Cooking Tips: ഇറച്ചി വേവിക്കുമ്പോൾ വരുത്തുന്ന ഈ തെറ്റുകൾ ആരോഗ്യത്തിന് അപകടം, ശരിയായ രീതി ഇതാ..
Cooking Meat the Right Way: പാചകത്തിന് മണിക്കൂറുകൾക്ക് മുൻപ് ഫ്രീസറിൽ നിന്ന് മാറ്റി ഫ്രിഡ്ജിലെ താഴത്തെ തട്ടിൽ വെക്കുകയോ സാധാരണ പച്ചവെള്ളത്തിൽ മുക്കിവെക്കുകയോ ചെയ്യുക. ഇറച്ചി ഒരിക്കലും അന്തരീക്ഷ താപനിലയിൽ ദീർഘനേരം വെച്ച് ഐസ് ഉരുക്കാൻ ശ്രമിക്കരുത്, ഇത് ബാക്ടീരിയകളുടെ വളർച്ചയ്ക്ക് വഴിമാറുന്നു. ചുരുക്കത്തിൽ, ശുചിത്വവും ശരിയായ പാചക രീതിയും പിന്തുടരുന്നത് വഴി മാംസ വിഭവങ്ങൾ രുചികരമാക്കാൻ മാത്രമല്ല, നമ്മുടെ ആരോഗ്യം സംരക്ഷിക്കാനും സാധിക്കും.
ഇറച്ചി കഴിക്കാൻ ഇഷ്ടമില്ലാത്തവർ ആരും ഉണ്ടാകില്ല. കറിയും പൊരിച്ചതും തുടങ്ങി പലതരം വ്യത്യസ്തമായ രീതിയിൽ ഇറച്ചി വെക്കാറുണ്ട്. എന്നാൽ ഇറച്ചിയുടെ രുചി നന്നായി ലഭിക്കണമെങ്കിൽ ശരിയായ രീതിയിൽ ഇത് വേവിക്കേണ്ടതുണ്ട്. ഇറച്ചി വേവിക്കുമ്പോൾ ശ്രദ്ധിക്കേണ്ട 4 കാര്യങ്ങൾ ഇവയാണ്. ഫ്രീസറിൽ തണുപ്പിച്ച ഇറച്ചി വാങ്ങുന്നതിനേക്കാളും ഫ്രഷായിട്ടുള്ള ഇറച്ചി വാങ്ങുന്നതാണ് നല്ലത്. കേടുവന്ന ഇറച്ചിയിൽ എത്ര മസാലയിട്ടാലും രുചി ലഭിക്കുകയില്ല. അതിനാൽ തന്നെ ഇറച്ചി വാങ്ങുമ്പോൾ ഇക്കാര്യം ശ്രദ്ധിക്കാം. (Image Credit source: Getty Images )
ഇറച്ചി ഫ്രിഡ്ജിൽ നിന്നും പുറത്തെടുക്കുമ്പോൾ ചില കാര്യങ്ങൾ ശ്രദ്ധിക്കണം. ഒരിക്കലും മസാല പുരട്ടാതെ ചിക്കൻ വേവിക്കരുത്. ഉപ്പുവെള്ളത്തിലും സുഗന്ധവ്യഞ്ജനങ്ങളിലും മുക്കിവയ്ക്കുക എന്നതാണ് ഇതിലൂടെ ഉദ്ദേശിക്കുന്നത്. ഇറച്ചി അമിതമായി വേവുന്നത് തടയാനും ഈർപ്പം നിലനിർത്താനും ഇത് സഹായിക്കുന്നു. അസമമായി മുറിച്ചെടുത്ത ഇറച്ചി നന്നായി വേവാതിരിക്കാനോ അല്ലെങ്കിൽ അമിതമായി വേവാനോ കാരണമാകുന്നു. പാചകം തുല്യമാകുന്നതിനും നല്ല രുചി ലഭിക്കാനും ഇറച്ചി തുല്യ കഷണങ്ങളായി മുറിക്കാൻ ശ്രദ്ധിക്കണം.
