Delhi Metro: ഡല്ഹി മെട്രോ ചലിക്കില്ല! ഈ സമയം കഴിഞ്ഞാല് യാത്ര ആരംഭിക്കാം
Delhi Metro services March 4 Holi: രാവിലെയും വൈകിട്ടും മെട്രോ യാത്ര നടത്തുന്നവര് അതിനനുസരിച്ച് യാത്ര ആസൂത്രണം ചെയ്യണമെന്ന് അധികൃതര് അറിയിച്ചു. മെട്രോയുമായി ബന്ധപ്പെട്ട അറിയിപ്പുകള്ക്ക് ഡിഎംആര്സിയുടെ സമൂഹമാധ്യമ പോസ്റ്റുകള് നിരീക്ഷിക്കാനും നിര്ദേശിക്കുന്നു.
ഡല്ഹി മെട്രോയില് യാത്ര ചെയ്യാന് പോകുന്നവര്ക്ക് ഒരു പ്രധാന അറിയിപ്പ്. മാര്ച്ച് നാലിന് ബുധനാഴ്ച മെട്രോ സര്വീസുകള് ഉച്ച വരെ ഉണ്ടായിരിക്കുന്നതല്ല. തലസ്ഥാനത്ത് നടക്കുന്ന ഹോളി ആഘോഷങ്ങളുടെ ഭാഗമായാണ് മെട്രോ സര്വീസ് നിര്ത്തിവെച്ചിരിക്കുന്നത്. (Image Credits: PTI and Social Media)
ഉച്ചയ്ക്ക് 2.30 വരെയാണ് മെട്രോ സര്വീസുകള് നിര്ത്തിവെച്ചിരിക്കുന്നത്. അതിന് ശേഷം പതിവുപോലെ യാത്രകള് നടക്കും. എയര്പോര്ട്ട് എക്സ്പ്രസ് ലൈന് ഉള്പ്പെടെ എല്ലാ ലൈനുകളിലെയും ട്രെയിന് സര്വീസുകള്ക്ക് ഇത് ബാധകമാണെന്ന് ഡല്ഹി മെട്രോ റെയില് കോര്പ്പറേഷന് (ഡിഎംആര്സി) അറിയിച്ചു.
എല്ലാ റൂട്ടുകളിലെയും ടെര്മിനല് സ്റ്റേഷനുകളില് നിന്ന് ഉച്ചയ്ക്ക് 2.30ന് മെട്രോ ട്രെയിനുകള് സര്വീസ് ആരംഭിക്കും. ബാക്കിയുള്ള ദിവസങ്ങളില് സാധാരണ രീതിയില് ആയിരിക്കും സര്വീസ്. ഹോളി ആഘോഷങ്ങളില് മെട്രോ ജീവനക്കാരും ഭാഗമാകുന്നതിന്റെ ഭാഗമായാണ് നീക്കം.
യാത്രക്കാരുടെ തിരക്ക് കുറയ്ക്കുന്നതിനും നഗരത്തിലുടനീളമുള്ള ആഘോഷങ്ങളില് സുരക്ഷ ഉറപ്പാക്കുന്നതിന്റെയും ഭാഗമായി എല്ലാ വര്ഷവും ഹോളി ദിനത്തില് രാവിലെ മെട്രോ സര്വീസുകള് ഉണ്ടാകാറില്ല.
രാവിലെയും വൈകിട്ടും മെട്രോ യാത്ര നടത്തുന്നവര് അതിനനുസരിച്ച് യാത്ര ആസൂത്രണം ചെയ്യണമെന്ന് അധികൃതര് അറിയിച്ചു. മെട്രോയുമായി ബന്ധപ്പെട്ട അറിയിപ്പുകള്ക്ക് ഡിഎംആര്സിയുടെ സമൂഹമാധ്യമ പോസ്റ്റുകള് നിരീക്ഷിക്കാനും നിര്ദേശിക്കുന്നു.
