താണ് ബട്ട്‌ലര്‍ മടങ്ങിയത്. ഗ്ലെന്‍ ഫിലിപ്‌സ്-എട്ട് പന്തില്‍ 6, രാഹുല്‍ തെവാട്ടിയ-11 പന്തില്‍ എട്ട്, ഷാരൂഖ് ഖാന്‍, റാഷിദ് ഖാന്‍-ആറു പന്തില്‍ നാല്‌ എന്നിവരും വന്ന പോലെ മടങ്ങിയതോടെ ഗുജറാത്ത് തോല്‍വി ഉറപ്പിച്ചു.

Also Read: MI vs GT: വമ്പനടിക്കാരന്‍ റുഥര്‍ഫോര്‍ഡ് ഇറങ്ങുന്നത് ഏഴാമത്; മുംബൈയ്ക്ക് പണിയാകുന്നത് ബോസിന്റെ തല തിരിഞ്ഞ നയങ്ങളോ?

മുഹമ്മദ് സിറാജ്-0, അശോക് ശര്‍മ-1 നോട്ടൗട്ട് എന്നിങ്ങനെയാണ് മറ്റ് ബാറ്റര്‍മാരുടെ പ്രകടനം. മുംബൈയ്ക്ക് വേണ്ടി ഇമ്പാക്ട് പ്ലയറായെത്തിയ അശ്വനി കുമാര്‍ നാലു വിക്കറ്റ് വീഴ്ത്തി. അല്ലാ ഗസന്‍ഫാറും, മിച്ചല്‍ സാന്റ്‌നറും രണ്ട് വിക്കറ്റ് വീതവും സ്വന്തമാക്കി.

മുംബൈ നേടിയ തകര്‍പ്പന്‍ ക്യാച്ചുകള്‍

𝙄𝘾𝙔𝙈𝙄@mipaltan on a roll 💙

🎥 Some brilliant catching & Mitchell Santner magic in the middle 👌

Updates ▶️ https://t.co/cawFoZABvQ#TATAIPL | #KhelBindaas | #GTvMI pic.twitter.com/jlpUFOyOT5

— IndianPremierLeague (@IPL) April 20, 2026

തിലകിന്റെ സെഞ്ചുറി

പുറത്താകാതെ 45 പന്തില്‍ 101 റണ്‍സ് നേടിയ തിലക് വര്‍മയുടെ പ്രകടനമാണ് മുംബൈയ്ക്ക് ഭേദപ്പെട്ട സ്‌കോര്‍ സമ്മാനിച്ചത്. 32 പന്തില്‍ 45 റണ്‍സെടുത്ത നമന്‍ ധിറും മുംബൈയ്ക്കായി തിളങ്ങി. സൂര്യകുമാര്‍ യാദവ് ഉള്‍പ്പെടെയുള്ള മറ്റ് ബാറ്റര്‍മാര്‍ പരാജയമായി.

ക്വിന്റോണ്‍ ഡി കോക്ക്-11 പന്തില്‍ 13, ഡാനിഷ് മലേവാര്‍-നാലു പന്തില്‍ രണ്ട്, സൂര്യകുമാര്‍ യാദവ്-10 പന്തില്‍ 15, ഹാര്‍ദ്ദിക് പാണ്ഡ്യ, 16 പന്തില്‍ 15, ഷെര്‍ഫെയ്ന്‍ റുഥര്‍ഫോര്‍ഡ്-രണ്ട് പന്തില്‍ ഒന്ന് നോട്ടൗട്ട് എന്നിങ്ങനെയാണ് മറ്റ് മുംബൈ ബാറ്റര്‍മാരുടെ സ്‌കോറുകള്‍. ഗുജറാത്തിനായി കഗിസോ റബാദ മൂന്നു വിക്കറ്റ് വീഴ്ത്തി.

രണ്ടാം വിജയം

ഇതുവരെ കളിച്ച ആറു മത്സരങ്ങളില്‍ മുംബൈ നേടുന്ന രണ്ടാമത്തെ വിജയമാണിത്. നാലു മത്സരങ്ങളിലും തോറ്റു. ഈ വിജയത്തോടെ നാലു പോയിന്റുമായി പോയിന്റ് ടേബിളില്‍ മുംബൈ ഏഴാമതെത്തി. ആറു മത്സരങ്ങളില്‍ മൂന്ന് ജയം നേടിയ ഗുജറാത്ത് ആറാമതാണ്. മുംബൈ ഇന്ത്യന്‍സിന്റെ അടുത്ത മത്സരം ഏപ്രില്‍ 23-ന് ചെന്നൈ സൂപ്പര്‍ കിങ്‌സിനെതിരെയാണ്. 24-ന് നടക്കുന്ന മത്സരത്തില്‍ ഗുജറാത്ത് ടൈറ്റന്‍സ്‌ ആര്‍സിബിയെ നേരിടും.

അഹമ്മദാബാദ്: വമ്പനടികള്‍ക്ക് പേരുകേട്ട ഷെര്‍ഫെയ്ന്‍ റുഥര്‍ഫോര്‍ഡിനെ ഏഴാമത് ബാറ്റിങിന് ഇറക്കിയതിന് പിന്നാലെ മുംബൈ ഇന്ത്യന്‍സ് ക്യാപ്റ്റന്‍ ഹാര്‍ദ്ദിക് പാണ്ഡ്യയെ വിമര്‍ശിച്ച് ആരാധകര്‍. ഹാര്‍ദ്ദിക്കിന്റെ തല തിരിഞ്ഞ നയങ്ങളാണ് മുംബൈയുടെ തിരിച്ചടിയെന്നാണ് ആരാധകരുടെ വിമര്‍ശനം. ഇന്ന് ഗുജറാത്ത് ടൈറ്റന്‍സിനെതിരായ മത്സരത്തിലാണ് റുഥര്‍ഫോര്‍ഡ് ഏഴാമത് ഇറങ്ങിയത്. അവസാന ഓവറില്‍ മാത്രമാണ് താരത്തിന് ബാറ്റു ചെയ്യാനായത്. രണ്ട് പന്തുകള്‍ മാത്രമാണ് റുഥര്‍ഫോര്‍ഡ് നേരിട്ടത്. നേടിയത് പുറത്താകാതെ ഒരു റണ്‍സ് മാത്രം.

മധ്യനിരയിലെങ്കിലും റുഥര്‍ഫോര്‍ഡിനെ കളിപ്പിച്ചിരുന്നെങ്കില്‍ സ്‌കോറിങിന്റെ വേഗത വര്‍ധിക്കുമായിരുന്നുവെന്ന് ആരാധകര്‍ ചൂണ്ടിക്കാട്ടുന്നു. റുഥര്‍ഫോര്‍ഡിന് മുമ്പ് ബാറ്റിങിന് ഇറങ്ങിയ ഹാര്‍ദ്ദിക് പാണ്ഡ്യ 16 പന്തില്‍ 15 റണ്‍സ് എടുത്ത് പുറത്തായി. ഒരു ഫോര്‍ മാത്രമാണ് ഹാര്‍ദ്ദിക്കിന് നേടാനായത്. ഹാര്‍ദ്ദിക്കിന്റെ മെല്ലെപ്പോക്കും മുംബൈയുടെ സ്‌കോറിങ് വേഗത കുറച്ചു.

സോഷ്യല്‍ മീഡിയയിലെ ചില വിമര്‍ശനങ്ങള്‍

True. Today rutherford should have come to bat on his position.

— Dr. Vaibhav 🇮🇳 (@vaibhav31194) April 20, 2026

So infuriating that Rutherford hit 71/31 with 9 sixes against rcb yet being made to cool his heels on bench for 2 matches till captain Saab plays a leisurely 15/15 in last 5-6 over.

— Nik (@nikster007) April 20, 2026

ഹാര്‍ദ്ദിക് ഇറങ്ങുന്നതിന് മുമ്പെങ്കിലും റുഥര്‍ഫോര്‍ഡ് ഇറങ്ങണമായിരുന്നുവെന്നാണ് സോഷ്യല്‍ മീഡിയയില്‍ ഉയരുന്ന അഭിപ്രായം. സിക്‌സറുകള്‍ അടിച്ചുകൂട്ടുന്നതിലും, സ്‌കോറിങ് വേഗത വര്‍ധിപ്പിക്കുന്നതിലും വൈദഗ്ധ്യമുള്ളയാളാണ് റുഥര്‍ഫോര്‍ഡ്. നിലവില്‍ താരം ഫോമിലുമാണ്. എന്നിട്ടും റുഥര്‍ഫോര്‍ഡിനെ വേണ്ടവിധം പ്രയോജനപ്പെടുത്തിന്നില്ലെന്നാണ് വിമര്‍ശനം.

Also Read: Lalit Modi: ‘ഐപിഎല്‍ ടീം ഉടമ ബ്ലാക്ക് മാജിക്ക് ചെയ്തു; ആരാണെന്ന് വെളിപ്പെടുത്തും’

പഞ്ചാബ് കിങ്‌സിനെതിരായ മത്സരത്തിലും ഹാര്‍ദ്ദിക് റുഥര്‍ഫോര്‍ഡിനെ വേണ്ടവിധം ഉപയോഗിച്ചിരുന്നില്ല. പഞ്ചാബിനെതിരെ ആറാമതാണ് ഷെര്‍ഫെയ്ന്‍ റുഥര്‍ഫോര്‍ഡ് ബാറ്റിങിന് ഇറങ്ങിയത്. ഈ തീരുമാനത്തെ വിമര്‍ശിച്ച് മുന്‍ താരം മനോജ് തിവാരി രംഗത്തെത്തിയിരുന്നു.

ഷെർഫെയ്ൻ റുഥർഫോർഡിനെക്കാൾ മുൻപേ ഹാർദിക് ബാറ്റിങിന് ഇറങ്ങിയ തീരുമാനം തെറ്റായിരുന്നുവെന്ന് മനോജ് തിവാരി ചൂണ്ടിക്കാട്ടി. ഹാര്‍ദ്ദിക് പാണ്ഡ്യ മുംബൈ ഇന്ത്യന്‍സിന്റെ നായകസ്ഥാനം ഒഴിയണമെന്നും തിവാരി ആവശ്യപ്പെട്ടിരുന്നു. ക്യാപ്റ്റന്‍സി തിരികെ രോഹിത് ശര്‍മയെ ഏല്‍പ്പിക്കണമെന്നായിരുന്നു മനോജ് തിവാരി പറഞ്ഞത്.

രക്ഷിച്ചത് തിലക് വര്‍മയുടെ സെഞ്ചുറി

അതേസമയം, ബാറ്റിങ് ഓര്‍ഡറില്‍ പാളിച്ചകളുണ്ടായിരുന്നെങ്കിലും രായ മത്സരത്തില്‍ മുംബൈ ഇന്ത്യന്‍സ് 99 റണ്‍സിന് ജയിച്ചു. 20 ഓവറില്‍ അഞ്ചു വിക്കറ്റ് നഷ്ടത്തില്‍ 199 റണ്‍സാണ് മുംബൈ നേടിയത്. പുറത്താകാതെ 45 പന്തില്‍ 101 റണ്‍സ് നേടിയ തിലക് വര്‍മയുടെ പ്രകടനമാണ് മുംബൈയ്ക്ക് കരുത്തായത്. എട്ട് ഫോറും, ഏഴ് സിക്‌സറുകളുമാണ് തിലക് നേടിയത്. നമാന്‍ ധിര്‍ 32 പന്തില്‍ 45 റണ്‍സെടുത്തു. മറ്റ് ബാറ്റര്‍മാര്‍ നിരാശപ്പെടുത്തി. ഗുജറാത്ത് 15.5 ഓവറില്‍ 100 റണ്‍സിന് ഓള്‍ ഔട്ടായി.

Also Read: IPL 2026: തുടര്‍തോല്‍വികള്‍ക്ക് ശേഷം മുംബൈ ഇന്ത്യന്‍സിന് ആശ്വാസം; ഗുജറാത്തിന്റെ ‘പരിപ്പെടു’ത്തു

പ്രകടനം പരിതാപകരം

ഈ സീസണില്‍ വളരെ പരിപാതകരമായ പ്രകടനമാണ് മുംബൈ ഇതുവരെ പുറത്തെടുത്തത്. ആറു മത്സരങ്ങളില്‍ രണ്ടെണ്ണത്തില്‍ മാത്രമാണ് ജയിച്ചത്. നാലിലും തോറ്റു. നിലവില്‍ പോയിന്റ് പട്ടികയില്‍ ഏഴാമതാണ്‌. പരിക്കേറ്റ രോഹിത് ശര്‍മ ഏതാനും മത്സരങ്ങളില്‍ നിന്ന് വിട്ടുനില്‍ക്കുന്നതും തിരിച്ചടിയായി.

