Kitchen tips: ഉരുളക്കിഴങ്ങ് ഫ്രിഡ്ജിൽ വയ്ക്കാമോ? ഇവയൊന്നും ഇങ്ങനെ സൂക്ഷിക്കരുതേ…
How to store potatoes in fridge: വിറ്റാമിൻ ബി, സി, പൊട്ടാസ്യം എന്നിവയാൽ സമ്പന്നമായ ഉരുളക്കിഴങ്ങ് രോഗപ്രതിരോധശേഷി വർദ്ധിപ്പിക്കാനും ഹൃദയാരോഗ്യം മെച്ചപ്പെടുത്താനും മികച്ചതാണ്. എന്നാൽ, ഇത് പാകം ചെയ്യുന്ന രീതിയിലോ സൂക്ഷിക്കുന്നതിലോ വരുത്തുന്ന ചില പിഴവുകൾ ഗുരുതരമായ ആരോഗ്യപ്രശ്നങ്ങൾക്ക് കാരണമായേക്കാം.
കേടാവാതിരിക്കാനായി നാം ഫ്രിഡ്ജിൽ സൂക്ഷിക്കുന്ന പലതും യഥാർത്ഥത്തിൽ ഇങ്ങനെ സൂക്ഷിക്കേണ്ടതല്ല എന്ന് നമ്മളിൽ പലർക്കും അറിവുണ്ടാകില്ല. അത്തരത്തിലുള്ളവയിൽ പ്രധാനമാണ് ഉരുളക്കിഴങ്ങ്. ഇത് പാകം ചെയ്യുന്ന രീതിയിലോ സൂക്ഷിക്കുന്നതിലോ വരുത്തുന്ന ചില പിഴവുകൾ ഗുരുതരമായ ആരോഗ്യപ്രശ്നങ്ങൾക്ക് കാരണമായേക്കാം.
ഉരുളക്കിഴങ്ങ് ഉയർന്ന ചൂടിൽ അമിതമായി വറുക്കുന്നത് ഒഴിവാക്കണം. വറുക്കുമ്പോൾ ഇതിൽ നിന്നും പുറത്തുവരുന്ന രാസവസ്തുക്കൾ ആരോഗ്യത്തിന് ഹാനികരമായ പ്രതിപ്രവർത്തനങ്ങൾക്ക് കാരണമാകും. അതിനാൽ തന്നെ ഡീപ്പ് ഫ്രൈ ചെയ്യുന്നതിനേക്കാൾ പുഴുങ്ങിയോ കറി വെച്ചോ ഉപയോഗിക്കുന്നതാണ് ഉത്തമം.
ബാക്കിവന്ന ഉരുളക്കിഴങ്ങ് വിഭവങ്ങൾ അധികദിവസം ഫ്രിഡ്ജിൽ സൂക്ഷിക്കുന്നത് ബാക്ടീരിയകളുടെയും അണുക്കളുടെയും വളർച്ചയ്ക്ക് കാരണമാകും. ഇത് ഭക്ഷ്യവിഷബാധയ്ക്ക് വരെ സാധ്യതയുണ്ടാക്കുന്നു. എപ്പോഴും ഫ്രഷ് ആയ ഉരുളക്കിഴങ്ങ് വാങ്ങി അപ്പപ്പോൾ തന്നെ പാകം ചെയ്ത് കഴിക്കാൻ ശ്രദ്ധിക്കുക.
പാകം ചെയ്യാത്ത ഉരുളക്കിഴങ്ങ് ഫ്രിഡ്ജിൽ സൂക്ഷിക്കുന്നത് ഗുണത്തേക്കാളേറെ ദോഷം ചെയ്യും. തണുത്ത അന്തരീക്ഷത്തിൽ ഉരുളക്കിഴങ്ങിലെ സ്റ്റാർച്ച് വേഗത്തിൽ പഞ്ചസാരയായി മാറും. ഇത് പാകം ചെയ്യുമ്പോൾ രുചി വ്യത്യാസത്തിനും ആരോഗ്യപ്രശ്നങ്ങൾക്കും കാരണമാകും.
നേരിട്ട് സൂര്യപ്രകാശം ഏൽക്കാത്ത, വായുസഞ്ചാരമുള്ള തണുപ്പുള്ള സ്ഥലത്താണ് ഉരുളക്കിഴങ്ങ് സൂക്ഷിക്കേണ്ടത്. ഈർപ്പം തട്ടാതെ നോക്കുന്നത് ഉരുളക്കിഴങ്ങ് പെട്ടെന്ന് ചീഞ്ഞുപോകാതിരിക്കാൻ സഹായിക്കും.
