Cheranalloor Accident: ജഡ്ജിയുടെ മകന് ജാമ്യം അനുവദിച്ചതിനെതിരെ ജയബാലകൃഷ്ണന്റെ ബന്ധുക്കള്‍; ആഭ്യന്തരമന്ത്രിക്ക് കടുത്ത അതൃപ്തി
Kerala Cheranalloor accident: ചേരാനല്ലൂര്‍ വാഹനാപകടക്കേസില്‍ പതിനേഴുകാരന് സ്റ്റേഷന്‍ ജാമ്യം നല്‍കി വിട്ടയച്ചതില്‍ ആഭ്യന്തരമന്ത്രി രമേശ് ചെന്നിത്തലയ്ക്ക് കടുത്ത അതൃപ്തി. വിഷയത്തില്‍ അടിയന്തര നടപടിയെടുക്കാന്‍ ഡിജിപിക്ക് ആഭ്യന്തരമന്ത്രി നിര്‍ദ്ദേശം നല്‍കി. വിഷയത്തില്‍ ഒരു വിട്ടുവീഴ്ചയും വേണ്ടെന്ന് ആഭ്യന്തരമന്ത്രി പൊലീസിന് നിര്‍ദ്ദേശം നല്‍കി. സംഭവത്തില്‍ പൊലീസിന് വീഴ്ചയുണ്ടായെന്ന ആരോപണത്തില്‍ ക്രമസമാധാനച്ചുമതലയുള്ള എഡിജിപി നേരിട്ട് അന്വേഷണം നടത്തും.
കൊച്ചി: ചേരാനല്ലൂര്‍ വാഹനാപകടക്കേസില്‍ പ്രതിയായ പതിനേഴുകാരന് സ്റ്റേഷന്‍ ജാമ്യം നല്‍കി വിട്ടയച്ചതില്‍ ആഭ്യന്തരമന്ത്രി രമേശ് ചെന്നിത്തലയ്ക്ക് കടുത്ത അതൃപ്തി. വിഷയത്തില്‍ അടിയന്തര നടപടിയെടുക്കാന്‍ ഡിജിപിക്ക് ആഭ്യന്തരമന്ത്രി നിര്‍ദ്ദേശം നല്‍കി. വിഷയത്തില്‍ ഒരു വിട്ടുവീഴ്ചയും വേണ്ടെന്ന് ആഭ്യന്തരമന്ത്രി പൊലീസിന് നിര്‍ദ്ദേശം നല്‍കി. സംഭവത്തില്‍ പൊലീസിന് വീഴ്ചയുണ്ടായെന്ന ആരോപണത്തില്‍ ക്രമസമാധാനച്ചുമതലയുള്ള എഡിജിപി നേരിട്ട് അന്വേഷണം നടത്തും. കേസിലെ പ്രതിയായ 17-കാരന് ജഡ്ജിയുടെ മകനാണ്. 17-കാരന് സ്റ്റേഷന്‍ ജാമ്യം ലഭിച്ചതിനെതിരെ വാഹനാപകടത്തില്‍ മരിച്ച ജയബാലകൃഷ്ണന്റെ കുടുംബവും നാട്ടുകാരും പ്രതിഷേധമുയര്‍ത്തിയിരുന്നു. പ്രതിഷേധത്തെ തുടര്‍ന്ന് 17-കാരനെ പൊലീസ് വീണ്ടും അപ്രിഹെന്‍ഡ് ചെയ്ത് ജുവനൈല്‍ ജസ്റ്റിസ് ബോര്‍ഡിന് മുന്നില്‍ ഹാജരാക്കി. എന്നാല്‍ ജുവനൈല്‍ ജസ്റ്റിസ് ബോര്‍ഡും 17-കാരന് ജാമ്യം അനുവദിച്ചു. ഈ നടപടി അംഗീകരിക്കില്ലെന്ന നിലപാടിലാണ് ജയബാലകൃഷ്ണന്റെ കുടുംബം.
ഞായറാഴ്ച പുലര്‍ച്ചെയാണ് സംഭവം. സ്‌കൂട്ടര്‍ യാത്രക്കാരനായ മാഞ്ഞാലി സ്വദേശി ജയബാലകൃഷ്ണനാണ് (55) 17-കാരന് ഓടിച്ച ബെന്‍സ് കാറിടിച്ച് മരിച്ചത്. സംഭവത്തിന് പിന്നാലെ പതിനേഴുകാരന്റെ പിതാവായ ജഡ്ജി ധാര്‍ഷ്ട്യത്തോടെ സംസാരിച്ചെന്ന് ജയബാലകൃഷ്ണന്റെ ബന്ധുക്കള്‍ ആരോപിച്ചു. ജഡ്ജിക്കെതിരെയും കേസെടുക്കണമെന്ന് ബന്ധുക്കള്‍ ആവശ്യപ്പെട്ടു.
