Schemes for Startups: സ്ത്രീകൾക്ക് ബിസിനസ് ചെയ്യണോ? പണം നൽകാൻ ഒന്നല്ല 5 പദ്ധതികൾ
Financial Schemes to Help Women Start a Business: നല്ലൊരു ബിസിനസ് തുടങ്ങാൻ ആഗ്രഹിക്കാത്തവരായി ആരും തന്നെയുണ്ടാകില്ല. പക്ഷേ, പണമാണ് പ്രശ്നം. എന്നാൽ കേരളത്തിലും ഇന്ത്യയിലൊട്ടാകെയും വനിതാ സംരംഭകരെ പ്രോത്സാഹിപ്പിക്കുന്നതിനായി കേന്ദ്ര-സംസ്ഥാന സർക്കാരുകൾ നിരവധി സാമ്പത്തിക സഹായ പദ്ധതികളും ലോണുകളും ആവിഷ്കരിച്ചിട്ടുണ്ടെന്ന് അറിയാമോ? സ്ത്രീകൾക്ക് ബിസിനസ് തുടങ്ങാൻ സഹായിക്കുന്ന പദ്ധതികളെ കുറിച്ച് അറിഞ്ഞാലോ....
കേരളത്തിന്റെ സ്വന്തം പദ്ധതിയായ കുടുംബശ്രീ വഴി നിങ്ങൾക്ക് ലോൺ എടുക്കാവുന്നതാണ്. ചെറുകിട ബിസിനസുകൾ തുടങ്ങാൻ ആവശ്യമായ ലോണുകൾ, മികച്ച ട്രെയിനിങ്, മാർക്കറ്റിംഗ് സപ്പോർട്ട് എന്നിവ ഇതിലൂടെ ലഭിക്കും. പ്രത്യേകിച്ച് വീട്ടമ്മമാർക്ക് ബിസിനസ് തുടങ്ങാൻ ഏറ്റവും മികച്ച വഴിയാണിത്. (Image Credit source: Getty Images)
പിഎം മുദ്ര യോജനയാണ് മറ്റൊരു വഴി. ഈ പദ്ധതി വഴി ഈടൊന്നും നൽകാതെ തന്നെ നിങ്ങൾക്ക് ലോൺ ലഭിക്കുന്നതാണ്. ചെറിയ ബിസിനസ്സുകൾക്കുള്ള ശിശു ലോൺ മുതൽ വലിയ തുക ലഭിക്കുന്ന ലോണുകൾ വരെ ഈ പദ്ധതിയിലൂടെ ലഭ്യമാണ്. ഈ അവസരവും പാഴാക്കാതെ പ്രയോജനപ്പെടുത്താം.
കെ.എസ്.യു.എം സോഫ്റ്റ് ലോണാണ് അടുത്ത ലോൺ. കേരള സ്റ്റാർട്ടപ്പ് മിഷൻ വനിതാ സംരംഭകർക്കായി നൽകുന്ന സോഫ്റ്റ് ലോൺ പദ്ധതിയാണിത്. കൈയിൽ നല്ലൊരു സ്റ്റാർട്ടപ്പ് ഐഡിയ ഉണ്ടെങ്കിൽ തീർച്ചയായും നിങ്ങൾക്ക് ഈയൊരു വഴി പരിശോധിച്ച്, തിരഞ്ഞെടുക്കാവുന്നതാണ്.
സ്റ്റാൻഡ് അപ് ഇന്ത്യയും നിങ്ങൾക്ക് ബിസിനസ് തുടങ്ങാൻ ആവശ്യമായ പണം നൽകും. വനിതകൾക്കും എസ്/എസ്ടി വിഭാഗത്തിൽ പെട്ടവർക്കും വലിയ രീതിയിലുള്ള ബിസിനസ് ലോണുകൾ നൽകുന്ന കേന്ദ്ര സർക്കാർ പദ്ധതിയാണ് ഇത്. ബാങ്കുകൾ വഴി ഇതിലേക്ക് അപേക്ഷിക്കാവുന്നതാണ്.
അന്നപൂർണ സ്കീമും ബിസിനസ് തുടങ്ങാൻ പ്രയോജനപ്പെടുത്താം. ടിഫിൻ സർവീസ്, കാറ്ററിങ, സ്നാക്സ് നിർമാണം തുടങ്ങിയ ഫുഡ് ബിസിനസുകൾ തുടങ്ങാൻ ആഗ്രഹിക്കുന്ന സ്ത്രീകൾക്ക് ആവശ്യമായ സാമ്പത്തിക സഹായം നൽകുന്ന ലോൺ പദ്ധതിയാണിത്. ഇതിലൂടെയും പണം കണ്ടെത്താൻ സാധിക്കും.
