ഇത്തവണത്തെ ബിഗ് ബോസിണിൽ ഉള്ള മത്സരാർത്ഥികളിൽ ഏറ്റവും അധികം അടുപ്പം പുലർത്തുന്ന രണ്ടു പേരാണ് ഷിജിനും കൊമ്പനും. എന്നാൽ ഒന്ന് രണ്ട് ദിവസങ്ങളായി ഇവർ രണ്ടുപേരും തമ്മിൽ അഭിപ്രായ വ്യത്യാസങ്ങൾ പല വിഷയങ്ങളിലും ഉണ്ടാവുന്നുണ്ട്. ഈയാഴ്ചയിലെ ജയിൽ നോമിനേഷനിൽ ഷിജിൻ കൊമ്പന്റെ പേരാണ് പറഞ്ഞത്. അങ്ങനെ നോമിനേഷൻ വഴി കൊമ്പനും രാഹുലും ആണ് ഈയാഴ്ച ജയിലിൽ എത്തിയിരിക്കുന്നത്. ജയിലിനുള്ളിൽ കിട്ടിയ പണിഷ്മെന്റ് ചെയ്യുന്നതിനിടയിലും ഷിജിനും കൊമ്പനുമായി അഭിപ്രായ വ്യത്യാസവും ചെറിയ തർക്കവും നടന്നു.

എല്ലാ ആഴ്ചയും രണ്ടുപേർ വീതമാണ് ബിഗ് ബോസ് ഹൗസിൽ ജയിലിൽ പോവുക. ഇങ്ങനെ ജയിലിൽ എത്തിയാൽ സ്വാഭാവികമായും പണിഷ്മെന്റ് ടാസ്കും ബിഗ് ബോസ് നൽകും. ഈയാഴ്ച ജയിലിൽ എത്തിയ രാഹുൽ ഈശ്വറിനും കൊമ്പനും 30 കിലോ ഗ്രാം സവാള വൃത്തിയാക്കി ചെറുതായി അരിഞ്ഞ് എടുക്കുന്ന പണിഷ്മെന്റ് ആണ് ബിഗ് ബോസ് നൽകിയത്. ഈ ടാസ്ക് ചെയ്തുകൊണ്ടിരിക്കുന്ന സമയത്താണ് ഷിജിനും കൊമ്പനും തമ്മിൽ അഭിപ്രായവ്യത്യാസം ഉണ്ടായത്.

Also Read: ജയിൽ നോമിനേഷനിടയിലും നാടകീയ രം​ഗങ്ങൾ, ഹൗസിലെ അടി തുടരുന്നു

സവാള മുറിക്കുന്നതുമായി ബന്ധപ്പെട്ട് ഷിജിൻ ചില കമന്റുകൾ പറഞ്ഞപ്പോഴാണ് കൊമ്പൻ 'എടോ താൻ തന്റെ കാര്യം നോക്കി പോ എന്നും കൂടുതൽ അഭിപ്രായം താൻ പറയണ്ട' എന്നും കൊമ്പൻ മറുപടി നൽകിയത്. അരിയുമ്പോൾ കണ്ണിൽനിന്ന് വെള്ളം വരാതിരിക്കുന്നതിനായി കൊമ്പൻ രണ്ട് സവാള കഷ്ണങ്ങൾ എടുത്ത് ചെവിയിൽ വയ്ക്കാൻ ഒരുങ്ങിയപ്പോൾ - നീ ഷോ കാണിക്കാതെ അരിഞ്ഞിടാൻ നൽകിയ പാത്രത്തിൽ അത് ഇട് എന്ന് ഷിജിൻ പറയുന്നുണ്ട്. നിനക്ക് ചെവിയിൽ വയ്ക്കാൻ അല്ല സവാള തന്നിരിക്കുന്നത് എന്നും ഷിജിൻ പറഞ്ഞു. അപ്പോഴും കൊമ്പൻ താൻ സ്വന്തം കാര്യം നോക്കി പോകാൻ ആവർത്തിച്ചു.

ഈയാഴ്ച ജയിലിൽ നോമിനേഷനിൽ കൊമ്പന്റെ പേര് ഷിജിൻ പറയാൻ രണ്ടു കാരണങ്ങളാണ് ചൂണ്ടിക്കാണിച്ചത്. ഒന്ന്, പെരുമാറ്റം എന്നത് മാന്യമായിരിക്കണമെന്ന് ബിഗ് ബോസ് പറഞ്ഞിട്ടുണ്ട്. എന്നാൽ ലീഡർ ആയ ഐശ്വര്യയെ പലതവണ എടി, പോടി എന്ന് കൊമ്പൻ വിളിച്ചു. കൊമ്പൻ അങ്ങനെ വിളിച്ചപ്പോൾ തനിക്കും മോശമായി ഫീൽ ചെയ്തു. ഒരുതവണയല്ല പലതവണ അത് ആവർത്തിക്കുകയും ചെയ്തു - ഷിജിൻ പറഞ്ഞു. രണ്ടാമത്തെ കാരണമായി ചൂണ്ടിക്കാണിച്ചത് ഈയാഴ്ചയിലെ വീക്ക്ലി ടാസ്കിൽ നിയമങ്ങൾ ലംഘിച്ച് ഫൗൾ പ്ലേ ചെയ്തു എന്നുള്ളതാണ്. ഇത്രയും അടുപ്പമുള്ള രണ്ടു മത്സരാർത്ഥികൾ തമ്മിൽ ഇങ്ങനെ അഭിപ്രായവ്യത്യാസം ഉണ്ടാകുന്നത് പ്രേക്ഷകരും കൗതുകത്തോടെ ആണ് കാണുന്നത്.

English Summary

Among the contestants in this season of Bigg Boss, Shijin and Komban share the closest bond. However, over the last couple of days, they have developed differences of opinion on several issues. During this week's jail nominations, Shijin named Komban.

നടൻ മമ്മൂട്ടിക്കെതിരെ നടക്കുന്ന പ്രചാരണങ്ങളെ തള്ളി ഡിവൈഎഫ്ഐ സംസ്ഥാന പ്രസിഡണ്ട് ചിന്ത ജെറോം. മമ്മൂട്ടിക്കൊപ്പം ഉള്ള ചിത്രം പങ്കുവെക്കുമ്പോൾ നടക്കുന്ന വിമർശനങ്ങളെ അംഗീകരിക്കേണ്ടതില്ലെന്നും വിവാദങ്ങളെല്ല നമുക്ക് സംവാദങ്ങളാണ് ആവശ്യമെന്നും ചിന്ത ജെറോം മാധ്യമങ്ങളോട് പ്രതികരിച്ചു. കഴിഞ്ഞദിവസം ഡിവൈഎഫ്ഐ നേതാക്കൾ മമ്മൂട്ടിയെ സന്ദർശിച്ച വേളയിൽ വലിയ രീതിയിലുള്ള വിമർശനങ്ങളും ട്രോളുകളും സൈബർ അറ്റാക്കുകളുമായിരുന്നു സോഷ്യൽ മീഡിയയിൽ അരങ്ങേറിയത്.

ഇതിന് പിന്നാലെ നിരവധി ആളുകളാണ് സംഭവത്തെ എതിർത്തും അനുകൂലിച്ചും രംഗത്തെത്തിയത്. കഴിഞ്ഞദിവസം എം വിജിനും മമ്മൂട്ടിയെ പിന്തുണച്ചുകൊണ്ട് രംഗത്തെത്തിയിരുന്നു. അതിനു പിന്നാലെയാണ് ഇപ്പോൾ ചിന്ത ജെറോമും വിഷയത്തിലെ നിലപാട് വ്യക്തമാക്കിയിരിക്കുന്നത്. മമ്മൂട്ടി മലയാളികളുടെ സ്വകാര്യ അഹങ്കാരവും പൊതു സ്വത്തും ആണ്. മമ്മൂട്ടിയെയും മോഹൻലാലിനെയും ഏതെങ്കിലും ഒരു പ്രത്യേക ചട്ടക്കൂടിനുള്ളിൽ ഒതുക്കി നിർത്തേണ്ട വ്യക്തിത്വങ്ങൾ അല്ല എന്നും ചിന്ത കൂട്ടിച്ചേർത്തു.

ALSO READ:മോഹൻലാലിന്റെ ആ കാര്യം പറഞ്ഞ് അനൂപ് എന്നോട് പിണങ്ങിയിട്ടുണ്ട്; സത്യൻ അന്തിക്കാട്

എസ്എഫ്ഐയുമായി മമ്മൂട്ടി ഏറ്റവും ആഴത്തിലുള്ള ചർച്ചയാണ് നടത്തിയത്...

മാത്രമല്ല ഡിവൈഎഫ്ഐ എസ്എഫ്ഐയുമായി മമ്മൂട്ടി ഏറ്റവും ആഴത്തിലുള്ള ചർച്ചയാണ് നടത്തിയത് എന്നും മൂന്നരമണിക്കൂറോളം കടവന്ത്രയിലെ അദ്ദേഹത്തിന് വീട്ടിൽ തങ്ങളും ഉണ്ടായിരുന്നു. രാഷ്ട്രീയവും രാഷ്ട്രീയ സംഭവവികാസങ്ങളും ചർച്ചചെയ്തെന്നും അദ്ദേഹത്തിന്റെ അഭിപ്രായം പങ്കുവയ്ക്കുന്നതിനൊപ്പം തങ്ങൾക്ക് പറയാനുള്ളതും കേട്ടു എന്നും ചിന്ത ജെറോം പറയുന്നു. മൂന്നരമണിക്കൂറോളം കടവന്ത്രയിലെ അദ്ദേഹത്തിന്റെ വീട്ടിൽ തങ്ങളുമുണ്ടായിരുന്നു.

രാഷ്ട്രീയവും രാഷ്ട്രീയ സംഭവവികാസങ്ങളും ചർച്ച ചെയ്തെന്നും ചിന്ത പറഞ്ഞു. കൂടിക്കാഴ്ചയിൽ അദ്ദേഹത്തിന്റെ അഭിപ്രായങ്ങൾ പങ്കുവയ്ക്കുന്നതിനൊപ്പം തങ്ങൾക്ക് പറയാനുള്ളതും കേട്ടു. പുതിയ തലമുറ എങ്ങനെയാണ് രാഷ്ട്രീയത്തെയും സമരങ്ങളെയും പുതിയ വിഷയങ്ങളെയും കാണുന്നത് എന്ന് അടക്കമുള്ള പ്രോഡക്റ്റീവ് ആയിട്ടുള്ള ചർച്ചകളാണ് നടന്നത്. ഏറ്റവും ക്വാളിറ്റി ടൈം ആയിട്ടാണ് സംഘടന ഇതിനെ കാണുന്നത് എന്നും ഇത് ഇടതുപക്ഷത്തിന് ലഭിച്ച അംഗീകാരം കൂടിയാണെന്നും ചിന്ത വ്യക്തമാക്കി.

ആദരവുകളുടെയും ബഹുമാനത്തോടെയും ആണ് മമ്മൂട്ടിയെ കാണുന്നത് ദീർഘകാലമായി മുന്നോട്ടുവച്ച കാര്യങ്ങളെയാണ് നാം നോക്കേണ്ടത്.
അതേസമയം വയനാട് ജില്ലാ സെക്രട്ടറിക്ക് റഫീക്കിന് അപമാനിച്ചു എന്ന പേരും പറഞ്ഞാണ് സിപിഎം അണികൾ അടക്കമുള്ളവർ മമ്മൂട്ടിക്കെതിരെ തിരിഞ്ഞിരിക്കുന്നത്. എന്നാൽ ഈ വിഷയങ്ങളെല്ലാം പറഞ്ഞു തീർത്തു എന്ന് തന്നെയാണ് മുതിർന്ന നേതാക്കൾ അടക്കം പ്രതികരിക്കുന്നത്.

ENGLISH SUMMARY

DYFI State President Chintha Jerome has dismissed the campaigns directed against actor Mammootty. Speaking to the media, she stated that the criticisms arising when a photograph with Mammootty is shared should not be given any weight, adding that what is needed is constructive dialogue, not controversies.

മോഹൻലാൽ നായകനാകുന്ന ഏറ്റവും പുതിയ സിനിമ L 368 ന് തുടക്കം. സിനിമയുടെ പൂജ ഇന്ന് നടന്നു. പ്രമുഖ സംവിധായകൻ സത്യൻ അന്തിക്കാടിന്റെ മകൻ അനൂപ് സത്യൻ സംവിധാനം ചെയ്യുന്ന സിനിമയ്ക്ക് ഇതുവരെ പേര് നിശ്ചയിച്ചിട്ടില്ല. അതുകൊണ്ടാണ് മോഹൻലാലിന്റെ 368 മത് ചിത്രം എന്ന നിലയിൽ എൽ 386 എന്ന് പുതിയ പ്രോജക്ട് അറിയപ്പെടുന്നത്. കൊച്ചിയിൽ നടന്ന പൂജ ചടങ്ങ് മലയാള സിനിമ മേഖലയിലെ പ്രമുഖരുടെ സംഗമ വേദിയായി മാറി. പുതിയ ചിത്രത്തെക്കുറിച്ച് കൂടുതലൊന്നും മോഹൻലാൽ പൂജ വേദിയിൽ സംസാരിച്ചില്ല എങ്കിലും ആരാധകരെ സംബന്ധിച്ചിടത്തോളം പ്രതീക്ഷ നൽകുന്ന വാക്കുകൾ ആണ് അദ്ദേഹം പങ്കുവെച്ചത്.

സത്യൻ അന്തിക്കാടിന്റെ ആദ്യ സിനിമ മുതൽ ഇപ്പോൾ ഏറ്റവും അവസാനം പുറത്തിറങ്ങിയ ചിത്രം വരെ തങ്ങൾ ഒരുമിച്ചാണ് ചെയ്തത് എന്ന് പറഞ്ഞ മോഹൻലാൽ ഇപ്പോൾ അദ്ദേഹത്തിന്റെ മകനൊപ്പവും സിനിമ ചെയ്യാൻ പോകുന്നതിന്റെ സന്തോഷവും പങ്കുവെച്ചു. എല്ലാവർക്കും ഇഷ്ടപ്പെടുന്ന മികച്ചൊരു സിനിമയായി ഇത് മാറാനാണ് സാധ്യത എന്നും സിനിമയുടെ കഥയെക്കുറിച്ചും മറ്റു വിവരങ്ങളെ കുറിച്ചും പറയുന്നില്ല എന്നും ആ കാര്യങ്ങളെല്ലാം സംവിധായകനാണ് പറയേണ്ടത് എന്നും മോഹൻലാൽ പൂജ വേദിയിൽ വ്യക്തമാക്കി. സംവിധായകൻ പറയുന്നതുപോലെ ചെയ്യുന്ന ഒരാളാണ് താനെന്നും മോഹൻലാൽ കൂട്ടിച്ചേർത്തു.

Also Read:  750 കോടിയും പിന്നിട്ട് ടൈ​ഗർ മുത്തുവേൽ പാണ്ഡ്യൻ ഷോ, ഇനി 1000 കോടി ക്ലബ്ബിലേക്ക്

വരനെ ആവശ്യമുണ്ട് എന്ന സിനിമയ്ക്ക് ശേഷം അനൂപ് സംവിധാനം ചെയ്യുന്ന സിനിമയാണ് ഇത്. നിലവിൽ 368 എന്നാണ് പേര് നൽകിയിരിക്കുന്നതെങ്കിലും വൈകാതെ തന്നെ സിനിമയുടെ യഥാർത്ഥ പേര് നിശ്ചയിക്കുമെന്ന് സംവിധായകൻ പറഞ്ഞു. മുകേഷ്, സംഗീത് പ്രതാപ് തുടങ്ങിയ വലിയ താരനിരയും സിനിമയിൽ അണിനിരക്കുന്നുണ്ട്. എന്നാൽ സിനിമയുടെ പ്ലോട്ട് എന്താണ് എന്നതിനെ സംബന്ധിച്ച് ഇതുവരെ അണിയറ പ്രവർത്തകർ അപ്ഡേറ്റുകൾ ഒന്നും പുറത്തുവിട്ടിട്ടില്ല.

ഷഹനാദ് ജലാലാണ് സിനിമയുടെ ചായാഗ്രഹണം നിർവഹിക്കുന്നത്. ജേക്സ് ബിജോയ് ആണ് സംഗീതം കൈകാര്യം ചെയ്യുന്നത്. ബിനു ജോർജ് അലക്സാണ്ടർ നിർമ്മിക്കുന്ന സിനിമയിൽ ആക്ഷനും പ്രാധാന്യം ഉണ്ടാകും എന്നാണ് ലഭിക്കുന്ന സൂചന. മോഹൻലാലിനെ സംബന്ധിച്ചിടത്തോളം നിലവിൽ അടുത്തുതന്നെ പുറത്തിറങ്ങാൻ ഇരിക്കുന്ന പ്രധാന സിനിമ തരുൺമൂർത്തി സംവിധാനം ചെയ്യുന്ന അതിമനോഹരം ആണ്. ഇപ്പോൾ തീയേറ്ററുകൾ വൻ വിജയമായി മുന്നേറുന്ന ജയിലർ 2 ൽ മികച്ച കാമിയോ വേഷത്തെയും മോഹൻലാൽ അവതരിപ്പിച്ചിട്ടുണ്ട്.

English Summary

Work has begun on a new film starring Mohanlal. The pooja for the project, tentatively referred to as L 368, took place today. The film, which is yet to be titled, is being directed by Anoop Sathyan son of the renowned director Sathyan Anthikad. It is called L 368 because it marks Mohanlal's 368th film.

അനൂപ് സത്യനെ കുറിച്ച് രസകരമായ ഓർമ്മകൾ പങ്കുവെച്ച് അച്ഛനും സംവിധായകനുമായ സത്യൻ അന്തിക്കാട്. സ്കൂളിൽ പഠിക്കുന്ന സമയത്ത് വലിയ മോഹൻലാൽ ആരാധകനായിരുന്ന അനൂപ് മോഹൻലാലിന്റെ പേരിൽ തന്നോട് മിണ്ടാതെ നടന്നിട്ടുണ്ട് എന്നാണ് സത്യൻ അന്തിക്കാട് പറയുന്നത്. താനും മോഹൻലാലും സിനിമകൾ ഒന്നിച്ച് ചെയ്യാതിരുന്ന ഒരു പത്ത് പന്ത്രണ്ട് വർഷം ഉണ്ടായിരുന്നു.

ഈ സമയത്ത് സ്കൂളിൽ പോകാൻ തയ്യാറായി ബാഗ് ഒക്കെ പാക്ക് ചെയ്ത് വന്നിട്ട് അനൂപ് തന്നോട് ചോദിക്കുക അടുത്ത സിനിമയിൽ മോഹൻലാൽ ആണോ എന്നാണ്. അല്ല എന്ന് പറയുമ്പോൾ അവൻ രണ്ടു ദിവസം പിന്നെ എന്നോട് ആ കാര്യവും പറഞ്ഞു മിണ്ടില്ല. പിന്നെ കുറെ സിനിമകൾ ചെയ്തപ്പോഴും അവൻ വന്ന് മോഹൻലാൽ ഉണ്ടോ എന്ന് ചോദിക്കും. അല്ലെന്ന് പറയുമ്പോൾ ഒക്കെ അവൻ വീണ്ടും തന്നോട് പിണങ്ങും എന്നാണ് സത്യൻ അന്തിക്കാട് പറയുന്നത്.

ALSO READ:“ഇപ്പോൾ ചിരിക്കുന്ന മുഖ്യമന്ത്രിയുണ്ട്, കേരളത്തിന് വേണ്ടി സുഹൃത്ത് 5000 കോടി മുടക്കും”; വി.ഡി സതീശനുമായി ചർച്ച നടത്തിയെന്ന് മേജർ രവി

ഞാൻ മോഹൻലാലിന്റെ വീട്ടിലേക്കാണ്....

അത്രയ്ക്കും വലിയ ഒരു മോഹൻലാൽ ഫാൻ ആയിരുന്നു അനൂപ്. ഒരു ദിവസം ഇതേ കാര്യം പറഞ്ഞ് വഴക്കുണ്ടാക്കി അവൻ തന്റെ വീട്ടിൽ നിന്ന് ഇറങ്ങി പോകാൻ പോലും തീരുമാനിച്ചു. എന്നിട്ട് എങ്ങോട്ടാണ് പോകുന്നതെന്ന് ചോദിച്ചപ്പോൾ ഞാൻ മോഹൻലാലിന്റെ വീട്ടിലേക്കാണ് എന്നാണ് പറഞ്ഞിരുന്നത് എന്നും സത്യൻ അന്തിക്കാട് ഓർക്കുന്നു.മോഹൻലാലിന്റെ അത്രയും വലിയ ആരാധകനായ മകൻ ഇപ്പോൾ മോഹൻലാലിനെ തന്നെ നായകനാക്കി ഒരു സിനിമ ചെയ്യുന്നു എന്നതിൽ തനിക്ക് വ്യക്തിപരമായി നല്ല സന്തോഷമുണ്ട്. എല്ലാം നന്നായി വരട്ടെ എന്നും സത്യൻ അന്തിക്കാട് പറഞ്ഞു. മോഹൻലാലിനെ ക്യാമറയ്ക്ക് മുന്നിൽ നിർത്തി കൊതി തീരാത്ത വ്യക്തിയാണ് താനെന്ന് പലപ്പോഴും പറഞ്ഞിട്ടുണ്ട്. അടുത്ത ചിത്രവും മോഹൻലാലിനെ വെച്ചാണ്.

അതേസമയം മോഹൻലാൽ നായകനാകുന്ന ഈ സിനിമയ്ക്ക് L- 368 എന്നാണ് താൽക്കാലികമായി പേരിട്ടിരിക്കുന്നത് വരനെ ആവശ്യമുണ്ട് എന്ന വിജയ ചിത്രത്തിനുശേഷം അനൂപി സത്യൻ ഒരുക്കുന്ന ഈ സിനിമ നിർമ്മിക്കുന്നത് ജോർജ് അലക്സാണ്ടർ ആണ്. മുകേഷ്, സംഗീത് പ്രതാപ് എന്നിവരാണ് ചിത്രത്തിലെ മറ്റു പ്രമുഖ താരങ്ങൾ. എന്നിവരാണ് ചിത്രത്തിലെ മറ്റു പ്രമുഖ താരങ്ങൾ. ഷെഹ്നാദ് ജലാൽ ഛായാഗ്രഹണവും ജേക്സ് ബിജോയ് സംഗീതസംവിധാനവും സ്റ്റണ്ട് സിൽവ സംഘട്ടനസംവിധാനവും നിർവഹിക്കുന്നു.

ENGLISH SUMMARY

Director Sathyan Anthikad shared some amusing memories about his son, Anoop Sathyan. According to Sathyan Anthikad, when Anoop was in school, he was such a huge fan of Mohanlal that he even stopped speaking to his father—all because of Mohanlal. There was a period of about ten to twelve years during which Sathyan Anthikad and Mohanlal did not work on any films together.

ശാന്തിവിള ദിനേശിനെ ഒന്ന് നേരിൽ കാണേണ്ടിവരുമെന്നും എല്ലാ പരിധികളും അദ്ദേഹം ലംഘിക്കുകയാണെന്നും മേജർ രവി. നടൻ ഉണ്ണി മുകുന്ദൻ മർദ്ദിച്ചു എന്ന് കാട്ടി മേജർ രവി ഫെഫ്കയിൽ പരാതി നൽകിയിരുന്നു എന്ന ശാന്തിവിള ദിനേശിൻ്റെ പ്രതികരണത്തിന് മറുപടി പറയുകയായിരുന്നു മേജർ രവി. ശന്തിവിള ദിനേശിന് മാനസിക രോഗമുണ്ടെന്നാണ് തോന്നുന്നത് എന്നും ചികിത്സയ്ക്ക് അയക്കേണ്ടിവരുമെന്നും മൂവി വേൾഡ് മീഡിയ എന്ന യുട്യൂബ് ചാനലിന് നൽകിയ അഭിമുഖത്തിൽ മേജർ രവി പറയുന്നു.

ഉണ്ണി മുകുന്ദനെ കുറിച്ച് പരാതിയുമായി എവിടെയും പോയിട്ടില്ല എന്ന് മേജർ രവി പറയുന്നു. ഇക്കാര്യം നിങ്ങൾക്ക് ഉണ്ണി മുകുന്ദനോട് തന്നെ ചോദിക്കാം. താനും ഉണ്ണിയുമായി എന്താണ് സംഭവിച്ചത് എന്ന് എല്ലാവർക്കും അറിയാം..ഉണ്ണി മുകുന്ദന് ജിവിതത്തിൽ ആദ്യമായി അഡ്വൻസ് കൊടുത്ത വ്യക്തി താനാണ്. തൻ്റെ അറുപതാം പിറന്നാളിന് ഉണ്ണി വന്നതോടെ ആ തെറ്റിദ്ധാരണ അവിടെ അവസാനിച്ചു. ഫെഫ്കയിലും മാക്ടയിലും താൻ അംഗമാണ്. പക്ഷേ ഒരിക്കൽ പോലും പരാതിയുമായി ഒരു സംഘടനയിലും താൻ പോയിട്ടില്ല എന്നും മേജർ രവി പറഞ്ഞു.

Also Read: Santhivila Dinesh: “മോഹൻലാലിനെ പോലെയുള്ള ഒരാൾ ഈ നാണംകെട്ട പരിപാടിക്ക് പോകരുത്”; ബിഗ് ബോസിനെതിരെ ശാന്തിവിള ദിനേശ്

ശാന്തിവിള ദിനേശ് സ്വന്തം ഇമാജിനേഷനിൽ നിന്ന് പറയുന്നതാണ് ഇതെല്ലാ. ഇങ്ങനെ കഥമെനയാൻ കഴിവുള്ള ആൾക്ക് സ്വന്തം സിനിമ ഹിറ്റാക്കാവുന്നേതേയൊള്ളു. 30 വർഷം മുൻപാണ് ഒരു സിനിമയെടുത്തത്. ഫെഫ്കയിൽ നിന്നും അദ്ദേഹത്തെ പുറത്താക്കിയതാണ്. തന്നെ പോലെയുള്ളവരെ കുറ്റംപറഞ്ഞാണ് ശാന്തിവിള ദിനേശ് കഞ്ഞികുടിക്കുന്നത്. അതുകൊണ്ടാണ് കണ്ടില്ലെന്ന് നടിച്ചത്. എന്നാൽ ഇപ്പോൾ പരിധികൾ ലംഘിക്കുകയാണെന്നും മേജർ രവി പറഞ്ഞു. മറ്റുള്ളവരെ കുറിച്ചുള്ള വർത്തമാനം കേൾക്കാൻ ജനങ്ങൾക്ക് ഇഷ്ടമാണ് എന്നതിനാലാണ് അദ്ദേഹത്തെ പോലുള്ള ആളുകൾക്ക് ഇത്രയധികം സബ്സ്ക്രൈബർമാരെ ലഭിക്കുന്നത് എന്നും അദ്ദേഹം കൂട്ടിച്ചേർത്തു.

ശാന്തിവിള ദിനേശിനെ ഒന്ന് നേരിൽ കണ്ട് ഇതെല്ലാം.ചോദിക്കണം എന്ന ആഗ്രമുണ്ട്. പരസ്യമായി തന്നെ ഇത് പറയുകയാണ്. പരാതിയുമായി ബന്ധപ്പെട്ട കാര്യങ്ങൾ മുന്നോട്ടുപോകുന്നുണ്ട്. പക്ഷേ എല്ലാ പരിധികളും ലംഘിക്കുകയാണെന്നും മേജർ രവി വ്യക്തമാക്കി. അദ്ദേഹത്തിന് കാര്യമായ മാനസിക പ്രശ്നങ്ങൾ ഉണ്ട്. പക്ഷേ അത് ആസ്വദിക്കുന്ന ഒരുപാട് പേർ സമൂഹത്തിലുണ്ട്. അദ്ദേഹത്തിൻ്റെ വിഡിയോ കാണുന്നവരുടെ നിലവാരം നഷ്ടപ്പെടും. അദ്ദേഹം ഉപയോഗിക്കുന്ന വാക്കുകളും പ്രയോഗങ്ങളും അംഗീകരിക്കാനാകാത്ത വിധം മോശമാണ് എന്നും മേജർ രവി പറഞ്ഞു.

English Summary

Major Ravi strongly criticized Santhivila Dinesh for falsely claiming he filed a FEFKA complaint against Unni Mukundan. Denying the rumors, Ravi stated that Dinesh is crossing limits and spreading fake stories.

ബിഗ് ബോസിനെതിരെ രൂക്ഷ വിമർശനവുമായി സംവിധായകനും സോഷ്യൽ മീഡിയ ഇൻഫ്ലൂവൻസറുമായ ശാന്തിവിള ദിനേശ്. കഠിനമായ ജിവിത സാഹചര്യങ്ങളുള്ള ആളാണ് താനെങ്കിലും ഒരു കോടി രൂപ മുൻകൂറായി നൽകാം എന്ന് പറഞ്ഞാൽ പോലും ബിഗ് ബോസിൽ പോകില്ലെന്നും. അത്ര നിലവാരമില്ലാത്ത പരിപാടിയാണ് ബിഗ് ബോസ് എന്നും ശാന്തിവിള ദിനേശ് പറഞ്ഞു. ‘മൈ മീഡിയ ഒറിജിനൽസ്’ എന്ന് യുട്യൂബ് ചാനലിന് നൽകിയ അഭിമുഖത്തിലായിരുന്നു അവതാരകൻ മോഹൻലാലിനെ ഉൾപ്പടെ വിമർശിച്ച് ശാന്തിവിള ദിനേശ് രംഗത്തെത്തിയത്.

താനോ വീട്ടുകാരോ ബിഗ് ബോസ് കാണാറില്ല, ബിഗ് ബോസിലേക്ക് വിളിച്ചേക്കും എന്ന് സൂചന ലഭിച്ചപ്പോൾ തന്നെ എത്ര പണം നൽകിയാലും പോകില്ല എന്ന് പരസ്യമായി തന്നെ പറഞ്ഞിട്ടുണ്ട് എന്നും ശാന്തിവിള ദിനേശ് പറഞ്ഞൂ. “മോഹൻലാലിനെ പോലെ സമൂഹത്തിന് മുന്നിൽ ഇത്രയധികം പേരുള്ള മനുഷ്യൻ ഈ നാണംകെട്ട പ്രോഗ്രാമിൻ്റെ അവതാരകനാകാമോ” എന്നും അദ്ദേഹം ചോദിക്കുന്നുണ്ട്. ഏത് താരവുമാകട്ടെ അഭിമാനത്തിത്തിൻ്റെ തരിമ്പെങ്കിലും ഉണ്ടെങ്കിൽ ബിഗ് ബോസിൽ അവതാരകനായി പോകാൻ പാടില്ലെന്നും ശാന്തിവിള ദിനേശ് പറഞ്ഞൂ.

