Mohanlal: ദേശീയ അവാർഡ് വേദിയെ ഇളക്കി മറിച്ച് നമ്മുടെ സ്വന്തം ലാലേട്ടൻ, ദൃശ്യങ്ങൾ ഇതാ…
Mohanlal Receives the Dadasaheb Phalke Award: പുരസ്കാരം സ്വീകരിച്ചുകൊണ്ട് മോഹൻലാൽ, "എന്റെ ആത്മാവിന്റെ സ്പന്ദനമാണ് സിനിമ" എന്ന് പറഞ്ഞു. അദ്ദേഹത്തിന്റെ സിനിമാ ജീവിതം ചടങ്ങിൽ സ്ക്രീൻ ചെയ്യുകയും ചെയ്തു.
ഇന്ത്യൻ സിനിമയിലെ പരമോന്നത ബഹുമതിയായ ദാദാസാഹേബ് ഫാൽക്കെ പുരസ്കാരം നടൻ മോഹൻലാൽ രാഷ്ട്രപതി ദ്രൗപദി മുർമുവിൽ നിന്ന് ദില്ലിയിലെ വിഗ്യാൻ ഭവനിൽ വെച്ച് ഏറ്റുവാങ്ങി.
പുരസ്കാര ചടങ്ങിൽ, എംഐബി സെക്രട്ടറി സഞ്ജയ് ജാജു മോഹൻലാലിനെ 'ലാലേട്ടൻ' എന്ന് അഭിസംബോധന ചെയ്തപ്പോൾ വലിയ കരഘോഷത്തോടെയാണ് സദസ്സ് അദ്ദേഹത്തെ വരവേറ്റത്.
ദാദാസാഹേബ് ഫാൽക്കെ പുരസ്കാരം നേടുന്ന രണ്ടാമത്തെ മലയാളിയാണ് മോഹൻലാൽ. 2004-ൽ ഈ പുരസ്കാരം അടൂർ ഗോപാലകൃഷ്ണനും ലഭിച്ചിട്ടുണ്ട്.
പുരസ്കാരം സ്വീകരിച്ചുകൊണ്ട് മോഹൻലാൽ, "എന്റെ ആത്മാവിന്റെ സ്പന്ദനമാണ് സിനിമ" എന്ന് പറഞ്ഞു. അദ്ദേഹത്തിന്റെ സിനിമാ ജീവിതം ചടങ്ങിൽ സ്ക്രീൻ ചെയ്യുകയും ചെയ്തു.
40 വർഷത്തിലേറെയായി മലയാള സിനിമയിൽ സജീവമായ മോഹൻലാൽ, വില്ലനായി അരങ്ങേറ്റം കുറിച്ച ശേഷം മലയാള സിനിമയുടെ നെടുന്തൂണായി മാറി. ഇതിനുമുമ്പ് അഞ്ച് ദേശീയ പുരസ്കാരങ്ങളും, പത്മശ്രീ (2001), പത്മഭൂഷൺ (2019) എന്നീ ബഹുമതികളും അദ്ദേഹത്തിന് ലഭിച്ചിട്ടുണ്ട്.
