Shoranur Train Derail: ട്രെയിൻ പാളം തെറ്റി; സർവീസുകൾ വൈകുന്നു
Goods Train Derails in Shoranur, Railway Updates: ഷൊർണൂർ റെയിൽവേ സ്റ്റേഷന് സമീപം ഗുഡ്സ് ട്രെയിന്‍ പാളം തെറ്റി. കൊച്ചിൻ പാലത്തിന് അടുത്തുവച്ചാണ് ട്രെയിൻ പാളം തെറ്റിയത്. സംഭവത്തെ തുടർന്ന് ഈ റൂട്ടിലെ ട്രെയിൻ ഗതാഗതം തടസ്സപ്പെട്ട നിലയിലാണ്. ഈ വഴിയുള്ള ട്രെയിൻ ഗതാഗതത്തിൽ കടുത്ത നിയന്ത്രണങ്ങളാണ് ഏർപ്പെടുത്തിയിരിക്കുന്നത്. ഇതുമൂലം സർവീസുകൾക്ക് കാലതാമസവും ഉണ്ടാകുന്നു.
ഷോർണൂർ : ഷൊർണൂർ റെയിൽവേ സ്റ്റേഷന് സമീപം ഗുഡ്സ് ട്രെയിന്‍ പാളം തെറ്റി. കൊച്ചിൻ പാലത്തിന് അടുത്തുവച്ചാണ് ട്രെയിൻ പാളം തെറ്റിയത്. സംഭവത്തെ തുടർന്ന് ഈ റൂട്ടിലെ ട്രെയിൻ ഗതാഗതം തടസ്സപ്പെട്ട നിലയിലാണ്. ഈ വഴിയുള്ള ട്രെയിൻ ഗതാഗതത്തിൽ കടുത്ത നിയന്ത്രണങ്ങളാണ് ഏർപ്പെടുത്തിയിരിക്കുന്നത്. ഇതുമൂലം സർവീസുകൾക്ക് കാലതാമസവും ഉണ്ടാകുന്നു. പളം തെറ്റിയ ഗുഡ്സ് ട്രെയിനിന്റെ പുറകുവശം നിലവിൽ ഷോർണൂർ റെയിൽവേ സ്റ്റേഷനിലെ ഏഴാം നമ്പർ പ്ലാറ്റ്ഫോമിൽ ആണ് കിടക്കുന്നത്. പ്രധാന റെയിൽവേ ലൈനിൽ ഉണ്ടായ ഈ തടസ്സം മൂലം തൃശൂർ ഭാഗത്തുനിന്ന് വരുന്ന ട്രെയിനുകൾ ഉൾപ്പെടെ വള്ളത്തോൾ നഗർ ഭാഗത്ത് പിടിച്ചിട്ടിരിക്കുന്ന സ്ഥിതിയാണ്.
സംഭവത്തെ തുടർന്ന് റെയിൽവേ സാങ്കേതിക വിദഗ്ധരും ഉന്നത ഉദ്യോഗസ്ഥരും സ്ഥലത്തെത്തിയിട്ടുണ്ട്. പാളം തെറ്റിയ ബോഗികൾ എത്രയും വേഗം നീക്കം ചെയ്ത് ഗതാഗതം പഴയ രീതിയിൽ ആക്കാനുള്ള ശ്രമങ്ങൾ ധൃതഗതിയിൽ പുരോഗമിക്കുകയാണ്. പ്രധാന റെയിൽവേ ലൈന് ആയതിനാൽ ഇതുവഴി കടന്നു പോകേണ്ട മറ്റ് പാസഞ്ചർ എക്സ്പ്രസ് ട്രെയിൻ സർവീസുകളും വൈകുകയാണ്.
Also Read: ജുവനൈൽ കേസിലെ പ്രായപരിധി 18 ൽ നിന്നും 16 ആക്കുന്നത് പരിഗണിക്കണം; സുപ്രധാന നിർദേശവുമായി ഹൈക്കോടതി
ഗുഡ് ട്രെയിനിന്റെ ഗാർഡ് ഇരിക്കുന്ന ക്യാബിന് തൊട്ടു മുൻപിൽ ആയുള്ള ബോഗിയാണ് പാളം തെറ്റിയത്. പളത്തിൽ നിന്ന് തെന്നി മാറിയെങ്കിലും ബോഗി പൂർണമായും മറിഞ്ഞിരുന്നില്ല. തുടർന്ന് ഈ ബോഗി ഉയർത്താനുള്ള ശ്രമങ്ങൾ ആരംഭിച്ചു.
കേരളത്തിലെ ഏറ്റവും തിരക്കേറിയ ജംഗ്ഷനുകളിൽ ഒന്നാണ് ഷൊർണൂർ. പ്രധാന സർവീസുകൾ ഉൾപ്പെടെ നിരവധി ട്രെയിനുകളാണ് ഇതുവഴി കടന്നുപോകുന്നത്. ആഴ്ച അവസാനമായതുകൊണ്ടുതന്നെ സാധാരണ യാത്രക്കാർ കൂടുതലായും ഈ വഴിയുള്ള ട്രെയിനുകളിൽ ഉണ്ടാകും. അപ്രതീക്ഷിതമായി ഉണ്ടായ സംഭവത്തിൽ ട്രെയിൻ ഗതാഗതം തടസ്സപ്പെടുകയും സർവീസുകൾ വൈകുകയും ചെയ്ത സാഹചര്യത്തിൽ യാത്രക്കാർ ഏറെ ബുദ്ധിമുട്ടിലാകും. ഗതാഗതം പൂർവസ്ഥിതിയിൽ ആക്കിയാൽ പോലും സർവീസുകൾ സാധാരണഗതിയിലേക്ക് എത്താൻ സമയമെടുക്കും. എന്താണ് ഗുഡ്സ് ട്രെയിനിൻ്റെ പാളം തെറ്റാനുണ്ടായ കാരണം എന്ന് സംബന്ധിച്ച് വിവരങ്ങൾ പുറത്ത് വന്നിരുന്നില്ല. ഒരു പക്ഷേ മറ്റ് ട്രെയിനുകൾ അടുത്ത ട്രാക്കിലൂടെ കടന്ന് പോകുന്ന സമയത്താണ് ഈ അപകടം ഉണ്ടായതെങ്കിൽ വലിയ പ്രശ്നങ്ങൾക്ക് വഴിവയ്ക്കുമായിരുന്നു.
English Summary
A goods train has derailed near the Shoranur railway station, specifically in the vicinity of the Cochin Bridge. As a result, train traffic on this route has been disrupted. Strict restrictions have been imposed on train movements in this area, leading to delays in services.