സമൂഹത്തിൽ നിലവാരമില്ലാത്തവരായിരിക്കണം എന്നതാണ് ബിഗ് ബോസിലേക്ക് ആളുകളെ സ്വീകരിക്കുന്നതിനുള്ള മാനദണ്ഡം എന്ന് ശാന്തിവിള ദിനേശ് വിമർശനം ഉന്നയിക്കുന്നു. ബിഗ് ബോസിൽ ജയിച്ചിട്ടുള്ള മന്യനായ ആരെങ്കിലും ഉണ്ടോ. ഒരാളെ പോലു ചൂണ്ടിക്കാണിക്കാനാകില്ല. ബിഗ് ബോസിൽ പോകുന്നവർ ക്രിമിനലായി മാറും എന്നുപോലും അദ്ദേഹം പറയുന്നു.

Also Read: Bigg Boss Malayalam Season 8: ജയിൽ നോമിനേഷനിടയിലും നാടകീയ രം​ഗങ്ങൾ, ഹൗസിലെ അടി തുടരുന്നു

സമൂഹത്തിന് ബിഗ് ബോസ് കൊടുക്കുന്ന സന്ദേശം എന്താണ് എന്ന് ചോദിച്ച ശാന്തിവിള ദിനേശ് മോഹൻലാലിനെ രൂക്ഷമായ ഭാഷയിലാണ് വിമർശിക്കുന്നത്. “ഏത് പെണ്ണ് പിണങ്ങി പോകുമ്പോഴും അവൾ ചീത്ത വിളിച്ചിട്ടല്ലേ ഇറങ്ങിപ്പോകുന്നത്. അത് കണ്ടാൽ എന്ത് മേസേജാണ് നിങ്ങൾക്ക് കിട്ടുന്നത്. നീല ലുങ്കിലും നീല ഉടുപ്പും ഒക്കെയിട്ട്,,ഈ മോഹൻലാലിന് നാണമില്ലേ എന്നാണ് ഞാൻ ചോദിക്കുന്നത്. അഞ്ച് തലമുറക്കുള്ളത് ഇയാൾ ഉണ്ടാക്കിയിട്ടില്ലേ, അതിൻ്റെ അമ്പതിരട്ടി അമ്മായിയച്ഛൻ ബാലാജി ഉണ്ടാക്കിക്കൊടുത്തില്ലേ” ശാന്തിവിള ദിനേശ് ചോദിക്കുന്നു.

ലെഫ്റ്റ്നൻ്റ് കേണലാണ് മോഹൻലാൽ, ഡോക്ടറേറ്റ് ഉണ്ട്, പത്മഭൂഷൻ ലഭിച്ചിട്ടുള്ളയാളാണ്, ദാദസാഹിബ് ഫാൽകെ പുരസ്കരം നേടിയിട്ടുണ്ട്. അദ്ദേഹത്തെ പോലെയുള്ള ഒരാളാണ് ഇത്തരം നിലവാരമില്ലാത്ത ഒരു പരിപാടിയുടെ ഭാഗമാകുന്നത്. ഒരു കാരണവശാലും താൻ ബിഗ് ബോസ് പോലെ ഒരു പരിപാടിയിൽ പങ്കെടുക്കില്ല എന്നും അങ്ങനെ വന്നാൽ അഖിൽ മാരാരെ പോലെയുള്ളവരുടെ നിലവാരത്തിലേക്ക് താൻ പോകേണ്ടിവരും എന്നും ശാന്തിവിള ദിനേശ് കൂട്ടിച്ചേർത്തു.

English Summary

Director Santhivila Dinesh heavily criticized Bigg Boss Malayalam, calling it a "shameless" show that degrades participants. He openly questioned why a highly respected actor like Mohanlal hosts such a low-standard program.

ബിഗ് ബോസ് മലയാളം സീസൺ എട്ടിലെ മത്സരങ്ങൾ സംഭവബഹുലമായി തുടരുകയാണ്. ഈയാഴ്ചയിലെ ജയിൽ നോമിനേഷൻ ഹൗസിൽ പുതിയ സംഭവവികാസങ്ങൾക്ക് വഴി തുറന്നിരിക്കുകയാണ്. ജയിൽ നോമിനേഷൻ നടക്കുന്നതിനിടെ നാടകീയ രംഗങ്ങളാണ് ഹൗസിൽ അരങ്ങേറിയത് എന്ന് വ്യക്തമാക്കുന്ന പ്രമോയാണ് പുറത്തു വന്നിരിക്കുന്നത്. മത്സരാർത്ഥികൾ തമ്മിൽ ശക്തമായ വാഗ്വാദം ജയിൽ നോമിനേഷന് തുടർന്ന് ഉണ്ടായി എന്നാണ് പ്രമോ വീഡിയോ വ്യക്തമാക്കുന്നത്.

പ്രമോയിൽ ആദ്യം താഷി രാഹുൽ ഈശ്വറിനെ നോമിനേറ്റ് ചെയ്യുന്നതായാണ് കാണിക്കുന്നത്. ഗെയിം കളിച്ചിട്ടുണ്ടോ എന്ന് ചോദിച്ചാൽ, താൻ ഇതുവരെ രാഹുൽ ഈശ്വർ ഗെയിം കളിക്കുന്നതായി കണ്ടിട്ടില്ല എന്ന് പറഞ്ഞാണ് താഷി നോമിനേഷൻ നടത്തുന്നത്. പിന്നീട് കാണിക്കുന്നത് ഷിജിനെയാണ്. ഷിജിൻ കടൽക്കൊമ്പനയാണ് നോമിനേറ്റ് ചെയ്തത് എന്ന് പ്രമോയിലൂടെ മനസ്സിലാക്കാൻ കഴിയുന്നു. താൻ തന്റെ അനുജനായ കടൽ കൊമ്പനെയാണ് പറയുന്നത് എന്ന ഷിജിന്റെ ക്ലിപ്പ് പ്രമോയിൽ കാണാം. അതുപോലെതന്നെ ഐശ്വര്യയും കടൽ കൊമ്പനെ തന്നെയാണ് ഈയാഴ്ചയിലെ ജയിലിലേക്ക് നോമിനിറ്റ് ചെയ്തിരിക്കുന്നത് എന്ന് പ്രമോ, സൂചന നൽകുന്നു.

Also Read: എടാ, പോടാ വിളിയിൽ ഐശ്വര്യയും കൊമ്പനും ഏറ്റുമുട്ടൽ തുടരുന്നു

ഐശ്വര്യയും കൊമ്പനും തമ്മിൽ പലതവണ ഈ ആഴ്ച ഏറ്റുമുട്ടിയിരുന്നു. കൊമ്പൻ ബഹുമാനമില്ലാതെ എടി, പോടി തുടങ്ങിയ പദപ്രയോഗങ്ങൾ തനിക്കെതിരെ നടത്തുന്നു എന്നാണ് ഐശ്വര്യ പ്രധാനമായും വഴക്കിനിടയിൽ പറഞ്ഞിരുന്നത്. അതേ കാര്യം തന്നെ നോമിനേഷനിലും ആവർത്തിക്കുന്നുണ്ട്. മൃദുല താഷിയുടെ പേരാണ് പറഞ്ഞിരിക്കുന്നത്. താഷി വളരെ കമാൻഡിങ് ആയിട്ടാണ് പെരുമാറുന്നത്, അത് തങ്ങൾക്ക് സഹിക്കാൻ പറ്റുന്നില്ല എന്നാണ് മൃദുല നോമിനേഷനിൽ പറഞ്ഞിരിക്കുന്നത്.

പിന്നീട് ഗൗതം ശശി സംസാരിക്കുന്ന സമയത്ത് താൻ അഭിപ്രായം പറയുമ്പോൾ തന്റെ തലയിൽ കയറാൻ വരണ്ട എന്ന് പറയുന്നുണ്ട്. ഇതിനെതിരെ എന്നോണം താഷി നീ നിന്നെ തന്നെ ചെറുതായി കാണുന്നതുകൊണ്ടാണ് നിനക്കത് തോന്നുന്നത് എന്ന് പറയുന്നതും നിങ്ങളെല്ലാവരും എന്നെ തെറിവിളിച്ചാൽ ഞാൻ പറയും എന്ന് വിപിൻ രോഷത്തോടെ സംസാരിക്കുന്നതും പ്രമോയിൽ കാണാം. ഹൗസിലെ ഓരോ ആഴ്ചയിലെയും മത്സരാർത്ഥികളുടെ പ്രകടനത്തെ അടിസ്ഥാനമാക്കിയാണ് ജയിലിലേക്ക് ആരെ അയക്കണം എന്നുള്ള തീരുമാനം മത്സരാർത്ഥികൾ തന്നെ എടുക്കുന്നത്. ഏറ്റവും കൂടുതൽ നോമിനേഷൻ ലഭിക്കുന്ന രണ്ടുപേർ വീതമാണ് ഓരോ ആഴ്ചയിലും ജയിലിൽ പോവുക.

English Summary

The competition in Bigg Boss Malayalam Season 8 continues to be action-packed. This week’s jail nomination process has paved the way for new developments within the house. A newly released promo reveals that dramatic scenes unfolded inside the house during the jail nomination.

നടൻ മമ്മൂട്ടിയുമായുള്ള ഫോട്ടോ വിവാദത്തിൽ പ്രതികരണവുമായി ഡിവൈഎഫ്ഐ സംസ്ഥാന സെക്രട്ടറിയും എംഎൽഎയും ആയ എം. വിജിൻ രംഗത്ത്. മഹാനടനായ മമ്മൂട്ടിയുടെ ക്ഷണം സ്വീകരിച്ചാണ് സംസ്ഥാനത്തെ ഡിവൈഎഫ്ഐ - എസ്എഫ്ഐ നേതൃത്വം അദ്ദേഹത്തെ കാണാൻ ചെന്നത് എന്നാണ് എം വിജിൻ എംഎൽഎ വിശദീകരിക്കുന്നത്. കാണാൻ എത്തിയ തങ്ങളെ സ്നേഹപൂർവ്വം സ്വീകരിച്ച മമ്മൂട്ടി ദീർഘനേരം രാഷ്ട്രീയ സാംസ്കാരിക വിഷയങ്ങളിൽ തുറന്ന് സംസാരിക്കുകയുണ്ടായി എന്നും വിജിൻ വ്യക്തമാക്കുന്നു. ഫേസ്ബുക്ക് പോസ്റ്റിലൂടെയാണ് വിവാദത്തിൽ എംഎൽഎ പ്രതികരണം നടത്തിയിരിക്കുന്നത്.

ഇന്നലെയാണ് മമ്മൂട്ടിക്കൊപ്പം ഉള്ള ഫോട്ടോ എം വിജിൻ പോസ്റ്റ് ചെയ്യുന്നതും ഈ പോസ്റ്റിന് താഴെ ഇടതു സൈബർ ഹാൻഡിലുകളിൽ നിന്ന് വ്യാപക വിമർശനം ഉണ്ടാകുന്നതും.50 വർഷത്തെ അനുഭവ സമ്പത്തുള്ള ഉള്ള 25 വയസ്സുകാരൻ എന്ന അടിക്കുറിപ്പോടെയാണ് എം വിജിൻ മമ്മൂട്ടിക്കൊപ്പുള്ള ഫോട്ടോ തന്റെ ഫേസ്ബുക്ക് പേജിലൂടെ ഷെയർ ചെയ്തത്. എന്നാൽ ഈ ഫോട്ടോയ്ക്ക് താഴെ സഖാവേ ഇത് വേണ്ടായിരുന്നു എന്ന് പറഞ്ഞ് നിരവധി പേരാണ് രൂക്ഷമായ വിമർശനം ഉയർത്തിയത്. കഴിഞ്ഞവർഷം മുണ്ടക്കൈ ചൂരൽമല ദുരിതബാധിതർക്ക് വേണ്ടി സർക്കാർ ഒരുക്കുന്ന വയനാട് ടൗൺഷിപ്പ് സന്ദർശനത്തിനിടെ സിപിഎം ജില്ലാ സെക്രട്ടറി കെ റഫീക്കിനോട് മമ്മൂട്ടി മാറിനിൽക്കാൻ ആവശ്യപ്പെട്ട സംഭവത്തെ ഉയർത്തിക്കാട്ടിയായിരുന്നു വിമർശനങ്ങൾ. നിങ്ങൾ എപ്പോഴും എന്റെയൊപ്പം നടന്നാൽ ഞാൻ നിങ്ങൾക്കുവേണ്ടി വന്നതാണെന്ന് തെറ്റിദ്ധരിക്കില്ലെ എന്നായിരുന്നു മമ്മൂട്ടി അന്ന് റഫീഖിനോട് ചോദ്യം ഉന്നയിച്ചത്.

Also Read: മമ്മൂട്ടിക്കെതിരായ സൈബർ ആക്രമണം അപലപനീയം എന്ന് പി ജയരാജൻ; പ്രതികരണത്തിന് പിന്നാലെ സോഷ്യൽ മീഡിയയിൽ വിമർശനം

ഈ ഫോട്ടോയും അതിന് താഴെ വന്ന പ്രതികരണങ്ങളും വലിയ വിവാദത്തിന് വഴിവച്ച സാഹചര്യത്തിലാണ് ഇപ്പോൾ എം. വിജിൻ തന്നെ വിശദീകരണവുമായി എത്തിയിരിക്കുന്നത്. എം വിജൻ മമ്മൂട്ടിയെ സന്ദർശിച്ചതിനെ കുറിച്ച് പറയുന്നതിങ്ങനെ എഴുപത്തഞ്ച് വയസ്സ് പിന്നിടുന്ന മലയാളത്തിൻ്റ മഹാപ്രതിഭയോട് തികച്ചും ജനാധിപത്യ പരമായ സംവാദമാണ് തങ്ങൾ നടത്തിയത്. വയനാട് ടൗൺഷിപ്പിലെ സന്ദർശന സമയത്തുണ്ടായ വിവാദങ്ങളൊക്കെ അന്നേ അവസാനിക്കേണ്ടതായിരുന്നു എന്നും സഖാവ് റഫീക്കും മമ്മൂട്ടിയും പരസ്പരം സംസാരിച്ച് തീർത്തഒരു സംഭവത്തിന്റെ പേരിൽ വീണ്ടും വിമർശനം ഉയർത്തുന്നത് ശരിയല്ല എന്നും വിജിൻ പോസ്റ്റിൽ കുറിച്ചു.

സമൂഹത്തിലെ വ്യത്യസ്ത തലങ്ങളിലുള്ള വ്യക്തികളോട് യോജിച്ചും വിയോജിച്ചും സംവദിച്ചും കൊണ്ടല്ലാതെ ജനാധിപത്യ പ്രസ്ഥാനങ്ങൾക്ക് മുന്നോട്ട് പോകാനാവില്ല എന്നും വിട്ടുവീഴ്ചയില്ലാത്ത രാഷ്ട്രീയ നിലപാടുകൾക്കൊപ്പം മാനുഷിക മൂല്യങ്ങളുമുയർത്തിപ്പിടിച്ചു വേണം നമുക്ക് മുന്നേറാനെന്നും പറഞ്ഞാണ് പോസ്റ്റ് അവസാനിപ്പിക്കുന്നത്.

English Summary

M. Vijin, the DYFI State Secretary and MLA, has responded to the controversy surrounding a photograph with actor Mammootty. MLA M. Vijin explains that the leadership of the DYFI and SFI in the state went to meet the legendary actor at his invitation.

നടൻ മമ്മൂട്ടിക്കെതിരെ നടക്കുന്ന സൈബർ ആക്രമണം അവസാനിപ്പിക്കണമെന്ന ആഹ്വാനവുമായി സിപിഎം സംസ്ഥാന സെക്രട്ടറിയേറ്റ് അംഗം പി ജയരാജൻ. അണികളെ തിരുത്തിയതിനു പിന്നാലെ പി ജയരാജനും സോഷ്യൽ മീഡിയയിൽ വൻ വിമർശനം. ഇടതുപക്ഷത്തിന്റെ ലേബലിൽ നിന്നുകൊണ്ട് ഇത്തരത്തിൽ വ്യക്തിഹത്യ നടത്തുന്നത് ഒരിക്കലും അംഗീകരിക്കാൻ സാധിക്കില്ല എന്നും ഇതിന് നേതൃത്വം കൊടുക്കുന്നത് ഇടതുപക്ഷ രാഷ്ട്രീയമല്ല എന്നും രാഷ്ട്രീയ ശത്രുക്കൾക്ക് അവസരം ഒരുക്കാനും തെറ്റിദ്ധാരണകൾ സൃഷ്ടിക്കാരും ചിലർ നടത്തുന്ന അജണ്ട തിരുത്തേണ്ടതുണ്ട് എന്നും പി ജയരാജൻ ഫേസ്ബുക്കിൽ കുറിച്ചു.

വയനാട് ദുരന്തവുമായി ബന്ധപ്പെട്ട് മുൻപ് സംഭവിച്ച ഒരു വിഷയം ആ സമയത്ത് തന്നെ പരസ്പരം സംസാരിച്ചുകൊണ്ട് പൂർണമായും പരിഹരിക്കപ്പെട്ട ഒന്നാണ്. സിപിഐഎം വയനാട് ജില്ലാ സെക്രട്ടറി റഫീക്കും മമ്മൂട്ടിയും തമ്മിലുള്ള സൗഹൃദവും ആത്മബന്ധവും പൊതു സമൂഹത്തിന് മുന്നിലുള്ളതാണ് എന്നും അദ്ദേഹം പറഞ്ഞു. അന്ന് കഴിഞ്ഞുപോയ ഒരു തെറ്റിദ്ധാരണയെക്കുറിച്ച് വീണ്ടും കുത്തിപ്പൊക്കി കൊണ്ട് ആ മഹാനടനെ നിരന്തരം വേട്ടയാടാൻ അധിക്ഷേപിക്കാനും ചില കേന്ദ്രങ്ങൾ ശ്രമിക്കുന്നത് വ്യക്തി താല്പര്യങ്ങളോടെ ആണ് എന്നാണ് പി ജയരാജൻ ഫേസ്ബുക്കിൽ കുറിച്ചത്.

ALSO READ:ഇത് വേണ്ടായിരുന്നു, മമ്മൂട്ടിയ്ക്കൊപ്പമുള്ള എം.വിജിൻ എം.എൽ.എയുടെ ഫോട്ടോയ്ക്ക് രൂക്ഷ വിമർശനം

രാഷ്ട്രീയ ചേരിതിരിവിന്റെ അടിസ്ഥാനത്തിൽ അളക്കേണ്ട കാര്യമില്ല...

ഒരു രാഷ്ട്രീയ പാർട്ടിയുടെയും ചട്ടക്കൂടിനുള്ളിൽ ഒതുങ്ങി നിൽക്കുന്ന വ്യക്തിയല്ല മമ്മൂട്ടി. ഈ നാടിന്റെ ആകെ പൊതു സ്വത്താണ് അദ്ദേഹം. അദ്ദേഹത്തെ കാണുന്നതും സൗഹൃദം പങ്കുവെക്കുന്നതും ഏതെങ്കിലും രാഷ്ട്രീയ ചേരിതിരിവിന്റെ അടിസ്ഥാനത്തിൽ അളക്കേണ്ട കാര്യമില്ല എന്നും പി ജയരാജൻ വ്യക്തമാക്കി. മലയാളത്തിന്റെ അഭിമാനമായ മഹാനടൻ മമ്മൂട്ടിയെയും അദ്ദേഹത്തെ സന്ദർശിച്ച ഡിവൈഎഫ്ഐ എസ്എഫ്ഐ നേതാക്കളെ ലക്ഷ്യമിട്ട് സോഷ്യൽ മീഡിയയിൽ നടക്കുന്ന സൈബർ ആക്രമങ്ങൾ അത്യന്തം അപലപനീയമാണ് എന്നും അദ്ദേഹം വ്യക്തമാക്കി.

പി ജയരാജന്റെ പോസ്റ്റ്...

 

View this post on Instagram

 

A post shared by P Jayarajan (@pjayarajan)

കൂടാതെ പുരോഗമന വിദ്യാർത്ഥി യുവജന പ്രസ്ഥാനങ്ങളുടെ നേതാക്കൾ അദ്ദേഹത്തിന്റെ ക്ഷണം സ്വീകരിച്ച് സന്ദർശനം നടത്തിയത് പോലും വിവാദമാക്കുന്നത് സങ്കുചിതമായ രാഷ്ട്രീയ ബോധമാണ്. ദേശീയതലത്തിൽ ജനാധിപത്യത്തിന് വേണ്ടിയും കാവിവൽക്കരണത്തിന് പൊരുതി അംഗീകാരം നേടിയ ഡിവൈഎഫ്ഐ എസ്എഫ്ഐ നേതാക്കളെ കാണാൻ ആഗ്രഹിച്ചത് തന്നെ ഈ സംഘടനയ്ക്കുള്ള വലിയ അംഗീകാരമാണെന്നും അദ്ദേഹം കൂട്ടിച്ചേർത്തു.

എന്നാൽ ഇതിന് താഴെ പി ജയരാജനെ വിമർശിച്ചു കൊണ്ടും പലരും കമന്റുകളുമായി എത്തുന്നുണ്ട്. അതേസമയം കഴിഞ്ഞദിവസം മമ്മൂട്ടിയെ സന്ദർശിച്ച എസ്എഫ്ഐ ഡിവൈഎഫ്ഐ നേതാക്കളെ വിമർശിച്ചുകൊണ്ട് ഒരുകൂട്ടം അണികൾ രംഗത്തെത്തിയിരുന്നു. സിപിഐഎം വയനാട് ജില്ലാ സെക്രട്ടറി ചിത്രം പങ്കുവെച്ചുകൊണ്ടാണ് ഇക്കൂട്ടർ പ്രതിഷേധം രേഖപ്പെടുത്തിയത്. മാത്രമല്ല ഇതിന്റെ ആവശ്യമുണ്ടോ എന്നും ഒരുകൂട്ടം അണികൾ ചോദിക്കുന്നു.

ENGLISH SUMMARY

CPM State Secretariat member P. Jayarajan has called for an end to the cyberattacks against actor Mammootty. Following his move to correct his own party followers, P. Jayarajan himself has faced intense criticism on social media.

'ബോർഡർ 2' എന്ന ചിത്രത്തിന്റെ വൻ വിജയത്തിന് ശേഷം അഹാൻ ഷെട്ടി വീണ്ടും ആക്ഷൻ രംഗങ്ങളിലേക്ക് തിരിച്ചെത്തുന്നു. 'റസ്തം', 'മിഷൻ റാണിഗഞ്ച്' എന്നീ ചിത്രങ്ങളിലൂടെ ശ്രദ്ധേയനായ ടിനു സുരേഷ് ദേശായി സംവിധാനം ചെയ്യുന്ന അദ്ദേഹത്തിന്റെ പുതിയ ചിത്രമായ 'സങ്കി'യുടെ ചിത്രീകരണം ഉടന്‍ ആരംഭിക്കും. ഒക്ടോബർ 30-ന് ഭോപ്പാലിലാണ് ചിത്രത്തിന്റെ ഷൂട്ടിംഗ് ആരംഭിക്കുന്നത്. ജ്ഞാനേന്ദ്ര വാസുദേവ് തിരക്കഥയൊരുക്കുന്നത്. വൈകാരികമായ നിമിഷങ്ങളും ആക്ഷൻ രംഗങ്ങളും നിറഞ്ഞ, ഹൃദയസ്പർശിയായ ഒരു പ്രണയകഥയാണ് സങ്കി.

'ബോർഡർ 2' ചിത്രത്തിലെ മികച്ച പ്രകടനത്തിനും ആ ചിത്രം നേടിയ വൻ വിജയത്തിനും ശേഷം, വളരെ ശ്രദ്ധാപൂർവ്വമാണ് അഹാൻ തന്റെ അടുത്ത പ്രോജക്റ്റുകൾ തിരഞ്ഞെടുത്തത്. ആ കാത്തിരിപ്പിന്റെ ഫലം ഇപ്പോൾ അദ്ദേഹത്തിന് ലഭിച്ചിരിക്കുകയാണ്. 'സങ്കി'ക്ക് ശേഷം വിക്രം ഭട്ടിന്റെ '1920 കോൾഡ് വിന്റർ' എന്ന ചിത്രത്തിലും 2027-ൽ ചിത്രീകരണം ആരംഭിക്കുന്ന മറ്റ് ചില പ്രോജക്ടുകളിലും അഹാൻ അഭിനയിക്കും.

ചലച്ചിത്രസംഘം ഭോപ്പാലില്‍

ഒക്ടോബർ 30-ന് ചിത്രീകരണം ആരംഭിക്കുന്നതിന് മുന്നോടിയായുള്ള അവസാനഘട്ട ഒരുക്കങ്ങൾക്കായി, സംവിധായകൻ ടിനു ദേശായിയും സംഘവും ഇതിനകം ഭോപ്പാലിലെത്തിക്കഴിഞ്ഞു. ചിത്രത്തിന്റെ പ്രമേയവും കഥയും ഇപ്പോഴും രഹസ്യമായി സൂക്ഷിച്ചിരിക്കുകയാണ്. ചിത്രത്തിന്റെ ഓരോ ഘടകങ്ങളും നിശ്ചിത സമയങ്ങളിൽ പ്രേക്ഷകർക്ക് മുന്നിൽ അവതരിപ്പിക്കാനാണ് അണിയറപ്രവർത്തകർ പദ്ധതിയിടുന്നത്.

'വി ദി പീപ്പിൾ', 'റോറിംഗ് റിവർ പ്രൊഡക്ഷൻസ്', 'പാൽസ് & പിയേഴ്സ് എന്റർടൈൻമെന്റ്' എന്നിവ ചേർന്നാണ് “സങ്കി” നിർമ്മിക്കുന്നത്. ഈ ചിത്രം 2027-ന്റെ ആദ്യ പകുതിയിൽ പ്രദർശനത്തിനെത്തും.

Also Read: ബി.കെ.യുവിലെ ബ്രിൻ്റോ തഗ്ഗ്സ്; മിക്കതും സ്വന്തം ഡയലോഗുകൾ എന്ന് ഷമീർ ഖാൻ

അഹാൻ ഷെട്ടി

നടന്‍ സുനില്‍ ഷെട്ടിയുടെ മകനാണ് അഹാന്‍. 2021-ൽ താര സുതാര്യയ്ക്കൊപ്പം അഭിനയിച്ച 'തഡപ്' എന്ന റൊമാന്റിക് ആക്ഷൻ ചിത്രത്തിലൂടെയാണ് ചലച്ചിത്ര രംഗത്തേക്ക് അരങ്ങേറ്റം കുറിച്ചത്. സണ്ണി ഡിയോൾ, വരുൺ ധവാൻ, ദിൽജിത് ദോസാഞ്ച് എന്നിവർക്കൊപ്പം അഭിനയിച്ച 'ബോർഡർ 2' എന്ന സിനിമയിലെ കഥാപാത്രം ഏറെ ശ്രദ്ധിക്കപ്പെട്ടു. ഈ ചിത്രത്തിൽ ലെഫ്റ്റനന്റ് കമാൻഡർ മഹേന്ദ്ര സിംഗ് റാവത്ത് എന്ന കഥാപാത്രത്തെയാണ് അദ്ദേഹം അവതരിപ്പിച്ചത്.

1995 ഡിസംബർ 28-ന് മുംബൈയില്‍ സുനിൽ ഷെട്ടിയുടെയും മനാ ഷെട്ടിയുടെയും മകനായി ജനിച്ചു. നടി അഥിയ ഷെട്ടിയാണ് സഹോദരി. ക്രിക്കറ്റ് താരം കെഎല്‍ രാഹുലിന്റെ ഭാര്യയാണ് അഥിയ.

English Summary

Ahan Shetty’s upcoming action drama film is titled 'Sanki'. Directed by Tinu Suresh Desai, the movie begins shooting in Bhopal on October 30. It is an emotional love story packed with high-octane action scenes. The film is set to release in theaters in early 2027.

തമാശകളുടെയും തഗ്ഗുകളുടെയും കൗണ്ടറുകളുടെയും മാലപ്പടക്കം പൊട്ടിയതുപോലെയായിരുന്നു ബെത്ലഹേം കുടുംബ യൂണിറ്റിലെ മിക്ക കോമഡി രംഗങ്ങളും. ജസ്റ്റിനും, ജോയയും, ബൈജുവും, ബ്രിൻ്റോയും ഗ്ലിക്സണുമെല്ലാം കൗണ്ടറുകളുടെ കാര്യത്തിൽ ഒരു കുറവും വരുത്തിയിട്ടില്ല. കൂട്ടത്തിൽ ഷമീർ ഖാൻ്റെ ബ്രിൻ്റോയും, സുരേഷ് കൃഷ്ണയുടെ ബൈജു സേവ്യറുമാണ് തഗ്ഗ് മറുപടികളുടെ കാര്യത്തിൽ പ്രേക്ഷകരുടെ കയ്യടി കൂടുതൽ നേടിയത് എന്ന് പറയേണ്ടി വരും. ഹിറ്റായ തൻ്റെ ഡയലോഗുകളിൽ പലതും താൻ സ്വന്തമായി പറഞ്ഞതാണെന്നും അതിനുള്ള സ്വാതന്ത്ര്യം സംവിധായകൻ ഗിരീഷ് എ,ഡി നൽകിയിരുന്നു എന്നും ബി.കെ.യുവിലെ ബ്രിൻ്റോ, ഷമീർ ഖാൻ പറയുന്നു.

സിനിമയിൽ എത്തുന്നതിന് മുൻപ് തന്നെ ഷമീർ ഖാൻ്റെ നർമ്മം കലർന്ന ഡയലോഗുകൾക്ക് വലിയ കൂട്ടം ആരാധകർ ഉണ്ടായിരുന്നു. ‘ചുരൽ’ സോഷ്യൽ മീഡിയ കണ്ടറ്റ് പേജുകളിലൂടെ സെലിബ്രിറ്റികളെ പോലും തൻ്റെ ഫോളോവേഴ്സ് ആക്കിയ ശേഷമാണ് ഷമീർ ഖാൻ ‘ഖൽബ്’ എന്ന ചിത്രത്തിലൂടെ മലയാള സിനിമയിലേക്ക് അരങ്ങേറ്റം കുറിക്കുന്നത്. പ്രേമലുവിൽ എത്തിയതോടെ താരത്തിൻ്റെ ഗ്രാഫ് മാറി,.ഇപ്പോൾ ബെത്ലഹേം കുടുംബ യൂണിറ്റ് അത് വീണ്ടും ഉയർത്തി. അത്യാവശ്യം വേഷങ്ങൾ ഇപ്പോൾ തന്നേ തെടിയെത്തുന്നുണ്ട് എന്ന് ക്ലബ് എഫ്.എമ്മിന് നൽകിയ അഭിമുഖത്തിൽ ഷമീർ ഖാൻ പറയുന്നു.

