UPSC CSE Registration: യുപിഎസ്‌സി സിഎസ്‌ഇ രജിസ്ട്രേഷൻ സമയപരിധി നീട്ടി; അവസാന തീയതി എന്ന്?

യുപിഎസ്‌സി സിവിൽ സർവീസസ് പരീക്ഷയ്ക്ക് തയ്യാറെടുക്കുന്ന ഉദ്യോഗാർത്ഥികൾക്കായി ഏറ്റവും പുതിയ അറിയിപ്പ്. യൂണിയൻ പബ്ലിക് സർവീസ് കമ്മീഷൻ (യുപിഎസ്‌സി) സിവിൽ സർവീസസ് (പ്രിലിമിനറി) രജിസ്ട്രേഷൻ 2026 അവസാന തീയതി നീട്ടി. നേരത്തെ ഫെബ്രുവരി 24-ന് അവസാനിക്കേണ്ടിയിരുന്ന രജിസ്ട്രേഷൻ പ്രക്രിയയാണ് നീട്ടിയത്. ഉദ്യോഗാർത്ഥികൾക്ക് ഇനി ഫെബ്രുവരി 27 (നാളെ, വെള്ളിയാഴ്ച) വരെ അപേക്ഷ സമർപ്പിക്കാം. യുപിഎസ്‌സി സിഎസ്‌ഇയിലേക്ക് അപേക്ഷിക്കാൻ ആഗ്രഹിക്കുന്ന ഉദ്യോഗാർത്ഥികൾക്ക് ഔദ്യോഗിക വെബ്‌സൈറ്റായ upsc.gov.in ലൂടെ അപേക്ഷ സമർപ്പിക്കേണ്ടതാണ്.

യുപിഎസ്‌സി സിഎസ്‌ഇ പ്രിലിമിനറി പരീക്ഷ 2026 മെയ് 24നാണ് നടത്താൻ നിശ്ചയിച്ചിരിക്കുന്നത്. വെബ്‌സൈറ്റിലെ തിരക്ക് ഒഴിവാക്കാൻ ഇന്ന് തന്നെ അപേക്ഷ പ്രക്രിയ പൂർത്തിയാക്കാൻ ശ്രമിക്കുക. അപേക്ഷയിൽ എന്തെങ്കിലും തെറ്റുകൾ ഉണ്ടെങ്കിൽ തിരുത്താനുള്ള സൗകര്യം യുപിഎസ്‌സി പിന്നീട് നൽകുന്നതാണ്. അതുമായി ബന്ധപ്പെട്ട അറയിപ്പുകൾ പിന്നീട് പുറത്തുവിടും.

ALSO READ: എസ്ബിഐയിൽ അവസരങ്ങളുടെ പെരുമഴ! ഡെപ്യൂട്ടി മാനേജർ മുതൽ ഒട്ടനവധി ഒഴിവുകൾ; ഉടൻ അപേക്ഷിക്കൂ

ആദ്യം അപേക്ഷിക്കുന്നവർക്ക് ആദ്യം (First-Apply-First-Allot) എന്ന രീതിയിലാണ് പരീക്ഷാ കേന്ദ്രങ്ങൾ നൽകുന്നത്. വൈകും തോറും നിങ്ങളുടെ താല്പര്യപ്രകാരമുള്ള കേന്ദ്രം ലഭിക്കാൻ സാധ്യത കുറയും. അപേക്ഷ സമർപ്പിച്ച ശേഷം അപേക്ഷാ ഫീസ് നൽകുമ്പോൾ, അക്കൗണ്ടിൽ നിന്ന് പണം നഷ്ടപ്പെടുകയും അപേക്ഷയിൽ ‘Pending’ എന്ന് കാണിക്കുകയും ചെയ്താൽ ഉടൻ വീണ്ടും പണമടയ്ക്കരുത്. 24 മുതൽ 48 മണിക്കൂർ വരെ കാത്തിരിക്കുക.

അപേക്ഷിക്കേണ്ട രീതി എങ്ങനെ?

ആദ്യം ഔദ്യോഗിക വെബ്സൈറ്റായ upsc.gov.in സന്ദർശിക്കുക.

UPSC CSE രജിസ്ട്രേഷൻ 2026 ലിങ്കിൽ ക്ലിക്ക് ചെയ്യുക

UPSC CSE അപേക്ഷാ ഫോം വിശദാംശങ്ങൾ നൽകി പൂരിപ്പിക്കുക

ശേഷം ആവശ്യമായ രേഖകൾ അപ്‌ലോഡ് ചെയ്യുക

അപേക്ഷാ ഫീസ് അടച്ച് സമർപ്പിക്കുക എന്നതിൽ ക്ലിക്ക് ചെയ്യുക

UPSC CSE അപേക്ഷാ ഫോം PDF സേവ് ചെയ്ത് പ്രിന്റ് ഔട്ട് എടുത്ത് സൂക്ഷിക്കുക