സണ്‍റൈസേഴ്‌സ് ഹൈദരാബാദും, ചെന്നൈ സൂപ്പര്‍ കിങ്‌സും തമ്മില്‍ നടന്ന ഐപിഎല്‍ പോരാട്ടത്തിനിടയില്‍, ഗാലറിയിലെ ഒരു ദൃശ്യം വൈറലായിരുന്നു. ഒരു സണ്‍റൈസേഴ്‌സ് ആരാധകന്‍ നാരങ്ങ കൈയില്‍ വെച്ച് എന്തോ മന്ത്രം ജപിക്കുന്നതും, തൊട്ടുപിന്നാലെ ചെന്നൈയുടെ ശിവം ദുബെ ഔട്ടാകുന്നതുമായിരുന്നു വീഡിയോയില്‍. ആരാധകന്‍ ഒരു തമാശ ഒപ്പിച്ചതാണെന്ന് ഒറ്റനോട്ടത്തില്‍ വ്യക്തം. എന്നാല്‍ ഇയാള്‍ ബ്ലാക്ക് മാജിക്ക് നടത്തിയോ എന്ന തരത്തിലായിരുന്നു സോഷ്യല്‍ മീഡിയയിലെ പ്രചാരണം.

ഇതിന് പിന്നാലെ സംഭവത്തില്‍ നടപടി ആവശ്യപ്പെട്ട് ചെന്നൈ സൂപ്പര്‍ കിങ്‌സ് പരാതി നല്‍കിയതായും വ്യാജപ്രചരണമുണ്ടായി. ചെന്നൈ ടീമിന്റെ പേരില്‍ പ്രചരിച്ച ഒരു കത്തായിരുന്നു വ്യാജപ്രചാരണങ്ങള്‍ക്ക് തുടക്കമിട്ടത്. എന്നാല്‍ നടപടി ആവശ്യപ്പെട്ടുള്ള ഈ കത്ത്‌ ചെന്നൈ സൂപ്പര്‍ കിങ്‌സിന്റേതായിരുന്നില്ല. ആരോ അത് വ്യാജമായി നിര്‍മ്മിച്ചതായിരുന്നു.

Also Read: IPL CSK vs SRH: ആരാധകന്റെ നാരങ്ങാ പ്രയോഗം; പിന്നാലെ ദുബെ ക്ലീന്‍ ബൗള്‍ഡ്! ഐപിഎല്ലില്‍ ബ്ലാക്ക് മാജിക്കോ?

ലളിത് മോദിയുടെ ആരോപണം

ബ്ലാക്ക് മാജിക്കുമായി ബന്ധപ്പെട്ട ചര്‍ച്ചകള്‍ കൊഴുക്കുന്നതിനിടെ, 2011-ല്‍ ഇത്തരമൊരു സംഭവം നടന്നതായി ആരോപിച്ച് ഐപിഎല്‍ മുന്‍ ചെയര്‍മാന്‍ ലളിത് മോദി രംഗത്തെത്തി. ഒരു ടീം ഉടമയാണ് അന്ന് ബ്ലാക്ക് മാജിക്ക് നടത്തിയതെന്ന് ലളിത് മോദി ആരോപിച്ചു. സണ്‍റൈസേഴ്‌സ്-ചെന്നൈ മത്സരത്തിലെ സംഭവവികാസങ്ങളോട് പ്രതികരിക്കുന്നതിനിടെയാണ് ലളിത് മോദി ഇക്കാര്യം പറഞ്ഞത്.

അന്ന് എതിര്‍ടീമിന്റെ ഡ്രസിങ് റൂമില്‍ ചെന്നാണ് ഒരു ടീം ഉടമ ഇങ്ങനെ ചെയ്തത്. 2011 സീസണിൽ തന്നെ താന്‍ എതിർ ടീം ഉടമകളെ ഇക്കാര്യം അറിയിച്ചിരുന്നു. ഒരു ടീം ഉടമ ഇത്തരം കാര്യങ്ങള്‍ ചെയ്തതിനെക്കുറിച്ച് അന്ന് എനിക്ക് വ്യക്തമായ തെളിവുകൾ സഹിതം വിവരം ലഭിച്ചിരുന്നു. അത് ചെയ്ത വ്യക്തികളെക്കുറിച്ച് തന്റെ വരാനിരിക്കുന്ന സീരിസില്‍ വെളിപ്പെടുത്തുമെന്നും ഐപിഎല്‍ മുന്‍ ചെയര്‍മാന്‍ എക്‌സില്‍ കുറിച്ചു.

ലളിത് മോദിയുടെ സോഷ്യല്‍ മീഡിയ പോസ്റ്റ്‌

I remember I posted some team owner doing this to the opposing team. By doing exactly this themselves in opposing team dressing room. I even alerted the opposing team owners about this way back in 2011 season - when it happened and I got an alert with concrete proof. I will… https://t.co/jxmv84Nkwv

— Lalit Kumar Modi (@LalitKModi) April 19, 2026

ലളിത് മോദിയുടെ ആരോപണം ചര്‍ച്ചയായിരിക്കുകയാണ്. ആരാണ് ആ ടീം ഉടമ എന്നാണ് ഐപിഎല്‍ ആരാധകര്‍ ചോദിക്കുന്നത്. ആരാധകര്‍ അവരുടേതായ സംശയങ്ങള്‍ പ്രകടിപ്പിക്കുന്നുമുണ്ട്. ചിലപ്പോള്‍ ആരോപണങ്ങള്‍ കഴമ്പുണ്ടാകില്ലെന്ന് വാദിക്കുന്നവരുമുണ്ട്. ഇതുസംബന്ധിച്ചുള്ള ഊഹാപോഹങ്ങള്‍ അവസാനിക്കണമെങ്കില്‍ ആ ടീം ഉടമ ആരാണെന്ന് ലളിത് മോദി തന്നെ വെളിപ്പെടുത്തേണ്ടി വരും. എന്തായാലും ലളിത് മോദി തൊടുത്തുവിട്ട ആരോപണങ്ങളില്‍ ഊഹാപോഹങ്ങള്‍ വ്യാപകമായി പ്രചരിക്കുന്നുണ്ട്.

ഇന്ത്യന്‍ ക്രിക്കറ്റ് ടീമിന്റെ ചീഫ് സെലക്ടറായി അജിത് അഗാര്‍ക്കര്‍ തുടരുമെന്ന് റിപ്പോര്‍ട്ട്. അദ്ദേഹത്തിന്റെ കാലാവധി നീട്ടിനല്‍കുമെന്ന് ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്തു. ഈ വര്‍ഷം ജൂണില്‍ അവസാനിക്കേണ്ട കാലാവധിയാണ് നീട്ടുന്നത്. 2027 ജൂൺ വരെ കാലാവധി നീട്ടുമെന്നാണ് ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്തത്.

അഗാര്‍ക്കര്‍ സെലക്ഷന്‍ കമ്മിറ്റി ചെയര്‍മാനായ കാലയളവില്‍ ഇന്ത്യ രണ്ട് ടി20 ലോകകപ്പ് ട്രോഫികളും, ഒപു ചാമ്പ്യന്‍സ് ട്രോഫിയും നേടിയിരുന്നു. ഏകദിന ലോകകപ്പില്‍ റണ്ണര്‍ അപ്പുകളുമായി. സെലക്ഷന്‍ കമ്മിറ്റിയുടെ പ്രവര്‍ത്തനത്തില്‍ ബിസിസിഐ തൃപ്തരാണെന്നാണ് സൂചന.

ഏകദിന ലോകകപ്പ്

അടുത്ത വർഷം ഒക്ടോബർ, നവംബർ മാസങ്ങളിലായി നടക്കാനിരിക്കുന്ന ഏകദിന ലോകകപ്പ് കണക്കിലെടുത്ത് അഗാര്‍ക്കറുടെ നേതൃത്വത്തിലുള്ള സെലക്ഷന്‍ കമ്മിറ്റി തുടരാനാണ് ബിസിസിഐ ആഗ്രഹിക്കുന്നത്. അഗാര്‍ക്കര്‍ സെലക്ഷന്‍ കമ്മിറ്റി ചെയര്‍മാനായ കാലയളവില്‍ ടീമില്‍ സുഗമമായ പരിവര്‍ത്തനം ഉണ്ടായെന്നാണ് ബിസിസിഐ വൃത്തങ്ങള്‍ വ്യക്തമാക്കിയത്.

ബോര്‍ഡ് അധികാരികള്‍ അദ്ദേഹത്തോട് ഇതേക്കുറിച്ച് സംസാരിക്കുമെന്നും ബിസിസിഐ വൃത്തങ്ങള്‍ വ്യക്തമാക്കി. ആർ‌പി സിംഗ്, പ്രഗ്യാൻ ഓജ എന്നിവരും സെലക്ഷന്‍ കമ്മിറ്റിയിലുണ്ട്. ഇവരും സെലക്ഷന്‍ കമ്മിറ്റിയില്‍ തുടരണമെന്നാണ് ബിസിസിഐ ആഗ്രഹിക്കുന്നതെന്നാണ് റിപ്പോര്‍ട്ട്. ഈ സെലക്ഷന്‍ കമ്മിറ്റി ചുമതലയേറ്റതിനു ശേഷം നിശ്ചിത ഓവര്‍ ക്രിക്കറ്റില്‍ ഇന്ത്യ മികച്ച പ്രകടനമാണ് പുറത്തെടുത്തിട്ടുള്ളത്. എന്നാല്‍ ടെസ്റ്റില്‍ കാര്യമായ പ്രകടനം പുറത്തെടുക്കാന്‍ സാധിച്ചിട്ടില്ല.

Also Read: Indian T20 Team: ശ്രേയസ് ക്യാപ്റ്റന്‍; ജൂറല്‍ കീപ്പര്‍; ഇന്ത്യന്‍ ടി20 ടീമില്‍ വലിയ മാറ്റങ്ങള്‍ വരുന്നു; സഞ്ജുവിന്റെ സ്ഥാനമോ?

ടി20 ലോകകപ്പിലെ തീരുമാനം

അടുത്തിടെ സമാപിച്ച ടി20 ലോകകപ്പില്‍ ചില ധീരമായ തീരുമാനങ്ങള്‍ അഗാര്‍ക്കറുടെ നേതൃത്വത്തിലുള്ള സെലക്ഷന്‍ കമ്മിറ്റി സ്വീകരിച്ചിരുന്നു. ശുഭ്മാന്‍ ഗില്ലിനെ ഒഴിവാക്കിയതും, ഇഷാന്‍ കിഷനെ അപ്രതീക്ഷിതമായി ഉള്‍പ്പെടുത്തിയതും അത്തരം ചില തീരുമാനങ്ങളില്‍ ഉള്‍പ്പെടുന്നു. ഇത് ഗുണം ചെയ്തു.

ആഭ്യന്തര ക്രിക്കറ്റിലെ മികച്ച പ്രകടനത്തിന്റെ അടിസ്ഥാനത്തിലായിരുന്നു കിഷാനെ ടീമില്‍ ഉള്‍പ്പെടുത്തിയത്. ടി20 ലോകകപ്പിന് മുന്നോടിയായി നടന്ന ന്യൂസിലന്‍ഡ് പരമ്പരയിലും കിഷന്‍ മികച്ച പ്രകടനം പുറത്തെടുത്തിരുന്നു.

ഏഷ്യാ കപ്പില്‍

ഏതാനും മാസം മുമ്പ് നടന്ന ഏഷ്യാ കപ്പില്‍ ഗില്ലും ടീമിന്റെ ഭാഗമായിരുന്നു.
ഏഷ്യാ കപ്പില്‍ വൈസ് ക്യാപ്റ്റനായിരുന്നു ഗില്‍. അഭിഷേക് ശര്‍മയ്‌ക്കൊപ്പം ഓപ്പണ്‍ ചെയ്തതും ഗില്ലായിരുന്നു. എന്നാല്‍ മികച്ച പ്രകടനം പുറത്തെടുക്കാന്‍ ഗില്ലിന് സാധിച്ചില്ല. ദക്ഷിണാഫ്രിക്കന്‍ പര്യടനത്തിലും നിരാശപ്പെടുത്തിയതോടെ ഗില്ലിനെ ടി20 ലോകകപ്പില്‍ നിന്ന് അഗാര്‍ക്കറുടെ നേതൃത്വത്തിലുള്ള സെലക്ഷന്‍ കമ്മിറ്റി ഒഴിവാക്കുകയായിരുന്നു.

