Bengaluru-Chennai Travel: ചെന്നൈ-ബെംഗളൂരു യാത്രയ്ക്ക് ബെസ്റ്റ് റോഡ് ഏതാണെന്ന് അറിയാമോ? ബ്ലോക്കില്ലാതെ ഈസിയായി പോകാം
Fastest Chennai-Bengaluru Route Revealed: Reach in Around 4 Hours: ചിലയിടങ്ങളില് മാത്രം നല്ല റോഡുകള് ഉള്ളതും യാത്രയ്ക്ക് തടസമായേക്കും. ബെംഗളൂരു-ചെന്നൈ എക്സ്പ്രസ് വേയുടെ നിര്മാണം ആരംഭിച്ച് നാളുകള് ഏറെ ആയെങ്കിലും, തമിഴ്നാട്ടില് നേരിടുന്ന ഭൂമി ഏറ്റെടുക്കലിലെ ഉള്പ്പെടെ പ്രശ്നങ്ങളും നിര്മാണത്തെ ബാധിക്കുന്നു.
ചെന്നൈയില് നിന്ന് ബെംഗളൂരുവിലേക്ക് പോകുകയാണോ നിങ്ങള്? ഈ യാത്രയില് നിങ്ങളെ ഏറെ വലയ്ക്കാന് പോകുന്നത് റോഡിലെ ഗതാഗതക്കുരുക്കാണ്. ചിലയിടങ്ങളില് മാത്രം നല്ല റോഡുകള് ഉള്ളതും യാത്രയ്ക്ക് തടസമായേക്കും. ബെംഗളൂരു-ചെന്നൈ എക്സ്പ്രസ് വേയുടെ നിര്മാണം ആരംഭിച്ച് നാളുകള് ഏറെ ആയെങ്കിലും, തമിഴ്നാട്ടില് നേരിടുന്ന ഭൂമി ഏറ്റെടുക്കലിലെ ഉള്പ്പെടെ പ്രശ്നങ്ങളും നിര്മാണത്തെ ബാധിക്കുന്നു. (Image Credit Source: Getty and PTI)
എന്നാല് അടുത്ത തവണ മുതല് നിങ്ങള്ക്ക് തിരഞ്ഞെടുക്കാവുന്ന ഒരു റോഡ് പരിചയപ്പെടാം. വലിയ ഗതാഗത പ്രശ്നങ്ങളില്ലാതെ സുഗമമായി യാത്ര ചെയ്യാന് ഈ പാത നിങ്ങളെ സഹായിച്ചേക്കും. ചെന്നൈയില് നിന്ന് യാത്ര ആരംഭിക്കുമ്പോള്, പള്ളിക്കൊണ്ടയിലേക്കുള്ള എന്എച്ച് 48 തിരഞ്ഞെടുക്കാം. എന്നാല് ഇവിടെ വാരാന്ത്യങ്ങളില് ഗതാഗതക്കുരുക്ക് ഉണ്ടാകുന്നത് പതിവാണെന്ന കാര്യം പ്രത്യേകം ശ്രദ്ധിക്കുക.
കാഞ്ചീപുരം വരെ വഴിതിരിച്ചുവിടലുകള് ഉണ്ടായേക്കും. ഇതും ഗതാഗതക്കുരുക്കിന് വഴിയൊരുക്കും. പള്ളിക്കൊണ്ട മുതല് ഗുഡിയാത്തം വരെയുള്ള റോഡുകള് അല്പം മോശമാണ്. പെര്ണാംബുട്ട് കടന്നതിന് ശേഷം നിങ്ങള്ക്ക് 7-8 ഹെയര്പിന് വളവുകള് ശ്രദ്ധയോടെ മറികടക്കേണ്ടതായി വരും. ബത്തലപ്പള്ളി കുന്നുകളിലൂടെയാണ് ഈ റോഡ് കടന്നുപോകുന്നത്. വെങ്കിടഗിരിക്കോട്ട എത്തിയാല് വിശാലമായ ഹൈവേ കിട്ടും.
എക്സ്പ്രസ് വേയിലേക്ക് കയറുന്നതോടെ വലിയ തിരക്കോ ഗതാഗതക്കുരുക്കോ ഇല്ലാതെ നിങ്ങള്ക്ക് കടന്നുപോകാന് സാധിക്കുന്നതാണ്. ഹോസ്കോട്ടെ വരെയുള്ള യാത്രയില് വളവുകളും ചരിവുകളുമെല്ലാം ഉണ്ടാകുമെന്ന് പ്രത്യേകം ശ്രദ്ധിക്കുക. കൂടാതെ കന്നുകാലികള്, ട്രാക്ടറുകള്, ബൈക്കുകള് എന്നിവയെല്ലാം ഹൈവേയില് ഉണ്ടാകും.
ഹോസ്കോട്ടെ-കോലാര്-ചിറ്റൂര്-റാണിപേട്ട്-ആര്കോട്ട്-ശ്രീപെരുമ്പുദൂര്-മുടിച്ചൂര്-താംബരം റൂട്ടിലാണ് നിങ്ങള് സഞ്ചരിക്കേണ്ടത്. ചെന്നൈയില് നിന്നും ബെംഗളൂരുവിലേക്കുള്ള യാത്രയില് കോലാര്-ചിറ്റൂര്-വെല്ലൂര്-ചെന്നൈ സ്ട്രെച്ച് ഉപയോഗിക്കുന്നതാണ് നല്ലത്. വെങ്കടഗിരിക്കോട്ട വരെ എക്സ്പ്രസ് വേ നല്ലതായിരിക്കും. എന്നാല് ശ്രീപെരുമ്പത്തൂര് വരെയുള്ള റോഡ് വളരെ മോശമാണ്.
