ദുലീപ് ട്രോഫിക്കുള്ള സെന്‍ട്രല്‍ സോണ്‍ സ്‌ക്വാഡും റെഡി; രജത് പാട്ടീദാര്‍ നയിക്കും; റിങ്കു ഉപനായകന്‍

Rajat Patidar

2026-27 സീസണിലെ ദുലീപ് ട്രോഫിയിൽ നിലവിലെ ചാമ്പ്യന്മാരായ സെൻട്രൽ സോണിന്റെ നായകസ്ഥാനത്ത് രജത് പാട്ടീദാര്‍ തുടരും. റിങ്കു സിങാണ് വൈസ് ക്യാപ്റ്റന്‍. കഴിഞ്ഞ സീസണിലെ ഫൈനലിൽ സൗത്ത് സോണിനെ പരാജയപ്പെടുത്തിയ സെൻട്രൽ സോൺ ഇത്തവണ നേരിട്ട് സെമി ഫൈനലിലേക്ക് യോഗ്യത നേടി. ഓഗസ്റ്റ് 30-ന് ബെംഗളൂരുവിലെ ബിസിസിഐ സെന്റർ ഓഫ് എക്‌സലൻസിലാണ് സെൻട്രൽ സോണിന്റെ ആദ്യ മത്സരം. സാരാംഷ് ജെയിനും 15 അംഗ ടീമിൽ ഉൾപ്പെട്ടിട്ടുണ്ട്. ശ്രീലങ്കയ്‌ക്കെതിരായ ടെസ്റ്റ് പരമ്പരയില്‍ ഉള്‍പ്പെട്ടതിന് പിന്നാലെയാണ് സാരാംഷിന് ദുലീപ് ട്രോഫിയിലേക്കും വിളി വന്നത്.

കഴിഞ്ഞ രഞ്ജി ട്രോഫി സീസണിലെ മികച്ച പ്രകടനത്തിന്റെ കരുത്തിൽ വിദർഭ ഓപ്പണർ അമൻ മോഖഡെയും സ്‌ക്വാഡില്‍ ഉള്‍പ്പെട്ടു. ഹർഷ് ദുബെയായിരിക്കും സെൻട്രൽ സോണിന്റെ പ്രധാന സ്പിൻ ഓപ്ഷൻ. ഉത്തർപ്രദേശിന്റെ റിസ്റ്റ് സ്പിന്നറായ സീഷാൻ അൻസാരിയും സ്‌ക്വാഡിലുണ്ട്. അര്‍ഷാദ് ഖാന്‍, യഷ് ഠാക്കൂര്‍, നചികേത് ഭൂട്ടെ എന്നിവര്‍ പേസ് ആക്രമണത്തിന് നേതൃത്വം നല്‍കും.

ആര്യൻ ജുയാൽ, കുനാൽ സിംഗ് റാത്തോഡ് എന്നിവരാണ് വിക്കറ്റ് കീപ്പിംഗ് ഓപ്ഷനുകൾ. അമൻദീപ് ഖാരെ, മയങ്ക് മിശ്ര, സൗരഭ് റാവത്ത്, ഭാർഗവ് മേരായി, കുനാൽ യാദവ്, കുമാർ കാർത്തികേയ എന്നിവരാണ് സ്റ്റാന്‍ഡ് ബൈ താരങ്ങള്‍.

സെൻട്രൽ സോൺ സ്ക്വാഡ് & സപ്പോർട്ട് സ്റ്റാഫ്

സെൻട്രൽ സോൺ ടീം: രജത് പാട്ടീദാർ (ക്യാപ്റ്റൻ), റിങ്കു സിംഗ് (വൈസ് ക്യാപ്റ്റൻ), ആര്യൻ ജുയാൽ (വിക്കറ്റ് കീപ്പർ), സാരാംഷ് ജെയിൻ, അമൻ മോഖഡെ, കുനാൽ ചന്ദേല, സീഷാൻ അൻസാരി, ആര്യൻ പാണ്ഡെ, അർഷാദ് ഖാൻ, ആയുഷ് പാണ്ഡെ, യഷ് റാത്തോഡ്, ഹർഷ് ദുബെ, കുനാൽ സിംഗ് റാത്തോഡ് (വിക്കറ്റ് കീപ്പർ), യഷ് ഠാക്കൂർ, നചികേത് ഭൂട്ടെ.

Also Read: Vaibhav Sooryavanshi: വിമർശനങ്ങൾ ഒരുവശത്ത്, പിന്തുണച്ച് സെലക്ടർമാർ മറുവശത്ത്: ദുലീപ് ട്രോഫിയിൽ ചൂടേറി വൈഭവ് സൂര്യവംശിയുടെ ഉപനായകത്വം

സ്റ്റാൻഡ്-ബൈ താരങ്ങള്‍: അമൻദീപ് ഖാരെ, മയങ്ക് മിശ്ര, സൗരഭ് റാവത്ത്, ഭാർഗവ് മേരായി, കുനാൽ യാദവ്, കുമാർ കാർത്തികേയ.

സപ്പോർട്ട് സ്റ്റാഫ്: നിഖിൽ ദോരു (ഹെഡ് കോച്ച്), മനീഷ് ഝാ (അസിസ്റ്റന്റ് കോച്ച്), ദേശ്‌രാജ് ചൗഹാൻ (ഫിസിയോ), ചന്ദ്രശേഖർ റാവു (വീഡിയോ അനലിസ്റ്റ്), മോഹിത് കുമാർ (മസാജർ), മയങ്ക് അഗർവാൾ (ട്രെയിനർ), സുഫ്രി സക്കറിയ (മാനേജർ).

ഈസ്റ്റ് സോണ്‍

ഈസ്റ്റ് സോണ്‍ ടീമിനെ നേരത്തെ തിരഞ്ഞെടുത്തിരുന്നു. ഇഷാന്‍ കിഷനാണ് ക്യാപ്റ്റന്‍. വൈഭവ് സൂര്യവംശിയെ ഉപനായകനായി തിരഞ്ഞെടുത്തു. അഭിമന്യു ഈശ്വരൻ, സുദീപ് ഘരാമി, മുഹമ്മദ് ഷാമി, മുകേഷ് കുമാർ, ഷഹബാസ് അഹമ്മദ്, സൂരജ് ജയ്‌സ്വാൾ, വിരാട് സിങ്, കുമാർ കുശാഗ്ര, ശിഖർ മോഹൻ, സുബ്രാൻഷു സേനാപതി, അഭിജിത് സർക്കാർ, അനുകുൽ റോയ്, ദേനിഷ് ദാസ് എന്നിവരാണ് സ്‌ക്വാഡിലെ മറ്റ് താരങ്ങള്‍.

English Summary

Rajat Patidar will lead defending champions Central Zone in the 2026-27 Duleep Trophy. Rinku Singh has been named vice-captain for the tournament. The squad includes recent India Test selectee Saransh Jain. Central Zone will begin their title defense in the semi-finals on August 30 in Bengaluru.