ഐപിഎല്ലില്‍ മിന്നും പ്രകടനം പുറത്തെടുത്ത മിക്ക താരങ്ങളെയും ദേശീയ ടി20 ടീമിലേക്ക് പരിഗണിക്കാന്‍ ബിസിസിഐ ഒരുങ്ങുന്നുവെന്ന് റിപ്പോര്‍ട്ട്. ഒരേസമയം രണ്ട് ടി 20 ടീമുകളെ കളത്തിലിറക്കാൻ കെൽപ്പുള്ള 30-35 കളിക്കാരുടെ ഒരു പൂൾ തയ്യാറാക്കാനാണ് ബിസിസിഐയുടെ നീക്കമെന്ന് എന്‍ഡിടിവി റിപ്പോര്‍ട്ട് ചെയ്തു. ഈ വർഷം ഏതാണ്ട് ഒരേ സമയത്താണ് ഏഷ്യന്‍ ഗെയിംസും, വെസ്റ്റ് ഇന്‍ഡീസിനെതിരായ ടി20 പരമ്പരയും നടക്കുന്നത്. അതുകൊണ്ട്, രണ്ട് ടീമുകള്‍ സജ്ജമാക്കുകയാണ് ബിസിസിഐയുടെ ലക്ഷ്യം.

അന്താരാഷ്ട്ര മത്സരങ്ങള്‍ക്ക് പരിഗണിക്കാവുന്ന 30-35 താരങ്ങളുടെ പൂള്‍ സജ്ജമാക്കേണ്ടത് പ്രധാനമാണെന്ന് ബിസിസിഐ വൃത്തങ്ങള്‍ അറിയിച്ചതായി എന്‍ഡിടിവി റിപ്പോര്‍ട്ട് ചെയ്തു. അന്താരാഷ്ട്ര മത്സരങ്ങള്‍ക്ക് പരിഗണിക്കാവുന്ന 30-35 താരങ്ങളുടെ പൂള്‍ സജ്ജമാക്കേണ്ടത് പ്രധാനമാണെന്ന് ബിസിസിഐ വൃത്തങ്ങള്‍ അറിയിച്ചതായി എന്‍ഡിടിവി റിപ്പോര്‍ട്ട് ചെയ്തു.

അയർലൻഡ് പര്യടനത്തിലും തുടർന്ന് ഏഷ്യൻ ഗെയിംസിലും വലിയൊരു സ്ക്വാഡിനെ തന്നെ ഇന്ത്യ നിലനിർത്തുമെന്നും ബിസിസിഐ വൃത്തങ്ങള്‍ വ്യക്തമാക്കി.

Also Read: PBKS vs LSG: ഈ പഞ്ചാബിനെ തോല്‍പിക്കാന്‍ ലഖ്‌നൗ കുറച്ചുകൂടി വളരണം; ശ്രേയസും പിള്ളേരും സീനാണ്‌

പരീക്ഷണം അയര്‍ലന്‍ഡ് ടൂറില്‍

വരാനിരിക്കുന്ന അയർലൻഡ് പര്യടനമായിരിക്കും പരീക്ഷണത്തിന്റെ ആദ്യ വേദി. സെപ്തംബറില്‍ അഫ്ഗാനിസ്ഥാനെതിരെ നടക്കുന്ന പരമ്പരയിലും പരീക്ഷണം തുടരും. ഐപിഎല്ലില്‍ മികച്ച പ്രകടനം പുറത്തെടുക്കുന്ന വൈഭവ് സൂര്യവംശി, യശസ്വി ജയ്‌സ്വാൾ, പ്രിയാൻഷ് ആര്യ, അങ്ക്രിഷ് രഘുവംശി, രജത് പട്ടീദർ, ആയുഷ് ബദോണി, ശശാങ്ക് സിംഗ്, അനുകുൽ റോയ്, അശോക് ശർമ്മ തുടങ്ങിയവരെല്ലാം പരിഗണനയിലുണ്ട്.

ധ്രുവ് ജൂറലിനെയാണ് വിക്കറ്റ് കീപ്പറായി പരിഗണിക്കുന്നത്. ശ്രേയസ് അയ്യര്‍ ക്യാപ്റ്റനാകാനാണ് സാധ്യത. സഞ്ജു സാംസണ്‍ ഉള്‍പ്പെടെയുള്ള താരങ്ങള്‍ക്ക് അയര്‍ലന്‍ഡ് പര്യടനത്തില്‍ വിശ്രമം അനുവദിക്കാനാണ് സാധ്യത. സൂര്യകുമാര്‍ യാദവിന്റെ പിന്‍ഗാമിയായി പരിഗണിക്കുന്നവരില്‍ ശ്രേയസിന്റെ പേരിനാണ് സാധ്യത കൂടുതലെന്നാണ് സൂചന.

ഐപിഎല്ലില്‍ പഞ്ചാബ് കിങ്‌സിനായി ക്യാപ്റ്റനെന്ന നിലയിലും, ബാറ്ററെന്ന നിലയിലും മികച്ച പ്രകടനമാണ് ശ്രേയസ് പുറത്തെടുക്കുന്നത്. കഴിഞ്ഞ തവണ ശ്രേയസ് നയിച്ച പഞ്ചാബ് റണ്ണേഴ്‌സ് അപ്പായിരുന്നു. 2024-ല്‍ ശ്രേയസിന്റെ ക്യാപ്റ്റന്‍സിയിലാണ് കൊല്‍ക്കത്ത നൈറ്റ് റൈഡേഴ്‌സ് ജേതാക്കളായത്.  സമീപകാല പ്രകടനം പരിഗണിക്കുമ്പോള്‍ ക്യാപ്റ്റന്‍ സ്ഥാനത്തേക്ക് ശ്രേയസാണ് ഏറ്റവും അനുയോജ്യനെന്നാണ് വിലയിരുത്തല്‍.

മൊഹാലി: 'ഞങ്ങളെ തോല്‍പ്പിക്കാന്‍ ആരുണ്ടെടാ' എന്ന് ശ്രേയസ് അയ്യരും സംഘവും ഇനിയും ഉറക്കെ വിളിച്ച് ചോദിക്കും. ഈ ഐപിഎല്‍ സീസണില്‍ ഇതുവരെ ആറു മത്സരങ്ങള്‍ പൂര്‍ത്തിയാക്കിയപ്പോള്‍ ഒരെണ്ണത്തില്‍ പോലും പഞ്ചാബ് കിങ്‌സിനെ തറപറ്റിക്കാന്‍ മറ്റ് ടീമുകള്‍ക്കൊന്നും സാധിച്ചില്ല. ആറില്‍ അഞ്ചിലും ജയിച്ചു. ഒരെണ്ണം മഴ മൂലം ഉപേക്ഷിച്ചു. ഇന്ന് നടന്ന മത്സരത്തില്‍ ലഖ്‌നൗ സൂപ്പര്‍ ജയന്റ്‌സിനെ 54 റണ്‍സിനാണ് പഞ്ചാബ് തകര്‍ത്തെറിഞ്ഞത്. സ്‌കോര്‍: പഞ്ചാബ് കിങ്‌സ് ഏഴു വിക്കറ്റിന് 254, ലഖ്‌നൗ സൂപ്പര്‍ ജയന്റ്‌സ് അഞ്ച് വിക്കറ്റിന് 200.

255 റണ്‍സെന്ന വിജയലക്ഷ്യത്തിനടുത്ത് പോലും എത്താന്‍ ഋഷഭ് പന്തിന്റെ ലഖ്‌നൗവിന് സാധിച്ചില്ല. പന്തും (23 പന്തില്‍ 43), മിച്ചല്‍ മാര്‍ഷും (28 പന്തില്‍ 40), ഐഡന്‍ മര്‍ക്രമും (22 പന്തില്‍ 42) ചെറിയൊരു പരിശ്രമം നടത്തിയെന്ന് മാത്രം. ആയുഷ് ബദോനിയും (21 പന്തില്‍ 35), മുകുല്‍ ചൗധരിയും (17 പന്തില്‍ 21 നോട്ടൗട്ട്) അവരെക്കൊണ്ട് സാധിക്കുന്നതുപോലെ സംഭാവന നല്‍കി.

പൂരന്‍ പരാജയം

നിക്കോളാസ് പൂരന്‍ പതിവുപോലെ പരാജയമായി. ഒമ്പത് പന്തില്‍ ഒമ്പത് റണ്‍സെടുക്കാനെ പൂരന് സാധിച്ചുള്ളൂ. ഹിമ്മത് സിങ് ഒരു റണ്‍സുമായി പുറത്താകാതെ നിന്നു. പഞ്ചാബിനു വേണ്ടി മാര്‍ക്കോ യാന്‍സണ്‍ രണ്ട് വിക്കറ്റും, അര്‍ഷ്ദീപ് സിങ്, വിജയ്കുമാര്‍ വൈശാഖ്, യുസ്‌വേന്ദ്ര ചഹല്‍ എന്നിവര്‍ ഓരോ വിക്കറ്റ് വീതവും സ്വന്തമാക്കി.

പന്തിന്റെ സിക്‌സ്‌-വീഡിയോ കാണാം

Vintage Rishabh Pant making it look completely effortless 🔥

🎥 Make sure you wait for that trademark one-handed maximum at the end! 🤌

Updates ▶️ https://t.co/u5eUR1eqdA#TATAIPL | #KhelBindaas | #PBKSvLSG | @LucknowIPL pic.twitter.com/UZobI2Qhxm

— IndianPremierLeague (@IPL) April 19, 2026

'അറഞ്ചം പുറഞ്ചം'

ഓപ്പണര്‍ പ്രിയാന്‍ഷ് ആര്യയും, വണ്‍ ഡൗണായെത്തിയ കൂപ്പര്‍ കോണോലിയുമാണ് പഞ്ചാബിനെ കൂറ്റന്‍ സ്‌കോറിലെത്തിച്ചത്. ലഖ്‌നൗ ബൗളര്‍മാരെ 'അറഞ്ചം പുറഞ്ചം' തല്ലിപ്പരത്തിയ ഇരുവരും 182 റണ്‍സിന്റെ പാര്‍ട്ണര്‍ഷിപ്പാണ് കെട്ടിപ്പൊക്കിയത്.

Also Read: Priyansh Arya: ബൗണ്ടറി ലൈനിനരികെ മാര്‍ഷിന്റെ തകര്‍പ്പന്‍ ക്യാച്ച്; പ്രിയാന്‍ഷിന്റെ സെഞ്ചുറി മോഹം തകര്‍ന്നുടഞ്ഞു

സെഞ്ചുറിക്ക് ഏഴ് റണ്‍സ് അകലെയാണ് പ്രിയാന്‍ഷ് ആര്യ പുറത്തായത്. 93 റണ്‍സെടുക്കാന്‍ വെറും 37 പന്തുകള്‍ മാത്രമാണ് താരത്തിന് വേണ്ടി വന്നത്. കോണോലി 46 പന്തില്‍ 87 റണ്‍സെടുത്തു. ഓപ്പണര്‍ പ്രഭ്‌സിമ്രാന്‍ സിങ് ഗോള്‍ഡന്‍ ഡക്കായെങ്കിലും, പ്രിയാന്‍ഷും, കോണോലിയും പഞ്ചാബിനെ മത്സരത്തിലേക്ക് ശക്തമായി തിരികെയെത്തിക്കുകയായിരുന്നു.

ക്യാപ്റ്റന്‍ ശ്രേയസ് അയ്യര്‍-ആറു പന്തില്‍ അഞ്ച്, മാര്‍ക്കസ് സ്റ്റോയിനിസ്-16 പന്തില്‍ 29, നെഹാല്‍ വധേര-ഏഴു പന്തില്‍ 13, ശശാങ്ക് സിങ്-ആറു പന്തില്‍ 17, മാര്‍ക്കോ യാന്‍സണ്‍-ഒരു പന്തില്‍ ഒന്ന് നോട്ടൗട്ട് എന്നിങ്ങനെയാണ് മറ്റ് പഞ്ചാബ് ബാറ്റര്‍മാരുടെ പ്രകടനം. ലഖ്‌നൗവിനായി പ്രിന്‍സ് യാദവും, എം സിദ്ധാര്‍ത്ഥും രണ്ട് വിക്കറ്റ് വീതം വീഴ്ത്തി.

