India vs South Africa: ഇന്ത്യ – ദക്ഷിണാഫ്രിക്ക അവസാന ടി20 ഇന്ന്; സഞ്ജു ഇന്നും ടീമിലുണ്ടാവില്ലെന്ന് സൂചന
Shubman Gill To Play 5th T20: അഞ്ചാം ടി20യിൽ ശുഭ്മൻ ഗിൽ ടീമിൽ തിരികെയെത്തിയേക്കും. സഞ്ജു ഇന്ന് കളിക്കില്ലെന്നാണ് സൂചന.
ഇന്ത്യയും ദക്ഷിണാഫ്രിക്കയും തമ്മിലുള്ള അവസാന ടി20 മത്സരം ഇന്ന്. അഹ്മദാബാദിലെ നരേന്ദ്രമോദി സ്റ്റേഡിയത്തിൽ രാത്രി ഏഴ് മണിക്ക് മത്സരം ആരംഭിക്കും. നാല് മത്സരങ്ങൾ അവസാനിക്കുമ്പോൾ ഇന്ത്യ 2-1ന് മുന്നിലാണ്. ലഖ്നൗവിൽ തീരുമാനിച്ചിരുന്ന നാലാമത്തെ മത്സരം കടുത്ത മഞ്ഞ് മൂലം ഉപേക്ഷിച്ചിരുന്നു. (Image Credits- PTI)
ശുഭ്മൻ ഗില്ലും സൂര്യകുമാർ യാദവുമാണ് ഇന്ത്യയുടെ ഏറ്റവും വലിയ തലവേദനകൾ. ഇരുവരും ഫോം ഔട്ടാണ്. സൂര്യകുമാർ ടി20 റാങ്കിംഗിൽ 10ആം സ്ഥാനത്തേക്ക് വീണു. ശുഭ്മൻ ഗിൽ ആവട്ടെ തുടരെ നിരാശപ്പെടുത്തുന്നു. ഇന്ത്യയെ സംബന്ധിച്ച് ഇരുവരും ഫോമിലെത്തിയേ മതിയാവൂ.
കഴിഞ്ഞ കളി ഗില്ലിന് പകരം സഞ്ജു സാംസൺ ടീമിലെത്തേണ്ടതായിരുന്നു. എന്നാൽ, കളി ഉപേക്ഷിച്ചതിനാൽ സഞ്ജുവിൻ്റെ അവസരം നഷ്ടമായി. പരിക്ക് മാറിയ ശുഭ്മൻ ഗിൽ ഇന്ന് ടീമിൽ തിരികെയെത്തുമെന്നതിനാൽ സഞ്ജു ഇന്നും ടീമിലുണ്ടായേക്കില്ല. ഗിൽ തന്നെ ഇന്നിംഗ്സ് ഓപ്പൺ ചെയ്യും.
ലോകകപ്പ് ടീമിലേക്ക് അവകാശവാദമുന്നയിക്കാൻ സഞ്ജുവിന് ലഭിച്ച ഒരേയൊരു അവസരമായിരുന്നു ഇത്. ഇനി ന്യൂസീലൻഡ് പരമ്പരയിൽ ഒരു തരത്തിലുള്ള പരീക്ഷണങ്ങളും ഉണ്ടാവില്ല. അതുകൊണ്ട് തന്നെ സഞ്ജു ലോകകപ്പ് ടീമിൽ ഇടം നേടുമോ എന്ന് പോലും ഇപ്പോൾ സംശയമാണ്.
അഹ്മദാബാദ് സ്റ്റേഡിയത്തിൽ ശുഭ്മൻ ഗില്ലിന് തകർപ്പൻ റെക്കോർഡുകളാണ് ഉള്ളത്. 20 ഐപിഎൽ മത്സരങ്ങളിൽ നിന്ന് 52 ശരാശരിയും 162 സ്ട്രൈക്ക് റേറ്റും ഉൾപ്പെടെ 1024 റൺസാണ് താരം നേടിയത്. മൂന്ന് സെഞ്ചുറിയും നാല് ഫിഫ്റ്റിയും താരത്തിനുണ്ട്.
