സൂര്യകുമാർ യാദവിനെ പിന്നിലാക്കി അഭിഷേക് ശർമ്മയുടെ റെക്കോർഡ് കുതിപ്പ്! പുതിയ സിക്‌സര്‍ കിങ്‌
Abhishek Sharma smashes T20I sixes record: ഒരു കലണ്ടർ വർഷത്തിൽ ഐസിസിയുടെ പൂര്‍ണാംഗത്വമുള്ള രാജ്യത്തെ പ്രതിനിധീകരിച്ച് ഏറ്റവും കൂടുതൽ സിക്സറുകൾ നേടുന്ന ബാറ്റ്‌സ്മാൻ എന്ന പുതിയ റെക്കോർഡ് അഭിഷേക് ശർമ്മ സ്വന്തമാക്കി. ബുധനാഴ്ച ഹൈദരാബാദിൽ വെസ്റ്റ് ഇൻഡീസിനെതിരായ ഇന്ത്യയുടെ നാലാം ട്വന്റി20 മത്സരത്തിനിടെയാണ് താരം ചരിത്രനേട്ടം സ്വന്തമാക്കിയത്.
ഒരു കലണ്ടർ വർഷത്തിൽ ഐസിസിയുടെ പൂര്‍ണാംഗത്വമുള്ള രാജ്യത്തെ പ്രതിനിധീകരിച്ച് ഏറ്റവും കൂടുതൽ സിക്സറുകൾ നേടുന്ന ബാറ്റ്‌സ്മാൻ എന്ന പുതിയ റെക്കോർഡ് അഭിഷേക് ശർമ്മ സ്വന്തമാക്കി. ബുധനാഴ്ച ഹൈദരാബാദിൽ വെസ്റ്റ് ഇൻഡീസിനെതിരായ ഇന്ത്യയുടെ നാലാം ട്വന്റി20 മത്സരത്തിനിടെയാണ് താരം ചരിത്രനേട്ടം സ്വന്തമാക്കിയത്. 2022-ൽ മുൻ ഇന്ത്യൻ ക്യാപ്റ്റൻ സൂര്യകുമാർ യാദവ് സ്ഥാപിച്ച 68 സിക്സറുകൾ എന്ന റെക്കോർഡ് അഭിഷേക് മറികടന്നു. താരം 2026-ല്‍ ഇതുവരെ 69 സിക്‌സുകള്‍ നേടി (Image Credit Source: PTI).
ഹൈദരാബാദ് ടി20യില്‍ 24 പന്തില്‍ 29 റണ്‍സാണ് അഭിഷേക് നേടിയത്. മൂന്ന് ഫോറും ഒരു സിക്‌സും നേടി. മത്സരത്തിൽ ആദ്യമായി പന്ത് അതിർത്തി കടത്താൻ അഭിഷേക് 15 പന്തുകൾ നേരിടേണ്ടി വന്നു, ഒമ്പതാം ഓവറിലാണ് അദ്ദേഹം ആദ്യ സിക്സർ നേടിയത്.
ഇന്നിങ്‌സിന്റെ തുടക്കത്തില്‍ അഭിഷേകിന് കാര്യമായി പന്ത് ലഭിച്ചില്ല. മറുവശത്ത് സഞ്ജു സാംസണ്‍ തകര്‍ത്തടിച്ചു. പവർപ്ലേയ്ക്ക് ശേഷം വെസ്റ്റ് ഇൻഡീസ് ബൗളർമാർ അഭിഷേകിന്റെ സ്ട്രൈക്ക് റേറ്റ് 100-ൽ താഴെയായി പിടിച്ചുനിർത്തി. ഒടുവിൽ ഷമാർ സ്പ്രിംഗറുടെ പന്തിൽ ക്രീസിൽ നിന്നിറങ്ങി പന്ത് അതിർത്തിക്ക് മുകളിലൂടെ പറത്തി താരം ആദ്യ ബൗണ്ടറി നേടി.
എന്നാല്‍ അഭിഷേകിന്റെ റെക്കോഡ് പ്രകടനത്തിനിടയിലും ഇന്ത്യ തോറ്റു. 24 റണ്‍സിനാണ് ഹൈദരാബാദ് ടി20യില്‍ വെസ്റ്റ് ഇന്‍ഡീസ് ഇന്ത്യയെ തോല്‍പിച്ചത്. ആദ്യം ബാറ്റു ചെയ്ത വെസ്റ്റ് ഇന്‍ഡീസ് 20 ഓവറില്‍ മൂന്ന് വിക്കറ്റിന് 247 റണ്‍സെടുത്തു. ഇന്ത്യയുടെ പോരാട്ടം 19.3 ഓവറില്‍ 223 റണ്‍സ് എന്ന നിലയില്‍ അവസാനിച്ചു.
50 പന്തില്‍ 102 റണ്‍സെടുത്ത വെസ്റ്റ് ഇന്‍ഡീസ് ക്യാപ്റ്റന്‍ ഷായ് ഹോപാണ് കളിയിലെ താരം. പുറത്താകാതെ 26 പന്തില്‍ 49 റണ്‍സെടുത്ത ഷെര്‍ഫെയ്ന്‍ റുഥര്‍ഫോര്‍ഡും മികച്ച പ്രകടനം പുറത്തെടുത്തു. 23 പന്തില്‍ 56 റണ്‍സെടുത്ത സഞ്ജു സാംസണാണ് ഇന്ത്യയുടെ ടോപ് സ്‌കോറര്‍. വെസ്റ്റ് ഇന്‍ഡീസിനു വേണ്ടി കീമോ പോള്‍ അഞ്ച് വിക്കറ്റ് വീഴ്ത്തി.