PBKS vs LSG IPL 2026: മണിമാരന്‍ സിദ്ധാര്‍ത്ഥ് എറിഞ്ഞ പതിനാറാം ഓവറിലെ രണ്ടാം പന്ത്. 36 പന്തില്‍ 93 റണ്‍സുമായി പഞ്ചാബ് കിങ്‌സ് ഓപ്പണര്‍ പ്രിയാന്‍ഷ് ആര്യ ബാറ്റു ചെയ്യുന്നു. സിദ്ധാര്‍ത്ഥിന്റെ പന്തില്‍ സര്‍വശക്തിയുമെടുത്ത് പ്രിയാന്‍ഷിന്റെ പ്രഹരം. പക്ഷേ, ഷോട്ടിന് വേണ്ടത്ര ഉയരം ലഭിക്കുന്നില്ല. ഫ്ലാറ്റായി വന്ന പന്ത് തന്റെ തലയ്ക്ക് മുകളിൽ വെച്ച് ലോംഗ് ഓഫില്‍ മിച്ചല്‍ മാര്‍ഷ് കൈപ്പിടിയിലൊതുക്കുന്നു.

അതുവരെ ആവേശത്തിലായിരുന്ന മൊഹാലി സ്റ്റേഡിയം പൊടുന്നനെ നിശബ്ദതയിലേക്ക് വീണു. മത്സരം കണ്ട ലഖ്‌നൗ സൂപ്പര്‍ ജയന്റ്‌സിന്റെ ആരാധകര്‍ പോലും പ്രിയാന്‍ഷിന്റെ സെഞ്ചുറി നഷ്ടത്തില്‍ ദുഃഖിച്ചിട്ടുണ്ടാകും. കാരണം കപ്പിനും ചുണ്ടിനും ഇടയിലായിരുന്നു 24കാരനായ പ്രിയാന്‍ഷിന് ഐപിഎല്ലിലെ രണ്ടാം സെഞ്ചുറി നഷ്ടമായത്.

തെല്ലൊന്ന് മാറിയിരുന്നെങ്കില്‍ സിക്‌സറാകേണ്ട പന്താണ് ബൗണ്ടറി ലൈനെന്ന ലക്ഷ്മണരേഖയില്‍ തൊടാതെ മിച്ചല്‍ മാര്‍ഷ് കൈപ്പിടിയിലൊതുക്കിയത്. അത് ഔട്ടാണോ, അതോ സിക്‌സറാണോയെന്ന സംശയം കുറച്ചു നിമിഷത്തേക്കെങ്കിലും മത്സരം കണ്ട എല്ലാവരിലുമുണ്ടായിരുന്നു. തുടര്‍ന്ന് നടന്ന വീഡിയോ പരിശോധനയിലാണ് മാര്‍ഷിന്റെ കാലുകള്‍ ബൗണ്ടറി ലൈനില്‍ തട്ടിയിട്ടില്ലെന്ന് സൈഡ് ഓണ്‍ റിപ്ലേകളില്‍ നിന്ന് വ്യക്തമായത്.

🎥 Prince Yadav and M Siddharth stop the mayhem! ✋

Both Cooper Connolly and Priyansh Arya depart after a stand of 182 (80) 🤯

Updates ▶️ https://t.co/u5eUR1eqdA#TATAIPL | #KhelBindaas | #PBKSvLSG | @LucknowIPL pic.twitter.com/cTw6Ksdomw

— IndianPremierLeague (@IPL) April 19, 2026

ഒടുവില്‍ 37 പന്തില്‍ 93 റണ്‍സുമായി പ്രിയാന്‍ഷ് പവലിയനിലേക്ക് മടങ്ങി. സെഞ്ചുറി നഷ്ടമായെങ്കിലും ലഖ്‌നൗ ബൗളര്‍മാരുടെ 'പരിപ്പെടുക്കുന്ന' പ്രകടനമാണ് പ്രിയാന്‍ഷ് പുറത്തെടുത്തത്. ഒമ്പത് സിക്‌സറുകളും, നാല് ഫോറുകളും അടങ്ങുന്നതായിരുന്നു പ്രകടനം. 251.35 സ്‌ട്രൈക്ക് റേറ്റിലാണ് ഈ യുവതാരം ലഖ്‌നൗ ബൗളര്‍മാരെ ഒരു കരുണയുമില്ലാതെ പ്രഹരിച്ചത്. കഴിഞ്ഞ വര്‍ഷം ചെന്നൈ സൂപ്പര്‍ കിങ്‌സിനെതിരെ 39 പന്തില്‍ പ്രിയാന്‍ഷ് സെഞ്ചുറി നേടിയിട്ടുണ്ട്.

Also Read: KKR vs RR: റിങ്കുവും, അനുകുലും പൊളിച്ചടുക്കി; കൊല്‍ക്കത്തയ്ക്ക് ആദ്യ ജയം

അശ്വിന്റെ പ്രവചനം കിറുകൃത്യം

'' പന്ത് സിദ്ധാര്‍ത്ഥിന് നല്‍കൂ, അവന്‍ ഏതെങ്കിലുമൊരു ഇടംകൈയ്യന്‍ ബാറ്ററെ പുറത്താക്കും''-മുന്‍ താരം ആര്‍ അശ്വിന്‍ എക്‌സില്‍ കുറിച്ച വാക്കുകളാണിത്. ഈ ട്വീറ്റിന് തൊട്ടുപിന്നാലെയാണ് പ്രിയാന്‍ഷിനെ സിദ്ധാര്‍ത്ഥ് വീഴ്ത്തിയത്. ഇതോടെ അശ്വിന്റെ പ്രവചനത്തെ വാഴ്ത്തുകയാണ് ആരാധകര്‍. പ്രിയാന്‍ഷിനെ മാത്രമല്ല, മറ്റൊരു ഇടംകൈയ്യന്‍ ബാറ്ററായ നെഹാല്‍ വധേരയെ പുറത്താക്കിയതും സിദ്ധാര്‍ത്ഥായിരുന്നു.

Give Siddharth the ball, he will get one of the left handers out.

Don’t label any bowler as a commodity.

If he has the character to hang in to fight, it doesn’t matter what he bowls or which hand he lets go of the ball from.#lsgvpbks

— Ashwin 🇮🇳 (@ashwinravi99) April 19, 2026

കൊല്‍ക്കത്ത: തുടര്‍ തോല്‍വികളില്‍ വലഞ്ഞ കൊല്‍ക്കത്ത നൈറ്റ് റൈഡേഴ്‌സിന് ഒടുവില്‍ ആശ്വാസ ജയം. കൊല്‍ക്കത്ത ഈഡന്‍ ഗാര്‍ഡന്‍സില്‍ നടന്ന ആവേശപ്പോരാട്ടത്തില്‍ രാജസ്ഥാന്‍ റോയല്‍സിനെ നാലു വിക്കറ്റിനാണ് കീഴടക്കിയത്. രണ്ട് പന്തുകള്‍ ബാക്കിനില്‍ക്കെയായിരുന്നു ജയം. സ്‌കോര്‍: രാജസ്ഥാന്‍ റോയല്‍സ് 20 ഓവറില്‍ ഒമ്പത് വിക്കറ്റിന് 155, കൊല്‍ക്കത്ത നൈറ്റ് റൈഡേഴ്‌സ് 19.4 ഓവറില്‍ ആറു വിക്കറ്റിന് 161.

റിങ്കു സിങിന്റെയും (പുറത്താകാതെ 34 പന്തില്‍ 53), അനുകുല്‍ റോയിയുടെയും (പുറത്താകാതെ 16 പന്തില്‍ 29) ഫിനിഷിങാണ് അസാധ്യമെന്ന് കരുതിയ ജയം കൊല്‍ക്കത്തയ്ക്ക് സമ്മാനിച്ചത്. 13.3 ഓവറില്‍ ആറു വിക്കറ്റിന് 85 എന്ന നിലയില്‍ തോല്‍വിയോട് അടുത്തപ്പോഴാണ് ഇരുവരുടെയും അപരാജിതക്കൂട്ടുകെട്ട് കൊല്‍ക്കത്തയെ അപ്രതീക്ഷിതമായി വിജയത്തിലെത്തിച്ചത്.

ഓപ്പണര്‍മാരായ ടിം സെയിഫെര്‍ട്ടും, അജിങ്ക്യ രഹാനെയും പൂജ്യത്തിന് പുറത്തായി. ആങ്ക്രിഷ് രഘുവന്‍ശി-19 പന്തി ല്‍ 10, റോവ്മാന്‍ പവല്‍-20 പന്തില്‍ 23, രമണ്‍ദീപ് സിങ്-13 പന്തില്‍ 10 എന്നിവരും നിരാശപ്പെടുത്തി. കാമറൂണ്‍ ഗ്രീന്‍ (13 പന്തില്‍ 27) ഭേദപ്പെട്ട പ്രകടനം പുറത്തെടുത്തു. മൂന്ന് ഓവറില്‍ എട്ട് റണ്‍സ് മാത്രം വഴങ്ങി രണ്ട് വിക്കറ്റെടുത്ത രവീന്ദ്ര ജഡേജ രാജസ്ഥാന്‍ റോയല്‍സിനായി ബൗളിങില്‍ തിളങ്ങി.

Also Read: Sanju Samson: ‘സഞ്ജുവിനോട് ബഹുമാനം മാത്രം; പക്ഷേ, ഘട്ടത്തില്‍ ചെന്നൈയ്ക്ക് ധോണിയാണ് ആവശ്യം’

തുടക്കം കിടുക്കി

ഓപ്പണര്‍മാരായ വൈഭവ് സൂര്യവംശിയും, യശ്വസി ജയ്‌സ്വാളും നല്‍കിയ മികച്ച തുടക്കം മുതലാക്കാന്‍ രാജസ്ഥാന് സാധിച്ചില്ല. ഓപ്പണിങ് വിക്കറ്റില്‍ 8.4 ഓവറില്‍ 81 റണ്‍സാണ് ഇരുവരും രാജസ്ഥാന് സമ്മാനിച്ചത്. 28 പന്തില്‍ 46 റണ്‍സെടുത്ത വൈഭവാണ് ടോപ് സ്‌കോറര്‍. ജയ്‌സ്വാള്‍ 29 പന്തില്‍ 39 റണ്‍സെടുത്തു.

മറ്റ് രാജസ്ഥാന്‍ ബാറ്റര്‍മാര്‍ അമ്പേ പരാജയമായി. മൂന്ന് വിക്കറ്റ് വീതം വീഴ്ത്തിയ കാര്‍ത്തിക് ത്യാഗിയും, വരുണ്‍ ചക്രവര്‍ത്തിയുമാണ് രാജസ്ഥാന്‍ ബാറ്റിങ് നിരയെ തകര്‍ത്തത്. മറ്റ് രാജസ്ഥാന്‍ ബാറ്റര്‍മാരുടെ സ്‌കോറുകള്‍: ധ്രുവ് ജൂറല്‍-ഏഴു പന്തില്‍ അഞ്ച്, റിയാന്‍ പരാഗ്-14 പന്തില്‍ 12, ഷിമ്രോണ്‍ ഹെറ്റ്‌മെയര്‍-18 പന്തില്‍ 15, ഡൊനോവണ്‍ ഫെരേര-ഏഴു പന്തില്‍ ഏഴ്, രവീന്ദ്ര ജഡേജ-ഏഴു പന്തില്‍ ഒമ്പത്, ജോഫ്ര ആര്‍ച്ചര്‍-അഞ്ചു പന്തില്‍ എട്ട്, രവി ബിഷ്‌ണോയ്-രണ്ട് പന്തില്‍ പൂജ്യം, ബ്രിജേഷ് ശര്‍മ-മൂന്ന് പന്തില്‍ ഒന്ന് നോട്ടൗട്ട്.

ചെന്നൈ: ചെന്നൈ സൂപ്പര്‍ കിങ്‌സിന് ഇപ്പോള്‍ വേണ്ടത് എംഎസ് ധോണിയെ പോലൊരു താരത്തെയാണെന്ന് മുന്‍ മുംബൈ താരം ആദിത്യ താരെ. ധോണിയെ ഇപ്പോള്‍ സിഎസ്‌കെയ്ക്ക് വളരെ അത്യാവശ്യമാണ്. സ്റ്റമ്പിന് പിന്നില്‍ ധോണി വളരെ മികച്ച പ്രകടനമാണ് പുറത്തെടുക്കുന്നത്. 20 ഓവറും അദ്ദേഹം വിക്കറ്റ് കീപ്പറായി കളിക്കുന്നത് കാണാനാണ് താന്‍ ആഗ്രഹിക്കുന്നതെന്നും ആദിത്യ താരെ പറഞ്ഞു.

