ബെംഗളൂരൂ

കർണാടകയുടെ തലസ്ഥാനമായ ബെംഗളൂരു ആധുനികതയും പ്രകൃതിഭംഗിയും ഒത്തുചേരുന്ന ഇന്ത്യയിലെ പ്രധാന മെട്രോ നഗരങ്ങളിലൊന്നാണ്. രാജ്യത്തെ ഏറ്റവും വലിയ ഐടി കയറ്റുമതി കേന്ദ്രമായതിനാൽ ഈ നഗരം ഇന്ത്യയുടെ സിലിക്കൺ വാലി’ എന്നറിയപ്പെടുന്നു. ലാൽബാഗ്, കബ്ബൺ പാർക്ക് തുടങ്ങിയ വിശാലമായ ഉദ്യാനങ്ങൾ ഉള്ളതിനാൽ ഗാർഡൻ സിറ്റി ഓഫ് ഇന്ത്യ എന്നും ഇതിന് പേരുണ്ട്.

വർഷം മുഴുവൻ അനുഭവപ്പെടുന്ന സുഖകരമായ കാലാവസ്ഥയാണ് നഗരത്തിന്റെ ഏറ്റവും വലിയ സവിശേഷത. ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ്, ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് തുടങ്ങിയ ലോകോത്തര വിദ്യാഭ്യാസ സ്ഥാപനങ്ങളും ഇസ്‌റോ പോലുള്ള ഗവേഷണ കേന്ദ്രങ്ങളും ഇവിടെ സ്ഥിതിചെയ്യുന്നു. മലയാളികൾ ഉൾപ്പെടെ ഇന്ത്യയുടെ വിവിധ ഭാഗങ്ങളിൽ നിന്നുള്ളവർ വസിക്കുന്ന ഇവിടെ മനോഹരമായ ഒരു മിശ്രസംസ്കാരമാണുള്ളത്. വിദ്യാഭ്യാസത്തിനും തൊഴിലിനും വിനോദസഞ്ചാരത്തിനും ഒരുപോലെ പ്രിയപ്പെട്ട നഗരമാണ് ബെംഗളൂരു.