Mouth Breathing: വായ തുറന്നാണോ ഉറങ്ങുന്നത്… ഈ ശ്വസനം ആരോഗ്യത്തിന് ഹാനികരം; കാരണം

ഉറങ്ങുമ്പോൾ വായ തുറന്ന് വയ്ക്കുന്നത് പലരുടെയും ശീലമാണ്. അവർ പോലും അറിയാതെയാണ് ഉറങ്ങുമ്പോൾ വായ തുറക്കുന്നതും അതിലൂടെ ശ്വസിക്കുന്നതും. എന്നാൽ വായ തുറന്ന് ഉറങ്ങുന്നത് ആരോഗ്യപരമായി ദോഷകരമാണെന്നാണ് വിദ​ഗ്ധർ പറയുന്നത്. വായ തുറന്ന് ഉറങ്ങുന്നത് രാത്രിയിലെ ശരിയായ രീതിയിൽ അല്ലാത്ത ശ്വസനത്തിന് കാരണമാകുമെന്നാണ് ആരോ​ഗ്യ വിദ​ഗ്ധർ ചൂണ്ടികാണിക്കുന്നത്. സ്ലീപ് അപ്‌നിയ, ഹൃദയ സംബന്ധമായ അസുഖങ്ങൾ, ഉയർന്ന രക്തസമ്മർദ്ദം, പ്രമേഹം തുടങ്ങിയ ഗുരുതര ആരോഗ്യ പ്രശ്നങ്ങൾ ഇതുമൂലം ഉണ്ടാകുമെന്നാണ് പറയപ്പെടുന്നത്.

വായയിലൂടെ ശ്വസിക്കുന്നതുമായി ബന്ധപ്പെട്ട സാധാരണ പ്രശ്നങ്ങൾ

ഉറക്കക്കുറവ്: വായയിലൂടെ ശ്വസിക്കുന്നത് ടോൺസിലുകളുടെ വലുപ്പം വർദ്ധിപ്പിക്കുന്നതിന് കാരണമാകും, ഇത് കൂർക്കംവലിക്ക് കാരണമാവുകയും ഉറക്കക്കുറവിന് കാരണമാവുകയും ചെയ്യുന്നു.

മോണ പ്രശ്നങ്ങൾ: മോണകളെയും വായിലെ ടിഷ്യുകളെയും വരണ്ടതാക്കുകയും വായിലെ ബാക്ടീരിയകളുടെ സന്തുലിതാവസ്ഥയെ തടസ്സപ്പെടുത്തുകയും മോണരോഗത്തിനും പല്ലുകളുടെ ആരോ​ഗ്യത്തിന് കേടുപാടുകൾ വരുത്തുകയും ചെയ്യുന്നു.

ALSO READ: കെമിക്കൽ ഹെയർ സ്ട്രൈറ്റനറുകളുടെ ഉപയോ​ഗം ഗർഭാശയ അർബുദത്തിന് കാരണം; പഠനം

ശ്വാസകോശ പ്രശ്നങ്ങൾ: രക്തത്തിലെ ഓക്സിജന്റെ സാന്ദ്രത കുറയുന്നത് ശ്വാസകോശത്തിന്റെ പ്രവർത്തനത്തെ ബാധിക്കുന്നു, ആസ്ത്മയുള്ളവരിൽ ഇത് കൂടുതൽ വഷളാകുകയും വായയിലൂടെ ശ്വസിക്കുകയും ചെയ്യുന്നു.

കണ്ണുകൾക്ക്: വായ ശ്വസിക്കുന്നതിലൂടെ കണ്ണുകൾക്ക് ചുറ്റുമുള്ള ഞരമ്പുകൾ വികസിക്കുകയും കണ്ണുകൾക്ക് ചുറ്റും കറുത്ത പാടുകൾ ഉണ്ടാകുകയും ചെയ്യുന്നു.

ആരോഗ്യപ്രശ്നങ്ങൾ എന്തെല്ലാം?

വായ തുറന്നുവച്ച് ഉറങ്ങുമ്പോൾ വായയുടെ ഉള്ളിലെ ഉമിനീർ ഉണങ്ങി പോവുകയും മോണരോഗങ്ങൾ, അണുബാധകൾ എന്നിവയ്ക്ക് കാരണമാകുകയും ചെയ്യുന്നു. കുട്ടികളിൽ താടിയെല്ലിന്റെ വളർച്ചയ്ക്കും വായ്‌നാറ്റത്തിനും കാരണമാകുന്നതിന് ഈ ശീലം വലിയൊരു പങ്കുവഹിക്കുന്നുണ്ട്.

കൂടാതെ രാത്രിയിൽ വായയിലൂടെ ശ്വസിക്കുന്നത് സ്ലീപ് അപ്‌നിയയിലേക്ക് (OSA) എന്ന അവസ്ഥയിലേക്ക് നിങ്ങളെ നയിച്ചേക്കാം. അത് ഉറക്കത്തിൽ ശ്വാസനാളത്തെ തടസപ്പെടുത്തുന്നതിന് കാരണമാകുന്നു. കൂടാതെ ഹൃദയ സംബന്ധമായ അസുഖങ്ങൾ, ടെെപ്പ് 2 പ്രമേഹം, കരൾ പ്രശ്നങ്ങൾ, വിഷാദം, വന്ധ്യത എന്നിവയ്ക്കുള്ള സാധ്യത വർദ്ധിപ്പിക്കുകയും ചെയ്യുന്നു.