സഞ്ജു സാംസണിന്റെ വിക്കറ്റ് കീപ്പിംഗിനെ ബഹുമാനിച്ചു കൊണ്ട് തന്നെയാണ് താനിത് പറയുന്നത്. ഈ ഘട്ടത്തില്‍ ധോണിയെ പോലൊരു താരത്തെയാണ് ചെന്നൈയ്ക്ക് ആവശ്യമെന്നും താരെ ജിയോസ്റ്റാറിനോട് പറഞ്ഞു.

"സി‌എസ്‌കെ നിരയിൽ ധാരാളം യുവതാരങ്ങളുണ്ട്. പുതുമുഖങ്ങളായ കാർത്തിക് ശർമ്മയ്ക്കും പ്രശാന്ത് വീറിനും മഹി ഭായിയെപ്പോലെ പരിചയസമ്പന്നനായ ഒരാളുടെ മാർഗനിർദേശം ആവശ്യമാണ്. അദ്ദേഹത്തിന്റെ സാന്നിധ്യം കാർത്തിക്കിനെയും പ്രശാന്തിനെയും സമ്മർദ്ദം നന്നായി കൈകാര്യം ചെയ്യാൻ സഹായിക്കും,” അദ്ദേഹം കൂട്ടിച്ചേർത്തു.

Also Read: CSK vs SRH: ആദ്യ പന്ത് സിക്‌സ്, പിന്നാലെ ഔട്ട്! സഞ്ജുവിന് നിരാശ

റുതുരാജിനും ബൗളർമാർക്കും ധോണി എപ്പോഴും മികച്ച പിന്തുണ നൽകിയിട്ടുണ്ട്. അദ്ദേഹം നിരന്തരം ബൗളർമാരുമായി സംസാരിക്കുകയും അവരെ നയിക്കുകയും ചെയ്യുന്നത് നാം കാണുന്നതല്ലേയെന്നും താരെ ചോദിച്ചു.

ധോണി എന്ന് തിരിച്ചെത്തും?

പരിക്ക് മൂലം ഐപിഎല്‍ 2026 സീസണില്‍ ഇതുവരെ ഒരു മത്സരം പോലും കളിക്കാന്‍ ധോണി സാധിച്ചിട്ടില്ല. താരത്തിന്റെ തിരിച്ചുവരവ് ഉടനെയുണ്ടാകുമെന്നാണ് സൂചന. ധോണി പരിശീലനം പുനഃരാരംഭിച്ചിട്ടുണ്ട്. ധോണിയുടെ തിരിച്ചുവരവ് എന്നാണെന്ന് സിഎസ്‌കെ വ്യക്തമാക്കിയിട്ടില്ല. 23-ന് മുംബൈ ഇന്ത്യന്‍സിനെതിരെ നടക്കുന്ന മത്സരത്തില്‍ ധോണി കളിക്കുമെന്നാണ് ആരാധകരുടെ പ്രതീക്ഷ.

ചെന്നൈയുടെ പ്രകടനം

ഈ സീസണില്‍ പരിതാപകരമായ പ്രകടനമാണ് ചെന്നൈ പുറത്തെടുക്കുന്നത്. ആദ്യ മൂന്ന് മത്സരങ്ങളിലും തോറ്റു. തുടര്‍ന്ന് ഡല്‍ഹി ക്യാപിറ്റല്‍സിനെയും, കൊല്‍ക്കത്ത നൈറ്റ് റൈഡേഴ്‌സിനെയും തോല്‍പിച്ചു. എന്നാല്‍ കഴിഞ്ഞ ദിവസം നടന്ന മത്സരത്തില്‍ സണ്‍റൈസേഴ്‌സ് ഹൈദരാബാദിനോട് തോറ്റു. ആറു മത്സരങ്ങളില്‍ നിന്ന് രണ്ട് ജയവും, നാല് തോല്‍വിയുമായി പോയിന്റ് ടേബിളില്‍ ഏഴാമതാണ്.

ഹൈദരാബാദ്: സണ്‍റൈസേഴ്‌സ് ഹൈദരാബാദിനെതിരെയുള്ള മത്സരത്തില്‍ ചെന്നൈ സൂപ്പർ കിങ്സിൻ്റെ ശിവം ദുബെ ക്ലീന്‍ ബൗള്‍ഡായതിന് പിന്നില്‍ എസ്ആര്‍എച്ച് ബൗളര്‍ സാക്കിബ് ഹുസൈന്റെ മികവോ, അതോ ആരാധകന്റെ ബ്ലാക്ക് മാജിക്കോ? സോഷ്യല്‍ മീഡിയയില്‍ വൈറലായ ഒരു വീഡിയോയാണ് ആരാധകര്‍ക്കിടയില്‍ ഈ ചോദ്യമുയര്‍ത്തുന്നത്. 17-ാം ഓവറിലെ അവസാന പന്തിലാണ് സാക്കിബ് ഹുസൈന്‍ ശിവം ദുബെയെ ക്ലീന്‍ ബൗള്‍ഡ് ചെയ്തത്.

16 പന്തില്‍ 21 റണ്‍സെടുത്തായിരുന്നു ദുബെയുടെ മടക്കം. ദുബെ ഔട്ടായതോടെ ചെന്നൈയുടെ വിജയപ്രതീക്ഷയും അസ്തമിച്ചു. എന്നാല്‍ ഇതിന് പിന്നാലെയാണ് ഒരു വീഡിയോ സോഷ്യല്‍ മീഡിയയില്‍ പ്രചരിച്ചത്. ദുബെ ബാറ്റ് ചെയ്യുന്നതിനിടെ ഗാലറിയിലുണ്ടായിരുന്ന ഒരു സണ്‍റൈസേഴ്‌സ് ആരാധകന്‍ നാരങ്ങ കൈയ്യിലെടുത്ത് എന്തോ മന്ത്രം ജപിക്കുന്നതാ വീഡിയോയിൽ കാണാം.

Also Read: CSK vs SRH: ആവേശം അവസാന ഓവര്‍ വരെ; ഒടുവില്‍ സണ്‍റൈസേഴ്‌സിനോട് പൊരുതിത്തോറ്റ് ചെന്നൈ

തുടര്‍ന്ന് നാരങ്ങ വെച്ച് ദുബെയുടെ നേരെ നോക്കി എന്തോ ആംഗ്യം കാണിക്കുന്നതും കാണാം. തൊട്ടുപിന്നാലെ ദുബെ ക്ലീന്‍ ബൗള്‍ഡായി. ഇതോടെ കാമറയ്ക്ക് നേരെ നാരങ്ങ ചൂണ്ടിക്കാണിച്ച് ആരാധകന്‍ സന്തോഷപ്രകടനം നടത്തി. ഉടന്‍ തന്നെ ഈ വീഡിയോ വൈറലുമായി. ആരാധകന്റെ 'ബ്ലാക്ക് മാജിക്ക്' ഫലിച്ചെന്നാണ് സോഷ്യല്‍ മീഡിയയില്‍ തമാശരൂപേണ ഉയർന്ന കമന്റ്.

വീഡിയോ കാണാം

pic.twitter.com/u3BSpB3sXa

— gocvideo (@gocvideo) April 19, 2026

സംഭവം ബ്ലാക്ക് മാജിക്കാണോ?

ആരാധകന്റെ നാരങ്ങാപ്രയോഗത്തിന് പിന്നില്‍ ബ്ലാക്ക് മാജിക്കൊന്നുമല്ല. അയാള്‍ തമാശയ്ക്ക് വേണ്ടിയാണ് നാരങ്ങാപ്രയോഗം നടത്തിയത്. ഇത് കേവലം യാദൃശ്ചികമായ ഒന്നാണെങ്കിലും, തൊട്ടുപിന്നാലെ വിക്കറ്റ് വീണതോടെ അത് വീഡിയോക്ക് പുതിയ മാനം നല്‍കിയെന്ന് മാത്രം.

മത്സരത്തില്‍ സംഭവിച്ചത്‌

സണ്‍റൈസേഴ്‌സിന്റെ ഹോം ഗ്രൗണ്ടില്‍ നടന്ന മത്സരത്തില്‍ ചെന്നൈ സൂപ്പർ കിങ്സ് പത്ത് റണ്‍സിനാണ് തോറ്റത്. എസ്ആർഎച്ച് ഉയർത്തിയ 195 റണ്‍സ് വിജയലക്ഷ്യം പിന്തുടര്‍ന്ന ചെന്നൈയ്ക്ക് 184 റണ്‍സെടുക്കാനെ സാധിച്ചുള്ളൂ. 59 റൺസ് വീതമെടുത്ത ഓപ്പണർ അഭിഷേക് ശർമയും ഹെയ്ൻറിച്ച് ക്ലാസനും ചേർന്നാണ് ചെന്നൈക്ക് 195 റൺസിൻ്റെ വിജയലക്ഷ്യം ഒരുക്കുന്നത്. മൂന്ന് വിക്കറ്റെടുത്ത ഇഷാൻ മലിംഗയുടെയും രണ്ട് വിക്കറ്റെടുത്ത നിതീഷ് കുമാർ റെഡ്ഡിയുടെയും ബോളിങ് മികവിലാണ് ഹൈദരാബാദ് ചെന്നൈയെ 184 റൺസിന് പിടിച്ചടക്കിയത്. ഈ വിജയത്തോടെ സണ്‍റൈസേഴ്‌സ് പോയിന്റ് പട്ടികയില്‍ നാലാമതെത്തി. ചെന്നൈ ഏഴാമത് തുടരുകയാണ്.

ഹൈദരാബാദ്: സണ്‍റൈസേഴ്‌സ് ഹൈദരാബാദിനോട് 10 റണ്‍സിന് തോറ്റ് ചെന്നൈ സൂപ്പര്‍ കിങ്‌സ്. 195 റണ്‍സ് വിജയലക്ഷ്യം പിന്തുടര്‍ന്ന ചെന്നൈയ്ക്ക് 185 റണ്‍സെടുക്കാനെ സാധിച്ചുള്ളൂ. സ്‌കോര്‍: എസ്ആര്‍എച്ച് 20 ഓവറില്‍ ഒമ്പത് വിക്കറ്റിന് 194, സിഎസ്‌കെ 20 ഓവറില്‍ എട്ടു വിക്കറ്റിന് 184.

തകര്‍ച്ചയോടെയായിരുന്നു ചെന്നൈയുടെ തുടക്കം. മൂന്ന് പന്തില്‍ ഏഴ് റണ്‍സുമായി ഓപ്പണര്‍ സഞ്ജു സാംസണെ രണ്ടാം ഓവറില്‍ നഷ്ടമായി. രണ്ടാം വിക്കറ്റില്‍ ക്യാപ്റ്റന്‍ റുതുരാജ് ഗെയ്ക്‌വാദ്-ആയുഷ് മാത്രെ സഖ്യം നേരിയ ചെറുത്തുനില്‍പിന് ശ്രമിച്ചെങ്കിലും അധിക നേരം നീണ്ടുനിന്നില്ല. ഇമ്പാക്ട് പ്ലയറായെത്തിയ മാത്രം 13 പന്തില്‍ 30 റണ്‍സുമായി മികച്ച പ്രകടനം പുറത്തെടുത്തു. മോശം ഫോമിലുള്ള റുതുരാജ് 13 പന്തില്‍ 19 റണ്‍സുമായി പുറത്തായി.

സിഎസ്‌കെ നിരയില്‍ ഒരു ബാറ്റര്‍ക്ക് പോലും അര്‍ധ ശതകം നേടാനായില്ല. 30 പന്തില്‍ 34 റണ്‍സെടുത്ത മാറ്റ് ഷോര്‍ട്ടാണ് ടോപ് സ്‌കോറര്‍. 19 പന്തില്‍ 25 റണ്‍സെടുത്ത സര്‍ഫറാസ് ഖാന്‍, 16 പന്തില്‍ 21 റണ്‍സെടുത്ത ശിവം ദുബെ എന്നിവര്‍ക്കും സിഎസ്‌കെയെ വിജയത്തിലെത്തിക്കാനായില്ല. ഡെവാള്‍ഡ് ബ്രെവിസ് പൂജ്യത്തിന് പുറത്തായി.

