India vs South Africa: ‘ഗംഭീറിനെ പുറത്താക്കൂ’; ഇന്ത്യൻ ക്യാപ്റ്റനെതിരെ സോഷ്യൽ മീഡിയ
Social Media Against Gautam Gambhir: ഗൗതം ഗംഭീറിനെതിരെ രൂക്ഷ വിമർശനവുമായി സോഷ്യൽ മീഡിയ. ഗംഭീറിനെ പരിശീലക സ്ഥാനത്തുനിന്ന് നീക്കണമെന്നാണ് ആവശ്യം.
ഇന്ത്യൻ ടെസ്റ്റ് ടീമിൻ്റെ പരിശീലക സ്ഥാനത്തുനിന്ന് ഗൗതം ഗംഭീറിനെ പുറത്താക്കണമെന്ന് സോഷ്യൽ മീഡിയ. ദക്ഷിണാഫ്രിക്കക്കെതിരായ രണ്ടാം ടെസ്റ്റിൽ ഇന്ത്യ പരാജയം മുന്നിൽ കണ്ടതോടെയാണ് സോഷ്യൽ മീഡിയ ഗംഭീറിനെതിരെ രംഗത്തുവന്നത്. കളിയിൽ ദക്ഷിണാഫ്രിക്ക പിടുമുറുക്കിയിരിക്കുകയാണ്. (Image Credits - PTI)
ടെസ്റ്റ് പരിശീലകനെന്ന നിലയിൽ ഗംഭീർ സമ്പൂർണ പരാജയമാണ്. ഇതുവരെ 18 മത്സരങ്ങൾ ഗംഭീറിൻ്റെ പരിശീലനത്തിൽ കളിച്ച ഇന്ത്യ ജയിച്ചത് വെറും ഏഴ് മത്സരങ്ങളിൽ. ഇതിൽ വെസ്റ്റ് ഇൻഡീസിനെതിരെ സ്വന്തം നാട്ടിൽ കളിച്ച രണ്ട് കളിയും ഇംഗ്ലണ്ടിനെതിരായ രണ്ട് കളിയും ഉൾപ്പെടുന്നു.
9 മത്സരങ്ങളിൽ ഇന്ത്യ തോറ്റു. 3-0 ന് ബോർഡർ - ഗവാസ്കർ ട്രോഫി അടിയറവച്ചതും ന്യൂസീലൻഡിനെതിരെ സ്വന്തം നാട്ടിൽ പരമ്പര നാണം കെട്ട് തോറ്റതും ശ്രദ്ധേയം. ദക്ഷിണാഫ്രിക്കക്കെതിരായ ആദ്യ കളി പരാജയപ്പെട്ടതോടെ ഗംഭീറിനെതിരായ വിമർശനങ്ങൾക്ക് ശക്തി പ്രാപിച്ചിരുന്നു.
ബാറ്റിംഗ് നിരയിൽ വരുന്ന മാറ്റങ്ങളും കുൽദീപ് യാദവിന് അർഹിക്കുന്ന പരിഗണന നൽകാത്തതുമൊക്കെയാണ് ഗംഭീറിനെതിരായ വിമർശനങ്ങൾക്ക് പിന്നിൽ. വാഷിംഗ്ടൺ സുന്ദറെ കഴിഞ്ഞ കളി മൂന്നാം നമ്പറിൽ ഇറക്കി. നന്നായി കളിച്ചിട്ടും ഈ കളി എട്ടാം നമ്പറിലാണ് താരം ഇറങ്ങിയത്.
നിതീഷ് കുമാർ റെഡ്ഡിയെ ഉൾപ്പെടുത്തുമെങ്കിലും ഒരു ബൗളറെന്ന നിലയിൽ കാര്യമായി ഉപയോഗിക്കാത്തതും ആരാധകർ ചൂണ്ടിക്കാട്ടുന്നു. ദക്ഷിണാഫ്രിക്കക്കെതിരായ രണ്ടാമത്തെ കളി കൂടി തോറ്റാൽ ഗൗതം ഗംഭീറിന് ടെസ്റ്റ് പരിശീലക സ്ഥാനം നഷ്ടമാവുമെന്ന് ഏറെക്കുറെ ഉറപ്പിക്കാം.
