Karthika Vilaku 2026: മഹിഷാസുര വധം മുതൽ ശിവന്റെ വിജയം വരെ ; തൃക്കാർത്തികയ്ക്കു പിന്നിലെ കഥകൾ
Karthika Vilaku 2026 Stories:കാർത്തിക നക്ഷത്രം ദേവിയുടെ ജന്മദിനമായാണ് കണക്കാക്കപ്പെടുന്നത്. ഇന്നേ ദിവസം മഹാലക്ഷ്മിയുടെ പ്രീതിക്കുവേണ്ടി വീടും പരിസരവും ദീപങ്ങളാൽ അലങ്കരിക്കുന്നു.അത്തരത്തിൽ ഈ വർഷത്തെ തൃക്കാർത്തിക വരുന്നത് നവംബർ 24 ചൊവ്വാഴ്ചയാണ്. ദേവി പ്രീതിക്ക് വളരെ വിശേഷപ്പെട്ട ദിവസമാണ് തൃക്കാർത്തിക. തൃക്കാർത്തികമായി ബന്ധപ്പെട്ട നിരവധി ഐതിഹ്യങ്ങളും നിലനിൽക്കുന്നു.മഹിഷാസുര നിഗ്രഹം കഴിഞ്ഞ് വിജയശ്രീലാളിതയായി വരുന്ന ദേവിയെ സ്തുതിക്കുന്ന ചടങ്ങാണ് തൃക്കാർത്തിക എന്ന് ദേവി പുരാണത്തിൽ പരാമർശിക്കുന്നു.........
കേരളത്തിൽ പ്രധാനമായും ദേവീക്ഷേത്രങ്ങളിൽ ആഘോഷിക്കുന്ന ഒരു പ്രധാനപ്പെട്ട ഉത്സവമാണ് തൃക്കാർത്തിക. വൃശ്ചിക മാസത്തിലെ കാർത്തിക നക്ഷത്രം ദേവിയുടെ ജന്മദിനമായാണ് കണക്കാക്കപ്പെടുന്നത്. ഇന്നേ ദിവസം മഹാലക്ഷ്മിയുടെ പ്രീതിക്കുവേണ്ടി വീടും പരിസരവും ദീപങ്ങളാൽ അലങ്കരിക്കുന്നു.(IMAGE CREDIT SOURCE: TV9 NETWORK)
അത്തരത്തിൽ ഈ വർഷത്തെ തൃക്കാർത്തിക വരുന്നത് നവംബർ 24 ചൊവ്വാഴ്ചയാണ്. ദേവി പ്രീതിക്ക് വളരെ വിശേഷപ്പെട്ട ദിവസമാണ് തൃക്കാർത്തിക. തൃക്കാർത്തികമായി ബന്ധപ്പെട്ട നിരവധി ഐതിഹ്യങ്ങളും നിലനിൽക്കുന്നു.
മഹിഷാസുര നിഗ്രഹം കഴിഞ്ഞ് വിജയശ്രീലാളിതയായി വരുന്ന ദേവിയെ സ്തുതിക്കുന്ന ചടങ്ങാണ് തൃക്കാർത്തിക എന്ന് ദേവി പുരാണത്തിൽ പരാമർശിക്കുന്നു. കൂടാതെ ത്രിപുരന്മാരെ നിഗ്രഹിച്ചിരുന്ന മഹാദേവനെ ദേവി ദീപങ്ങൾ തെളിയിച്ച സ്വീകരിച്ചതിന്റെ സ്മരണക്കാണ് ഈ ഉത്സവം കൊണ്ടാടുന്നതെന്ന് മറ്റൊരു വിശ്വാസവും നിലനിൽക്കുന്നു.
ഇതിന് പുറമേ യശോദയയുടെ പുത്രിയായി അവതരിച്ച മായാദേവിയുടെയും ലക്ഷ്മി ദേവിയുടെയും തുളസി ദേവിയുടെയും ജന്മനാളായും തൃക്കാർത്തിക ആചരിക്കപ്പെടുന്നു. എന്നാൽ തമിഴ്നാട്ടിൽ സുബ്രഹ്മണ്യസ്വാമിയുടെ പ്രീതിക്കായാണ് തൃക്കാർത്തിക ആഘോഷിക്കുന്നത്.
കുടുംബത്തിന്റെ ഐശ്വര്യത്തിനും അഭിവൃദ്ധിയ്ക്കും വേണ്ടിയാണ് നമ്മൾ തൃക്കാർത്തിക വ്രതം അനുഷ്ഠിക്കേണ്ടത്. അന്നേ ദിവസം സസ്യാഹാരം മാത്രം കഴിക്കുകയും വീടും പരിസരവും വൃത്തിയായി സൂക്ഷിക്കുകയും വേണം. മാത്രമല്ല പകൽ ഉറങ്ങുന്നതും ഒഴിവാക്കാനായി പ്രത്യേകം ശ്രദ്ധിക്കുക.