മനപ്പൂര്‍വമുള്ള നരഹത്യാകുറ്റം
പതിനേഴുകാരനെതിരെ മനപ്പൂര്‍വമുള്ള നരഹത്യാകുറ്റം ചുമത്തി. നേരത്തെ അശ്രദ്ധ മൂലമുള്ള അപകടത്തിനായിരുന്നു കേസെടുത്തിരുന്നത്. 17-കാരന്റെ പിതാവായ അഡീഷണല്‍ സെഷന്‍സ് ജഡ്ജിയാണ് കാറുടമ. ജഡ്ജിക്കെതിരെയും കേസെടുത്തേക്കും.
Also Read: ചേരാനെല്ലൂർ അപകടം: വാഹനമോടിച്ച 17 വയസുകാരന് സ്റ്റേഷൻ ജാമ്യം, പിതാവായ ജഡ്ജിക്കെതിരേ കേസെടുക്കും
അതേസമയം, ജഡ്ജിക്കെതിരെ മോട്ടോര്‍ വാഹന നിയമത്തിലെ സെക്ഷന്‍ 199എ പ്രകാരം ക്രിമിനല്‍ കേസെടുക്കണമെന്ന് ആവശ്യപ്പെട്ട് സുപ്രീംകോടതി അഭിഭാഷകന്‍ അഡ്വ. സുഭാഷ് തീക്കാടന്‍ പൊലീസില്‍ പരാതി നല്‍കി. മോട്ടോര്‍ വാഹന നിയമപ്രകാരമുള്ള നടപടികള്‍ സ്വീകരിക്കണമെന്നാണ് പരാതിയിലെ ആവശ്യം.
പ്രായപൂര്‍ത്തിയാകാത്തവര്‍ നടത്തുന്ന നിയമലംഘനങ്ങള്‍ക്ക് രക്ഷിതാവിനോ വാഹന ഉടമയ്‌ക്കോ ക്രിമിനല്‍ ഉത്തരവാദിത്തമുണ്ട്. മൂന്ന് വര്‍ഷം വരെ തടവും, 25,000 രൂപ വരെ പിഴയും ലഭിക്കാവുന്ന കുറ്റമാണിതെന്നും പരാതിയില്‍ പറയുന്നു. അപകടമുണ്ടാക്കിയ കാറിന്റെ രജിസ്‌ട്രേഷന്‍ നിയമപ്രകാരം ഒരു വര്‍ഷത്തേക്ക് റദ്ദാക്കണം. ജുവനൈലിന് 25 വയസാകുന്നതുവരെ ഡ്രൈവിങ് ലൈസന്‍സോ ലേണേഴ്‌സോ അനുവദിക്കാതിരിക്കാനുള്ള നടപടികള്‍ സ്വീകരിക്കണമെന്നും പരാതിയില്‍ ആവശ്യപ്പെടുന്നു.
വാഹനം അമിതവേഗതയില്‍
അതേസമയം, വാഹനം അമിതവേഗതയിലായിരുന്നുവെന്നാണ് വിവരം. 104 കിലോമീറ്റര്‍ സ്പീഡിലാണ് കാര്‍ ഓടിച്ചതെന്നാണ് സൂചന. വാഹനം അമിതവേഗതയിലോടിക്കുന്നതിന്റെ ദൃശ്യങ്ങള്‍ 17-കാരന്റെ മൊബൈല്‍ ഫോണില്‍ കണ്ടെത്തിയെന്നാണ് റിപ്പോര്‍ട്ട്.
English Summary
A 17-year-old son of an Additional Sessions Judge was arrested after driving a Benz car at high speed and killing a 55-year-old scooter rider in Cheranalloor. A 17-year-old son of an Additional Sessions Judge was arrested after driving a Benz car at high speed and killing a 55-year-old scooter rider in Cheranalloor. Kerala Home Minister Ramesh Chennithala expressed strong displeasure over the police granting bail. The Minister directed the DGP and Law and Order ADGP to initiate an immediate probe into police lapses.