ബെത്ലഹേം കുടുംബ യൂണിറ്റിൻ്റെ വിജയത്തിൻ്റെ ക്രെഡിറ്റ് സംവിധായകൻ ഗിരീഷ് എ.ഡിക്കുള്ളതാണെന്ന് ഷമീർ ഖാൻ പറയുന്നു. ആളൂകളെ എങ്ങനെ ചിരിപ്പിക്കണം എന്ന് അദ്ദേഹത്തിന് നന്നായി അറിയാം. കഥാപാത്രങ്ങൾ ഏത് തരത്തിൽ സംസാരികണം, അഭിനയതാക്കളെ കൊണ്ട് എന്ത് ചെയ്യിപ്പിക്കണം എന്നുമെല്ലം അദ്ദേഹത്തിന് കൃത്യമായ ധാരണയുണ്ട്. അതിനൊപ്പം അഭിനയതാക്കൾ അവരുടേതായ കോൺട്രിബ്യൂഷൻ കൂടി നൽകും. അങ്ങനെ ചില ഡയലോഗുകൾ താനും പറഞ്ഞിട്ടുണ്ട് എന്നും ഷമീർ ഖാൻ പറയുന്നു.

Also Read: Major Ravi: “എൻ്റെ ഫാൻസിന്, അവന്മാർക്കാണ് പ്രശ്നം എന്ന് മമ്മൂക്ക പറഞ്ഞു” മിഷൻ 90 ഡെയ്സിൻ്റെ പരാജയത്തെ കുറിച്ച് മേജർ രവി

എന്തെങ്കിലും കയ്യിൽനിന്നിട്ട് പറഞ്ഞൊ എന്ന് ഗിരീഷേട്ടൻ പറയുമ്പോഴാണ് സ്ക്രിപ്റ്റിൽ ഇല്ലാത്ത ചില ഡയലോഗുകൾ പറയാറുള്ളത്. സ്ക്രിപ്റ്റ് വായിച്ച ശേഷം ചില ഡയലോഗുകൾ തൻ്റേതായ രീതിയിൽ പറഞ്ഞോട്ടെ എന്ന് അദ്ദേഹത്തോട് ചോദിക്കാറുണ്ട്. ചിലപ്പോൾ മാത്രം ഷൂൂട്ടിനിടെ തോന്നുന്നതും പറയും. ബി.കെ.യുവിലെ ഹിറ്റായ പല ഡയലോഗുലളും ഷമീർ ഖാൻ കയ്യിൽ നിന്നിട്ട് പറഞ്ഞതാണെന്ന് അവതാരകൻ ചൂണ്ടിക്കാട്ടുന്നുണ്ട്.

“സത്യൻ അന്തിക്കാടിന് അന്തിക്കാട് നല്ല വിലയുണ്ട് സിബി മലയിലിന് മലയിലും” ഈ ഡയലോഗ് പറഞ്ഞപ്പോൾ ഗിരീഷേട്ടൻ ചിരിച്ചു. അങ്ങനെയാണ് അത് സിനിമയിൽ വരുന്നത്, ‘തുണി കഴുകുന്നതിന് പകരം മുഖം കഴുകിയാൽ ശരിയാവ്യോ’ എന്ന ഡയലോഗും സ്വന്തം സംഭാവനയാണ്.

വൈറലായി മാറിയ ‘ഗിറ്റാറിൻ്റെ കമ്പി’ ഡയലോഗിനെക്കുറിച്ചും ഷമീർ ഖാൻ ചിരിയോടെ ഓർത്തെടുക്കുന്നുണ്ട് തൻ്റെയും സുരേഷ് കൃഷ്ണയുടെ ഡയലോഗും ചേർത്താണ് ആദ്യം ഗിരീഷേട്ടനോട് പറഞ്ഞത്. “ഏഴ് സ്വരങ്ങൾക്ക് ആറ് കമ്പിയോ’ അങ്ങനെ പറയട്ടെ എന്നാണ് ഗിരീഷേട്ടനോട് ചോദിച്ചത്. അതിനിടെ സുരേഷേട്ടൻ കൗണ്ടറിടിച്ച് ആ സീൻ തന്നെ സ്വന്തമാക്കി എന്ന് ഷമീർ ഖാൻ പറയുന്നു.

English Summary

Actor Shameer Khan revealed that many of Brinto's popular, witty dialogues in Bethlehem Kudumba Unit were his own improvisations, crediting director Girish A.D. for giving him immense creative freedom.

ഗുരുവായൂർ : സീരിയൽ താരം അമൃത നായർ വിവാഹിതയായി. ബിസിനസ് മേഖലയിൽ പ്രവർത്തിക്കുന്ന അഖിൽ ആണ് വരൻ. ഗുരുവായൂരിൽ അടുത്ത ബന്ധുക്കളും സുഹൃത്തുക്കളും മാത്രം അടങ്ങിയ ചടങ്ങിലാണ് ഇരുവരും വിവാഹിതരായത്. വിവാഹത്തിന് ഒരുങ്ങുന്നുയെന്ന് അമൃത നേരത്തെ അറിയിച്ചിരുന്നു. എന്നാൽ പ്രതിശ്രുത വരൻ ആരാണെന്ന് മാത്രം നടി വെളിപ്പെടുത്തിയിരുന്നില്ല. വിവാഹ ദിവസം വരെ നടി തൻ്റെ വരൻ ആരാണെന്ന് സസ്പെൻസ് നിലനിർത്തുകയും ചെയ്തിരുന്നു.

പരമ്പരാഗതമായ രീതിയിൽ കസവ് സെറ്റ്മുണ്ടും, ആഭരണങ്ങളും അണിഞ്ഞായിരുന്ന അമൃത വധുവായി അണിഞ്ഞൊരുങ്ങി എത്തിയത്. ഇളം നീല ബോർഡറിലുള്ള കസവാണ് നടി ധരിച്ചത്. പരമ്പരാഗതമായി മുണ്ടും നേരിതും ധരിച്ചാണ് വരൻ അഖിലുമെത്തിയത്. അഖിൽ താലിച്ചാർത്തിയപ്പോൾ അമൃത വികാരഭരിതയാകുന്നത് വീഡിയോയിൽ കാണാം.

ALSO READ : Priyanka Anoop: മാന്യമായ ഡ്രസ്സ് ഇട്ടില്ലെങ്കിൽ ആണുങ്ങൾ നോക്കും, അതിന് അവരെ കുറ്റം പറഞ്ഞിട്ട് കാര്യമില്ല! പ്രിയങ്ക അനൂപിന് വിമർശനം

അമൃത നായരുടെ വിവാഹ വീഡിയോ

 

View this post on Instagram

 

A post shared by Amrutha V R (@amruthanair_official_)

ആരാണ് വരൻ?

ബിസിനെസ് മേഖലയിൽ പ്രവർത്തിക്കുന്ന വ്യക്തിയാണ് വരൻ അഖിൽ. ഏറെ നാളെത്തെ പ്രണയത്തിനൊടുവിലാണ് അമൃതയും അഖിലും തമ്മിൽ വിവാഹിതരാകുന്നത്. അഖിൽ തൻ്റെ സുഹൃത്തിൻ്റെ ബെസ്റ്റ് ഫ്രണ്ടാണ്. ഇൻസ്റ്റഗ്രാമിൽ ഒരു ഹായ് അയച്ച് തുടങ്ങിയതാണ് ഇരുവരും തമ്മിലുള്ള ബന്ധമെന്ന് നടി നേരത്തെ അറിയിച്ചിരുന്നു. പിന്നീട് അത് പ്രണയത്തിലാകുകയും അവസാനം വിവാഹത്തിൽ എത്തി ചേരുകയും ചെയ്തു. തങ്ങൾ ലളിതമായി രജിസ്റ്റർ വിവാഹം ചെയ്യാനായിരുന്നു ആഗ്രഹം, എന്നാൽ അമ്മയുടെ നിർബന്ധപ്രകാരമാണ് ഗുരുവായൂരിൽ വെച്ച് വിവാഹം നടന്നതെന്ന് അമൃത പറഞ്ഞിരുന്നു.

ഏഷ്യനെറ്റിലെ കുടുംബവിളക്ക് സീരിയലൂടെയാണ് അമൃത കുടുംബപ്രേക്ഷകരിൽ കൂടുതൽ ശ്രദ്ധേയയാകുന്നത്. കുടുംബവിളക്കിലെ ശീതൾ എന്ന കഥാപാത്രത്തിന് വലിയ ഒരു ആരാധകർ തന്നെയുണ്ട്. സീരിയലിന് പുറമെ ചാനൽ ഷോകൾക്കും ചില വെബ് സീരീസുകളുടെയും ഭാഗമായിട്ടുണ്ട് അമൃത. കഴിഞ്ഞ ദിവസങ്ങളിലായി നടി തൻ്റെ വിവാഹ ഒരുക്കങ്ങളുടെ വീഡിയോ ചിത്രങ്ങളും സോഷ്യൽ മീഡിയയിലൂടെ പങ്കുവെച്ചിരുന്നു. അതേസമയം വരൻ ആരാണെന്ന് മാത്രം ഇന്ന് വിവാഹം ദിവസം വരെ വെളിപ്പെടുത്തിയിരുന്നില്ല.

‘കീർത്തിചക്ര’ എന്ന ബ്ലോക്ബസ്റ്റർ ചിത്രത്തിന് ശേഷം മേജർ രവിയുടെ രണ്ടാമത്തെ ചിത്രമായാണ് മമ്മൂട്ടി പ്രധാന വേഷത്തിലെത്തിയ മിഷൻ 90 ഡെയ്സ് എന്ന 2007-ൽ തീയറ്ററുകൾ എത്തുന്നത്. രാജ്യത്തെയാകെ പിടിച്ചുലച്ച രാജിവ് ഗാന്ധി വധവും അതിന് തുടർന്നുണ്ടായ അന്വേഷണവുമായിരുന്നു സിനിമയുടെ പശ്ചാലത്തം. എന്നാൽ പ്രതീക്ഷിച്ച പ്രതികരണമല്ല സിനിമക്ക് പ്രേക്ഷരിൽ നിന്നും ലഭിച്ചത്. ഇതോടെ സിനിമ ബോക്സ് ഓഫീസിൽ കാര്യമായ ചലനങ്ങൾ ഉണ്ടാക്കിയില്ല. സിനിമയുടെ പരാജയത്തെ കുറിച്ചും, മമ്മൂട്ടിയുടെ അന്നത്തെ പ്രതികരണത്തെ കുറിച്ചും തുറന്ന് സംസാരിക്കുകയാണ് ഇപ്പോൾ സംവിധായകൻ മേജർ രവി.

മിഷൻ 90 ഡെയ്സ് പോലുള്ള ഒരു സിനിമ താൻ പിന്നീട് ചെയ്തിട്ടില്ല എന്നും സിനിമയുടെ പരാജയത്തിൽ മമ്മൂക്കയ്ക്കടക്കം വലിയ വിഷമം ഉണ്ടായി എന്നതാതാണ് അതിന് കാരണം എന്നും ‘മൂവി വേൾഡ് മീഡിയ’ എന്ന യുട്യൂബ് ചാനലിന് നൽകിയ അഭിമുഖത്തിൽ മേജർ രവി പറയുന്നു. ജോൺ എഫ് കെന്നഡി സ്റ്റൈലിൽ ഒരു സിനിമ ചെയ്യാനാണ് താൻ ആഗ്രഹിച്ചത്. ‘രവി ഇത്രയും നന്നായി ഒരു സിനിമ ഷൂട്ട് ചെയ്തിട്ടും ചിത്രം ഓടുന്നില്ല എന്നത് സങ്കടകരമാണ്. എൻ്റെ ഫാൻസിന്, അവന്മാർക്കാണ് പ്രശ്നം” എന്നാന് അന്ന് മമ്മൂട്ടി പറഞ്ഞത് എന്നും മേജർ രവി പറയുന്നു.

Also Read: Major Ravi-Mohanlal ‘മോഹൻലാലിൻ്റെ വലംകൈയായ ഒരുത്തൻ എന്നെ കളിയാക്കി’; പിന്നാലെ നടന്ന സംഭവം വിവരിച്ച് മേജർ രവി

മമ്മൂട്ടിക്ക് ഇഷ്ടപ്പെട്ട സിനിമയായിരുന്നു മിഷൻ 90 ഡെയ്സ്. എന്നാൽ ഫൻസിൻ്റെ പ്രശ്നം മറ്റൊന്നായിരുന്നു. “കഴിഞ്ഞ പടത്തിൽ ലലേട്ടൻ കൊടികുത്തി ജയിച്ചു. ഇവിടെ മമ്മൂക്ക ജയിച്ചില്ല. ജയിക്കുന്നത് കാണിച്ചിട്ടുണ്ട് അവർക്കത് പറ്റില്ല, സിനിമ അവിടെ നിർത്തണമായിരുന്നു. പക്ഷേ അവിടെ നിർത്തിയാൽ കഥ നുണയായിപ്പോകും” മേജർ രവി പറഞ്ഞു.

37 ലൊക്കേഷൻ ഉണ്ടായിരുന്നു മിഷൻ 90 ഡെയ്സിന് എന്നിട്ടും 27 ദിവസംകൊണ്ട് ചിത്രീകരണം പൂർത്തിയാക്കി. താനും ക്യാമറ മാനും ക്രൂവും തമ്മിലുള്ള കൃത്യമായ ധാരണയാണ് അതിന് കാരണം. എല്ലാം നേരത്തെ ചർച്ച ചെയ്ത് ധാരണയുണ്ടാക്കിയ ശേഷമാണ് ചിത്രീകരണത്തിലേക്ക് കടക്കാറുള്ളത്. അതുകൊണ്ട് തന്നെ സിനിമ വേഗത്തിൽ തന്നെ പൂർത്തിയാക്കാൻ സാധിക്കാറുണ്ട്. പിക്കറ്റ് 43 എന്ന സിനിമയിൽ ഉൾപ്പടെ ലോക്കേഷൻ കണ്ടെത്തിയത് ഉൾപ്പടെ താൻ തനിച്ചാണ് ചെയ്തത്. അന്ന് പൃഥ്വിരാജ് സിനിമയുടെ ഭാഗമായിട്ടില്ല. മിഷൻ 90 ഡെയ്സിൻ്റെ ക്യാമറമാൻ തിരുവോ, പിക്കറ്റ് 43-യുടെ ക്യാമറ ചെയ്ത ജോമോൻ ടി ജോണോ ചിത്രീകരണത്തിന് മുൻപ് ലൊക്കേഷൻ പോലും കണ്ടിരുന്നില്ല. താനല്ല ഈ സിനിമകൾ ചിത്രീകരിച്ചത് പറയുന്നവർക്ക് വിശദീകരണം നൽകേണ്ട ആവശ്യമില്ല എന്നും മേജർ രവി വ്യക്തമാക്കി.

English Summary

Director Major Ravi revealed that Mammootty blamed his fans' expectations for the box office failure of Mission 90 Days. Fans rejected the realistic ending because the hero did not triumph.

ബിഗ് ബോസ് മലയാളം എട്ടാം സീസണിന്റെ തുടക്കത്തിൽ ഏറ്റവും അടുത്ത സുഹൃത്തുക്കളും ലൗ ട്രാക്കിലേക്ക് പോകുമോ എന്നുവരെ തോന്നിയ ബന്ധമായിരുന്നു ഐശ്വര്യയുടെയും കൊമ്പന്റെയും. എന്നാൽ മത്സരം പുരോഗമിച്ചു വരവേ ഐശ്വര്യയും കൊമ്പനും തമ്മിലുള്ള അടുപ്പത്തിൽ പതിയെ വിള്ളൽ വീണു. തുടക്കത്തിൽ ഐശ്വര്യയുടെ എല്ലാ വിഷമഘട്ടങ്ങളിലും ഏറ്റവും അടുത്ത ആളായി നിന്ന കൊമ്പനാണ് ഇപ്പോൾ അതേ ഐശ്വര്യയുടെ ഹൌസിലെ ഏറ്റവും പ്രധാന വിമർശകരിൽ ഒരാൾ.

ഐശ്വര്യയാണ് ഇപ്പോൾ ഹൗസിലെ ലീഡർ സ്ഥാനം വഹിക്കുന്നത്. ഐശ്വര്യ ലീഡർ ആയതിനുശേഷം യജമാന ഭാവത്തോടെ പെരുമാറുന്നു എന്നാണ് കൊമ്പന്റെയും ഷിജിന്റെയും പ്രധാന ആക്ഷേപം. ഒരു ജോലി ചെയ്തുകൊണ്ടിരിക്കുന്ന ഘട്ടത്തിൽ അനാവശ്യമായി വന്ന് ആജ്ഞാപിക്കുന്നു എന്നാണ് ഇവർ രണ്ടുപേരും പറയുന്നത്. ഐശ്വര്യയുടെ ഈ ശൈലിയുടെ പേരിൽ തുടർച്ചയായി വഴക്കാണ് ഹൗസിൽ അരങ്ങേറുന്നത്. കൊമ്പൻ ഐശ്വര്യയെ എടി എന്നും ഐശ്വര്യ കൊമ്പനെ എടാ എന്നും ബഹുമാനമില്ലാത്ത രീതിയിൽ സംബോധന ചെയ്തു കൊണ്ടാണ് വഴക്കടിക്കുന്നത്. ഹൗസിലെ മറ്റു മത്സരാർത്ഥികൾ ഇവരുടെ ഈ വഴക്കിന് അനാവശ്യമായ തർക്കം ആയിട്ടാണ് വിശേഷിപ്പിക്കുന്നത്.

Also Read:

ഐശ്വര്യ സ്വന്തമായി ജോലി ഒന്നും എടുക്കാതെ കൃത്യമായി കാര്യങ്ങൾ ചെയ്യുന്നവരെ പുറകെ നടന്ന ശല്യം ചെയ്യുകയാണ് എന്നാണ് കൊമ്പൻ പറയുന്നത്. ലീഡർ ആയാൽ വിമർശിക്കേണ്ട കാര്യങ്ങളിൽ വിമർശിക്കും. അതിൽ യാതൊരു മാറ്റവും ഉണ്ടാവില്ല. ഹൗസിലെ കിച്ചൻ കേന്ദ്രീകരിച്ചാണ് പ്രധാനമായും ഇരുവരും തമ്മിൽ തർക്കങ്ങൾ ഉണ്ടാകുന്നത്.

ഐശ്വര്യയുടെ കൊമ്പനോടുള്ള പെരുമാറ്റം ശരിയല്ല എന്ന എന്ന കാര്യം ഷിജിനും പലവട്ടം ഉന്നയിച്ചു. ലീഡറുടെ അടിമകളല്ല തങ്ങളെന്നും മത്സരാർത്ഥികളോട് ലീഡർ പുലർത്തേണ്ട മാന്യതയും പെരുമാറ്റത്തിലെ ടോണും ശരിയല്ല എന്നും ഷിജിൻ ഐശ്വര്യയോട് പറയുന്നുണ്ട്. അതേസമയം ഒരാളുടെ പേര് വിളിച്ചാണ് സംസാരിക്കേണ്ടതെന്നും എടി എന്നല്ല വിളിക്കേണ്ടത് എന്നും ഐശ്വര്യ കൊമ്പനോട് പറയുന്നു. എടി എന്ന് തന്നെ വിളിക്കുന്നത് കേൾക്കുമ്പോൾ വളരെയധികം ബുദ്ധിമുട്ടാണ് തോന്നുന്നത് എന്ന് വഴക്കിനു ശേഷം രാഹുൽ ഈശ്വറിനോടും ഈ വിഷയത്തെക്കുറിച്ച് ഐശ്വര്യ പറയുന്നതും കാണാം. താൻ ലീഡർ ആയത് അംഗീകരിക്കാൻ ബുദ്ധിമുട്ടുള്ളതു കൊണ്ടാണോ ഇങ്ങനെ പെരുമാറുന്നത് എന്നും കൊമ്പനോടും ഷിജിനോടും ഐശ്വര്യ മുൻപ് ചോദിക്കുന്നതും എപ്പിസോഡിൽ കാണാം

English Summary

At the beginning of the eighth season of Bigg Boss Malayalam, the relationship between Aishwarya and Komban who were very close friends gave the impression that it might evolve into a romantic track. However, as things progressed, cracks gradually began to appear in the bond between them.

ഈ നവംബർ മാസത്തിൽ ഒരുപിടി മികച്ച സിനിമകളാണ് തീയറ്ററിലേക്ക് എത്താൻ തയ്യാറെടുക്കുന്നത്. സൂപ്പർതാരങ്ങളുടെയും സൂപ്പർ സംവിധായകരുടെയും ഉൾപ്പെടെ മികച്ച സിനിമകളാണ് ഈ നമ്പർ മാസത്തിൽ ബോക്സ് ഓഫീസ് റിലീസിനായി എത്തുന്നത്. ഈ മാസം പ്രധാന തിയേറ്റർ റിലീസിന് എത്തുന്ന ചിത്രങ്ങൾ ഏതൊക്കെ എന്നും അവയുടെ റിലീസ് തീയതി എന്നാണെന്നും ഉൾപ്പെടെയുള്ള വിശദമായ വിവരങ്ങൾ അറിയാം.

ഇതിൽ സിനിമ പ്രേക്ഷകർ ഏറ്റവും ആകാംക്ഷയോടെ കാത്തിരിക്കുന്ന ചിത്രമാണ് അമൽ നീരദ് സംവിധാനം ചെയ്യുന്ന ബാച്ചിലർ പാർട്ടിയുടെ രണ്ടാം ഭാഗം - ബാച്ചിലർ പാർട്ടി Duex. നവംബർ 19ന് ആണ് ഈ സിനിമ തിയേറ്ററിൽ റിലീസ് ചെയ്യുന്നത്. നസ്ലിനാണ് സിനിമയിലെ പ്രധാന കഥാപാത്രത്തെ കൈകാര്യം ചെയ്യുന്നത്. ഒപ്പം കുഞ്ചാക്കോ ബോബനും സിനിമയിലെ ശ്രദ്ധേയമായ റോൾ അവതരിപ്പിക്കുന്നു. 2012ൽ പുറത്തിറങ്ങിയ ബാച്ചിലർ പാർട്ടി ആദ്യ ഭാഗത്തിന്റെ അതേ കൾട്ട് സ്വഭാവം ഈ സിനിമയും നിലനിർത്തുമെന്നാണ് ആരാധകരുടെ പ്രതീക്ഷ. ശ്രീനാഥ് ഭാസി, സൗബിൻ ഷാഹിർ, നദിയ മൊയ്തു, ജ്യോതിർമയി, രജിഷ വിജയൻ, സൈൻ ടോം ചാക്കോ തുടങ്ങിയ വൻ താരതയാണ് സിനിമയിൽ അണിനിരക്കുന്നത്.

Also Read: ഒക്ടോബർ അവസാനം നെറ്റ്ഫ്ലിക്സിൽ നിരവധി ചിത്രങ്ങൾ, ഒടിടി വേറെയും

ആന്റണി വർഗീസ് പെപ്പെ പ്രധാന കഥാപാത്രത്തെ അവതരിപ്പിക്കുന്ന സിനിമയാണ് ഡിസ്ക്കോ. നവംബർ ആറാം തീയതിയാണ് സിനിമ തിയേറ്ററുകളിൽ റിലീസിന് എത്തുന്നത്. ആക്ഷൻ ക്രൈം ത്രില്ലർ എന്ന നിലയിൽ ഒരുക്കിയിട്ടുള്ള സിനിമയുടെ സംവിധായകൻ ഉല്ലാസ് ചെമ്പനാണ്. അർജുനശോകൻ, ലുക്ക്മാൻ, ചെമ്പൻ വിനോദ്, ദേവമോഹൻ, വിഷ്ണു ഉണ്ണികൃഷ്ണൻ, സാഗർ സൂര്യ, ഫെമിന ജോർജ്, ഗായത്രി സുരേഷ് തുടങ്ങിയ താരങ്ങളും സിനിമയിൽ സുപ്രധാന കഥാപാത്രങ്ങളെ അവതരിപ്പിക്കുന്നു.

തമിഴ് സിനിമയാണെങ്കിലും മലയാളത്തിന്റെ പ്രിയ നടൻ മമ്മൂട്ടി തമിഴ് സൂപ്പർതാരം ധനുഷിനൊപ്പം പ്രധാന വേഷത്തിൽ എത്തുന്ന സിനിമയാണ് ഓം. നവംബർ 20 നാണ് ഈ സിനിമ തീയറ്ററുകളിൽ റിലീസിന് എത്തുന്നത്. ആക്ഷൻ ത്രില്ലർ എന്ന ഗണത്തിൽ വരുന്ന ഈ സിനിമ കേരളത്തിൽ വലിയ സ്വീകരണം നേടുമെന്നാണ് വിലയിരുത്തൽ. ഇതിനൊപ്പം തന്നെ പാൻ ഇന്ത്യൻ റിലീസായി എത്തുന്ന സിനിമയാണ് രാമായണ. നവംബർ അഞ്ചിനാണ് സിനിമ റിലീസ് ചെയ്യുന്നത്. റൺബീർ കപൂർ ശ്രീരാമനായി വേഷമിടുമ്പോൾ സീതാദേവിയായി സായി പല്ലവിയാണ് എത്തുന്നത്.

English Summary

A number of excellent films are gearing up for theatrical release this November. The month will see highly anticipated movies from superstars and top-tier directors hitting the big screen. Let’s take a detailed look at the major films arriving in theaters this month, along with their respective release dates.

താനും മോഹൻലാലും പരസ്പരം വലിയ ബഹുമാനം വച്ചുപുലർത്തുന്നവരാണെന്ന് സംവിധായകൻ മേജർ രവി. മേജർ രവി എന്താണെന്നും ആരാണെന്നും മോഹൻലാൽ നേരിട്ട് കണ്ടിട്ടുണ്ട് എന്നും അതിന് ശേഷമാന് അദ്ദേഹത്തിന് തന്നോടുള്ള ബഹുമാനം വർധിച്ചത് എന്നും ‘മൂവി വേൾഡ് മീഡിയ’ എന്ന യുട്യൂബ് ചാനലിന് നൽകിയ അഭിമുഖത്തിൽ മേജർ രവി പറയുന്നു. സാമൂഹ്യ മാധ്യമങ്ങളിൽ ഉൾപ്പടെ ഉയരുന്ന ട്രോളുകൾക്കും വിമർശനങ്ങൾക്കുമുള്ള മറുപടി എന്നോണമാണ് അഭിമുഖത്തിൽ മേജർ രവിയുടെ വാക്കുകൾ.

മോഹൻലാലിന് ആത്മാഭിമാനം ഉണ്ടെങ്കിൽ മേജർ രവിയെ ഗെയിറ്റിനകത്തിപോലും കയറ്റരുത് എന്ന് സംവിധായകൻ സാന്തിവിള ദിനേശ് അടുത്തിടെ ഒരു അഭിമുഖത്തിൽ പറഞ്ഞിരുന്നു. ഇതേ അഭിമുഖത്തിലെ പരാമർശത്തെ തുടർന്ന് ശന്തിവിള ദിനേശിനെതിരെ പൊലീസ് കേസെടുത്തിട്ടുണ്ട്. ‘വിരമിച്ച സൈനികർക്ക് പട്ടിയുടെ വിലയുണ്ടോ” എന്ന പരാമർശത്തെ തുടർന്നാണ് കേസ്. ക്ഷമയുടെ നെല്ലിപ്പലക കടക്കുമ്പോഴാണ് ഇത്തരം നടപടികളിലേക്ക് നീങ്ങേണ്ടിവരുന്നത് എന്ന് മേജർ രവി പറഞ്ഞൂ.

Also Read: Action Hero Biju 2: ഒടുവിൽ ആക്ഷൻ ഹീറോ ബിജു 2-ന് പച്ചക്കൊടി; സാമ്പത്തിക തർക്കങ്ങളിൽ ഒത്തുതീർപ്പ്

മോഹൻലാലും താനും തമ്മിലുള്ള അടുപ്പ പരസ്പര ബഹുമാനത്തിൽ നിന്നും ഉള്ളതാണ്. താൻ ആരാണെന്ന് അദ്ദേഹത്തിന് അറിയാം. അദ്ദേഹം അത് നേരിട്ട് കണ്ടിട്ടുണ്ട്. കീർത്തിചക്ര കഴിഞ്ഞപ്പോഴാണ് മേജർ രവി ആരാണ് എന്ന് മോഹൻലാലിന് പൂർണമായും അറിയുന്നത്. അതിന് ശേഷം അദ്ദേഹത്തിന് തന്നോടുള്ള ബഹുമാനത്തിൽ മാറ്റം വന്നു, താൻ മോഹൻലാലിനെ ഒരു അഭിനയയതാവ് എന്ന നിലയിൽ ആദരവോടെ കാണുമ്പോൾ ഒരു കമൻഡോയ്ക്ക് നൽകുന്ന അംഗീകാരമാന് അദ്ദേഹം തനിക്ക് നൽകുന്നത് എന്നും മേജർ രവി പറയുന്നു.

“മോഹൻലാലിൻ്റെ വലംകൈയായ ഒരുത്തൻ എന്തോ പറഞ്ഞ് എന്നെ കളിയാക്കിയപ്പോൾ ‘ഇനി മേലിൽ അദ്ദേഹത്തെ കുറിച്ച് ഇങ്ങനെ പറയരുത് നിങ്ങളൊക്കെ അവിടെ വരണം എങ്കിലെ അയാളാരാണെന്ന് മനസ്സിലാകു’ എന്ന് പറഞ്ഞ് താക്കിത് ചെയ്ത വ്യക്തിയാണ് മോഹൻലാൽ. കളിയാക്കിയ വ്യക്തി ആരാണെന്ന് കൃത്യമായി അറിയാം, പക്ഷേ ഇപ്പോൾ പേര് പറയുന്നില്ല” മേജർ രവി പറഞ്ഞു. പ്രിയദർശൻ്റെ പിന്നാലെ നടക്കുന്നു എന്ന് ഒരാൾ പറയുന്നത് കേട്ടു എന്നും താൻ അദ്ദേഹത്തിൻ്റെ മുന്നിൽ തന്നെയാണ് നടന്നിട്ടുള്ളത്. മേജർ രവിയെ അദ്ദേഹത്തിനും നന്നായി അറിയാം. ജോലിയിൽ താൻ പ്രിയദർശൻ്റെ ശിശ്യൻ തന്നെയായിരുന്നു എന്നാൽ തങ്ങൾക്കിടയിൽ വലിയ സൗഹൃദവും സ്വാതന്ത്ര്യവും ഉണ്ട് എന്നും മേജർ രവി വ്യക്തമാക്കി.

