Malappuram Accident: മലപ്പുറത്ത് കെഎസ്ആർടിസിയും ടൂറിസ്റ്റ് ബസ്സും കൂട്ടിയിടിച്ച് അപകടം; മുപ്പതോളം പേർക്ക് പരിക്ക്
Malappuram Edappal Accident: ഇരു വാഹനങ്ങളിലും ഏകദേശം 50 ഓളം യാത്രക്കാരുണ്ടായിരുന്നതായാണ് റിപ്പോർട്ട്. ഇതിൽ മുപ്പതോളം യാത്രക്കാർക്ക് പരിക്കേറ്റിട്ടുള്ളതായാണ് പുറത്തുവരുന്ന വിവരം. എന്നാൽ പിരക്കേറ്റ് ആരുടെയും നില ഗുരുതരമല്ല. പ്രദേശവാസികളാണ് സംഭവ സ്ഥലത്ത് ആദ്യം എത്തി രക്ഷാപ്രവർത്തനം നടത്തിയത്.
മലപ്പുറം: മലപ്പുറത്ത് ബസുകൾ തമ്മിൽ കൂട്ടിയിടിച്ച് അപകടം. എടപ്പാളിന് അടുത്ത് മാണൂരിലാണ് സംഭവം. കെഎസ്ആർടിസി ബസ്സും എതിർ ദിശയിൽ നിന്ന് വന്ന ടൂറിസ്റ്റ് ബസ്സും കൂട്ടിയിടിച്ച് ആണ് അപകടം ഉണ്ടായിരിക്കുന്നത്. ഇന്ന് പുലർച്ചെ 2.50-ന് ആയിരുന്നു അപകടം.
ഇരു വാഹനങ്ങളിലും ഏകദേശം 50 ഓളം യാത്രക്കാരുണ്ടായിരുന്നതായാണ് റിപ്പോർട്ട്. ഇതിൽ മുപ്പതോളം യാത്രക്കാർക്ക് പരിക്കേറ്റിട്ടുള്ളതായാണ് പുറത്തുവരുന്ന വിവരം. എന്നാൽ പിരക്കേറ്റ് ആരുടെയും നില ഗുരുതരമല്ല. പ്രദേശവാസികളാണ് സംഭവ സ്ഥലത്ത് ആദ്യം എത്തി രക്ഷാപ്രവർത്തനം നടത്തിയത്. അമിതവേഗതയാണോ അതോ മറ്റെന്തെങ്കിലുമാണോ അപകട കാരണം എന്ന കാര്യത്തിൽ വ്യക്തതയില്ല.
അപകടത്തിൽ ബസുകളുടെ മുൻഭാഗം പൂർണമായും തകർന്ന നിലയിലാണ്. അപകടത്തിന്റെ കാരണം പരിശോധിച്ച് വരികയാണ്. പരിക്കേറ്റവരെ എടപ്പാളിലേയും ചങ്ങരുകുളത്തെയും സ്വകാര്യ ആശുപത്രികളിൽ പ്രവേശിപ്പിച്ചിരിക്കുകയാണ്. പരിക്കേറ്റവരിൽ മൂന്നുപേരുടെ പരിക്ക് ഗുരുതരമാണ്.
Updating….
