BTS V: ഫാഷൻ കിംഗായി ഈ ബിടിഎസ് താരം, പാരീസ് ചിത്രങ്ങൾ വൈറൽ
BTS V: സെലിൻ ഫാഷൻ ഷോയിൽ പങ്കെടുക്കുന്നതിനായിട്ടാണ് വി പാരീസിൽ എത്തിയത്. താരത്തിന്റെ ഓരോ ചിത്രങ്ങളും ഫാഷൻ ലോകത്തിന്റെ ശ്രദ്ധ ആകർഷിച്ചിരിക്കുകയാണ്.
നിരവധി ആരാധകരുള്ള ബിടിഎസ് താരമാണ് കിം തെയ്-ഹ്യുങ് എന്ന വി. താരത്തിന്റേതായ വാർത്തകളും ഫോട്ടോകളും വളരെ വേഗത്തിൽ തന്നെ സോഷ്യൽ മീഡിയയിൽ ട്രെന്റിംഗ് ആകാറുണ്ട്. (Image Credit: Instagram)
ഇപ്പോഴിതാ, വിയുടെ പാരീസ് ചിത്രങ്ങളാണ് സോഷ്യൽ മീഡിയയിൽ തരംഗം. അദ്ദേഹത്തിന്റെ ഓരോ ചിത്രങ്ങളും ഫാഷൻ ലോകത്തിന്റെ ശ്രദ്ധ ആകർഷിച്ചിരിക്കുകയാണ്. പാരീസിൽ ആയിരുന്നപ്പോൾ എടുത്ത ഫോട്ടോകൾ താരം ഇൻസ്റ്റഗ്രാമിൽ പങ്ക് വച്ചിട്ടുണ്ട്. (Image Credit: Instagram)
സെലിൻ ഫാഷൻ ഷോയിൽ പങ്കെടുക്കുന്നതിനായിട്ടാണ് വി പാരീസിൽ എത്തിയത്. അവിടെ വച്ച് കെ ഡ്രാമ നടൻ പാർക്ക് ബോഗത്തെ പോലുള്ള സുഹൃത്തുക്കളോടൊപ്പമുള്ള ചിത്രങ്ങളും വീഡിയോകളും സോഷ്യൽ മീഡിയയിൽ പങ്കുവച്ചിരുന്നു. (Image Credit: Instagram)
പാരീസിൽ ഫാഷൻ ഷോയ്ക്ക് പങ്കെടുത്ത ശേഷം താരം ലോസ്ആഞ്ജൽസിലേക്ക് പോയെന്നാണ് വിവരം. നിലവിൽ പുതിയ ആൽബത്തിന് വേണ്ടി ജിമിനും ജങ്കൂക്കും ആർഎമ്മും സുഗയും എല്ലാം ലോസ് ആഞ്ചൽസിലാണ്. (Image Credit: Instagram)
ലൊല്ലപലൂസ ബെർലിൻ ഷെഡ്യൂൾ പൂർത്തിയാക്കിയ ശേഷം ജെ -ഹോപ്പും ലോസ്ആഞ്ജൽസിൽ മറ്റ് അംഗങ്ങളോടൊപ്പം ചേരുമെന്നാണ് വിവരം. രണ്ട് വർഷത്തെ സൈനിക സേവനത്തിന് ശേഷം പുറത്തെത്തുന്ന പുതിയ ആൽബത്തിന് വേണ്ടിയുള്ള കാത്തിരിപ്പിലാണ് ബിടിഎസിന്റെ ആർമി. (Image Credit: Instagram)