English Summary

Director Major Ravi revealed that Mohanlal strictly warned a close aide who mocked him, highlighting their deep mutual respect. He also responded to Santhivila Dinesh's derogatory remarks regarding retired soldiers.

അഞ്ചര പതിറ്റാണ്ടിലേറെയായി മലയാള സിനിമാ ലോകത്തെ നിറസാന്നിധ്യമായി തുടരുകയാണ് നടൻ മമ്മൂട്ടി. വൈവിധ്യമാർന്ന കഥാപാത്രങ്ങളിലൂടെയും അതുല്യമായ ശബ്ദസൗകുമാര്യത്തിലൂടെയും കഥാപാത്രങ്ങളിലേക്കുള്ള പൂർണ്ണമായ പരകായപ്രവേശത്തിലൂടെയും തലമുറകളെ വിസ്മയിപ്പിച്ച മഹാനടൻ. മലയാളികളെ സംബന്ധിച്ച് മാറി മാറി വന്ന പല കാലങ്ങളുടെയും പ്രതീകം കൂടിയാണ് മമ്മൂട്ടി. മലയാള സിനിമയ്ക്ക് സിനിമാ ലോകത്തിന്റെ ഓരോ വളർച്ചയും മമ്മൂട്ടിയുടെ മടിത്തട്ടിലൂടെ എന്ന് വേണമെങ്കിലും പറയാം. കാലം മാറുമ്പോൾ അതിനനുസരിച്ച് തന്റെ രൂപത്തിലും ഭാവത്തിലും മാറ്റം വരുത്തി ഇപ്പോഴും യൗവനമായി തുടരുകയാണ് അദ്ദേഹം.

പ്രാദേശിക ഭാഷാഭേദങ്ങൾ നിഷ്പ്രയാസം കൈകാര്യം...

ചരിത്ര കഥാപാത്രങ്ങളായാലും വൈകാരികവും കുടുംബ ബന്ധങ്ങൾ പശ്ചാത്തലമാക്കിയ കഥാപാത്രമായാലും പോലീസും അഭിഭാഷകനും ഡോക്ടറും എന്നിങ്ങനെ സാധാരണക്കാരിൽ സാധാരണക്കാരനായ കഥാപാത്രങ്ങൾ വരെ കൈകാര്യം ചെയ്തുകൊണ്ട് മമ്മൂട്ടി സിനിമ ലോകത്തെയും പ്രേക്ഷകരെയും വിസ്മയിപ്പിച്ചു കൊണ്ടിരിക്കുകയാണ്. മാറിവരുന്ന ഈ കാലഘട്ടത്തിലും അദ്ദേഹം കഥാപാത്രങ്ങളെ തിരഞ്ഞെടുക്കുന്നത് ഏവർക്കും ഒരു വിസ്മയം തന്നെ. മലയാളത്തിലെ വൈവിധ്യമാർന്ന പ്രാദേശിക ഭാഷാഭേദങ്ങൾ നിഷ്പ്രയാസം കൈകാര്യം ചെയ്യാൻ കഴിവുള്ള മമ്മൂക്ക ഇപ്പോഴും കഥാപാത്രങ്ങൾക്ക് വേണ്ടി ശരീരം കൊണ്ടും മനസ്സ് കൊണ്ടും സ്വയം നവീകരിക്കാൻ തയ്യാറാണ്.

ALSO READ:ഇത് വേണ്ടായിരുന്നു, മമ്മൂട്ടിയ്ക്കൊപ്പമുള്ള എം.വിജിൻ എം.എൽ.എയുടെ ഫോട്ടോയ്ക്ക് രൂക്ഷ വിമർശനം

അഭിനയം പോലെ തന്നെ തന്റെ ജീവിതവും മമ്മൂക്ക ആർക്കും പകർത്താനാവാത്ത രീതിയിലാണ് മുന്നോട്ടു കൊണ്ടുപോകുന്നത്. മാത്രമല്ല വാഹനങ്ങളോടും കൂളിംഗ് ​ഗ്ലാസ്സുകളോടുള്ള അദ്ദേഹത്തിന്റെ കമ്പവും ആരാധകർക്കിടയിൽ പരിചിതമാണ്. അതിനുമുമ്പ് അദ്ദേഹത്തിന്റെ തന്നെ ചാരിറ്റി ട്രസ്റ്റ് വഴി നിരവധി പേർക്ക് അദ്ദേഹം ഓരോ ദിവസവും കൈത്താങ്ങ് ആവുകയും ചെയ്യുന്നു. കണക്കുകൾ പ്രകാരം ഏകദേശം 340 കോടി ആസ്തിയുള്ള മമ്മൂക്കയ്ക്ക് ഒരു ചിത്രത്തിന്റെ പ്രതിഫലം ഏകദേശം പത്തു കോടിയോളം ആണ് ലഭിക്കുന്നത്.

സിനിമയിലെ ഓരോ താരങ്ങളും നിരവധി ബിസിനസുകളിലും മറ്റും ഏർപ്പെടുമ്പോൾ മമ്മൂക്കയുടെ ബിസിനസ് സാമ്രാജ്യങ്ങളെക്കുറിച്ച് ആർക്കും ഒരു അറിവില്ല. ഇപ്പോൾ അതിനെക്കുറിച്ച് തുറന്നു സംസാരിക്കുകയാണ് അദ്ദേഹത്തിന്റെ ഓഡിറ്റർ ആയ സി എ സനിൽകുമാർ. സ്വന്തമായി ഒരു നിർമ്മാണ കമ്പനി ആരംഭിച്ചു എന്നല്ലാതെ വലിയ ബിസിനസ് സാമ്രാജ്യങ്ങളിലേക്ക് അദ്ദേഹം കടന്നുചെന്നിട്ടില്ല. വലിയ റിസ്ക്കുകൾ എടുത്ത് ബിസിനസ് ചെയ്യാൻ അദ്ദേഹത്തിന് താല്പര്യം ഇല്ല എന്നാണ് സനിൽകുമാർ പറയുന്നത്.

എന്നിരുന്നാലും സാമ്പത്തിക നിക്ഷേപത്തിന് ആയി സുരക്ഷിതമായ രീതി എന്ന രീതിയിൽ ഭൂമി നിക്ഷേപങ്ങളിൽ മമ്മൂട്ടി ശ്രദ്ധ കേന്ദ്രീകരിച്ചിട്ടുണ്ട് എന്നും അദ്ദേഹം പറയുന്നു. കൂടാതെ മകൾ സുറുമിയും ഭർത്താവും ചേർന്ന് ആരംഭിച്ച മദർഹുഡ് എന്ന സംരംഭത്തിലാണ് മമ്മൂട്ടിക്ക് പ്രധാന ഓഹരി പങ്കാളിത്തം ഉണ്ടായിരുന്നത്. അക്കാലത്ത് ഒരു പ്രമുഖ സ്റ്റാർട്ടപ്പ് ആയിരുന്ന കമ്പനി പിന്നീട് വലിയൊരു തുകയാണ് ഒരു വിദേശ കമ്പനിക്ക് കൈമാറാൻ സാധിച്ചത്. അതിനുശേഷം പിന്നീട് വലിയ ബിസിനസുകളിലേക്ക് ഒന്നും മമ്മൂട്ടില്ലെങ്കിലും തന്റെ സമ്പാദ്യം തികച്ച സുരക്ഷിതമായി സൂക്ഷിക്കാനുള്ള വ്യക്തമായ ബോധവും ബുദ്ധിയും മമ്മൂട്ടിയും ഉണ്ട് എന്നാണ് സനിൽകുമാർ പറയുന്നത്.

കഴിയും അതേസമയം 30 വർഷമായി മമ്മൂട്ടിയുടെ സാമ്പത്തിക കൈ കാര്യങ്ങളെല്ലാം കൈകാര്യം കൈകാര്യം ചെയ്യുന്നത് സനിൽകുമാർ ആണ്. ഇത്രയും കാലത്തിനിടയിൽ തന്നോട് ഒരിക്കൽപോലും മമ്മൂട്ടി ശബ്ദമുയർത്തി സംസാരിക്കേണ്ടി വന്നിട്ടില്ല എന്നും അദ്ദേഹം പറയുന്നു. മാത്രമല്ല മമ്മൂട്ടി ഷൂട്ടിംഗ് തിരക്കി ആയിരിക്കുമ്പോൾ അനാവശ്യ പ്രശ്നങ്ങൾ പറഞ്ഞ് താനും അദ്ദേഹത്തിന്റെ പരിഹാരിക്കാറാണ് പതിവ് എന്നും സനിൽകുമാർ പറയുന്നു.'42 പോഡ്കാച്ചറിന്' നൽകിയ അഭിമുഖത്തിലാണ് ഇതേക്കുറിച്ച് സംസാരിച്ചത്.

ENGLISH SUMMARY

For over five and a half decades, actor Mammootty has remained a prominent presence in the world of Malayalam cinema. He is a legendary actor who has captivated generations through his diverse range of characters, his uniquely resonant voice, and his remarkable ability to completely transform into the roles he portrays.

ഒക്ടോബർ അവസാന ആഴ്ചയിൽ ഒന്നിലധികം ചിത്രങ്ങളാണ് ഒടിടിയിയിൽ എത്തുന്നത്. സൂപ്പർ താര ചിത്രങ്ങളടക്കം ഇതിലുണ്ട് എന്നതാണ് പ്രത്യേകത. വിജയ് സേതുപതിയുടെ ബത്ത, കീർത്തി സുരേഷിൻ്റെ അക്ക, ഫഹദ് ഫാസിൽ ചിത്രം ഡോണ്ട് ട്രബിൾ ദ ട്രബിൾ, അവറാച്ചൻ്റെ സന്തതികൾ എന്നിവയെല്ലാം വിവിധ പ്ലാറ്റ്ഫോമുകളിൽ സ്ട്രീം ചെയ്യുന്ന ചിത്രങ്ങളാണ്. ഏതൊക്കെയാണ് ചിത്രങ്ങൾ ഇവ എന്നൊക്കെ ഒടിടിയിൽ എത്തും ഏതൊക്കെയാണ് പ്ലാറ്റ്ഫോമുകളാണ് എന്നിങ്ങനെയുള്ള വിശദമായ വിവരങ്ങൾ പരിശോധിക്കാം.

ബത്ത

വിജയ് സേതുപതി, ലിജോമോൾ എന്നിവർ പ്രധാന വേഷങ്ങളിലെത്തിയ ചിത്രം സംവിധാനം ചെയ്തത് ബാലാജി തരണീധരനാണ്. സിനി1 സ്റ്റുഡിയോസ്, എ ഫോർ ആപ്പിൾ സ്റ്റുഡിയോസ്, സ്റ്റാർ സ്റ്റുഡിയോസ്18 എന്നിവർ ചേർന്ന് നിർമ്മിച്ച ചിത്രം ഒരു തമിഴ് കോമഡി ഡ്രാമയാണ്. മാസ്റ്റർ സായ് പൃഥ്വിരാജ്, ബേബി സഹസ്ര ശ്രീ, ശാന്തി ബാലചന്ദ്രൻ, ഹരി കൃഷ്ണൻ, അർജുൻ ചിദംബരം എന്നിവരും ബത്തയിൽ പ്രധാന വേഷങ്ങളിലെത്തുന്നു. ഒക്ടോബർ 29-ന് നെറ്റ്ഫ്ലിക്സിലാണ് ചിത്രം എത്തുന്നത്.

ALSO READ: Avaraachan & Sons OTT: അവറാച്ചൻ ഒടിടിയിൽ എത്തുന്നത് ഒക്ടോബർ അവസാനം, പ്ലാറ്റ്ഫോം ഇത്

അക്ക

കീർത്തി സുരേഷ്, രാധിക ആപ്തേ എന്നിവർ പ്രധാന വേഷങ്ങളിലെത്തുന്ന ചിത്രം നെറ്റ്ഫ്ലിക്സിലാണ് എത്തുന്നത്. അൻഷുമാൻ പുഷ്കർ മലയാളി താരങ്ങളായ പൂർണിമ ഇന്ദ്രജിത്ത്, വിശാഖ് നായർ, പൂജ മോഹൻരാജ്, ദിനേഷ് പ്രഭാകർ എന്നിവരാണ് അക്കയിൽ വിവിധ വേഷങ്ങളിലെത്തുന്നത്. ഒക്ടോബർ 30-നാണ് അക്ക സ്ട്രീമിംഗ് ആരംഭിക്കുന്നത്.

ഡോണ്ട് ട്രബിൾ ദ് ട്രബിൾ

ഫഹദ് ഫാസിൽ നായകനായെത്തുന്ന ഡോണ്ട് ട്രബിൾ ദ് ട്രബിളും നെറ്റ്ഫ്ലിക്സിലാണ് സ്ട്രീം ചെയ്യുന്നത്. ഒക്ടോബർ 30-നാണ് ചിത്രം സ്ട്രീം ചെയ്യുന്നത്. ശശാങ്ക് യെലേട്ടി സംവിധാനം ചെയ്ത് തെലുഗ് ചിത്രമാണിത്. സാറ പലേക്കർ, സൗരഭ് സച്ച്ദേവ എന്നിവരാണ് ചിത്രത്തിൽ പ്രധാന വേഷങ്ങളിലെത്തുന്നത്. ചിത്രത്തിൻ്റെ മലയാളം വേർഷനും നെറ്റ്ഫ്ലിക്സിൽ കാണാം.

അവറാച്ചൻ ആൻ്റ് സൺസ്

ബിജുമേനോനൊപ്പം യുവതാര നിരയും എത്തിയ ചിത്രമാണ് അവറാച്ചൻ ആൻ്റ് സൺസ്. ഗണപതി, ശ്രീനാഥ് ഭാസി, അഖില ഭാർഗവൻ, പാർവ്വതി ബാബു, എന്നിവരെല്ലാം വിവിധ വേഷങ്ങളിലെത്തിയ ചിത്രം ഒക്ടോബർ 30-നാണ് ഒടിടിയിൽ സ്ട്രീം ചെയ്യുന്നത്.

English Summary

October Last week Malayalam OTT Releases Big Update:  from Baththa to Avaraachan and Sons Multiple movies will stream on Netflix and Other Many Platforms from October 29th.

മലയാള സിനിമാ പ്രേക്ഷകർ ഏറെ കാത്തിരിക്കുന്ന ചിത്രമാണ് ആക്ഷൻ ഹീറോ ബിജു-2. സിനിമയുമായി ബന്ധപ്പെട്ട് ഉണ്ടായ സാമ്പത്തിക തർക്കം ഈ പ്രതീക്ഷകൾക്ക് മങ്ങലേൽപ്പിച്ചിരുന്നു. എന്നാൽ പ്രതിസന്ധികൾ നീങ്ങി എന്ന വാർത്തയാണ് ഇപ്പോൾ പുറത്തുവന്നിരിക്കുന്നത്. സിനിമയുമായി ബന്ധപ്പെട്ട് നിവിൻ പോളി, സംവിധായകൻ എബ്രിഡ് ഷൈൻ എന്നിവരും നിർമ്മാതാവ് പി.എസ് ഷംനാസും തമ്മിലുണ്ടായിരുന്ന സാമ്പത്തിക തർക്കത്തിലാണ് ഒത്തുതീർപ്പ് ഉണ്ടായിരിക്കുന്നത്. ഇതോടെ മൂന്ന് പേർക്കുമെതിരെ രജിസ്റ്റർ ചെയ്ത കേസുകൾ ഹൈക്കോടതി റദ്ദാക്കി.

1.9 കോടിയുടെ സാമ്പത്തിക തർക്കമാണ് ഒത്തുതീർപ്പ് ധാരണയിലൂടെ അവസാനിച്ചത്. ആക്ഷൻ ഹീറോ ബിജു-2 സിനിമയുടെ പകർപ്പവകാശവുമായി ബന്ധപ്പെട്ട് ഉണ്ടായ തർക്കം വ്യാജ കേസിലേക്കും കോടതിയുടെ കടുത്ത നടപടികളിലേക്കുമെല്ലാം നീങ്ങിയിരുന്നു. വ്യാജ രേഖകൾ ചമച്ച് കോടതിയെ തെറ്റിദ്ധരിപ്പിച്ചതിനെ തുടർന്ന് നിർമ്മാതാവ് പി.എസ് ഷംനാസിനെതിരെ കോടതി അന്വേഷണം പ്രഖ്യാപിക്കുകയും ചെയ്തിരുന്നു. ഇത്തരത്തിൽ നീണ്ട തർക്കങ്ങൾക്കും കോടതി നടപടികൾക്കും പിന്നാലെയാണ് തർക്കം ഒത്തുതീർപ്പിലേക്ക് എത്തിയിരിക്കുന്നത്

Also Read: Amrutha Nair: നടി അമൃത നായർ വിവാഹിതയാകുന്നു? ഫോട്ടോഷൂട്ട് ചിത്രങ്ങൾ വൈറൽ

ആക്ഷൻ ഹീറോ ബിജു-2 എന്ന ചിത്രവുമായി ബന്ധപ്പെട്ട് നിവിൻ പോളി, സംവിധായകൻ എബ്രിഡ് ഷൈൻ, പി.എസ് ഷംനാസ് എന്നിവർ 2023-ൽ കരാറിൽ ഒപ്പിട്ടിരുന്നു. സിനിമയുടെ എല്ലാ അവകാശങ്ങളും നിവിൻ പോളിയുടെ നിർമ്മാണക്കമ്പനിയായ പോളി ജൂനിറിനാണ് എന്ന് ഈ കരാറിൽ വ്യക്തമാക്കിയിരുന്നു. എന്നാൽ കരാറിലെ വ്യവസ്ഥ മറച്ചുവച്ച് ഫിലിം ചേംബറിൽ നിന്നും ചിത്രത്തിൻ്റെ പേര് ഷംനാസ് സ്വന്തമാക്കുകയും നിവിൻ പോളിയുടെ ഒപ്പ് വ്യാജമായി ചേർത്ത് രേഖയുണ്ടാക്കി വൈക്കം കോടയിൽ സത്യവാങ്മൂലം സമർപ്പിക്കുകയായിരുന്നു. സിനിമയുടെ പൂർണ അവകാശം തനിക്കാണെന്നായിരുന്നു ഷംനാസിൻ്റെ അവകാശവാദം. ഇതോടെ നിവിൻ പോക്കെതിരെ എഫ്,ഐ.ആർ രജിസ്റ്റർ ചെയ്യാൻ കോടതി ഉത്തരവിടുകയും ചെയ്തിരുന്നു.

എന്നാൽ വ്യാജ രേഖയാണ് സമർപ്പിച്ചതെന്ന് കോടതിക്ക് ബോധ്യമായതോടെ 2024 ജൂലൈയിൽ പി.എസ് ഷംനാസിനെതിരെ വൈക്കം ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് കോടതി അന്വേഷണത്തിന് ഉത്തരവിടുകയായിരുന്നു. കൊടതിയെ തെറ്റിദ്ധരിപ്പിച്ചാണ് നിവിൻ പോളിക്കെതിരെ എഫ്.ഐ ആർ രജിസ്റ്റർ ചെയ്യാനുള്ള അനുമതി നേടിയത് എന്ന് തെളിവുകളുടെ അടിസ്ഥാനത്തിൽ കോടതിക്ക് വ്യക്തമായതോടെയായിരുന്നു കോടതിയുടെ നടപടി. നിവിൻ പോളിക്കെതിരെ എഫ്.ഐ.ആർ രജിസ്റ്റർ ചെയ്യാൻ അനുമതി നൽകിയ അതേ കോടതി തന്നെയാണ് ഷംനാസിനെതിരെ അന്വേഷണത്തിന് ഉത്തരവിട്ടത്. തർക്കം ഒത്തുതീർപ്പിലെത്തിയതോടെ നിവിൻ പോളിക്കും എബ്രിഡ് ഷനുമെതിരെ തലയോലപ്പറമ്പ് പൊലീസ് രജിസ്റ്റർ ചെയ്ത എഫ്.ഐ.ആറും. നിർമ്മാതാവ് ഷംനാസിനെതിരെ പാലാരിവട്ടം പൊലീസ് രജിസ്റ്റർ ചെയ്ത കേസുമാണ് റദ്ദാക്കിയത്.

English Summary

The financial dispute surrounding the Malayalam movie 'Action Hero Biju 2' has been settled. The Kerala High Court quashed the cases involving Nivin Pauly, Abrid Shine, and producer P.S. Shamnas.

നടൻ മമ്മൂട്ടിക്കൊപ്പമുള്ള ഫോട്ടോ പങ്കുവെച്ച ഡിവൈഎഫ്ഐ സംസ്ഥാന സെക്രട്ടറിയും എംഎൽഎയുമായ എം വിജിന് എതിരെ സമൂഹമാധ്യമങ്ങളിൽ രൂക്ഷ വിമർശനം. തന്റെ ഫേസ്ബുക്ക് അക്കൗണ്ടിലൂടെയാണ് മമ്മൂട്ടിക്കൊപ്പം ഉള്ള ചിത്രം എം വിജിൻ എംഎൽഎ പങ്കുവെച്ചത്. 50 വർഷത്തെ അനുഭവ സമ്പത്തുള്ള ഉള്ള 25 വയസ്സുകാരൻ എന്ന അടിക്കുറിപ്പോടെയാണ് എം വിജിൻ മമ്മൂട്ടിക്കൊപ്പുള്ള ഫോട്ടോ ഷെയർ ചെയ്തത്. ഈ പോസ്റ്റിനു താഴെയാണ് രൂക്ഷമായ വിമർശനങ്ങൾ വന്നിരിക്കുന്നത്.

സഖാവേ ഇത് വേണ്ടായിരുന്നു എന്നാണ് പലരും കമന്റ് രേഖപ്പെടുത്തിയിരിക്കുന്നത്. കഴിഞ്ഞവർഷം മുണ്ടക്കൈ ചൂരൽമല ദുരിതബാധിതർക്ക് വേണ്ടി സർക്കാർ ഒരുക്കുന്ന വയനാട് ടൗൺഷിപ്പ് സന്ദർശനത്തിനിടെ സിപിഎം ജില്ലാ സെക്രട്ടറി കെ റഫീക്കിനോട് മമ്മൂട്ടി മാറിനിൽക്കാൻ ആവശ്യപ്പെട്ടത് വലിയ വിവാദങ്ങൾക്ക് തിരികൊളുത്തിയിരുന്നു. നിങ്ങൾ എപ്പോഴും എന്റെയൊപ്പം നടന്നാൽ ഞാൻ നിങ്ങൾക്കുവേണ്ടി വന്നതാണെന്ന് തെറ്റിദ്ധരിക്കില്ല എന്നായിരുന്നു മമ്മൂട്ടിയുടെ റഫീക്കിനോടുള്ള ചോദ്യം. ഇതിന്റെ അമർഷം എന്നോണമാണ് എം. വിജിൻ എംഎൽഎയുടെ പോസ്റ്റിന് താഴെ വരുന്ന കമന്റുകളിൽ ഭൂരിഭാഗവും.

Also Read: “ദാവൂദിനെ പിടിക്കാൻ പോകുന്നു എന്ന് പറയുമ്പോൾ മാത്രം എന്തിനാണിത്ര കുരുപൊട്ടുന്നത്”: വിശദീകരണവുമായി മേജർ രവി

അന്ന് വിവാദം ഉണ്ടായ സമയത്ത് മമ്മൂട്ടിക്കെതിരെ ഇടത് സൈബർ ഹാൻഡിൽ നിന്ന് വ്യാപകമായ സൈബർ ആക്രമണം ഉണ്ടായിരുന്നു. ഇതിനെ തുടർന്ന് അന്നത്തെ മുഖ്യമന്ത്രി പിണറായി വിജയൻ തന്നെ പരസ്യമായി വിഷയത്തിൽ ഖേദം പ്രകടിപ്പിക്കുകയും മഹാനടനെ മനസ്സിലാക്കാത്തവരാണ് സൈബർ ആക്രമണം നടത്തുന്നത് എന്ന് പ്രതികരിക്കുകയും ചെയ്തിരുന്നു.

എം വിജിൻ എം.എൽ.എയുടെ പോസ്റ്റിന് താഴെ വന്ന കമന്റുകളിൽ ചിലത് ഇങ്ങനെ - "ചൂരൽമല മുണ്ടക്കൈ ടൗൺ ഷിപ്പിൽ പോയിട്ട് സിപിഎം വയനാട് ജില്ല സെക്രട്ടറിയോട് മാറി നിൽക്കാൻ പറഞ്ഞ ആ അയാളല്ലേ ഇത്..? മാറി പോയിട്ടില്ലല്ലോ, സഖാവേ.. ഇമ്മാതിരി ഊള പരിപാടി നടത്തലല്ല ഡിവൈഎഫ്ഐയുടെ പണി. നിങ്ങളെപോലുള്ളവര്‍ സംഘടനാപരമായി പോയി ഇങ്ങേരെ ഓച്ഛാനിച്ച് നില്‍ക്കുന്നതിനോട് ശക്തമായ വിയോജിപ്പുണ്ട്. ഞങ്ങളുടെ മനസ്സിലെ മഹാനടനെന്ന ഈ വിഗ്രഹം എന്നോ വീണുഞ്ഞതാണ്..., താങ്കൾക്ക് ഒരു നിലയും വിലയും നിലപാടും ഉണ്ടെന്ന് കരുതി അതിപ്പോൾ ഇല്ലെന്ന് മനസിലാക്കിയതുകൊണ്ട് അൺ ഫോളോ ചെയ്യുന്നു. ഉളുപ്പില്ലായ്മ എന്നത് അലങ്കാരമാക്കിയവരാണ് ഇപ്പോഴത്തെ DYFI യെ നയിക്കുന്നത്. അതിന്റെ പ്രശ്നം സംഘടനയും അനുഭവിക്കേണ്ടി വരും, മുൻപ് പാർട്ടി വയനാട് ജില്ലാ സെക്രട്ടറിയെ അപമാനിച്ച മമ്മുട്ടി ഇയാൾ തന്നെയല്ലേ."

എം വിജിൻ എം.എൽ.എയുടെ പോസ്റ്റ്

English Summary

M. Vijin, an MLA and the DYFI State Secretary, is facing severe criticism on social media for sharing a photo of himself with actor Mammootty. He posted the image on his Facebook account, accompanying it with the caption, A 25-year-old with 50 years of experience.

ബിഗ് ബോസ് മലയാളം എട്ടാം സീസണിലെ മത്സരങ്ങൾ 50 ദിവസവും പിന്നിട്ട് മുന്നേറുകയാണ്. ഹൗസിൽ ഓരോ ദിവസവും പുതിയ സംഭവവികാസങ്ങളാണ് ഉണ്ടായിക്കൊണ്ടിരിക്കുന്നത്. ഏറ്റവും ഒടുവിലായി ഇപ്പോൾ താഷിയും നേഹയും തമ്മിൽ അകന്നിരിക്കുകയാണ്. ചൊവ്വാഴ്ചയിലെ എപ്പിസോഡിന്റെ അവസാനഭാഗത്താണ് ഇരുവരും തമ്മിലുള്ള അകൽച്ച വ്യക്തമാക്കുന്ന രംഗങ്ങൾ കാണിച്ചിരിക്കുന്നത്. വളരെ അഗ്രസീവായ പെരുമാറ്റമുള്ള താഷിയും എന്നാൽ ഏറെ ക്യൂട്ട് ആയ മലപ്പുറം സംഭാഷണ ശൈലിയുള്ള നേഹയും തമ്മിൽ അപ്രതീക്ഷിതമായിട്ടാണ് ഹൗസിൽ അടുത്ത സുഹൃത്തുക്കൾ ആവുന്നത്.

എന്നാൽ തങ്ങൾ തമ്മിൽ പ്രണയം ഒന്നുമില്ല എന്നാണ് കഴിഞ്ഞദിവസം മോഹൻലാലിനോട് ഇരുവരും വ്യക്തമാക്കിയത്. കഴിഞ്ഞ വീക്കെൻഡ് എപ്പിസോഡിൽ മോഹൻലാലിന്റെ പ്രണയം എന്തെങ്കിലുമുണ്ടോ എന്ന ചോദ്യത്തിന് ആയിരുന്നു ഇവരുടെ മറുപടി. പക്ഷേ താഷി തന്നോട് ഫ്ലർട്ട് ചെയ്യുന്നു, ലവ് ട്രാക്ക് പിടിക്കാൻ ശ്രമിക്കുന്നു എന്ന് വേദാഗി നേഹ യോട് തുറന്നു പറഞ്ഞിരുന്നു. മൃദുലയാണ് താഷിയുടെ നേഹയോടുള്ള സമീപനത്തിൽ സംശയം ഉന്നയിച്ചതും വേദാംഗിക്ക് ഉണ്ടായ അനുഭവം നേഹയെ അറിയിക്കാൻ മുൻകൈയെടുത്തതും

Also Read: സ്റ്റിൽ ഐ ലവ് യു, വീക്കെൻഡ് എപിസോഡിൽ നിലീനയോട് ലാലേട്ടനെ സാക്ഷിയാക്കി നോബി

മൃദുലയ്ക്കൊപ്പം വേദാംഗിയോടുള്ള സംസാരത്തിനൊടുവിൽ നേഹ പൊട്ടിക്കരഞ്ഞുകൊണ്ട് തനിക്ക് എല്ലായിപ്പോഴും ഈ അനുഭവമാണ് ഉണ്ടാകുന്നത് എന്ന് പറയുന്നുണ്ട്. എപ്പിസോഡിൽ ഇല്ലെങ്കിലും പ്രൊമോയിൽ നേഹയെ സമാധാനിപ്പിക്കാൻ താഷി എത്തുമ്പോൾ അതിന് നിന്നു കൊടുക്കാതെ ബെഡ്റൂമിലേക്ക് എത്തി കയ്യിൽ കിട്ടിയ തന്റെ സാധനങ്ങൾ എല്ലാം സ്നേഹ എറിഞ്ഞ് നശിപ്പിക്കുന്നതും കാണാം.

നിനക്ക് എന്നെ വിശ്വസിക്കാൻ കഴിയുമോ എന്ന് താഷി ചോദിക്കുമ്പോൾ ഇല്ല എന്ന ഉറച്ച മറുപടിയാണ് നേഹ നൽകുന്നത്. ഇരുവരും തമ്മിലുള്ള സംഭാഷണം ഇങ്ങനെ -'നീ എന്തുവേണമെങ്കിലും ചിന്തിച്ചോ, ഒരു സീനും ഇല്ല, നിനക്കെന്നെ വിശ്വസിക്കാൻ പറ്റുമോ' - താഷി ചോദിക്കുന്നു, 'ഇതിനു മറുപടിയായി - ഇല്ല , കഴിഞ്ഞു, നീ എന്നെ കൊന്നു ഞാൻ ചത്തു എനിക്ക് മതിയായി' - എന്ന് നേഹ പറയുന്നു, താക്സ് ഫോർ എവെരിതിങ് എന്ന് പറഞ്ഞു താഷി എഴുന്നേറ്റ് പോകുന്നു. തുടർന്നാണ് നേഹ തന്റെ മേക്കപ്പ് വസ്തുക്കൾ ഉൾപ്പെടെ വലിച്ചെറിഞ്ഞ് നശിപ്പിക്കാൻ ശ്രമിക്കുന്നത്. ഇത് പ്രേക്ഷകർക്കും ഹൌസിലെ മറ്റ് മത്സരാർത്ഥികളിലും വിലയ ഞെട്ടലാണ് ഉണ്ടാക്കിയിരിക്കുന്നത്.