Also Read: CSK vs SRH: ആദ്യ പന്ത് സിക്‌സ്, പിന്നാലെ ഔട്ട്! സഞ്ജുവിന് നിരാശ

ചെന്നൈയുടെ അവസാന പ്രതീക്ഷയായിരുന്ന ജാമി ഒവര്‍ട്ടണ്‍ 15 പന്തില്‍ 16 റണ്‍സെടുത്ത് മടങ്ങി. അന്‍ഷുന്‍ കാംബോജ് എട്ട് പന്തില്‍ 13 റണ്‍സുമായും, നൂര്‍ അഹമ്മദ് ഒരു റണ്‍സുമായും പുറത്താകാതെ നിന്നു. സണ്‍റൈസേഴ്‌സിനായി ഈഷന്‍ മലിംഗ മൂന്നു വിക്കറ്റും, നിതീഷ് കുമാര്‍ റെഡ്ഡി രണ്ടു വിക്കറ്റും സ്വന്തമാക്കി.

22 പന്തില്‍ 59 റണ്‍സെടുത്ത അഭിഷേക് ശര്‍മയുടെയും, 39 പന്തില്‍ 59 റണ്‍സെടുത്ത ഹെയിന്റിച്ച് ക്ലാസന്റെയും തകര്‍പ്പന്‍ ബാറ്റിങാണ് സണ്‍റൈസേഴ്‌സിന് ഭേദപ്പെട്ട സ്‌കോര്‍ സമ്മാനിച്ചത്. മറ്റ് സണ്‍റൈസേഴ്‌സ് ബാറ്റര്‍മാര്‍ക്ക് കാര്യമായ പ്രകടനം പുറത്തെടുക്കാനായില്ല.

ട്രാവിസ് ഹെഡ്-20 പന്തില്‍ 23, ഇഷാന്‍ കിഷന്‍-ഗോള്‍ഡന്‍ ഡക്ക്, അനികേത് വര്‍മ-നാലു പന്തില്‍ രണ്ട്, നിതീഷ് കുമാര്‍ റെഡ്ഡി-എട്ടു പന്തില്‍ 12, സാലില്‍ അറോറ-12 പന്തില്‍ 13, ലിയാം ലിവിങ്സ്റ്റണ്‍-എട്ട് പന്തില്‍ 12 എന്നിങ്ങനെയാണ് മറ്റ് ബാറ്റര്‍മാരുടെ സമ്പാദ്യം. ചെന്നൈയ്ക്കു വേണ്ടി ജാമി ഒവര്‍ട്ടണും, അന്‍ഷുല്‍ കാംബോജും മൂന്നു വിക്കറ്റ് വീതം വീഴ്ത്തി. മുകേഷ് ചൗധരി രണ്ട് വിക്കറ്റ് സ്വന്തമാക്കി.

ഹൈദരാബാദ്:  ഐപിഎല്ലിൽ സണ്‍റൈസേഴ്‌സ് ഹൈദരാബാദിനെതിരായ മത്സരത്തില്‍ സഞ്ജു സാംസണ് നിരാശ. മൂന്ന് പന്തില്‍ വെറും ഏഴു റണ്‍സെടുത്താണ് എസ്ആർഎച്ചിനെതിരെയുള്ള മത്സരത്തിൽ സഞ്ജു പുറത്തായത്. യുവതാരം പ്രഫുല്‍ ഹിംഗെ എറിഞ്ഞ ആദ്യ ഓവറിലെ ആദ്യ പന്തില്‍ തന്നെ സഞ്ജു സിക്‌സടിച്ചു. രണ്ടാം പന്തില്‍ സിംഗിളെടുത്ത് റുതുരാജ് ഗെയ്ക്‌വാദിന് സ്‌ട്രൈക്ക് കൈമാറി.

തുടര്‍ന്ന് നിതീഷ് കുമാര്‍ റെഡ്ഡി എറിഞ്ഞ രണ്ടാം ഓവറിലെ ആദ്യ പന്തിലാണ് സഞ്ജുവിന് സ്‌ട്രൈക്ക് ലഭിച്ചത്. ആ പന്തില്‍ സഞ്ജുവിന് പിഴച്ചു. നിതീഷ് കുമാര്‍ റെഡ്ഡിയുടെ ഗുഡ് ലെങ്ത് ബോള്‍ ബാക്ക് ഫൂട്ടില്‍ നിന്ന് പുള്‍ ചെയ്യാനായിരുന്നു സഞ്ജുവിന്റെ ശ്രമം. മിഡ് ഓണിലേക്ക് ഉയര്‍ന്ന പന്ത് ഹെൻറിച്ച് ക്ലാസൻ കൈപിയിടിലൊതുക്കുകയായിരുന്നു.

സഞ്ജുവിൻ്റെ തുടക്കം നിരാശയോടെ

195 റണ്‍സ് വിജയലക്ഷ്യത്തിലേക്ക് ബാറ്റ് ചെയ്യുന്ന ചെന്നൈ സൂപ്പര്‍ കിങ്‌സിന് സഞ്ജുവിന്റെ വിക്കറ്റ് തുടക്കത്തില്‍ തന്നെ നഷ്ടമായത് തിരിച്ചടിയായി. ഈ സീസണിലെ ആദ്യ മൂന്ന് മത്സരങ്ങളില്‍ നിരാശപ്പെടുത്തിയെങ്കിലും സഞ്ജു ഫോമിലേക്ക് തിരികെയെത്തിയിരുന്നു. 6, 7, 9 എന്നിങ്ങനെയായിരുന്നു ആദ്യ മൂന്ന് മത്സരങ്ങളിലെ താരത്തിന്റെ സ്‌കോറുകള്‍.

Also Read: Sanju Samson: റുതുരാജ് പുറത്തേക്കോ? സഞ്ജുവിനെ സിഎസ്‌കെ ക്യാപ്റ്റനാക്കും; മുന്‍താരത്തിന്റെ പ്രവചനം

എന്നാല്‍ ഡല്‍ഹി ക്യാപിറ്റല്‍സിനെതിരായ മത്സരത്തില്‍ തകര്‍പ്പന്‍ സെഞ്ചുറിയോടെ താരം ഫോമിലേക്ക് തിരികെ എത്തി. 56 പന്തില്‍ 115 റണ്‍സായിരുന്നു ഡല്‍ഹിക്കെതിരെ പുറത്താകാതെ സഞ്ജു നേടിയത്. കൊല്‍ക്കത്ത നൈറ്റ് റൈഡേഴ്‌സിനെതിരെ നടന്ന മത്സരത്തിലും മികച്ച പ്രകടനം ആവര്‍ത്തിച്ചു. ടീമിന്റെ ടോപ് സ്‌കോററായ സഞ്ജു 48 റണ്‍സാണ് നേടിയത്. ഇതിന് പിന്നാലെയാണ് സണ്‍റൈസേഴ്‌സിനെതിരെ മലയാളി താരം നിരാശപ്പെടുത്തിയത്.

സണ്‍റൈസേഴ്‌സിനെതിരെ, അതും അവരുടെ ഹോം ഗ്രൗണ്ടില്‍ മികച്ച ട്രാക്ക് റെക്കോഡുള്ള താരമാണ് സഞ്ജു. 23-ന് മുംബൈ ഇന്ത്യന്‍സിനെതിരെയാണ് സിഎസ്‌കെയുടെ അടുത്ത മത്സരം. ഈ മത്സരത്തില്‍ താരം ഫോമിലേക്ക് തിരിച്ചെത്തുമെന്ന പ്രതീക്ഷയിലാണ് ആരാധകര്‍. ഓറഞ്ച് ക്യാപിനുള്ള പോരാട്ടത്തില്‍ 192 റണ്‍സുമായി താരം നിലവില്‍ 12-ാമതാണ്.

ബെംഗളൂരു: ആവേശപ്പോരാട്ടത്തില്‍ റോയൽ ചലഞ്ചേഴ്സ് ബെംഗളൂരുവിനെ ആറു വിക്കറ്റിന് തകര്‍ത്ത് ഡല്‍ഹി ക്യാപിറ്റല്‍സ്. 176 റണ്‍സ് വിജയലക്ഷ്യം ഒരു പന്തു ബാക്കിനില്‍ക്കെ ഡല്‍ഹി മറികടന്നു. 34 പന്തില്‍ 57 റണ്‍സ് നേടിയ കെഎല്‍ രാഹുല്‍, പുറത്താകാതെ 47 പന്തില്‍ 60 റണ്‍സെടുത്ത ട്രിസ്റ്റണ്‍ സ്റ്റബ്‌സ്, പുറത്താകാതെ 10 പന്തില്‍ 22 റണ്‍സ് അടിച്ചുകൂട്ടിയ ഡേവിഡ് മില്ലര്‍ എന്നിവരുടെ പ്രകടന മികവാണ് ഡല്‍ഹിക്ക് വിജയം സമ്മാനിച്ചത്.

അവസാന ഓവറിൽ വേണ്ടിയിരുന്നത് 15 റൺസ്

റൊമാരിയോ ഷെപ്പേര്‍ഡ് എറിഞ്ഞ അവസാന ഓവറില്‍ 15 റണ്‍സായിരുന്നു വിജയലക്ഷ്യം. മൂന്നും, നാലും പന്തുകളില്‍ സിക്‌സറുകളും, അഞ്ചാം പന്തില്‍ ഫോറുമടിച്ച് മില്ലര്‍ ഡല്‍ഹിയെ വിജയത്തിലേക്ക് നയിക്കുകയായിരുന്നു. പാഥും നിസങ്ക-രണ്ട് പന്തില്‍ ഒന്ന്, കരുണ്‍ നായര്‍-അഞ്ച് പന്തില്‍ അഞ്ച്, സമീര്‍ റിസ്‌വി-മൂന്ന് പന്തില്‍ രണ്ട് എന്നിവര്‍ ഡൽഹി നിരയിൽ നിരാശപ്പെടുത്തി. 19 പന്തില്‍ 26 റണ്‍സെടുത്ത ക്യാപ്റ്റന്‍ അക്‌സര്‍ പട്ടേല്‍ റിട്ടയേര്‍ഡ് ഹര്‍ട്ടായി മടങ്ങി. നാലോവറില്‍ 26 റണ്‍സ് മാത്രം വിട്ടുകൊടുത്ത് മൂന്ന് വിക്കറ്റുകള്‍ പിഴുത ഭുവനേശ്വര്‍ കുമാര്‍ ആര്‍സിബിക്കായി മികച്ച പ്രകടനം പുറത്തെടുത്തു.

Also Read: Sanju Samson: റുതുരാജ് പുറത്തേക്കോ? സഞ്ജുവിനെ സിഎസ്‌കെ ക്യാപ്റ്റനാക്കും; മുന്‍താരത്തിന്റെ പ്രവചനം

ജിതേഷിൻ്റെ മെല്ലെപ്പോക്ക്

38 പന്തില്‍ 63 റണ്‍സെടുത്ത ഓപ്പണര്‍ ഫിള്‍ സാള്‍ട്ടിന്റെ പ്രകടനത്തിലാണ് ആര്‍സിബിക്ക് ഭേദപ്പെട്ട സ്‌കോര്‍ സമ്മാനിച്ചത്. 13-ാം ഓവറില്‍ ആറാമനായി ക്രീസിലെത്തിയ വിക്കറ്റ് കീപ്പര്‍ ജിതേഷ് ശര്‍മയുടെ മെല്ലെപ്പോക്ക് ആര്‍സിബിയുടെ സ്‌കോറിങ് വേഗതയെ ബാധിച്ചു. 20 പന്തുകള്‍ നേരിട്ട ജിതേഷ് 14 റണ്‍സ് മാത്രമാണ് നേടിയത്. വിക്കറ്റ് കീപ്പർ താരത്തിനെതിരെ സോഷ്യല്‍ മീഡിയയിലും വിമര്‍ശനം വ്യാപകമായി.

