Gold: പിടിതരാതെ സ്വർണം, വീണ്ടും കൂടി; ഒരു ഗ്രാമിന് പോലും പൊള്ളുന്ന വില

Kerala Gold Rate: സ്വർണം കിട്ടാക്കനിയായി മാറിയതോടെ ഇനിയെന്ന് വില കുറയും എന്ന കാത്തിരിപ്പിലാണ് ഓരോരുത്തരും. വിവാഹസീസണിലെ കുതിപ്പ് സാധാരണക്കാരെ ആശങ്കയിലാഴ്ത്തുന്നുണ്ട്.

Gold PriceImage Credit source: Getty Images

Nithya Vinu | Published: 15 Jan 2026 | 04:17 PM

തിരുവനന്തപുരം: സംസ്ഥാനത്ത് സ്വർണവില പിടിതരാതെ കുതിക്കുന്നു. ഡിസംബറിൽ ഒരുലക്ഷം പിന്നിട്ട സ്വർണം ഓരോ ദിവസവും വൻ മുന്നേറ്റമാണ് നടത്തുന്നത്. പ്രത്യേകിച്ച് വിവാഹസീസണിലെ കുതിപ്പ് സാധാരണക്കാരെ ആശങ്കയിലാഴ്ത്തുന്നുണ്ട്. സ്വർണം കിട്ടാക്കനിയായി മാറിയതോടെ ഇനിയെന്ന് വില കുറയും എന്ന കാത്തിരിപ്പിലാണ് ഓരോരുത്തരും.

ഇന്നലെയാണ് (ജനുവരി 16) ചരിത്രത്തിലെ ഏറ്റവും ഉയർന്ന വില രേഖപ്പെടുത്തിത്. ഒരു പവന് 1,05,600 രൂപ നിരക്കിലായിരുന്നു വ്യാപാരം. എന്നാൽ ഇന്ന് രാവിലെ ചെറിയൊരു ഇടിവും രേഖപ്പെടുത്തിയിരുന്നു. 600 രൂപ കുറഞ്ഞ് 1,05,600 രൂപയായിരുന്നു രാവിലത്തെ വില. ഒരു ഗ്രാം സ്വര്‍ണത്തിന് 75 രൂപ കുറഞ്ഞ് 13,125 രൂപയിലേക്കും വിലയെത്തി. എന്നാൽ ഉച്ചയായതോടെ കഥ വീണ്ടും മാറി.

ഉച്ചയ്ക്ക് ശേഷം 320 രൂപയുടെ വർദ്ധനവാണ് രേഖപ്പെടുത്തിയത്. ഇതോടെ സംസ്ഥാനത്ത് ഒരു പവൻ സ്വർണവില 1,05,320 രൂപയായി ഉയർന്നു, വിപണിവില 1,05,320 രൂപയാണെങ്കിലും മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും ചേരുമ്പോൾ വില വീണ്ടും അധികമാകും. ഒരു ഗ്രാമിന് 13,165 രൂപയാണ് നൽകേണ്ടത്.