Arya Badai: ‘കല്യാണത്തിന്റെ തലേ ദിവസം ഒട്ടും പ്രതീക്ഷിക്കാതെ വന്ന ആശംസ’; മഞ്ജു വാര്യരുടെ ഫോണ് കോളിനെപ്പറ്റി ആര്യ
Arya About Manju Warrier wishes: വളരെ അപ്രതീക്ഷിതമായി തനിക്കൊരു ആശംസ ലഭിച്ചു. അത് നടി മഞ്ജു വാര്യരുടെ കോളായിരുന്നു. വിവാഹത്തിന്റെ തലേ ദിവസം മഞ്ജു ചേച്ചി വിളിച്ചു. ഹൃദയം നിറഞ്ഞ സന്തോഷത്തോടെ ഞങ്ങൾക്ക് ആശംസകൾ അറിയിച്ചു എന്ന് ആര്യ പറഞ്ഞു.
മലയാളികൾക്ക് ഏറെ സുപരിചിതയാണ് നടിയും അവതാരകയുമായ ആര്യ. ഈയ്യടുത്താണ് താരം വിവാഹിതയായത്. ബിഗ് ബോസ് താരവും ഡിജെയുമായ സിബിന് ആണ് ആര്യയുടെ വരന്. വിവാഹത്തിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലായിരുന്നു. ഇരുവരുടെയും രണ്ടാം വിവാഹമാണ്. (Image Credits: Instagram)
സോഷ്യൽ മീഡിയയിൽ സജീവമായ താരം വിവാഹശേഷം തന്റെ എല്ലാ വിശേഷങ്ങളും പങ്കുവയ്ക്കാറുണ്ട്. ഇപ്പോഴിതാ വിവാഹത്തിന് ലഭിച്ച അപ്രതീക്ഷിതമായൊരു ആശംസയെക്കുറിച്ച് താരം പറഞ്ഞ വാക്കുകളാണ് ശ്രദ്ധേയമാകുന്നത്.
മലയാളത്തിന്റെ ലേഡി സൂപ്പര്സ്റ്റാർ മഞ്ജു വാര്യരില് നിന്നും ലഭിച്ച അപ്രതീക്ഷിമായ ആശംസയെക്കുറിച്ചാണ് ആര്യ ആരാധകരുമായി പങ്കുവച്ചത്. ഇൻസ്റ്റാഗ്രാമിലൂടെ ആരാധകരുടെ ചോദ്യങ്ങള്ക്ക് മറുപടി നല്കുകയായിരുന്നു താരം.
വളരെ അപ്രതീക്ഷിതമായി എനിക്കൊരു ആശംസ ലഭിച്ചു. അത് നടി മഞ്ജു വാര്യരുടെ കോളായിരുന്നു. വിവാഹത്തിന്റെ തലേ ദിവസം മഞ്ജു ചേച്ചി വിളിച്ചു. ഹൃദയം നിറഞ്ഞ സന്തോഷത്തോടെ ഞങ്ങൾക്ക് ആശംസകൾ അറിയിച്ചു എന്ന് ആര്യ പറഞ്ഞു.
ഇതിനു പുറമെ രണ്ടാമതൊരു വിവാഹം കഴിക്കാന് ഭയമാണെന്ന് പറഞ്ഞാരാൾക്കും ആര്യ മറുപടി നൽകുന്നുണ്ട്. ഒരിക്കല് തെന്നി വീണെന്ന് കരുതി, എഴുന്നേറ്റ് വീണ്ടും മുന്നോട്ട് പോകുന്നത് വേണ്ടെന്ന് വെക്കുമോ? അതോ വീണ്ടും എഴുന്നേറ്റ് മുന്നോട്ട് പോകാന് ശ്രമിക്കുമോ? എന്നാണ് ആര്യ തിരിച്ചു ചോദിക്കുന്നത്.