അതേസമയം മറ്റ് ആര്‍സിബി താരങ്ങള്‍ക്കും ഡിസി ബോളർമാർക്കെതിരെ തിളങ്ങാനായില്ല. വിരാട് കോഹ്ലി-13 പന്തില്‍ 19, ദേവ്ദത്ത് പടിക്കല്‍-13 പന്തില്‍ 18, രജത് പട്ടീദാര്‍-നാലു പന്തില്‍ എട്ട്, ടിം ഡേവിഡ്-17 പന്തില്‍ 26, റൊമാരിയോ ഷെപ്പേര്‍ഡ്-നാലു പന്തില്‍ ഒന്ന്, ക്രുണാല്‍ പാണ്ഡ്യ-10 പന്തില്‍ 12, ഭുവനേശ്വര്‍ കുമാര്‍-മൂന്ന് നോട്ടൗട്ട് എന്നിങ്ങനെയാണ് ആര്‍സിബിയുടെ മറ്റ് ബാറ്റര്‍മാരുടെ സ്കോർ ബോർഡിലേക്കുള്ള സംഭാവന. രണ്ട് വിക്കറ്റ് വീതം വീഴ്ത്തിയ ലുങ്കി എന്‍ഗിഡി, കുല്‍ദീപ് യാദവ്, അക്‌സര്‍ പട്ടേല്‍, മുകേഷ് കുമാര്‍ എന്നിവരാണ് ഡല്‍ഹിക്കായി ബൗളിങില്‍ തിളങ്ങിയത്.

സഞ്ജു സാംസണ്‍ (Sanju Samson) ഏതെങ്കിലുമൊരു ഘട്ടത്തില്‍ ചെന്നൈ സൂപ്പര്‍ കിങ്‌സിന്റെ ക്യാപ്റ്റനാകുമെന്ന് മുന്‍ താരം രവിചന്ദ്രന്‍ അശ്വിന്‍. അത് എപ്പോള്‍ സംഭവിക്കുമെന്ന് തനിക്കറിയില്ല. പക്ഷേ, അത് സംഭവിക്കുമെന്നും ഇഎസ്പിഎൻ ക്രിക്ഇൻഫോയ്ക്ക് നല്‍കിയ അഭിമുഖത്തില്‍ അശ്വിന്‍ പറഞ്ഞു. അങ്ങനെ സംഭവിക്കുമ്പോള്‍ സഞ്ജു മുന്‍താരങ്ങളുടെ രീതി അനുകരിക്കരുതെന്നും, സ്വയമൊരു ശൈലി വളര്‍ത്തിയെടുക്കണണമെന്നും അശ്വിന്‍ അഭിപ്രായപ്പെട്ടു.

സഞ്ജു സ്വന്തം വ്യക്തിമുദ്ര പതിപ്പിക്കണം

സഞ്ജു സിഎസ്‌കെയുടെ ക്യാപ്റ്റനാകും. താന്‍ സഞ്ജുവിന്റെ അഭ്യുദയകാംക്ഷിയാണ്. സഞ്ജു ആരുടെയും പകരക്കാരനാകരുത്. അദ്ദേഹത്തിന് സ്വന്തം ശൈലിയുണ്ട്. അതാണ് അദ്ദേഹം പിന്തുടരുന്നതും. അദ്ദേഹം സ്വന്തം വ്യക്തിമുദ്ര പതിപ്പിക്കുന്നത് കാണാനാണ് തന്റെ ആഗ്രഹമെന്നും അശ്വിന്‍ പറഞ്ഞു. ചെന്നൈ സൂപ്പര്‍ കിങ്‌സില്‍ എം എസ് ധോണിയുടെ പിന്‍ഗാമിയായാണ് സഞ്ജുവിനെ വിലയിരുത്തുന്നത്. ഈ സാഹചര്യത്തിലാണ് സഞ്ജു ആരുടെയും പകരക്കാരനാകരുതെന്നും, സ്വന്തം ശൈലി വളര്‍ത്തിയെടുക്കണമെന്നും അശ്വിന്‍ അഭിപ്രായപ്പെട്ടത്.

Also Read: Sanju Samson: ഇന്ത്യന്‍ ടീമിന്റെ ക്യാപ്റ്റനാകുമോ സഞ്ജു? അയര്‍ലന്‍ഡ് പര്യടനത്തില്‍ സാധ്യത

അശ്വിന്‍ പറഞ്ഞത്-വീഡിയോ കാണാം

Does R Ashwin see Sanju Samson captaining CSK at some point? 🤔 pic.twitter.com/SjTAJb19DI

— ESPNcricinfo (@ESPNcricinfo) April 18, 2026

റുതുരാജ് പുറത്താകുമോ?

നിലവില്‍ റുതുരാജ് ഗെയ്ക്‌വാദാണ് ചെന്നൈയുടെ ക്യാപ്റ്റന്‍. ബാറ്റിങില്‍ നിരാശജനകമായ പ്രകടനമാണ് താരം പുറത്തെടുക്കുന്നത്. റുതുരാജിന്റെ ക്യാപ്റ്റന്‍സിയില്‍ ചെന്നൈ ഇതുവരെ കളിച്ച അഞ്ചു മത്സരങ്ങളില്‍ മൂന്നെണ്ണത്തില്‍ തോല്‍ക്കുകയും, രണ്ടെണ്ണത്തില്‍ ജയിക്കുകയും ചെയ്തു.

ആദ്യ മൂന്ന് മത്സരങ്ങളില്‍ നിരാശപ്പെടുത്തിയെങ്കിലും സഞ്ജു ഫോമിലേക്ക് തിരികെയെത്തി. ഈ സീസണിലെ ആദ്യ സെഞ്ചുറി ഡല്‍ഹിക്കെതിരായ മത്സരത്തില്‍ താരം സ്വന്തം പേരില്‍ കുറിച്ചു. കൊല്‍ക്കത്ത നൈറ്റ് റൈഡേഴ്‌സിനെതിരെ നടന്ന മത്സരത്തിലും സഞ്ജുവായിരുന്നു ചെന്നൈയുടെ ടോപ് സ്‌കോറര്‍. ഓറഞ്ച് ക്യാപിനുള്ള പോരാട്ടത്തില്‍ നിലവില്‍ 11-ാമതാണ്.

ഫോം ഔട്ടാണെങ്കിലും റുതുരാജിനെ ഈ സീസണില്‍ ക്യാപ്റ്റന്‍സിയില്‍ നിന്നു മാറ്റാന്‍ സാധ്യതയില്ല. എന്നാല്‍ ഈ സീസണില്‍ ചെന്നൈയുടെയും റുതുരാജിന്റെയും പ്രകടനം പരിതാപകരമാണെങ്കില്‍ അടുത്ത തവണ സഞ്ജുവിനെ ക്യാപ്റ്റനാക്കാനുള്ള സാധ്യത തള്ളിക്കളയാനാകില്ല.

കോട്ടയം: ഐപിഎല്‍ മത്സരങ്ങള്‍ നേരിട്ടു കാണുന്ന അതേ ഫീലില്‍ കാണാന്‍ അവസരമൊരുക്കി, കോട്ടയം ജില്ലയിലെ മണര്‍കാട് ഫാന്‍ പാര്‍ക്ക് ഒരുങ്ങി.  മണര്‍കാട് പള്ളി മൈതാനത്താണ് ഫാന്‍ പാര്‍ക്ക് ഒരുക്കിയിരിക്കുന്നത്. ഇന്നും നാളെയും നടക്കുന്ന മത്സരങ്ങള്‍ ഇവിടെയുള്ള ഫാന്‍ പാര്‍ക്കില്‍ കാണാം.

രണ്ടാം ഘട്ടത്തില്‍ 18 സംസ്ഥാനങ്ങളിലെയും, ഒരു കേന്ദ്രഭരണപ്രദേശത്തെയും 30 നഗരങ്ങളിലാണ് ഫാന്‍ പാര്‍ക്കുകള്‍ ഒരുക്കിയത്. ഇതില്‍ ഏപ്രില്‍ 18, 19 തീയതികളിലാണ് മണര്‍കാട് ഫാന്‍ പാര്‍ക്ക് സംഘടിപ്പിച്ചിരിക്കുന്നത്.

മെയ് 21 വരെയുള്ള മറ്റ് തീയതികളില്‍ മംഗളഗിരി (ആന്ധ്രാപ്രദേശ്), ചമ്പ, മാണ്ഡി (ഹിമാചൽ പ്രദേശ്), ഗോലാഘട്ട്, സിൽച്ചാർ (അസം), ഇംഫാൽ (മണിപ്പൂർ) എന്നിവിടങ്ങളിലും ഫാന്‍ പാര്‍ക്ക് ഒരുക്കിയിട്ടുണ്ട്. ഓരോ വാരാന്ത്യത്തിലും വടക്ക്, തെക്ക്, കിഴക്ക്, പടിഞ്ഞാറൻ മേഖലകളിലായി ഒന്നിലധികം ഫാൻ പാർക്കുകൾ ഉണ്ടാകും.

മണ്ണർകാട്ടെ ഫാൻ പാർക്ക്

Your city makes its grand Fan Park debut 🤩

Gather your friends and family to experience the ultimate #TATAIPL madness live on the big screen! 🎪#FanParks2026 pic.twitter.com/7IMQdP3jDw

— IndianPremierLeague (@IPL) April 17, 2026

ലൈവ് മാച്ച് സ്‌ക്രീനിങ് കൂടാതെ മ്യൂസിക്, വിനോദം, ഫുഡ് കോര്‍ട്ടുകള്‍, കുട്ടികളുടെ കളിസ്ഥലങ്ങള്‍, വെര്‍ച്വല്‍ ബാറ്റിങ് സോണുകള്‍, ബൗളിങ് നെറ്റുകള്‍, ഫേസ് പെയിന്റിങ്, വിവിധ തരം ഗെയിമുകള്‍ എന്നിവയും ഫാന്‍ പാര്‍ക്കിലുണ്ടാകും.

Also Read: Cameron Green: വിട്ടുമാറാത്ത വൃക്കരോഗം; 12 വയസിന് അപ്പുറം ജീവിച്ചിരിക്കില്ലെന്ന് ഡോക്ടര്‍മാര്‍; കാമറൂണ്‍ ഗ്രീന്‍ പൊരുതിയതെങ്ങനെ?

കോട്ടയത്ത് ഇതാദ്യം

കൊച്ചിയിലും, പാലക്കാട്ടും നേരത്തെ ഫാന്‍ പാര്‍ക്കുകള്‍ ഒരുക്കിയിട്ടുണ്ട്. എന്നാല്‍ ഇതാദ്യമായാണ് കോട്ടയം ജില്ലയില്‍ ഫാന്‍ പാര്‍ക്ക് സജ്ജമാക്കുന്നത്. ഫാന്‍ പാര്‍ക്കിനായി തിരഞ്ഞെടുത്തത് പുതുപ്പള്ളിയാണെങ്കിലും, കൂടുതല്‍ സൗകര്യമുള്ളത് മണര്‍കാട്ടായതിനാല്‍ അങ്ങോട്ടേക്ക് മാറ്റുകയായിരുന്നു. എങ്കിലും 'ഫാന്‍ പാര്‍ക്ക് പുതുപ്പള്ളി' എന്ന പേരില്‍ തന്നെയാകും മണര്‍കാട്ട് സൗകര്യമൊരുക്കുക.

ശ്രദ്ധിക്കേണ്ടത്‌

ശനിയും, ഞായറും രണ്ട് മത്സരങ്ങള്‍ വീതം നടക്കുന്നതിനാല്‍ ആകെ നാല് മത്സരങ്ങള്‍ കാണാന്‍ അവസരമുണ്ട്. ഇന്ന് ആര്‍സിബി-ഡിസി, എസ്ആര്‍എച്ച്-സിഎസ്‌കെ മത്സരങ്ങളും, നാളെ ആര്‍ആര്‍-കെകെആര്‍, പിബികെഎസ്-എല്‍എസ്ജി മത്സരങ്ങളും കാണാം. ഉച്ചകഴിഞ്ഞ് 2.30 മുതലാണ് പ്രവേശനം. പ്രവേശനം സൗജന്യമാണ്. 3000-5000 പേര്‍ക്കാണ് പ്രവേശനം. ആദ്യമെത്തുന്നവര്‍ക്കാണ് മുന്‍ഗണന.

