Kerala Gold Rate: ദേ കുറഞ്ഞു…സ്വര്ണവില കുറഞ്ഞു; ഇപ്പോള് തന്നെ വാങ്ങാം
Gold Price on March 3 Tuesday Evening: പശ്ചിമേഷ്യന് സംഘര്ഷങ്ങള് വര്ധിക്കുന്ന സാഹചര്യത്തില് കേരളത്തില് സ്വര്ണം റെക്കോഡ് നിരക്കിലേക്ക് കുതിച്ചിരുന്നു. എന്നാല് അവിടെ നിന്നും താഴോട്ടിറങ്ങുന്നത് ഉപഭോക്താക്കളില് പ്രതീക്ഷ ഇരട്ടിയാക്കുന്നുണ്ട്.
കനത്ത വില വര്ധനവിനിടെ സംസ്ഥാനത്ത് സ്വര്ണവില കുറഞ്ഞു. ഇത് രണ്ടാം തവണയാണ് മാര്ച്ച് മൂന്ന് ചൊവ്വാഴ്ച സ്വര്ണവില കുറയുന്നത്. രാവിലെ 1,24,680 രൂപയില് വില്പന നടന്ന സ്വര്ണം, വൈകീട്ടോടെ വീണ്ടും താഴോട്ടിറങ്ങി. (Image Credits: Getty and PTI)
മാര്ച്ച് മൂന്നിന് വൈകിട്ട് കേരളത്തില് ഒരു പവന് സ്വര്ണത്തിന് 1,22,920 രൂപയാണ് വില. 1,760 രൂപയാണ് കുറഞ്ഞത്. ഗ്രാമിന് 220 രൂപ കുറഞ്ഞ് 15,365 രൂപയിലേക്കും വിലയെത്തി. രാവിലെ 11,585 രൂപയായിരുന്നു നിരക്ക്.
പശ്ചിമേഷ്യന് സംഘര്ഷങ്ങള് വര്ധിക്കുന്ന സാഹചര്യത്തില് കേരളത്തില് സ്വര്ണം റെക്കോഡ് നിരക്കിലേക്ക് കുതിച്ചിരുന്നു. എന്നാല് അവിടെ നിന്നും താഴോട്ടിറങ്ങുന്നത് ഉപഭോക്താക്കളില് പ്രതീക്ഷ ഇരട്ടിയാക്കുന്നുണ്ട്.
നിലവില് രാജ്യാന്തര വിപണിയില് 5,300 ഡോളറിന് മുകളിലാണ് സ്വര്ണം ഔണ്സിന് വില. ഭൗമരാഷ്ട്രീയ സംഘര്ഷങ്ങള് ചൂടുപിടിക്കുന്നത് സ്വര്ണത്തിലേക്കുള്ള നിക്ഷേപകരുടെ ഒഴുക്ക് വര്ധിപ്പിക്കുകയും വില വര്ധനവിന് കാരണമാകുകയും ചെയ്യും.
മാര്ച്ച് മാസത്തോടെ സ്വര്ണവില 6,000 ഡോളര് പിന്നിടുമെന്ന വിലയിരുത്തലിലാണ് വിദഗ്ധര്. ഇതോടെ സ്വര്ണത്തിന് ഇന്ത്യയില് അഞ്ചരലക്ഷത്തിന് മുകളില് വിലയുണ്ടാകാനുള്ള സാധ്യതയുമുണ്ട്. രൂപയുടെ മൂല്യം ഇടിയുന്നതാണ് തിരിച്ചടിയാകുന്നത്.