ഇറച്ചി പാകം ചെയ്യുമ്പോൾ, പാത്രം മൂടിവയ്ക്കേണ്ടത് പ്രധാനമാണ്. ഇത് മൂടി ആവിയിൽ മുങ്ങാനും ഈർപ്പം നിലനിർത്താൻ സഹായിക്കുകയും ചെയ്യുന്നു. ഇറച്ചി വരണ്ട് പോകുന്നത് ഒഴിവാക്കാനും ഇത് സഹായിക്കുന്നു. ഇറച്ചി വിഭവങ്ങൾ ഇഷ്ടപ്പെടാത്തവർ ചുരുക്കമായിരിക്കും. എന്നാൽ രുചികരമായ ഒരു മാംസ വിഭവം തയ്യാറാക്കുക എന്നത് അത്ര എളുപ്പമുള്ള കാര്യമല്ല. ഇറച്ചി ശരിയായ രീതിയിൽ തിരഞ്ഞെടുക്കുന്നതിലും പാകം ചെയ്യുന്നതിലും വരുത്തുന്ന പിഴവുകൾ രുചി കുറയ്ക്കുക മാത്രമല്ല, ഗുരുതരമായ ആരോഗ്യപ്രശ്നങ്ങൾക്കും ഭക്ഷ്യവിഷബാധയ്ക്കും കാരണമായേക്കാം.
മാംസത്തിൽ സാൽമൊണല്ല, ഇ-കോളി തുടങ്ങിയ ബാക്ടീരിയകൾ വളരാൻ സാധ്യത കൂടുതലാണ്. 5°C മുതൽ 60°C വരെയുള്ള താപനിലയിലാണ് ബാക്ടീരിയകൾ അതിവേഗം പെരുകുന്നത്. പാകം ചെയ്ത ഇറച്ചി ദീർഘനേരം പുറത്തുവെക്കുന്നത് ഒഴിവാക്കണം. പച്ച ഇറച്ചി മുറിക്കാൻ ഉപയോഗിച്ച കത്തിയും ബോർഡും വൃത്തിയാക്കാതെ മറ്റ് പച്ചക്കറികൾക്കോ ഭക്ഷണത്തിനോ ഉപയോഗിക്കുന്നത് ബാക്ടീരിയകൾ പകരാൻ കാരണമാകും. ഇറച്ചിയുടെ ഉൾഭാഗം കൃത്യമായി വെന്തിട്ടില്ലെങ്കിൽ അതിലെ രോഗാണുക്കൾ നശിക്കില്ല. പ്രത്യേകിച്ചും ചിക്കൻ, പോർക്ക് തുടങ്ങിയവ നന്നായി വേവിച്ചില്ലെങ്കിൽ അത് വയറുവേദന, ഛർദ്ദി, വയറിളക്കം എന്നിവയിലേക്ക് നയിക്കാം. എല്ലിനോട് ചേർന്ന ഭാഗങ്ങളിൽ രക്തത്തിന്റെ അംശം കാണുന്നുണ്ടെങ്കിൽ അത് ശരിയായി വെന്തിട്ടില്ല എന്നതിന്റെ ലക്ഷണമാണ്.
ഫ്രീസ് ചെയ്ത ഇറച്ചി നേരിട്ട് ചൂടുവെള്ളത്തിലിട്ട് ഉരുക്കുന്നതിന് പകരം, പാചകത്തിന് മണിക്കൂറുകൾക്ക് മുൻപ് ഫ്രീസറിൽ നിന്ന് മാറ്റി ഫ്രിഡ്ജിലെ താഴത്തെ തട്ടിൽ വെക്കുകയോ സാധാരണ പച്ചവെള്ളത്തിൽ മുക്കിവെക്കുകയോ ചെയ്യുക. ഇറച്ചി ഒരിക്കലും അന്തരീക്ഷ താപനിലയിൽ ദീർഘനേരം വെച്ച് ഐസ് ഉരുക്കാൻ ശ്രമിക്കരുത്, ഇത് ബാക്ടീരിയകളുടെ വളർച്ചയ്ക്ക് വഴിമാറുന്നു. ചുരുക്കത്തിൽ, ശുചിത്വവും ശരിയായ പാചക രീതിയും പിന്തുടരുന്നത് വഴി മാംസ വിഭവങ്ങൾ രുചികരമാക്കാൻ മാത്രമല്ല, നമ്മുടെ ആരോഗ്യം സംരക്ഷിക്കാനും സാധിക്കും.