English Summary

The eighth season of Bigg Boss Malayalam has now crossed the 50-day mark. New developments are unfolding in the house every single day. Most recently, a rift has emerged between Tashi and Neha. The final segment of Tuesday's episode featured moments that highlighted this growing distance between the two.

ഇന്ത്യൻ സിനിമ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന സിനിമയാണ് നിതേഷ് തിവാരി ഒരുക്കുന്ന രാമായണ. ബ്രഹ്മാണ്ഡ ചിത്രമായി ഒരുക്കുന്ന സിനിമ നവംബർ 5നാണ് തിയേറ്ററുകളിൽ റിലീസിന് എത്തുന്നത്. രൺബീർ കപൂർ, സായി പല്ലവി, യഷ്, തുടങ്ങിയവരാണ് സിനിമയിൽ പ്രധാന കഥാപാത്രങ്ങളെ കൈകാര്യം ചെയ്യുന്നത്. റിലീസിന് മുന്നേ തന്നെ സിനിമയുടെ ആവേശത്തിലാണ് പ്രേക്ഷകർ. ഇതിനോടകം തന്നെ ഏകദേശം 25 കോടി രൂപ പ്രീ ബുക്കിംഗ് കളക്ഷൻ ചിത്രം നേടിക്കഴിഞ്ഞു എന്നാണ് റിപ്പോർട്ടുകൾ.

ട്രാക്കർ റിപ്പോർട്ട് പ്രകാരം രാമായണം സിനിമയുടെ ഏകദേശം 2.43 ലക്ഷം ടിക്കറ്റുകൾ ഇതിനകം വിറ്റഴിഞ്ഞിട്ടുണ്ട്. ഇന്ത്യയിലെ 166 നഗരങ്ങളിലായി 5,600 ഷോകൾക്കാണ് നിലവിൽ ടിക്കറ്റ് വിൽപ്പന പുരോ​ഗമിക്കുന്നത്. ദീപാവലി സമയത്ത് മറ്റ് വലിയ റിലീസുകൾ ഇല്ലാത്തതിനാൽ, ഷോകളുടെ എണ്ണം ഇനിയും വർധിക്കാൻ സാധ്യതയുണ്ടെന്നാണ് സിനിമ വിദ​ഗ്ധരുടെ അഭിപ്രായം. 3 മണിക്കൂർ 15 മിനിറ്റ് ദൈർഘ്യമുള്ള ചിത്രത്തിന് സെൻസർ ബോർഡ് യു (U) സർട്ടിഫിക്കറ്റാണ് നൽകിയിരിക്കുന്നത്. രാജ്യത്തുടനീളം വിവിധ ഭാഷകളിൽ റിലീസ് ചെയ്യുന്നുണ്ടെങ്കിലും, ചിത്രത്തിന്റെ പ്രധാന കളക്ഷനായി പ്രതീക്ഷിക്കുന്നത് ഹിന്ദി പതിപ്പിനെയാണ്.

Also Read: അവറാച്ചൻ ഒടിടിയിൽ എത്തുന്നത് ഒക്ടോബർ അവസാനം, പ്ലാറ്റ്ഫോം ഇത്

സിനിമയിൽ ശ്രീരാമന്റെ വേഷത്തിൽ റൺബീർ കപൂർ ആണ് എത്തുന്നത്. രാവണ വേഷത്തിൽ വരുന്നത് ആകട്ടെ യഷും ആണ്. സായി പല്ലവി സീതാ ദേവിയുടെ കഥാപാത്രത്തെയാണ് കൈകാര്യം ചെയ്യുന്നത്. ഇന്ത്യൻ സിനിമ ചരിത്രത്തിലെ മറ്റൊരു മികച്ച റിലീസ് ആയി രാമായണം മാറും എന്നാണ് സിനിമ ആസ്വാദകർ പ്രതീക്ഷിക്കുന്നത്. സിനിമയുടെ ട്രെയിലർ തന്നെ ഏറെ പ്രതീക്ഷ നൽകുന്നതായിരുന്നു. നമിത് മൽഹോത്രയുടെ പ്രൈം ഫോക്കസ് സ്റ്റുഡിയോസും പ്രമുഖ വിഷ്വൽ എഫക്ട് സ്റ്റുഡിയോ ആയ ഡി.എൻ.ഇ.ജിയും യഷിന്റെ പോൺസ്റ്റർ മൈൻഡ് ക്രിയേഷൻസും സംയുക്തമായാണ് സിനിമ നിർമ്മിക്കുന്നത്.

മികച്ച നിലവാരം പുലർത്തുന്ന ഗ്രാഫിക്സുകളും സിനിമാ സെറ്റുകളും പ്രസന്റേഷനും ആണ് ട്രെയിലറിലൂടെ കാണാൻ കഴിയുന്നത്. സിനിമയുടേതായി പുറത്തുവന്ന ഗാനങ്ങളും ഇതിനോടൊപ്പം തന്നെ വലിയ പ്രചാരം നേടി കഴിഞ്ഞു. ഇന്ത്യൻ സിനിമയിലെ വൻ താരനിരയും സിനിമയിൽ അണിനിരക്കുന്നുണ്ട്. ദീപാവലി റിലീസായി എത്തുന്ന സിനിമയ്ക്കായുള്ള കാത്തിരിപ്പിലാണ് ആരാധാകർ. ഓപ്പണിം​ഗ് കളക്ഷനിലൂടെ തന്നെ ഈ ചിത്രം ചരിത്രം കുറിക്കുമെന്നാണ് പലരും അഭിപ്രായം പങ്കുവെക്കുന്നത്.

English Summary

Ramayana, directed by Nitesh Tiwari, is a film that Indian cinema audiences are eagerly awaiting. Being crafted as a grand-scale epic, the movie is set to hit theaters on November 5th. Ranbir Kapoor, Sai Pallavi, and Yash are among those playing the lead roles in the film.

രോമാഞ്ചം എന്ന സിനിമയിലൂടെയാണ് ജിത്തു മാധവൻ എന്ന എഴുത്തുകാരനെയും സംവിധായകനെയും മലയാളികൾക്ക് ലഭിക്കുന്നത്. പിന്നിട് തീയറ്ററുകളിൽ എത്തിയ ആവേഷം അക്ഷരാർത്ഥത്തിൽ തീയറ്ററുകളിൽ ആവേഷം നിറച്ചു. സിനിമാ ആസ്വാദകരെ വിസ്മയിപ്പിച്ച ബാലൻ ദ് ബോയ് എന്ന സിനിമയിലും അദ്ദേഹം ഭാഗമായിരുന്നു. ജിത്തു മാധവിൻ്റെതായി ഇനി തീയറ്ററിലെത്താൻ കാത്തിരിക്കുന്ന ചിത്രം സൂര്യ, നസ്രിയ നസീം, നസ്‌ലൻ ഗഫുർ എന്നിവർ പ്രധാന വേഷങ്ങളിൽ എത്തുന്ന ‘സീൻ’ എന്ന തമിഴ് സിനിമയാണ്. നസ്‌ലൻ വില്ലനായാണ് ചിത്രത്തിൽ വേഷമിടുന്നത് എന്നതാണ് സിനിമയുടെ പ്രത്യേകതകളിൽ ഒന്ന്. ചിത്രത്തിൻ്റെ വിശേഷങ്ങൾ പങ്കുവയ്ക്കുകയാണ് ജിത്തു മാധവൻ ഇപ്പോൾ.

‘സീൻ’ മലയാളത്തിൽ ചെയ്യാൻ ആലോചിച്ചിരുന്ന സിനിമയാണെന്ന് ഗലാട്ട പ്ലസ് എന്ന യുട്യൂബ് ചാനലിൽ ഭരദ്വാജ് രംഗന് നൽകിയ അഭിമുഖത്തിൽ ജിത്തു മാധവൻ പറയുന്നു. സിനിമയുടെ കഥ വളരെ നേരത്തെ തന്നെ മനസ്സിൽ ഉണ്ടായിരുന്നു. എന്നാൽ എഴുതിയിരുന്നില്ല. ആ സമയത്ത് ഫഹദ് ഫാസിലുമായി ഈ കഥ ചർച്ച ചെയ്തിരുന്നു. അദ്ദേഹത്തിന് കഥ ഇഷ്ടപ്പെടുകയും ചെയ്തു. ഫഹദ്- നസ്രിയ കോംപിനേഷനിൽ സിനിമ ചെയ്യാം എന്നായിരുന്നു ആ സമയത്ത് മനസ്സിൽ തീരുമാനിച്ചിരുന്നത് എന്ന് ജിത്തു മാധവൻ വെളിപ്പെടുത്തി.

Also Read: Major Ravi: “ദാവൂദിനെ പിടിക്കാൻ പോകുന്നു എന്ന് പറയുമ്പോൾ മാത്രം എന്തിനാണിത്ര കുരുപൊട്ടുന്നത്”: വിശദീകരണവുമായി മേജർ രവി

‘ആവേശം’ കണ്ട ശേഷമാണ് സൂര്യ സാർ വിളിക്കുന്നത്. അദ്ദേഹത്തോടൊപ്പം ഒരു സിനിമ ചെയ്യണം എന്ന് താൻ ആഗ്രഹിച്ചിരുന്നു. ഫഹദിനോട് മറ്റൊരു കഥ കൂടി പറഞ്ഞിരുന്നു അതും ഫഹദിന് ഇഷ്ടപ്പെട്ടിരുന്നു. അതിനാൽ ഈ കഥ സൂര്യ സാറിന് വേണ്ടി എഴുതുകയാണ് എന്ന് ഫഹദിനോട് പറയുകയായിരുന്നു എന്ന് ജിത്തു മാധവൻ പറഞ്ഞു. രണ്ടാഴ്ചകൊണ്ട് തിരക്കഥ പൂർത്തിയാക്കിയ ശേഷം സൂര്യയോട് കഥ പറയുകയായിരുന്നു എന്നും അദ്ദേഹം കൂട്ടിച്ചേർത്തു.

ചിത്രത്തിലെ വില്ലൻ കഥാപാത്രത്തിനായി പുതുമുഖത്തെ കൊണ്ടുവരാം എന്നായിയിരുന്നു ആദ്യം തൻ്റെ മനസ്സിലെ ചിന്ത എന്നും ജിത്തു മാധവൻ പറയുന്നുണ്ട്. ആ കഥാപത്രത്തെ കണ്ടാൽ ‘ഇയാൾ ഇങ്ങനെയൊക്കെ ചെയ്യുമോ’ എന്ന ഒരു സംശയം പ്രേക്ഷർക്ക് തോന്നണം. ഒരു ക്രൈം ചെയ്യുമ്പോൾ പോലും അങ്ങനെ ഒരു തോന്നൽ പ്രേക്ഷകർക്ക് ഉണ്ടാകണം. നസ്‌ലൻ പെട്ടന്നാണ് തൻ്റെ മനസ്സിലേക്ക് വന്നത്. ഒരു വില്ലൻ കഥാപാത്രം ചെയ്യാൻ അദ്ദേഹം തയ്യാറാകുമോ എന്ന സംശയം മാത്രമേ ഉണ്ടായിരുന്നൊള്ളു. ഡേറ്റുമായി ബന്ധപ്പെട്ട് ചില ആശയക്കുഴപ്പുണ്ടായിരുന്നെങ്കിലും പിന്നിട് നസ്‌ലൻ്റെ കൂടി ഡേറ്റിനനുസരിച്ച് ഷെഡ്യൂലിൽ മാറ്റം വരുത്തുകയായിരുന്നു. കഥാപാത്രത്തെ കൃത്യമായി മനസ്സിലാക്കാൻ നസ്‌ലന് സാധിച്ചു എന്നും ജിത്തു മാധവൻ പറഞ്ഞു.

English Summary

Director Jithu Madhavan revealed that his upcoming Tamil film Scene, starring Suriya and Nazriya, was initially planned with Fahadh Faasil. He also explained casting Naslen as the film's unexpected villain.

ബിജു മേനോൻ നായകനായെത്തിയ അവറാച്ചൻ ആൻ്റ് സൺസ് ഒടിടിയിൽ എത്താൻ ഇനി ദിവസങ്ങൾ മാത്രം ബാക്കി. ഒക്ടോബർ അവസാനത്തോടെയാണ് ചിത്രത്തിൻ്റെ ഒടിടി റിലീസ് പറഞ്ഞിരിക്കുന്നത്. അതുകൊണ്ട് തന്നെ ഒക്ടോബർ 31-ന് ചിത്രം എത്തുമെന്ന കാര്യം ഉറപ്പാണ്. ഒക്ടോബർ 2-ന് തീയ്യേറ്ററിലെത്തിയ ചിത്രത്തിന് ബോക്സോഫീസിൽ കാര്യമായ ചലനമൊന്നും ഉണ്ടാക്കാൻ സാധിച്ചിട്ടില്ലെന്നതാണ് സത്യം. അമൽ ഷീലാ തമ്പി സംവിധാനം ചെയ്ത ചിത്രം നിർമ്മിച്ചിരിക്കുന്നത് ലിസ്റ്റിൻ സ്റ്റീഫനാണ്. ചിത്രത്തിലെ കേന്ദ്ര കഥാപാത്രം അവറാച്ചനായി എത്തുന്നത് ബിജുമേനോനാണ്. ഒപ്പം ഉർവ്വശിയും ചിത്രത്തിൽ എത്തുന്നുണ്ട്.

എതാണ് ചിത്രം എത്തുന്ന പ്ലാറ്റ്ഫോം

ചിത്രം ഒക്ടോബർ 30-ന് നെറ്റ്ഫ്കിക്സിൽ സ്ട്രീം ചെയ്യുമെന്നാണ് വിവരം. മലയാളം കൂടാതെ തമിഴ്, തെലുഗ്, ഹിന്ദി, കന്നട ഭാഷകളിലും ചിത്രം സ്ട്രീം ചെയ്യുമെന്ന് അണിയറ പ്രവർത്തകർ പങ്കുവെച്ച അപ്ഡേറ്റിൽ വ്യക്തമാക്കുന്നുണ്ട്. എന്തായാലും ഒക്ടോബർ 30 രാത്രി 12-ന് ശേഷം പ്രേക്ഷകർക്ക് ചിത്രം ഒടിടിയിൽ കാണാൻ സാധിക്കും.

ട്വീറ്റിങ്ങനെ

#AvaraachanAndSons starring Biju Menon, Sreenath Bhasi, and Ganapathi streams from October 30, exclusively on Netflix! https://t.co/GpLdVRbmlm

— Cine Probe🍿 (@Cineprobe) October 26, 2026

ALSO READ:ദുൽഖർ സൽമാൻ നിങ്ങടെ വീട്ടിലെത്തിയത് മേനോൻ ആയിട്ടോ? മറുപടി നൽകി അഹാന കൃഷ്ണ

പ്രധാന താരങ്ങൾ

ബിജുമേനോൻ, ഉർവ്വശി എന്നിവരെ കൂടാതെ ശ്രീനാഥ് ഭാസി, ഗണപതി, ഗ്രേസ് ആൻ്റണി, അഖില ഭാർഗവൻ, ജോണി ആൻ്റണി, കോട്ടയം നസീർ, സാബുമോൻ, പോളി വത്സൻ, പാർവ്വതി ബാബു എന്നിവരും ചിത്രത്തിൽ വിവിധ വേഷങ്ങളിലെത്തുന്നുണ്ട്. 2 മണിക്കൂർ 14 മിനുട്ടാണ് ചിത്രത്തിൻ്റെ ദൈർഘ്യം. അതുകൊണ്ട് തന്നെ അധിക നേരം ബോറടിപ്പിക്കുന്നതൊന്നും ചിത്രത്തിലില്ല. തീയ്യേറ്ററിൽ കാര്യമായ ശ്രദ്ധ നേടിയില്ലെങ്കിലും നിരൂപകരിൽ നിന്നും സമ്മിശ്ര പ്രതികരണമാണ് അവറാച്ചൻ ആൻ്റ് സൺസിന് ലഭിച്ചത്. എന്തായാലും ചിത്രം ഒടിടിയിൽ കാണാൻ കാത്തിരിക്കുകയാണ് ഒരു വിഭാഗം പ്രേക്ഷകർ.

English Summary

Biju Menon Starrer Movie Avaraachan and Sons OTT Release Update; This Movie  will Stream on October 30 in Netflix from the Midnight, Film get Mixed Reviews and Response from the Audience.

ദാവൂദ് ഇബ്രാഹിമിനെ വധിക്കാൻ പദ്ധതിയിട്ടിരുന്നു എന്ന മേജർ രവിയുടെ അവകാശവാദം ട്രോളുകളായി സാമൂഹ്യ മാധ്യമങ്ങളിലാകെ നിറയുന്നതിനിടെ കാര്യങ്ങൾ വീണ്ടും വിശദീകരിച്ച് മേജർ രവി. മൂവി വേൾഡ് മീഡിയ എന്ന യുട്യൂബ് ചാനലിന് നൽകിയ അഭിമുഖത്തിലാണ് മേജർ രവിയൂടെ പുതിയ വെളിപ്പെടുത്തലുകൾ. ദാവൂദ് ഇബ്രാഹിമിനെ വധിക്കാൻ പദ്ധതിയിട്ടിരുന്നു എന്ന് പറയുമ്പോൾ എന്തിനാണിത്ര അസഹിഷ്ണുത എന്ന് മേജർ രവി ചോദിക്കുന്നുണ്ട്. ദാവൂദ് ഇബ്രാഹിമിനെ കുറിച്ചുള്ള രഹസ്യ വിവരങ്ങൾ വർഷങ്ങൾക്ക് മുൻപ് തന്നെ തനിക്ക് ലഭിച്ചിരുന്നു എന്നും മേജർ രവി വെളിപ്പെടുത്തുന്നുണ്ട്.

2017-ലാണ് ഡൽഹിലുള്ള ബി.ജെ.പി നേതാവ് പുരുഷോത്തമൻ വഴി അപ്പോയിൻമെൻ്റ് എടുക്കുന്നത്. ഞങ്ങൾ ഇരുന്ന് കാര്യങ്ങൾ ചർച്ച ചെയ്യുന്ന ചിത്രം ഇപ്പോഴും കയ്യിലുണ്ട്. ട്രോൾ ചെയ്യുന്നവർക്കും കളിയാക്കുന്നവർക്കും ചിന്തിക്കാൻ ;പോലും കഴിയാത്ത കാര്യങ്ങളാണ് ഇതെല്ലാം. “ദാവൂദ് ആ കാലത്ത് തന്നെ ഡയബറ്റിസ് ബധിച്ച് കിടപ്പിലായിരുന്നു. പക്ഷേ ഇത്ര പഴുത്തിട്ടില്ല. ചക്ക പഴുത്ത പോലെ കിടപ്പിലാണ് ഇപ്പോൾ. അന്ന് ഡയബറ്റിസ് ബാധിച്ച് കയ്യും കാലും ഒന്നും അനക്കാനാകുമായിരുന്നില്ല. മുന്നിലുണ്ടായിരുന്ന പള്ളിയിൽ പോയിരുന്നത് പോലും വിൽ ചെയറിലായിരുന്നു” മേജർ രവി പറഞ്ഞു.

Also Read: “സലിം കുമാറിന് ആദരാഞ്ജലി അർപ്പിക്കാൻ പോയപ്പോൾ ഒരാൾ കൊച്ചിൻ ഹനീഫയെ അനുകരിക്കാൻ ആവശ്യപ്പെട്ടു”; കോട്ടയം നസീർ

ഈ കാര്യങ്ങളെല്ലാം അന്ന് വിശദമായി ആഭ്യന്തര മന്ത്രാലയത്തെ അറിയിച്ചിരുന്നു. എവിടെ നിന്നുമാണ് ഈ വിവരങ്ങൾ ലഭിച്ചത് എന്ന് ചോദിച്ച് അവർ പോലും അന്താളിച്ചുപോയിട്ടുണ്ട് എന്നും മേജർ രവി പറയുന്നു. “ദാവൂദിനെ പിടിക്കാൻ പോകുന്നു എന്ന് പറയുമ്പോൾ മാത്രം നിങ്ങൾക്കെന്തിനാണിത്ര കുരു പൊട്ടുന്നത്” എന്നും മേജർ രവി ചോദിക്കുന്നുണ്ട്. “പ്രധാനമന്ത്രിയെ വധിക്കാൻ ശ്രമിച്ചു എന്നോ പാർലമെൻ്റ് ആക്രമിക്കാൻ ശ്രമിച്ചു എന്നോ അമ്പലം തകർക്കാൻ ശ്രമിച്ചു എന്നൊന്നുമല്ലല്ലോ പറഞ്ഞത്. ദവൂദിൻ്റെ പേര് പറഞ്ഞപ്പോഴല്ലെ കഴിഞ്ഞ രണ്ട് ആഴ്ചയായി സൈബർ ആക്രമണങ്ങൾ ഉണ്ടാകുന്നത്. എന്തുകൊണ്ടാണ് ദാവൂദിനെ ഹീറോയായും മേജർ രവി ആക്രമിക്കപ്പെടേണ്ടയാൾ എന്ന നിലയിലും കാണുന്നത്” അദ്ദേഹം ചോദിക്കുന്നു.

ഈ രാജ്യത്തെ പട്ടാളക്കാരെ കുറിച്ച് നിങ്ങൾക്കറിയില്ല. 2008-ലെ മോഹിത് ശർമ്മയുടെ ഓപറേഷനെ കുറിച്ച് സിനിമയിലൂടെ അറിഞ്ഞിട്ടുണ്ടാകും. അതുപോലെ ഒരുപാട് പേർ രാജ്യത്തിനായി പല ഓപറേഷനുകളും നടത്തിയിട്ടുണ്ട്. മോഹിത് ശർമ അന്ന് പാകിസ്ഥാനിൽ പോയി അവരുടെ ക്യാമ്പിൽ കടന്ന് 34 പേരെ വധിച്ചാണ് തിരികെ വന്നത്. വെറും നാലോ അഞ്ചോ ദിവസങ്ങൾക്കൊണ്ടാണ് അദ്ദേഹം ഓപറേഷൻ പൂർത്തിയാക്കിയത്. അദ്ദേഹത്തെ നേരിട്ട് കണ്ടിട്ടുണ്ട്. വലിയ സൈസുള്ള ആളൊന്നുമല്ല. പക്ഷേ കണ്ണിലെ ശൗര്യം കണ്ടാൽ തന്നെ മനസ്സിലാകും. അങ്ങനെയുള്ളവരെ അഭിനന്ദിക്കാൻ പഠിക്കണം, അല്ലാതെ ‘അവൻ വെറുതെ പുളുവടിക്കുകയാണ്” എന്ന് പറഞ്ഞ് അപമാനിക്കുകയല്ല വേണ്ടത് എന്നും മേജർ രവി വ്യക്തമാക്കി.

English Summary

Responding to social media trolls, Major Ravi defended his claims about a past plot to eliminate Dawood Ibrahim. He questioned the public's outrage over targeting a wanted terrorist.

മരണ വീടുകളിൽ പോലും അപക്വമായി പെരുമാറുന്ന രീതി നമ്മുടെ നാട്ടിൽ വർധിച്ചുവരികയാണ്. മരണം പോലും കണ്ടൻ്റായി മാറൂന്ന കലാത്താണ് നമ്മൾ ജീവിക്കുന്നത്. അടുത്തിടെ സിനിമാ രംഗത്തെ പ്രമുഖരുടെ മരണാരന്തര ചടങ്ങുകൾക്കിടെ ഉണ്ടയ സംഭവങ്ങൾ ഇതിന് തെളിവാണ്. അത്തരം ഒരു സംഭവം തുറന്നുപറഞ്ഞിരിക്കുകയാണ് ഇപ്പോൾ കോട്ടയം നസീർ. മയാളികളുടെ പ്രിയപ്പെട്ട സലീം കുമാറിന് അദരഞ്ജലികൾ അർപ്പിച്ച് മടമ്പോൾ ഒരാൾ തന്നോട് കൊച്ചിൻ ഹനീഫയെ അനുകരിക്കാൻ ആവശ്യപ്പെട്ടു എന്നാണ് കോട്ടയം നസീർ ഇപ്പോൾ വെളിപ്പെടുത്തിയിരിക്കുന്നത്.

സാഹചര്യമോ സന്ദർഭമോ നോക്കാതെ എന്തും ആവശ്യപ്പെടാനുള്ള അവകാശം തങ്ങൾക്കുണ്ട് എന്ന തോന്നൽ ചില മനുഷ്യർക്കുണ്ട് എന്നാണ് തോന്നുന്നത് എന്നും ആ തിരിച്ചറിവിൽ മുന്നോട്ടുപോവുകല്ലാതെ മറ്റു വഴികൾ ഇല്ലാ എന്നും നാദിർഷയ്ക്ക് നൽകിയ അഭിമുഖത്തിൽ കോട്ടയം നസീർ പറയുന്നു. ഈ അനുഭവം നേരത്തെയും ഉണ്ടായിട്ടുണ്ട്. മുൻപ് ബോബി കൊട്ടാരക്കര മരിച്ചപ്പോൾ അദ്ദേഹത്തെ അവസാനമായി കണ്ട് മടങ്ങി വരുമ്പോഴും ഇതേ ചോദ്യം ഒരാൾ തൻ്റയടുത്ത് ചോദിച്ചിരുന്നു. എവിടെ പോയാലും ഏത് സാഹചര്യത്തിലും ഇത്തരം ചോദ്യങ്ങൾ നേരിടേണ്ടിവരും എന്ന തിരിച്ചറിവിലേക്ക് ഇപ്പോൾ താൻ എത്തിയിട്ടുണ്ട് എന്നും അദ്ദേഹം പറഞ്ഞു.

Also Read: ‘അത് നടക്കില്ല എന്ന് ദിലീപിനോട് പറഞ്ഞു’; ഈ പുഴയും കടന്ന് എന്ന സിനിമയെ കുറിച്ച് സംവിധായകൻ കമൽ

അത്തരം സാഹചര്യങ്ങളിൽ ശക്തമായി പ്രതികരിക്കണം എന്നും സമുഹം ശരിയോടൊപ്പം നിൽക്കും എന്നും നാദിഷാ കോട്ടയം നസീറിനോട് പറയുന്നുണ്ട്. എന്നാൽ അതിൻ്റെ മറുവശവും കോട്ടയം നസീർ വിശദീകരിക്കുന്നു. അങ്ങനെയുള്ള സാഹചര്യങ്ങളിൽ രൂക്ഷമായി പ്രതികരിച്ചാൽ തൻ്റെ പ്രതികരണം മാത്രമായിരിക്കും സാമൂഹ്യ മാധ്യമങ്ങളിൽ പ്രചരിക്കപ്പെടുക. എന്ന് കോട്ടയം നസീർ സംശയമേതുമില്ലാതെ പറയുന്നു. ഏത് സാഹചര്യത്തിലാണ് ആ നിലയിൽ പെരുമാറേണ്ടിവന്നത് എന്നോ എന്താണ് കാരണം എന്നോ വ്യക്തമാകാത്ത നിലയിൽ തലയും വാലുമില്ലാത്ത വീഡിയോകളായിരിക്കും സോഷ്യൽ മീഡിയയിൽ ഇടംനേടുക എന്നും കോട്ടയം നസീർ വ്യക്തമാക്കി.

ഒരു നടൻ എന്ന രീതിയിലേക്ക് തനിക്ക് ഏതെങ്കിലും തരത്തിലുള്ള ഒരു വളർച്ച ഉണ്ടായുട്ടുണ്ട് എങ്കിൽ അത് റോഷാക്കിന് ശേഷമാണെന്ന് കോട്ടയം നസീർ പറയുന്നുണ്ട്. അതിന് മുൻപും സീര്യസായിട്ടുള്ള പല കഥാപാത്രങ്ങളും ചെയ്തിട്ടുണ്ട് എങ്കിലും റോഷാക്കിന് ശേഷമാണ്, വാഴ, തലവൻ അന്വേഷിപ്പിൻ കണ്ടെത്തും തുടങ്ങിയ സിനിമകളിൽ എല്ലാം മികച്ച കഥാപാത്രങ്ങൾ തേടിയെത്തിയത്. ആ ധൈര്യമാണ് ജെയിലറിൽ അഭിനയിക്കുമ്പോഴും ഉണ്ടായിരുന്നത് എന്നും കോട്ടയം നസീർ പറയുന്നു.

English Summary

Actor Kottayam Nazeer revealed that a fan inappropriately asked him to mimic Cochin Haneefa at Salim Kumar's funeral. He told Nadirshah he ignored it to avoid social media misrepresentation.

കഴിഞ്ഞ കുറച്ചു ദിവസങ്ങളായി നടൻ വിജയ് ദേവരക്കൊണ്ടയും നടി രശ്മിക മന്ദാനെയെയും കുറിച്ച് മോശം രീതിയിൽ സോഷ്യൽ മീഡിയയിൽ പ്രതികരണങ്ങൾ നടക്കുകയാണ്. ഇത്തരത്തിൽ തെറ്റായ വിവരങ്ങൾ പ്രചരിപ്പിക്കുന്നവർക്കെതിരെ നടപടിയെടുക്കണമെന്ന് ആവശ്യപ്പെട്ട് വിരോഷ് ടീം സൈബർ ഡിപ്പാർട്ട്മെന്റിൽ പരാതി നൽകി. കോഫി വിത്ത് കരൺ എന്ന പ്രോഗ്രാമിൽ പങ്കെടുക്കുന്നതിനിടെ വിജയിയും രശ്മികയും പറഞ്ഞ ചില വാക്കുകൾ വളച്ചൊടിച്ചുകൊണ്ടാണ് ചില ആളുകൾ സോഷ്യൽ മീഡിയയിൽ മനപൂർവം തെറ്റായി വിവരങ്ങൾ പ്രചരിപ്പിക്കുന്നത്. ഇത്തരത്തിൽ തെറ്റായതും മോശവുമായ വിവരങ്ങൾ പ്രചരിപ്പിക്കുന്നവർക്കെതിരെ നിയമ നടപടി സ്വീകരിക്കണമെന്ന് ആരോപിച്ച് ആണ് സൈബർ ഡിപ്പാർട്ട്മെന്റ് ഡിസിപിക്ക് പരാതി നൽകിയത്.