അഹമ്മദാബാദ്: ഐപിഎല്‍ 2026-ല്‍ തുടര്‍തോല്‍വികള്‍ ഏറ്റുവാങ്ങാന്‍ കൊല്‍ക്കത്ത നൈറ്റ് റൈഡേഴ്‌സിന്റെ മത്സരങ്ങള്‍ ഇനിയും ബാക്കി! സീസണിലെ അഞ്ചാം തോല്‍വിയാണ് കൊല്‍ക്കത്ത ഇന്ന് ഗുജറാത്ത് ടൈറ്റൻസിനെതിരെ വഴങ്ങിയത്. ഇതുവരെ ആറു മത്സരങ്ങളാണ് കൊല്‍ക്കത്ത കളിച്ചത്. അതില്‍ ഒരെണ്ണം മഴ മൂലം ഉപേക്ഷിച്ച് ലഭിച്ച ഒരു റൺസ് മാത്രമാണ് കെകെആറിന് ആശ്വാസമായിട്ടുള്ളത്. ഗുജറാത്ത് ടൈറ്റന്‍സിനോട് അഞ്ച്‌ വിക്കറ്റിനാണ് കൊല്‍ക്കത്ത തോറ്റത്. 181 റണ്‍സ് വിജയലക്ഷ്യം രണ്ടു പന്തുകള്‍ ബാക്കിനില്‍ക്കെ ഗുജറാത്ത് മറികടന്നു.

ഗ്രീൻ മാത്രം തിളങ്ങി

ആദ്യം ബാറ്റു ചെയ്ത കൊല്‍ക്കത്ത 20 ഓവറില്‍ 180 റണ്‍സിന് ഓള്‍ ഔട്ടായി. 55 പന്തില്‍ 79 റണ്‍സെടുത്ത കാമറൂണ്‍ ഗ്രീനൊഴികെയുള്ള മറ്റ് കെകെആർ ബാറ്റര്‍മാരെല്ലാം നിരാശപ്പെടുത്തി. ക്യാപ്റ്റന്‍ അജിങ്ക്യ രഹാനെ ഗോള്‍ഡന്‍ ഡക്കായിരുന്നു.

മറ്റ് കൊല്‍ക്കത്ത ബാറ്റര്‍മാരുടെ സ്‌കോറുകള്‍ ഇങ്ങനെ: ടിം സെയിഫെര്‍ട്ട്-14 പന്തില്‍ 19, അജിങ്ക്യ രഹാനെ-ഗോള്‍ഡന്‍ ഡക്ക്, ആങ്ക്രിഷ് രഘുവന്‍ശി-നാലു പന്തില്‍ എട്ട്, റോവ്മാന്‍ പവല്‍-20 പന്തില്‍ 27, അനുകുല്‍ റോയ്-ഏഴു പന്തില്‍ ഒമ്പത്, റിങ്കു സിങ്-രണ്ട് പന്തില്‍ ഒന്ന്, രമണ്‍ദീപ് സിങ്-എട്ട് പന്തില്‍ 17, സുനില്‍ നരൈന്‍-അഞ്ച് പന്തില്‍ പൂജ്യം, കാര്‍ത്തിക് ത്യാഗി-നാലു പന്തില്‍ 6, വൈഭവ് അറോറ-0 നോട്ടൗട്ട്.

Also Read: Cameron Green: വിട്ടുമാറാത്ത വൃക്കരോഗം; 12 വയസിന് അപ്പുറം ജീവിച്ചിരിക്കില്ലെന്ന് ഡോക്ടര്‍മാര്‍; കാമറൂണ്‍ ഗ്രീന്‍ പൊരുതിയതെങ്ങനെ?

മൂന്ന് വിക്കറ്റെടുത്ത കഗിസോ റബാഡ, രണ്ട് വിക്കറ്റ് വീതം വീഴ്ത്തിയ മുഹമ്മദ് സിറാജ് എന്നിവര്‍ മികച്ച പ്രകടനം ജിടിക്കായി പുറത്തെടുത്തു. അശോക് ശര്‍മയും രണ്ട് വിക്കറ്റ് വീഴ്ത്തി. റാഷിദ് ഖാന്‍ ഒരു വിക്കറ്റ് സ്വന്തമാക്കി. എന്നാല്‍ അശോകും, റാഷിദും 40-ലേറെ റണ്‍സ് വിട്ടുകൊടുത്തു.

ഗുജറാത്തിനെ ക്യാപ്റ്റൻ നയിച്ചു

50 പന്തില്‍ 86 റണ്‍സെടുത്ത ക്യാപ്റ്റന്‍ ശുഭ്മാന്‍ ഗില്ലാണ്‌ ഗുജറാത്തിനെ വിജയത്തിലേക്ക് എത്തിച്ചത്. സായ് സുദര്‍ശന്‍-16 പന്തില്‍ 22, ജോസ് ബട്ട്‌ലര്‍-15 പന്തില്‍ 25, വാഷിങ്ടണ്‍ സുന്ദര്‍-13 പന്തില്‍ 13, ഗ്ലെന്‍ ഫിലിപ്‌സ്-16 പന്തില്‍ 19, രാഹുല്‍ തെവാട്ടിയ-ആറു പന്തില്‍ ഏഴ് നോട്ടൗട്ട്, ഷാരൂഖ് ഖാന്‍-രണ്ട് പന്തില്‍ മൂന്ന് നോട്ടൗട്ട്‌ എന്നിങ്ങനെയാണ് മറ്റ് ഗുജറാത്ത് ബാറ്റര്‍മാരുടെ സ്‌കോറുകള്‍.

ഈ ഐപിഎല്‍ സീസണില്‍ ഏറ്റവും കൂടുതല്‍ തുക ലഭിച്ച താരമാണ് ഓസ്ട്രേലിയൻ ഓള്‍റൗണ്ട് താരം കാമറൂണ്‍ ഗ്രീന്‍ (Cameroon Green). അതേസമയം ഈ സീസണിൽ ഏറ്റവും കൂടുതല്‍ ട്രോളുകള്‍ ലഭിച്ചതും കാമറൂൺ ഗ്രീനിനായിരിക്കാം. 25.2 കോടി രൂപയ്ക്കാണ് കൊല്‍ക്കത്ത നൈറ്റ് റൈഡേഴ്സ് ഗ്രീനിനെ സ്വന്തമാക്കിയത്. ഏറെ പ്രതീക്ഷയോടെ കെകെആർ സ്വന്തമാക്കിയ താരം ഐപിഎല്‍ 2026-ലെ തുടക്കത്തിലെ മത്സരങ്ങളില്‍ ഏറ്റവും മോശം പ്രകടനങ്ങൾ കൊണ്ട് നിരാശപ്പെടുത്തി.

12 വയസിനപ്പുറം ജീവിച്ചിരിക്കില്ലയെന്ന് ഡോക്ടർമാരുടെ വിധി എഴുത്ത്

ഒടുവില്‍ ഗുജറാത്ത് ടൈറ്റന്‍സിനെതിരെ ഇന്ന് നടന്ന മത്സരത്തില്‍ ഗ്രീന്‍ ഫോമിലേക്ക് എത്തിയിരിക്കുകയാണ്. ഗുജറാത്തിനെതിരെ 55 പന്തില്‍ 79 റണ്‍സാണ് ഗ്രീന്‍ നേടിയത്. ആരോഗ്യപ്രശ്‌നങ്ങളോട് പടപൊരുതിയാണ് ലോകമറിയുന്ന ക്രിക്കറ്റ് താരമായി 26-കാരനായ ഗ്രീന്‍ മാറിയത്. തനിക്ക് വിട്ടുമാറാത്ത വൃക്ക രോഗമുണ്ടെന്ന് 2023 ഡിസംബറില്‍ ഗ്രീന്‍ വെളിപ്പെടുത്തിയിരുന്നു. 12 വയസിനപ്പുറം ജീവിച്ചിരിക്കില്ലെന്നായിരുന്നു ഗ്രീനിന്റെ മാതാപിതാക്കളോട് ഡോക്ടര്‍മാര്‍ അന്ന് പറഞ്ഞിരുന്നത്. ഈ രോഗത്തിന് പരിഹാരമില്ലെന്നും ഡോക്ടര്‍മാര്‍ വിധിയെഴുതി. എന്നാല്‍ ജീവിതത്തോട് പടപൊരുതി ഗ്രീന്‍ മുന്നോട്ടുപോയി.

Also Read: Hardik Pandya: ‘ഹാര്‍ദ്ദിക് നായകസ്ഥാനം ഒഴിയണം; ക്യാപ്റ്റന്‍സി രോഹിത് ശര്‍മയ്ക്ക് കൈമാറണം’

കൃത്യമായ ചികിത്സയിലൂടെയും, ഭക്ഷണക്രമത്തിലൂടെയുമാണ് ഗ്രീന്‍ രോഗത്തോട് പടപൊരുതിയത്. ആരോഗ്യത്തെ എങ്ങനെ കൈകാര്യം ചെയ്യുന്നുവെന്ന് ഒരിക്കല്‍ ബിബിസിയോട് ഗ്രീന്‍ വെളിപ്പെടുത്തിയിരുന്നു. വീട്ടിലായിരിക്കുമ്പോൾ കൃത്യമായ ഡയറ്റ് പിന്തുടരാൻ എളുപ്പമാണെന്നും, അല്ലാത്തപ്പോള്‍ അനുയോജ്യമായ ഭക്ഷണം കിട്ടാന്‍ ബുദ്ധിമുട്ടാണെന്നും ഗ്രീന്‍ വ്യക്തമാക്കിയിരുന്നു.

താൻ നേരിടുന്നത് വലിയ പ്രശ്നങ്ങൾ അല്ല

എന്നാല്‍ താന്‍ നേരിടുന്നത് വലിയ പ്രശ്‌നങ്ങളായി ഗ്രീന്‍ വിചാരിക്കുന്നില്ല. നമുക്കറിയാത്ത വ്യത്യസ്ത പ്രശ്‌നങ്ങളിലൂടെയാണ് ധാരാളം ആളുകള്‍ കടന്നുപോകുന്നതെന്ന് അദ്ദേഹം പറഞ്ഞു. തന്റെ പ്രശ്‌നങ്ങള്‍ ജീവിതത്തെ അത്ര ബാധിക്കുന്നില്ല. അടിസ്ഥാനപരമായി താന്‍ നല്ല തീരുമാനങ്ങളാണ് എടുക്കുന്നത്. വൃക്കകള്‍ സ്വയം സുഖപ്പെടില്ല. പക്ഷേ, രോഗത്തിന്റെ തീവ്രത കുറയ്ക്കാനാകും. താന്‍ മികച്ച രീതിയില്‍ തുടരുന്നിടത്തോളം കാലം തനിക്ക് കുഴപ്പങ്ങളൊന്നുമുണ്ടാകില്ലെന്നും ഗ്രീന്‍ വ്യക്തമാക്കിയിരുന്നു.

26കാരനായ ഗ്രീൻ വെസ്റ്റേൺ ഓസ്ട്രേലിയയ്ക്ക് വേണ്ടി അഭ്യന്തര ക്രിക്കറ്റിൽ കളിച്ചാണ് കരിയറിന് തുടക്കമിടുന്നത്. ബാറ്റിങ് ചെയ്യുമെങ്കിലും ബോളിങ്ങിലായിരുന്നു ഗ്രീൻ കൂടുതൽ ശ്രദ്ധവെച്ചിരുന്നത്. പിന്നീട് കൂടതൽ ബാറ്റിങ്ങിലേക്ക് താരം ശ്രദ്ധ കേന്ദ്രീകരിക്കാൻ തുടങ്ങി.  2020ൽ ഇന്ത്യക്കെതിരെയുള്ള ഏകദിനം ടെസ്റ്റ് പരമ്പരകളിലേക്കാണ് രാജ്യാന്തര ക്രിക്കറ്റിലേക്ക് ഗ്രീൻ ക്രിക്കറ്റ് ഓസ്ട്രേലിയ ക്ഷണം നൽകിയത്. ശേഷം ഗ്രീൻ ഓസീസ് ടീമിലെ അഭിവാജ്യ ഘടകമായി മാറി. 2023ലാണ് ഗ്രീൻ ആദ്യമായി ഐപിഎല്ലിൽ കളിക്കുന്നത്. 17.5 കോടി താരലേലത്തിലൂടെ മുംബൈ ഇന്ത്യൻസാണ് ഓസീസ് ഓള്‍റൗണ്ട് താരത്തെ സ്വന്തമാക്കുന്നത്. തുടർന്ന് 2024 സീസണിൽ താരത്തെ റോയൽ ചലഞ്ചേഴ്സ് ബെംഗളൂരുവിലേക്ക് ട്രേഡ് ചെയ്യപ്പെട്ടു. ശേഷം ഈ സീസണിലെ ലേലത്തിൽ 25.2 കോടിക്ക് കെകെആർ സ്വന്തമാക്കുന്നത്.