Diya Krishna: ‘എന്റെ ബോസ് ദിയ’, കെകെ ഫാമിലിക്ക് അശ്വിനെ ഇഷ്ടമില്ലേ?
കഴിഞ്ഞ ദിവസം ദിയ കൃഷ്ണ പങ്കുവെച്ച വിഡിയോ വൈറലായിരിക്കുകയാണ്. അശ്വിൻ ഗണേഷിന്റെ റന്നാൾ ആഘോഷത്തിന്റെ വിഡിയോയാണ് ദിയ പങ്കുവെച്ചത്. ഓ ബൈ ഓസിയിലെ സ്റ്റാഫുകളും അശ്വിന് വേണ്ടി കേക്ക് ഒരുക്കിയിരുന്നു. എന്നാൽ അശ്വിന്റെ പിറന്നാളിന് കെകെ ഫാമിലിയിലെ ആരും വിഷ് ചെയ്യാത്തതും ചർച്ചയായി.
മലയാളികളുടെ പ്രിയപ്പെട്ട താരകുടുംബമാണ് നടൻ കൃഷ്ണകുമാറിന്റേത്. വീട്ടിലെ ഓരോ വിശേഷങ്ങളും വ്ലോഗിലൂടെ അവർ പങ്കുവയ്ക്കാറുണ്ട്. ഇപ്പോഴിതാ, കഴിഞ്ഞ ദിവസം ദിയ കൃഷ്ണ പങ്കുവെച്ച വിഡിയോ വൈറലായിരിക്കുകയാണ്. പിന്നാലെ ചില വിമർശനങ്ങളും ഉയർന്നിട്ടുണ്ട്.
കഴിഞ്ഞ ദിവസം അശ്വിൻ ഗണേഷിന്റെ പിറന്നാളായിരുന്നു. പിറന്നാൾ ആഘോഷത്തിന്റെ വിഡിയോയാണ് ദിയ പങ്കുവെച്ചത്. പിറന്നാൾ ദിവസം ഒരു സാധാരണ ദിവസം പോലെ കടന്നുപോകുന്നതാണ് അശ്വിന് ഇഷ്ടം. ആ ദിവസം മാത്രം എല്ലാവരും കൂടി ചേർന്ന് തലയിൽ എടുത്ത് വെക്കുന്നതിനോട് താൽപര്യമില്ല.
ഓമി വന്നതിന് ശേഷമുള്ള ആദ്യത്തെ പിറന്നാളാണ്. മറ്റുള്ളവരുടെ പിറന്നാൾ ആഘോഷിക്കാനും എന്തെങ്കിലും ചെയ്ത് കൊടുക്കാനുമെല്ലാം എനിക്കും അശ്വിനും ഇഷ്ടമാണ്. പക്ഷെ ഞങ്ങൾക്ക് വേണ്ടി ആരെങ്കിലും അത് ചെയ്യുമ്പോൾ ഒരു ചമ്മലാണെന്ന് ദിയ പറയുന്നു.
ഓ ബൈ ഓസിയിലെ സ്റ്റാഫുകളും അശ്വിന് വേണ്ടി കേക്ക് ഒരുക്കിയിരുന്നു. ഹാപ്പി ബെർത്ത് ഡെ ബോസ് എന്നാണ് കേക്കിൽ എഴുതിയിരുന്നത്. എന്റെ ബോസ് ദിയയാണെന്നുമെല്ലാം വിഡിയോയിൽ അശ്വിൻ പറയുന്നുണ്ട്. ധാരാളം പേരാണ് അശ്വിന് ആശംസ അറിയിച്ചത്.
എന്നാൽ അശ്വിന്റെ പിറന്നാളിന് കെകെ ഫാമിലിയിലെ ആരും വിഷ് ചെയ്യാത്തതും ചർച്ചയായി. അർജുനും നിമിഷിനും വേണ്ടി പിറന്നാൾ ദിനത്തിൽ സ്റ്റോറികൾ പോസ്റ്റ് ചെയ്യാറുമുണ്ട്. ദിയയുടെ ഭർത്താവിനെ ഒരു കുടുംബാംഗമായി പോലും അവർ കാണുന്നില്ലേ, അശ്വിനെ ഇഷ്ടമില്ലേ തുടങ്ങി ധാരാളം കമന്റുകളാണ് വന്നത്. (Image Credit: Instagram)