ഇത്തരത്തിൽ പ്രചരിക്കുന്ന വാർത്തകൾ ദമ്പതികൾക്ക് ബുദ്ധിമുട്ടുകൾ സൃഷ്ടിച്ചതായി അവരുടെ ടീം പ്രതിനിധികൾ പരാതിയിൽ പറയുന്നു. സംസാരസ്വാതന്ത്ര്യത്തെയും അഭിപ്രായപ്രകടനത്തെയും പോസിറ്റീവ് വിമർശനത്തെയും ബഹുമാനിക്കുന്നുണ്ട് എന്നും, എന്നാൽ ഇത്തരത്തിൽ മനപ്പൂർവമായ തെറ്റായി വിവരങ്ങൾ പ്രചരിപ്പിക്കുന്നത് അവസാനിപ്പിക്കണമെന്ന് ആണ് ഇവർ പോലീസിൽ നൽകിയിരിക്കുന്ന പരാതി. ഇത്തരത്തിൽ വ്യാജമായ വാർത്തകളും വിവരങ്ങളും പങ്കുവെച്ച അക്കൗണ്ടുകൾ, അവയുടെ സ്ക്രീൻഷോട്ടുകൾ മറ്റു വിവരങ്ങൾ എന്നിവ സൈബർ ക്രൈം ഡിസിപിക്ക് കൈമാറിയതായാണ് റിപ്പോർട്ട്.

ALSO READ:ദുൽഖർ സൽമാൻ നിങ്ങടെ വീട്ടിലെത്തിയത് മേനോൻ ആയിട്ടോ? മറുപടി നൽകി അഹാന കൃഷ്ണ

ദമ്പതികളുടെ സ്വകാര്യതയും ബഹുമാനവും സംരക്ഷിക്കാൻ എപ്പോഴും നിയമം സന്നദ്ധമാണെന്നും ടീം വ്യക്തമാക്കി. അതേസമയം ഇത്തരത്തിൽ മോശമായ രീതിയിൽ വാർത്തകൾ പ്രചരിപ്പിക്കുന്നവരെ കൃത്യമായ അന്വേഷണം നടത്തി തെറ്റ് ചെയ്തവർക്കെതിരെ നിയമം നടപടി സ്വീകരിക്കുമെന്ന് ഉദ്യോഗസ്ഥർ ഉറപ്പു നൽകിയതായും റിപ്പോർട്ട്.അതിനിടയിൽ തങ്ങൾക്കെതിരെ ഉയരുന്ന വിമർശനങ്ങൾക്കും കളിയാക്കലുകൾക്കും മറുപടിയുമായി രശ്മികയും രംഗത്തെത്തിയിട്ടുണ്ട്. തങ്ങൾക്കെതിരെ ഉയരുന്ന പരിഹാസങ്ങൾക്ക് ഒരു തുറന്ന കത്തിലൂടെയാണ് താരം മറുപടി നൽകിയത്.

അഭിപ്രായ പ്രകടനങ്ങൾ അല്ല മറച്ച് വെറുപ്പ് തീർക്കാനുള്ള നീക്കം...

ഇത് ഒരിക്കലും ഒരു അഭിപ്രായ പ്രകടനങ്ങൾ അല്ല മറച്ച് വെറുപ്പ് തീർക്കാനുള്ള ഒരു നീക്കം ആണെന്നാണ് രശ്മിക പറയുന്നത്. ബന്ധത്തിലെ പ്രായോഗിക വശങ്ങളും പരസ്പര ധാരണയും മനസ്സിലാക്കാൻ ഇരുവരും സമയമെടുത്തു എന്ന കാര്യത്തെ വളരെ തെറ്റായ രീതിയിലാണ് സോഷ്യൽ മീഡിയയിൽ വ്യാഖ്യാനിക്കപ്പെട്ടത് എന്നാണ് താരം വ്യക്തമാക്കിയത്. ആശങ്കയുടെ പേരിൽ സൗജന്യ ഉപദേശങ്ങൾ നൽകുന്നവരുടെ ജീവിതത്തിലെ ഏറ്റവും മോശം ഘട്ടങ്ങളിൽ തനിക്കൊപ്പം വിജയം മാത്രമാണ് ഉണ്ടായിരുന്നത് എന്നും ഇത്തരം ആളുകൾ ആരും തനിക്ക് പിന്തുണയോ ഉപദേശങ്ങളോ ആയി പുറകെ വന്നിട്ടില്ല എന്നും രശ്മിക വ്യക്തമാക്കി. മാത്രമല്ല തങ്ങളുടെ കുടുംബത്തെ വലിച്ചിഴച്ചുകൊണ്ട് ഇത്തരത്തിൽ പരാമർശങ്ങൾ നടത്തുന്നത് സ്ത്രീ സമത്വം അല്ലെന്നും അത് വെറും അധിക്ഷേപമാണെന്നം രശ്മിക സോഷ്യൽ മീഡിയയിൽ കുറിച്ചത്.

ENGLISH SUMMARY

Some individuals are deliberately spreading misinformation on social media by distorting remarks made by Vijay and Rashmika during their appearance on the show 'Koffee with Karan'. A complaint has been filed with the DCP of the Cyber ​​Department, calling for legal action against those who propagate such false and malicious information.

ദിലീപ്-മഞ്ജു വാര്യർ കോംപിനേഷൻ തരംഗമായി നിൽക്കുന്ന സമയത്ത് ഇരുവരെയും നായികാ നായകന്മാരാക്കി കമൽ സംവിധാനം ചെയ്ത സിനിമയാണ് ‘ഈ പുഴയും കടന്ന്’ മലോയാളികളുടെ ഒരു നൊസ്റ്റാൾജിക് സിനിമ കൂടിയാണ് ഈ സിനിമ എന്ന് പറയാം. പ്രണയവും, ദുരന്തവും കാത്തിരിപ്പും അങ്ങനെ ഒരുപാട് വൈകാരിക മുഹൂർത്തങ്ങളിലൂടെ കടന്നുപോകുന്ന സിനിമ. കാത്തിരിപ്പിൻ്റെ ആഴം പ്രേക്ഷകരിലേക്കെത്തിക്കുന്ന സിനിമയുടെ ക്ലൈമാക്സിനെ കുറിച്ച് അളുകൾ 2026-ലും സംസാരിക്കാറുണ്ട് എന്നാൽ ആ സിനിയുടെ ക്ലൈമാക്സ് ആദ്യം മറ്റൊരു രിതിയിലായിരുന്നു എന്ന് തുറന്നു പറയുകയാണ് അഹല്യഎഫ്.എമ്മിന് നൽകിയ അഭിമുഖത്തിൽ സംവിധായകൻ കമൽ.

ദിലീപും മഞ്ജു വാര്യറും അഭിനയിച്ച ‘സല്ലാപം’ വലിയ ഹിറ്റായതിന് പിന്നാലെയാണ് ‘ഈ പുഴയും കടന്ന്’ എന്ന സിനിമ ചെയ്യുന്നത്. ഇരുവരുടെയും കോംപിനേഷൻ ആളുകൾക്ക് വലിയ ഇഷ്ടമായിരുന്നു എന്ന് കമൽ പറയുന്നു. സിനിമയുടെ ക്ലൈമാക്സ് സംബന്ധിച്ച് ദിലീപിന് ആശങ്കകൾ ഉണ്ടായിരുന്നു എന്നും ക്ലൈമാക്സിൽ മാറ്റം വേണ്ടേ എന്ന് ദിലീപ് നിരന്തരം ചോദിക്കുമായിരുന്നു എന്നും കമൽ തുറന്നു പറയുന്നുണ്ട്. സിനിമയുടെ ക്ലൈമാക്സ് ആദ്യം കൃത്യമായി എഴുതിയിരുന്നില്ല. തിരക്കഥ പ്രകാരം ദിലീപ് ജെയിലിൽ പോകുന്നിടത്താണ് സിനിമ അവസാനിക്കുന്നത്. എന്നാൽ ആ ക്ലൈമാക്സിൽ ദിലീപിന് സംതൃപ്തി ഉണ്ടായിരുന്നില്ല എന്നും പലപ്പോഴായി ദിലീപ് അക്കാര്യം പറഞ്ഞിരുന്നു എന്നും കമൽ വെളിപ്പെടുത്തി.

Also Read: Priyanka Anoop: മാന്യമായ ഡ്രസ്സ് ഇട്ടില്ലെങ്കിൽ ആണുങ്ങൾ നോക്കും, അതിന് അവരെ കുറ്റം പറഞ്ഞിട്ട് കാര്യമില്ല! പ്രിയങ്ക അനൂപിന് വിമർശനം

നായകൻ ജെയിലിൽ പോകുന്നിടത്ത് സിനിമ അവസാനിപ്പിച്ചാൽ അതിനൊരു ഇംപാക്ട് ഉണ്ടാകില്ല എന്ന് അസിസ്റ്റൻസിന് അടക്കം അഭിപ്രായം ഉണ്ടായിരുന്നു. ‘സിനിമ അവസാനിക്കുന്നിടത്ത് ഒരു പോസിറ്റീവ് നോട്ട് വേണ്ടേ’ എന്ന് ദിലിപും ചോദിച്ചിരുന്നു. പോസിറ്റീവായി സിനിമ അവസാനിപ്പിക്കണമെങ്കിൽ നായകൻ ജെയിൽ നിന്നും വരണം, ക്ലൈമാക്സ് ആ രീതിയിലേക്ക് മാറ്റിക്കുടേ എന്ന് ഒരുപാട് പേര് ചോദിച്ചിരുന്നു എന്ന് കമൽ പറയുന്നു. എന്നാൽ അങ്ങനെ ഒരു ക്ലൈമാക്സ് സിനിമക്ക് നൽകിയാൽ പൈങ്കിളി ലൈനിലേക്ക് കാര്യങ്ങൾ പോകുമെന്നും അതിന് തനിക്ക് താല്പരൂമുണ്ടായിരുന്നില്ല എന്നും കമൽ വ്യക്തമാക്കി.

പിന്നീട് തൻ്റെ ആലോചനയിൽ നിന്നാണ്. ക്ലൈമാക്സ് രൂപപ്പെടുത്തിയത്. നായിക കാത്തിരിക്കുന്ന രീതിയിലേക്ക് ക്ലൈമാക്സ് രംഗത്തെ മാറ്റി. നായകൻ ഉടൻ തിരികെയെത്തും എന്ന പോസിറ്റീവ് ഫീലും പ്രേക്ഷകർക്ക് ലഭിച്ചു. എന്നാൽ താൻ തിരികെ വരുന്നതാകണം ക്ലൈമാക്സ് എന്നതായിരുന്നു ദിലീപിൻ്റെ ആഗ്രഹം എന്നും കമൽ തുറന്നു പറയുന്നു. ആ ആവശ്യം ദിലീപ് പറയുകയും ചെയ്തിരുന്നു. എന്നാൽ അത് നടക്കില്ല എന്ന് ദിലീപിനോട് പറഞ്ഞു. നായകൻ തിരികെ വരുന്നതായി കാണിച്ചാൽ ക്ലൈമാക്സിൻ്റെ മനോഹാരിത നഷ്ടപ്പെടുമെന്നും, മറിച്ചാകുമ്പോൾ മാത്രമേ പ്രേക്ഷകർക്ക് പുതുമയും കൗതുകവും തോന്നു എന്നും ദിലിപിനെ പറഞ്ഞ് ബോധ്യപ്പെടുത്തുകയായിരുന്നു എന്ന് കമൽ പറഞ്ഞൂ. അന്നും സിനിമയുടെ ക്ലൈമാക്സ് വലിയ രിതിയിൽ ചർച്ച ചെയ്യപ്പെട്ടിരുന്നു എന്നും അദ്ദേഹം ഓർത്തെടുത്തു.

English Summary

Director Kamal revealed that actor Dileep wanted a different, positive climax for Ee Puzhayum Kadannu. However, Kamal rejected the idea to maintain the emotional depth of Manju Warrier's wait.

സിനിമയിലും സീരിയലിലുമായി ശ്രദ്ധേയമായ കഥാപാത്രങ്ങളിലൂടെ മലയാളികൾ സുപരിചിതയായ നടിയാണ് പ്രിയങ്ക അനൂപ്. അഭിനയത്തിലൂടെ മാത്രമല്ല പല വിഷയങ്ങളിലും ഉള്ള തന്റേതായ നിലപാടുകൾ കൊണ്ടും പ്രിയങ്ക അനൂപ് എന്നും സോഷ്യൽ മീഡിയയിൽ ഇടം നേടാറുണ്ട്. പ്രധാനമായും സ്ത്രീകളും പുരുഷനുമായി ബന്ധപ്പെട്ട പല വിഷയങ്ങളിലും പ്രിയങ്ക അനൂപ് പറഞ്ഞിട്ടുള്ള നിലപാടുകൾ സോഷ്യൽ മീഡിയയിൽ വിമർശനങ്ങൾക്കും ഇടയാക്കാറുണ്ട്.

പുരുഷ കമ്മീഷൻ അടക്കമുള്ള കാര്യങ്ങൾക്ക് വേണ്ടി തന്റെ നിലപാട് വ്യക്തമാക്കുന്ന പ്രിയങ്കാ അനൂപ് ഇപ്പോൾ ഇതാ സ്ത്രീകളുടെ വസ്ത്രധാരണവുമായി ബന്ധപ്പെട്ട് നടത്തിയ ഒരു പരാമർശമാണ് സോഷ്യൽ മീഡിയയിൽ വളരെയധികം ചർച്ചകൾക്കും വിമർശനങ്ങൾക്കും ഇടയാക്കുന്നത്.24 ന്യൂസ് ചാനലിൽ നൽകിയ ഒരു ഡിബേറ്റിലാണ് താരം ഈ രീതിയിൽ വിമർശനങ്ങൾക്ക് ഇടയാക്കുന്ന പരാമർശങ്ങൾ നടത്തിയത്. സ്ത്രീകൾ മാന്യമായ രീതിയിൽ വസ്ത്രം ധരിച്ചില്ലെങ്കിൽ പുരുഷന്മാർ നോക്കും, അത് പുരുഷന്മാരെ കുറ്റം പറഞ്ഞിട്ട് കാര്യമില്ല എന്ന രീതിയിലായിരുന്നു പ്രിയങ്ക അനൂപിന്റെ പരാമർശം.

ALSO READ:ദുൽഖർ സൽമാൻ നിങ്ങടെ വീട്ടിലെത്തിയത് മേനോൻ ആയിട്ടോ? മറുപടി നൽകി അഹാന കൃഷ്ണ

ധരിക്കുന്ന വസ്ത്രത്തിലേക്ക് നോക്കുന്നത് അവരുടെ കുഴപ്പമാണോ..?

സോഷ്യൽ മീഡിയയിൽ ഇത് വലിയ രീതിയിലുള്ള വിമർശനങ്ങൾക്കാണ് ഇടയാക്കുന്നത്. വസ്ത്രം ധരിക്കുന്നത് ഒരാളുടെ സ്വാതന്ത്ര്യമാണ് അതിലേക്കുള്ള കടന്നുകയറ്റം ആണ് താരം നടത്തിയത് എന്നും മാത്രമല്ല ഒരാൾ എന്ത് വസ്ത്രം ധരിക്കുന്നത് അതനുസരിച്ചിട്ടല്ല അവരെ ജഡ്ജ് ചെയ്യേണ്ടത്. ഒരാൾ ധരിക്കുന്ന വസ്ത്രത്തിലേക്ക് നോക്കുന്നത് അവരുടെ കുഴപ്പമാണോ അല്ലെങ്കിൽ നോക്കുന്ന ആളുടെ കുഴപ്പമാണോ എന്നിങ്ങനെയാണ് ആളുകൾ വിമർശിക്കുന്നത്.

ഇതുകൂടാതെ നടി പ്രസവവുമായി ബന്ധപ്പെട്ട നടത്തിയ പരാമർശങ്ങളും വലിയ വിവാദങ്ങൾക്കും വിമർശനങ്ങൾക്കും വഴിയൊരുക്കുന്നുണ്ട് പണ്ടത്തെ കാലത്ത് സ്ത്രീകൾ എല്ലും നുറുങ്ങുന്ന വേദന സഹിച്ചാണ് കുട്ടികൾക്ക് ജന്മം നൽകിയിരുന്നത് എന്നാൽ ഇന്നത്തെ ഒരു വിഭാഗം കുട്ടികൾക്ക് പ്രസവിക്കുന്നതിനോട് താല്പര്യം ഇല്ല എന്നും മാത്രമല്ല ഇപ്പോൾ അവർക്ക് വേദന കുറയ്ക്കാനും സിസേറിയനും മറ്റുമാണ് അവർ ചൂസ് ചെയ്യുന്നത്. അല്ലാതെ പ്രസവിക്കുന്നില്ല.

എന്നിങ്ങനെയൊക്കെയാണ് പ്രിയങ്ക അനൂപിന്റെ പരാമർശം. എന്നാൽ ഇതിനെതിരെയും ആളുകൾ രംഗത്തെത്തിയിട്ടുണ്ട്. ഒരു വിഭാഗം ആളുകൾ എന്തുകൊണ്ടാണ് സിസേറിയൻ ചെയ്യുന്നവരുടെ പ്രസവത്തെ ഇത്ര ലഘൂകരിച്ച് കാണുന്നത് എന്നാണ് ചോദിക്കുന്നത്. അവരും വേദന അനുഭവിക്കുന്നുണ്ട് അവരുടെ വേദന എന്തുകൊണ്ട് ആളുകൾ ഇത്ര ലഘുവായി കാണുന്നു എന്നും ചോദിക്കുന്നു. മാത്രമല്ല സാധാരണ പ്രസവം മാത്രമാണ് പ്രസവം അല്ലാത്ത ആളുകൾ പ്രസവിക്കുന്നില്ലേ എന്നൊക്കെ ആളുകൾ വിമർശിക്കുന്നു.

ENGLISH SUMMARY

Priyanka Anoop is an actress well-known to the Malayali audience through her notable roles in both films and television serials. Beyond her acting, she frequently garners attention on social media for expressing her personal stances on various issues. In particular, her views on topics concerning men and women have often sparked criticism on social media platforms.

കഴിഞ്ഞ കുറച്ചു ദിവസങ്ങളായി മേജർ രവിയും ശാന്തിവിള ദിനേശുമാണ് സോഷ്യൽ മീഡിയയിലെ ചർച്ചാവിഷയം. താൻ ആർമിയിൽ ഉണ്ടായിരുന്ന കാലത്ത് നടത്തിയ ഓപ്പറേഷൻസിനെ കുറിച്ചും മറ്റും മേജർ രവി വെളിപ്പെടുത്തിലുകൾ നടത്തിയത് സോഷ്യൽ മീഡിയയിൽ ചർച്ചയാകുന്നതിനിടെയാണ് മേജർ രവിയെ വെല്ലുവിളിച്ചുകൊണ്ടും പുച്ഛിച്ചുകൊണ്ടും സംവിധായകൻ ശാന്തിവിള ദിനേശ് രംഗത്തെത്തിയിരിക്കുന്നത്.

മേജർ രവി ഒരു പൊട്ടനാണ് എന്ന രീതിയിലാണ് ശാന്തിവിള ദിനേശ് ഒരു അഭിമുഖത്തിൽ സംസാരിച്ചത്. മാത്രമല്ല പട്ടാളക്കാരെ മൊത്തം അധിക്ഷേപിക്കുന്ന പരാമർശം നടത്തിയെങ്കിലും പിന്നീട് അത് സ്വയം തന്നെ ഒന്ന് ലഘൂകരിച്ചു കൊണ്ടും ന്യായീകരിച്ചു കൊണ്ടും സംസാരിക്കുന്ന ശാന്തിവിള ദിനേശിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ ചർച്ചയായി കൊണ്ടിരിക്കുന്നത്. റിട്ടയർ ആയിട്ടുള്ള പട്ടാളക്കാർക്ക് നാട്ടിൽ പട്ടിയുടെ വിലയുണ്ടോ എന്നാണ് ശാന്തിവിള ദിനേശ് ചോദിക്കുന്നത്. ഇതിന് പിന്നാലെ ശാന്തിവിള ദിനേശിന് മറുപടിയുമായും വെല്ലുവിളിച്ചുകൊണ്ടും മേജർ രവിയും രംഗത്ത് എത്തിയിട്ടുണ്ട്.

ALSO READ:ആ വീഡിയോയുടെ ഫസ്റ്റ് ഹാഫ് കണ്ടിട്ടാണ് കമന്റിട്ടത് , അത് ഫോർട്ടുകൊച്ചിയെ കുറിച്ചല്ല, വിശദീകരണവുമായി ദിയ കൃഷ്ണ

ശാന്തിവിള ദിനേശിന്റെ വാക്കുകൾ ഇങ്ങനെയാണ്...

ഏത് പൊട്ടൻ രാജ്യത്ത് ജീവിക്കുന്ന ആളാണ് ഇയാൾ. റിട്ടയർ ആയ പട്ടാളക്കാർക്ക് പട്ടിയുടെ വിലയുണ്ടോ. എന്റെ നാട്ടിൽ എത്ര പട്ടാളക്കാർ ഉണ്ടെന്നറിയോ റിട്ടയർ ആയതിനുശേഷം മാന്യമായി ജീവിക്കുന്നത്. എന്റെ നാട്ടിൽ എത്രയോ പട്ടാളക്കാറുണ്ട്. എന്റെ കുടുംബത്തിൽ തന്നെ ഒരുപാട് പട്ടാളക്കാരുണ്ട് മാന്യമായി ജീവിക്കുന്നത്. തന്റെ അമ്മയുടെ ചേച്ചിയുടെ ഭർത്താവ് ഹവിൽദാർ ആയിരുന്നു. മറ്റൊരു കൊച്ചച്ചനും പട്ടാളത്തിൽ ആയിരുന്നു. പട്ടാളക്കാരുടെ ഒക്കെ മൊത്തം ഹോൾസെയിൽ ഇയാൾക്കാണോ കൊടുത്തിരിക്കുന്നത്. ഇയാള് റിട്ടയേർഡ് മേജർ അല്ലേ ഇയാൾ എന്താ മേജർ മേജർ എന്ന് പറഞ്ഞുകൊണ്ട് നടക്കുന്നത്... ഇയാൾ ആരാ മോഹൻലാലിന്റെ താങ്ങി നടക്കുന്ന ഒരു വൃത്തികെട്ടവൻ. അതിൽപരം എന്ത് ക്വാളിറ്റിയാണ് അയാൾക്കുള്ളത്.

എന്നാണ് ശാന്തിവിള ദിനേഷ് പറയുന്നത്. എന്നാൽ ഇതിന് പിന്നാലെ ഇയാളെ വിമർശിച്ചുകൊണ്ട് മേജർ രവി തന്നെ രംഗത്തെത്തിയിട്ടുണ്ട്. അവനുള്ള പണി വരുന്നുണ്ട് അവൻ പട്ടാളക്കാരെ മൊത്തം അഴുക്ക ചെറുക്കാൻ പട്ടിയുടെ വിലയുണ്ടോ എന്നൊക്കെ ചോദിച്ചു വരുന്നുണ്ട്. അയാൾക്കുള്ള പണി വഴിയെ വരുന്നുണ്ട് എന്നാണ് മേജർ രവി പറയുന്നത്. സംസ്ഥാനത്തെ എല്ലാ സ്റ്റേഷനുകളിലും പട്ടാളക്കാരുടെ അസോസിയേഷൻ ഇയാൾക്കെതിരെ കേസ് കൊടുക്കുന്നുണ്ട് എന്നാണ് മേജർ രവി പറയുന്നത്. മാത്രമല്ല ശാന്തിവള ദിനേശിന് ദാവൂദിനോട് ആണ് കടപ്പാട് എന്നും മേജർ രവി വിമർശിച്ചു.

ENGLISH SUMMARY

Major Ravi and Shanthivila Dinesh have been the subject of discussion on social media over the past few days. Amidst the ongoing online discourse regarding revelations made by Major Ravi about operations he participated in during his time in the Army, director Shanthivila Dinesh has stepped forward to challenge and mock him.

ബിഗ് ബോസ് ഹൗസിൽ നിലീനയോടുള്ള ഇഷ്ടം തുറന്നു പറഞ്ഞ് നോബി. ഈയാഴ്ചയിലെ വീക്കെൻഡ് എപിസോഡിൽ മോഹൻലാലിന്റെ ചോദ്യത്തിന് മറുപടിയായാണ് നോബി തനിക്ക് നിലീനയുമായുള്ള അടുപ്പത്തെ കുറിച്ച് സംസാരിച്ചത്. ഇതിനെ തുടർന്ന് വീഡിയോ കോളിലൂടെ നോബിക്ക് നിലീനയുമായി സംസാരിക്കാനുള്ള അവസരം ഒരുക്കുകയും ചെയ്തു. അങ്ങനെ മോഹൻലാലിനെ സാക്ഷിയാക്കി നോബി പറഞ്ഞു സ്റ്റിൽ ഐ ലവ് യു എന്ന്.

നോബിക്ക് എന്താണ് പ്രശ്നം എന്ന് മോഹൻലാൽ ചോദിച്ചു. സ്നേഹം തോന്നുന്ന ഒരാൾ വിട്ട് പോയതിലുള്ള സങ്കടമാണോ, നോബിക്ക് ശരിക്കും ഇഷ്ടമോണോ എന്നും മോഹൻലാൽ ചോദിക്കുന്നുണ്ട്. തുടർന്ന് ഞാനൊരാളെ കണക്ട് ചെയ്ത് തരാം എന്ന് പേറഞ്ഞ് നേരെ കാണിക്കുന്നത് നിലീനയുമായുള്ള വീഡിയോ കോൾ ആണ്. അങ്ങനെ സംസാരിക്കാൻ അവസരം കിട്ടിയ നിലീന നോബിയോടായി ഇങ്ങനെയാണ് പറഞ്ഞത് ഇന്ന് മുതൽ ആദ്യ ദിവസം പോലെ കളിക്കൂ എന്നാണ്. ശേഷം നോബി മറുപടി പറഞ്ഞത് സ്റ്റിൽ ഐ ലവ് യൂ എന്നാണ്. ഇത് കണ്ട് നിന്ന മോഹൻലാൽ തന്റെ അതി പ്രശസ്തമായ വന്ദനം സിനിമയിലെ എങ്കിൽ എന്നോട് പറ ഐ ലവ് യു എന്ന ഡയലോ​ഗും തമാശ രൂപത്തിൽ അവതരിപ്പിച്ചു.

Also Read: പണി കിട്ടി! രാഹുൽ ഈശ്വർ വേദാം​ഗിയും ജയിലിൽ

വൈൽഡ് കാർഡ് എൻട്രി ആയി ഹൗസിൽ എത്തിയ മത്സരാർത്ഥികളിൽ ഒരാളായ നിലീന കഴിഞ്ഞ ആഴ്ച ഹൗസിൽ നിന്ന് എവിക്റ്റ് ആയിരുന്നു. ഏകദേശം രണ്ടാഴ്ച മാത്രമാണ് നിലീനയ്ക്ക് ബി​ഗ് ബോസ് ഹൗസില് തുടരനായത്. മുമ്പ് ഹൗസിൽ നടന്ന മാസ്സ് എവിക്ഷന് പിന്നാലെ ആണ് നിലീന എലിസബത്ത് ഷോയിലേക്ക് എത്തിയത്. ഹൗസിൽ മികച്ച മത്സരം കാഴ്ചവയ്ക്കുമെന്ന് പലരും പ്രതീക്ഷിച്ചിരുന്ന മത്സരാർത്ഥിയായിരുന്നു നിലീന എങ്കിലും അതിന് ആയില്ല. നോബിയും ആയിട്ടാണ് നിലീന കൂടുതൽ ഹൗസിൽ അടുപ്പം കാണിച്ചിരുന്നുത്.

ഇത് പിന്നീട് ലവ് ട്രാക്കിലേക്ക് പോവുകയായിരുന്നു. അങ്ങനെ ഈ വരും തമ്മിൽ ലൗ ട്രാക്ക് എന്ന നിലയിൽ തുടങ്ങി സീരിയസായ അടുപ്പത്തിലേക്കെത്തി എന്നുള്ള രീതിയിലേക്ക് കാര്യങ്ങൾ പോയി. വളരെ ചുരുങ്ങിയ ദിവസം കൊണ്ട് ഇത്രയും രണ്ടുപേർ അടുക്കുമോ എന്നുള്ളത് പ്രേക്ഷകരിൽ സംശയം ജനിപ്പിക്കാൻ ഇടയായി എന്നാണ് സോഷ്യൽ മീഡിയ പ്രതികരണങ്ങൾ. അത് ഇരു മത്സരാർത്ഥികളുടെയും സ്വീകാര്യതയെ പ്രതികൂലമായി ബാധിച്ചിരുന്നു. ഈ ലവ് ട്രാക്ക് വർക്കൗട്ട് ആയില്ല അതുകൊണ്ടാണ് നിലീനക്ക് ഹൗസിൽ നിന്ന് പുറത്ത് പോകേണ്ടി വന്നത് എന്നാണ് എവിക്ഷൻ കഴിഞ്ഞപ്പോൾ കൂടുതൽ പ്രേക്ഷകരുടെയും പ്രതികരണം.

English Summary

Nobi opened up about his affection for Nileena inside the Bigg Boss house. He spoke about his closeness to her while responding to a question from Mohanlal during this week's weekend episode. Subsequently, an opportunity was provided for Nobi to speak with Nileena via a video call.

ചരിത്ര വിജയവുമായി രജനികാന്ത് നായകനായ ജയിലർ 2 സിനിമ തിയേറ്ററുകളിൽ പ്രദർശനം തുടരുകയാണ്. ഇന്ത്യൻ സിനിമ ചരിത്രത്തിലെ ഏറ്റവും വലിയ ഹിറ്റുകളിൽ ഒന്നായി സിനിമ മാറുമെന്ന് ഏകദേശം ഉറപ്പായിട്ടുണ്ട്. അഡ്വാൻസ് ബുക്കിംഗ് മുതലേ സിനിമ തിയേറ്ററിൽ തരംഗം ആകുമെന്ന് പ്രവചനം വന്നിരുന്നു. അത് ശരി വയ്ക്കുന്നതാണ് ഓപ്പണിങ് കളക്ഷൻ റിപ്പോർട്ടുകളും വ്യക്തമാക്കിയത്. ടൈഗർ മുത്തുവേൽ പാണ്ഡ്യനായി രജനീകാന്ത് വീണ്ടും എത്തിയ സിനിമയെ ആരാധകർ മാത്രമല്ല സിനിമ ആസ്വാദകർ ഒന്നടങ്കം ഏറ്റെടുത്തിരിക്കുകയാണ്.

