IPL 2025: ഹൈ ഇന്വെസ്റ്റ്മെന്റ്, ലോ റിട്ടേണ് ! മോശം ബാറ്റിങ് പ്രകടനത്തിനിടെ ഋഷഭ് പന്തിന് അടുത്ത ‘പണി’
Rishabh Pant fined: പന്തിന്റെ പ്രകടനത്തില് ആരാധകര് കടുത്ത അതൃപ്തിയിലാണ്. 'ഹൈ ഇന്വെസ്റ്റ്മെന്റ്, ലോ റിട്ടേണ്' എന്നാണ് സമൂഹമാധ്യമങ്ങളിലെ പരിഹാസം. 27 കോടി രൂപയ്ക്കാണ് ലഖ്നൗ പന്തിനെ സ്വന്തമാക്കിയത്
കഴിഞ്ഞ ദിവസം മുംബൈയ്ക്കെതിരെ നടന്ന മത്സരത്തില് വിജയിച്ചെങ്കിലും ക്യാപ്റ്റന് ഋഷഭ് പന്തിന്റെ മങ്ങിയ പ്രകടനം ലഖ്നൗ സൂപ്പര് ജയന്റ്സിന് തലവേദനയാകുന്നു. മുംബൈയ്ക്കെതിരെ ആറു പന്തില് രണ്ട് റണ്സ് മാത്രമാണ് പന്ത് നേടിയത് (Image Credits: PTI)
പഞ്ചാബ് കിങ്സിനെതിരെ മത്സരത്തില് പന്ത് നേടിയത് അഞ്ച് പന്തില് രണ്ട് റണ്സ് മാത്രം. സണ്റൈസേഴ്സിനെതിരെ നേടിയത് 15 പന്തില് 15 റണ്സ്.
മുന്ടീമായ ഡല്ഹി ക്യാപിറ്റല്സിനെതിരെ നടന്ന ആദ്യ മത്സരത്തില് പൂജ്യത്തിന് പുറത്തായി. ആറു പന്ത് നേരിട്ടെങ്കിലും താരത്തിന് ആ മത്സരത്തില് ഒരു റണ്സ് പോലും എടുക്കാന് സാധിച്ചില്ല. ഇതുവരെ നാല് മത്സരങ്ങളില് നിന്ന് വെറും 19 റണ്സാണ് പന്ത് നേടിയത്. ഇതില് രണ്ടക്കം കടക്കാന് സാധിച്ചത് ഒരു മത്സരത്തില് മാത്രം.
പന്തിന്റെ മോശം പ്രകടനത്തില് ആരാധകര് കടുത്ത അതൃപ്തിയിലാണ്. 'ഹൈ ഇന്വെസ്റ്റ്മെന്റ്, ലോ റിട്ടേണ്' എന്നാണ് സമൂഹമാധ്യമങ്ങളിലെ പരിഹാസം. 27 കോടി രൂപയ്ക്കാണ് ലഖ്നൗ പന്തിനെ സ്വന്തമാക്കിയത്.
അതിനിടെ, മുംബൈയ്ക്കെതിരെ നടന്ന മത്സരത്തില് താരത്തിന് 12 ലക്ഷം രൂപ പിഴശിക്ഷയും ലഭിച്ചു. കുറഞ്ഞ ഓവര് റേറ്റിന്റെ പേരിലാണ് നടപടി
