Vande Bharat Food Menu: ഇനി ദോശയും പുട്ടും കടലക്കറിയുമൊക്കെ കിട്ടും! വന്ദേ ഭാരതിൽ നാടൻ രുചി വിളമ്പാനൊരുങ്ങി റെയിൽവേ
Vande Bharat Train Food Menu: വന്ദേ ഭാരത് ട്രെയിനുകളിൽ ആ പ്രദേശത്തെ തനതായ വിഭവങ്ങൾ നൽകാൻ കേന്ദ്ര മന്ത്രി ഉദ്യോഗസ്ഥർക്ക് നിർദ്ദേശം നൽകി. ഈ സൗകര്യം ഭാവിയിൽ എല്ലാ ട്രെയിനുകളിലേക്കും ക്രമേണ വിപുലീകരിക്കുമെന്നു റെയിൽവേ മന്ത്രാലയം പുറത്തിറക്കിയ പ്രസ്താവനയിൽ അറിയിച്ചു.
ഇന്ന് പലരും ദൂരെയാത്രയ്ക്ക് വന്ദേ ഭാരത് ട്രെയിനുകളാണ് കൂടുതലായും ഉപയോഗിക്കാറുള്ളത്. അത്യാധുനിക സൗകര്യങ്ങളോടുകൂടി സുഗമമായ യാത്രയ്ക്ക് ഏറ്റവും അനുയോജ്യം വന്ദേ ഭാരത് തന്നെയാണ്. ഇത് മാത്രമല്ല ഭക്ഷണത്തിൻ്റെ കാര്യത്തിലും മറ്റ് ട്രെയിനുകളെക്കാളും എന്തുകൊണ്ടും വന്ദേ ഭാരത് പൊളിയാണ്. (Photos Credit Getty Images)
നമ്മൾ ഇരിക്കുന്ന സീറ്റിലേക്ക് എല്ലാ നേരത്തും ഭക്ഷണം ലഭ്യമാക്കാൻ വന്ദേ ഭാരത് ശ്രദ്ധിക്കാറുണ്ട്.എന്നാൽ പലപ്പോഴും ലഭിക്കുന്ന ഭക്ഷണം യാത്രക്കാർക്ക് തൃപ്തികരമായ രീതിയിൽ ആകണമെന്നില്ല.
ഇപ്പോഴിതാ ഇതിനെല്ലാം പരിഹാരം നിർദ്ദേശിച്ചിരിക്കുകയാണ് ഇന്ത്യൻ റെയിൽവേ . ഓരോ പ്രദേശത്തിനും അനുസരിച്ച് അവിടുത്തെ പ്രാദേശിക ഭക്ഷണം വിളമ്പാൻ ഒരുങ്ങുകയാണ് റെയിൽവേ .
റെയിൽവേ മന്ത്രി അശ്വിനി വൈഷ്ണവിന്റെ അധ്യക്ഷതയിൽ ചേർന്ന യോഗത്തിലാണ് തീരുമാനം. റെയിൽവേ ഭവനിൽ നടന്ന യോഗത്തിൽ റെയിൽവേ സഹമന്ത്രി രവ്നീത് സിംഗ് ബിട്ടുവും പങ്കെടുത്തു.
വന്ദേ ഭാരത് ട്രെയിനുകളിൽ ആ പ്രദേശത്തെ തനതായ വിഭവങ്ങൾ നൽകാൻ കേന്ദ്ര മന്ത്രി ഉദ്യോഗസ്ഥർക്ക് നിർദ്ദേശം നൽകി. ഈ സൗകര്യം ഭാവിയിൽ എല്ലാ ട്രെയിനുകളിലേക്കും ക്രമേണ വിപുലീകരിക്കുമെന്നു റെയിൽവേ മന്ത്രാലയം പുറത്തിറക്കിയ പ്രസ്താവനയിൽ അറിയിച്ചു.