ഈ വിജയത്തിൽ ആരാധകർക്കൊപ്പം ചേർന്നിരിക്കുകയാണ് സാക്ഷാൽ രജനികാന്ത്. നീണ്ട 40 വർഷങ്ങൾക്കുശേഷം തിയറ്ററിൽ എത്തി ആരാധകർക്കൊപ്പം ജയിലർ 2 കണ്ടിരിക്കുകയാണ് താരം. ചെന്നൈയിലെ ഫിനിക്സ് മാളിലെ സിനിമ സ്‌ക്രീനിൽ ആണ് സൂപ്പർസ്റ്റാർ പടം കാണാൻ എത്തിയത്. ചിത്രത്തിന്റെ നിർമ്മാതാക്കളായ സൺ പിക്ചേഴ്സ് ആണ് ഈ വിവരവും വീഡിയോ ദൃശ്യങ്ങളും തങ്ങളുടെ ഔദ്യോഗിക സമൂഹമാധ്യമ അക്കൗണ്ടുകൾ വഴി പുറത്തുവിട്ടത്.

Also Read: ആ വീഡിയോയുടെ ഫസ്റ്റ് ഹാഫ് കണ്ടിട്ടാണ് കമന്റിട്ടത് , അത് ഫോർട്ടുകൊച്ചിയെ കുറിച്ചല്ല, വിശദീകരണവുമായി ദിയ കൃഷ്ണ

തന്റെ സുരക്ഷാ ചുമതലയുള്ള ഉദ്യോഗസ്ഥരെ ഒപ്പം കൂട്ടാതെയാണ് രജനീകാന്ത് ആരാധകർക്ക് ഒപ്പം സിനിമ കാണുന്നതിന് എത്തിയത്. രജനികാന്തിനൊപ്പം സിനിമയുടെ സംഗീതം ഒരുക്കിയ സംവിധായകൻ അനിരുദ്ധ്, കൊച്ചുമക്കളായ ലിംഗ, യാത്ര എന്നിവരും സിനിമ കാണാൻ താരത്തിനൊപ്പം ഉണ്ടായിരുന്നു. സിനിമ കാണാൻ എത്തിയ താരത്തെ സ്വീകരിച്ച് അധികൃതർ അകത്തേക്ക് കൊണ്ടുപോകുന്നതും താരം തിയേറ്ററിലേക്ക് പ്രവേശിക്കുന്നതും ആരാധകർക്കൊപ്പം ഇരുന്ന് സിനിമ കാണുന്നതും ഓരോ രംഗങ്ങളും ആസ്വദിക്കുന്നതും സൺ പിക്ചേഴ്സ് പുറത്തുവിട്ട വീഡിയോയിൽ കാണാം.

സാക്നിൽക് കണക്ക് പ്രകാരം 628 കോടി രൂപയ്ക്ക് മുകളിലാണ് ജയിലർ വേൾഡ് വൈഡ് കളക്ഷനായി സിനിമ നേടിയത്. ഇതിൽ 48.5 കോടി ഇന്ത്യയിലെ ഗ്രോസ് കളക്ഷൻ ആണ്. ഓവർസീസ് കളക്ഷൻ 219.5 കോടിയും നേടി. സിനിമയുടെ ആദ്യ ദിനം ടോട്ടൽ കളക്ഷൻ 43 കോടി രൂപയ്ക്ക് മുകളിലായിരുന്നു. കേരളത്തിലും വൻ വിജയമാണ് സിനിമ നേടുന്നത്. സിനിമയിലെ പ്രധാന വില്ലൻ വേഷങ്ങളിൽ ഒന്ന് കൈകാര്യം ചെയ്തിരിക്കുന്നത് മലയാളികളുടെ ഇഷ്ടതാരമായ സുരാജ് വെഞ്ഞാറമൂടാണ്. അതിനൊപ്പം മലയാളികളുടെ സ്വന്തം മോഹൻലാലും ജയിലർ ഒന്നാം ഭാഗത്തിന് സമാനമായി കാമിയോ വേഷത്തിൽ സിനിമയിലെത്തുന്നുണ്ട്.

English Summary

The legendary Rajinikanth has joined his fans to celebrate the success. After a long gap of 40 years, the star returned to a movie theater to watch Jailer 2 alongside his fans. The superstar arrived at a cinema screen located in Phoenix Mall, Chennai, to watch the film.

വിവാദമായ തന്റെ സോഷ്യൽ മീഡിയ കമന്റിൽ വിശദീകരണവുമായി ഇൻഫ്ലുവൻസറായ ദിയ കൃഷ്ണരംഗത്ത്. ഫോർട്ട് കൊച്ചി പരാമർശിച്ചു കൊണ്ടുള്ള ഉത്തരേന്ത്യൻ യൂടൂബറുടെ വീഡിയോയെ അനുകൂലിച്ച് കമന്റ് ചെയ്തു എന്ന ആരോപണത്തിനാണ് ദിയ കൃഷ്ണ മറുപടിയുമായി എത്തിയത്. താൻ ഫോർട്ടു കൊച്ചിയുമായി ബന്ധപ്പെട്ട വിഷയത്തെ അല്ല കമന്റ് കൊണ്ട് ഉദ്ദേശിച്ചത് എന്നാണ് ദിയ കൃഷ്ണ പറയുന്നത്. ആ വീഡിയോയുടെ ആദ്യ ഭാഗത്തിൽ വരുന്ന വർക്കലയിലെ ഒരു കഫെയിലെ കാര്യത്തിലാണ് തന്റെ പ്രതികരണം ഉണ്ടായത്.

പാക്കിസ്ഥാൻ സ്ഥാപകനായ മുഹമ്മദലി ജിന്നയുടെ ഫോട്ടോ വർക്കലയിലെ കഫെയിൽ മഹാത്മാഗാന്ധിക്ക് ഒപ്പം പ്രദർശിപ്പിച്ചിരിക്കുന്നതിന് എതിരെയാണ് താൻ വീഡിയോ കമന്റിൽ അനുകൂലിച്ചത്. ആ വീഡിയോ താൻ മുഴുവനായി കണ്ടിരുന്നില്ല. ആദ്യ ഭാഗമാണ് ശ്രദ്ധിച്ചത്. അതിലാണ് വർക്കലയിലെ കഫെയെ കുറിച്ച് കണ്ടത്. അപ്പോൾ സ്വാഭാവികമായും പ്രതികരിക്കണമെന്ന് തോന്നി. അതുകൊണ്ടാണ് 'Sad Reality'എന്ന് കമന്റ് ചെയ്തത്.

Also Read: ‘കൊച്ചി നിറയെ മുസ്ലീങ്ങൾ, കേരളം അപകടത്തിൽ’; ദിയ കൃഷ്ണയ്ക്ക് വിമർശനം

സ്വാഭാവികമായും പാക്കിസ്ഥാൻ സ്ഥാപകനായ മുഹമ്മദലി ജിന്നയുടെ ഫോട്ടോ അത് മഹാത്മാഗാന്ധിക്കൊപ്പം വച്ചിരിക്കുന്നത് എന്തുകൊണ്ടാണെന്ന് തനിക്ക് മനസ്സിലായില്ല. കാശി എന്ന് പേരായ കഫെയിലാണ് ഉത്തരേന്ത്യൻ യൂട്യൂബറുടെ വീഡിയോയിൽ മഹാത്മാഗാന്ധിക്കൊപ്പം മുഹമ്മദലി ജിന്നയുടെ ചിത്രം വച്ചിരിക്കുന്നത് കണ്ടത്. മഹാത്മാഗാന്ധിക്കൊപ്പം നെഹ്റുവിന്റെ ഫോട്ടോ വെച്ചാൽ അത് നമുക്ക് മനസ്സിലാക്കാം, പക്ഷേ എന്തിനാണ് ജിന്നയുടെ പടം ദിയ തന്റെ വിശദീകരണ വീഡിയോയിൽ ചോദിക്കുന്നു.

വീഡിയോയുടെ രണ്ടാം ഭാഗത്തിൽ എന്താണ് പറയുന്നത് എന്നതിനെ കുറിച്ച് തനിക്ക് ധാരണ ഉണ്ടായിരുന്നില്ല. താൻ മുസ്ലിം വിരോധിയാണെന്നാണ് ഇപ്പോൾ പറയുന്നത്. ഇന്ന് കൊച്ചിയിൽ വന്നിറങ്ങിയപ്പോൾ തന്റെ ഒപ്പം സെൽഫി എടുക്കാൻ ഏറ്റവും കൂടുതൽ പേർ വന്നത് ഇതേ വിഭാഗത്തിൽ നിന്നുള്ള പെൺകുട്ടികളാണ്. തന്റെ മാതാപിതാക്കളുടെയും തന്റെയും സൗഹൃദ വലയത്തിൽ നിരവധി മുസ്ലിം സഹോദരങ്ങളുണ്ട്. എന്നാൽ ആ വീഡിയോ മുഴുവനായി കാണാതെ പകുതി മാത്രം കണ്ടിട്ട് അത്തരത്തിൽ ഒരു കമന്റ് ഇട്ടത് എന്റെ തെറ്റാണ്. അക്കാര്യത്തിൽ താൻ മാപ്പ് പറയുന്നു എന്നും ദിയ കൃഷ്ണ സമൂഹമാധ്യമത്തിൽ പങ്കുവച്ച വിശദീകരണ വീഡിയോയിൽ പറഞ്ഞു. ദിയ കൃഷ്ണയുടെ കമന്റിനെതിരെ സമൂഹ മാധ്യമങ്ങളിൽ ഉൾപ്പെടെ രൂക്ഷമായ വിമർശനമാണ് ഉയർന്നിരുന്നത്.

English Summary

Influencer Diya Krishna has come forward with an explanation regarding a controversial social media comment she made. She issued this response in light of allegations that she had supported a video by a North Indian YouTuber a video that contained references to Fort Kochi.

കോഴിക്കോട്: വിവാഹം മുടക്കി എന്ന തെറ്റിദ്ധാരണ മൂലം പേരാമ്പ്രയിൽ യുവാവിനെയും ഭാര്യയെയും ഭീഷണിപ്പെടുത്തി ആക്രമിച്ചു. പേരാമ്പ്ര ചേനോളിയിൽ കുണ്ടുങ്ങൽ താഴെ മണ്ണച്ചാംകണ്ടി റഷീദിനാണ് വ്യാഴാഴ്ച രാത്രിയിൽ ക്രൂര മർദ്ദനം ഏറ്റത്. റഷീദിനെ ആക്രമിച്ച രണ്ടു ഗുണ്ടകളെ പോലീസ് തിരഞ്ഞുകൊണ്ടിരിക്കുകയാണ്.

കാറിലെ പെട്രോൾ തീർന്നെന്നും പേരാമ്പ്രയിൽ പോയി പെട്രോൾ വാങ്ങാൻ ഓട്ടോറിക്ഷയുമായി വരാമോ എന്നും ചോദിച്ചാണ് പ്രതികൾ റഷീദിനെ വീട്ടിലെത്തി കാണുന്നത്. പെട്രോൾ വാങ്ങാൻ ഒരു ക്യാൻ കിട്ടുമോ എന്നുകൂടി പ്രതികൾ ചോദിച്ചിരുന്നു. തുടർന്ന് അതെടുത്ത് റഷീദ് ഓട്ടോയുമായി റോഡിലേക്ക് എത്തി. ഇതിന് പിന്നാലെയാണ് അയൽവാസി ഏൽപ്പിച്ച കൊട്ടേഷൻ ആണ് എന്ന് പറഞ്ഞു റഷീദിനെ മുളക് പൊടി എറിഞ്ഞ ശേഷം ആക്രമിച്ചു എന്നാണ് പരാതി.

Also Read: ഉദ്ഘാടനം 8 മാസം മുമ്പ്; കോട്ടയം മെഡിക്കൽ കോളജിൽ സീലിങ് തകർന്നുവീണു; രോഗികൾ രക്ഷപ്പെട്ടത് തലനാരിഴയ്ക്ക്

മുളകു പൊടി കണ്ണിൽ വീണതിനെ തുടർന്ന് കാഴ്ച മറഞ്ഞ റഷീദിനെ കൊട്ടേഷൻ സംഘം ഇരുമ്പ് കട്ട് ഉപയോഗിച്ച് നെറ്റിയിൽ ഇടിച്ചു കൽപ്പിക്കുകയും ചവിട്ടി വിഴുത്തുകയും ചെയ്തു. ഇതിന് പിന്നാലെ റഷീദിന്റെ വീടിന്റെ വരാന്തയിലേക്ക് അതിക്രമിച്ചു കയറിയ അക്രമിസംഘം ഭാര്യ ഷംനയെ കൊലപെടുത്തും എന്ന് ഭീഷണി മുഴക്കുകയും ചെയ്തു റഷീദിന്റെ നിലവിളി കേട്ട് നാട്ടുകാർ ഓടി വരുമ്പോഴേക്കും അക്രമികൾ കടന്നു കളയുകയായിരുന്നു എന്ന് പറയുന്നു.

സാരമായി പരിക്കേറ്റ റഷീദ് പേരാമ്പ്ര താലൂക്ക് ആശുപത്രിയിൽ ചികിത്സ തേടിയിരിക്കുകയാണ്. മുഖത്തുൾപ്പെടെയാണ് ഇയാൾക്ക് മർദ്ദനം ഏറ്റുവാങ്ങേണ്ടി വത്തത്. ഏകദേശം ഒരു മാസത്തിനു മുമ്പ് അയൽവാസി ഫോണിൽ വിളിച്ച് തന്നെയും ഭാര്യയെയും കൊല്ലും എന്നും വീൽചെയറിൽ കിടത്തുമെന്നും ഭീഷണിപ്പെടുത്തി എന്നും റഷീദ് ആരോപിക്കുന്നു. എന്തായാലും കേസിലെ പ്രതികളെ പിടിക്കാനുള്ള ഊർജ്ജിത ശ്രമത്തിലാണ് പോലീസ്.  സംഭവത്തിൻ്റെ കൂടുതൽ വിവരങ്ങൾ വൈകാത വ്യക്തമാകും എന്നാണ് പ്രതീക്ഷ.  ഇതിന് മുൻപ് വിവാഹവും ആലോചനകളും മുടക്കാൻ ശ്രമിച്ചെന്നും അത് പ്രശ്നങ്ങൾക്ക് വഴിവെച്ചന്നും ഉള്ള പല വാർത്തകളും നേരത്തെ പുറത്ത് വന്നിരുന്നു. ഇപ്പോഴിതാ നമ്മുട നാട്ടിലും അത് സംഭവിച്ചിരിക്കകുക ആണ്. ആക്രമികളെ പിടികൂടുന്നതോടെ കേസിൽ കൂടുതൽ വ്യക്തത വരുമെന്നാണ് പ്രതീക്ഷ.

English Summary

A young man and his wife were threatened and attacked in Perambra, based on the mistaken belief that he had caused a marriage to be called off. The victim, Mannachamkandi Rasheed residing at Kundungal Thazhe in Chenoli, Perambra was subjected to a brutal assault on Thursday night. The police are currently searching for the two assailants.

കേരളത്തിനെതിരെയുള്ള വിദ്വേഷ വിഡിയോയെ പിന്തുണച്ച ദിയ കൃഷ്ണയ്ക്ക് രൂക്ഷ വിമർശനം. ലിറ്റിചോക്കപ്പ് എന്ന ഉത്തരേന്ത്യൻ ഇൻഫ്ലുവൻസറുടെ മുസ്ലീം വിരുദ്ധ വിഡിയോയ്ക്കാണ് ദിയ കമന്റ് ചെയ്തത്. ഫോർട്ട് കൊച്ചി മുഴുവൻ മുസ്ലിം​ങ്ങൾ ആണെന്നും കേരളം അപകടത്തിലാണെന്നും കേന്ദ്രം ഇടപെടണമെന്നുമാണ് ലിറ്റിചോക്കപ്പിന്റെ വീഡിയോ. ദുഖകരമായ യാഥാർത്ഥ്യം ഇതിന് താഴെ ദിയയുടെ കമന്റ്. ഇപ്പോഴിതാ, ദിയ കൃഷ്ണയെ വിമർശിച്ച് രം​ഗത്ത് വന്നിരിക്കുകയാണ് കോൺ​ഗ്രസ് ഡിജിറ്റൽ മീഡിയ സെൽ കോർ‍ഡിനേറ്ററായ താര ടോജോ അലക്സ്.

ലിറ്റിചോക്കപ്പിന്റെ വിഡിയോ

താനിപ്പോള്‍ കേരളത്തിലാണെന്നും തനിക്ക് എന്തെങ്കിലും സംഭവിച്ചാല്‍ ഉത്തരവാദി കേരള സര്‍ക്കാരാണെന്നുമാണ് ഇയാൾ പറയുന്നത്. ഫോര്‍ട്ട് കൊച്ചിയില്‍ 95 ശതമാനം കടകളും മറ്റും മുസ്ലിങ്ങളുടേതാണ്. സര്‍ക്കാര്‍ ഇതെല്ലാം നോക്കി നില്‍ക്കുന്നു. കേന്ദ്ര സര്‍ക്കാര്‍ ശ്രദ്ധിക്കണം എന്നിങ്ങനെയാണ് വിഡിയോയുടെ ഉള്ളടക്കം.

 

View this post on Instagram

 

A post shared by Amrit Singh Darren (@littichokha_up_)

ALSO READ: പണി കിട്ടി! രാഹുൽ ഈശ്വർ വേദാം​ഗിയും ജയിലിൽ

താര ടോജോ അലക്സിന്റെ ഫെയ്സ്ബുക്ക് പോസ്റ്റ്

ഫോർട്ട് കൊച്ചിയിൽ മുസ്‌ലിംകൾ കൂടുതലാണ്, അതുകൊണ്ട് കേരളം അപകടത്തിലാണത്രേ!
എന്ന് ഏതോ ഒരു ഉത്തരേന്ത്യൻ സംഘി. അതിന് പിന്തുണയുമായി കേരളത്തിലെ പ്രമുഖ സോഷ്യൽ മീഡിയ ഇൻഫ്ലുൻസർ ദിയ കൃഷ്ണയുടെ കമന്റ് “Sad reality”! പ്രിയപ്പെട്ട ദിയ കൃഷ്ണ, ഒരു കാര്യം ചോദിക്കട്ടെ. ഒരു നാട്ടിൽ മുസ്‌ലിംകൾ ജീവിക്കുന്നതാണോ അപകടം? അതോ മനുഷ്യരെ മതത്തിന്റെ പേരിൽ വേർതിരിക്കാനും ഭയപ്പെടാനും പഠിപ്പിക്കുന്ന നിങ്ങളെപ്പോലുള്ളവരുടെ ഈ വർഗീയ ചിന്താഗതിയാണോ അപകടം?

മതത്തിന്റെ പേരിൽ മനുഷ്യരെ സംശയിക്കണോ? അയൽക്കാരന്റെ വിശ്വാസത്തെ ഭയക്കണോ? ഒരു മതവിഭാഗത്തിന്റെ സാന്നിധ്യം തന്നെ ഭീഷണിയാണെന്ന് വിശ്വസിക്കണോ? ഇതാണോ നിങ്ങളുടെ ‘Sad reality’? ഒരു ഹിന്ദു ഭൂരിപക്ഷ പ്രദേശത്ത് ഹിന്ദുക്കൾ കൂടുതലായി ജീവിക്കുന്നതുകൊണ്ട് അതിനെ അപകടമേഖലയെന്ന് വിളിക്കുമോ? ക്രിസ്ത്യാനികൾ കൂടുതലുള്ള പ്രദേശത്തെ ക്രിസ്ത്യൻ ജനസംഖ്യയുടെ പേരിൽ കേരളത്തിന് ഭീഷണിയെന്ന് വിശേഷിപ്പിക്കുമോ? മുസ്‌ലിംകൾ കൂടുതലുള്ള ഒരു പ്രദേശം നിങ്ങൾക്ക് അപകടമായി തോന്നുന്നുവെങ്കിൽ, അതിന്റെ അടിസ്ഥാനമെന്താണ്?

ദിയ കൃഷ്ണ, സ്വന്തം കഴിവുകൾ ഒരു വ്യക്തിയെ ശ്രദ്ധേയയാക്കാം. പക്ഷേ, മനുഷ്യരോടുള്ള സമീപനമാണ് ഒരാളെ ആദരണീയയാക്കുന്നത്. ഫാഷൻ മാറും. ട്രെൻഡുകൾ മാറും. സോഷ്യൽ മീഡിയയിലെ ജനപ്രീതിയും മാറും. എന്നാൽ മനുഷ്യരെ മതത്തിന്റെ പേരിൽ വിഭജിക്കുന്ന ചിന്താഗതിക്ക് നൽകുന്ന പിന്തുണ സമൂഹത്തിൽ ആഴത്തിലുള്ള മുറിവുകൾ സൃഷ്ടിക്കും. വിദ്വേഷത്തിന് പിന്തുണ നൽകുന്നതല്ല, വൈവിധ്യത്തെ ബഹുമാനിക്കുന്നതാണ് നല്ല സംസ്കാരം. മതം മനുഷ്യന്റെ വ്യക്തിപരമായ വിശ്വാസമാണ്. മറ്റു വിശ്വാസങ്ങൾക്കെതിരെ വെറുപ്പ് പ്രചരിപ്പിക്കാനുള്ള ലൈസൻസല്ല! എന്നിങ്ങനെയായിരുന്നു താരയുടെ പോസ്റ്റ്.

ഫെയ്സ്ബുക്ക് പോസ്റ്റ്

English Summary:

Diya Krishna has faced criticism after commenting 'Sad reality' on a video posted by a North Indian influencer claiming that Fort Kochi has a large Muslim population and portraying Kerala as being in danger. Tara Tojo Alex, strongly criticised Diya’s comment, questioning whether the presence of Muslims in a region should be considered a threat.

​ബി​ഗ് ബോസ് മലയലാളം സീസൺ 8 ൽ മത്സരങ്ങൾ പുരോ​ഗമിച്ചു വരികയാണ്. മറ്റൊരു വീക്കെൻഡ് എപിസോഡിനായി പ്രേക്ഷകർ ഏറെ ആകാംഷയോടെ കാത്തരിക്കുകയുമാണ്. വീക്കെൻഡ് എപിസോഡിന് മുന്നോടിയായി ഹൗസിൽ ജയിൽ നോമിനേഷനും ഇന്ന് നടന്നു. ഈ ആഴ്ചയിൽ ഹൗസിൽ രാഹുൽ ഈശ്വറും വേദാം​ഗിയുമാണ് ജയിലിലേക്ക് പോയത്. കഴിഞ്ഞ ആഴ്ചയിലെ ഏറ്റവും മോശം പ്രകടനം നടത്തിയവരെയാണ് ഓരോ ആഴ്ചയിലും സാധാരണയായി സഹ മത്സരാർത്ഥികൾ ചേർന്ന് നോമിനേറ്റ് ചെയ്തു ജയിലിലേക്ക് അയക്കുക. ഈയാഴ്ചയിലും അതേ രീതി തന്നെയാണ് ഹൗസിൽ കണ്ടത്.

ഈയാഴ്ചയിൽ രാഹുലിനെയും വേദാംഗിയെയും നോമിനേറ്റ് ചെയ്യാൻ മത്സരാർത്ഥികൾക്ക് വലിയൊരു കാരണം കൂടി ഉണ്ടായിരുന്നു. മറ്റൊന്നുമല്ല നോബിയും രാഹുലും വേദാഗിയും തുടർച്ചയായി ഹൗസിലെ നിയമങ്ങൾ ലംഘിക്കുന്നു എന്ന് ചൂണ്ടി കാണിച്ച് ബിഗ് ബോസ് ഈയാഴ്ചയിലെ ലക്ഷ്വറി ബജറ്റ് പൂർണ്ണമായും കട്ട് ചെയ്തിരുന്നു.ഇത് മറ്റു മത്സരാർത്ഥികളെ സംബന്ധിച്ചിടത്തോളം ഏറെ രോഷം ഉണ്ടാക്കുന്ന സംഭവമായിരുന്നു. കാരണം അത്രയ്ക്ക് കഠിനമായ ടാസ്കുകളാണ് കഴിഞ്ഞ ആഴ്ചയിൽ ബിഗ് ബോസ് മത്സരാർത്ഥികൾക്കായി നൽകിയിരുന്നത്. മാനസികശേഷിയും ശാരീരിക ക്ഷമതയും ഒരുപോലെ പരീക്ഷിക്കുന്ന ടാസ്കുകൾ ആയിരുന്നു അവയെല്ലാം. ഇതിൽ വളരെ ആത്മാർത്ഥതയോടെയാണ് മത്സരാർത്ഥികൾ ഓരോരുത്തരും പങ്കെടുത്തത്. വിജയിയായി ആനുകൂല്യങ്ങൾ നേടുക എന്നതിനൊപ്പം തന്നെ ലക്ഷ്വറി ബജറ്റ് സ്വന്തമാക്കുക എന്ന ആഗ്രഹം കൂടി എല്ലാവർക്കും ഉണ്ടായിരുന്നു.

Also Read: ബിഗ് ബോസ് അവതാരകനായി ഒരു ദിവസമെങ്കിലും ആ മൈക്ക് കയ്യിൽ പിടിക്കണം, ആ​ഗ്രഹം തുറന്ന് പറ‍ഞ്ഞ് ഷെഫ് നളൻ

അത്തരത്തിൽ ആത്മാർത്ഥമായി കളിച്ചിട്ട് പോലും തങ്ങളുടെ കൂട്ടത്തിൽ ഉള്ളവർ ചെയ്ത നിയമലംഘനത്തിന്റെ പേരിൽ ലക്ഷ്വറി ബജറ്റ് പൂർണ്ണമായും ഇല്ലാതാകുന്നത് മത്സരാർത്ഥികൾക്ക് വലിയ നിരാശ ഉണ്ടാക്കുന്ന കാര്യമാണ്. ഇതിന് കാരണക്കാരായവർ എന്നതിനാൽ ആണ് രാഹുലിനെയും വേദാം​ഗിയെയും ഭൂരിഭാഗം പേരും ജയിലിലേക്ക് നോമിനേറ്റ് ചെയ്തത്.

ഈ സീസണിന്റെ ലോഞ്ച് ചടങ്ങിൽ ഹൗസിലെ നിയമങ്ങൾ പാലിച്ചില്ല എങ്കിൽ അവിടെയും ജയിലുണ്ട് എന്നുള്ളത് മോഹൻലാൽ രാഹുൽ ഈശ്വറിനെ ഓർമ്മിപ്പിച്ചിരുന്നു. പുരുഷ കമ്മീഷൻ വേണമോ വേണ്ടയോ എന്നുള്ള നിലപാട് മോഹൻലാൽ വ്യക്തമാക്കിയില്ല എങ്കിൽ താൻ നിരാഹാര സത്യാഗ്രഹം കിടക്കുമെന്ന് രാഹുൽ പറഞ്ഞപ്പോഴാണ് ഹൗസിൽ ജയിലുണ്ട് എന്ന കാര്യം മോഹൻലാൽ ഓർമിപ്പിച്ചത്. ഇപ്പോൾ ആ ജയിലിൽ കിടക്കാനുള്ള അവസരം രാഹുലിന് കിട്ടിയിരിക്കുകയാണ്.

English Summary

The competition in Bigg Boss Malayalam Season 8 is currently underway, and the audience is eagerly awaiting the upcoming weekend episode. Ahead of this, the jail nomination process took place in the house today. This week, Rahul Easwar and Vedangi have been sent to the jail.

ബിഗ് ബോസ് മലയാളം സീസൺ 8 നിലവിൽ പുരോഗമിച്ചു വരികയാണ്. മത്സരദിനങ്ങൾ പകുതി എത്തിയതോടെ ഷോ കുറച്ച് സജീവമായിട്ടുണ്ട് ഇപ്പോൾ. ഇപ്പോഴും ബിഗ് ബോസിനെ സംബന്ധിച്ചിടത്തോളം പലവിധ അഭിപ്രായങ്ങൾ പുറത്തുള്ളവർ പങ്കു വയ്ക്കാറുണ്ട്. ഇപ്പോഴിതാ യൂട്യൂബറും പാചകവിദഗ്ധനുമായ ഷെഫ് നളൻ ബിഗ് ബോസുമായി ബന്ധപ്പെട്ട തന്റെ ഒരു ആഗ്രഹം തുറന്നു പറഞ്ഞിരിക്കുകയാണ്. കേൾക്കുമ്പോൾ ഒരല്പം കൗതുകം ഉണർത്തുന്ന ആഗ്രഹമാണ് നളൻ പങ്കുവെച്ചിരിക്കുന്നത്.

ബിഗ് ബോസ് റിയാലിറ്റി ഷോയുടെ അവതാരകനാവുക എന്നത് തന്റെ ജീവിതത്തിലെ വലിയ ആഗ്രഹങ്ങളിൽ ഒന്നാണ് എന്ന് തുറന്നു പറഞ്ഞിരിക്കുകയാണ് ഷെഫ് നളൻ. നിലവിൽ മലയാളികളുടെ സ്വന്തം മോഹൻലാൽ വളരെ മനോഹരമായി അവതാരകന്റെ റോൾ ചെയ്യുന്നുണ്ട് എങ്കിലും തനിക്ക് ആ വേദിയിൽ അവതാരകനായി നിൽക്കാൻ ആഗ്രഹമുണ്ട് എന്നാണ് യൂട്യൂബ് ചാനലിന് നൽകിയ അഭിമുഖത്തിൽ ഷെഫ് നളൻ പറഞ്ഞത്. ഈ വർഷം അല്ലെങ്കിൽ അടുത്തവർഷം ബിഗ് ബോസ് ഹോസ്റ്റ് ചെയ്യണമെന്നാണ് തന്റെ ആഗ്രഹം.

Also Read: രാഹുലും വേദാം​ഗിയും നോബിയും കാരണം ലക്ഷ്വറി ബജറ്റ് റദ്ദാക്കി, കട്ട കലിപ്പിൽ ബാക്കി മത്സരാർത്ഥികൾ

അത് തനിക്ക് സാധിക്കുമെന്നാണ് വിശ്വസിക്കുന്നത് എന്നും ഓവർ പവർ ചെയ്യാതെയും ആവശ്യമില്ലാത്ത നാടകങ്ങൾ ഇല്ലാതെയും വളരെ സ്റ്റൈലിഷ് ആയി ചെയ്യാൻ പറ്റുന്ന ഷോയാണ് ബിഗ് ബോസ്. മോഹൻലാൽ വളരെ മനോഹരമായി ഇപ്പോൾ ചെയ്യുന്നുണ്ട്. അദ്ദേഹം ഒരു ലെജൻഡ് ആണ് എന്നും പക്ഷേ തനിക്ക് ആ മൈക്ക് ഒരു ദിവസമെങ്കിൽ ഒരു ദിവസം കിട്ടണം എന്നുള്ളതാണ് പ്രാർത്ഥന എന്നും ഷെഫ് നളൻ അഭിമുഖത്തിൽ തുറന്നു പറഞ്ഞു.

ബിഗ് ബോസിൽ പോകാനുള്ള മൂന്ന് കാരണങ്ങൾ തന്നോട് ചോദിച്ചാൽ - ഇന്ത്യയിലെ തന്നെ വലിയൊരു ലെജൻഡ് കൈകാര്യം ചെയ്യുന്ന ഷോ ആണ് അത്. മാത്രമല്ല ലോകത്തിലെ തന്നെ ഏറ്റവും നല്ല ഷോകളിൽ ഒന്നാണ് ബിഗ് ബോസ്. മൂന്നാമത്തേത് നാളെ ഷൈൻ എന്ന വ്യക്തിത്വം ഒരു വേദി കിട്ടുമ്പോൾ എന്ത് കാണിക്കാം എന്ത് കാണിക്കണം എന്നതാണ്. ആ വേദിയിൽ ആടാനും അഴിഞ്ഞാടാനും തനിക്ക് ആഗ്രഹമുണ്ട് എന്നും അവതാരകയുടെ ചോദ്യത്തിന് നളൻ മറുപടി നൽകി.

English Summary

Big Boss Malayalam Season 8 is currently underway. With the competition reaching its halfway point, the show has become somewhat more lively. People outside the house continue to share various opinions regarding Big Boss. Now, YouTuber and culinary expert Chef Nalan has revealed a wish he has concerning the show.

മലയാള സിനിമയിൽ ഹാസ്യ വേഷങ്ങളിലൂടെ എത്തി പിന്നീട് സ്വഭാവ നടനായും വില്ലനായും മലയാള സിനിമയിൽ തന്റേതായ ഒരു ആധിപത്യം സ്ഥാപിച്ച മലയാളികളുടെ എക്കാലത്തെയും പ്രിയപ്പെട്ട നടനാണ് ദിലീപ്. കഥാപാത്രങ്ങൾ ഏതു തന്നെയായാലും തന്റേതായ തനത് അഭിനയ ശൈലിയിലൂടെ ഫലിപ്പിച്ച് ആളുകളിൽ ആ കഥാപാത്രത്തെ എന്നും ഓർത്തുവയ്ക്കാൻ പാകത്തിലാക്കുന്ന ഒരു അപൂർവ നടൻ. അതിനാൽ തന്നെ ജനപ്രിയ നായകൻ എന്ന വിശേഷണത്തോടെ ദിലീപ് മലയാള സിനിമയിൽ പകരം വെക്കാനില്ലാത്ത നേതാവായി മാറുകയായിരുന്നു.

നിരവധി കഥാപാത്രങ്ങൾ ഉണ്ടെങ്കിലും മലയാളികൾ എപ്പോഴും അദ്ദേഹത്തെ പ്രകീർത്തിക്കുന്ന ഒരു കഥാപാത്രമാണ് ചാന്തുപൊട്ട് എന്ന സിനിമയിലെ കഥാപാത്രം. ലാൽ ജോസ് സംവിധാനം ചെയ്ത ചിത്രം 2005ലാണ് റിലീസ് ചെയ്തത്.മലയാള സിനിമയിലെ ഏറ്റവും വൈകാരികവും എന്നാൽ ഏറെ ചർച്ച ചെയ്യപ്പെട്ടതുമായ ചിത്രങ്ങളിൽ ഒന്നാണിത്. ദിലീപിന്റെ കരിയറിലെ ഏറ്റവും മികച്ച അഭിനയമുഹൂർത്തങ്ങൾ സമ്മാനിച്ച സിനിമയിൽ സ്ത്രീത്വം നിറഞ്ഞ ഒരു പുരുഷ കഥാപാത്രത്തെ ആയിരുന്നു ദിലീപ് അവതരിപ്പിച്ചത്.

ALSO READ:ക്ലാസ്മേറ്റ്സിലെ ‘സതീശൻ കഞ്ഞിക്കുഴി’; പേരിന് പിന്നിലെ കഥപറഞ്ഞ് ജയസൂര്യ

ഇപ്പോഴിതാ ആ സിനിമയിൽ അഭിനയിച്ചതിനുശേഷം താൻ നേരിട്ട ചില പ്രശ്നങ്ങളെക്കുറിച്ചും ആ കഥാപാത്രത്തെ താൻ എത്രത്തോളം ഉൾക്കൊണ്ടിരുന്നു എന്നതിനെക്കുറിച്ചും ദിലീപ് പറയുന്ന വാക്കുകളാണ് വളരെയധികം ശ്രദ്ധേയമാകുന്നത്. ആ കഥാപാത്രം തന്നിൽ നിന്ന് വിട്ടു പോകാൻ ഏറെ സമയമെടുത്തു എന്നാണ് ദിലീപ് പറയുന്നത്. താൻ പലപ്പോഴും ഒറ്റയ്ക്കിരുന്ന് കരഞ്ഞിട്ടുണ്ട് ഞാൻ ഇനി ഇങ്ങനെ തന്നെ ആയി പോകുമോ എന്ന് ഭയന്നിരുന്നു. ആ രീതിയിൽ ആഴത്തിൽ ആ കഥാപാത്രം എന്നിൽ പതിഞ്ഞിരുന്നു.

സിനിമ കഴിഞ്ഞിട്ടും കുറേക്കാലം എനിക്ക് ആ ഒരു കഥാപാത്രത്തിന്റെ സാമ്യതയുള്ള പോലെ തോന്നിയിട്ടുണ്ട്. എന്റെ ഇരിപ്പും നടപ്പും സംസാരവും എല്ലാം ആ രീതിയിലായി മാറിയിട്ടുണ്ടായിരുന്നു. അതുകഴിഞ്ഞ് ഒരു മാറ്റം കൊണ്ടുവന്നത് ഞാൻ അതിനുശേഷം അഭിനയിച്ച സ്പീഡ് എന്ന സിനിമയാണ്. ആ സിനിമയ്ക്ക് വേണ്ടി എക്സൈസ് ചെയ്യാനും ഓട്ടവും ചാട്ടവും ഒക്കെയായി അത് വേറെ തന്നെ മറ്റൊരു കഥാപാത്രത്തിലേക്കുള്ള പോക്ക് ആയിരുന്നു അങ്ങനെയാണ് തന്നിൽ നിന്ന് രാധ എന്ന കഥാപാത്രം ഒഴിഞ്ഞുപോയത് എന്നാണ് ദിലീപ് പറയുന്നത്. അല്ലാത്തപക്ഷം താൻ തല വെട്ടിക്കുമ്പോഴും തിരിയുമ്പോഴും മറയുമ്പോഴും ഒക്കെ രാധയുടെ ഒരു നോട്ടവും ഭാവവും ഒക്കെ എന്നിൽ വന്നു ചേർന്നിരുന്നു എന്നാണ് ദിലീപ് പറയുന്നത്.

ENGLISH SUMMARY

Dileep is an actor beloved by the Malayali audience, who entered the Malayalam film industry through comedic roles and went on to establish a significant presence as both a character actor and a villain. He is a rare talent who, regardless of the nature of the role, brings characters to life through his own unique acting style—ensuring they remain etched in the memories of the audience.

സുകുമാരനും സതീശൻ കഞ്ഞിക്കുഴിയും, പയസും താരയും റസിയയും അങ്ങനെ എല്ലാ കഥാപാത്രങ്ങളും കൃത്യമായി അടയാളപ്പെടുത്തപ്പെട്ട സിനിമയായിരുന്നു ലാൽ ജോസിൻ്റെ സംവിധാനത്തിൽ 2006-ൽ പുറത്തിറങ്ങിയ ക്യാംപസ് ചിത്രം ക്ലാസ്മേറ്റ്സ്. സിനിമ വമ്പൻ വിജയമാണ് അന്നുണ്ടാക്കിയത്. പിന്നീടങ്ങോട്ട് ക്യാംപസുകളിൽ റിയുണീയൻ എന്നത് ഒഴിച്ചുകൂടാനാകാത്ത ഒന്നായി മാറി. അത്രത്തോളം പ്രേക്ഷകരിൽ സ്വാധീനമുണ്ടാക്കിയ സിനിമയായിരുന്നു ക്ലാസ്മേറ്റ്സ്. 20 വർഷങ്ങൾ പിന്നിടുമ്പോൾ സിനിമയെ കുറിച്ചുള്ള ഓർമ്മകൾ പങ്കുവയ്ക്കുകയാണ് ഇപ്പോൾ കൗശലക്കാരനായ വിദ്യാർത്ഥി നേതാവിൽ നിന്നും ‘എം.എൽ.എ’ ആയി മാറിയ ‘സതീശൻ കഞ്ഞിക്കുഴി’

ക്ലാസ്മേറ്റ്സ് സിനിമയെക്കുറിച്ച് തനിക്ക് ഒരുപാട് ഓർമ്മകളുണ്ട് എന്ന് ജയസൂര്യ പറയുന്നു. പുതിയ ചിത്രം ടൈറ്റൻസിൻ്റെ റിലീസുമായി ബന്ധപ്പെട്ട് ക്യു സ്റ്റുഡിയോയ്ക്ക് നൽകിയ അഭിമുഖത്തിലാണ് താരം ക്ലാസ്മേറ്റ്സ് ഓർമ്മകൾ പങ്കുവച്ചത്. ‘സതീശൻ കഞ്ഞിക്കുഴി’ എന്ന് കാഥാപാത്രത്തിന് പേര് നൽകിയതിൽ തനിക്കും ചെറിയ പങ്കുണ്ട് എന്ന് അഭിമുഖത്തിൽ ജയസൂര്യ പറയുന്നുണ്ട്. കഥാപാത്രത്തിന് അന്ന് മറ്റൊരു പേരായിരുന്നു. കോട്ടയത്ത് കഞ്ഞിക്കുഴി എന്നൊരു സ്ഥലമുണ്ട് അത് പേരിൻ്റെ വാലായി ചേർക്കുന്നതിൽ പ്രശ്നമുണ്ടോ എന്ന് സംവിധായകൻ ലാൽജോസിനോട് താനാണ് ചോദിച്ചത്. ആ പേരിൽ ഒരു ഫൺ എലമെൻ്റ് ഉണ്ടായിരുന്നു. പിന്നീട് കഥാപാത്രത്തിൻ്റെ പേര് സതീശൻ കഞ്ഞിക്കുഴി എന്നാക്കുകയായിരുന്നു എന്ന് ജയസൂര്യ പറയുന്നു.

Also Read: “ദേവാസുരം മുന്നാം ഭാഗത്തിന് ലാലേട്ടൻ റെഡിയാണെങ്കിൽ ഞാനും റെഡി”; മുണ്ടക്കൽ ശേഖരനെ ഓർത്തെടൂത്ത് നെപ്പോളിയൻ

താൻ കോളേജിൽ പഠിക്കുന്ന കാലത്തെ വിദ്യാർത്ഥി നേതാക്കളുടെ രീതികൾ മനസ്സിൽ ഉണ്ടായിരുന്നു. അതെല്ലാം സിനിമയിൽ വലിയ രീതിയിൽ ഗുണകരമായി മാറി. ക്ലാസ്മേറ്റ്സ് എന്ന സിനിമ പ്രേക്ഷക്രിൽ ഉണ്ടാക്കിയ ഇംപാക്ട് വളരെ വലുതാണ്. കേരളത്തിലാകെ റീയൂണിയനുകൾ സജിവമായി. ക്ലാസ്മേറ്റ്സിന് ശേഷമാണ് റീയൂണിയനുകൾ ഇത്ര പ്രകടമായ രീതിയിൽ സജിവമായത്. ഒരു സിനിമക്ക് ഇതിൽ കൂടുതൽ സ്വാധിനം ചെലുത്താൻ സാധിക്കുമോയെന്നും ജയസൂര്യ ചോദിക്കുന്നു.

ചിത്രീകരണത്തിനിടെ ഒരുപാട് നല്ല ഓർമ്മകൾ ഉണ്ടായിട്ടുണ്ട്. സുഹൃത്തുക്കളും തമാശകളും എല്ലാമായി ഷൂട്ടീംഗ് രസകരമായിരുന്നു എന്നും ജയസൂര്യ പറയുന്നു. റീയൂണിയൻ്റെ പശ്ചാത്തലത്തിലുള്ള ‘ലുക്കാ ചുപ്പി’ എന്ന സിനിമയെക്കുറിച്ചും ജയസൂര്യ സംസാരിക്കുന്നുണ്ട്. ഒറ്റ രാത്രി ലൊരേ ലോക്കേഷനിൽ നടക്കുന്ന കഥ എന്നതിനാൽ ചിത്രം വ്യത്യസ്തമായ ഒരു അനുഭവമായിരുന്നു എന്നും സിനിമ കണ്ട ശേഷം പൃഥ്വിരാജ് നേരിട്ട് അഭിനന്ദിച്ചു എന്നും ജയസൂര്യ ഓർത്ത് പറഞ്ഞു.

English Summary

Actor Jayasurya revealed he suggested the iconic name 'Satheesan Kanjikuzhi' for his character in the 2006 blockbuster Classmates. He also discussed the film's massive impact on popularizing college reunions across Kerala.

മലയാള സിനിമയിലെ എക്കാലത്തെയും ഐക്കോണിക് സിനിമകളാണ് ദേവാസുരവും പിന്നാലെ വന്ന രാവണപ്രഭുവും 1993-ലാണ് ഐ.വി ശശിയുടെ സംവിധാനത്തിൽ ദേവസുരം പുറത്തിറങ്ങുന്നത്. 2001-ൽ രാവണപ്രഭുവിലേക്ക് എത്തിയപ്പോൾ തിരക്കഥാകൃത്ത് രഞ്ജിത്ത് തന്നെ സംവിധായകനായി. മോഹൻലാലിൻ്റെ മംഗലശ്ശേരി നീലകണ്ഠനും, നെപ്പോളിയൻ്റെ മുണ്ടക്കൽ ശേഖരനും മലയാള സിനിമയിലെ തന്നെ എക്കാലത്തെയും ശ്രദ്ധേയമായി കഥാപാത്രങ്ങളായി മാറി. തലമുറകൾ ഒരുപാട് പിന്നീട്ടെങ്കിലും ഇപ്പോഴും ഈ സിനിമകൾക്ക് വലിയ കൂട്ടം പ്രേക്ഷരുണ്ട്. ഇപ്പോഴിതാ തൻ്റെ ഐക്കോണിക് കഥാപാത്രത്തെ കുറിച്ചുള്ള ഓർമ്മകൾ പങ്കുവയ്ക്കുകയാണ് നെപ്പോളിയൻ,

വർഷങ്ങൾ ഇത്ര കഴിഞ്ഞിട്ടും ദേവാസുരത്തിലെ കഥാപാത്രങ്ങൾക്ക് ഇപ്പോഴും ജനങ്ങളുടെ മനസ്സിൽ സ്ഥാനമുണ്ട് എന്ന് നെപ്പോളിയൻ പറയുന്നു. ‘ശേഖരേട്ടാ ദേവാസുരം മൂന്നാം ഭാഗം എപ്പോൾ വരും” എന്ന് തന്നെ കാണുമ്പോൾ ഇപ്പോഴത്തെ യുവതലമുറ ചോദിക്കാറുണ്ട് എന്ന് അദ്ദേഹം പറയുന്നു. മോഹൻലാൽ റെഡിയാണെങ്കിൽ സിനിമയുടെ മൂന്നാം ഭാഗത്തിന് താനും റെഡിയാണ് എന്നാണ് അവർക്ക് നൽകാറുള്ള മറുപടി. കുറേ വർഷങ്ങളായി വില്ലൻ വേഷങ്ങൾ ഒന്നും ചെയ്യാറില്ല,. പക്ഷേ ലാലേട്ടനുവേണ്ടി, ദേവസുരം മൂന്നാം ഭാഗത്തിന് വേണ്ടി അദ്ദേഹം ആവശ്യപ്പെട്ടാൽ വീണ്ടും മുണ്ടക്കൽ ശേഖരനാകാൻ താൻ തയ്യാറാണെന്നും അദ്ദേഹം തുറന്നു പറഞ്ഞു.

Also Read: ബെത്ലഹ്ലേം കുടുംബ യൂണിറ്റിന്റെ കളക്ഷൻ കണ്ടില്ലേ… മലയാളം ബോക്സ് ഓഫീസ് ശരിക്കും വളർന്നെന്ന് മിഥുൻ മാനുവൽ തോമസ്

“നീലകണ്ഠാ ഒന്നും ഇവിടെ അവസാനിച്ചുന്ന് കരുതേണ്ട, തൊടങ്ങണേ ഒള്ളു, എനിക്കും ഒരു ദിവമുണ്ട്. ബാക്കി നമുക്കന്ന് പറയാം. അതിനിനി അധികം വൈകില്ല ഓർമ്മവച്ചോ” അമ്മാവൻ കൊല്ലപ്പെട്ട ശേഷം മഗലശ്ശേരി നീലകണ്ഠനോട് മുണ്ടക്കൽ ശേഖരൻ പറയുന്ന വാക്കുകളാണിത്. ഇതാണ് ദേവാസുരത്തിലെ തനിക്ക് ഏറ്റവും ഇഷ്ടപ്പെട്ട ഡയലോഗ് എന്ന് നെപ്പോളിയൻ പറയുന്നു.

മോഹൻലാൽ മികച്ച അഭിനയതാവാണെന്നും അദ്ദേഹം പറയുന്നുണ്ട്. തമിഴിൽ ഉലകനായകൻ കമൽ ഹാസനെപ്പോലെ മലയാളത്തിലെ ബെസ്റ്റ് ആക്ടറാണ് മോഹൻലാൽ. മമ്മൂക്കയെയും വലിയ ഇഷ്ടമാണ്. അദ്ദേഹത്തോടൊപ്പം തമിഴിൽ ഒരു സിനിമയിൽ അഭിനയിച്ചിട്ടുണ്ട്. മലയാളത്തിൽ അദ്ദേഹത്തോടൊപ്പം ഒരു സിനിമയിൽ അഭിനയിക്കണം എന്ന് ആഗ്രഹമുണ്ടെന്നും അവസരം ലഭിച്ചില്ലാൽ തീർച്ചയായും സിനിമ ചെയ്യുമെന്നും അദ്ദേഹം തുറന്നു പറഞ്ഞു.

സിനിമക്കപ്പുറം രാഷ്ട്രീയത്തിലും നെപ്പോളിയൻ ശ്രദ്ധേയ സാനിധ്യമായിരുന്നു. കേന്ദ്ര സഹമന്ത്രിയായി അദ്ദേഹം പ്രവർത്തിച്ചിട്ടുണ്ട്. എന്നാൽ പിന്നിട് രാഷ്ട്രീയം ഉപേക്ഷിക്കുകയായിരുന്നു. ഇനി രാഷ്ട്രീയത്തിലേക്ക് മടക്കമില്ലെന്ന് നെപ്പോളിയൻ വ്യക്തമാക്കി. രാഷ്ട്രീയത്തിലേക്ക് മടങ്ങുമോ എന്ന ഭയം കാരണം കുടുംബം തന്നെ അമേരിക്കൻ പൗരനാക്കി മാറ്റിയെന്നും അദ്ദേഹം ചിരിയോടെ പറയുന്നുണ്ട്..

English Summary

Actor Napoleon reflected on his iconic role as 'Mundakkal Shekharan' in Devasuram, stating he is ready for a third installment if Mohanlal agrees. He also expressed a desire to act with Mammootty.

ഓരോ ദിവസം കഴിയുംതോറും ബിഗ് ബോസ് മലയാളത്തിൽ പലവിധത്തിലുള്ള സംഘർഷങ്ങളാണ് മത്സരാർത്ഥികൾ തമ്മിൽ നടക്കുന്നത്. ഇപ്പോഴിതാ ഹൗസിലെ മൂന്ന് മത്സരാർത്ഥികളുടെ പെരുമാറ്റം കൊണ്ട് ഈയാഴ്ചയിലേക്കുള്ള ലക്ഷറി ബജറ്റ് നഷ്ടമായിരിക്കുകയാണ്. രാഹുലും വേദാം​ഗിയും നോബിയും കാരമാണ് ലക്ഷറി ബജറ്റ് നഷ്ടമായിരിക്കുന്നത്.ബി​ഗ് ബോസ് എല്ലാ മത്സരാർത്ഥികളെയും ലിവിം​ഗ് ഏരിയയിലേക്ക് വിളിച്ചുവരുത്തിയാണ് ലക്ഷ്വറി ബജറ്റ് കട്ട് ചെയ്ത കാര്യവും അതിനുള്ള കാരണവും വ്യക്തമാക്കിയത്. നിരന്തരമായ മുന്നറിയിപ്പുകൾ അവഗണിച്ച് ഹൗസിന്റെ പുറത്തുള്ള കാര്യങ്ങൾ പറയുന്നു എന്നതാണ് ബി​ഗ് ബോസ് പ്രധാനമായും ഉന്നയിച്ച കാര്യം.

ബി​ഗ് ബോസിന്റെ അനൗൺസ്മെന്റ് ഇങ്ങനെ - രാഹുലിന്റെയും വേദാങ്കിയുടെയും നോബിയുടെയും തുടർച്ചയായപുറത്തു നടക്കുന്ന കാര്യങ്ങളെ കുറിച്ചുള്ള സംസാരവും മറ്റ് ഭാഷയിലെ വർത്തമാനവും മൈക്ക് ഊരി മാറ്റി ചെവിയിൽ രഹസ്യം പറയുന്ന രീതിയും ബാറ്ററി മാറ്റുന്ന സമയത്തെ രഹസ്യ സംസാരവും പുറത്തെ സെൻസിറ്റീവ് ആയ കാര്യങ്ങളുടെ പരാമർശവും മൂലം ഈ വീട്ടിലെ ബാക്കി എല്ലാവരും അതിൻറെ പ്രത്യാഘാതം നേരിടാൻ പോവുകയാണ്. ഇവർ മൂന്നുപേരുടെയും തുടർച്ചായ നിയമലംഘനങ്ങൾ കാരണം നിങ്ങളിൽ പലരുടെയും മികച്ച പ്രകടം വഴിയും ത്യാഗത്തിലൂടെയും ലഭിക്കേണ്ടിയിരുന്ന ലക്ഷറി ബജറ്റ് പൂർണമായും റദ്ദാക്കപ്പെട്ടിരിക്കുന്നു, എന്നാണ് ബി​ഗ് ബോസ് അനൗൺസ് ചെയ്തത്.

Also Read: മത്സരാർത്ഥികളെ ക്ഷമ പഠിപ്പിച്ച് കപ്പൽ ടാക്സ്, എന്നാലും അവിടെയും അടി

ബിഗ് ബോസിന്റെ ഈ അനൗൺസ്മെന്റ് നുശേഷം തങ്ങളുടെ ഭാഗം വിശദീകരിക്കുന്നതിനും മാപ്പു പറയുന്നതിനും ആയി രാഹുൽ ഈശ്വറും വേദാഗിയും നോബിയും മുന്നോട്ടുവന്നു. അനൗൺസ്മെന്റ് പിന്നാലെ തന്നെ മറ്റു മത്സരാർത്ഥികൾ ഇവർക്ക് മൂന്നുപേർക്കും എതിരെ വലിയ രോഷം കൊണ്ടിരിക്കുകയായിരുന്നു. അതിനിടയിലാണ് തങ്ങളുടെ ഭാഗം വിശദീകരിക്കാൻ എന്നത് പോലെ ഇതിന് കാരണക്കാരായ ആളുകൾ മുന്നോട്ട് വരുന്നത്. ഇത് അവരെ കൂടുതൽ പ്രകോപിതരാക്കി.

രാഹുൽ ഈശ്വർ മാപ്പ് പറഞ്ഞുകൊണ്ടാണ് തുടങ്ങിയെങ്കിലും എന്തുകൊണ്ടാണ് തങ്ങൾ അങ്ങനെ ചെയ്തത് എന്ന് വിശദീകരിക്കാൻ തുടങ്ങിയപ്പോൾ ഗൗതവും കൊമ്പനും അടക്കമുള്ളവർ ലിവിങ് റൂമിൽ നിന്ന് എഴുന്നേറ്റ് പോയി. മറ്റു മത്സരാർത്ഥികൾ ആകട്ടെ നിങ്ങളുടെ അടുത്ത് എന്താണോ ബിഗ്ബോസ് ചെയ്യരുതെന്ന് പറഞ്ഞത് അത് തന്നെ വീണ്ടും പറയാനല്ലേ തുടങ്ങുന്നത് വേണ്ട നിർത്തൂ, ഒന്ന് പോയി തരാമോ എന്നാണ് പറഞ്ഞത്. പ്രധാനമായും ഷിജിൻ പുറത്ത് പി. ആർ ചെയ്യാൻ ആളെ ഏൽപ്പിച്ചിട്ടുണ്ട് എന്നും ആരുടെയൊക്കെയോ നിർദ്ദേശപ്രകാരമാണ് ഒറ്റപ്പെടൽ സ്ട്രാറ്റജിയും ദാരിദ്ര്യ കാർഡ് ഇറക്കുന്നത് എന്ന് തുടങ്ങി പുറത്തു നടക്കുന്ന കാര്യങ്ങൾ കൂടി പറഞ്ഞഞ് നിരവധി ആരോപണങ്ങളാണ് രാഹുൽ ഹൌസിൽ ഉയർത്തിയത്.

English Summary

With each passing day, various conflicts are arising among the contestants in Bigg Boss Malayalam. Now, the luxury budget for this week has been lost due to the behavior of three contestants in the house Rahul, Vedangi, and Nobi.

മലയാളികളുടെ ഇഷ്ട സംവിധായകരിൽ ഒരാളാണ് മിഥുൻ മാനുവൽ തോമസ്. ഒരുപോലെ തന്നെ കോമഡി ചിത്രങ്ങളും ഫീൽ ഗുഡ് സിനിമകളും ത്രില്ലർ പടങ്ങളും ഒരുക്കി മലയാളികളെ വളരെയധികം രസിപ്പിച്ചിട്ടുണ്ട് മിഥുൻ. ഇപ്പോൾ നിർമ്മാണ രംഗത്ത് കൂടി സജീവമാവുകയാണ് മിഥുൻ മാനുവൽ തോമസ്. അദ്ദേഹം കൂടി നിർമ്മാണ പങ്കാളിയായ പുതിയ ചിത്രം ടൈറ്റൻസ് ഒക്ടോബർ 22ന് തീയറ്ററുകളിൽ എത്തി. ജയസൂര്യയും വിനായകനും ആണ് സിനിമയിലെ പ്രധാന വേഷങ്ങൾ കൈകാര്യം ചെയ്യുന്നത്. പ്രിൻസ് ജോയ് സംവിധാനം ചെയ്യുന്ന സിനിമയുടെ തിരക്കഥ ഒരുക്കിയിരിക്കുന്നത് ജെയിംസ് സെബാസ്റ്റ്യൻ ആണ്. കോമഡി ഫാന്റസി വിഭാഗത്തിലാണ് സിനിമ വരുന്നത്.

ഈ സിനിമയുടെ റിലീസുമായി ബന്ധപ്പെട്ട് ദി ക്യു സ്റ്റുഡിയോയ്ക്ക് നൽകിയ അഭിമുഖത്തിലാണ് മലയാളം ബോക്സ് ഓഫീസിന്റെ വളർച്ചയെക്കുറിച്ചും ഈ അടുത്തിടയ്ക്ക് ഏറ്റവും അധികം കളക്ഷൻ നേടി വൻ വിജയമായി തീർന്ന ബേത്ലഹേം കുടുംബയൂണിറ്റ് ചിത്രത്തെക്കുറിച്ചും സംസാരിച്ചത്. മലയാളം ബോക്സ് ഓഫീസ് ഏകദേശം തെലുങ്കിനോളം വളർന്നുവെന്നും. അതിന് ഏറ്റവും ഒടുവിലത്തെ ഉദാഹരണമാണ് ബെതലഹേം കുടുംബയൂണിറ്റിന്റെ ബോക്സ് ഓഫീസ് സക്സസ് എന്നും മിഥുൻ പറഞ്ഞു.

Also Read: ഒരു ടൈം ലൂപ്പ് ചിത്രം, പിന്നെ കാർത്തിക് സുബ്ബരാജ് പടം; ഈ ആഴ്ചത്തെ ഒടിടി റിലീസുകൾ

കേരളത്തിലെ തീയേറ്ററുകൾ വലിയതോതിൽ മാറിയിട്ടുണ്ട്. മികച്ച നിലവാരമുള്ള തിയേറ്ററുകളുടെ എണ്ണം കൂടി വരികയാണ്. ഇന്ന് തീയറ്റർ എക്സ്പീരിയൻസ് എന്നുള്ളതിന് വലിയ പ്രാധാന്യമാണുള്ളത്. മികച്ച അനുഭവം സമ്മാനിക്കുന്ന ഒരു തിയേറ്റർ ഒരു ഓപ്ഷനായി ഉണ്ടെങ്കിൽ തീർച്ചയായും കൂടുതൽ പേർ അങ്ങോട്ടേക്കേ പോകൂ. ദൈവം സഹായിച്ച് തന്റെ തലമുറയിൽ ഉള്ളവരെ സംബന്ധിച്ചിടത്തോളം തിയേറ്ററുകളിൽ സിനിമകൾ കരിഞ്ഞുപോകുന്ന (തകർന്നു പോകുന്ന എന്ന അർഥത്തിൽ) അവസ്ഥയില്ല. അത് നല്ലൊരു മാറ്റമാണ്.

നിലവിൽ നിർമ്മാതാവ് എന്ന നിലയിൽ ചെറിയ സിനിമകൾ എന്നാൽ മാക്സിമം തിയേറ്റർ എക്സ്പീരിയൻസ് നൽകാൻ കഴിയുന്ന സിനിമകൾ ഒരുക്കണമെന്നാണ് ആഗ്രഹിക്കുന്നത്. ഒരുപക്ഷേ ഒരു മാസ് സ്റ്റാറുമായി അസോസിയേറ്റ് ചെയ്യാൻ പറ്റിയാൽ ഒരുപക്ഷേ തീർച്ചയായും ഒരു ബിഗ് ബജറ്റ് മാസ് കൊമേഴ്സ്യൽ സിനിമ ചെയ്തെന്നു വരും എന്നും അവതാരകന്റെ ചോദ്യത്തിന് മറുപടിയായി മിഥുൻ മാനുവൽ തോമസ് പറഞ്ഞു.

English Summary

In an interview with The Cue Studio, Midhun Manuel Thomas spoke about the growth of the Malayalam box office and the film Bethlehem Kudumbayunit a massive success that recently garnered the highest box office collections.